ചെറു​പ്പ​ക്കാർ ചോദി​ക്കു​ന്നു . . .

ഞാൻ എന്റെ മാതാ​പി​താ​ക്കളെ അനുസ​രി​ക്കേ​ണ്ട​തെ​ന്തു​കൊണ്ട്‌?

ആറ്‌ സഞ്ചാര​പ​ഥ​ങ്ങ​ളുള്ള തിര​ക്കേ​റിയ ഒരു ഹൈ​വേ​യി​ലേക്ക്‌ ആരും കടക്കാ​തി​രി​ക്കു​ന്ന​തി​നു​വേണ്ടി തീർത്തി​രി​ക്കുന്ന ഒരു മതിലി​ന്റെ വലി​യൊ​രു ദ്വാര​ത്തിൻമു​മ്പിൽ ജോണും തന്റെ രണ്ടു കൂട്ടു​കാ​രി​ക​ളും നിന്നു. ചീറി​പ്പാ​യുന്ന കാറുകൾ പോയി​ക്ക​ഴി​യു​മ്പോൾ എത്രയും വേഗം വീട്ടി​ലെ​ത്തു​ന്ന​തി​നു​വേണ്ടി ഹൈവേ കുറുകെ കടക്കാ​നുള്ള ഒരുക്ക​ത്തി​ലാണ്‌ ഈ രണ്ടു പെൺകു​ട്ടി​കൾ.

“വരൂ ജോണേ, നീ ഞങ്ങളുടെ കൂടെ പോരു​ന്നി​ല്ലേ?” പെൺകു​ട്ടി​കൾ ചോദി​ച്ചു. ജോൺ അവരുടെ പിന്നാലെ തിരിച്ചു. “അപ്പോൾ ഒരിക്ക​ലും റോഡ്‌ കുറുകെ കടക്കരു​തെ​ന്നും നടപ്പാ​ത​യി​ലൂ​ടെ മാത്രമേ പോകാ​വൂ എന്നും എന്റെ മമ്മിയും ഡാഡി​യും എന്നോടു പറഞ്ഞി​ട്ടുള്ള കാര്യം എനിക്ക്‌ ഓർമ്മ വന്നു.”

ജോണി​ന്റെ മടി നിരീ​ക്ഷി​ച്ചു​കൊണ്ട്‌ അതിൽ ഒരു പെൺകു​ട്ടി അവനെ കളിയാ​ക്കി: “നീ ഒരു ഭീരു​വാണ്‌!” ആ വാക്കുകൾ ആഴത്തിൽ പതിഞ്ഞു. ജോൺ ഒരു ഭീരു അല്ലായി​രു​ന്നെ​ങ്കി​ലും രണ്ടു പെൺകു​ട്ടി​കൾ തന്റെ ബലഹീ​ന​ത​യെ​ക്കു​റി​ച്ചു പറയു​ന്നത്‌ ജോണിന്‌ ഇഷ്ടപ്പെ​ട്ടില്ല.

നിങ്ങ​ളോ​ടു​ത​ന്നെ ചോദി​ക്കുക: ‘ഞാൻ ജോണി​ന്റെ സ്ഥാനത്താ​യി​രു​ന്നു​വെ​ങ്കിൽ ഞാൻ എന്തു ചെയ്യു​മാ​യി​രു​ന്നു?’ അവൻ കൂട്ടു​കാ​രു​ടെ വെല്ലു​വി​ളി സ്വീക​രി​ക്കു​ന്നി​ല്ലെ​ങ്കിൽ അവൻ അവരുടെ മുമ്പിൽ അവമാ​നി​ത​നാ​കും. അടുത്തി​ല്ലാത്ത മാതാ​പി​താ​ക്ക​ളു​ടെ ആജ്ഞ മാത്രമേ തടസ്സമാ​യി​രു​ന്നു​ള്ളു.

