ചെറു​പ്പ​ക്കാർ ചോദി​ക്കു​ന്നു . . .

എനിക്ക്‌ എന്റെ അദ്ധ്യാ​പ​ക​നു​മാ​യി പൊരു​ത്ത​പ്പെ​ട്ടു​പോ​കാൻ കഴിയു​ന്ന​തെ​ങ്ങനെ?

ഒരു നല്ല അദ്ധ്യാ​പ​കന്‌ നിങ്ങളിൽ സ്ഥിതി​ചെ​യ്യു​ന്ന​തും, അതേസ​മയം നിങ്ങൾ തിരി​ച്ച​റി​യാ​ത്ത​തു​മായ പ്രാപ്‌തി​യോ വൈദ​ഗ്‌ധ്യ​മോ കണ്ടെത്തു​ന്ന​തി​നും വികസി​പ്പി​ക്കു​ന്ന​തി​നും നിങ്ങ​ളോ​ടാ​വ​ശ്യ​പ്പെ​ടാൻ കഴിയും; അദ്ദേഹ​ത്തിന്‌ ഒരു മാർഗ്ഗ​ദർശ​ക​നാ​യി​രി​ക്കാൻ കഴിയും, നിങ്ങളെ മനസ്സി​ലാ​ക്കു​ക​യും നിങ്ങൾക്കു​വേണ്ടി യഥാർത്ഥ​ത്തിൽ ശ്രേഷ്‌ഠ​മാ​യത്‌ അഭലഷി​ക്കു​ക​യും ചെയ്യുന്ന ഒരു സുഹൃ​ത്തു​പോ​ലും ആയിരി​ക്കാൻ കഴിയും” എന്ന്‌ ഒരദ്ധ്യാ​പി​ക​യായ ബാർബരാ മേയർ പറയുന്നു.

മറിച്ച്‌, ഒരദ്ധ്യാ​പ​കന്‌, എഴുത്തു​കാ​ര​നാ​യി​രി​ക്കുന്ന തിയോ​ഡോർ ക്ലാർക്ക്‌ വിളി​ക്കു​ന്ന​പ്ര​കാ​രം “ഭീതി​യു​ടെ​യും മനസ്‌താ​പ​ത്തി​ന്റെ​യും ഒരു കാരണ”വുമാ​യി​രി​ക്കാൻ കഴിയും. ക്ലാർക്ക്‌ വിവരി​ക്കു​ന്നു: “സ്‌കൂൾ അദ്ധ്യാ​പകർ വളരെ സാമർത്ഥ്യ​മേ​റി​യ​വ​രാണ്‌. അവർക്ക്‌ വിദ്യാർത്ഥി​കളെ നിലക്ക്‌ നിർത്തു​ന്ന​തി​നും അവരെ വിഷമ​ത്തി​ലാ​ക്കു​ന്ന​തി​നും അവരെ അവമാ​നി​ക്കു​ന്ന​തി​നും ഇഷ്ടമു​ള്ള​പ്പോൾ ഉൽക്കണ്‌ഠ ഉളവാ​ക്കു​ന്ന​തി​നും കഴിയും.” സന്ദർഭ​വ​ശാൽ, മിക്കവാ​റും അദ്ധ്യാ​പകർ അവരുടെ വിദ്യാർത്ഥി​ക​ളോട്‌ യഥാർത്ഥ താല്‌പ​ര്യ​മു​ള്ള​വ​രും സാമാ​ന്യം നീതി​യു​ള്ള​വ​രു​മാണ്‌. എന്നിരു​ന്നാ​ലും, ചില​പ്പോൾ പരുഷ​രോ വിവേ​ച​ന​യി​ല്ലാ​ത്ത​വ​രോ നീതി​യി​ല്ലാ​ത്ത​വ​രോ അയിരി​ക്കുന്ന ചുരുക്കം ചില അദ്ധ്യാ​പകർ ഉണ്ടുതാ​നും. അത്തരക്കാർക്ക്‌ നിങ്ങളു​ടെ ജീവിതം ക്ലേശഭൂ​യി​ഷ്‌ഠ​മാ​ക്കു​ന്ന​തി​നു കഴിയും.

