ബൈബി​ളോ പാരമ്പ​ര്യ​മോ?—ആത്മാർത്ഥ​ത​യുള്ള കത്തോ​ലി​ക്കർക്ക്‌ ഒരു വിഷമ​പ്ര​ശ്‌നം

അടുത്ത വർഷങ്ങ​ളി​ലാ​യി കത്തോ​ലി​ക്കാ രാജ്യ​ങ്ങ​ളിൽ ബൈബിൾ അധിക​മ​ധി​കം ലഭ്യമാ​യി​ത്തീർന്നി​രി​ക്കു​ന്നു. ഉദാഹ​ര​ണ​ത്തിന്‌ സ്‌പെ​യി​നിൽ കാസ്‌റ്റീ​ലി​യൻ ഭാഷയിൽ കഴിഞ്ഞ 500 വർഷങ്ങൾകൊണ്ട്‌ പ്രസി​ദ്ധീ​ക​രി​ച്ചി​രു​ന്ന​തി​നേ​ക്കാൾ കൂടുതൽ തിരു​വെ​ഴു​ത്തു ഭാഷാ​ന്ത​രങ്ങൾ കഴിഞ്ഞ 50 വർഷങ്ങൾ കൊണ്ട്‌ പ്രസി​ദ്ധീ​ക​രി​ച്ചി​ട്ടുണ്ട്‌. അതു​പോ​ലെ ഫ്രഞ്ച്‌ കത്തോ​ലി​ക്കർക്ക്‌ അവരുടെ പക്കൽ ആദിമ ഭാഷക​ളിൽ നിന്നും പരിഭാ​ഷ​പ്പെ​ടു​ത്തിയ സഭാം​ഗീ​കാ​ര​മുള്ള നിരവധി ബൈബി​ളു​കൾ ഇന്നുണ്ട്‌. ഇംഗ്ലീഷ്‌ സംസാ​രി​ക്കുന്ന കത്തോ​ലി​ക്കാ പണ്ഡിത​രും ബൈബി​ളി​ന്റെ ചില പുതിയ പരിഭാ​ഷകൾ ഉത്‌പാ​ദി​പ്പി​ച്ചി​ട്ടുണ്ട്‌.

അതു​കൊണ്ട്‌ ഇന്നു ബൈബിൾ വായി​ക്കാ​നാ​ഗ്ര​ഹി​ക്കുന്ന ഏതൊരു കത്തോ​ലി​ക്ക​നും അതിനു കഴിയും. പക്ഷേ ഉചിത​മാ​യി അംഗീ​ക​രി​ക്ക​പ്പെട്ട വിശദീ​ക​ര​ണ​ക്കു​റി​പ്പു​ക​ളോ​ടു കൂടിയ ഭാഷാ​ന്ത​രമേ അയാൾ വായി​ക്കാ​വൂ. കത്തോ​ലി​ക്കാ സഭ ഈ നിബന്ധന വയ്‌ക്കു​ന്ന​തെ​ന്തു​കൊണ്ട്‌? കാരണം ദിവ്യ​വെ​ളി​പ്പാ​ടി​ന്റെ മറ്റൊരു ഉറവിടം ഉണ്ടെന്ന്‌ അത്‌ അവകാ​ശ​പ്പെ​ടു​ന്നു—പാരമ്പ​ര്യം—ആ അടിക്കു​റി​പ്പു​കൾ അതു​കൊണ്ട്‌ ഒന്നിനെ മറ്റെതി​നോട്‌ പൊരു​ത്ത​പ്പെ​ടു​ത്താൻ അത്യാ​വ​ശ്യം ആണ്‌ എന്ന്‌ കരുത​പ്പെ​ടു​ന്നു. ഈ രണ്ട്‌ ഉറവി​ട​ങ്ങ​ളിൽ—ബൈബി​ളോ പാരമ്പ​ര്യ​മോ ഏതാണ്‌ അധികം പ്രധാ​ന​മാ​യി സഭ പരിഗ​ണി​ക്കു​ന്നത്‌?

