യോഹന്നാന്റെ സുവിശേഷം—ചില പ്രധാനസംഭവങ്ങൾ
സാധിക്കുന്നിടത്തോളം, സംഭവങ്ങൾ അവ നടന്ന ക്രമത്തിൽത്തന്നെയാണു കൊടുത്തിരിക്കുന്നത്‌
ഓരോ സുവിശേഷത്തിന്റെയും ഭൂപടത്തിൽ അടയാളപ്പെടുത്തിയിരിക്കുന്നതു വ്യത്യസ്‌തമായ സംഭവപരമ്പരകളാണ്‌
1. യോർദാന്‌ അക്കരെയുള്ള ബഥാന്യക്ക്‌ അടുത്തുവെച്ച്‌ യോഹന്നാൻ യേശുവിനെ “ദൈവത്തിന്റെ കുഞ്ഞാട്‌” എന്നു വിളിക്കുന്നു (യോഹ 1:29)
2. ഗലീലയിലെ കാനായിൽ യേശുവിന്റെ ആദ്യത്തെ അത്ഭുതം (യോഹ 2:3, 7-9, 11)
3. യേശുവിന്റെ ആദ്യത്തെ ദേവാലയശുദ്ധീകരണം (യോഹ 2:13-15)
4. യേശു യഹൂദ്യയിലെ നാട്ടിൻപുറത്തേക്കു പോകുന്നു; യേശുവിന്റെ ശിഷ്യന്മാർ ആളുകളെ സ്‌നാനപ്പെടുത്തുന്നു; ഐനോനിൽവെച്ച്‌ യോഹന്നാൻ സ്‌നാനപ്പെടുത്തുന്നു (യോഹ 3:22, 23)
5. സുഖാറിലെ യാക്കോബിന്റെ കിണറിന്‌ അടുത്തുവെച്ച്‌ യേശു ഒരു ശമര്യക്കാരിയോടു സംസാരിക്കുന്നു (യോഹ 4:4-7, 14, 19, 20)
6. അകലെയായിരുന്നിട്ടും യേശു ഒരു ഉദ്യോഗസ്ഥന്റെ മകനെ സുഖപ്പെടുത്തുന്നു, ഗലീലയിലെ കാനായിൽവെച്ച്‌ യേശു കാണിച്ച രണ്ടാമത്തെ അടയാളമായിരുന്നു ഇത്‌ (യോഹ 4:46, 47, 50-54)
7. യരുശലേമിലെ ബേത്‌സഥ കുളത്തിന്‌ അടുത്തുവെച്ച്‌ യേശു ഒരു രോഗിയെ സുഖപ്പെടുത്തുന്നു (യോഹ 5:2-5, 8, 9)
8. ഗലീലക്കടലിന്റെ വടക്കുകിഴക്കൻ ഭാഗം; 5,000-ത്തോളം പുരുഷന്മാരെ അത്ഭുതകരമായി പോഷിപ്പിച്ച യേശുവിനെ ആളുകൾ രാജാവാക്കാൻ നോക്കുന്നു (മത്ത 14:19-21; യോഹ 6:10, 14, 15)
9. കഫർന്നഹൂമിലെ ഒരു സിനഗോഗിൽവെച്ച്‌ താൻ “ജീവന്റെ അപ്പം” ആണെന്നു യേശു പറയുന്നു; പലർക്കും അത്‌ ഇഷ്ടമായില്ല (യോഹ 6:48, 54, 59, 66)
10. ശിലോഹാം കുളത്തിന്‌ അടുത്തുവെച്ച്‌ യേശു ജന്മനാ അന്ധനായ ഒരാളെ സുഖപ്പെടുത്തുന്നു (യോഹ 9:1-3, 6, 7)
11. ദേവാലയത്തിലെ ശലോമോന്റെ മണ്ഡപത്തിൽവെച്ച്‌ ജൂതന്മാർ യേശുവിനെ കല്ല്‌ എറിയാൻ നോക്കുന്നു (യോഹ 10:22, 23, 31)