സമാന​മാ​യി, നിങ്ങൾ അനുസ​രി​ക്കാൻ പ്രതീ​ക്ഷി​ക്കുന്ന ചില മാർഗ്ഗ​രേ​ഖകൾ നിങ്ങളു​ടെ മാതാ​പി​താ​ക്കൾ നിങ്ങൾക്ക്‌ നൽകി​യി​ട്ടു​ണ്ടെ​ന്നു​ള്ള​തി​നു സംശയ​മില്ല. അത്തരം ചട്ടങ്ങൾ ശുചി​ത്വം, ഗൃഹപാ​ഠം, നേരത്തെ വീട്ടി​ലെ​ത്തു​ന്നതു സംബന്ധി​ച്ചുള്ള നിശാ​നി​യ​മങ്ങൾ, വിനോ​ദ​രൂ​പങ്ങൾ എന്നിവ​യെ​ക്കു​റി​ച്ചു​മാ​ത്രമല്ല, പിന്നെ​യോ നടത്ത​യേ​യും ധാർമ്മികനിഷ്‌ഠകളെയുംകുറിച്ചുമായിരിക്കാം. എന്നാൽ ചില​പ്പോൾ ചെറു​പ്പ​ക്കാർക്ക്‌ മാതാ​പി​താ​ക്ക​ളു​ടെ ചട്ടങ്ങളെ അവഗണി​ക്കാ​നുള്ള പ്രലോ​ഭ​ന​മു​ണ്ടാ​കു​ന്നു. എന്നാൽ ചിന്തി​ക്കുക . . .

മാതാ​പി​താ​ക്കൾ ചട്ടങ്ങൾ വെക്കു​ന്ന​തെ​ന്തു​കൊണ്ട്‌?

“എന്റെ മകനേ [അല്ലെങ്കിൽ മകളേ], എന്റെ കൽപ്പന​ക​ള​നു​സ​രിച്ച്‌ തുടർന്നു ജീവി​ക്കുക” എന്ന്‌ ജ്ഞാനി​യായ ഒരു പിതാ​വെ​ഴു​തി. (സദൃശ​വാ​ക്യ​ങ്ങൾ 7:1, 2) അതെ, മാതാ​പി​താ​ക്ക​ളു​ടെ ചട്ടങ്ങൾ അഥവാ “കൽപ്പനകൾ” നിങ്ങളു​ടെ നൻമക്കു​വേ​ണ്ടി​യാണ്‌. അവ നിങ്ങളു​ടെ മാതാ​പി​താ​ക്ക​ളു​ടെ യഥാർത്ഥ​സ്‌നേ​ഹ​ത്തി​ന്റെ​യും താൽപ്പ​ര്യ​ത്തി​ന്റെ​യും ഒരു പ്രകട​ന​മാണ്‌. വാസ്‌ത​വ​ത്തിൽ, ദൃഢമായ മാർഗ്ഗ​രേ​ഖ​ക​ളു​ടെ​യും ചട്ടങ്ങളു​ടെ​യും അഭാവം അരക്ഷി​ത​ത്വം ജനിപ്പി​ക്കു​ന്നു.

ഉദാഹ​ര​ണ​ത്തിന്‌, ഒരു യുവാവ്‌ ഇപ്രകാ​രം എഴുതി: “എന്റെ ബന്ധുക്കൾ . . . എന്നെ എങ്ങനെ​യും രക്ഷപെ​ടാൻ അനുവ​ദി​ക്കു​ന്നു. തങ്ങൾക്കി​ഷ്ട​മുള്ള എന്തും ചെയ്യാൻ മാതാ​പി​താ​ക്ക​ള​നു​വ​ദി​ക്കു​ക​യാ​ണെ​ങ്കിൽ ധാരാളം കുട്ടി​കൾക്ക്‌ അത്‌ ഇഷ്ടമാ​യി​രി​ക്കു​മെന്ന്‌ ഞാൻ പന്തയം വെക്കാം. ശരി, അതു തമാശയല്ല. അത്‌ എന്നെ കുററ​ബോ​ധ​മു​ള്ള​വ​നും വഷളനു​മാ​ക്കി​ത്തീർക്കു​ന്നു. ഈ ദിവസ​ങ്ങ​ളിൽ ഞാൻ എന്തോ അബദ്ധം ചെയ്യു​മെ​ന്നുള്ള ഭയത്തി​ലാണ്‌. അതി​നെ​ക്കു​റി​ച്ചുള്ള ചിന്ത എന്നെ ഭയപ്പെ​ടു​ത്തു​ന്നു.” ഈ യുവാ​വിന്‌ ഭയപ്പെ​ടാൻ നല്ല കാരണ​മുണ്ട്‌. ചില സന്ദർഭ​ങ്ങ​ളിൽ ആവശ്യ​മുള്ള ചട്ടങ്ങൾ വെക്കു​ന്ന​തി​ലെ മാതാ​പി​താ​ക്ക​ളു​ടെ പരാജയം വിപത്തി​ലേക്കു നയിച്ചി​ട്ടുണ്ട്‌.

