മദ്യവും നിങ്ങളും

‘ജോ, നിങ്ങൾ വളരെ​യ​ധി​കം കഴിച്ചി​രി​ക്കു​ന്നു എന്ന്‌ ഞാൻ വിചാ​രി​ക്കു​ന്നു,’ എന്ന്‌ ആതിഥേയ പറയുന്നു.

‘ആര്‌ ഞാനോ? എനിക്കു ഇതു കൈകാ​ര്യം ചെയ്യാൻ കഴിയും!’ എന്ന്‌ കുഴഞ്ഞ വാക്കു​ക​ളിൽ ജോ പ്രതി​വ​ചി​ക്കു​ന്നു.

‘അതു ശരിയാ​യി​രി​ക്കാം, എന്നാൽ നിങ്ങൾ വീട്ടി​ലേക്കു വാഹന​മോ​ടി​ച്ചു പോകു​ന്ന​തി​നു മുമ്പ്‌ ഒരു കപ്പു കാപ്പി കുടി​ക്കാൻ ഞാൻ നിർദ്ദേ​ശി​ക്കു​ന്നു!

നല്ല ഉപദേ​ശ​മോ? തീർച്ച​യാ​യും അല്ല! യഥാർത്ഥ​ത്തിൽ അയാൾ അമിത​മാ​യി കുടി​ച്ചി​ട്ടു​ണ്ടെ​ങ്കിൽ വാഹന​മോ​ടി​ച്ചു പോവു​ന്ന​തിന്‌ ജോയെ ഒരു കപ്പു കാപ്പി സുരക്ഷി​ത​നാ​ക്കു​ക​യില്ല; അല്‌പം ശുദ്ധവാ​യു​വി​ന്റെ ശ്വസന​മോ തണുത്ത വെള്ളത്തി​ലെ ഒരു കുളി​യോ സംരക്ഷി​ക്ക​യില്ല. അത്തരം കാര്യങ്ങൾ ജോയെ കൂടുതൽ ഉണർവ്വു​ള്ള​വ​നാ​ക്കി​യേ​ക്കാം. എന്നാൽ അയാളെ സമചി​ത്ത​നാ​ക്കുന്ന ഒരു കാര്യ​മേ​യു​ള്ളു—സമയം. ഇത്‌ മെച്ചമാ​യി മനസ്സി​ലാ​ക്കു​ന്ന​തിന്‌ നിങ്ങളു​ടെ ശരീരം ലഹരി​പാ​നീ​യത്തെ എങ്ങനെ കൈകാ​ര്യം ചെയ്യു​ന്നു​വെന്ന്‌ നിരീ​ക്ഷി​ക്കു​ന്നത്‌ സഹായ​ക​മാണ്‌

മദ്യം പ്രവർത്തി​ക്കുന്ന വിധം

നിങ്ങൾ ഒരു ലഹരി​പാ​നീ​യം കഴിക്കു​മ്പോൾ ആ ലഹരിക്ക്‌ നിങ്ങളു​ടെ രക്തധാ​ര​യിൽ ചേരാൻ വലിയ “ആകാംക്ത” ഉണ്ട്‌.a മറ്റു ആഹാര സാധന​ങ്ങൾപോ​ലെ ഇത്‌ ദഹി​ക്കേ​ണ്ട​തില്ല. പെട്ടെ​ന്നു​തന്നെ ഏകദേശം 20 ശതമാനം നിങ്ങളു​ടെ ആമാശയ ഭിത്തി​ക​ളിൽ കൂടി രക്തധാ​ര​യിൽ ചേരുന്നു. അവശേ​ഷി​ച്ചത്‌ നിങ്ങളു​ടെ ചെറു​കു​ട​ലിൽ എത്തു​മ്പോൾ ആഗിരണം ചെയ്യ​പ്പെ​ടു​ന്നു.

മദ്യം നിങ്ങളു​ടെ രക്തത്തിൽ എത്രമാ​ത്രം സ്വീക​രി​ക്കു​ന്നു എന്നതിനെ ആശ്രയി​ച്ചാണ്‌ അതു നിങ്ങളെ സ്വാധീ​നി​ക്കു​ന്നത്‌ അതു എത്രമാ​ത്രം വേഗത്തിൽ സ്വീക​രി​ക്ക​പ്പെ​ടു​ന്നു എന്നതു വിവിധ ഘടകങ്ങളെ ആശ്രയി​ച്ചും ഇരിക്കു​ന്നു:

(1) സേവിച്ച മദ്യത്തി​ന്റെ അളവ്‌: ഒരു മാതൃ​കാ​കു​ടി​യിൽ നിങ്ങൾ എന്തുമാ​ത്രം സേവി​ക്കും? ഒരു പാത്രം ബിയറിൽ ഒരു അളവ്‌ വിസ്‌ക്കി​യേ​ക്കാൾ കുറഞ്ഞ ലഹരി​യാ​ണോ അടങ്ങി​യി​ട്ടു​ള്ളത്‌? അതിശ​യ​ക​ര​മെന്നു തോന്നി​യേ​ക്കാം, ഒരു മാതൃകാ വിളമ്പി​ലെ ബിയർ, വീഞ്ഞ്‌, 80 പ്രൂഫ്‌ വിസ്‌ക്കി എന്നിവ​യി​ലെ​ല്ലാം ഒരേ അളവ്‌ ലഹരി​യാണ്‌ അടങ്ങി​യി​രി​ക്കു​ന്നത്‌—അര ഔൺസി​നെ​ക്കാൾ (15 സി. സി.) അല്‌പം അധികം.b

ദി നാഷനൽ ഇൻസ്‌റ്റീ​റ്റ്യൂട്ട്‌ ഓൺ ആൽക്ക​ഹോൾ അബ്യൂസ്‌ ആൻറ്‌ ആൽക്ക​ഹോ​ളി​സം പ്രസി​ദ്ധീ​ക​രിച്ച മദ്യത്തി​ന്റെ മന:ശാസ്‌ത്ര​പ​ര​മായ ഫലങ്ങൾ ഇപ്രകാ​രം അതിന്റെ റിപ്പോർട്ട്‌ ഉപസം​ഹ​രി​ക്കു​ന്നു: “ഒരു വ്യക്തി​യു​ടെ മനസ്സി​നെ​യും ശരീര​ത്തെ​യും കുടി ബാധി​ക്കു​ന്ന​തി​നോ​ടുള്ള ബന്ധത്തിൽ അവൻ അഥവാ അവൾ വീഞ്ഞോ ബിയറോ ‘കട്ടികൂ​ടിയ മദ്യ”മോ തിര​ഞ്ഞെ​ടു​ക്കു​ന്നു​വെ​ന്നതു യഥാർത്ഥ​ത്തിൽ വളരെ​യ​ധി​കം കാരണ​മാ​കു​ന്നില്ല—ഏറ്റവും പ്രാധാ​ന്യ​മർഹി​ക്കു​ന്നതു സേവിച്ച മദ്യത്തി​ന്റെ യഥാർത്ഥ അളവാണ്‌.”

(2) ആഗിര​ണ​ത്തി​ന്റെ നിരക്ക്‌: നിങ്ങളു​ടെ രക്തധാ​ര​യിൽ ലഹരി ആഗിരണം ചെയ്യു​ന്ന​തി​ന്റെ നിരക്കി​നെ പല ഘടകങ്ങൾക്ക്‌ ബാധി​ക്കാൻ കഴിയും. ഭക്ഷണം ഒരു ഘടകമാണ്‌. അതായത്‌, നിങ്ങളു​ടെ ആമാശ​യ​ത്തിൽ ആഹാര പദാർത്ഥങ്ങൾ ഉണ്ടായി​രു​ന്നാൽ മദ്യത്തെ നേർപ്പി​ക്കു​ന്ന​തി​നും അതിന്റെ ആഗിര​ണ​ത്തി​ന്റെ വേഗത കുറക്കു​ന്ന​തി​നും ചായ്‌വ്‌ കാണി​ക്കു​ന്നു. അതു​കൊണ്ട്‌ ഒരാൾ അത്താഴ​ത്തി​ന്റെ കൂടെ ഒരു ഗ്ലാസ്സ്‌ വീഞ്ഞു കുടി​ക്കു​ന്നത്‌ അയാൾ അതേ അളവു മദ്യം ഒരു ഒഴിഞ്ഞ വയറിൽ കഴിക്കു​ന്ന​തി​നേ​ക്കാൾ കുറച്ചു ലഹരി മാനമേ അയാളു​ടെ രക്തത്തിൽ ഉയർത്തു​ക​യു​ള്ളു. കുടികൾ തമ്മിലുള്ള ദൈർഘ്യ​ത്തി​നും ആഗിര​ണത്തെ ബാധി​ക്കാൻ കഴിയും. ഏതാനും മിനി​ട്ടു​കൾക്കു​ള്ളി​ലുള്ള രണ്ടു കുടികൾ രണ്ടു മണിക്കൂ​റു​ക​ളിൽ അധികം ദൈർഘ്യ​ത്തി​ലുള്ള രണ്ടു കുട്ടി​ക​ളേ​ക്കാൾ വളരെ​യ​ധി​കം മത്തു പിടി​പ്പി​ക്കു​ന്ന​താണ്‌.

തൂക്കം മറ്റൊരു ഘടകമാണ്‌. എന്തു​കൊ​ണ്ടു? ആളിന്‌ എത്രയ​ധി​കം തൂക്കമു​ണ്ടോ അത്രയ​ധി​കം മദ്യത്തെ നേർപ്പി​ക്കുന്ന ലായിനി അയാളു​ടെ ശരീര​ത്തിൽ ഉണ്ടായി​രി​ക്കും എന്നുള്ള​താണ്‌ ലളിത​മായ കാരണം. ദൃഷ്ടാ​ന്ത​ത്തിന്‌ ഡവലപ്പ്‌മെൻറ്‌ ഓഫ്‌ എ ട്രാഫിക്ക്‌ സേഫറ്റി ആൻറ്‌ ആൽക്ക​ഹോൾ പ്രോ​ഗ്രാം ഫോർ സീനിയർ അഡൽട്ട്‌സ്‌ ഇപ്രകാ​രം വിശദീ​ക​രി​ക്കു​ന്നു:c “160 പൗണ്ട്‌ [73 കി. ഗ്രാം] തൂക്കമുള്ള ഒരു ആളിന്‌ അയാളു​ടെ ശരീര​ത്തിൽ മദ്യത്തെ നേർപ്പി​ക്കു​ന്ന​തി​നു ഏകദേശം 110 പൗണ്ട്‌ [50കി. ഗ്രാം] ജലം ഉണ്ട്‌. ഒരു മണിക്കൂ​റി​നു​ള്ളി​ലെ മൂന്നു കുടി​കൾക്കു​ശേഷം അയാളു​ടെ ബി. എ. സി. [രക്തത്തിൽ ലഹരി​യു​ടെ അളവ്‌] ഏകദേശം 0.07 ശതമാനം ആയിരി​ക്കും. 100 പൗണ്ട്‌ [45കി. ഗ്രാം] തൂക്കമുള്ള ഒരാൾ അതേ സമയത്തി​നു​ള്ളിൽ അതേ അളവു കുടി​ക്കു​ക​യാ​ണെ​ങ്കിൽ അവന്റെ [അവളുടെ] ബി. എ. സി. 0.11 ശതമാനം ആയിരി​ക്ക​യും ഒരു കുടി​യ​നായ ഡ്രൈവർ എന്ന നിലയിൽ [അവൻ⁄അവൾ] അറസ്‌റ്റു ചെയ്യ​പ്പെ​ടാൻ സാദ്ധ്യ​ത​യുള്ള ആളായി​ത്തീ​രു​ക​യും ചെയ്യുന്നു.”

പാനീ​യ​ത്തി​ന്റെ ലഹരി സാന്ദ്ര​ത​യും ആഗിര​ണ​നി​ര​ക്കി​നെ ബാധി​ക്കു​ന്നു. അതായത്‌ പാനീ​യ​ത്തി​ന്റെ ലഹരി സാന്ദ്രത വർദ്ധി​ച്ചി​രി​ക്കു​മ്പോൾ ലഹരി കൂടുതൽ വേഗത്തിൽ ആഗിരണം ചെയ്യ​പ്പെ​ടും.

അതു​കൊണ്ട്‌ മുകളിൽ പറഞ്ഞി​രി​ക്കുന്ന ഏതെങ്കി​ലും സ്വാധീ​ന​ങ്ങളെ ആശ്രയി​ച്ചു നിങ്ങളു​ടെ രക്തധാ​ര​യി​ലേക്കു ലഹരി ആഗിരണം ചെയ്യ​പ്പെ​ടു​ന്നതു ഒരളവിൽ വർദ്ധി​പ്പി​ക്കു​ക​യോ കുറക്കു​ക​യോ ചെയ്യാൻ കഴിയും. എന്നിരു​ന്നാ​ലും, നിങ്ങളു​ടെ രക്തധാ​ര​യി​ലേക്ക്‌ എത്രമാ​ത്രം ലഹരി സ്വീക​രി​ക്കു​മെ​ന്നത്‌ തീരു​മാ​നി​ക്കുന്ന മറ്റൊരു ഘടകമുണ്ട്‌.

(3) ജാരണ നിരക്ക്‌: നിങ്ങളു​ടെ രക്തധാ​ര​യിൽ ലഹരി പ്രവേ​ശി​ച്ചു കഴിഞ്ഞാൽ നിങ്ങളു​ടെ ശരീരം അതിനെ നീക്കം ചെയ്യാൻ പ്രവർത്തി​ച്ചു തുടങ്ങു​ന്നു. ഒരു ചെറിയ ശതമാനം (2-നും 10-നും ഇടയ്‌ക്ക്‌) വ്യത്യാ​സം വരുത്താ​തെ നിശ്വാ​സ​ത്തിൽ കൂടി​യും വിയർപ്പിൽകൂ​ടി​യും മൂത്ര​ത്തിൽ കൂടി​യും വെളി​യിൽ കളയുന്നു. ശേഷി​ച്ച​തി​നെ മൂഖ്യ​മാ​യും മദ്യത്തി​ന്റെ രാസഘ​ട​നയെ ചൂടും ഊർജ്ജ​വു​മാ​യി വെളി​യിൽ തള്ളത്തക്ക​വണ്ണം മാറ്റുന്ന കരളിൽ ജാരണം സംഭവി​പ്പി​ക്കു​ന്നു, “ദഹിപ്പി​ക്കു​ന്നു.”

നിങ്ങളു​ടെ കരൾ മദ്യത്തെ എത്ര വേഗത്തിൽ ജാരണം ചെയ്യുന്നു? ജാരണ​ത്തി​ന്റെ നിരക്ക്‌ തൂക്കം, ആരോ​ഗ്യം എന്നിങ്ങ​നെ​യുള്ള ഘടകങ്ങളെ ആശ്രയിച്ച്‌ ആളുക​ളിൽ അല്‌പ​സ്വ​ല്‌പം വ്യത്യാ​സ​പ്പെ​ട്ടി​രി​ക്കാം. മാർഫെ​റ്റി​യു​ടെ​യും വിൻറ്റി​ന്റെ​യും റിപ്പോർട്ട​നു​സ​രിച്ച്‌, “ഒരു പൊരു മാർഗ്ഗ നിർദ്ദേ​ശ​മെന്ന നിലയിൽ 150 പൗണ്ട്‌ [68 കി. ഗ്രാം] തൂക്കമുള്ള ഒരാൾക്ക്‌ ഒരു കുടി​യി​ലെ ലഹരിയെ ഒരു മണിക്കൂ​റി​നു​ള്ളിൽ ജാരണം ചെയ്യാൻ (അഥവാ ‘ദഹിപ്പി​ക്കാൻ’) കഴിയും.“

നിങ്ങളു​ടെ കരൾ മദ്യത്തെ നിഷ്‌കാ​സനം ചെയ്യാൻ പെട്ടെ​ന്നു​തന്നെ ഉഷാറാ​യി പ്രവർത്തി​ക്കു​ന്നു​വെ​ങ്കിൽ അവ നിങ്ങളു​ടെ രക്തധാ​ര​യിൽ സ്വീക​രി​ക്ക​പ്പെ​ടു​ന്ന​തെ​ങ്ങനെ? അതു ലളിത​മാണ്‌: ആഗിരണ നിരക്ക്‌ ജാരണ നിരക്കി​നെ കവച്ചു വെക്കു​മ്പോൾ രക്തത്തിലെ ലഹരി​മാ​നം ഉയരുന്നു. മദ്യത്തി​ന്റെ മന:ശാസ്‌ത്ര​പ​ര​മായ ഫലങ്ങൾ ഇപ്രകാ​രം ദൃഷ്ടാ​ന്തീ​ക​രി​ക്കു​ന്നു: “അതു അധിക​മാ​യും ഒരു ചോർച്ച​യുള്ള ബോട്ടിൽനി​ന്നു വെള്ളം കളയു​ന്ന​തു​പോ​ലെ ആണ്‌: ലഹരിയെ ശരീര​ത്തിൽ നിന്നു ‘മുക്കി​ക​ള​യാൻ’ കഴിയു​ന്ന​തി​നെ​ക്കാ​ളും വേഗത്തിൽ അതു രക്തത്തി​ലേക്കു ‘ചോരു​ന്നു’ എങ്കിൽ അതിന്റെ മാനം അഥവാ സാന്ദ്രത ഉയരുന്നു.” രക്തത്തിലെ ലഹരി​മാ​നം ഉയരു​ന്ന​തി​ന​നു​സ​രിച്ച്‌ വ്യക്തി വർദ്ധിച്ച അളവിൽ മത്തനാ​യി​ത്തീ​രു​ന്നു.

ലഹരി രക്തധാ​ര​യിൽ പ്രവേ​ശി​ക്കു​ന്ന​തി​നു “ആകാം​ക്ഷ​യു​ള്ള​താ​യി​രി​ക്കെ അതു വെളി​യിൽ പോകു​ന്ന​തി​നു സമയം പിടി​ക്കു​ന്നു. ശരീരം അതിന്റെ നിശ്ചി​ത​മായ ജാരണ നിരക്കിൽ മദ്യത്തെ “ദഹിപ്പി​ക്കും.” അതു ചെയ്യു​ന്ന​തു​വരെ നിങ്ങൾ റോഡിൽ നിന്നു അകന്നി​രി​ക്ക​യും വേണം. എന്തു​കൊണ്ട്‌? എന്തു​കൊ​ണ്ടെ​ന്നാൽ ഒരു വാഹന​ത്തി​ന്റെ സുരക്ഷി​ത​മായ നിയ​ന്ത്ര​ണ​ത്തിന്‌ ആവശ്യ​മായ അനേക തലങ്ങളിൽ മദ്യം നിങ്ങളെ ബാധി​ക്കും. (g86 3/8)

[അടിക്കു​റി​പ്പു​കൾ]

[17-ാം പേജിലെ ചിത്രം]

അയൾ വളരെ​യ​ധി​കം കുടി​ച്ചി​ട്ടു​ണ്ടെ​ങ്കിൽ കാപ്പി അയാളെ വാഹന​മോ​ടി​ക്കാൻ സുരക്ഷി​ത​നാ​ക്കു​മോ?