തിൻമ​യും കഷ്ടപ്പാ​ടും—അവ എങ്ങനെ അവസാ​നി​ക്കും?

കഠിനാ​നു​ഭ​വങ്ങൾ മിക്ക​പ്പോ​ഴും കഠിന​പ്പെ​ടു​ത്തു​ന്നു. എന്നാൽ മാനുഷ ദുരി​ത​ത്തിന്‌ ഒരു ന്യായ​മായ കാരണ​മു​ണ്ടെ​ങ്കി​ലോ? അതു മനസ്സിൽ പിടി​ച്ചു​കൊണ്ട്‌, നമുക്ക്‌ ഇയ്യോ​ബി​നെ​ക്കു​റി​ച്ചുള്ള വിവരണം തുടരാം. ഉഗ്രമായ വാദ​പ്ര​തി​വാ​ദ​ത്തി​ന്റെ മൂന്ന്‌ തവണകൾക്കു​ശേഷം എലീഹു എന്നു​പേ​രുള്ള ഒരു യുവാവ്‌ തുറന്നു സംസാ​രി​ക്കു​ന്നു. അവൻ ഇയ്യോ​ബി​നോ​ടു പറയുന്നു: “‘എന്റെ നീതി ദൈവ​ത്തി​ന്റേ​തി​ലും അധിക​മാണ്‌’ എന്നു നീ പറഞ്ഞി​രി​ക്കു​ന്നു.” അതെ, ഇയ്യോബ്‌ സ്വകീയ ചിന്തയും സ്വയനീ​തീ​ക​ര​ണ​വു​മു​ള്ള​വ​നാ​യി​രു​ന്നു. “നോക്കൂ! ഇതിൽ നീ ശരിയു​ടെ പക്ഷത്താ​യി​രു​ന്നില്ല, ഞാൻ നിന്നോട്‌ ഉത്തരം പറയു​ക​യാണ്‌; എന്തെന്നാൽ ദൈവം മരണമുള്ള മനുഷ്യ​നെ​ക്കാൾ വളരെ ഉപരി​യാണ്‌” എന്ന്‌ എലീഹൂ പറയുന്നു.—ഇയ്യോബ്‌ 35:2; 33:8-12.

താൻ നല്ലവനാ​ണെ​ന്നു​ള്ള​തിന്‌ ദൈവം സമൃദ്ധ​മായ തെളിവു നൽകി​യി​ട്ടുണ്ട്‌. (പ്രവൃ​ത്തി​കൾ 14:17; റോമർ 1:20) അതു​കൊണ്ട്‌ തിൻമ​യു​ടെ അസ്‌തി​ത്വം ദൈവ​ത്തി​ന്റെ നൻമയെ ചോദ്യം ചെയ്യാ​നുള്ള ഏതെങ്കി​ലും കാരണ​മാ​ണോ? എലീഹു ഉത്തരം നൽകുന്നു: “സത്യ​ദൈവം അശേഷം ദുഷ്ടമാ​യി പ്രവർത്തി​ക്കു​ക​യില്ല, സർവ്വശക്തൻ അന്യാ​യ​മാ​യി പ്രവർത്തി​ക്കു​ക​യില്ല!”—ഇയ്യോബ്‌ 34:10.

ദൈവം—തിൻമ​ക്കെ​തി​രെ അശക്തനോ?

അപ്പോൾ, ഇയ്യോ​ബി​നു​വേ​ണ്ടി​യോ മറ്റാർക്കെ​ങ്കി​ലും വേണ്ടി​യോ ഇടപെ​ടാൻ ദൈവം കേവലം അശക്തനാ​യി​രു​ന്നോ? മറിച്ചാ​ണു സത്യം! ഭയജന​ക​മായ ഒരു ചുഴലി​ക്കാ​റ്റിൽനിന്ന്‌ ഇപ്പോൾ ദൈവം തനിക്കു​വേണ്ടി സംസാ​രി​ക്കു​ന്നു, തന്റെ സർവ്വശ​ക്തി​ത്വ​ത്തെ ശക്തിമ​ത്താ​യി സ്ഥിരീ​ക​രി​ച്ചു​കൊ​ണ്ടു​തന്നെ: “ഞാൻ ഭൂമിയെ സ്ഥാപി​ച്ച​പ്പോൾ നീ എവി​ടെ​യാ​യി​രു​ന്നു?” എന്ന്‌ അവൻ ഇയ്യോ​ബി​നോട്‌ ചോദി​ക്കു​ന്നു. എന്തിന്‌, അശേഷം പരിമി​ത​നാ​യി​രി​ക്കാ​തെ, അവൻ തന്നേക്കു​റി​ച്ചു​തന്നെ സമു​ദ്ര​ങ്ങളെ നിയ​ന്ത്രി​ക്കാ​നും ആകാശ​ങ്ങ​ളെ​യും അതിലെ ജീവി​ക​ളെ​യും ഭരിക്കാ​നും കഴിവു​ള്ള​വ​നെന്ന്‌ പറയുന്നു.—ഇയ്യോബ്‌ 38:4, 8-10, 33; 39:9; 40:15; 41:1

