ജോണിക്ക്‌ ഇപ്പോൾ ഒരു കമ്പ്യൂട്ടർ ആവശ്യ​മു​ണ്ടോ?

കുട്ടികളുടെ വിദ്യാ​ഭ്യാ​സ​ത്തിൽ കമ്പ്യൂ​ട്ട​റു​കൾ എന്തു പങ്കാണു വഹിക്കു​ന്നത്‌?

അത്‌ എത്ര നല്ല അദ്ധ്യാ​പ​ക​നാണ്‌?

ജോണി​യു​ടെ അമ്മ അവന്റെ അദ്ധ്യാ​പ​കനെ സഗൗരവം ശ്രദ്ധി​ച്ചു​കൊ​ണ്ടി​രു​ന്നു. ജോണി സ്‌കൂ​ളിൽ നന്നായി പഠിക്കു​ന്നി​ല്ലെന്ന്‌ അദ്ധ്യാ​പകൻ അവരോ​ടു പറഞ്ഞു.

“ശരി, താങ്കൾ എന്താണ്‌ നിർദ്ദേ​ശി​ക്കു​ന്നത്‌?” അമ്മ ചോദി​ച്ചു.

“നിങ്ങൾ ഒരു ഗൃഹ കമ്പ്യൂ​ട്ട​റി​നെ​ക്കു​റി​ച്ചു ചിന്തി​ച്ചി​ട്ടു​ണ്ടോ?” അദ്ധ്യാ​പകൻ പ്രതി​വ​ചി​ച്ചു.

മുകളിൽ വർണ്ണി​ച്ച​തരം രംഗം ചിത്രീ​ക​രി​ക്കുന്ന പരസ്യങ്ങൾ, തങ്ങളുടെ കുട്ടി​കൾക്ക്‌ ഉചിത​മായ വിദ്യാ​ഭ്യാ​സ​വും ഭാവി ജോലി​സാ​ദ്ധ്യ​ത​ക​ളും ഉറപ്പു​വ​രു​ത്തു​ന്ന​തിന്‌ തങ്ങളുടെ കുട്ടികൾ കമ്പ്യൂ​ട്ട​റു​ക​ളെ​ക്കു​റിച്ച്‌ കഴിയു​ന്നത്ര പഠിക്കു​ന്ന​തിൽ തങ്ങൾ ശ്രദ്ധി​ക്കേ​ണ്ട​താ​ണെന്ന്‌ വിശ്വ​സി​പ്പി​ക്കു​ന്ന​തിന്‌ ആകാം​ക്ഷ​യുള്ള അനേകം മാതാ​പി​താ​ക്ക​ളു​ടെ​മേൽ വളരെ​യ​ധി​കം പ്രേരണ ചെലു​ത്തി​യി​ട്ടുണ്ട്‌. കൂടാതെ സത്വരം വളർന്നു​വ​രുന്ന ഒരു നിരക്കിൽ കമ്പ്യൂ​ട്ട​റു​കൾ ക്ലാസ്സ്‌മു​റി​ക​ളിൽ പ്രത്യ​ക്ഷ​പ്പെ​ട്ടു​കൊ​ണ്ടി​രി​ക്കു​ന്നു.

തീർച്ച​യാ​യും മുമ്പ്‌ സാദ്ധ്യ​മാ​ണെന്ന്‌ വിചാ​രി​ച്ചി​ട്ടി​ല്ലാത്ത വിധങ്ങ​ളിൽ സർഗ്ഗാ​ത്മ​ക​ത​യും പ്രശ്‌ന​പ​രി​ഹാര പ്രാപ്‌തി​ക​ളും വികസി​പ്പി​ച്ചെ​ടു​ക്കു​ന്ന​തി​നും പഠിപ്പി​ക്കു​ന്ന​തി​നും കമ്പ്യൂ​ട്ട​റു​കൾക്ക്‌ ശക്തിയുണ്ട്‌.

ഉദാഹ​ര​ണ​ത്തിന്‌ ഒരു കമ്പ്യൂട്ടർ പ്രോ​ഗ്രാം ഒരു തവളയെ കീറി​മു​റി​ക്കാൻ മാത്രമല്ല, വീണ്ടും തുന്നി​ക്കൂ​ട്ടാ​നും ഒരു വിദ്യാർത്ഥി​യെ അനുവ​ദി​ക്കു​ന്നു. വിദ്യാർത്ഥി “ഓപ്പ​റേഷൻ” ശരിയാ​യി നിർവ​ഹി​ക്കു​ന്നു​വെ​ങ്കിൽ തവള ജീവനി​ലേക്കു വരുന്ന​തും സ്‌ക്രീ​നി​നു വെളി​യി​ലേക്കു ചാടി​പ്പോ​കു​ന്ന​തും കാണുന്ന പ്രതി​ഫലം അവനു ലഭിക്കു​ന്നു. മററു പ്രോ​ഗ്രാ​മു​കൾ ഗ്രഹങ്ങ​ളു​ടെ ചലനത്തെ അനുക​രി​ക്കു​ക​യും ഭൂമി​യു​ടെ ഭൂമി​ശാ​സ്‌ത്രം വരച്ചു​കാ​ണി​ക്കു​ക​യും ഒരു വിമാനം പറപ്പി​ക്കാ​നോ ഒരു കാർ ഓടി​ക്കാ​നോ രാസപ​രീ​ക്ഷ​ണങ്ങൾ നടത്താ​നോ വിദ്യാർത്ഥി​യെ പ്രാപ്‌ത​നാ​ക്കു​ക​യും ചെയ്യുന്നു.

കമ്പ്യൂട്ടർ ഉപയോ​ഗി​ക്ക​പ്പെ​ടുന്ന മറെറാ​രു രീതി സാധാ​ര​ണ​യാ​യി കമ്പ്യൂട്ടർ സഹായ​ത്തോ​ടെ​യുള്ള പഠനം എന്നു വിളി​ക്ക​പ്പെ​ടു​ന്നു. കമ്പ്യൂട്ടർ ഒരു ചോദ്യം ചോദി​ക്കു​ന്നു. വിദ്യാർത്ഥി ശരിയായ ഉത്തരം പറയു​ന്നു​വെ​ങ്കിൽ അത്‌ അടുത്ത ചോദ്യ​ത്തി​ലേക്കു കടക്കുന്നു. ഇല്ലെങ്കിൽ അത്‌ സൂചനകൾ നൽകി വിദ്യാർത്ഥി​യെ പ്രോ​ത്സാ​ഹി​പ്പി​ക്കു​ന്നു. ഇത്‌ വിദ്യാർത്ഥിക്ക്‌ ഒററക്കുള്ള പഠനാ​നു​ഭവം നൽകു​ക​യും സ്വന്തം ഗതി​വേ​ഗ​ത്തിൽ മുന്നോ​ട്ടു നീങ്ങാൻ അവനെ അനുവ​ദി​ക്കു​ക​യും ചെയ്യുന്നു. മാത്ര​വു​മല്ല ഒരു കമ്പ്യൂ​ട്ട​റിന്‌ അതിരററ “ക്തമ”യുണ്ട്‌, തെററായ ഉത്തരങ്ങൾ നൽകു​മ്പോൾ ഒരു അദ്ധ്യാ​പ​ക​നെ​പ്പോ​ലെ അത്‌ വിദ്യാർത്ഥി​യോട്‌ “ക്തോഭി​ക്കു​ന്നില്ല.” ഇതും പഠനത്തി​നു സഹായ​ക​മാണ്‌.

ഇപ്പോൾ മിക്ക സ്‌കൂ​ളു​കൾക്കും കമ്പ്യൂട്ടർ-സാക്ഷരതാ ക്ലാസ്സുകൾ ഉണ്ട്‌. ഈ ക്ലാസ്സു​ക​ളിൽ യന്ത്രം പ്രവർത്തി​പ്പി​ക്കാ​നും പ്രോ​ഗ്രാം ചെയ്യാ​നും വിദ്യാർത്ഥി​കളെ പഠിപ്പി​ക്കു​ന്നു. കമ്പ്യൂട്ടർ മണ്ഡലത്തി​ലെ ഒരു ജീവി​ത​വൃ​ത്തി​യിൽ തൽപ്പര​രാ​യി​രി​ക്കു​ന്ന​വർക്ക്‌ ഇത്‌ വളരെ പ്രധാ​ന​മാ​യി​രി​ക്കാൻ കഴിയും. ഇത്തരം പാഠ്യ​പ​ദ്ധ​തി​ക​ളു​ടെ പ്രചാ​ര​കൻമാർ വിദ്യാർത്ഥി​കൾക്കെ​ല്ലാം കമ്പ്യൂ​ട്ട​റു​ക​ളെ​ക്കു​റിച്ച്‌ കുറെ അറിവു​ണ്ടാ​യി​രി​ക്ക​ണ​മെന്ന്‌ ശക്തമായി വിചാ​രി​ക്കു​ന്നു. യഥാർത്ഥ​മോ സാങ്കൽപ്പി​ക​മോ ആയ ജോലി​സാ​ദ്ധ്യ​ത​ക​ളും അങ്ങനെ​യുള്ള ക്ലാസ്സു​കളെ വളരെ ആകർഷ​ക​മാ​ക്കു​ന്നു.

