ചെറു​പ്പ​ക്കാർ ചോദി​ക്കു​ന്നു. . . 

ഞാൻ ആ ഗൃഹ​ജോ​ലി​ക​ളെ​ല്ലാം ചെയ്യേ​ണ്ട​തെ​ന്തു​കൊണ്ട?

“എന്റെ മുറി വൃത്തി​യാ​ക്ക​ണ​മെ​ന്നോ? എന്തിന്‌? എനിക്ക്‌ പററു​ക​യില്ല. ഏതായാ​ലും ഒന്നുരണ്ടു ദിവസം കഴിയു​മ്പോൾ അത്‌ പഴയപ​ടി​യാ​കും.”—സ്‌ററി​ഫാ​നി, വയസ്സ്‌ 15.

“അമ്മ എനിക്കു തരുന്ന ഗൃഹ​ജോ​ലി ചെയ്യാൻ ഉച്ചതി​രി​ഞ്ഞുള്ള മുഴു​സ​മ​യ​വും വേണ്ടി​വ​രു​മ്പോൾ ഞാൻ കഠിന​മാ​യി പണി​യെ​ടു​ത്തു​വെ​ന്നാണ്‌ എനിക്കു തോന്നുക. അപ്പോൾ ഞാൻ നിന്നു ചിന്തി​ക്കും. മമ്മി എല്ലാ ദിവസ​വും ദിവസം​മു​ഴു​വൻ നിർത്താ​തെ പണി​യെ​ടു​ക്കു​ന്നു. അത്‌ മമ്മിക്ക്‌ എളുപ്പ​മ​ല്ലെന്ന്‌ ഞാൻ തിരി​ച്ച​റി​യു​ന്നു.”—സ്‌ററി​വൻ, വയസ്സ്‌ 15.

ഗൃഹ​ജോ​ലി​കൾ ചെയ്യു​ന്ന​തി​നെ​ക്കു​റി​ച്ചുള്ള യുവജ​ന​ങ്ങ​ളു​ടെ ചിന്തകൾ മനസ്സോ​ടെ​യുള്ള സഹകരണം മുതൽ സ്‌പഷ്ട​മായ വൈമ​ന​സ്യം വരെ വ്യാപി​ച്ചു​കി​ട​ക്കു​ന്നു. നിങ്ങ​ളോട്‌ നിങ്ങളു​ടെ ഒഴിവു സമയം ശുചീ​ക​ര​ണ​മൊ കഴുക​ലൊ പോലെ “മുഷി​പ്പ​നായ” ചിലതി​നു​വേണ്ടി ഉപയോ​ഗി​ക്കാൻ ആവശ്യ​പ്പെ​ട്ടാൽ നിങ്ങൾക്ക്‌ ഒരളവു​വരെ നീരസം​പോ​ലും തോന്നി​യേ​ക്കാം. എന്തായാ​ലും, നിങ്ങൾ ഗൃഹ​ജോ​ലി​കളെ ഒരു സന്തുഷ്ട​മായ വിനോ​ദ​മാ​യൊ അസ്വാ​സ്ഥ്യ​ക​ര​മാ​യി വലിഞ്ഞു​ക​യ​റി​വ​രു​ന്ന​തായ എന്തെങ്കി​ലു​മാ​യൊ വീക്ഷി​ച്ചാ​ലും അവ ഒരു കുടും​ബ​ത്തി​ന്റെ സുകര​മായ നടത്തി​പ്പിന്‌ ആവശ്യ​മാണ്‌. അത്തരം കാര്യ​ങ്ങ​ളിൽ കുടും​ബാം​ഗങ്ങൾ മനസ്സോ​ടെ സഹകരി​ക്കാ​ത്ത​പ്പോൾ പ്രയാ​സ​ങ്ങ​ളും സമ്മർദ്ദ​ങ്ങ​ളും ഉളവാ​കു​ന്നു.