ഇയ്യോബ്‌ കഷ്ടപ്പെ​ടാൻ താൻ അനുവ​ദി​ച്ച​തെ​ന്തു​കൊ​ണ്ടെന്ന്‌ ദൈവം അവനോ​ടു വിശദീ​ക​രി​ക്കു​ന്നി​ല്ലെ​ന്നു​ള്ളതു സത്യം​തന്നെ. എന്നാൽ “ഒരു കുറ്റാ​രോ​പകൻ സർവ്വശ​ക്ത​നോട്‌ ഏതെങ്കി​ലും വാദം നടത്തണ​മോ?” എന്ന്‌ ദൈവം ചോദി​ക്കു​ന്നു. “യഥാർത്ഥ​ത്തിൽ നീ എന്റെ നീതിയെ അസാധു​വാ​ക്കു​മോ? നീ നീതി​മാ​നാ​യി​രി​ക്കേ​ണ്ട​തിന്‌ നീ എന്നെ ദുഷ്ട​നെന്നു പ്രഖ്യാ​പി​ക്കു​മോ?” (ഇയ്യോബ്‌ 40:2, 8) അപ്പോൾ ലോക​ത്തി​ന്റെ കഷ്ടങ്ങൾക്ക്‌ ദൈവത്തെ കുറ്റ​പ്പെ​ടു​ത്തു​ന്നത്‌ അല്ലെങ്കിൽ അവനു​വേണ്ടി തത്വശാ​സ്‌ത്ര​പ​ര​മായ പ്രതി​വാ​ദങ്ങൾ ചമയ്‌ക്കു​ന്നത്‌ എത്ര ധിക്കാ​ര​പ​ര​മാണ്‌! ഇപ്പോൾ ഇയ്യോബ്‌ ചെയ്യാൻ പ്രേരി​ത​നാ​യ​തു​പോ​ലെ, അങ്ങനെ​യു​ള്ളവർ തങ്ങളുടെ വിരുദ്ധ സിദ്ധാ​ന്തങ്ങൾ സംബന്ധിച്ച്‌ “പിൻവാ​ങ്ങു​ന്നത്‌” നന്നായി​രി​ക്കും.”—ഇയ്യോബ്‌ 42:6.

തീരു​മാ​ന​മു​ണ്ടാ​ക്കേണ്ട വിവാദ പ്രശ്‌ന​ങ്ങൾ

മനു​ഷ്യ​ന്റെ സൃഷ്ടി​പ്പി​നു​ശേഷം താമസി​യാ​തെ ഉന്നയി​ക്ക​പ്പെട്ട നിരവധി ബൃഹത്തായ വിവാ​ദ​പ്ര​ശ്‌നങ്ങൾ തന്റെ കഷ്ടപ്പാ​ടു​ക​ളിൽ ഉൾപ്പെ​ട്ടി​രു​ന്നു​വെന്ന്‌ ഇയ്യോബ്‌ തിരി​ച്ച​റി​ഞ്ഞില്ല. ആ സമയത്ത്‌ സാത്താൻ (“എതിരാ​ളി”) എന്നു വിളി​ക്ക​പ്പെട്ട മത്സരി​യായ ഒരു ആത്മസൃഷ്ടി മനുഷ്യ​നെ പാപത്തി​ലേക്കു നയിച്ചി​രു​ന്നു. “നൻമ​യെ​യും തിൻമ​യെ​യും കുറി​ച്ചുള്ള അറിവി​ന്റെ വൃക്ഷ”ത്തിൽനിന്ന്‌ തിന്നു​ന്ന​തൊ​ഴി​വാ​ക്കാൻ ദൈവം ആദാമി​നോ​ടും ഹവ്വാ​യോ​ടും കല്‌പി​ച്ചി​രു​ന്നു. അവർക്ക്‌ നൻമയോ തിൻമ​യോ എന്തെന്നു നിശ്ചയി​ക്കാ​നുള്ള ദൈവ​ത്തി​ന്റെ അവകാ​ശത്തെ അവർ ആദരി​ക്ക​ണ​മാ​യി​രു​ന്നു. എന്നിരു​ന്നാ​ലും എതിരാ​ളി ഹവ്വായു​ടെ മനസ്സിൽ സംശയം വിതച്ചു​കൊ​ണ്ടു പറഞ്ഞു: “തോട്ട​ത്തി​ലെ എല്ലാ വൃക്ഷത്തിൽനി​ന്നും തിന്നരു​തെന്ന്‌ ദൈവം പറഞ്ഞു​വെ​ന്നത്‌ യഥാർത്ഥ​ത്തിൽ അങ്ങനെ​ത​ന്നെ​യോ?” അടുത്ത​താ​യി ദൈവം പറഞ്ഞതി​നു വിപരീ​ത​മാ​യി അവൻ ഇങ്ങനെ പറഞ്ഞു: “നിങ്ങൾ തീർച്ച​യാ​യും മരിക്ക​യില്ല. എന്തെന്നാൽ നിങ്ങൾ അതിൽനിന്ന്‌ തിന്നുന്ന ദിവസം​തന്നെ നിങ്ങളു​ടെ കണ്ണുകൾ തുറ​ക്കേ​ണ്ട​താ​ണെ​ന്നും നിങ്ങൾ ദൈവ​ത്തെ​പ്പോ​ലെ​യാ​യി​രി​ക്കേ​ണ്ട​താ​ണെ​ന്നും ദൈവം അറിയു​ന്നു.”—ഉല്‌പത്തി 2:17; 3:1-5.

സാത്താന്റെ ദൂഷണ വാക്കുകൾ ഗംഭീ​ര​ങ്ങ​ളായ വിവാ​ദ​പ്ര​ശ്‌നങ്ങൾ ഉന്നയിച്ചു: വിലക്ക​പ്പെട്ട ഫലം തിന്നു​ന്ന​തിന്‌ മരണശിക്ഷ വിധി​ച്ച​തിൽ ദൈവം ഒരു നുണയ​നാ​യി​രു​ന്നോ? എങ്കിൽ, തന്റെ സൃഷ്ടി​ക​ളിൽ നിന്ന്‌ സ്വാത​ന്ത്ര്യ​ത്തെ കവർന്നു​ക​ള​യാ​നും തന്റെ പ്രമാ​ണങ്ങൾ അവരു​ടെ​മേൽ അടി​ച്ചേൽപ്പി​ക്കാ​നും അവന്‌ എന്ത്‌ അവകാ​ശ​മുണ്ട്‌? അവൻ തന്റെ സൃഷ്ടി​ക​ളിൽനിന്ന്‌ നൻമ പിൻവ​ലി​ക്കുന്ന ഒരു സ്വാർത്ഥ ദൈവ​മല്ലേ? ദൈവത്തെ വിട്ടുള്ള സ്വാത​ന്ത്ര്യം അഭികാ​മ്യ​മാ​യി​രി​ക്കു​ക​യി​ല്ലേ?

മത്സരി​ക​ളെ വകവരു​ത്തു​ന്നത്‌ കൂടുതൽ ചോദ്യ​ങ്ങൾ ഉന്നയി​ക്കു​ന്ന​തി​ല​ധി​കം ഗുണ​മൊ​ന്നും ചെയ്യു​മാ​യി​രു​ന്നില്ല. ഒരു മതിയായ കാലഘ​ട്ട​ത്തിൽ ദൈവത്തെ വിട്ടുള്ള സ്വാത​ന്ത്ര്യ​ത്തിന്‌ കടിഞ്ഞാ​ണി​ല്ലാ​തി​രി​ക്കാൻ അനുവ​ദി​ച്ചെ​ങ്കിൽ മാത്രമേ സാത്താന്റെ സ്വാത​ന്ത്ര്യ വാഗ്‌ദാ​നം വിപത്തി​ലേ​ക്കുള്ള ഒരു ക്ഷണമാ​ണെന്ന്‌ എന്നെ​ന്നേ​ക്കു​മാ​യി തെളി​യി​ക്കാൻ കഴിയു​മാ​യി​രു​ന്നു​ള്ളു. അതെ, “മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൻ കീഴിൽ കിടക്കു​ക​യാ​കു​ന്നു,” ദൈവ​ത്തി​ന്റെ അധികാ​ര​ത്തിൻ കീഴിലല്ല, പിന്നെ​യോ പിശാ​ചായ സാത്താന്റെ അധികാ​ര​ത്തിൻ കീഴിൽ. (1 യോഹ​ന്നാൻ 5:19) രോഗം, അനീതി, സാമ്പത്തിക അടിമത്തം, ഹൃദയ​വേദന—ദൈവത്തെ വിട്ടുള്ള സ്വാത​ന്ത്ര്യ​ത്തെ തെര​ഞ്ഞെ​ടു​ത്തു​കൊണ്ട്‌ മനുഷ്യൻ സാത്താന്യ ഭരണത്തിൻകീ​ഴിൽ വന്നതിന്റെ ഫലം ഇതെല്ലാ​മാണ്‌! സാങ്കേ​തിക ശാസ്‌ത്ര പുരോ​ഗ​തി​യെ​ല്ലാ​മു​ണ്ടാ​യി​ട്ടും ലോകാ​വ​സ്ഥകൾ തുടർന്ന്‌ വഷളാ​കു​ക​യാണ്‌—മിക്ക​പ്പോ​ഴും ആധുനിക സാങ്കേ​തിക ശാസ്‌ത്രം നിമി​ത്തം​തന്നെ.

എന്നിരു​ന്നാ​ലും, ഈ അവർണ്ണ​നീയ ദുരി​ത​മെ​ല്ലാം സംബന്ധിച്ച ദൈവ​ത്തി​ന്റെ അനുവാ​ദം അവനെ നീതി​കെ​ട്ട​വ​നാ​ക്കു​ന്നില്ല. മറിച്ച്‌, മനു​ഷ്യ​ന്റെ അനീതി ‘ദൈവ​ത്തി​ന്റെ നീതിയെ മുൻപ​ന്തി​യി​ലേക്കു കൊണ്ടു​വ​ന്നി​രി​ക്കു​ന്നു.’ (റോമർ 3:5) എങ്ങനെ?

കഷ്ടപ്പാട്‌ നീക്ക​പ്പെ​ടു​ന്നു—എന്നേക്കും!

“സർവ്വസൃ​ഷ്ടി​യും ഇന്നുവരെ ഒരുമി​ച്ചു ഞരങ്ങു​ക​യും ഒരുമി​ച്ചു വേദന​പ്പെ​ടു​ക​യും ചെയ്യുന്നു”വെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു. (റോമർ 8:22) അതെ, മനുഷ്യ​സ്വാ​ത​ന്ത്ര്യ​ത്തി​ന്റെ വിപൽക്ക​ര​മായ 6,000 വർഷങ്ങൾ യിരെ​മ്യാവ്‌ 10:23-ലെ വാക്കുകൾ സത്യ​മെന്ന്‌ പ്രകട​മാ​ക്കി​യി​രി​ക്കു​ന്നു: “തന്റെ ചുവടി​നെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള്ളതല്ല.” എന്നിരു​ന്നാ​ലും, പെട്ടെ​ന്നു​തന്നെ ദൈവം നീതി​പൂർവ്വം ഇടപെ​ടു​ക​യും മനുഷ്യ​വർഗ്ഗ​ത്തി​ന്റെ കാര്യങ്ങൾ നടത്തി​ത്തു​ട​ങ്ങു​ക​യും ചെയ്യും.

മനുഷ്യ​സ്വാ​ത​ന്ത്ര്യ​ത്തി​ന്റെ വിപൽക്ക​ര​മായ പരിണ​ത​ഫ​ലങ്ങൾ ഇങ്ങനെ സമ്പൂർണ്ണ​മാ​യി തുറന്നു കാട്ട​പ്പെ​ട്ടി​രി​ക്കു​മ്പോൾ, കഷ്ടപ്പാ​ടി​നി​ട​യാ​ക്കി​യി​രി​ക്കുന്ന സകല കാര്യ​ങ്ങ​ളെ​യും ദൈവ​ത്തിന്‌ പിന്നീടു നീക്കം ചെയ്യാൻ കഴിയും: യുദ്ധങ്ങൾ, രോഗം, കുറ്റ​കൃ​ത്യം, അക്രമം എന്നിവ​യെ​യും മരണ​ത്തെ​പ്പോ​ലും! (സങ്കീർത്തനം 46:8, 9; യെശയ്യാവ്‌ 35:5, 6; സങ്കീർത്തനം 37:10, 11; യോഹ​ന്നാൻ 5:28, 29; 1 കൊരി​ന്ത്യർ 15:26) അത്‌ അപ്പോ​സ്‌ത​ല​നായ യോഹ​ന്നാൻ ഒരു സ്വർഗ്ഗീയ ദർശന​ത്തിൽ കേട്ടതു​പോ​ലെ​ത​ന്നെ​യാണ്‌: “ദൈവം . . . അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മേലാൽ മരണമു​ണ്ടാ​യി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല. പൂർവ്വ കാര്യങ്ങൾ കടന്നു​പോ​യി​രി​ക്കു​ന്നു.”—വെളി​പ്പാട്‌ 21:3, 4;

ഇയ്യോ​ബി​ന്റെ സ്വത്തും ആരോ​ഗ്യ​വും തിരികെ കൊടു​ത്തു​കൊ​ണ്ടും ഒരു വലിയ കുടും​ബം കൊടുത്ത്‌ അനു​ഗ്ര​ഹി​ച്ചു​കൊ​ണ്ടും ദൈവം അവന്റെ കഷ്ടപ്പാ​ടു​കൾ അവസാ​നി​പ്പി​ച്ചത്‌ കൗതു​ക​ക​രം​തന്നെ. (ഇയ്യോബ്‌ 42:10-17) അതു​പോ​ലെ​തന്നെ, ബൈബിൾ നമ്മോട്‌ ഇങ്ങനെ വാഗ്‌ദത്തം ചെയ്യുന്നു: “വെളി​പ്പെ​ടു​ത്ത​പ്പെ​ടാൻ പോകുന്ന മഹത്വ​ത്തോ​ടുള്ള താരത​മ്യ​ത്തിൽ ഏതൽക്കാ​ലത്തെ കഷ്ടപ്പാ​ടു​കൾ ഏതുമില്ല . . . സൃഷ്ടി​ത​ന്നെ​യും ദ്രവത്വ​ത്തി​ന്റെ അടിമ​ത്ത​ത്തിൽനിന്ന്‌ സ്വത​ന്ത്ര​മാ​ക്ക​പ്പെ​ടു​ക​യും ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പ്രാപി​ക്കു​ക​യും ചെയ്യും.” (റോമർ 8:18, 21) അങ്ങനെ ദുഷ്ടത യഥാർത്ഥ​മാ​യി നമ്മുടെ ഓർമ്മ​ക​ളിൽ നിന്ന്‌ മായി​ക്ക​പ്പെ​ടും!—യെശയ്യാവ്‌ 65:17 താരത​മ്യ​പ്പെ​ടു​ത്തുക.

