ചെറു​പ്പ​ക്കാർ ചോദി​ക്കു​ന്നു . . .

എനിക്ക്‌ എങ്ങനെ ഒരു തകർന്ന ഹൃദയം ഒഴിവാ​ക്കാൻ കഴിയും?

മനോ​രോഗ വിദഗ്‌ദ്ധ​നായ എറിക്‌ ഫ്രോം ഇപ്രകാ​രം പ്രസ്‌താ​വി​ച്ച​താ​യി ഉദ്ധരി​ക്ക​പ്പെ​ട്ടി​രി​ക്കു​ന്നു: “പ്രേമം പോലെ ഇത്ര വലിയ പ്രതീ​ക്ഷ​ക​ളോ​ടെ​യും പ്രത്യാ​ശ​ക​ളോ​ടെ​യും ആരംഭി​ക്കു​ന്ന​തും ഇത്ര കൂടെ​ക്കൂ​ടെ പരാജ​യ​പ്പെ​ടു​ന്ന​തു​മായ ഒരു മാനുഷ സംരംഭം വേറെ​യില്ല.”

എന്നിരു​ന്നാ​ലും ഒരു പ്രേമം പരാജ​യ​മ​ട​യു​മ്പോൾ അതിന്റെ ഫലം മിക്ക​പ്പോ​ഴും വേദന​യും ഹൃദയ​ത്ത​കർച്ച​യു​മാണ്‌. ഒരു ഹൃദയ​ത്ത​കർച്ച ഒഴിവാ​ക്കു​ന്ന​തി​നുള്ള ഏകമാർഗ്ഗം ആദ്യം​തന്നെ പ്രേമ​ബ​ന്ധ​ങ്ങ​ളിൽ ചെന്നു​ചാ​ടു​ന്നത്‌ ഒഴിവാ​ക്കുക മാത്ര​മാണ്‌ എന്നതാണ്‌ ജീവി​ത​ത്തി​ലെ സങ്കടക​ര​മായ വസ്‌തുത. ക്രിസ്‌ത്യാ​നി​കളെ സംബന്ധി​ച്ച​ട​ത്തോ​ളം ഡെയി​റ​റിംഗ്‌ ഗൗരവ​മുള്ള ഒരു സംഗതി​യാണ്‌, അത്‌ യോജിച്ച ഒരു വിവാഹ ഇണയെ തെര​ഞ്ഞെ​ടു​ക്കു​ന്ന​തി​നുള്ള ഒരു മാർഗ്ഗ​മാണ്‌ എന്നത്‌ സത്യം തന്നെ. എന്നിരു​ന്നാ​ലും ഡെയി​റ​റിം​ഗി​ന്റെ പ്രകൃതം തന്നെ അതിനെ ഒരു പരീക്ഷണ പ്രക്രി​യ​യാ​ക്കി​മാ​റ​റു​ന്നു. അതു​കൊണ്ട്‌ ഏററം നല്ല ഉദ്ദേശ്യ​ത്തോ​ടെ രണ്ടുപേർ ഡെയി​റ​റിംഗ്‌ ആരംഭി​ക്കു​ന്ന​തും പിന്നീട്‌ വിവാഹ ഇണക​ളെ​ന്ന​നി​ല​യിൽ തങ്ങൾക്ക്‌ പൊരു​ത്ത​പ്പെ​ടാൻ കഴിയി​ല്ലെന്ന്‌ അവർ കണ്ടെത്തു​ന്ന​തും അസാധാ​ര​ണമല്ല.