നിങ്ങളു​ടെ സഹായം ഗണനാർഹ​മാ​യി​രി​ക്കു​ന്ന​തി​ന്റെ കാരണം

നിങ്ങൾ ചപ്പുച​വ​റു​കൾ എടുത്തു​ക​ള​യു​ന്ന​തു​പോ​ലുള്ള ശ്രമക​ര​മായ ജോലി ഒരുപക്ഷേ അത്ര അർത്ഥവ​ത്താ​ണെന്ന്‌ വിശ്വ​സി​ക്കുക പ്രയാ​സ​മാ​ണെന്ന്‌ കണ്ടെത്തി​യേ​ക്കാം. എന്നിരു​ന്നാ​ലും, പതിവായ ജോലി​കൾപോ​ലും പ്രധാ​ന​മാണ്‌, എന്തു​കൊ​ണ്ടെ​ന്നാൽ അവ ഒരു സുഖ​പ്ര​ദ​മായ ഭവനത്തി​നു സംഭാ​വ​ന​ചെ​യ്യു​ക​യും വിലപി​ടി​പ്പുള്ള വസ്‌തു​ക്കൾ നല്ല നിലയിൽ സൂക്ഷി​ക്കു​ന്ന​തിന്‌ സഹായി​ക്കു​ക​യും ചെയ്യുന്നു. മോയ, ററാ മേർ (ഞാൻ, നിന്റെ അമ്മ) എന്ന തന്റെ പുസ്‌ത​ക​ത്തിൽ ഫ്രഞ്ച്‌ എഴുത്തു​കാ​രി​യായ ക്രിസ്‌തീൻ കോളാഞ്ച്‌ അൽപം നർമ്മര​സ​ത്തോ​ടെ ഈ ആശയം ഊന്നി​പ്പ​റഞ്ഞു: “സാധനങ്ങൾ അതാതി​ന്റെ സ്ഥാനത്തു​വെ​ക്കു​ന്ന​തും അതു സൂക്ഷി​ക്കു​ന്ന​തും ശ്രമക​ര​മാണ്‌. എന്നാൽ നിങ്ങൾ അത്‌ അവഗണി​ക്കു​ന്നു​വെ​ങ്കിൽ അവ വൃത്തി​ഹീ​ന​മാ​യും പൊട്ടി​യും നഷ്ടപ്പെ​ട്ടും പ്രതി​കാ​രം നടത്തും.”

നിങ്ങളു​ടെ സ്‌നേ​ഹ​പൂർവ​ക​മായ സഹകര​ണ​ത്തിന്‌ മിക്ക​പ്പോ​ഴും മുഴു​സ​മ​യ​മൊ അല്ലെങ്കിൽ അംശകാ​ല​മൊ ജോലി​ചെ​യ്യുന്ന നിങ്ങളു​ടെ മാതാ​പി​താ​ക്ക​ളു​ടെ സമ്മർദ്ദ​ത്തി​നു അയവു വരുത്താ​നും കഴിയും. നിങ്ങളു​ടെ വീട്ടിൽ നിങ്ങളു​ടെ മാതാ​പി​താ​ക്കളെ സഹായി​ക്കു​ന്ന​തി​നാൽ നിങ്ങൾക്ക്‌ അവരെ മെച്ചമാ​യി മനസ്സി​ലാ​ക്കാൻപോ​ലും കഴിയും. അതെങ്ങ​നെ​യാണ്‌? പാരീ​സി​ന​ടുത്ത്‌ താമസി​ക്കുന്ന പതിനാ​റു​വ​യ​സ്സു​കാ​ര​നായ ഡൊമി​നിക്ക്‌ ഇപ്രകാ​രം വിശദീ​ക​രി​ച്ചു: “നിങ്ങൾ നിങ്ങളു​ടെ മാതാ​പി​താ​ക്കൾക്ക്‌ ഒരു സഹായ​ഹ​സ്‌തം നീട്ടു​മ്പോ​ഴാണ്‌ അവർ ക്ഷീണി​ത​രാ​യി​രി​ക്കു​ന്ന​തി​ന്റെ കാരണം മനസ്സി​ലാ​ക്കാൻ തുടങ്ങു​ന്നത്‌. നിങ്ങൾ അനേകം മണിക്കൂർ ജോലി​ചെ​യ്‌തു​ക​ഴി​യു​മ്പോൾ നിങ്ങൾക്ക്‌ അവരുടെ സ്ഥാനത്തു നിങ്ങ​ളെ​ത്തന്നെ നിർത്തു​ന്ന​തി​നും അവർ യഥാർത്ഥ​ത്തിൽ ക്ഷീണി​ത​രാ​ണെന്ന്‌ തിരി​ച്ച​റി​യു​ന്ന​തി​നും കഴിയു​ന്നു.” മാതാ​പി​താ​ക്കൾ നിങ്ങളു​ടെ പിൻതു​ണയെ വിലമ​തി​ക്കു​മെ​ന്നും ഉറപ്പു​ണ്ടാ​യി​രി​ക്കുക!