തിൻമ​യോ​ടൊ​പ്പം ജീവിക്കൽ

ആ സ്വാത​ന്ത്ര്യം വരുന്ന​തു​വരെ, വ്യക്തി​പ​ര​മായ വിപത്തിൽനിന്ന്‌ ദൈവം നമ്മെ സംരക്ഷി​ക്കാൻ പ്രതീ​ക്ഷി​ക്കാ​തെ ഒരു ദുഷ്ട​ലോ​ക​ത്തിൽ നാം ജീവിതം സഹിക്കണം. സങ്കീർത്തനം 91:10-12-ലെ ബൈബിൾ വാക്യം വളച്ചൊ​ടി​ച്ചു​കൊണ്ട്‌ ആലയത്തി​ന്റെ മുകളിൽനി​ന്നു ചാടാൻ പിശാ​ചായ സാത്താൻ യേശു​ക്രി​സ്‌തു​വി​നെ പ്രലോ​ഭി​പ്പി​ച്ച​പ്പോൾ അവൻ ഒരു വ്യാജ പ്രത്യാശ ഉയർത്തു​ക​യാ​യി​രു​ന്നു, അതിങ്ങനെ പറയുന്നു: “നിനക്ക്‌ അനർത്ഥം ഭവിക്കു​ക​യില്ല . . . എന്തു​കൊ​ണ്ടെ​ന്നാൽ നിന്നെ കാക്കാൻ അവൻ തന്റെ സ്വന്തം ദൂതൻമാർക്ക്‌ നിന്നെ​ക്കു​റിച്ച്‌ ഒരു കല്‌പന കൊടു​ക്കും.” എന്നിരു​ന്നാ​ലും അത്ഭുത​ക​ര​മായ ശാരീ​രിക സംരക്ഷണം ലഭിക്കു​ന്ന​തി​ന്റെ ഏതാശ​യ​ത്തെ​യും യേശു തള്ളിക്ക​ളഞ്ഞു. (മത്തായി 4:5-7) നമ്മുടെ ആത്മീയ​ക്ഷേ​മത്തെ പരിര​ക്ഷി​ക്കു​മെന്നു മാത്രമേ ദൈവം വാഗ്‌ദാ​നം ചെയ്യു​ന്നു​ള്ളു.

അതു​കൊണ്ട്‌, ദുരന്തം ഭവിക്കു​മ്പോൾപോ​ലും സത്യ​ക്രി​സ്‌ത്യാ​നി​കൾ “യഹോ​വ​ക്കെ​തി​രെ​പോ​ലും കുപിത”രാകു​ന്നില്ല. (സദൃശ​വാ​ക്യ​ങ്ങൾ 19:3) എന്തെന്നാൽ ക്രിസ്‌ത്യാ​നി​കൾക്കും “കാലവും മുൻകൂ​ട്ടി​ക്കാ​ണാത്ത സംഭവ​വും നേരി​ടു​ന്നു.” (സഭാ​പ്ര​സം​ഗി 9:11) എന്നിരു​ന്നാ​ലും, നാം ആശയറ്റ​വരല്ല. മേലാൽ തിൻമ ഉണ്ടായി​രി​ക്കു​ക​യി​ല്ലാത്ത ഒരു നീതി​യുള്ള പുതിയ ലോക​ത്തിൽ എന്നേക്കും ജീവി​ക്കാ​നുള്ള പ്രത്യാശ നമുക്കുണ്ട്‌. നമുക്ക്‌ എല്ലായ്‌പ്പോ​ഴും യഹോ​വ​യാം ദൈവത്തെ പ്രാർത്ഥ​ന​യിൽ സമീപി​ക്കാൻ കഴിയും, എന്തു​കൊ​ണ്ടെ​ന്നാൽ ഏതു പരി​ശോ​ധ​ന​യും സഹിച്ചു നിൽക്കു​ന്ന​തി​നാ​വ​ശ്യ​മായ ജ്ഞാനം നമുക്കു നൽകു​മെന്ന്‌ അവൻ വാഗ്‌ദത്തം ചെയ്യുന്നു! (യാക്കോബ്‌ 1:5) നാം സഹക്രി​സ്‌ത്യാ​നി​ക​ളു​ടെ പിന്തു​ണ​യും ആസ്വദി​ക്കു​ന്നു. (1 യോഹ​ന്നാൻ 3:17, 18) പരി​ശോ​ധ​നാ​വേ​ള​യി​ലെ നമ്മുടെ വിശ്വ​സ്‌തത യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ന്നു​വെന്ന അറിവും നമുക്കുണ്ട്‌!—സദൃശ​വാ​ക്യ​ങ്ങൾ 27:11.