എഴുത്തും ഗവേഷ​ണ​വും സ്‌കൂൾ കമ്പ്യൂ​ട്ട​റു​ക​ളു​ടെ പ്രയോ​ജ​ന​പ്ര​ദ​ങ്ങ​ളായ മററു പ്രയു​ക്ത​ത​ക​ളാണ്‌. വേഡ്‌ പ്രോ​സ​സ​റു​കൾ എന്ന നിലയിൽ കമ്പ്യൂട്ടർ ഉപയോ​ഗി​ക്കുന്ന വിദ്യാർത്ഥി​കൾ തങ്ങളുടെ സ്വന്തം വിവര​ങ്ങളെ തെററു തിരുത്തി വീണ്ടും എഴുതാൻ കൂടുതൽ സന്നദ്ധരാണ്‌. എന്തു​കൊ​ണ്ടെ​ന്നാൽ അവരുടെ മുമ്പിൽ ഭംഗി​യുള്ള, പണിതീർന്ന ഒരു ഉത്‌പന്നം ലഭിക്കു​ന്നു.

കമ്പ്യൂ​ട്ട​റിന്‌ വിദ്യാർത്ഥി​ക്കു​വേണ്ടി വിവര​ങ്ങ​ളു​ടെ ഒരു വിപു​ല​മായ ഉറവു തുറന്നു​കൊ​ടു​ക്കാ​നും കഴിയും. ഉചിത​മായ ഉപകരണം ഉപയോ​ഗി​ച്ചു​കൊണ്ട്‌ ഒരു സ്‌കൂ​ളി​ലെ വിദ്യാർത്ഥി​കൾക്ക്‌ പ്രത്യേക പദ്ധതി​കൾക്കു​വേണ്ടി മററു സ്‌കൂ​ളു​ക​ളി​ലെ വിദ്യാർത്ഥി​ക​ളു​മാ​യി ആശയവി​നി​യമം നടത്താൻ കഴിയും. അവർക്ക്‌ സ്വന്തം സ്‌കൂ​ളി​ലെ ലൈ​ബ്ര​റിക്ക്‌ ഒരിക്ക​ലും പ്രദാനം ചെയ്യാൻ കഴിയാത്ത വിപു​ല​ങ്ങ​ളായ വിഷയ​ങ്ങ​ളെ​ക്കു​റി​ച്ചുള്ള ആധുനിക വിവരങ്ങൾ ലഭ്യമാ​ക്കി​ക്കൊണ്ട്‌ വലിയ കേന്ദ്ര​ലൈ​ബ്ര​റി​ക​ളെ​യും ഡേററാ​ബാ​ങ്കു​ക​ളെ​യും ഉപയു​ക്ത​മാ​ക്കാൻ കഴിയും.

തീർച്ച​യാ​യും ഉചിത​മാ​യി ഉപയോ​ഗി​ക്കു​മ്പോൾ കമ്പ്യൂട്ടർ ഒരു പഠിപ്പി​ക്കൽ സഹായി​യാണ്‌. വേണ്ടത്ര കമ്പ്യൂ​ട്ട​റു​കൾ ഉള്ളിടത്ത്‌ സ്വന്തമാ​യി പഠിക്കുന്ന അനുഭ​വ​വും ഓരോ​രു​ത്ത​രാ​യി​ട്ടുള്ള സാഹച​ര്യ​ങ്ങ​ളും പ്രായ​ക്കു​റ​വുള്ള വിദ്യാർത്ഥി​കൾക്ക്‌ വില​പ്പെ​ട്ട​വ​യാണ്‌. പ്രായ​മേ​റി​യ​വർക്ക്‌ പാഠപു​സ്‌ത​കത്തെ അടിസ്ഥാ​ന​പ്പെ​ടു​ത്തി​യുള്ള പാഠ്യ​പ​ദ്ധ​തി​ക്കു​മ​തീ​ത​മാ​യി പോകാ​നും കമ്പ്യൂട്ടർ സാദ്ധ്യ​മാ​ക്കുന്ന പുതിയ പഠനമാർഗ്ഗ​ങ്ങ​ളിൽനിന്ന്‌ പ്രയോ​ജ​ന​മ​നു​ഭ​വി​ക്കാ​നും കഴിയും.

ഇതെല്ലാം തീർച്ച​യാ​യും അത്ഭുത​ക​ര​മാ​യി തോന്നു​ന്നു. എന്നാൽ യഥാർത്ഥ​ത്തിൽ കാര്യങ്ങൾ എങ്ങനെ​യാണ്‌ പ്രാവർത്തി​ക​മാ​കു​ന്നത്‌? കമ്പ്യൂ​ട്ട​റു​കൾ പ്രതീ​ക്ഷ​ക്കൊത്ത്‌ സഫലമാ​യി​ട്ടു​ണ്ടോ?

പ്രതീ​ക്ഷ​ക്കൊത്ത പ്രയോ​ജ​ന​ക​ര​മോ?

വിദ്യാ​ഭ്യാ​സ​ത്തിൽ കമ്പ്യൂ​ട്ട​റു​കൾ വിജയ​പ്ര​ദ​മാ​ക്കു​ക​യെ​ന്നത്‌ ഏതു സ്‌ക്കൂൾ പാഠ്യ​പ​ദ്ധ​തി​യെ​യും വിജയ​പ്ര​ദ​മാ​ക്കു​ന്ന​തിൽനിന്ന്‌ യഥാർത്ഥ​ത്തിൽ വ്യത്യ​സ്‌തമല്ല. ആവശ്യ​മാ​യി​രി​ക്കു​ന്നത്‌ യോഗ്യ​ത​യുള്ള അദ്ധ്യാ​പ​കൻമാർ പഠിപ്പി​ക്കുന്ന ശരിയായ തരം പ്രോ​ഗ്രാ​മാണ്‌. ഈ മാനദണ്ഡം പാലി​ക്ക​പ്പെ​ട്ടി​ട്ടു​ണ്ടോ?

ചില സ്‌ക്കൂ​ളു​കൾ കമ്പ്യൂട്ടർ സാങ്കേ​തി​കത വിലക്കു​വാ​ങ്ങാ​നുള്ള തിടു​ക്ക​ത്തിൽ അവ എങ്ങനെ ഉപയോ​ഗി​ക്ക​പ്പെ​ടു​മെ​ന്നോ വിദ്യാർത്ഥി​ക​ളു​ടെ ആവശ്യങ്ങൾ എന്താ​ണെ​ന്നോ ശ്രദ്ധാ​പൂർവം പരിചി​ന്തി​ക്കാ​തെ മുന്നോ​ട്ടു​പോ​യി കമ്പ്യൂ​ട്ട​റു​കൾ വാങ്ങി. ഫലമോ, തങ്ങളുടെ കമ്പ്യൂ​ട്ട​റു​ക​ളു​ടെ പ്രയോ​ജ​ന​ക​ര​ങ്ങ​ളായ ഉപയോ​ഗങ്ങൾ കണ്ടെത്തുന്ന അനിഷ്ട​ക​ര​മായ ജോലി​യിൽ അവർ കുടു​ങ്ങി​പ്പോ​യി​രി​ക്കു​ക​യാണ്‌.

ഈ സ്ഥിതി ഇപ്പോൾ കമ്പ്യൂ​ട്ട​റു​കൾ ഉപയോ​ഗി​ക്ക​പ്പെ​ടുന്ന വിധങ്ങ​ളിൽ പ്രതി​ഫ​ലി​ക്കു​ന്നുണ്ട്‌. വശ്യമായ പ്രോ​ഗ്രാ​മു​ക​ളും സരളമായ പഠിപ്പി​ക്കൽ രീതി​ക​ളു​മു​ണ്ടെ​ന്നി​രി​ക്കെ, അങ്ങനെ​യുള്ള പ്രോ​ഗ്രാ​മു​കൾ സ്‌ക്കൂ​ളു​ക​ളിൽ ഉപയോ​ഗി​ക്ക​പ്പെ​ടുന്ന മൊത്ത​ത്തി​ന്റെ ഒരു ചെറിയ ഭാഗ​മേ​യു​ള്ളു​വെന്ന്‌ സർവേകൾ കണ്ടെത്തി​യി​രി​ക്കു​ന്നു. ക്ലാസ്‌മു​റി​ക​ളിൽ ഉപയോ​ഗി​ക്ക​പ്പെ​ടുന്ന മിക്ക പ്രോ​ഗ്രാ​മു​ക​ളും ഒന്നുകിൽ പരിശീ​ല​ന​ത്തി​നു​വേ​ണ്ടി​യോ ആവർത്തി​ക്ക​ലി​നു​വേ​ണ്ടി​യോ അല്ലെങ്കിൽ കമ്പ്യൂട്ടർ സാക്ഷരത പഠിപ്പി​ക്കു​ന്ന​തി​നു​വേ​ണ്ടി​യോ ആണ്‌.

തീർച്ച​യാ​യും പരിശീ​ല​ന​ത്തി​നും ആവർത്ത​ന​ത്തി​നും സ്‌കൂ​ളിൽ അവയുടെ സ്ഥാനമുണ്ട്‌. എന്നാൽ ഒരു സ്‌കൂൾഅ​ദ്ധ്യാ​പ​ക​നും കമ്പ്യൂ​ട്ടർസാ​ക്ഷ​ര​താ​ദ്ധ്യാ​പ​ക​നു​മായ ഒരാൾ ഉന്നയിച്ച ചോദ്യ​ത്തി​ന്റെ യുക്തിയെ ഖണ്ഡിക്കുക പ്രയാ​സ​മാണ്‌: “ധാരാളം പരിശീ​ലന, ആവർത്തന ഷീററു​ക​ളോ​ടു​കൂ​ടിയ 2.95 ഡോള​റി​ന്റെ പഴയ ലളിത​മായ വർക്ക്‌ബുക്ക്‌ തികച്ചും പര്യാ​പ്‌ത​മാ​യി​രി​ക്കു​മ്പോൾ ഒരു ഇലക്‌​ട്രോ​ണിക്ക്‌ വർക്ക്‌ബു​ക്കി​നു​വേണ്ടി 2,000ഓ 1,200ഓ ഡോള​റോ 600 ഡോള​റെ​ങ്കി​ലു​മോ ചെലവി​ടു​ന്ന​തെ​ന്തിന്‌?” മാത്ര​വു​മല്ല, അങ്ങനെ​യുള്ള പ്രയു​ക്ത​തകൾ ക്ലാസ്സു​മു​റി​ക​ളിൽ കമ്പ്യൂ​ട്ട​റു​കൾ ഉപയോ​ഗി​ക്കു​ന്ന​തി​ന്റെ മുഴു ഉദ്ദേശ്യ​ത്തെ​യും പരാജ​യ​പ്പെ​ടു​ത്തു​ന്നു​വെന്ന്‌ ചില വിദ്യാ​ഭ്യാ​സ​പ്ര​വർത്തകർ വിചാ​രി​ക്കു​ന്നു, എന്തു​കൊ​ണ്ടെ​ന്നാൽ അവ ചിന്ത​യെ​യും സർഗ്ഗാ​ത്മ​ക​ത​യെ​യും ഉത്തേജി​പ്പി​ക്കു​ന്ന​തി​നു​പ​കരം ശരിയും തെററു​മായ ഉത്തരങ്ങൾ തേടുന്ന പ്രക്രി​യ​യാ​യി പഠനത്തെ തരംതാ​ഴ്‌ത്തു​ന്നു.

കമ്പ്യൂട്ടർ സാക്ഷര​ത​യു​ടെ ആ വശം സംബന്ധി​ച്ചാ​ണെ​ങ്കിൽ അത്‌ കമ്പ്യൂട്ടർ നിർമ്മാ​താ​ക്ക​ളു​ടെ​യും ബന്ധപ്പെട്ട വ്യവസാ​യ​ങ്ങ​ളു​ടെ​യും ഒരു വിദഗ്‌ദ്ധ അഭ്യാ​സ​മാ​ണെന്ന്‌ അനേകർ വിചാ​രി​ക്കു​ന്നു. നേരത്തെ ഉദ്ധരി​ച്ച​തു​പോ​ലുള്ള പരസ്യ​ങ്ങൾനി​മി​ത്ത​വും ഈ പുതിയ യന്ത്ര​ത്തോ​ടുള്ള തങ്ങളുടെ ഭയംനി​മി​ത്ത​വും തങ്ങളുടെ മക്കൾക്ക്‌ കമ്പ്യൂ​ട്ട​റു​കൾ സംബന്ധിച്ച സാമാ​ന്യ​മായ അറിവ്‌ ഇല്ലെങ്കിൽ അവർ പരാജ​യ​പ്പെ​ടു​മെന്ന്‌ അനേകം മാതാ​പി​താ​ക്കൻമാർ വിചാ​രി​ക്കു​ന്നു. യഥാർത്ഥ​ത്തിൽ, വളരെ കുറച്ച്‌ ഭാവി​ജോ​ലി​കൾക്കു​മാ​ത്രമേ കമ്പ്യൂ​ട്ടർസാ​ക്ഷരത ആവശ്യ​മാ​യി​രി​ക്കു​ന്നു​ള്ളു. അതായത്‌ പ്രോ​ഗ്രാ​മിംഗ്‌, കമ്പ്യൂട്ടർ ലാം​ഗ്വേ​ജു​കൾ, മുതലാ​യവ സംബന്ധിച്ച അറിവ്‌ ആവശ്യ​മാ​യി​രി​ക്കു​ന്നു​ള്ളു. എന്നാൽ ഇന്ന്‌ സാധാ​ര​ണ​യാ​യി കാൽക്കു​ലേ​റ​റ​റു​ക​ളോ ഇലക്‌ട്രിക്‌ റൈറ​പ്പ്‌​റൈ​റ​റ​റു​ക​ളോ ഉപയോ​ഗി​ക്ക​പ്പെ​ടു​ന്ന​തു​പോ​ലെ ഏറെയും പണിയാ​യു​ധ​ങ്ങ​ളെന്ന നിലയിൽ കമ്പ്യൂട്ടർ ഉപയോ​ഗി​ക്ക​പ്പെ​ടും. തീർച്ച​യാ​യും ഈ യന്ത്രങ്ങ​ളു​പ​യോ​ഗി​ക്കാ​നുള്ള അറിവ്‌ ഒരു ആസ്‌തി​യാണ്‌. എന്നാൽ ഈ മണ്ഡലത്തി​ലെ ഒരു ജോലി​യിൽ ഒരുവൻ തൽപ്പര​ന​ല്ലെ​ങ്കിൽ അവയുടെ പ്രവർത്ത​ന​വി​ധം അറിയാ​ത്ത​തി​നെ​ക്കു​റിച്ച്‌ ആരും വ്യാകു​ല​പ്പെ​ടു​ന്നില്ല. ഒരു ഐച്ഛി​ക​വി​ഷ​യ​മാ​യി മാത്രം കമ്പ്യൂ​ട്ടർസാ​ക്ഷരത പഠിപ്പി​ച്ചാൽ മതി​യെ​ന്നാണ്‌ ഇപ്പോൾ പ്രാബ​ല്യ​ത്തി​ലി​രി​ക്കുന്ന വീക്ഷണം.

കമ്പ്യൂ​ട്ട​റു​കൾ ക്ലാസ്സ്‌മു​റി​യി​ലെ ആപേക്ഷിക നവാഗ​ത​രാ​യി​രി​ക്കു​ന്ന​തു​കൊണ്ട്‌ വിദ്യാർത്ഥി​കൾക്കെ​ന്ന​പോ​ലെ അദ്ധ്യാ​പ​കർക്കും ഈ സാങ്കേ​തിക വിദ്യ​യു​ടെ പശ്ചാത്ത​ല​മി​ല്ലാ​ത്ത​തു​കൊണ്ട്‌ അതു മിക്ക​പ്പോ​ഴും അദ്ധ്യാ​പ​കർക്ക്‌ അത്യഗാ​ധ​മാ​യി കാണ​പ്പെ​ടു​ന്നു. അതു​കൊണ്ട്‌ കമ്പ്യൂട്ടർ അദ്ധ്യാ​പ​ന​ത്തി​ന്റെ തലം ഉയർത്തു​ന്ന​തി​ലെ ഒരു മുഖ്യ തടസ്സമാണ്‌ മാററ​ത്തോ​ടുള്ള ചെറു​ത്തു​നിൽപ്പ്‌ എന്ന്‌ സ്‌കൂൾ ഉദ്യോ​ഗ​സ്ഥൻമാർ കണ്ടെത്തു​ന്നു.