ഉദാഹ​ര​ണ​ത്തിന്‌, ഒരു യുവാവ്‌ തന്റെ പിതാ​വി​ന്റെ കാറ്‌ മൂന്നു പ്രാവ​ശ്യം തകർത്തു. അപകട​ങ്ങ​ളെ​ക്കു​റിച്ച്‌ കേട്ട​പ്പോൾ “നിങ്ങളു​ടെ മകന്‌ കാറോ​ടി​ക്കാ​ന​റി​യില്ല എന്ന്‌ സ്‌പഷ്ട​മാണ്‌. പിന്നെ എന്തു​കൊ​ണ്ടാണ്‌ നിങ്ങൾ വീണ്ടും വീണ്ടും അവന്റെ കൈയിൽ കാറ്‌ കൊടു​ക്കു​ന്നത്‌?” എന്ന്‌ പിതാ​വി​ന്റെ ജോലി​ക​ളു​ടെ മേൽനോ​ട്ടം​വ​ഹി​ക്കു​ന്ന​യാൾ പറയു​ക​യു​ണ്ടാ​യി. കാറോ​ടി​ക്കു​ന്ന​തിൽനിന്ന്‌ തടഞ്ഞു​കൊണ്ട്‌ മകന്റെ വികാ​ര​ങ്ങളെ മുറി​പ്പെ​ടു​ത്താൻ താൻ ആഗ്രഹി​ക്കു​ന്നി​ല്ലെന്ന്‌ പിതാവ്‌ മറുപടി പറഞ്ഞു. അതു​കൊണ്ട്‌ അയാൾ തന്റെ കാറിന്റെ താക്കോ​ലു​കൾ മകന്റെ കൈയിൽ വീണ്ടും കൊടു​ത്തു—അത്‌ അവസാ​ന​ത്തേ​താ​യി​രു​ന്നു.

പുത്രൻ കാർ കൊണ്ടു​പോയ ശേഷം 20 മിനി​ററു കഴിഞ്ഞ​പ്പോൾ പിതാ​വിന്‌ പോലീ​സി​ന്റെ ഒരു ഫോൺകോൾ ലഭിച്ചു. വന്ന്‌ അംഗഭം​ഗം ഭവിച്ച തന്റെ മകന്റെ ശരീരം തിരി​ച്ച​റി​യാൻ വേണ്ടി​യാ​യി​രു​ന്നു അത്‌. പോലീസ്‌ പറഞ്ഞത​നു​സ​രിച്ച്‌ മകൻ മണിക്കൂ​റിൽ 100-ൽ പരം മൈൽ സ്‌പീ​ഡിൽ കാറോ​ടിച്ച്‌ ഒരു ടെല​ഫോൺ പോസ്‌ററ്‌ തകർത്തു! “ഞാൻ അവനെ തടയണ​മാ​യി​രു​ന്നു. ഞാൻ കർശനം പാലി​ച്ചി​രു​ന്നെ​ങ്കിൽ അവൻ ഇന്ന്‌ ജീവി​ച്ചി​രു​ന്നേനെ” എന്ന്‌ പിതാവ്‌ വിലപി​ച്ചു​പ​റഞ്ഞു.