ഇളം​പ്രാ​യ​ത്തി​ലെ പ്രേമ​ത്തി​ന്റെ അപകടങ്ങൾ

പ്രേമ​ത്തി​ലെ ഏററം വലിയ അപകടം ഒരു പക്ഷേ കൗമാ​ര​പ്രാ​യ​ത്തി​ലെ ഡെയി​റ​റിംഗ്‌ ആയിരി​ക്കാം. അത്‌ വികാരം ഏററം ശക്തമാ​യി​ത്തീ​രുന്ന “പ്രഫുല്ല യൗവനം”ആണ്‌. (1 കൊരി​ന്ത്യർ 7:36) ഡോക്ടർ ആരി കീവ്‌ ഇപ്രകാ​രം നിരീ​ക്ഷി​ക്കു​ന്നു: “മിക്ക ചെറു​പ്പ​ക്കാ​രെ സംബന്ധി​ച്ച​ട​ത്തോ​ള​വും വിപരീത ലിംഗ​വർഗ്ഗ​ത്തിൽപ്പെ​ട്ട​വ​രു​മാ​യുള്ള ബന്ധങ്ങൾ . . . മിക്ക​പ്പോ​ഴും അവരെ കുഴപ്പി​ക്കുന്ന ലൈം​ഗിക പ്രേര​ണ​ക​ളു​ടെ സമൃദ്ധി​യാൽ രൂക്ഷമാ​ക്ക​പ്പെ​ടു​ന്നു.” അതു​കൊണ്ട്‌ ചെറു​പ്പ​ക്കാർ വളരെ എളുപ്പ​ത്തിൽ ‘പ്രേമ​ത്തിൽ’ ചെന്നു​ചാ​ടു​ന്നത്‌ അതിശ​യമല്ല. ബാർബറാ എന്നു പേരായ യുവതി ഇങ്ങനെ അനുസ്‌മ​രി​ക്കു​ന്നു: “ഞാൻ ഈ മനുഷ്യ​നെ കണ്ടുമു​ട്ടി. ഞങ്ങൾ ഏതാണ്ട്‌ ഒരു വർഷ​ത്തോ​ളം അന്യോ​ന്യം കത്തുകൾ കൈമാ​റി​യി​രി​ക്കണം. പിന്നീട്‌ അയാളു​ടെ കത്തുക​ളി​ലൊ​ന്നിൽ എന്നെ സ്‌നേ​ഹി​ക്കു​ന്നു​വെന്ന്‌ അയാൾ പറഞ്ഞു. ഞാൻ എന്നോ​ടു​തന്നെ പറഞ്ഞു, ‘ഞാൻ അയാളെ ഒരിക്കൽ മാത്രമേ കണ്ടിട്ടു​ള്ളു. എന്നെ സ്‌നേ​ഹി​ക്കു​ന്നു​വെന്ന്‌ അയാൾക്കെ​ങ്ങനെ പറയാൻ കഴിയും?’”

കൗമാ​ര​പ്രാ​യ​ക്കാർ വികാ​രങ്ങൾ നിയ​ന്ത്രി​ക്കു​ക​യും പരസ്‌പര പൊരു​ത്ത​ത്തി​ന്റെ അടിസ്ഥാ​ന​ത്തിൽ ഒരു ബന്ധം അന്വേ​ഷി​ക്കു​ക​യും ചെയ്യു​മ്പോ​ഴും അവർ പരസ്‌പര പൊരു​ത്ത​ത്തിൽ തുടരാ​നുള്ള സാധ്യത കുറവാണ്‌! എന്തു​കൊണ്ട്‌? എന്തു​കൊ​ണ്ടെ​ന്നാൽ കൗമാ​ര​പ്രാ​യ​ക്കാ​രന്റെ വ്യക്തി​ത്വം അപ്പോ​ഴും അസ്ഥിര​മായ ഒരവസ്ഥ​യി​ലാണ്‌. നിങ്ങൾ ആരാ​ണെ​ന്നും നിങ്ങൾ യഥാർത്ഥ​ത്തിൽ എന്താണ്‌ ആഗ്രഹി​ക്കു​ന്ന​തെ​ന്നും നിങ്ങളു​ടെ ജീവി​തം​കൊണ്ട്‌ എന്തു ചെയ്യാൻ പോകു​ന്നു​വെ​ന്നും നിങ്ങൾ അപ്പോ​ഴും മനസ്സി​ലാ​ക്കി​വ​രു​ന്ന​തേ​യു​ള്ളു. ഇന്ന്‌ വളരെ പ്രധാ​ന​മെന്ന്‌ നിങ്ങൾക്ക്‌ തോന്നുന്ന കാര്യങ്ങൾ നാളെ നിങ്ങൾക്ക്‌ ഒട്ടും​തന്നെ പ്രധാ​ന​മ​ല്ലാ​യി​രു​ന്നേ​ക്കാം. അപ്രകാ​രം കൗമാ​ര​പ്രേ​മങ്ങൾ അപൂർവ​മാ​യി മാത്രം വിവാ​ഹ​ത്തിൽ അവസാ​നി​ക്കു​ന്ന​തും മിക്ക​പ്പോ​ഴും തകർന്നു​പോ​കു​ന്ന​തു​മായ ബന്ധങ്ങളാണ്‌.

