ബൈബി​ളി​ന്റെ വീക്ഷണം

യഥാർത്ഥ​ത്തിൽ ഒരു പിശാ​ചു​ണ്ടോ?

നിങ്ങൾ ഒരു കുട്ടി​യാ​യി​രു​ന്ന​പ്പോൾ, നിങ്ങൾക്ക്‌ ഇരുട്ടി​നെ പേടി​യാ​യി​രു​ന്നോ? ഒരുപക്ഷേ, നിങ്ങളു​ടെ ജനാലക്കു പുറത്ത്‌ ഒരു ഭീകര​രൂ​പി നിങ്ങളെ നിങ്ങളു​ടെ മാതാ​പി​താ​ക്ക​ളിൽനി​ന്നു തട്ടിപ്പ​റി​ക്കാൻ പതിയി​രി​ക്കു​ന്ന​താ​യി നിങ്ങൾ സങ്കൽപ്പി​ച്ചു. ഇപ്പോൾ യഥാർത്ഥ വസ്‌തു​തകൾ വായി​ച്ച​റി​യാ​നും കൂടുതൽ യുക്തി​പൂർവം ചിന്തി​ക്കാ​നും കഴിവുള്ള മുതിർന്ന ഒരാളെന്ന നിലയിൽ, നിങ്ങളു​ടെ കുട്ടി​ക്കാല ഭയങ്ങൾ മൗഢ്യ​മാ​യി​രു​ന്നു​വെന്നു തോന്നു​ന്നു. “അതു​കൊണ്ട്‌, ഒരു പടികൂ​ടെ മുമ്പോ​ട്ടു​പോ​യി പിശാ​ചി​നെ അതേ വിഭാ​ഗ​ത്തിൽ—ഒരു കുട്ടി​യു​ടെ സാങ്കൽപ്പിക ഭീകര​രൂ​പി​യെ​ക്കാൾ യഥാർത്ഥ​മ​ല്ലാ​ത്ത​താ​യി കരുതാൻ പാടില്ലേ?”യെന്ന്‌ ചില വിമർശകർ ചോദി​ക്കു​ന്നു.

യഥാർത്ഥ പിശാ​ചി​ല്ലേ? ഇതുത​ന്നെ​യാണ്‌ ഒരു മതപര​മായ ലഘുലേഖ നിങ്ങൾക്ക്‌ ഉറപ്പു​നൽകു​ന്നത്‌: “തിൻമ​യു​ടെ ഇത്തര​മൊ​രു ബീഭൽസ​ജീ​വി​യെ​ക്കു​റി​ച്ചു ബൈബി​ളിൽ പരാമർശ​മില്ല,” “പിശാ​ചെ​ന്നും സാത്താ​നെ​ന്നു​മുള്ള പദങ്ങൾ . . . മാനു​ഷ്യ​പ്ര​കൃ​തി​യിൽ അന്തർഭ​വി​ച്ചി​രി​ക്കുന്ന പാപത്തി​ന്റെ​യും ദുഷ്‌ട​ത​യു​ടെ​യും തത്വമാണ്‌.” അല്ലെങ്കിൽ ഐക്യ​നാ​ടു​ക​ളി​ലെ ഒരു സണ്ടേസ്‌ക്കൂൾ അദ്ധ്യാ​പകൻ പ്രസ്‌താ​വി​ക്കു​ന്ന​തു​പോ​ലെ, “മനുഷ്യർ മാത്ര​മാണ്‌ പിശാ​ചു​ക്കൾ.” അവ വളരെ ലളിത​മാ​ണെന്ന്‌, ഒരുപക്ഷേ തീരെ ലളിത​മെന്നു തോന്നു​ന്നു​വോ?