സ്വഭാ​വ​ദാർഢ്യം വളർത്തി​യെ​ടു​ക്കുക

ഗൃഹ​ജോ​ലി​കളെ ജീവി​ത​ത്തി​ലെ ഒരു പാഠമാ​യും, മനഃശ​ക്തി​യു​ടെ ഒരു ദൈനം​ദിന പ്രയോ​ഗ​മാ​യും വീക്ഷി​ക്കാൻ കഴിയും. പ്രയോ​ജ​നങ്ങൾ ഉടനടി​യു​ള്ള​ത​ല്ലെ​ന്നതു സത്യം​തന്നെ. എന്നാൽ, ഉത്തരവാ​ദി​ത്വ​ങ്ങൾ കയ്യേൽക്കാ​നുള്ള നിങ്ങളു​ടെ പ്രയത്‌നങ്ങൾ നിങ്ങളു​ടെ ജീവി​ത​ത്തിൽ പിന്നീട്‌ പ്രതി​ഫ​ലങ്ങൾ കൈവ​രു​ത്തും. ബൈബിൾ പറയു​ന്ന​തു​പോ​ലെ: “ചെറു​പ്പ​ത്തി​ലേ നുകം ഏൽക്കു​ന്നത്‌ ഒരുവന്‌ നല്ലതാണ്‌.”—വിലാ​പങ്ങൾ 3:27, ദി ന്യൂ ജറുസ​ലേം ബൈബിൾ.

അതെ, നിങ്ങൾ സ്വഭാ​വ​ദാർഢ്യം വികസി​പ്പി​ച്ചെ​ടു​ക്കേ​ണ്ട​തുണ്ട്‌, അതായത്‌ മുതിർന്ന​വ​രു​ടെ ജീവി​ത​സ​മ്മർദ്ദ​ങ്ങളെ ചെറു​ത്തു​നിൽക്കു​ന്ന​തി​നു പ്രാപ്‌ത​മായ ഒരു വ്യക്തി​ത്വം. അതു​കൊണ്ട്‌, സ്വന്തം കാലിൽ നിൽക്കാൻ നിങ്ങളെ പ്രാപ്‌ത​രാ​ക്കുന്ന നല്ല അദ്ധ്വാ​ന​ശീ​ലങ്ങൾ നട്ടുവ​ളർത്തി​ക്കൊണ്ട്‌ നിങ്ങൾ നേര​ത്തെ​തന്നെ തുടക്ക​മി​ടണം—വിശ്ര​മി​ക്കാൻ ചെലവ​ഴി​ക്കുന്ന സമയം കുറച്ചു​കൊ​ണ്ടു​പോ​ലും.

സ്‌ററി​ഫാ​നി ഇങ്ങനെ സമ്മതി​ച്ചു​പ​റഞ്ഞു: “വീട്ടു​ജോ​ലി ചെയ്യു​ന്നത്‌ എനിക്കി​ഷ്ട​മ​ല്ലാ​യി​രു​ന്നു. ‘നിനക്കി​ഷ്ട​മി​ല്ലെ​ങ്കിൽ നീ ചെയ്യേണ്ട’ എന്നു ഞാൻ എന്നോ​ടു​തന്നെ പറയു​മാ​യി​രു​ന്നു. എന്നാൽ എന്റെ വീക്ഷണ​ത്തി​നു മാററം വന്നിരി​ക്കു​ന്നു. വീട്ടിൽ ജോലി​ക്കു സഹായി​ക്കു​ന്നത്‌ ഉത്തരവാ​ദി​ത്വ​മുള്ള ആളായി​ത്തീ​രാൻ എന്നെ പഠിപ്പി​ക്കു​മെ​ന്നും അത്‌ പിൽക്കാ​ലത്ത്‌ എന്നെ നല്ല നിലയി​ലാ​ക്കു​മെ​ന്നും ഞാൻ ഇപ്പോൾ തിരി​ച്ച​റി​യു​ന്നു.”