അനുവാ​ദ​മു​ള്ള​തും എന്നാൽ അനിവാ​ര്യ​മ​ല്ലാ​ത്ത​തും

വിശുദ്ധ തിരു​വെ​ഴു​ത്തു​ക​ളെ​ക്കു​റി​ച്ചുള്ള ഒരു കത്തോ​ലി​ക്കാ കമൻറ്ററി എന്ന പുസ്‌തകം പിൻവ​രുന്ന ചോദ്യം ചോദി​ക്കു​ന്നു: “ബൈബിൾ പാരാ​യണം രക്ഷയ്‌ക്ക്‌ അത്യാ​വ​ശ്യ​മാ​ണോ? അതിനുള്ള ഉത്തരം എന്ന നിലയിൽ അതിങ്ങനെ പറയുന്നു: “വിശ്വാ​സി​ക​ളെ​ല്ലാ​വ​രും—ഓരോ പുരു​ഷ​നും സ്‌ത്രീ​യും കുട്ടി​യും—വ്യക്തി​പ​ര​മാ​യി ബൈബിൾ വായി​ക്കണം എന്ന ദിവ്യ​മോ അപ്പോ​സ്‌തോ​ലി​ക​മോ ആയ യാതൊ​രു സാർവ്വ​ലൗ​കീക അനുശാ​സ​ന​വും ഇല്ല.”

“വായന കുറഞ്ഞത്‌ അര മണിക്കൂ​റെ​ങ്കി​ലും നീണ്ടാൽ” ഇഹലോക പാപ​മോ​ചനം പോലും അനുവ​ദി​ച്ചു​കൊണ്ട്‌ കത്തോ​ലി​ക്കാ സഭ അതിന്റെ അംഗങ്ങളെ ഇന്ന്‌ വിശുദ്ധ തിരു​വെ​ഴു​ത്തു​കൾ വായി​ക്കാൻ അനുവ​ദി​ക്കു​ന്നു​ണ്ടെ​ങ്കി​ലും അത്തരം ബൈബിൾ വായനയെ അത്യന്താ​പേ​ക്ഷി​ത​മായ ഒന്നായി അതു കാണു​ന്നില്ല.a എന്തു​കൊ​ണ്ടില്ല എന്ന്‌ വിശദീ​ക​രി​ച്ചു​കൊണ്ട്‌ ഫ്രഞ്ച്‌ കാത്തലിക്ക്‌ ഡിക്‌ഷ്‌ണയർ ഡി ലാ ബൈബിൾ ഇങ്ങനെ പ്രസ്‌താ​വി​ക്കു​ന്നു: “സകല വിശ്വാസ പഠിപ്പി​ക്ക​ലു​ക​ളും മനുഷ്യ​വർഗ്ഗ​ത്തി​ലേക്ക്‌ എത്തിക്കുന്ന ഏറ്റവും മൗലി​ക​മായ സരണി പാരമ്പ​ര്യം ആണ്‌. പുതിയ നിയമ തിരു​വെ​ഴു​ത്തു​ക​ളു​ടെ ഉപയോ​ഗം വന്നത്‌ പിന്നീ​ടാണ്‌. വിശ്വാ​സ​ത്തി​ന്റെ സമ്പൂർണ്ണ നിക്ഷേപം അതിൽ അടങ്ങി​യി​ട്ടില്ല. അതിന്റെ ഉപയോ​ഗം അനിവാ​ര്യ​വും അല്ല.”

