അപ്പീയൻ പാത
വിയാ ആപ്പിയ എന്നും അറിയപ്പെട്ടിരുന്ന അപ്പീയൻ പാതയുടെ ഒരു ഭാഗമാണ്‌ ഈ ചിത്രത്തിലുള്ളത്‌. അത്‌ ഇപ്പോഴും ഇറ്റലിയിൽ കാണാം. ഈ പാതയെക്കുറിച്ച്‌ ബൈബിളിൽ നേരിട്ടൊന്നും പറഞ്ഞിട്ടില്ലെങ്കിലും പൗലോസ്‌ റോമിലേക്കു പോയത്‌ ഈ വഴിയിലൂടെ ആയിരിക്കാം. ബി.സി. 312-ലാണ്‌ ഈ പാതയുടെ ആദ്യഭാഗം പണിതത്‌. എന്നാൽ ഏതാണ്ട്‌ ബി.സി. 244 ആയപ്പോഴേക്കും അപ്പീയൻ പാത റോം മുതൽ ബ്രൺഡീസിയം വരെ നീളുന്ന ഒരു പാതയായിത്തീർന്നു. (ഭൂപടം കാണുക.) റോമിൽനിന്നുള്ള സഹോദരന്മാർ പൗലോസിനെ സ്വീകരിക്കാൻ തെക്കോട്ടു യാത്ര ചെയ്‌ത്‌ ത്രിസത്രം വരെയും അപ്യയിലെ ചന്തസ്ഥലം വരെയും വന്നതായി നമ്മൾ വായിക്കുന്നു. ഇവ രണ്ടും സ്ഥിതി ചെയ്‌തിരുന്നത്‌ അപ്പീയൻ പാതയോടു ചേർന്നാണ്‌. (പ്രവൃ 28:15) റോമിൽനിന്ന്‌ ഏതാണ്ട്‌ 64 കി.മീ. അകലെയായിരുന്നു അപ്യയിലെ ചന്തസ്ഥലം. ത്രിസത്രമാകട്ടെ റോമിൽനിന്ന്‌ ഏതാണ്ട്‌ 48 കി.മീ. ദൂരെയും.
1. റോം
2. ത്രിസത്രം
3. അപ്യയിലെ ചന്തസ്ഥലം
4. അപ്പീയൻ പാത
5. ബ്രൺഡീസിയം (ഇപ്പോൾ ബ്രിൻഡീസി എന്ന്‌ അറിയപ്പെടുന്നു)
ബന്ധപ്പെട്ട തിരുവെഴുത്ത്‌: