നിങ്ങളു​ടെ സ്വന്തം മഴവിൽ ഉണ്ടാക്കുക

നിങ്ങൾ എന്നെങ്കി​ലും നിങ്ങളു​ടെ സ്വന്തം മഴവിൽ ഉണ്ടാക്കി​യി​ട്ടു​ണ്ടോ? നിങ്ങൾ എന്നെങ്കി​ലും വെയി​ലുള്ള ഒരു ദിവസം വെള്ളം വായു​വിൽ ചിതറി​ക്കു​ക​യും പെട്ടെന്ന്‌ ചെറിയ തോതി​ലുള്ള നിങ്ങളു​ടെ മഴവിൽ കണ്ടതിൽ പുളകി​ത​നാ​കു​ക​യും ചെയ്‌തി​ട്ടു​ണ്ടോ? ഇല്ലെങ്കിൽ, നിങ്ങൾ ശ്രമി​ച്ചു​കൊ​ണ്ടി​രു​ന്ന​പ്പോൾ “നോക്കൂ! ഒരു മഴവിൽ!” എന്ന്‌ ഉദ്‌ഘോ​ഷി​ച്ചു​കൊണ്ട്‌ നിങ്ങളെ തടഞ്ഞു​വെ​ന്ന​തി​നു സംശയ​മില്ല. നിറങ്ങ​ളു​ടെ ആ മനോ​ഹ​ര​മായ വിൽ ഒരിക്ക​ലും നമ്മെ വിസ്‌മ​യി​പ്പി​ക്കു​ന്ന​തിൽനി​ന്നു വിരമി​ക്കു​ന്നില്ല. എന്നാൽ കൃത്യ​മാ​യി ഒരു മഴവിൽ എന്താണ്‌? അത്‌ എങ്ങനെ രൂപം​കൊ​ള്ളു​ന്നു?

നിങ്ങൾ ഒരു മഴവിൽ കാണണ​മെ​ങ്കിൽ മൂന്നു മുൻവ്യ​വ​സ്ഥകൾ പാലി​ക്ക​പ്പെ​ട്ടി​രി​ക്കണം—സൂര്യൻ നിങ്ങളു​ടെ പിമ്പിൽ ചക്രവാ​ള​ത്തി​നു മീതെ 40 ഡിഗ്രി​യിൽ കൂടുതൽ ഉയരത്തി​ല​ല്ലാ​തി​രി​ക്കു​ക​യും നിങ്ങളു​ടെ മുമ്പിൽ ഒരു മഴചാ​ററൽ ഉണ്ടായി​രി​ക്ക​യും വേണം. അവസ്ഥകൾ ഉത്തമമാ​യി​രി​ക്കു​മ്പോൾ നിങ്ങൾ യഥാർത്ഥ​ത്തിൽ രണ്ട്‌ മഴവി​ല്ലു​കൾ കാണും—ശക്തി​യേ​റിയ നിറങ്ങ​ളോ​ടെ അകത്തൊ​ന്നും മാഞ്ഞു​പോ​യ​തു​പോ​ലെ കാണ​പ്പെ​ട്ടേ​ക്കാ​വു​ന്ന​താ​യി പുറ​ത്തൊ​ന്നും. നിങ്ങൾ എത്ര നിറങ്ങൾ കാണും? സാങ്കേ​തി​ക​മാ​യി, ഏഴു നിറങ്ങൾ ഉണ്ട്‌—വയലററ്‌, ഇൻഡി​ഗോ, നീല, പച്ച, മഞ്ഞ, ഓറഞ്ച്‌, ചുവപ്പ്‌—എന്നാൽ ചില വിദഗ്‌ദ്ധർ ഇൻഡി​ഗോ തള്ളിക്ക​ള​യു​ന്നു. മിക്കവ​രും കുറെ കലർപ്പു​നി​മി​ത്തം നാലോ അഞ്ചോ നിറങ്ങൾ മാത്രമേ ഗ്രഹി​ക്കു​ന്നു​ള്ളു.

നിറങ്ങൾ ഉണ്ടാക്കു​ന്ന​തെ​ന്താണ്‌? മഴത്തു​ള്ളി​കൾ ചെറിയ പ്രിസ​ങ്ങ​ളെ​യും കണ്ണാടി​യെ​യും പോലെ വർത്തി​ച്ചു​കൊണ്ട്‌ സൂര്യ​പ്ര​കാ​ശത്തെ നിറങ്ങ​ളാ​യി പിരി​ക്കു​ക​യും കണ്ണി​ലേക്ക്‌ നിറമുള്ള പ്രകാശം കടത്തി​വി​ടു​ക​യും ചെയ്യുന്നു. ഓരോ മഴവി​ല്ലും ഓരോ നിരീ​ക്ഷ​ക​നും അസാധാ​ര​ണ​മാണ്‌. അതെന്തു​കൊ​ണ്ടാണ്‌? എന്തു​കൊ​ണ്ടെ​ന്നാൽ നിരീ​ക്ഷ​കന്റെ സ്ഥാനം മഴത്തു​ള്ളി​കൾക്കും സൂര്യ​കി​ര​ണ​ങ്ങൾക്കു​മി​ട​യി​ലെ കോണ​ത്തിൽ വ്യത്യാ​സ​മു​ള​വാ​ക്കും. കൂടാതെ, ഓരോ വ്യക്തി​യും വ്യത്യസ്‌ത മഴത്തു​ള്ളി​ക​ളു​ടെ കൂട്ട​ത്തെ​യാണ്‌ കാണു​ന്നത്‌. അതു​കൊണ്ട്‌ നിങ്ങൾ ഒരു മഴവി​ല്ലി​ന്റെ ഭംഗിയെ പുകഴ്‌ത്തു​മ്പോൾ നിങ്ങൾ അസാധാ​ര​ണ​മായ ഒന്നാണ്‌ കാണു​ന്നത്‌—നിങ്ങളു​ടെ പ്രത്യേക മഴവിൽ തന്നെ. (g89 1⁄8)