ബൈബി​ളിൻ മീതെ പാരമ്പ​ര്യം വയ്‌ക്ക​പ്പെ​ട്ടി​രി​ക്കു​ന്നു

ബൈബിൾ അതു​കൊണ്ട്‌ കത്തോ​ലി​ക്ക​രു​ടെ നിയമിത വായനാ പാഠം അല്ല. അവർ അഥവാ അതു വായി​ക്കു​ന്നെ​ങ്കിൽ തന്നെ അതിനു പാരമ്പ​ര്യ​ത്തി​നു പിറകിൽ രണ്ടാം സ്ഥാനമേ നൽകാവൂ. ലിഖി​ത​വ​ചനം ലഭിക്കു​ന്ന​തിന്‌ മുമ്പ്‌ ആദിമ ക്രിസ്‌ത്യാ​നി​കൾ വായ്‌മൊ​ഴി​യി​ലൂ​ടെ കൈവന്ന പാരമ്പ​ര്യ​ത്തിൽ വിശ്വാ​സം അർപ്പി​ച്ചി​രു​ന്നു​വെ​ന്നും അതനു​സ​രിച്ച്‌, സഭ സംരക്ഷി​ച്ചു​പോന്ന പാരമ്പ​ര്യ​ത്തി​ന്റെ വെളി​ച്ച​ത്തിൽ മാത്രമേ തിരു​വെ​ഴു​ത്തു​ക്കൾ മനസ്സി​ലാ​ക്കാ​വൂ എന്നും കത്തോ​ലി​ക്കാ​സഭ വാദി​ക്കു​ന്നു.

ഫ്രഞ്ച്‌ ഭാഷ സംസാ​രി​ക്കുന്ന കത്തോ​ലി​ക്കരെ ബൈബിൾ വായന​യിൽ സഹായി​ക്കു​ന്ന​തിന്‌ രൂപം നൽകിയ ഒരു പുസ്‌തകം ഈ വീക്ഷണ​ഗ​തി​യെ സ്ഥിരീ​ക​രി​ച്ചു​കൊണ്ട്‌ ഇങ്ങനെ പറയുന്നു: “ദിവ്യ​വെ​ളി​പ്പാട്‌, തിരു​വെ​ഴു​ത്ത​ക​ളിൽ പ്രമു​ഖ​മാ​യി അവതരി​പ്പി​ക്ക​പ്പെ​ട്ടി​ട്ടു​ള്ളത്‌ പോലും ജീവി​ക്കുന്ന സഭയാ​കുന്ന ഒരു വിശ്വ​സ്‌ത​സ​മു​ദാ​യ​ത്തോട്‌ വിധേ​യ​ത്വം ഉള്ളതാണ്‌; ബൈബിൾ പാരമ്പ​ര്യം, സഭ എന്നിവ തമ്മിലുള്ള ബന്ധം സംബ്ബന്ധിച്ച്‌ മർമ്മ​പ്ര​ധാ​ന​മായ പ്രശ്‌നം ഇതുയർത്തു​ന്നു. . . . ഈ [തിരു​വെ​ഴു​ത്തി​ലെ] കൂടു​ത​ലായ വെളിച്ചം ഒരിക്കൽ നൽക​പ്പെ​ട്ടാൽ അതു പാരമ്പര്യ നിധി​യോട്‌ ചേരു​ക​യും അതിനെ പൂർത്തി​ക​രി​ക്കു​ക​യും ചെയ്യുന്നു. . . . തിരു​വെ​ഴു​ത്തു​കൾ അതു​കൊണ്ട്‌ സമ്പൂർണ്ണ​മാ​യും പാരമ്പ​ര്യ​ത്തെ ആശ്രയി​ച്ചി​രി​ക്കു​ന്നു.”—ഇനി​ഷ്യേ​ഷൻ ബിബ്‌ളിക്ക്‌, പേജ്‌ 963, 971. ഗ്രന്ഥകർത്താ​വി​ന്റെ ഇറ്റാലി​ക്‌സ്‌.

“പാരമ്പ​ര്യം തിരു​വെ​ഴു​ത്തി​നെ​ക്കാൾ പൂർവ്വ​കാ​ല​ത്തു​ള്ള​തും അതിനെ ആവരണം ചെയ്യു​ന്ന​തും അതോ​ടൊ​ത്തു​പോ​കു​ന്ന​തും അതിന​പ്പു​റം ചെല്ലു​ന്ന​തു​മാണ്‌”b എന്ന്‌ ഒരു ആത്മാർത്ഥ കത്തോ​ലി​ക്കൻ വിശു​ദ്ധ​തി​രു​വെ​ഴു​ത്തു​ക​ളു​ടെ ഒരു കത്തോ​ലി​ക്കാ പ്രൊ​ഫസ്സർ എഴുതിയ പുസ്‌ത​ക​ത്തിൽ വായി​ക്കു​മ്പോൾ അയാൾക്ക്‌ ബൈബി​ളിൽ എന്ത്‌ വിശ്വാ​സ​മാ​ണു​ണ്ടാ​വുക? അല്ലെങ്കിൽ അയാൾ ഒരു കത്തോ​ലി​ക്കാ നിഘണ്ടു എഴുത്ത്‌ ഇങ്ങനെ വായി​ക്കു​ന്നെ​ങ്കിൽ അയാൾ എന്തു വിചാ​രി​ക്കും: “സഭ . . . എല്ലാതി​രു​വെ​ഴു​ത്തും ദൈവ​വ​ചനം ആണെന്നു ഉറപ്പി​ക്കു​ന്നു, പക്ഷേ അതെ സമയം തന്നെ തിരു​വെ​ഴു​ത്തി​ല​ധി​ക​മാ​യും അതിന്‌ മേലാ​യും ഒരു അലിഖിത ദൈവ​വ​ചനം ഉണ്ടെന്ന്‌ അത്‌ കരുതി​പ്പോ​രു​ന്നു?

ബൈബിൾ വായന​ക്കാ​രായ കത്തോ​ലി​ക്കർക്ക്‌ ഒരു വിഷമ​പ്ര​ശ്‌നം

നൂറ്റാ​ണ്ടു​ക​ളാ​യി ഒരു ശരാശരി കത്തോ​ലി​ക്കൻ സഭാ ഉപദേ​ശ​ങ്ങളെ ചോദ്യം ചെയ്യാതെ സ്വീക​രി​ച്ചു​പോ​ന്നു. കാരണം സഭാ ഉപദേ​ശ​ങ്ങ​ളു​ടെ സത്യതയെ അളന്നു​നോ​ക്കാ​നുള്ള ഒരു മാനദണ്ഡം സാമാന്യ ജനത്തി​നി​ല്ലാ​യി​രു​ന്നു. കാറ്റക്കി​സം ക്ലാസ്സു​ക​ളി​ലെ മനഃപാഠ പഠനത്തി​ലൂ​ടെ​യാണ്‌ മിക്ക കത്തോ​ലി​ക്ക​രും അവരുടെ വിശ്വാ​സ​ത്തെ​ക്കു​റിച്ച്‌ മനസ്സി​ലാ​ക്കി​യി​രി​ക്കു​ന്നത്‌. ത്രിത്വം അല്ലെങ്കിൽ മറിയ​യു​ടെ അത്ഭുത ഗർഭധാ​രണം എന്നിവ​പോ​ലുള്ള ദുർഗ്ര​ഹ​ങ്ങ​ളായ ഉപദേ​ശങ്ങൾ വിശദീ​ക​രി​ക്കാൻ കാറ്റക്കി​സ്‌റ്റി​നോ​ടോ അവരുടെ പാതി​രി​യോ​ടോ ആവശ്യ​പ്പെ​ട്ടാൽ ഉത്തരം എന്ന നിലയിൽ കേൾക്കാൻ സർവ്വ സാദ്ധ്യ​ത​യു​മുള്ള വാക്കുകൾ ഇവയാണ്‌: “അത്‌ ഒരു വിശു​ദ്ധ​മർമ്മം ആണ്‌.”

പക്ഷേ രണ്ടാം വത്തിക്കാൻ കൗൺസിൽ കാര്യ​ങ്ങൾക്കു മാറ്റം വരുത്തി. റോമൻ കത്തോ​ലി​ക്കാ​സഭ ഒരു ആഗി​യോർണാ​മെ​ന്റോ​യ്‌ക്ക്‌ അഥവാ നവീക​ര​ണ​ത്തിന്‌ വിധേ​യ​മാ​യി. അത്‌ കത്തോ​ലി​ക്കർക്കി​ട​യിൽ മുമ്പെ​ങ്ങും ഉണ്ടായി​ട്ടി​ല്ലാ​ത്ത​വി​ധം ഹൃദയ​പ​രി​ശോ​ധ​ന​കൾക്ക്‌ വഴിതു​റന്നു. ബൈബി​ളി​ന്റെ “യുക്തവും കൃത്യ​വും ആയ കൂടുതൽ പരിഭാ​ഷകൾ” പ്രസി​ദ്ധീ​ക​രി​ക്കു​ന്ന​തിന്‌ വത്തിക്കാൻ II പച്ചക്കൊ​ടി വീശു​ക​യും “തങ്ങളെ എൽപ്പി​ച്ചി​രി​ക്കുന്ന വിശ്വ​സ്‌തർക്ക്‌ ദിവ്യ​പു​സ്‌ത​ക​ങ്ങ​ളു​ടെ യുക്തമായ പ്രബോ​ധനം നൽകു​ന്ന​തിന്‌” കത്തോ​ലി​ക്കാ ബിഷപ്പു​മാർക്ക്‌ നിർദ്ദേശം കൊടു​ക്ക​പ്പെ​ടു​ക​യും ചെയ്‌തു.” അങ്ങനെ കത്തോ​ലി​ക്ക​രായ സാമാ​ന്യ​ജ​ന​ത്തിന്‌ ഇന്ന്‌ ബൈബിൾ സംമ്പാ​ദി​ക്കു​ന്ന​തി​നും അത്‌ വായി​ക്കു​ന്ന​തി​നും തങ്ങൾ പഠിപ്പി​ക്ക​പ്പെ​ട്ടി​രുന്ന കാര്യ​ങ്ങ​ളോട്‌ തങ്ങൾ വായ്‌ച്ച​റിഞ്ഞ കാര്യങ്ങൾ താരത​മ്യം ചെയ്‌തു നോക്കു​ന്ന​തി​നും കഴിയും.

പക്ഷേ, ഈ സമൂല പരിവർത്തനം പ്രശ്‌നങ്ങൾ സൃഷ്ടി​ക്കാ​തെയല്ല സംഭവി​ച്ചി​ട്ടു​ള്ളത്‌. അനേക കത്തോ​ലി​ക്കർ തങ്ങളുടെ ജീവി​ത​ത്തിൽ ആദ്യമാ​യി ബൈബി​ളിൽ ഒരിട​ത്തും സഭയുടെ പഠിപ്പി​ക്കൽ കാണാ​നില്ല എന്ന്‌ കണ്ടെത്തി​ക്കൊ​ണ്ടി​രി​ക്കു​ന്നു. അത്തരം പഠിപ്പി​ക്ക​ലു​ക​ളിൽ മറിയ​യോ​ടുള്ള ഭക്തി, “വിശു​ദ്ധൻമാ​രോ​ടു”ള്ള പ്രാർത്ഥന, ഭൗതീ​കാ​വ​ശി​ഷ്ട​പൂജ, ഐഹിക പാപ​മോ​ചനം, ശുദ്ധീ​ക​ര​ണ​സ്ഥലം, ലിംബോ എന്നിവ ഉൾപ്പെ​ടു​ന്നു.

ഇവയിൽ ഒടുക്ക​ത്തെ​തി​നെ​ക്കു​റിച്ച എ കാത്തലിക്‌ ഡിക്‌ഷ്‌ണറി സമ്മതിച്ചു പറയു​ന്ന​തി​പ്ര​കാ​ര​മാണ്‌: “ഒരു പാപവും ചെയ്യാത്ത ആളുകൾ നരകത്തിൽ ദണ്ഡനം അനുഭ​വി​ക്കണം എന്ന വിശ്വാ​സ​ത്തോട്‌ സ്വാഭാ​വി​ക​മായ ഒരു വെറുപ്പ്‌ നിലവിൽ ഉണ്ടായി​രു​ന്നു. ഈ വിഷമ​പ്ര​ശ്‌നം, അതിൽനി​ന്നും രക്ഷപ്പെ​ടാ​നുള്ള വഴിയെന്ന നിലയിൽ നിരവധി സിദ്ധാ​ന്തങ്ങൾ ആവിഷ്‌ക്ക​രി​ക്കു​ന്ന​തിന്‌ ദൈവ​ശാ​സ്‌ത്ര​ജ്ഞൻമാ​രെ വഴിന​യി​ച്ചു.” ലിംബോ അതി​ലൊ​ന്നാണ്‌.c

എന്നിരി​ക്കി​ലും ബൈബിൾ പറയു​ന്നത്‌ മരിച്ചവർ പുനരു​ത്ഥാ​ന​വും കാത്ത്‌ ശവക്കു​ഴി​യിൽ നിദ്ര​കൊ​ള്ളു​ന്നു​വെ​ന്നാണ്‌. (സഭാ​പ്ര​സം​ഗി 9:5, 10; യോഹ​ന്നാൻ 5:28, 29). അമർത്ത്യ​ദേഹി എന്നൊന്ന്‌ ഇല്ലാത്ത​തു​കൊണ്ട്‌ നരക ദണ്ഡനവും ഉണ്ടാകാൻ കഴിയു​ക​യില്ല. അതു​കൊണ്ട്‌ ദൈവ ശാസ്‌ത്ര​പ​ര​മായ പ്രതി​സ​ന്ധി​യിൽ നിന്ന്‌ രക്ഷപെ​ടു​ന്ന​തിന്‌ ലിം​ബോ​യു​ടെ സിദ്ധാന്തം കണ്ടുപി​ടി​ക്കേണ്ട യാതൊ​രു ആവശ്യ​വു​മില്ല! ബൈബിൾ വായന​ക്കാ​രായ കത്തോ​ലി​കർ അകപ്പെ​ട്ടി​രി​ക്കുന്ന വിഷമ​പ്ര​ശ്‌ന​ങ്ങ​ളു​ടെ കേവലം ഒരുദാ​ഹ​രണം മാത്ര​മാ​ണിത്‌. അവർ വിശ്വ​സി​ക്കേ​ണ്ട​തെ​ന്താണ്‌, മനുഷ്യൻ കണ്ടുപി​ടിച പാരമ്പ​ര്യ​മോ അതോ ബൈബി​ളോ?

കത്തോ​ലി​ക്കാ സഭയ്‌ക്ക്‌ ഒരു പ്രതി​സ​ന്ധി

പക്ഷേ പ്രശ്‌നം അതി​ലേറെ ആഴമു​ള്ള​താണ്‌. വ്യക്തി​ക​ളായ കത്തോ​ലി​ക്കർ നേരി​ടുന്ന മേൽപ്പറഞ്ഞ വിഷമ​സ​ന്ധി​യിൽ നിന്ന്‌ ഒരു പുരോ​ഹി​തൻ ഇങ്ങനെ പറഞ്ഞു​കൊണ്ട്‌ ഒഴിഞ്ഞു മാറി​യേ​ക്കാം: ‘പ്രശ്‌ന​മൊ​ന്നു​മില്ല. ബൈബിൾ വെളി​പ്പാട്‌ പാരമ്പ​ര്യ​ത്താൽ പൂർണ്ണാ​ലാ​ക്ക​പ്പെ​ട്ടി​രി​ക്കു​ക​യാണ്‌. സഭയുടെ പാരമ്പ​ര്യം അംഗീ​ക​രി​ക്കുക.’ പക്ഷേ, കാര്യങ്ങൾ അത്ര സരളമല്ല.