12. ജൂതന്മാർ പിടിക്കാൻ ശ്രമിച്ചപ്പോൾ യേശു, യോഹന്നാൻ ആദ്യം സ്‌നാനപ്പെടുത്തിക്കൊണ്ടിരുന്ന സ്ഥലത്തേക്കു പോകുന്നു; യോർദാന്‌ അക്കരെയുള്ള പലരും യേശുവിൽ വിശ്വസിക്കുന്നു (യോഹ 10:39-42)
13. ബഥാന്യയിൽവെച്ച്‌ യേശു ലാസറിനെ ഉയിർപ്പിക്കുന്നു (യോഹ 11:38, 39, 43, 44)
14. യരുശലേമിലെ ജൂതന്മാർ തന്നെ കൊല്ലാൻ ഗൂഢാലോചന തുടങ്ങിയപ്പോൾ യേശു വിജനഭൂമിക്ക്‌ അരികെയുള്ള എഫ്രയീം നഗരത്തിലേക്കു പോകുന്നു (യോഹ 11:53, 54)
15. യേശു കഴുതപ്പുറത്തേറി ബേത്ത്‌ഫാഗയിൽനിന്ന്‌ വരുന്നു, വിജയശ്രീലാളിതനായി യരുശലേമിൽ പ്രവേശിക്കുന്നു (മത്ത 21:1, 7-10; മർ 11:1, 7-11; ലൂക്ക 19:29, 30, 35, 37, 38; യോഹ 12:12-15)
16. യേശു ശിഷ്യന്മാരോടൊപ്പം കിദ്രോൻ താഴ്വര കടന്ന്‌ ഗത്ത്‌ശെമനയിലേക്കു പോകുന്നു (മത്ത 26:30; മർ 14:26; ലൂക്ക 22:39; യോഹ 18:1)
17. ഗത്ത്‌ശെമന തോട്ടത്തിൽവെച്ച്‌ യൂദാസ്‌ യേശുവിനെ ഒറ്റിക്കൊടുക്കുന്നു; യേശുവിനെ അറസ്റ്റ്‌ ചെയ്യുന്നു (മത്ത 26:47-50; മർ 14:43-46; ലൂക്ക 22:47, 48, 54; യോഹ 18:2, 3, 12)
18. ഗവർണറുടെ കൊട്ടാരത്തിൽവെച്ച്‌ യേശുവിനെ ചാട്ടയ്‌ക്ക്‌ അടിപ്പിക്കുന്നു, കളിയാക്കുന്നു (മത്ത 27:26-29; മർ 15:15-20; യോഹ 19:1-3)
19. ഗൊൽഗോഥയിൽവെച്ച്‌ യേശുവിനെ സ്‌തംഭത്തിൽ തറയ്‌ക്കുന്നു (മത്ത 27:33-36; മർ 15:22-25; ലൂക്ക 23:33; യോഹ 19:17, 18)
20. പുനരുത്ഥാനപ്പെട്ട യേശു കല്ലറയ്‌ക്ക്‌ അടുത്തുള്ള തോട്ടത്തിൽവെച്ച്‌ മഗ്‌ദലക്കാരി മറിയയ്‌ക്കു പ്രത്യക്ഷപ്പെടുന്നു (മത്ത 28:1, 5, 6, 8, 9; യോഹ 20:11, 12, 15-17)
21. ഗലീലക്കടൽത്തീരത്തുവെച്ച്‌ യേശു ശിഷ്യന്മാർക്കു പ്രത്യക്ഷനാകുന്നു; താൻ യേശുവിനെ സ്‌നേഹിക്കുന്നെന്നു പത്രോസ്‌ ഉറപ്പു കൊടുക്കുന്നു (യോഹ 21:12-15)