അതു​കൊണ്ട്‌ ബൈബിൾ ജ്ഞാനപൂർവം “പ്രഫുല്ല യൗവനം കഴിഞ്ഞ​വർക്കു” മാത്രം വിവാഹം ശുപാർശ ചെയ്യുന്നു. (1 കൊരി​ന്ത്യർ 7:36) ഒരു വ്യക്തി വളരെ ചെറു​പ്പ​മാ​യി​രി​ക്കു​മ്പോൾ ഡെയി​റ​റിംഗ്‌ നടത്തു​ന്ന​തി​നെ തീർച്ച​യാ​യും ഇതു വിലക്കു​ന്നു. ഈ ബുദ്ധി​യു​പ​ദേശം അനുസ​രി​ക്കു​ന്നത്‌ എളുപ്പ​മ​ല്ലാ​യി​രി​ക്കാം, എന്നാൽ വിവാഹം ചെയ്യാൻ പ്രായ​മാ​കു​ന്ന​തു​വരെ നിങ്ങൾ ഡെയി​റ​റിം​ഗിൽ ഏർപ്പെ​ടാ​തി​രി​ക്കു​ന്നു​വെ​ങ്കിൽ അതു തീർച്ച​യാ​യും “നിന്റെ ഹൃദയ​ത്തിൽനിന്ന്‌ വ്യസനം അകററി നിന്റെ ശരീര​ത്തിൽനിന്ന്‌ അപകടം അകററി​ക്ക​ള​യും.”—സഭാ​പ്ര​സം​ഗി 11:10.

എടുത്തു​ചാ​ടും​മു​മ്പേ നോക്കുക

എന്നിരു​ന്നാ​ലും അൽപ്പം​കൂ​ടി പ്രായം ഉണ്ടായി​രി​ക്കു​ന്ന​തു​മാ​ത്രം ഒരുവനെ ഹൃദയ​ത്ത​കർച്ച​യിൽനിന്ന്‌ സംരക്ഷി​ക്കു​ന്നില്ല. മുതിർന്ന​വർപോ​ലും ചില​പ്പോൾ പ്രേമ​സം​ബ​ന്ധ​മായ അപകട​ങ്ങ​ളിൽ ചെന്നു​ചാ​ടു​ന്ന​തെ​ങ്ങ​നെ​യെന്ന്‌ കാരൾ ബോട്ടു​വിൻ പ്രേമ​ജീ​വി​തങ്ങൾ എന്ന അവളുടെ പുസ്‌ത​ക​ത്തിൽ ചൂണ്ടി​ക്കാ​ണി​ക്കു​ന്നു: “അവർ ബന്ധങ്ങളി​ലേക്ക്‌ വളരെ വേഗം എടുത്തു​ചാ​ടു​ന്നു. . . . അവർ വളരെ​വേഗം ഉൾപ്പെ​ടാൻ ആഗ്രഹി​ക്കു​ന്നു.” നിങ്ങൾക്ക്‌ കാര്യ​മാ​യി പരിച​യ​മി​ല്ലാത്ത ഒരാൾക്ക്‌ നിങ്ങളു​ടെ ഹൃദയം നൽകു​ന്നത്‌ അതു തകർക്കാ​നുള്ള ഒരു സുനി​ശ്ചിത മാർഗ്ഗ​മാണ്‌.