അദ്ധ്യാ​പ​ക​രു​ടെ ക്ലാസ്സ്‌മു​റി​യി​ലെ പെരു​മാ​റ്റത്തെ ബാധി​ക്കാൻ കഴിയുന്ന അനുപ​മ​മായ സമ്മർദ്ദ​ങ്ങ​ളോ പ്രശ്‌ന​ങ്ങ​ളോ അവർ ചില​പ്പോൾ അഭിമു​ഖീ​ക​രി​ക്കു​ന്നു​വെ​ന്നത്‌ വിലമ​തി​ക്കാൻ ഒരു മുൻലേ​ഖനം നമ്മേ സഹായി​ക്കു​ക​യു​ണ്ടാ​യി.a എന്നാൽ ഒരദ്ധ്യാ​പകൻ നിങ്ങളെ പരിഹ​സി​ക്കു​ന്ന​തി​നോ അല്ലെങ്കിൽ നിങ്ങൾ വിചാ​രി​ക്കു​ന്ന​ത​നു​സ​രിച്ച്‌ അർഹത​യി​ല്ലാത്ത താഴ്‌ന്ന സ്ഥാനങ്ങൾ നൽകു​ന്ന​തി​നോ നിങ്ങളെ വീണ്ടും വീണ്ടും ഒറ്റ​പ്പെ​ടു​ത്തു​ന്ന​താ​യി തോന്നു​ന്നു​വെ​ങ്കി​ലെന്ത്‌?

ക്ലാസ്സിൽ സുവർണ്ണ​നി​യ​മം

കൗമാ​ര​പ്രാ​യ​ക്കാ​രു​ടെ ലഘുകു​ടും​ബ​ഗ്രൻഥം ഇങ്ങനെ പറയുന്നു: “തങ്ങളുടെ പെരു​മാ​റ്റ​ത്തി​ലൂ​ടെ അദ്ധ്യാ​പ​ക​രു​ടെ ആശയങ്ങളെ കൊച്ചാ​ക്കുന്ന വിദ്യാർത്ഥി​കൾ . . . പലപ്പോ​ഴും തിര്യെ കൊച്ചാ​ക്ക​പ്പെ​ടു​ന്നു.” അതെ, ശത്രു​ത​യുള്ള ഒരദ്ധ്യാ​പകൻ തന്റെ വിദ്യാർത്ഥി​ക​ളാൽ അടിക്കടി മാതൃ​കാ​യോ​ഗ്യ​നാ​യി​ത്തീ​രു​ന്നു!

ക്ലാസ്സ്‌മു​റി​യി​ലെ ക്രൂര​മായ കുസൃ​തി​ത്ത​ര​ങ്ങ​ളു​ടെ പരിണ​ത​ഫ​ല​ങ്ങ​ളെ​ക്കു​റിച്ച്‌ ചിന്തി​ക്കുക. ഞങ്ങളെ ശ്രദ്ധിക്കു! എന്ന പുസ്‌തകം ചില​പ്പോൾ പകരക്കാ​രാ​യി വരുന്ന അദ്ധ്യാ​പ​കർക്ക്‌ നൽകുന്ന ക്രൂര​വും അസാധാ​ര​ണ​വു​മായ ദണ്ഡന​ത്തെ​ക്കു​റിച്ച്‌ പറയുന്നു. അത്‌ വിദ്യാർത്ഥി​കൾക്ക്‌ എത്രമാ​ത്രം നിർദ്ദ​യ​രാ​യി​രി​ക്കാൻ കഴിയും എന്നതിന്റെ ഒരു ദൃശ്യം നൽകുന്നു. “(പകരക്കാർ) അനുഭ​വി​ക്കേ​ണ്ടി​വ​രു​ന്ന​തെ​ന്താ​ണെന്ന്‌ നിങ്ങൾക്ക​റി​യാ​മോ?” എന്ന്‌ 13 വയസ്സുള്ള വാലറി ചോദി​ക്കു​ന്നു. തന്റെ സ്വന്തം ചോദ്യ​ത്തിന്‌ ഉത്തരം നൽകി​ക്കൊണ്ട്‌ കുട്ടികൾ ഇക്കാലത്ത്‌ പകരം വരുന്ന അദ്ധ്യാ​പ​കർക്ക്‌ നൽകുന്ന “പീഡന​ത്തെ​യും ദണ്ഡന​ത്തെ​യും”കുറിച്ച്‌ സംസാ​രി​ക്കു​ന്നു.