എന്നാൽ നിയമങ്ങൾ നിങ്ങളെ അപകട​ങ്ങ​ളിൽനിന്ന്‌ രക്ഷിക്കു​ന്ന​തി​നേ​ക്കാ​ള​ധി​കം ഗുണക​ര​മാണ്‌. ഗൃഹ​ജോ​ലി​ക​ളും ഗൃഹപാ​ഠ​ങ്ങ​ളും ചെയ്യാൻ നിങ്ങ​ളോട്‌ ആവശ്യ​പ്പെ​ടു​ന്ന​തി​നാൽ നിങ്ങളു​ടെ മാതാ​പി​താ​ക്കൾ കഠിനാ​ദ്ധ്വാ​നം ചെയ്യാൻ നിങ്ങളെ പഠിപ്പി​ക്കു​ക​യാണ്‌. ഇത്‌ എത്ര പ്രധാ​ന​മാണ്‌? അതെ, 456 കുട്ടി​ക​ളു​ടെ ഒരു പഠനം ചെറു​പ്പ​ത്തിൽ ജോലി ചെയ്യു​ന്ന​തി​നുള്ള പ്രാപ്‌തി വികസി​പ്പി​ച്ച​വ​രു​ടെ​യും വികസി​പ്പി​ക്കാ​ഞ്ഞ​വ​രു​ടെ​യും ജീവി​ത​ത്തി​ലെ വ്യത്യാ​സം താരത​മ്യം ചെയ്‌തു. ഈ കുട്ടികൾ സ്‌കൂ​ളി​ലും വീട്ടു​ജോ​ലി​ക​ളി​ലും ക്രമമാ​യും നന്നായും പങ്കുപ​റ​റി​യോ എന്നതു​പോ​ലുള്ള കാര്യങ്ങൾ ഗവേഷകർ കണക്കി​ലെ​ടു​ത്തു. ഏതാണ്ട്‌ 30 വർഷങ്ങൾക്കു​ശേഷം ഈ ചെറു​പ്പ​ക്കാ​രിൽ മിക്കവ​രെ​യും വീണ്ടും സമീപി​ച്ചു.

ജോലി​കാ​ര്യ​ങ്ങ​ളിൽ അധികം ശുഷ്‌കാ​ന്തി കാണിച്ച കുട്ടികൾ വിവിധ ആളുക​ളു​മാ​യി സൗഹൃ​ദ​ബന്ധം ആസ്വദി​ക്കു​ന്ന​തിൽ മറെറ കൂട്ട​രെ​ക്കാൾ ഇരുമ​ടങ്ങ്‌ മുമ്പിൽ കാണ​പ്പെട്ടു. അവർക്ക്‌ തങ്ങളുടെ ലൗകിക ജോലി​ക​ളിൽ മററു​ള്ള​വ​രേ​ക്കാൾ കൂടുതൽ ശമ്പളം ലഭിക്കാ​നു​ള്ളള അഞ്ചിരട്ടി സാദ്ധ്യ​ത​യു​ണ്ടാ​യി​രു​ന്നു. നേരേ​മ​റിച്ച്‌ ചെറു​പ്പ​ത്തിൽ ജോലി​കാ​ര്യ​ങ്ങ​ളിൽ വളരെ മോശ​മാ​യി​രു​ന്ന​വർക്ക്‌ വൈകാ​രി​ക​മാ​യി വൈക​ല്യ​മു​ണ്ടാ​യി​രി​ക്കാ​നുള്ള 10 മടങ്ങ്‌ സാധ്യ​ത​യും 47 വയസ്സാ​കു​ന്ന​തോ​ടെ മരിക്കാ​നുള്ള 6 മടങ്ങ്‌ സാധ്യ​ത​യു​മു​ണ്ടാ​യി​രു​ന്നു! അതു​കൊണ്ട്‌ ഗൃഹപാ​ഠ​ത്തോ​ടും ഗൃഹ​ജോ​ലി​ക​ളോ​ടു​മുള്ള ബന്ധത്തിൽ നിങ്ങളു​ടെ മാതാ​പി​താ​ക്കൾ വെക്കുന്ന ചട്ടങ്ങൾ അനുസ​രി​ക്കു​ന്നത്‌ നിങ്ങളു​ടെ പിൽക്കാല ജീവി​ത​ത്തിൽ പ്രയോ​ജ​ന​പ്ര​ദ​മാ​യി​രു​ന്നേ​ക്കാം.