പാരീ​സി​ലെ കത്തോ​ലി​ക്കാ ഇൻസ്‌റ്റി​റ്റ്യൂ​ട്ടി​ലെ ജെസ്യൂട്ട്‌ പ്രൊ​ഫസ്സർ ആയ പോൾ ഹെൻട്രി ഇങ്ങനെ എഴുതി: “തിരു​വെ​ഴുത്ത്‌ ജീവി​ത​ത്തിൽ നാം ആരാധ​ന​ക്കും ധാർമ്മി​ക​നി​ഷ്‌ഠ​യ്‌ക്കും സഭയുടെ ദൈവ​ശാ​സ്‌ത്ര​പ​ര​മായ ഉപദേ​ശ​ത്തി​നും മാതൃ​കാ​പ്ര​മാ​ണ​മാണ്‌. മാതൃ​കാ​പ്ര​മാ​ണം എന്നതു​കൊണ്ട്‌ ദൈവം വെളി​പ്പെ​ടു​ത്തി​യ​തോ തിരു​വെ​ഴു​ത്തിൽ എഴുത​പ്പെ​ട്ടി​ട്ടുണ്ട്‌ എന്ന അർത്ഥത്തി​ലല്ല. പിന്നെ​യോ സഭ അപ്രമാ​ദി​ത്ത​പൂർവ്വം ചെയ്യു​ന്ന​തോ പഠിപ്പി​ക്കു​ന്ന​തോ ആയ യാതൊ​ന്നും തിരു​വെ​ഴു​ത്തിന്‌ വിരുദ്ധം ആയിരി​ക്കാൻ സാദ്ധ്യമല്ല എന്ന അർത്ഥത്തി​ലാണ്‌.”

പാരമ്പ​ര്യം വിശുദ്ധ തിരു​വെ​ഴു​ത്തു​കളെ പൂർത്തി​ക​രി​ക്കു​ന്നു എന്ന അവകാ​ശ​വാ​ദം തികച്ചും മോശ​മാണ്‌. കത്തോ​ലി​ക്കർക്ക്‌ അവരുടെ ബൈബി​ളു​ക​ളിൽ 1 കൊരി​ന്ത്യർ 4:6-ൽ വായി​ക്കാൻ കഴിയു​ന്ന​തി​നോട്‌ അത്‌ അതിൽതന്നെ പരസ്‌പ​ര​വി​രു​ദ്ധ​മാണ്‌. പക്ഷെ—നരകാഗ്നി ശുദ്ധീ​ക​ര​ണ​സ്ഥലം ലിംബോ—തുടങ്ങി​യവ ബൈബി​ളിൽ കണ്ടെത്താ​താ​വി​ല്ലെന്നു മാത്രമല്ല തിരു​വെ​ഴു​ത്തിന്‌ വിരു​ദ്ധ​വും ആണെന്ന വസ്‌തുത കത്തോ​ലി​ക്കാ​സ​ഭയെ വിഷമ​സ​ന്ധി​യു​ടെ മുനക​ളിൽ നിർത്തു​ന്നു—യെഹെ​സ്‌ക്കേൽ 18:4, 20; റോമർ 6:23.