വാലറി അല്‌പം വലിപ്പ​പ്പെ​ടു​ത്തി​യാണ്‌ പറയു​ന്നത്‌, റോളണ്ട്‌ ബെറ്റ്‌സ്‌ പറയുന്നു: “പകരക്കാ​രെ അവരുടെ ക്ലാസ്സിലെ കുട്ടികൾ കരുണ​യി​ല്ലാ​തെ ശല്യ​പ്പെ​ടു​ത്തി ഓടി​ക്കു​ന്നു. പലപ്പോ​ഴും ദ്രേഹി​ക്കു​ക​യോ തകർക്കു​ക​യോ ചെയ്യുന്ന ഘട്ടം വരെ മുന്നേ​റു​ന്നു.” അവർക്ക്‌ അതിൽനിന്ന്‌ രക്ഷപെ​ടാ​മെ​ന്നു​ള്ളത്‌ സ്‌പഷ്ട​മാണ്‌. വിദ്യാർത്ഥി​കൾ പ്രാകൃ​ത​മാ​യി പെട്ടെന്ന്‌ ആക്രമി​ക്കു​ന്ന​തിൽ—എല്ലാവ​രും​കൂ​ടെ തങ്ങളുടെ പുസ്‌ത​ക​ങ്ങ​ളോ പെൻസി​ലു​ക​ളോ ഒന്നിച്ച്‌ തറയി​ലേ​ക്കി​ടു​ന്ന​തിൽ—സന്തോ​ഷി​ക്കു​ന്നു. അല്ലെങ്കിൽ അദ്ധ്യാ​പകൻ പറയുന്ന ഒരു വാക്ക്‌ തങ്ങൾക്ക്‌ മനസ്സി​ലാ​കു​ന്നി​ല്ലെന്ന്‌ നടിച്ചു​കൊ​ണ്ടോ മൂകാ​ഭി​ന​യ​ത്തി​ലൂ​ടെ​യോ അവർ തങ്ങളുടെ അദ്ധ്യാ​പ​കരെ മോഹ​ഭം​ഗ​ത്തി​ലാ​ഴ്‌ത്താൻ ശ്രമി​ച്ചേ​ക്കാം. “ഞങ്ങൾ രസത്തി​നു​വേണ്ടി അട്ടിമറി നടത്തുന്നു,” എന്ന്‌ യുവാ​വായ ബോബി വിവരി​ക്കു​ന്നു.

എന്നാൽ, നിങ്ങൾ ക്ലാസ്സ്‌റൂ​മി​ലെ ക്രൂരത വിതയ്‌ക്കു​മ്പോൾ, നിങ്ങൾ ശത്രു​ത​യും നീചത​യു​മുള്ള ഒരദ്ധ്യാ​പ​കനെ കൊയ്യു​ന്നെ​ങ്കിൽ അതിശ​യി​ക്കേ​ണ്ട​തില്ല. (ഗലാത്യർ 6:7 താരത​മ്യ​പ്പെ​ടു​ത്തുക.) “മറ്റു​ള്ളവർ തങ്ങളോട്‌ എങ്ങനെ പെരു​മാ​റു​ന്ന​താ​യി തോന്നു​ന്നോ ആ വിധത്തിൽ അവർ മറ്റു​ള്ള​വ​രോ​ടും പെരു​മാ​റു​ന്നു​വെ​ന്നത്‌ മാനു​ഷ​പ്ര​കൃ​ത​ത്തി​ന്റെ ഏറ്റവും അടിസ്ഥാ​ന​പ​ര​മായ സിദ്ധാ​ന്ത​ങ്ങ​ളി​ലൊ​ന്നാണ്‌” എന്ന്‌ കൗമാ​ര​പ്രാ​യ​ക്കാ​രു​ടെ ലഘുകു​ടും​ബ​ഗ്രൻഥം വിവരി​ക്കു​ന്നു.

കൂടാതെ, നിങ്ങളു​ടെ പ്രയോ​ജ​ന​ത്തി​നു​വേ​ണ്ടി​യാണ്‌ അദ്ധ്യാ​പ​കരെ അധികാ​ര​സ്ഥാ​ന​ത്തിൽ ഉചിത​മാ​യി പ്രതി​ഷ്‌ഠി​ച്ചി​രി​ക്കു​ന്നത്‌. അവർ എല്ലായ്‌പ്പോ​ഴും നീതി​യോ​ടെ തങ്ങളുടെ അധികാ​രം പ്രയോ​ഗി​ക്കു​ന്നി​ല്ലെ​ങ്കി​ലും, നിങ്ങൾക്ക്‌ അവരോട്‌ ആദരവ്‌ കാണി​ക്കാ​നുള്ള കടപ്പാ​ടുണ്ട്‌. (ലൂക്കോസ്‌ 6:40 താരത​മ്യ​പ്പെ​ടു​ത്തുക.) അതിനു​പു​റമേ ഇതു പരിഗ​ണി​ക്കുക: ആദരവി​ല്ലാത്ത ഇടപെടൽ ഒരാദ്ധ്യാ​പ​ക​നിൽ വളരെ മോശ​മായ ഫലം ഉളവാ​ക്കി​യേ​ക്കാ​മെ​ങ്കിൽ ആദര​വോ​ടു​കൂ​ടിയ ഇടപെടൽ ഏറ്റവും മികച്ച ഫലം ഉളവാ​ക്കു​ക​യി​ല്ലേ?