മാനു​ഷ​പെ​രു​മാ​റ​റത്തെ വിശദീ​ക​രി​ക്കൽ

മനുഷ്യ​രായ നമ്മൾ മാത്ര​മാണ്‌ പിശാ​ചു​ക്ക​ളെ​ങ്കിൽ, നമ്മിൽ എല്ലാവ​രും​തന്നെ നമ്മുടെ കുടും​ബ​ത്തി​ന്റെ ക്ഷേമത്തിൽ താത്‌പ​ര്യം പ്രകട​മാ​ക്കു​ന്ന​തെ​ന്തിന്‌? ദൃഷ്ടാ​ന്ത​ത്തിന്‌, വ്യക്തി​ക​ളെന്ന നിലയിൽ മിക്കവ​രും തങ്ങളുടെ കുടും​ബ​ങ്ങൾക്ക്‌ ആഹാരം പ്രദാ​നം​ചെ​യ്യു​ന്നു; അവർ അറിഞ്ഞു​കൊണ്ട്‌ വിഷം കഴിക്കു​ന്നില്ല, അവർ ജീവനെ ഭീഷണി​പ്പെ​ടു​ത്തുന്ന അപകടങ്ങൾ ഒഴിവാ​ക്കു​ന്നു. അതുസം​ബ​ന്ധി​ച്ചു പൈശാ​ചി​ക​മാ​യി യാതൊ​ന്നു​മില്ല! എന്നിരു​ന്നാ​ലും, ഇതേ ആളുകൾ ജനതക​ളെന്ന നിലയിൽ സംഘടി​ത​മാ​യി പ്രവർത്തി​ക്കു​മ്പോൾ അവരുടെ ക്ഷേമം സംബന്ധിച്ച അവരുടെ വീക്ഷണത്തെ എന്തോ തടസ്സ​പ്പെ​ടു​ത്തു​ന്നു. ജനതക​ളെന്ന നിലയിൽ അവർ തങ്ങളുടെ വിശക്കുന്ന ജനസമൂ​ഹ​ങ്ങളെ പോറ​റു​ന്ന​തി​നു പകരം മിച്ച ഭക്ഷ്യം അഴുകി​പ്പോ​കാൻ അനുവ​ദി​ക്കു​ന്നു. അവർ ഭൂമി​യു​ടെ പരിസ​രത്തെ മലിന​പ്പെ​ടു​ത്തു​ന്നു. അവർ പരസ്‌പര സംഹാ​ര​ത്തി​നാ​യി ആയുധ​മേ​ന്തു​ന്നു—ന്യൂക്ലി​യർയു​ദ്ധം. വിചി​ത്രം, ആത്‌മ​വി​നാ​ശ​ക​പെ​രു​മാ​ററം!

മനുഷ്യ​പെ​രു​മാ​റ​റ​ത്തി​ലെ ഈ വൈക​ല്യ​ത്തിന്‌ കാരണ​മാ​യി​രി​ക്കു​ന്നത്‌ ഏതു സ്വാധീ​ന​മാണ്‌? ജനക്കൂ​ട്ട​മ​നഃ​സ്ഥി​തി​യോ? ചുരുക്കം ചില വിവേ​ക​ശൂ​ന്യ​രായ നേതാ​ക്ക​ളോ? തീർച്ച​യാ​യും കൂടുതൽ ഉൾപ്പെ​ട്ടി​രി​ക്കു​ന്നു. ബൈബിൾ മാത്ര​മാണ്‌ വിശ്വാ​സ​മി​ല്ലാത്ത ഒരു ലോക​വ്യാ​പക “വ്യവസ്ഥി​തി”യിലെ “മനസ്സു​കളെ കുരു​ടാ​ക്കി​യി​രി​ക്കുന്ന” ഒരുവനെ തിരി​ച്ച​റി​യി​ക്കു​ന്നത്‌. അവൻ ആരാണ്‌? “മുഴു നിവസി​ത​ഭൂ​മി​യെ​യും വഴി​തെ​റ​റി​ക്കുന്ന പിശാ​ചും സാത്താ​നു​മെന്നു വിളി​ക്ക​പ്പെ​ടുന്ന”വൻ. ബൈബിൾ അവനെ ഈ ലോക​വ്യ​വ​സ്ഥി​തി​യു​ടെ “ദൈവ”മെന്ന്‌ വിളി​ക്ക​ത്ത​ക്ക​വണ്ണം അവൻ സംഘടിത മാനവ​രാ​ശി​യെ അത്ര വിജയ​പ്ര​ദ​മാ​യി കൈകാ​ര്യം​ചെ​യ്യു​ന്നു.—2 കൊരി​ന്ത്യർ 4:4; വെളി​പ്പാട്‌ 12:9.

ഈ “ദൈവം” നിങ്ങളു​ടെ ജനാലക്കു പുറത്ത്‌ ഒളിച്ചി​രി​ക്കുന്ന ഉമ്മാക്കി​യല്ല. എന്നാൽ അവൻ ശക്തനായ ഒരു രാഷ്‌ട്രീ​യ​ത​ന്ത്ര​ജ്ഞ​നും ഒരു അദൃശ്യ ആത്മജീ​വി​യു​മാണ്‌. അവന്‌ യേശു​വി​ന്റെ കൂറി​നു​വേ​ണ്ടി​യുള്ള ഒരു വിജയി​ക്കാഞ്ഞ ശ്രമത്തിൽ ലോക​ത്തി​ലെ സകല രാജ്യ​ങ്ങ​ളും യേശു​വി​നു വാഗ്‌ദാ​നം ചെയ്യാൻ കഴിഞ്ഞു. (ലൂക്കോസ്‌ 4:6, 7) പ്രത്യ​ക്ഷ​ത്തിൽ, സാത്താൻ അത്‌ യേശു​വിന്‌ വാഗ്‌ദാ​നം​ചെ​യ്യു​ന്ന​തി​നു മുമ്പ്‌ മററു​ള്ള​വർക്ക്‌ അങ്ങനെ​യുള്ള അധികാ​രം കൊടു​ത്തി​രു​ന്നു, എന്തു​കൊ​ണ്ടെ​ന്നാൽ മത്സരി​ക​ളായ ദൂതൻമാർ കീഴു​ദ്യോ​ഗ​സ്ഥൻമാ​രെന്ന നിലയിൽ ലോക​സാ​മ്രാ​ജ്യ​ങ്ങ​ളു​ടെ​മേൽ അധികാ​രം സ്വീക​രി​ച്ചി​രു​ന്നു​വെന്ന്‌ ദാനി​യേൽ എന്ന ബൈബിൾ പുസ്‌തകം വെളി​പ്പെ​ടു​ത്തു​ന്നു—“പാർസി​പ്രഭു”, “യവന​പ്രഭു” എന്നിങ്ങ​നെ​യുള്ള സ്ഥാന​പ്പേ​രു​ക​ളോ​ടെ​തന്നെ.—ദാനി​യേൽ 10:20, 21.