“നിങ്ങൾ മുഖവി​ല​യ്‌ക്കു​മാ​ത്രം കാര്യ​ങ്ങളെ കാണുന്നു” എന്ന്‌ അപ്പോ​സ്‌ത​ല​നായ പൗലോസ്‌ കൊരി​ന്തി​ലെ ക്രിസ്‌ത്യാ​നി​ക​ളോട്‌ പറഞ്ഞു. (2 കൊരി​ന്ത്യർ 10:7) ശാരീ​രിക സൗന്ദര്യ​ത്തി​ന്റെ പേരിൽ മാത്രം ഒരു വ്യക്തി​യു​മാ​യി പ്രേമ​ത്തി​ലാ​യി​ക്കൊണ്ട്‌ അതു​പോ​ലൊ​രു തെററിൽ ചെന്നു​ചാ​ട​രുത്‌. അവൻ അല്ലെങ്കിൽ അവൾ ഏതുതരം വ്യക്തി​യാ​ണെന്ന്‌ ആദ്യം തന്നെ കണ്ടുപി​ടി​ക്കാൻ ശ്രമി​ക്കുക. സുരക്ഷി​ത​മായ ഒരകല​ത്തിൽ നിന്നു​കൊണ്ട്‌ ആ വ്യക്തിയെ പരിച​യ​പ്പെ​ടാ​നുള്ള അവസര​മി​ല്ലെ​ങ്കിൽ നിങ്ങൾക്ക്‌ താൽപ്പ​ര്യം തോന്നി​യി​രി​ക്കുന്ന ആ വ്യക്തി​യെ​പ്പ​ററി മററു​ള്ള​വർക്ക്‌ നല്ല അഭി​പ്രാ​യ​മാ​ണോ ഉള്ളത്‌ എന്ന്‌ നിങ്ങൾക്ക്‌ വിവേ​ക​പൂർവം നിശ്ചയ​പ്പെ​ടു​ത്താ​നാ​വും.

കാര്യ​പ്രാ​പ്‌തി​യുള്ള ഒരു ഭാര്യ​യു​ടെ പ്രവൃ​ത്തി​കൾ അവൾ “പട്ടണവാ​തിൽക്കൽ പ്രശം​സി​ക്ക​പ്പെ​ടാൻ” ഇടയാ​ക്കു​മെന്ന്‌ ബൈബിൾ പറയുന്നു. (സദൃശ​വാ​ക്യ​ങ്ങൾ 31:31) അതു​പോ​ലെ ഒരു നല്ല ക്രിസ്‌തീയ സ്‌ത്രീ​ക്കോ പുരു​ഷ​നോ ഒരു നല്ല കീർത്തി​യു​ണ്ടാ​യി​രി​ക്കു​മെന്ന്‌ നമുക്ക്‌ പ്രതീ​ക്ഷി​ക്കാൻ കഴിയും. അയാൾക്കോ അവൾക്കോ ഒരു സംശയാ​സ്‌പ​ദ​മായ രേഖയാ​ണു​ള്ള​തെ​ങ്കി​ലോ—ഒരുപക്ഷേ ഒന്നിനു പുറകേ ഒന്നായി ബന്ധങ്ങൾ സ്ഥാപി​ക്കു​ക​യും കാര്യം ഗൗരവ​മാ​കു​മ്പോൾ പിൻമാ​റു​ക​യും ചെയ്യു​ന്നെ​ങ്കി​ലോ—സൂക്തി​ക്കുക! അടുത്ത​താ​യി ചവുട്ടി​മെ​തി​ക്ക​പ്പെ​ടു​ന്നത്‌ നിങ്ങളു​ടെ വികാ​ര​ങ്ങ​ളാ​യി​രു​ന്നേ​ക്കാം.