നിങ്ങൾ ഒരു ബാലനാ​കു​ന്നു​വെ​ങ്കിൽ, പൊതു​വേ പെൺകു​ട്ടി​കൾ ചെയ്യുന്ന വീട്ടു​ജോ​ലി​കൾ ചെയ്യാൻ നിങ്ങളു​ടെ മാതാ​പി​താ​ക്കൻമാർ നിങ്ങ​ളോ​ടു പറയു​ന്നു​വെ​ങ്കിൽ നിങ്ങൾ അന്ധാളി​ക്ക​രുത്‌. ഒരു പെൺകു​ട്ടി​യാ​ണെ​ങ്കിൽ മറിച്ചും. നിങ്ങളു​ടെ പരിശീ​ലനം വിശാ​ല​മാ​ക്കാൻ നിങ്ങളു​ടെ മാതാ​പി​താ​ക്കൻമാർ ആഗ്രഹി​ച്ചേ​ക്കാം. പിന്നീട്‌ മുതിർന്ന​യൊ​രാൾ എന്ന നിലയിൽ നിങ്ങൾ സ്വന്ത കാലിൽ നിൽക്കു​മ്പോൾ വിവിധ കുടും​ബ​വൈ​ദ​ഗ്‌ദ്ധ്യ​ങ്ങൾ നേടി​യ​തിൽ നിങ്ങൾക്കു സന്തോ​ഷ​മു​ണ്ടാ​യേ​ക്കാം. മാത്ര​വു​മല്ല, ഒരു ആൺകുട്ടി ഒരു ബട്ടൻ തയ്‌ച്ചു​പി​ടി​പ്പി​ക്കാൻ അറിഞ്ഞി​രി​ക്കു​ന്നത്‌, അല്ലെങ്കിൽ ഒരു പെൺകു​ട്ടി ഒരു ഭിത്തി​യിൽ ഒരു ആണിയ​ടി​ക്കാൻ അറിഞ്ഞി​രി​ക്കു​ന്നത്‌ അപമാ​ന​ക​രമല്ല! യേശു തന്റെ ശിഷ്യൻമാർക്കു​വേണ്ടി ഒരു ഭക്ഷണം തയ്യാറാ​ക്കി​യെന്ന്‌ യോഹ​ന്നാൻ 20:9-12 സൂചി​പ്പി​ക്കു​ന്നു. അത്‌ പുരാ​ത​ന​കാ​ല​ങ്ങ​ളിൽ സ്‌ത്രീ​കൾക്കാ​യി വേർതി​രി​ച്ചി​രുന്ന ജോലി​യാ​യി​രു​ന്നു.—സദൃശ​വാ​ക്യ​ങ്ങൾ 31:15 താരത​മ്യ​പ്പെ​ടു​ത്തുക.