അതു​കൊണ്ട്‌ സുവർണ്ണ​നി​യമം മനസ്സിൽ പിടി​ക്കുക: “ഇക്കാര​ണ​ത്താൽ മനുഷ്യർ നിങ്ങ​ളോട്‌ ചെയ്യാ​നാ​ഗ്ര​ഹി​ക്കു​ന്ന​തെ​ല്ലാം അതു​പോ​ലെ​തന്നെ നിങ്ങളും അവർക്ക്‌ ചെയ്യണം.” (മത്തായി 7:12) തുടർന്ന്‌ ക്ലാസ്സ്‌ മുറി​യി​ലെ കുസൃ​തി​ത്ത​ര​ങ്ങ​ളിൽ ചേരാ​തി​രി​ക്കുക. നിങ്ങളു​ടെ അദ്ധ്യാ​പകൻ പറയു​ന്നത്‌ ശ്രദ്ധി​ക്കുക. സഹകരി​ക്കുക. ഒരുപക്ഷേ കാല​ക്ര​മ​ത്തിൽ അദ്ദേഹ​ത്തിന്‌ അധികം വൈരാ​ഗ്യം തോന്നാ​തി​രു​ന്നേ​ക്കാം—കുറഞ്ഞ​പക്ഷം നിങ്ങ​ളോ​ടെ​ങ്കി​ലും.

‘എന്റെ അദ്ധ്യാ​പ​കന്‌ എന്നെ ഇഷ്ടമല്ല’

“അദ്ധ്യാ​പകർ—മാതാ​പി​താ​ക്ക​ളും—മനുഷ്യ​രാ​ണെ​ന്നും അവർ തികച്ചും വൈകാ​രിക കാരണ​ങ്ങ​ളാൽ കൂടെ​ക്കൂ​ടെ ഒരു വിദ്യാർത്ഥി​യോട്‌ അനിഷ്ടം തോന്നു​ന്ന​തി​നോ തെറ്റു ചെയ്യു​ന്ന​തി​നോ പ്രവണ​ത​യു​ള്ള​വ​രാ​ണെ​ന്നും” ഇച്ഛകൾ എന്ന പുസ്‌ത​ക​ത്തി​ന്റെ ഗ്രൻഥ​കർത്താ​ക്കൾ സമ്മതി​ക്കു​ന്നു. ചില​പ്പോൾ വ്യക്തി​ത്വ​ങ്ങ​ളു​ടെ ഉരസൽ പ്രശ്‌ന​ത്തി​നി​ട​യാ​ക്കു​ന്നു. അല്ലെങ്കിൽ ഏതെങ്കി​ലും തരത്തി​ലുള്ള തെറ്റി​ദ്ധാ​ര​ണകൾ നിങ്ങളു​ടെ അദ്ധ്യാ​പ​കനെ നിങ്ങൾക്കെ​തി​രെ പ്രവർത്തി​പ്പി​ക്കു​ന്നു; ജിജ്ഞാസ മത്സരവു​മാ​യോ അല്ലെങ്കിൽ അല്‌പം ചാപല്യം ഭോഷ​ത്ത​വു​മാ​യോ കൂട്ടി​ക്കു​ഴ​ക്കു​ന്നു.

ആളുകൾ ഇപ്പോ​ഴും പുരാത്‌ന കൊരി​ന്ത്യ​രെ​പ്പോ​ലെ​യാ​യി​രി​ക്കാൻ ചായ്‌വു​ള്ള​വ​രാ​ണെന്ന്‌ പറയാൻ സങ്കടമുണ്ട്‌. അവർ കാര്യ​ങ്ങളെ “തങ്ങളുടെ മുഖവി​ല​പ്ര​കാ​രം” വീക്ഷിച്ചു. (2 കൊരി​ന്ത്യർ 10:7) ഒരദ്ധ്യാ​പകൻ നിങ്ങളെ ഇഷ്ടപ്പെ​ടു​ന്നി​ല്ലെ​ങ്കിൽ, അദ്ദേഹം നിങ്ങളെ താഴ്‌ത്തി​ക്കെ​ട്ടു​ന്ന​തി​നോ ശല്യ​പ്പെ​ടു​ത്തു​ന്ന​തി​നോ ചായ്‌വു കാട്ടി​യേ​ക്കാം. പരിണ​ത​ഫ​ല​മാ​യി, പരസ്‌പ​ര​വൈ​രാ​ഗ്യം തഴച്ചു​വ​ളർന്നേ​ക്കാ​മെ​ന്നത്‌ മനസ്സി​ലാ​ക്കാ​വു​ന്ന​താണ്‌.