സത്യം സംസാ​രി​ക്കു​ക

ഒരുവന്‌ നല്ല കീർത്തി ഉണ്ടായി​രി​ക്കു​മ്പോ​ഴും താൽപ്പ​ര്യം ഇരുപ​ക്ഷ​ത്തും ഉള്ളപ്പോ​ഴും പോലും നിങ്ങളു​ടെ വിവാ​ഹ​ത്തി​നുള്ള ആസൂ​ത്ര​ണങ്ങൾ ആരംഭി​ക്കാൻ സമയമാ​യി​ട്ടില്ല. ഈ വ്യക്തിയെ കുറച്ചു​കൂ​ടി അടുത്തു പരി​ശോ​ധി​ച്ചാൽ അയാളിൽ വ്യക്തി​ത്വം സംബന്ധിച്ച ഗൗരവ​ത​ര​മായ തകരാ​റു​ക​ളോ ആത്മീയ ബലഹീ​ന​ത​ക​ളോ വെളി​പ്പെ​ട്ടു​വ​ന്നേ​ക്കാം. അപ്പോൾ പിന്നെ അയാൾ യഥാർത്ഥ​ത്തിൽ എങ്ങനെ​യുള്ള ആളാ​ണെന്ന്‌ എപ്രകാ​ര​മാണ്‌ മനസ്സി​ലാ​ക്കുക? ഒരുമിച്ച്‌ ഉല്ലാസ​പ്ര​വർത്ത​ന​ങ്ങ​ളിൽ ഏർപ്പെ​ടു​ന്ന​തിൽ തെറെ​റാ​ന്നു​മി​ല്ലെ​ങ്കി​ലും പ്രേമാ​ഭ്യർത്ഥ​ന​വേ​ളകൾ അവയുടെ ഉദ്ദേശ്യം നന്നായി നിറ​വേ​റ​റു​ന്ന​തിന്‌ അവയിൽ ഗൗരവ​ത​ര​മായ സ്വകാര്യ സംഭാ​ഷ​ണ​വും​കൂ​ടെ ഉണ്ടായി​രി​ക്കണം.—സദൃശ​വാ​ക്യ​ങ്ങൾ 15:22 താരത​മ്യം ചെയ്യുക.

നിങ്ങളു​ടെ ലക്ഷ്യങ്ങൾ എന്തൊ​ക്കെ​യാണ്‌? നിങ്ങളു​ടെ താൽപ്പ​ര്യ​ങ്ങൾ? കുട്ടി​ക​ളു​ണ്ടാ​യി​രി​ക്കു​ന്ന​തു​സംബ​ന്ധിച്ച്‌ നിങ്ങളു​ടെ വീക്ഷണങ്ങൾ എന്തൊ​ക്കെ​യാണ്‌? പണം ചെലവ​ഴി​ക്കു​ന്ന​തു​സം​ബ​ന്ധി​ച്ചെന്ത്‌? ഈ വ്യക്തിയെ നഷ്ടമാ​യേ​ക്കും എന്ന ഭയം നിമിത്തം സത്യം വളച്ചൊ​ടി​ക്കാ​തെ നിങ്ങൾ ‘തമ്മിൽ തമ്മിൽ സത്യം സംസാ​രി​ക്കു​ന്നത്‌’ വളരെ പ്രധാ​ന​മാണ്‌. (എഫേസ്യർ 4:25) ഉടനെ അല്ലെങ്കിൽ പിന്നീട്‌ എന്നെങ്കി​ലും നിങ്ങളി​ലെ യഥാർത്ഥ വ്യക്തി പുറത്തു​വ​രും. നിരാ​ശ​യിൽ അവസാ​നി​പ്പി​ക്കേ​ണ്ടി​വ​രുന്ന ഒരു ബന്ധം ആരംഭി​ക്കു​ന്ന​തി​നേ​ക്കാ​ളും ഒരു കഷ്ടതര​മായ വിവാ​ഹ​ത്തേ​ക്കാ​ളും നല്ലത്‌ നിങ്ങൾ ഏതു തരം വ്യക്തി​യാ​ണെ​ന്നും നിങ്ങൾ ജീവി​ത​ത്തിൽനിന്ന്‌ എന്താ​ഗ്ര​ഹി​ക്കു​ന്നു​വെ​ന്നും മറെറ​യാ​ളെ അറിയി​ക്കു​ന്ന​താണ്‌.

എന്നാൽ ബന്ധം നിലനിർത്തു​ന്ന​തി​നു​വേണ്ടി മറെറ​യാൾ കപടഭാ​വം കാണി​ക്കു​ന്നു​വെ​ങ്കി​ലെന്ത്‌? ബൈബിൾ ഇപ്രകാ​രം മുന്നറി​യിപ്പ്‌ നൽകുന്നു: “അനുഭ​വ​പ​രി​ച​യ​മി​ല്ലാ​ത്തവൻ ഏതു വാക്കും വിശ്വ​സി​ക്കു​ന്നു, എന്നാൽ സൂക്‌ഷ്‌മ ബുദ്ധി​യോ തന്റെ കാലടി​കളെ സൂക്ഷി​ക്കു​ന്നു.” (സദൃശ​വാ​ക്യ​ങ്ങൾ 14:15) നിങ്ങൾ അതിരു​ക​ടന്ന്‌ ആളുകളെ സംശയി​ക്ക​ണ​മെന്നല്ല, എന്നാൽ ഒരു വ്യക്തി​യു​ടെ പ്രവർത്തനം അയാളു​ടെ അഥവാ അവളുടെ വാക്കു​കൾക്ക്‌ ചേർച്ച​യി​ലാ​ണോ എന്ന്‌ വ്യക്തി​പ​ര​മാ​യി തിട്ട​പ്പെ​ടു​ത്തു​ന്നത്‌ തികച്ചും ന്യായം മാത്ര​മാണ്‌.