യോജി​ച്ചു​നീ​ങ്ങുക

“ഞാൻ എത്ര ശ്രമി​ച്ചാ​ലും എന്റെ മാതാ​പി​താ​ക്കൾക്ക്‌ ഒരിക്ക​ലും തൃപ്‌തി​വ​രില്ല” എന്ന്‌ നിരാ​ശ​രായ ചില ചെറു​പ്പ​ക്കാർ പറയുന്നു. എന്നാൽ മാതാ​പി​താ​ക്ക​ളും മക്കളും കേവലം ഒരേ ഭാഷ സംസാ​രി​ക്കു​ന്നി​ല്ലെ​ന്നു​ള്ള​താ​യി​രി​ക്കാം പ്രശ്‌നം. ലാറേ​റാ​റൈ​ററ ഡസ പേരൻറസ ഡാൻസ ലാ ഫാമിലി (മാതാ​പി​താ​ക്ക​ളു​ടെ ശക്തി!) എന്ന തന്റെ പുസ്‌ത​ക​ത്തിൽ ജോൺ റോസ്‌മോണ്ട്‌ പിൻവ​രുന്ന പ്രസക്ത​മായ അഭി​പ്രാ​യം പറഞ്ഞു: “ഒരു മുറി ‘വൃത്തി​യാ​ക്കുക’യെന്നാൽ അർത്ഥ​മെ​ന്താണ്‌? തങ്ങളുടെ കുട്ടി​കൾക്ക്‌ അറിയാ​മെന്ന്‌ മാതാ​പി​താ​ക്കൾ വിചാ​രി​ക്കു​ന്നു, എന്നാൽ ‘വൃത്തി​യാ​ക്കൽ’സംബന്ധിച്ച ഒരു കുട്ടി​യു​ടെ ആശയം ഒരിക്ക​ലും മാതാ​പി​താ​ക്ക​ളു​ടേ​തു​ത​ന്നെ​യാ​യി​രി​ക്കു​ന്നില്ല . . . ചില ജോലി​കൾ ദിവസ​വും ചെയ്യണ​മെ​ങ്കിൽ എന്തൊക്കെ ചെയ്യണ​മെ​ന്നുള്ള ഒരു ലിസ്‌ററ്‌ നിഷ്‌പ്ര​യോ​ജ​ന​ക​ര​മായ ധാരാളം തർക്കങ്ങൾ ഒഴിവാ​ക്കും. വ്യക്തമായ ഒരു ചട്ടം എല്ലായ്‌പ്പോ​ഴും അനുസ​രി​ക്കുക എളുപ്പ​മാണ്‌.”

നിങ്ങളു​ടെ മാതാ​പി​താ​ക്കൾക്കാ​വ​ശ്യ​മാ​യി​രി​ക്കുന്ന സഹായത്തെ രണ്ടു വിഭാ​ഗ​ങ്ങ​ളാ​യി തിരി​ക്കാം: (1) പൊതു​വിൽ കുടും​ബ​ത്തി​നു​വേ​ണ്ടി​യുള്ള വീട്ടു​ജോ​ലി​കൾ, ഉദാഹ​ര​ണ​ത്തിന്‌, തീൻമേശ ഒരുക്ക​ലോ വൃത്തി​യാ​ക്ക​ലോ, പാത്രം​ക​ഴു​കൽ, വീടു​വൃ​ത്തി​യാ​ക്കൽ, പാചകം, സാധനം​വാ​ങ്ങൽ, ചപ്പുച​വ​റു​കൾ നീക്കം​ചെയ്യൽ, തോട്ടം​സൂ​ക്ഷിപ്പ്‌; (2) നിങ്ങളു​ടെ കിടക്ക​വി​രി​ക്കൽ, നിങ്ങളു​ടെ മുറി​ക്ര​മീ​ക​രി​ക്കൽ, നിങ്ങളു​ടെ വസ്‌ത്രങ്ങൾ പെറു​ക്കി​വെക്കൽ, നിങ്ങളു​ടെ ഷൂസ്‌ പോളീ​ഷ്‌ചെയ്യൽ. മേൽപ്പ​റ​ഞ്ഞ​തി​ലേ​തെ​ങ്കി​ലും ചെയ്യാൻ നിങ്ങളു​ടെ മാതാ​പി​താ​ക്കൾ നിങ്ങ​ളോ​ടാ​വ​ശ്യ​പ്പെ​ടു​മ്പോൾ നിങ്ങളിൽനിന്ന്‌ അവരെ​ന്താ​വ​ശ്യ​പ്പെ​ടു​ന്നു​വെന്ന്‌ തിട്ടമി​ല്ലെ​ങ്കിൽ പ്രത്യേക നിർദ്ദേ​ശ​ങ്ങൾക്കാ​യി അപേക്ഷി​ക്കുക, ആവശ്യ​മെ​ങ്കിൽ ചെയ്യേണ്ട കാര്യ​ങ്ങ​ളു​ടെ ഒരു ലിസ്‌റ​റു​പോ​ലും. മിക്ക​പ്പോ​ഴും വീട്ടു​ജോ​ലി​കൾ ചെയ്യു​ന്ന​തി​നാ​വ​ശ്യ​മാ​യ​തിൽ കൂടുതൽ സമയം തർക്കിച്ചു ചെലവ​ഴി​ക്കു​ന്നു​വെ​ന്നോർക്കുക! കോം, ഡോമി​നിക്ക്‌ എന്ന രണ്ടു ഫ്രഞ്ച്‌ യുവാക്കൾ പ്രസ്‌താ​വി​ച്ച​തു​പോ​ലെ: “നാം എത്ര കുറച്ചു ജോലി​ചെ​യ്യു​ന്നു​വോ അത്ര കുറച്ചു​ചെ​യ്യാ​നേ നാമാ​ഗ്ര​ഹി​ക്കു​ന്നു​ള്ളു, അതു​ചെ​യ്യു​ന്ന​തു​സം​ബ​ന്ധിച്ച്‌ നാം വലിയ ഒച്ചപ്പാ​ടു​ണ്ടാ​ക്കു​ക​യും ചെയ്യുന്നു.” അതു​കൊണ്ട്‌ നാം നമ്മുടെ ജോലി എത്ര പെട്ടെന്നു ചെയ്യു​ന്നു​വോ അത്രയ​ധി​കം സന്തോഷം ഏവനും ഉണ്ടായി​രി​ക്കാൻ കഴിയും.