“കമ്പ്യൂ​ട്ട​റു​കൾ അനേകം അദ്ധ്യാ​പ​കർക്കും സുഖ​പ്ര​ദ​മല്ലെ”ന്ന്‌ ഒരു സ്‌കൂൾ പ്രിൻസി​പ്പൽ പറഞ്ഞു. “കമ്പ്യൂ​ട്ട​റു​കൾ സ്ഥലത്തു​ണ്ടെ​ന്നും തങ്ങൾ തൽപ്പര​രാ​യി​രി​ക്കേ​ണ്ട​താ​ണെ​ന്നും അവർക്ക​റി​യാം. എന്നാൽ സ്‌ററാഫ്‌ പരിശീ​ലനം ആണ്‌ ഇപ്പോ​ഴും ഏററവും വലിയ പ്രശ്‌നം. അദ്ധ്യാ​പ​കരെ വീണ്ടും പഠിപ്പി​ക്കു​ന്ന​തിന്‌ സമയവും പണവും ആവശ്യ​മാണ്‌. എന്നിരു​ന്നാ​ലും, അദ്ധ്യാ​പകർ കൂടുതൽ പരിചയം സമ്പാദി​ക്കു​മ്പോ​ഴും കമ്പ്യൂ​ട്ടർസാ​ക്ഷ​ര​രായ കൂടുതൽ അദ്ധ്യാ​പകർ അവരോ​ടു ചേരു​മ്പോ​ഴും ഈ പണിയാ​യു​ധ​ത്തിന്‌ കൂടുതൽ ഫലപ്ര​ദ​മായ ഉപയോ​ഗം കണ്ടെത്താൻക​ഴി​യു​മെന്ന്‌ സ്‌ക്കൂൾഅ​ധി​കൃ​തർക്കു പ്രത്യാ​ശ​യുണ്ട്‌.

മാതാ​പി​താ​ക്കൻമാർ ചെയ്യേ​ണ്ടത

അതു​കൊണ്ട്‌ ജോണിക്ക്‌ ഇപ്പോൾ യഥാർത്ഥ​ത്തിൽ ഒരു കമ്പ്യൂട്ടർ ആവശ്യ​മു​ണ്ടോ? ഉത്തരം തികച്ചും നിങ്ങളെ, മാതാ​പി​താ​ക്കളെ, ആശ്രയി​ച്ചി​രി​ക്കാം. നിങ്ങളു​ടെ കുട്ടിക്ക്‌ ഒരു കമ്പ്യൂട്ടർ ഇല്ലെങ്കിൽ അവൻ പരാജ​യ​പ്പെ​ടു​മെ​ന്നു​ള്ള​താണ്‌ നിങ്ങളു​ടെ ഉൽക്കണ്‌ഠ​യെ​ങ്കിൽ, ഒരുപക്ഷേ കൂടുതൽ സമനി​ല​യോ​ടു​കൂ​ടിയ ഒരു വിധത്തിൽ ചിത്രം കാണു​ന്ന​തിന്‌ മേൽപ്ര​സ്‌താ​വി​ച്ചത്‌ നിങ്ങളെ സഹായി​ക്കും.

സ്‌ക്കൂൾകു​ട്ടി​കൾക്ക്‌ കമ്പ്യൂ​ട്ട​റു​ക​ളു​മാ​യി കുറെ പരിചയം വേണ​മെ​ന്നു​ള്ള​തി​നോട്‌ വിദ്യാ​ഭ്യാ​സ​പ്ര​വർത്തകർ പൊതു​വേ യോജി​ക്കു​ന്നുണ്ട്‌. ഈ ലക്ഷ്യത്തിൽ ഇന്ന്‌ ഹാർഡ്‌വെ​യ​റി​ന്റെ​യും—കമ്പ്യൂട്ടർ, കീബോർഡ്‌, ഡിസ്‌ക്ക്‌​ഡ്രൈവ്‌, പ്രിൻറർ, മുതലാ​യവ—പ്രാഥ​മിക പ്രോ​ഗ്രാ​മിം​ഗി​ന്റെ​യും അടിസ്ഥാ​ന​വ​സ്‌തു​തകൾ പരിച​യ​പ്പെ​ടു​ത്തി​ക്കൊണ്ട്‌ കുട്ടി​കളെ കമ്പ്യൂ​ട്ട​റു​ക​ളെ​ക്കു​റി​ച്ചു പഠിപ്പി​ക്കാൻ മിക്ക പബ്ലിക്ക്‌ സ്‌ക്കൂ​ളു​കൾക്കും ഏതെങ്കി​ലും തരം പരിപാ​ടി​യുണ്ട്‌. സാധാ​ര​ണ​യാ​യി സ്‌ക്കൂ​ളു​കൾ കമ്പ്യൂ​ട്ടർക്ലാ​സ്സു​കൾക്കാ​വ​ശ്യ​മായ ഉപകര​ണങ്ങൾ പ്രദാ​നം​ചെ​യ്യു​ന്നു. വിദ്യാർത്ഥി​കൾക്ക്‌ ഉപകരണം ഉപയോ​ഗി​ച്ചു​കൊ​ണ്ടുള്ള പരിശീ​ലനം കൊടു​ക്ക​പ്പെ​ടു​ന്നു. കമ്പ്യൂ​ട്ടർമ​ണ്ഡ​ല​ത്തിൽ തല്‌പ​ര​രാ​യി​രി​ക്കു​ന്ന​വർക്ക്‌ മററു വിദ്യാർത്ഥി​കൾ കല, കണക്ക്‌, സെക്ര​ട്ടേ​റി​യൽ കോഴ്‌സ്‌, മററു കോഴ്‌സു​കൾ എന്നിവ തെര​ഞ്ഞെ​ടു​ക്കു​ന്ന​തു​പോ​ലെ​തന്നെ പിൽക്കാ​ല​വർഷ​ങ്ങ​ളിൽ സ്‌പെ​ഷ്യൽ ക്ലാസ്സുകൾ തെര​ഞ്ഞെ​ടു​ക്കാൻക​ഴി​യും.