സമാധാ​നം നിലനിർത്തേണ്ട വിധം

ബൈബി​ളി​ന്റെ ബുദ്ധി​യു​പ​ദേശം ഇതാണ്‌: “ആർക്കും തിൻമ​ക്കു​പ​കരം തിൻമ ചെയ്യരുത്‌ . . . കഴിയു​മെ​ങ്കിൽ നിങ്ങളാൽ ആവോളം സകല മനുഷ്യ​രോ​ടും സമാധാ​ന​ത്തി​ലാ​യി​രി​ക്കുക.” (റോമർ 12:17, 18) മറ്റു​വാ​ക്കു​ക​ളിൽ പറഞ്ഞാൽ, നിങ്ങളു​ടെ അദ്ധ്യാ​പ​കനെ എതിർക്കാൻ ശ്രമി​ക്ക​രുത്‌. അനാവ​ശ്യ​മായ ഉരസലു​കൾ ഒഴിവാ​ക്കുക. നിങ്ങളു​ടെ അദ്ധ്യാ​പ​കന്‌ പരാതി​ക്കുള്ള ന്യായ​മായ യാതൊ​രു കാരണ​വും നൽകാ​തി​രി​ക്കുക. വാസ്‌ത​വ​ത്തിൽ സൗഹൃ​ദ​മു​ള്ള​വ​രാ​യി​രി​ക്കാൻ ശ്രമി​ക്കുക. ‘സൗഹൃ​ദ​മോ ? അവനോ​ടോ?’ എന്ന്‌ നിങ്ങൾ ചോദി​ക്കാം. അതെ, നിങ്ങൾ ക്ലാസ്സി​ലേക്കു വരു​മ്പോൾ നിങ്ങളു​ടെ അദ്ധ്യാ​പ​കനെ ആദരപൂർവ്വം സ്വീക​രി​ച്ചു​കൊണ്ട്‌ സൽശീ​ലങ്ങൾ പ്രകട​പ്പി​ക്കുക. നിങ്ങൾ സ്ഥിരമാ​യി പ്രകടി​പ്പി​ക്കുന്ന സൗശീ​ല്യം നിങ്ങളെ സംബന്ധിച്ച അദ്ദേഹ​ത്തി​ന്റെ അഭി​പ്രാ​യത്തെ മാറ്റു​ക​തന്നെ ചെയ്‌തേ​ക്കാം.—റോമർ 12:20, 21 താരത​മ്യ​പ്പെ​ടു​ത്തുക.

ഹൈസ്‌കൂൾ അദ്ധ്യാ​പി​ക​യായ ജോയിസ്‌ വെട്രൽ ഓർക്കു​ന്നു: “ഞാൻ ഒരു ദിവസം അത്ര നല്ല മൂഡി​ല​ല്ലാ​യി​രു​ന്നു. ഞാൻ വളരെ നിസ്സാര തെറ്റു​കൾക്കു​പോ​ലും എല്ലാവ​രെ​യും പിടി​ക്കു​മാ​യി​രു​ന്നു. അവസാ​ന​മാ​യി, തന്റെ പുസ്‌തകം തുറക്കാ​തി​രുന്ന ഒരു വിദ്യാർത്ഥ​യു​ടെ​മേൽ ഞാൻ ദേഷ്യം കോരി​ച്ചൊ​രി​ഞ്ഞു. ഞാൻ അവന്റെ സ്ഥാനം കുറക്കു​മെന്ന്‌ ഭീഷണി​പ്പെ​ടു​ത്താൻ പോക​യാ​യി​രു​ന്നു. പക്ഷേ, വലിപ്പം ഭാവി​ക്കാ​തെ കുറ്റം പറയാൻ വയ്യാത്ത മട്ടിലുള്ള അവന്റെ മുഖത്തെ പുഞ്ചിരി ദർശി​ക്കു​ക​യിൽ ഞാൻ പെട്ടെന്ന്‌ നിർത്തി. അവൻ എന്നെ നോക്കി പുഞ്ചി​രി​ച്ചു, പുഞ്ചി​രി​ച്ചു​കൊ​ണ്ടേ​യി​രു​ന്നു. പിരി​മു​റു​ക്ക​വും ഗൗരവ​വു​മുള്ള എന്റെ മുഖ​ത്തേ​ക്കു​നോ​ക്കി​ക്കൊണ്ട്‌ അവൻ പറഞ്ഞു, ‘നമുക്ക്‌ കേവലം സന്തുഷ്ട​രാ​യി​രി​ക്കാം.’ എനിക്ക്‌ തിര്യെ പുഞ്ചി​രി​ക്ക​യ​ല്ലാ​തെ മറ്റൊ​ന്നും തെര​ഞ്ഞെ​ടു​ക്കാ​നു​ണ്ടാ​യി​രു​ന്നില്ല. ഉടൻ ക്ലാസ്സു​മു​ഴു​വൻ ചിരി​ക്കാ​നും ആഹ്ലാദി​ക്കാ​നും തുടങ്ങി.”

സത്യമാ​യും, അവന്റേ​തു​പോ​ലുള്ള ഒരു സാഹച​ര്യ​ത്തിൽ എല്ലാവർക്കും പുഞ്ചി​രി​ക്കാൻ കഴി​ഞ്ഞെന്നു വരിക​യില്ല. എന്നാൽ സഭാ​പ്ര​സം​ഗി 10:4 ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ഒരു ഭരണാ​ധി​പന്റെ (അല്ലെങ്കിൽ അധികാ​ര​ത്തി​ലുള്ള വ്യക്തി​യു​ടെ) വികാരം നിന്റെ നേരെ പൊങ്ങു​ന്നു​വെ​ങ്കിൽ (നിങ്ങളെ ശിക്ഷി​ച്ചു​കൊണ്ട്‌), നിന്റെ സ്ഥാനം വിട്ടു​മാ​റ​രുത്‌; ശാന്തത തന്നെ മഹാപാ​പ​ങ്ങളെ ശമിപ്പി​ക്കു​ന്നു.” “മൃദു​വാ​യി​രി​ക്കുന്ന ഒരുത്തരം ക്രോ​ധത്തെ അകറ്റു​ന്നു” എന്നും ഓർക്കുക.—സദൃശ​വാ​ക്യം 15:1.