എന്നാൽ നിങ്ങളു​ടെ മാതാ​പി​താ​ക്കൾ നിങ്ങളിൽനി​ന്നാ​വ​ശ്യ​പ്പെ​ടു​ന്നത്‌ അസാദ്ധ്യ​മാ​യ​താ​ണെ​ന്നും നിങ്ങളു​ടെ സഹോ​ദ​രീ​സ​ഹോ​ദ​രൻമാ​രിൽനിന്ന്‌ ഏറെ​യൊ​ന്നും ആവശ്യ​പ്പെ​ടു​ന്നി​ല്ലെ​ന്നും നിങ്ങൾ വിചാ​രി​ക്കു​ന്നു​വെ​ങ്കിൽ എന്തു ചെയ്യാൻ കഴിയും? നിങ്ങൾക്ക്‌ നീതി​ബോ​ധം ശക്തമാണ്‌, നിങ്ങൾ അന്ധാളി​ക്കു​ന്നു. അതു​കൊണ്ട്‌ നിങ്ങളു​ടെ മാതാ​പി​താ​ക്കൻമാ​രു​മാ​യി ഉള്ളുതു​റന്ന്‌ സംസാ​രി​ക്കാൻ ഉചിത​മായ ഒരു സമയം ക്രമീ​ക​രി​ച്ചു​കൂ​ടേ? നിങ്ങളു​ടെ സഹോ​ദ​രീ​സ​ഹോ​ദ​രൻമാർക്ക്‌ കൂടുതൽ ഗൃഹപാ​ഠ​വും നീണ്ട സ്‌ക്കൂൾ മണിക്കൂ​റു​ക​ളും​നി​മി​ത്തം നിങ്ങ​ളോ​ളം സമയമി​ല്ലെന്ന്‌ അല്ലെങ്കിൽ കുട്ടി​ക​ളിൽവെച്ച്‌ നിങ്ങളാണ്‌ കൂടുതൽ ആരോ​ഗ്യ​വാ​നും ശക്തനു​മെന്ന്‌ നിങ്ങൾ കണ്ടെത്തി​യേ​ക്കാം. അതു ദുഃഖി​ക്കേണ്ട ഒരു സംഗതി​യാ​ണോ?

വീട്ടു​ജോ​ലി​കൾ നിങ്ങളു​ടെ വളരെ​യ​ധി​കം സമയം എടുക്കു​ന്നു​വെന്ന്‌ നിങ്ങൾ വിചാ​രി​ക്കു​ന്നു​വെ​ങ്കി​ലെന്ത്‌? എങ്കിൽ, നിങ്ങൾ റെറലി​വി​ഷൻ കണ്ടു​കൊ​ണ്ടും നിങ്ങളു​ടെ ഇഷ്ടസം​ഗീ​തം കേട്ടു​കൊ​ണ്ടും അല്ലെങ്കിൽ വായി​ച്ചു​കൊ​ണ്ടും ചെലവ​ഴി​ക്കുന്ന സമയം കൂട്ടുക! ഒരുപക്ഷേ നിങ്ങൾ ചെയ്യേ​ണ്ടി​യി​രി​ക്കു​ന്നത്‌ നിങ്ങളു​ടെ സമയം​ചെ​ല​വ​ഴി​ക്ക​ലി​ന്റെ പുനഃ​ക്ര​മീ​ക​ര​ണ​മാ​യി​രി​ക്കാം.