അയാളോ അവളോ മുഖ്യ​സം​ഗ​തി​ക​ളിൽ ഏതു നിലപാ​ടു​കാ​രാണ്‌ എന്ന്‌ ആദ്യം തന്നെ—പിന്നീട്‌ ഇരുവ​രും വൈകാ​രി​ക​മാ​യി ഉൾപ്പെ​ട്ട​ശേ​ഷമല്ല— കണ്ടുപി​ടി​ക്കണം. ഉദാഹ​ര​ണ​ത്തിന്‌ ക്രിസ്‌തീയ ശുശ്രൂ​ഷ​യിൽ തന്നെ​പ്പോ​ലെ​തന്നെ ഉത്സാഹ​മുള്ള ഒരാ​ളെ​യാണ്‌ സ്‌ററീവ്‌ വിവാ​ഹ​ഇ​ണ​യാ​യി അന്വേ​ഷി​ച്ചി​രു​ന്നത്‌. വളരെ ആകർഷ​ക​യാ​യി തനിക്ക്‌ തോന്നിയ ഒരു പെൺകു​ട്ടി​യിൽ അയാൾ പെട്ടെ​ന്നു​തന്നെ തൽപ്പര​നാ​യി​ത്തീർന്നു. അയാൾ ഇപ്രകാ​രം അനുസ്‌മ​രി​ക്കു​ന്നു: “എന്നാൽ അവൾക്ക്‌ ജീവി​ത​ത്തിൽ ലക്ഷ്യങ്ങ​ളൊ​ന്നു​മി​ല്ലാ​യി​രു​ന്നു​വെന്ന്‌ ഞാൻ തിരി​ച്ച​റി​യാൻതു​ടങ്ങി, ഒരു ക്രിസ്‌ത്യാ​നി​യെ​ന്ന​നി​ല​യിൽ അവൾ പ്രവർത്ത​ന​നി​ര​ത​യു​മാ​യി​രു​ന്നില്ല.” സ്‌ററീവ്‌ ജ്ഞാനപൂർവം ആ ബന്ധം ഉപേക്ഷി​ച്ചു.

അസുഖ​ക​ര​മായ അടുപ്പം

ഹൃദയ​ത്ത​കർച്ച ഒഴിവാ​ക്കു​ന്ന​തി​ന്റെ മറെറാ​രു പ്രമുഖ വശത്തേക്ക്‌ ഇത്‌ വിരൽചൂ​ണ്ടു​ന്നു. ജൂഡി അതുസം​ബ​ന്ധിച്ച്‌ ഇപ്രകാ​രം പറയുന്നു: “വൈകാ​രി​ക​മാ​യി ഉൾപ്പെ​ടുക എളുപ്പ​മാ​ണെന്ന്‌ ഞാൻ മുൻ അനുഭ​വ​ങ്ങ​ളിൽനിന്ന്‌ പഠിച്ചി​രി​ക്കു​ന്നു. ചില​പ്പോൾ നിങ്ങൾ ഒരു വ്യക്തി​യു​മാ​യി വളരെ അടുപ്പ​ത്തി​ലാ​കാൻ അനുവ​ദി​ക്കു​ന്നു, നിങ്ങൾ അന്യോ​ന്യം സ്‌നേ​ഹി​ക്കു​ന്നി​ല്ലെന്നു കണ്ടെത്തു​മ്പോ​ഴും നിങ്ങൾ വൈകാ​രി​ക​മാ​യി വളരെ​യ​ധി​കം ഉൾപ്പെ​ട്ടി​രി​ക്കു​ന്നു, മറെറ​യാ​ളി​ന്റെ വികാ​രത്തെ മുറി​പ്പെ​ടു​ത്താൻ നിങ്ങൾക്ക്‌ ഭയമാണ്‌.”