‘ഞാൻ നല്ലോരു സ്ഥാനം അർഹിച്ചു’

സാഹച​ര്യം മെച്ച​പ്പെ​ടു​ന്നി​ല്ലെ​ങ്കിൽ, നിങ്ങളു​ടെ അദ്ധ്യാ​പ​ക​നു​മാ​യി പ്രശ്‌നം ചർച്ച ചെയ്യാൻ ശ്രമി​ക്കുക. ഇത്‌ എളുപ്പ​മാ​യി​രി​ക്ക​യില്ല. എന്നാൽ, ദാവീദ്‌ രാജാ​വി​ന്റെ ഭാഗത്തെ ഗൗരവ​ത​ര​മായ ഒരു ലംഘനത്തെ തുറന്നു കാട്ടുന്ന വിഷമ​മേ​റിയ ഉദ്യമ​ത്തി​നാ​യി നാഥാൻ അവനെ സമീപി​ച്ച​തെ​ങ്ങ​നെ​യെന്ന്‌ ബൈബിൾ പറയുന്നു. നാഥാൻ കുറ്റാ​രോ​പ​ണങ്ങൾ അലറി​ക്കൊണ്ട്‌ ലക്കും ലഗാന​വു​മി​ല്ലാ​തെ കൊട്ടാ​ര​ത്തി​ലേക്ക്‌ പോയില്ല. അവൻ നയപൂർവ്വം ദാവീ​ദി​നെ സമീപി​ച്ചു. സ്വയം ശരിയായ നിഗമ​ന​ങ്ങ​ളിൽ എത്തി​ച്ചേ​രാൻ ദാവീ​ദി​നെ അനുവ​ദി​ച്ചു​കൊണ്ട്‌ അവൻ ഒരു ദൃഷ്ടാന്തം ഉപയോ​ഗി​ച്ചു.—2 ശമുവേൽ 12:1-7.

അതു​പോ​ലെ, ഏതെങ്കി​ലും അനീതി—നീതി​യി​ല്ലാത്ത ഒരു സ്ഥാനം നിങ്ങൾക്കു നൽകി​യ​തു​പോ​ലു​ള്ളവ—നടന്നി​ട്ടു​ണ്ടെന്ന്‌ നിങ്ങൾക്ക്‌ തോന്നു​ന്നെ​ങ്കിൽ, നിങ്ങളു​ടെ അദ്ധ്യാ​പ​കനെ എളിമ​യോ​ളും ശാന്തത​യോ​ടും​കൂ​ടെ സമീപി​ക്കുക. സ്‌കൂൾ അദ്ധ്യാ​പ​ക​നാ​യി​രുന്ന ബ്രൂസ്‌ വെബർ നമ്മെ ഓർമ്മി​പ്പി​ക്കു​ന്നു: “ഒരു വിദ്യാർത്ഥി​യു​ടെ മത്സരം ഒരദ്ധ്യാ​പ​ക​നിൽ ശാഠ്യ​ത്തിന്‌ പ്രേരി​പ്പി​ക്കു​ന്നു. നിങ്ങൾ ശബ്ദകോ​ലാ​ഹലം കൂട്ടു​ക​യോ പുലമ്പു​ക​യോ ചെയ്‌താൽ, അല്ലെങ്കിൽ വലിയ അനീതി ഉന്നയി​ക്ക​യും പകരം ചെയ്യു​മെന്ന്‌ ഭീഷണി​പ്പെ​ട​ത്തു​ക​യും ചെയ്യു​ന്നെ​ങ്കിൽ, നിങ്ങൾക്ക്‌ ഒരിട​വും ലഭിക്ക​യില്ല.”—സെവൻറീൻ മാസിക.