അനുസ​രി​ക്കാൻ പ്രയാ​സ​മു​ള്ള​പ്പോൾ

ചില​പ്പോൾ ഒരു ചട്ടം ലംഘി​ക്കു​ന്ന​തി​ലേക്ക്‌ നയിക്കു​ന്നത്‌ അശ്രദ്ധ​യാ​യി​രി​ക്കാം. നിങ്ങൾ ചട്ടങ്ങൾ സംബന്ധിച്ച്‌ പലപ്പോ​ഴും സ്വയം ഓർമ്മി​പ്പി​ക്കേ​ണ്ട​തു​ണ്ടാ​യി​രി​ക്കാം. കൂടാതെ, ദാക്ഷി​ണ്യം കാട്ടുന്ന മററു മാതാ​പി​താ​ക്കളെ നിരീ​ക്ഷി​ക്കു​ന്നത്‌ ‘എനിക്കി​തെ​ന്തു​കൊ​ണ്ടാ​യി​ക്കൂ​ടാ?’ എന്ന്‌ ചിന്തി​ക്കാ​നി​ട​യാ​ക്കി​യേ​ക്കാം. നിങ്ങളു​ടെ മാതാ​പി​താ​ക്കൾക്ക്‌ നിങ്ങളു​ടെ ക്ഷേമം വിലയി​രു​ത്തേ​ണ്ട​തു​ണ്ടെന്ന്‌ ഓർക്കുക. മററു മാതാ​പി​താ​ക്കൾ കൂടുതൽ ദാക്ഷി​ണ്യം കാണി​ക്കു​ന്നെ​ങ്കിൽ അവരും അവരുടെ കുട്ടി​ക​ളും അന്തിമ​മാ​യി ഗുരു​ത​ര​മായ പ്രശ്‌ന​ങ്ങ​ളു​ടെ ഒരു വിള കൊയ്യും. എന്തു​കൊ​ണ്ടെ​ന്നാൽ “ഒരു മനുഷ്യൻ വിതക്കു​ന്ന​തു​തന്നെ അവൻ കൊയ്യു​ക​യും ചെയ്യും.” (ഗലാത്യർ 6:7, 8) അതേ സംഗതി കൊയ്യാൻ നിങ്ങൾ എന്തിനാ​ഗ്ര​ഹി​ക്കണം?

ചില​പ്പോൾ ന്യായ​മ​ല്ലെന്ന്‌ നിങ്ങൾക്ക്‌ തോന്നുന്ന ഒരു ചട്ടം നിങ്ങളു​ടെ മാതാ​പി​താ​ക്കൾ നിങ്ങളു​ടെ മേൽ അടി​ച്ചേൽപ്പി​ച്ചേ​ക്കാം. അപ്പോൾ അതു ലംഘി​ക്കു​ക​യെ​ന്ന​താണ്‌ പ്രവണത. ഉചിത​മായ സമയത്ത്‌, ആ ചട്ടം ന്യായ​മ​ല്ലെന്ന്‌ നിങ്ങൾക്കു തോന്നു​ന്ന​തെ​ന്തു​കൊ​ണ്ടെന്ന്‌ വിശദീ​ക​രി​ച്ചു​കൊണ്ട്‌ നിങ്ങളു​ടെ വികാ​രങ്ങൾ നിങ്ങളു​ടെ മാതാ​പി​താ​ക്ക​ളു​മാ​യി എന്തു​കൊണ്ട്‌ ചർച്ച ചെയ്‌തു​കൂ​ടാ? രണ്ടു കൂട്ടർക്കും സ്വീകാ​ര്യ​മായ ഒരു അനുര​ഞ്‌ജ​ക​ചട്ടം മനസ്സി​ലു​ണ്ടാ​യി​രി​ക്കു​ന്നത്‌ സഹായ​ക​മാ​ണെന്ന്‌ നിങ്ങൾ കണ്ടേക്കാം. എന്നാൽ മററു ചില സന്ദർഭ​ങ്ങ​ളിൽ അനുസ​ര​ണ​ക്കേ​ടി​നുള്ള കാരണം പകയാ​യി​രി​ക്കാം.