ബൈബിൾ കാലങ്ങ​ളി​ലെ ശൂലേമ്യ പെൺകു​ട്ടി അനിയ​ന്ത്രി​ത​മായ പ്രേമ​വി​കാ​ര​ങ്ങ​ളു​ടെ ശക്തി വ്യക്തമാ​യും തിരി​ച്ച​റി​ഞ്ഞി​രു​ന്നു. അതു​കൊണ്ട്‌ ശക്തനായ ശലോ​മോൻ രാജാവ്‌ തന്നോട്‌ പ്രേമാ​ഭ്യർത്ഥന നടത്തി​യ​പ്പോൾ “പ്രേമ​ത്തി​നി​ഷ്ട​മാ​കു​ന്ന​തു​വരെ [തന്നിൽ] പ്രേമ​വി​കാ​രങ്ങൾ ഉണർത്ത​രുത്‌” എന്ന്‌ അവൾ തന്റെ തോഴി​മാ​രോട്‌ പറഞ്ഞു. (ഉത്തമഗീ​തം 2:7) അതു​പോ​ലെ ആദ്യമാ​യി ഒരാളു​മാ​യി പരിച​യ​ത്തി​ലാ​കു​മ്പോൾ നിങ്ങളു​ടെ വികാ​ര​ങ്ങ​ളു​ടെ​മേൽ ശക്തമായ ഒരു പിടി ഉണ്ടായി​രി​ക്കു​ന്നത്‌ വിവേ​ക​മാ​യി​രി​ക്കും.

ഇതിൽ സമയത്തി​നു മുമ്പേ​യു​ള്ള​തും ഉചിത​മ​ല്ലാ​ത്ത​തു​മായ പ്രേമ​പ്ര​ക​ട​നങ്ങൾ ഒഴിവാ​ക്കു​ന്നത്‌ ഉൾപ്പെ​ടു​ന്നു. “ഒരു മനുഷ്യന്‌ തന്റെ വസ്‌ത്രം വെന്തു​പോ​കാ​തെ മടിയിൽ തീക്കനൽ കൊണ്ടു​ന​ട​ക്കാ​മോ?” എന്ന തത്വം ഇവിടെ ബാധക​മാ​കു​ന്നു. (സദൃശ​വാ​ക്യ​ങ്ങൾ 6:27) ഒരു ബന്ധത്തിന്റെ ആരംഭ​ദ​ശ​യിൽത്തന്നെ ചുംബി​ക്കു​ന്ന​തും കരം ഗ്രസി​ക്കു​ന്ന​തും ഉപദ്ര​വ​ക​ര​മാ​യി​രു​ന്നേ​ക്കാം. അത്തരം പ്രവർത്ത​നങ്ങൾ അധാർമ്മിക ലൈം​ഗിക വികാ​രങ്ങൾ ഉണർത്തു​മെ​ന്നു​മാ​ത്രമല്ല അത്‌ സമനി​ല​യേ​യും ന്യായ​ബോ​ധ​ത്തെ​യും കീഴട​ക്കു​ക​യും ചെയ്യും. നിങ്ങളു​ടെ വികാ​രങ്ങൾ ഉണർത്ത​പ്പെ​ട്ടി​രി​ക്കു​മ്പോൾ ഒരു വ്യക്തി​യെ​പ്പ​ററി നിങ്ങൾക്ക്‌ സമനി​ല​യോ​ടു​കൂ​ടിയ ഒരു വിധി നടത്താൻ സാദ്ധ്യമല്ല. കൂടാതെ അതിരു​കടന്ന സ്‌നേ​ഹ​പ്ര​ക​ട​നങ്ങൾ ഈ ബന്ധം ഉപേക്ഷി​ക്കേ​ണ്ട​താ​യി​വ​ന്നാൽ ആ ഉപേക്ഷ​ണത്തെ കൂടുതൽ വേദനാ​ജ​ന​ക​മാ​ക്കു​ക​യേ​യു​ള്ളു.