പാരമ്പ​ര്യ​ത്തെ ബൈബി​ളു​മാ​യി തട്ടിച്ചു നോക്കുക

രണ്ടാം വത്തിക്കാൻ കൗൺസി​ലിൽ വച്ച്‌ കത്തോ​ലി​ക്കാ​സഭ “ദിവ്യ​തി​രു​വെ​ഴു​ത്തു​ക​ളു​ടെ നിരന്ത​ര​വാ​യ​നയി”ലേർപ്പെ​ടു​വാൻ “സകല ക്രിസ്‌തീയ വിശ്വാ​സി​ക​ളെ​യും” ആഹ്വാനം ചെയ്‌തു. കൂടാതെ ഒരു കത്തോ​ലി​ക്കാ നിഘണ്ടു പറയുന്നു: “തിരു​വെ​ഴു​ത്തിന്‌ വിപരീ​ത​മായ യാതൊ​രു​പ​ദേ​ശ​വും സഭയ്‌ക്ക്‌ പഠിപ്പി​ക്കാ​നാ​വി​ല്ലെന്ന്‌ പൂർണ്ണ ഉറപ്പോ​ടെ വിശ്വ​സി​ക്കു​ന്ന​തിൽ ഒരു കത്തോ​ലി​ക്കന്‌ എല്ലാ നീതീ​ക​ര​ണ​വു​മുണ്ട്‌.” ആത്മാർത്ഥ​ത​യുള്ള കത്തോ​ലി​ക്കർ തങ്ങളുടെ സഭയുടെ ഈ പ്രോ​ത്സാ​ഹ​ന​ത്തിന്‌ ചെവി​കൊ​ടു​ത്തു​കൊണ്ട്‌ ബൈബിൾ വായി​ക്കു​ന്ന​തി​നും എതെങ്കി​ലും കത്തോ​ലി​ക്കാ ഉപദേശം “തിരു​വെ​ഴു​ത്തു​കൾക്ക്‌ വിരു​ദ്ധ​മാ​ണോ” എന്ന്‌ സ്വയം കാണു​ന്ന​തി​നും ഞങ്ങൾ ക്ഷണിക്കു​ന്നു.

കത്തോ​ലി​ക്കർ ബൈബിൾ ഉപദേ​ഷ്ടാ​ക്കൻമാ​രാ​യി​ത്തീ​രണം എന്ന്‌ കാത്തലിക്‌ വേൾഡ്‌ ഫെഡ​റേഷൻ ഓഫ്‌ ബിബ്‌ളി​ക്കൽ അപ്പോ​സ്‌റ്റ​ലേ​റ്റി​ന്റെ മൂന്നാം പൊതു​സ​മ്മേ​ള​ന​ത്തിൽ ചെയ്‌ത ആഹ്വാ​ന​ത്തിന്‌ ചെവി​കൊ​ടു​ക്കാൻ അവർ ആഗ്രഹി​ക്കു​ന്നു​വെ​ങ്കിൽ ഇത്‌ അധികം പ്രധാ​ന​മാണ്‌. ഈ ആഹ്വാ​ന​ത്തെ​യും അതിന്റെ പരിണിത ഫലങ്ങ​ളെ​യും കുറിച്ച്‌ പിൻവ​രുന്ന ലേഖന​ത്തിൽ ചർച്ച ചെയ്യു​ന്ന​താ​യി​രി​ക്കും. (g86 6/8)

[അടിക്കു​റി​പ്പു​കൾ]

[18-ാം പേജിലെ ആകർഷ​ക​വാ​ക്യം]

“തിരു​വെ​ഴു​ത്തി​ല​ധി​ക​മാ​യും മേലാ​യും ഒരു അലിഖിത ദൈവ​വ​ചനം”ഉണ്ടോ?

[19-ാം പേജിലെ ആകർഷ​ക​വാ​ക്യം]

“സഭ അപ്രമാ​ദി​ത്ത​പൂർവ്വം ചെയ്യു​ന്ന​തോ പഠിപ്പി​ക്കു​ന്ന​തോ ആയ യാതൊ​ന്നും തിരു​വെ​ഴു​ത്തി​നു വിരുദ്ധം ആയിരി​ക്കാൻ സാദ്ധ്യമല്ല” എന്നതു സത്യമാ​ണോ?

[19-ാം പേജിലെ ചിത്രം]

രണ്ടാം വത്തിക്കാൻ കൗൺസിൽ കാര്യ​ങ്ങൾക്കു മാറ്റം വരുത്തി

[കടപ്പാട്‌]

UPI/Bettmann Newsphotos