എന്നിരു​ന്നാ​ലും, തിൻമ സഹിക്കു​ന്നത്‌ ഒരിക്ക​ലും എളുപ്പമല്ല. അതു​കൊണ്ട്‌, കഷ്ടപ്പാ​ടിൻ മദ്ധ്യേ ഒരുവനെ ആശ്വസി​പ്പി​ക്കു​മ്പോൾ, ‘കരയു​ന്ന​വ​രോ​ടു​കൂ​ടെ കരയു​ന്ന​തും’ പ്രാ​യോ​ഗിക സഹായം കൊടു​ക്കു​ന്ന​തും നല്ലതാണ്‌. (റോമർ 12:15) തുടക്ക​ത്തിൽ പറഞ്ഞ ആനാ അങ്ങനെ വിപത്തിൽനിന്ന്‌ മോചി​ത​യാ​കാൻ സഹായി​ക്ക​പ്പെട്ടു. അവൾ യഹോ​വ​യു​ടെ സാക്ഷി​ക​ളിൽപെട്ട ഒരാളാണ്‌. അവൾക്ക്‌ താൽക്കാ​ലിക പാർപ്പി​ടം കൊടു​ത്തു​കൊണ്ട്‌ സഹായി​ക്കാൻ സഹക്രി​സ്‌ത്യാ​നി​കൾ ഏറെ സന്നദ്ധരാ​യി​രു​ന്നു​വെന്ന്‌ അവൾ കണ്ടെത്തി. അവൾ ചില​പ്പോ​ഴൊ​ക്കെ വിഷാ​ദ​മ​ഗ്ന​യാ​കു​ന്നു​വെ​ങ്കി​ലും അവൾ ബൈബിൾ നൽകുന്ന പ്രത്യാ​ശ​യിൽ അഭയം കണ്ടെത്തു​ന്നു. ”എന്റെ മക്കൾ പുനരു​ത്ഥാ​ന​ത്തിൽ തിരികെ വരു​മെന്ന്‌ എനിക്ക​റി​യാം,” ആനാ പ്രസ്‌താ​വി​ക്കു​ന്നു. നൻമയു​ടെ ദൈവ​ത്തി​ലുള്ള അവളുടെ വിശ്വാ​സം അങ്ങനെ എന്നെ​ത്തേ​തി​ലും ശക്തമാണ്‌.

നിങ്ങൾ കഷ്ടപ്പാ​ടി​ന്റെ ഒരു കാലഘ​ട്ട​ത്തി​ലൂ​ടെ കടന്നു​പോ​കു​ക​യാ​ണെ​ങ്കിൽ നിങ്ങളു​ടെ ചോദ്യ​ങ്ങ​ളും സംശയ​ങ്ങ​ളും സംബന്ധി​ച്ചു നിങ്ങളെ സഹായി​ക്കാൻ യഹോ​വ​യു​ടെ സാക്ഷി​ക​ളോട്‌ ആവശ്യ​പ്പെ​ടുക. നിങ്ങൾക്ക്‌ ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​വും നിങ്ങൾക്ക്‌ അവരിൽനിന്ന്‌ വാങ്ങാൻ കഴിയും. അതിൽ “ദൈവം ദുഷ്ടത അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌?” എന്നും “നിങ്ങൾ മർമ്മ​പ്ര​ധാ​ന​മായ ഒരു വിവാ​ദ​പ്ര​ശ്‌ന​ത്തിൽ ഉൾപ്പെ​ട്ടി​രി​ക്കു​ന്നു” എന്നുമുള്ള സഹായ​ക​ങ്ങ​ളായ അദ്ധ്യാ​യ​ങ്ങ​ളുണ്ട്‌. ഇപ്പോൾ നല്ലയാ​ളു​കൾക്ക്‌ തിൻമകൾ സംഭവി​ക്കു​ന്നു​ണ്ടെ​ന്നു​ള്ളതു സത്യം​തന്നെ, എന്നാൽ പെട്ടെ​ന്നു​തന്നെ അതെല്ലാം മാറി​പ്പോ​കാ​നി​രി​ക്കു​ക​യാണ്‌. നിങ്ങളു​ടെ പരിസ​രത്തെ യഹോ​വ​യു​ടെ സാക്ഷി​ക​ളു​മാ​യി സമ്പർക്കം പുലർത്തി കൂടുതൽ വിശദാം​ശങ്ങൾ മനസ്സി​ലാ​ക്കുക, അല്ലെങ്കിൽ ഈ മാസി​ക​യു​ടെ പ്രസാ​ധ​കർക്ക്‌ എഴുതുക. (g87 10/8)

[9-ാം പേജിലെ ചിത്രങ്ങൾ]

ദൈവത്തിന്റെ നീതി​യുള്ള പുതിയ ലോക​ത്തിൽ തിൻമ മാഞ്ഞു​പോ​കുന്ന ഒരു സ്‌മര​ണ​യാ​യി​രി​ക്കും