പതി​നേ​ഴു വയസ്സുള്ള ഒരു പെൺകു​ട്ടി അന്യോ​ന്യം വഴക്കടി​ക്കു​ന്ന​തിൽ വ്യാപ​രി​ച്ചി​രുന്ന തന്റെ മാതാ​പി​താ​ക്ക​ളു​ടെ ഉദാസീ​ന​ത​നി​മി​ത്തം താൻ വൈകാ​രി​ക​മാ​യി നഷ്‌ട​മ​നു​ഭ​വി​ക്കു​ന്ന​താ​യി വിചാ​രി​ച്ചു. തന്റെ മാതാ​പി​താ​ക്ക​ളോട്‌ കുപി​ത​യാ​യിട്ട്‌ അവർ ഊന്നൽ നൽകി​യി​രുന്ന ബൈബിൾ തത്വങ്ങൾ ലംഘി​ക്കാൻ അവൾ തീരു​മാ​നി​ച്ചു. അവൾ ട്രെയി​നിൽ യാത്ര​ചെ​യ്‌ത​പ്പോൾ കണ്ടുമു​ട്ടിയ ഒരു മനുഷ്യ​നു​മാ​യി ദുർവൃ​ത്തി​യി​ലേർപ്പെട്ടു. “ഞാൻ എന്റെ മാതാ​പി​താ​ക്ക​ളോട്‌ ഒന്നു കടപ്പെ​ട്ടി​രി​ക്കു​ന്ന​താ​യി എനിക്കു​തോ​ന്നി” എന്ന്‌ അവൾ പിന്നീട്‌ പറഞ്ഞു. എന്നാൽ പകയോ​ടു​കൂ​ടിയ പ്രവർത്ത​ന​ത്താൽ അവൾക്കു​തന്നെ യഥാർത്ഥ​ത്തിൽ നഷ്ടം ഭവിച്ചു. അവളുടെ കോപം ഒരു തഴമ്പിച്ച മനസ്സാ​ക്ഷി​യി​ലേക്കു നയിച്ചു. അതിനു​ശേഷം അവൾ സ്‌കൂൾ ക്ലാസ്സുകൾ മുടക്കാൻതു​ട​ങ്ങു​ക​യും മയക്കു​മ​രു​ന്നു​ദു​രു​പ​യോ​ഗ​ത്തി​ലും വിൽപ്പ​ന​യി​ലും ഉൾപ്പെ​ടു​ക​യും ചെയ്‌തു.

നീതി​മാ​നാ​യ ഇയ്യോ​ബിന്‌ ഇങ്ങനെ മുന്നറി​യി​പ്പു ലഭിച്ചു: “കോപം നിന്നെ പകനിറഞ്ഞ [പ്രവർത്ത​ന​ങ്ങ​ളി​ലേക്ക്‌] വശീക​രി​ക്കാ​തി​രി​ക്കാൻ സൂക്ഷി​ക്കുക . . . നീ ഹാനി​ക​ര​മാ​യ​തി​ലേക്ക്‌ തിരി​യാ​തി​രി​ക്കാൻ സൂക്ഷി​ച്ചു​കൊൾക.” (ഇയ്യോബ്‌ 36:18-21) നിങ്ങൾക്ക്‌ പക തോന്നു​മ്പോൾ നിന്ന്‌ ചിന്തി​ക്കുക: ‘എന്റെ അനുസ​ര​ണ​ക്കേട്‌ എന്ത്‌ കൈവ​രു​ത്തും? ഞാൻ എന്റെ മാതാ​പി​താ​ക്കൾക്ക്‌ തിരി​ച്ചടി നൽകു​ന്ന​തി​നു​വേണ്ടി ചട്ടങ്ങൾ ലംഘി​ച്ചാ​ലും എന്റെ ദേഷ്യം ശമിച്ച​തി​നു​ദീർഘ​കാ​ല​ശേ​ഷ​വും, ജീവി​ത​കാ​ലം മുഴുവൻ അതിന്റെ ഫലങ്ങൾ ഞാൻ അനുഭ​വി​ക്കേ​ണ്ടി​വ​രി​ക​യി​ല്ലേ?’ പകയോ​ടെ പ്രവർത്തി​ക്കാ​തെ ശാന്തമാ​യി​രി​ക്കാ​നും സാഹസം പ്രവർത്തി​ക്കാ​തി​രി​ക്കു​ന്ന​തി​നു​മുള്ള സമയമാ​ണിത്‌.

ഒടുവിൽ, ചെറു​പ്പ​ക്കാർ തങ്ങളുടെ സ്വാത​ന്ത്ര്യം അവകാ​ശ​പ്പെ​ടുന്ന ഒരു സമയമാണ്‌ കൗമാരം. ‘നിങ്ങൾ എന്നെ ഒരു കുട്ടി​യെ​പ്പോ​ലെ​യാണ്‌ കരുതു​ന്നത്‌. എന്റെ ഗൃഹപാ​ഠം, മുറി, നിശാ​നി​യമം, ചമയം, സുഹൃ​ത്തു​ക്കൾ, ഉറക്കസ​മയം, എന്നീ കാര്യ​ങ്ങ​ളിൽ ഉത്തരവാ​ദി​ത്ത​മെ​ടു​ക്കാൻ എന്നെ എന്തു​കൊണ്ട്‌ അനുവ​ദി​ച്ചു​കൂ​ടാ?’ മിക്ക ചെറു​പ്പ​ക്കാ​രും തങ്ങളുടെ സ്വന്തം ചട്ടങ്ങൾ വെക്കു​ന്ന​തിൽ പ്രാപ്‌ത​രാ​ണെന്ന്‌ വിചാ​രി​ക്കു​ന്നു. എന്നാൽ ആരംഭ​ത്തിൽ പറഞ്ഞ ജോൺ ഇത്‌ പഠിച്ചു . . .