കൂടുതൽ പാകത​യോ​ടു​കൂ​ടിയ ഒരു സമീപ​ന​ത്തിന്‌ ശ്രമി​ക്കുക. നിങ്ങളു​ടെ അദ്ധ്യാ​പ​കന്റെ സ്ഥാനനിർണ്ണ​യ​രീ​തി​യെ​ക്കു​റി​ച്ച​റി​യാൻ നിങ്ങളെ സഹായി​ക്കു​ന്ന​തി​നു​വേണ്ടി അദ്ദേഹ​ത്തോട്‌ അപേക്ഷി​ച്ചു​കൊണ്ട്‌ നിങ്ങൾക്ക്‌ സംസാ​രി​ച്ചു​തു​ട​ങ്ങാൻ കഴി​ഞ്ഞേ​ക്കും. അതിനു​ശേഷം, വെബർ പറയുന്ന പ്രകാരം, “നിങ്ങൾ മോശ​മായ നിർണ്ണ​യ​ത്തി​ന്റെ ഇരയാ​യി​രി​ക്കാ​തെ, നിങ്ങൾ ഒരു നോട്ട​പ്പി​ഴ​യു​ടെ​യോ കണക്കു​കൂ​ട്ട​ലി​ലെ പിശകി​ന്റെ​യോ ഇരയാ​യി​രി​ക്ക​യാ​ണെന്ന്‌ തെളി​യി​ക്കു​ന്ന​തിന്‌ ശ്രമി​ക്കുക. നിങ്ങളു​ടെ അദ്ധ്യാ​പി​ക​യു​ടെ​തന്നെ സ്ഥാനനിർണ്ണ​യ​രീ​തി ഉപയോ​ഗി​ക്കുക; നിങ്ങളു​ടെ സ്ഥാനത്തിൽ നിങ്ങൾ പിശകു​കാ​ണു​ന്ന​തെ​വി​ടെ​യാ​ണെന്ന്‌ അവരെ കാണി​ക്കുക.” കുറഞ്ഞ​പക്ഷം, നിങ്ങൾ കട്ടിയായ പ്രശ്‌നങ്ങൾ പറഞ്ഞു​തീർക്കാൻ പഠിക്കു​ന്നു. നിങ്ങളു​ടെ പാകത നിങ്ങളു​ടെ അദ്ധ്യാ​പ​ക​ന്റെ​മേൽ അനുകൂ​ല​മായ ഒരു ധാരണ ഉളവാ​ക്കി​യേ​ക്കാം.

നിങ്ങളു​ടെ മാതാ​പി​താ​ക്കൾ അറിയട്ടെ

എന്നാൽ, ചില​പ്പോൾ വെറും സംസാരം നിഷ്‌ഫ​ല​മെന്ന്‌ തെളി​യു​ന്നു. സൂസന്റെ അനുഭ​വ​മെ​ടു​ക്കുക. മാന്യ​മായ ഒരു വിദ്യാർത്ഥി​നി​യാ​യി​രി​ക്കെ, തന്റെ അരദ്ധ്യാ​പിക തനിക്ക്‌ പരാജ​യ​പ്പെ​ടുന്ന മാർക്ക്‌ തരാൻ തുടങ്ങി​യ​പ്പോൾ അവൾക്ക്‌ ആഘാത​മേ​റ്റു. പ്രശ്‌ന​മെ​ന്താ​യി​രു​ന്നു? സൂസൻ യഹോ​വ​യു​ടെ സാക്ഷി​ക​ളിൽ ഒരാളാ​യി​രു​ന്നു. ഇതുനി​മി​ത്തം അവളുടെ അദ്ധ്യാ​പിക സൂസനെ ഇഷ്ടപ്പെ​ട്ടി​രു​ന്നി​ല്ലാ എന്ന്‌ അവർ തന്നെ സമ്മതിച്ചു പറഞ്ഞു. “അത്‌ വാസ്‌ത​വ​ത്തിൽ മന:പ്രയാ​സ​പ്പെ​ടു​ത്തു​ന്ന​താ​യി​രു​ന്നു. എന്തു​ചെ​യ്യ​ണ​മെന്ന്‌ ഞാൻ അറിഞ്ഞി​രു​ന്നില്ല” എന്ന്‌ സൂസൻ പറയുന്നു.