തീർച്ച​യാ​യും, വിപു​ല​മാ​യി കമ്പ്യൂ​ട്ടർഉ​പ​യോ​ഗി​ക്ക​പ്പെ​ടുന്ന ചില സ്‌ക്കൂ​ളു​ക​ളുണ്ട്‌, വിവി​ധ​വി​ഷ​യങ്ങൾ പഠിപ്പി​ക്കു​ന്ന​തിന്‌ പുത്തൻ പ്രോ​ഗ്രാ​മു​കൾ വിനി​യോ​ഗി​ക്ക​പ്പെ​ടു​ന്നു. എന്നാൽ അങ്ങനെ​യുള്ള പാഠ്യ​പ​ദ്ധ​തി​കൾ ഇപ്പോ​ഴും താരത​മ്യേന പുതു​താ​ക​യാൽ അത്‌ പതിവു​വി​ദ്യാ​ഭ്യാ​സ രീതി​ക​ളെ​ക്കാൾ മെച്ചമാ​ണോ​യെന്ന്‌ ആർക്കും നല്ല നിശ്ചയ​മില്ല.

ഒരുപക്ഷേ ന്യൂ​യോർക്ക റൈറംസ ലേഖന​ത്തി​ലെ ഒരു ഹൈസ്‌ക്കൂൾ ജൂണി​യ​റി​ന്റെ വാക്കുകൾ സാഹച​ര്യ​ത്തെ സംഗ്ര​ഹി​ക്കു​ന്ന​തിന്‌ ഉപകരി​ക്കു​ന്നു. അദ്ദേഹം ഇങ്ങനെ എഴുതു​ന്നു: “വിദ്യാ​ഭ്യാ​സ​ത്തിൽ പണിയാ​യു​ധ​ങ്ങ​ളെന്ന നിലയിൽ കമ്പ്യൂ​ട്ട​റു​കൾക്ക്‌ ഒരു സ്ഥാനമുണ്ട്‌. എന്നാൽ അവ അയോ​ഗ്യ​ത​ക്കും അവ്യക്ത​മായ ചിന്തക്കു​മെ​തി​രായ ഒരു സാമൂഹ്യ ഇൻഷു​റൻസി​ന്റെ രൂപമല്ല.” ചിന്തി​ക്കാൻ കുട്ടി​കളെ പഠിപ്പി​ക്കു​ന്ന​തി​ന്റെ പ്രാധാ​ന്യ​ത്തെ ദൃഢീ​ക​രി​ച്ചു​കൊണ്ട്‌ അദ്ദേഹം ഉപസം​ഹ​രി​ക്കു​ന്ന​തി​ങ്ങ​നെ​യാണ്‌: “ആ ലക്ഷ്യത്തി​ലേ​ക്കുള്ള സാങ്കേ​തി​ക​ശാ​സ്‌ത്ര കുറു​ക്കു​വ​ഴി​യില്ല.” (g89 7/22)

[27-ാം പേജിലെ ചതുരം]

“ബീപ്‌ശ​ബ്‌ദം പുറ​പ്പെ​ടു​വി​ക്കുന്ന ഒരു പെട്ടി​ക്കു​മു​മ്പിൽ ഒരു മണിക്കൂർ ചെലവ​ഴി​ക്കു​ന്ന​തി​നെ​ക്കാൾ കൂടുതൽ പ്രയോ​ജനം താല്‌പ​ര്യ​മുള്ള ഒരു പിതാ​വി​നോ​ടോ മാതാ​വി​നോ​ടോ​കൂ​ടെ ചെലവ​ഴി​ക്കുന്ന ഒരു മണിക്കൂ​റിൽനി​ന്നു ലഭിക്കു​ന്നു.”—പേഴ്‌സണൽ കമ്പ്യൂ​ട്ടേ​ഴ്‌സ്‌ കോളം, ദി ന്യൂ​യോർക്ക്‌ റൈറംസ്‌