ജൂഡി ഒടുവിൽ ഒരു ചെറു​പ്പ​ക്കാ​ര​നു​മാ​യി ഡെയി​റ​റിംഗ്‌ ആരംഭി​ച്ച​പ്പോൾ താൻ വിവാഹം കഴിക്കാ​നാ​ഗ്ര​ഹിച്ച ചെറു​പ്പ​ക്കാ​രൻ അയാൾ തന്നെയാ​ണെന്ന്‌ ഏതാണ്ട്‌ ഉറപ്പാ​കു​ന്ന​തു​വരെ സുരക്ഷി​ത​മായ ഒരു അകലം നിലനിർത്തി​ക്കൊണ്ട്‌ ആ ബന്ധം സാവകാ​ശം വികാസം പ്രാപി​പ്പി​ക്കുന്ന കാര്യ​ത്തിൽ അവൾ ശ്രദ്ധിച്ചു. “അപ്പോൾ പിന്നീട്‌ അയാ​ളോ​ടുള്ള എന്റെ വികാ​രങ്ങൾ വികാസം പ്രാപി​ക്കാ​ന​നു​വ​ദി​ക്കു​ന്നത്‌ ഉചിത​മാ​ണെന്ന്‌ ഞാനറി​ഞ്ഞു” എന്ന്‌ അവൾ പറയുന്നു.

പ്രേമാ​ഭ്യർത്ഥ​ന​യു​ടെ കാലഘ​ട്ട​ത്തിൽ സന്തുഷ്‌ടി​യും അസന്തു​ഷ്ടി​യും ലഭിക്കു​ന്ന​തി​നുള്ള സാദ്ധ്യ​ത​യുണ്ട്‌. നിങ്ങൾ അതെങ്ങനെ നിർവ​ഹി​ക്കു​ന്നു എന്നതിന്‌ അതിന്റെ അനന്തര​ഫ​ല​വു​മാ​യി അടുത്ത ബന്ധമുണ്ട്‌. ഒരു ബന്ധം ശുഭപ​ര്യ​വ​സാ​യി​യാ​യി​രി​ക്കും എന്നതിന്‌ ആർക്കും ഉറപ്പു പറയാ​നാ​വില്ല. എല്ലാ മുൻക​രു​ത​ലു​ക​ളും സ്വീക​രി​ച്ച​ശേ​ഷ​വും ഹൃദയ​ത്ത​കർച്ചകൾ സംഭവി​ക്കാം. എന്നിരു​ന്നാ​ലും വിവാ​ഹ​ത്തി​നു തയ്യാറു​ള്ള​പ്പോൾ മാത്രം ഡെയി​റ​റിം​ഗിൽ ഏർപ്പെ​ടു​ന്ന​തി​നാ​ലും നിങ്ങളു​ടെ വികാ​രങ്ങൾ നിയ​ന്ത്ര​ണ​ത്തിൽ നിറു​ത്തു​ന്ന​തി​നാ​ലും ആവശ്യ​മായ മുൻക​രു​ത​ലു​കൾ സ്വീക​രി​ക്കു​ന്ന​തി​നാ​ലും ഹൃദയ​ത്ത​കർച്ച പരമാ​വധി കുറയ്‌ക്കു​ന്ന​തി​നും ഒരു സന്തുഷ്ട വിവാ​ഹ​ത്തി​നി​ട​യാ​ക്കുന്ന തരം പ്രേമാ​ഭ്യർത്ഥ​ന​ക്കുള്ള സാദ്ധ്യത പരമാ​വധി വർദ്ധി​പ്പി​ക്കു​ന്ന​തി​നും നിങ്ങൾക്ക്‌ വളരെ​യ​ധി​കം ചെയ്യാൻ കഴിയും. (g88 2/8)

[18-ാം പേജിലെ ചിത്രം]

കൗമാരപ്രേമങ്ങൾ അപൂർവ​മാ​യി മാത്രം വിവാ​ഹ​ത്തി​ലേക്ക്‌ നയിക്കു​ന്നു, എന്നാൽ മിക്ക​പ്പോ​ഴും ഹൃദയ​വേ​ദ​ന​യി​ലേക്ക്‌

[20-ാം പേജിലെ ചിത്രം]

വൈകാരികമായി ഉൾപ്പെ​ടു​ന്ന​തിന്‌ മുമ്പ്‌ ഒരാളെ നന്നായി അടുത്ത​റി​യു​ക