ഇതു​പോ​ലു​ള്ള സാഹച​ര്യ​ങ്ങ​ളിൽ നിങ്ങൾ “നിങ്ങളു​ടെ മാതാ​പി​താ​ക്കളെ സമീപിച്ച്‌ വാസ്‌ത​വ​ത്തിൽ ചോദ്യ​ത്തിൽനിന്ന്‌ നിങ്ങളു​ടെ അദ്ധ്യാ​പ​കന്‌ നിങ്ങളെ ഇഷ്ടമി​ല്ലെന്ന്‌ തോന്നു​ന്നു​വെ​ന്നും അദ്ദേഹം നിങ്ങളെ ശിക്ഷി​ക്കു​ന്ന​തി​നോ അല്ലെങ്കിൽ നിങ്ങളെ നിന്ദി​ക്കു​ന്ന​തി​നോ പരിഹ​സി​ക്കു​ന്ന​തി​നോ നിങ്ങളെ ഒറ്റ​പ്പെ​ടു​ത്തി​ക്കൊണ്ട്‌ വഴിവി​ട്ടു​പോ​കു​ന്നു​വെ​ന്നും പറയാൻ” ഇച്ഛകൾ എന്ന പുസ്‌തകം ശുപാർശ ചെയ്യുന്നു. ഇതുത​ന്നെ​യാണ്‌ സൂസൻ ചെയ്‌തത്‌. അവൾ ഓർക്കു​ന്നു: “ഞാൻ ധൈര്യം സംഭരിച്ച്‌ എന്റെ അദ്ധ്യാ​പി​ക​യെ​ക്കു​റിച്ച്‌ എന്റെ അമ്മയോട്‌ (അച്ഛനില്ല) പറഞ്ഞു. അമ്മ സംഗതി ഗ്രഹി​ക്കു​മെന്ന്‌ ഞാൻ ആദ്യം വിചാ​രി​ച്ചില്ല. എന്നാൽ അമ്മ ഇപ്രകാ​രം പറഞ്ഞു, ‘കൊള്ളാം, ഞാൻ നിന്റെ അദ്ധ്യാ​പി​ക​യോട്‌ സംസാ​രി​ക്കാം.’ അമ്മ പോയി ഉദാര​മായ ആതിഥ്യ​വേ​ള​യിൽ പ്രശ്‌ന​മെ​ന്താ​യി​രു​ന്നു​വെന്ന്‌ അദ്ധ്യാ​പ​ക​യോട്‌ ചോദി​ച്ചു. എന്റെ അമ്മ വാസ്‌ത​വ​ത്തിൽ നിയ​ന്ത്രണം വിട്ടു​പോ​കു​മെന്ന്‌ ഞാൻ വിചാ​രി​ച്ചു. പക്ഷേ സംഭവി​ച്ചില്ല. അമ്മ വളരെ ശാന്തമാ​യി അദ്ധ്യാ​പി​ക​യോട്‌ സംസാ​രി​ച്ചു.” സൂസനെ അവളുടെ അമ്മ പിൻതു​ണ​ച്ചെന്ന്‌ അദ്ധ്യാ​പിക മനസ്സി​ലാ​ക്കി. സൂസനു​വേണ്ടി മറ്റൊ​ര​ദ്ധ്യാ​പി​കയെ ക്രമീ​ക​രണം ചെയ്യു​ക​യും ചെയ്‌തു.

കുഴഞ്ഞ എല്ല പ്രശ്‌ന​ങ്ങ​ളും ഇതു​പോ​ലെ മംഗള​മാ​യി പര്യവ​സാ​നി​ക്കു​ക​യി​ല്ലെന്ന്‌ സമ്മതി​ക്കേ​ണ്ടി​യി​രി​ക്കു​ന്നു. ചില​പ്പോൾ നിങ്ങൾ വിഷമം പിടിച്ച ഒരു സാഹച​ര്യം സഹിക്ക​തന്നെ വേണം. എന്നാൽ ഒരദ്ധയ​ന​വർഷം എന്നേക്കു​മു​ള്ളതല്ല. ഈ സ്‌കൂൾവർഷം നിങ്ങൾക്ക്‌ നിങ്ങളു​ടെ അദ്ധ്യാ​പ​ക​നു​മാ​യി സമാധാ​ന​ത്തിൽ കഴിഞ്ഞു​കൂ​ടാൻ സാധി​ക്കു​ന്നെ​ങ്കിൽ, നിശ്ചയ​മാ​യും അടുത്ത​വർഷം നിങ്ങൾക്ക്‌ പുതി​യോ​രു തുടക്കം, ഒരു പക്ഷേ വ്യത്യസ്‌ത സഹപാ​ഠി​ക​ളും—ഒരു പക്ഷേ പൊരു​ത്ത​പ്പെ​ട്ടു​പോ​കാൻ സാധി​ക്കുന്ന പുതി​യോ​ര​ദ്ധ്യാ​പ​കൻപോ​ലും ഉണ്ടായി​രി​ക്കും. (g85 10/22)

[അടിക്കു​റി​പ്പു​കൾ]

[9-ാം പേജിലെ ആകർഷ​ക​വാ​ക്യം]

ആദരവില്ലാത്ത ഇടപെടൽ ഒരദ്ധ്യാ​പ​ക​നിൽ വളരെ മോശ​മായ ഫലം ഉളവാ​ക്കി​യേ​ക്കാ​മെ​ങ്കിൽ, ആദര​വോ​ടു​കൂ​ടിയ ഇടപെടൽ ഏറ്റവും മികച്ച ഫലം ഉളവാ​ക്കു​ക​യി​ല്ലേ?

[10-ാം പേജിലെ ചിത്രം]

ഏതെങ്കിലും അനീതി ഉണ്ടായി​ട്ടു​ണ്ടെന്ന്‌ നിങ്ങൾക്ക്‌ തോന്നു​ന്നെ​ങ്കിൽ, ആദരപൂർവ്വം നിങ്ങളു​ടെ അദ്ധ്യാ​പ​കനെ സമീപി​ക്കു​ക