അനുസ​ര​ണ​ത്തി​ന്റെ മൂല്യം

“നിങ്ങൾ എന്നെ ‘ഭീരു’ എന്നു വിളി​ച്ചാൽ എനിക്ക്‌ ഒരു പ്രശ്‌ന​വു​മില്ല” എന്ന്‌ ജോൺ ആ രണ്ടു പെൺകു​ട്ടി​ക​ളോ​ടു പറഞ്ഞു. “എനിക്ക്‌ എന്റെ അമ്മയുടെ വാക്കനു​സ​രി​ക്കേ​ണ്ട​തുണ്ട്‌.” പെൺകു​ട്ടി​കൾ വഴി കുറുകെ കടന്ന​പ്പോൾ അവൻ അനുസ​ര​ണ​പൂർവം നടപ്പാത ഉപയോ​ഗി​ച്ചു. കുറുകെ കടക്കവേ അവൻ ടയാറു​ക​ളു​ടെ കറകറ​ശബ്ദം കേട്ടു. തിരി​ഞ്ഞു​നോ​ക്കി​യ​പ്പോൾ രണ്ടു പെൺകു​ട്ടി​ക​ളെ​യും ഇടിച്ചു​തെ​റി​പ്പി​ക്കു​ന്ന​താണ്‌ അവൻ കണ്ടത്‌. ഒരാൾ മറുവ​ശത്തെ വഴിയിൽവീണ്‌ വീണ്ടും വണ്ടിയി​ടി​ച്ചു മരിച്ചു. അവളുടെ സഹോ​ദ​രി​യു​ടെ കാൽ അരഞ്ഞു​പോ​യി. പിന്നീട്‌ അത്‌ മുറി​ച്ചു​ക​ളഞ്ഞു.

തന്റെ സ്വന്തം ജീവി​താ​നു​ഭവം എത്ര പരിമി​ത​മാ​ണെന്ന്‌ ഈ ദുരന്തം ജോണി​നെ പഠിപ്പി​ച്ചു. ഈ രണ്ടു കുട്ടികൾ ഉൾപ്പെടെ മററ​നേകം ചെറു​പ്പ​ക്കാർ അപകടം കൂടാതെ വഴി കുറുകെ കടക്കു​ന്നത്‌ അവൻ കണ്ടിട്ടുണ്ട്‌. എന്നാൽ അവന്റെ അമ്മയുടെ കൂട്ടി​കാ​രി​യു​ടെ കുട്ടി ഏതാണ്ട്‌ അഞ്ചു വർഷം മുമ്പ്‌ ഇതേ വഴി കുറുകെ കടക്കാൻ ശ്രമി​ക്കവേ കൊല്ല​പ്പെ​ട്ടത്‌ അമ്മ നന്നായി ഓർക്കു​ന്നു​ണ്ടാ​യി​രു​ന്നു. അവരുടെ വിപു​ല​മായ ജീവി​താ​നു​ഭവം നിമിത്തം അവർ തന്റെ പുത്രനെ സംരക്ഷി​ക്കാൻ ചട്ടങ്ങൾ വെച്ചു.