“അതെല്ലാം തുടങ്ങി​യത്‌ എന്റെ മുറി ഞാൻ സൂക്ഷി​ക്ക​ണ​മെ​ന്നും പാത്രം കഴുക​ണ​മെ​ന്നും മാതാ​പി​താ​ക്കൾ എന്നോ​ടാ​വ​ശ്യ​പ്പെ​ട്ട​പ്പോ​ഴാണ്‌” എന്ന്‌ സ്‌ററീ​വൻ പറഞ്ഞു. അതു ഭാരമാ​ണെന്ന്‌ സ്‌ററീ​വൻ കണ്ടെത്തി. എന്നാൽ തന്റെ സമയത്തി​ന്റെ മെച്ചമായ ക്രമീ​ക​ര​ണ​ത്താൽ തന്റെ വീട്ടു​ജോ​ലി​കൾ അനായാ​സം ചെയ്യാൻ തനിക്കു കഴിയു​മെന്ന്‌ അവൻ മനസ്സി​ലാ​ക്കി.

നിങ്ങളു​ടെ ജോലി​യാൽ ദൈവത്തെ പ്രസാ​ദി​പ്പി​ക്കൽ

വീട്ടിൽ സഹായി​ക്കു​ന്ന​തി​നാൽ നിങ്ങൾ ഇസ്ര​യേല്യ കുട്ടി​ക​ളെ​പ്പോ​ലെ​യും ബൈബിൾ കാലങ്ങ​ളി​ലെ ചെറു​പ്പ​ക്കാ​രെ​പ്പോ​ലെ​യും നിങ്ങളു​ടെ മാതാ​പി​താ​ക്കളെ ബഹുമാ​നി​ക്കു​ക​യാണ്‌. ഉദാഹ​ര​ണ​ത്തിന്‌, ലാബാന്റെ പുത്രി​യായ റാഹേൽ അവളുടെ പിതാ​വി​ന്റെ ആട്ടിൻകൂ​ട്ട​ങ്ങളെ പരിപാ​ലി​ച്ചു​പോ​ന്നു. അതു​പോ​ലെ​തന്നെ, രെയൂ​വേ​ലി​ന്റെ അഥവാ യി​ത്രോ​യു​ടെ പുത്രി​മാർക്ക്‌ ആട്ടിൻകൂ​ട്ട​ങ്ങൾക്കു​വേണ്ടി വെള്ളം​കോ​രുന്ന ഉത്തരവാ​ദി​ത്വം ഉണ്ടായി​രു​ന്നു—ശ്രമക​ര​വും കഠിന​വു​മായ ജോലി​തന്നെ. (ഉല്‌പത്തി 29:9; പുറപ്പാട്‌ 2:16) ആൺകു​ട്ടി​കൾക്കും പ്രാ​യോ​ഗി​ക​പ​രി​ശീ​ലനം ലഭിച്ചി​രു​ന്നു. നിസ്സം​ശ​യ​മാ​യി, യേശു തന്റെ വളർത്തു​പി​താ​വാ​യി​രുന്ന യോ​സേ​ഫിൽനിന്ന്‌ ആശാരി​ത്തൊ​ഴിൽ പഠിച്ചി​രു​ന്നു.—മത്തായി 13:55; മർക്കോസ്‌ 6:3.