ജോണി​ന്റെ അമ്മ തെൽമ പിന്നീട്‌ ആ പെൺകു​ട്ടി​ക​ളു​ടെ അമ്മയെ ആശ്വസി​പ്പി​ക്കാൻ ചെന്നു. ദുഃഖാർത്ത​യായ അമ്മ ഇപ്രകാ​രം വിശദീ​ക​രി​ച്ചു: “നടപ്പാ​ത​യി​ലൂ​ടെ പോകാൻ ഞാൻ എപ്പോ​ഴും എന്റെ പെൺകു​ട്ടി​ക​ളോട്‌ പറഞ്ഞി​ട്ടുണ്ട്‌, പക്ഷേ അവർ കേൾക്കു​ക​യില്ല. ഏതു വഴി​യെ​യും പോകാൻ അവർ തീരു​മാ​നി​ച്ചു. അവരും നിന്റെ മകനെ​പ്പോ​ലെ അനുസ​ര​ണ​മു​ള്ള​വ​രാ​യി​രു​ന്നെ​ങ്കി​ലെന്ന്‌ ഞാൻ തീർച്ച​യാ​യും ആശിച്ചു​പോ​കു​ക​യാണ്‌.” അതെ, ജോണി​ന്റെ അനുസ​രണം അവന്റെ ജീവനെ രക്ഷിച്ചി​രി​ക്കാം.

തീർച്ച​യാ​യും മാതാ​പി​താ​ക്ക​ളു​ടെ ഓരോ ചട്ടവും ലംഘി​ക്കു​മ്പോ​ഴെ​ല്ലാം അത്‌ ഒരു ജീവൻമ​ര​ണ​പ്ര​ശ്‌ന​മാ​യി​രി​ക്കു​ന്നില്ല. അൽപ്പം സാമർത്ഥ്യ​ത്താൽ ചില​പ്പോൾ നിങ്ങൾക്ക്‌ നിങ്ങളു​ടെ മാതാ​പി​താ​ക്കൾ വെക്കുന്ന മിക്കവാ​റും ഓരോ ചട്ടവും മറിക​ട​ക്കാൻ കഴിയും. എന്നാൽ നിസ്സാ​ര​കാ​ര്യ​ങ്ങ​ളി​ലെ അനുസ​ര​ണ​ക്കേട്‌ മാററം വരുത്താൻ പ്രയാ​സ​മാ​യ​വി​ധം ജീവി​ത​ത്തി​ന്റെ ഒരു ഭാഗമാ​യി​ത്തീർന്നേ​ക്കാം. ഒരുവന്റെ ഹൃദയം തെററു ചെയ്യു​ന്ന​തിൽ കഠിന​പ്പെ​ട്ടു​പോ​യേ​ക്കാം.—സഭാ​പ്ര​സം​ഗി 8:11.

ജോണി​ന്റെ അനുസ​രണം അവന്റെ മാതാ​പി​താ​ക്കൾ നിരീ​ക്ഷി​ക്കു​ന്നു​ണ്ടോ​യെ​ന്ന​തി​ന്റെ അടിസ്ഥാ​ന​ത്തി​ലാ​യി​രു​ന്നില്ല. എന്തു​കൊ​ണ്ടെ​ന്നാൽ ദൈവം അത്തരം അനുസ​രണം കൽപ്പി​ച്ചി​ട്ടു​ണ്ടെന്ന്‌ അവനറി​യാ​മാ​യി​രു​ന്നു. അവനെ പ്രസാ​ദി​പ്പി​ക്കു​ന്ന​തി​നും അങ്ങനെ ഒരു നല്ല മനസ്സാക്ഷി പുലർത്തു​ന്ന​തി​നും അവൻ ആഗ്രഹി​ച്ചു. (എഫേസ്യർ 6:1) അങ്ങനെ​യുള്ള അനുസ​രണം ഹൃദയ​ത്തിൽനി​ന്നു വരണം. ഒരു ജ്ഞാനി​യായ പിതാവ്‌ തന്റെ കുട്ടിയെ ഇങ്ങനെ ബുദ്ധ്യു​പ​ദേ​ശി​ച്ചു: “നിന്റെ ഹൃദയം എന്റെ വചനങ്ങളെ മുറുകെ പിടി​ക്കട്ടെ. എന്റെ കല്‌പ​നകൾ അനുസ​രിച്ച്‌ തുടർന്ന്‌ ജീവി​ക്കുക.”—സദൃശ​വാ​ക്യ​ങ്ങൾ 4:4. (g88 1/8)

[20-ാം പേജിലെ ചിത്രം]

നിങ്ങൾ നിങ്ങളു​ടെ മാതാ​പി​താ​ക്കൻമാ​രു​ടെ ചട്ടങ്ങളെ എങ്ങനെ വീക്ഷി​ക്കണം?