പുരാ​ത​ന​കാ​ല​ങ്ങ​ളി​ലെ​ന്ന​പോ​ലെ, നിങ്ങളു​ടെ മാതാ​പി​താ​ക്കൻമാർക്ക്‌ സന്തോ​ഷ​പൂർവം പിന്തു​ണ​കൊ​ടു​ക്കു​ന്ന​തിൽനിന്ന്‌ അനു​ഗ്ര​ഹങ്ങൾ ലഭിക്കും. റിബേ​ക്കയെ സംബന്ധിച്ച ബൈബിൾ വിവരണം പരിചി​ന്തി​ക്കുക. അബ്രാ​ഹാ​മി​ന്റെ ദാസൻ കുടി​ക്കാൻ ചോദി​ച്ച​പ്പോൾ റിബേക്കാ ഉടൻതന്നെ പ്രതി​ക​രി​ച്ചു. അവൾ അവനു കുടി​പ്പാൻ കൊടു​ത്തു​വെന്നു മാത്രമല്ല, അവന്റെ ഒട്ടകങ്ങൾക്കും വെള്ളം കോരി​ക്കൊ​ടു​ക്കാ​മെന്ന്‌ മനസ്സോ​ടെ വാഗ്‌ദാ​നം​ചെ​യ്‌തു. അവൾ “വീണ്ടു വീണ്ടും വെള്ളം​കോ​രാൻ കിണറ​റി​ലേക്ക്‌ ഓടു​ക​യും അവന്റെ ഒട്ടകങ്ങൾക്കെ​ല്ലാം​വേണ്ടി വെള്ളം കോരി​ക്കൊ​ണ്ടി​രി​ക്ക​യും​ചെ​യ്‌തു​വെന്ന്‌” ബൈബിൾ റിപ്പോർട്ടു​ചെ​യ്‌തു. (ഉല്‌പത്തി 24:15-21) ഒട്ടകസ​മൂ​ഹ​ത്തിൽ പത്തൊ​ട്ട​കങ്ങൾ ഉണ്ടായി​രു​ന്നു. ഒരു ഒട്ടകം ദിവസം അഞ്ചു മുതൽ ഏഴു ഗ്യാലൻ വരെ വെള്ളം കുടി​ക്കു​മെ​ന്നുള്ള സംഗതി ഒരുവൻ പരിഗ​ണി​ക്കു​മ്പോൾ എല്ലാ ഒട്ടകങ്ങൾക്കും കൊടു​ക്കാൻ റിബേക്കാ ഡസൻക​ണ​ക്കി​നു ഗ്യാലൻ വെള്ളം കോരി​യി​രി​ക്ക​ണ​മെന്നു സ്‌പഷ്ട​മാണ്‌. എന്നിരു​ന്നാ​ലും ജോലി​ചെ​യ്യാ​നുള്ള അവളുടെ സന്നദ്ധത അവൾക്ക്‌ അനു​ഗ്ര​ഹങ്ങൾ കൈവ​രു​ത്തി. ഇസ്‌ഹാ​ക്കി​ന്റെ ഭാര്യ​യാ​യി​രി​ക്കാ​നും മനുഷ്യ​വർഗ്ഗത്തെ അനു​ഗ്ര​ഹി​ക്കു​ന്ന​തി​നുള്ള സന്തതിയെ ഉളവാ​ക്കാ​നുള്ള യഹോ​വ​യു​ടെ ഉദ്ദേശ്യ​ത്തി​ന്റെ നിവൃ​ത്തി​യിൽ പങ്കെടു​ക്കാ​നും അവൾ തെര​ഞ്ഞെ​ടു​ക്ക​പ്പെട്ടു!—ഉല്‌പത്തി 22:18.

നിങ്ങൾ വീട്ടു​ജോ​ലി​യിൽ പങ്കെടു​ക്കു​മ്പോൾ ‘നിങ്ങളു​ടെ മാതാ​പി​താ​ക്കളെ ബഹുമാ​നി​ക്കാ​നുള്ള’ നിങ്ങളു​ടെ ഉത്സുക​മായ ശ്രമങ്ങ​ളിൽ യഹോവ സമാന​മാ​യി പ്രസാ​ദി​ക്കു​ന്നു​വെന്ന്‌ ഉറപ്പു​ണ്ടാ​യി​രി​ക്കുക.—എഫേസ്യർ 6:1, 2. (g89 1/8)

[21-ാം പേജിലെ ചിത്രം]

മിക്കപ്പോഴും ജോലി​കൾ ചെയ്യു​ന്ന​തി​നെ​ടു​ക്കു​ന്ന​തി​നെ​ക്കാൾ കൂടുതൽ സമയം തർക്കിച്ചു ചെലവ​ഴി​ക്കു​ന്നു!