അങ്ങനെ സാത്താൻ ഒരു വമ്പിച്ച സ്ഥാപനം പടുത്തു​യർത്തി​യി​രി​ക്കു​ക​യാണ്‌—“[ദൃശ്യ]ലോക​ത്തി​ന്റെ ഭരണാ​ധി​പൻ” ആയും “[അദൃശ്യ] ഭൂതങ്ങ​ളു​ടെ ഭരണാ​ധി​പനാ”യുംതന്നെ. (യോഹ​ന്നാൻ 14:30; 16:11; മത്തായി 12:24) പിശാച്‌ ലോക​വ്യാ​പ​ക​മായ ഒരു സ്ഥാപന​ത്തി​ന്റെ തലവനാ​ണെ​ന്നുള്ള ഉൾക്കാഴ്‌ച ധാരാളം കാര്യങ്ങൾ വിശദീ​ക​രി​ച്ചു​ത​രു​ന്നു.

അവൻ ഒരു സ്ഥാപന​ത്തി​ന്റെ തലവനാ​യി​രി​ക്കു​ന്ന​തി​ന്റെ കാരണം

സംഘടിത കുററ​കൃ​ത്യ​ങ്ങ​ളു​ടെ ഒരു മേധാവി തന്റെ കീഴി​ലുള്ള എല്ലാവർക്കും വ്യക്തി​പ​ര​മാ​യി തന്നേക്കു​റി​ച്ചു വെളി​പ്പെ​ടു​ത്താ​തെ, മയക്കു​മ​രു​ന്നു​കൾ, വ്യഭി​ചാ​രം, മോഷണം, ചൂതാട്ടം, കള്ളക്കടത്ത്‌ മുതലായ അനേകം നിയമ​വി​രു​ദ്ധ​പ്ര​വർത്ത​ന​ങ്ങ​ളു​ടെ മേൽനോ​ട്ടം വഹി​ച്ചേ​ക്കാം. അങ്ങനെ, സാത്താൻ തനിക്കു സ്വയമാ​യി നിയ​ന്ത്രി​ക്കാൻക​ഴി​യു​ന്ന​തി​നെ​ക്കാൾ കൂടുതൽ പേരെ നിയ​ന്ത്രി​ക്കാൻ ഒരു സ്ഥാപനത്തെ ഉപയോ​ഗി​ക്കു​ന്നു. അവന്റെ തന്ത്ര​മെ​ന്താണ്‌? വ്യക്തി​കളെ ഉപദ്ര​വി​ക്കു​ന്ന​തി​നു പുറമേ, അവനും ഭൂതങ്ങ​ളും കന്നുകാ​ലി​ക്കൂ​ട്ട​ങ്ങ​ളോ​ടെ​ന്ന​പോ​ലെ മനുഷ്യ​സ​മൂ​ഹ​ങ്ങ​ളോ​ടു പെരു​മാ​റു​ന്നു. ഓരോ​രു​ത്ത​രെ​യും വ്യക്തി​പ​ര​മാ​യി നിയ​ന്ത്രി​ക്കേ​ണ്ട​തില്ല. കൂട്ടത്തി​ന്റെ തലപ്പത്ത്‌ ചിലരെ നയിക്കു​ക​മാ​ത്രം ചെയ്യുക, ഭൂരി​പ​ക്ഷ​വും അനുഗ​മി​ച്ചു​കൊ​ള്ളും. പിന്നീട്‌ അലഞ്ഞു​തി​രി​യു​ന്ന​വ​രിൽ ശ്രദ്ധ കേന്ദ്രീ​ക​രി​ക്കുക.

അതെ, സാത്താൻ യഥാർത്ഥ​മാണ്‌, എന്നാൽ അവന്റെ യഥാർത്ഥ താദാ​ത്മ്യ​ത്തിന്‌ നാം കാർട്ടൂ​ണു​ക​ളിൽ കാണുന്ന ഹാസ്യ​ചി​ത്ര​ത്തോ​ടോ ദൈവ​ശാ​സ്‌ത്ര​ജ്ഞൻമാ​രു​ടെ അവ്യക്ത​മായ സിദ്ധാ​ന്ത​ങ്ങ​ളോ​ടോ സാദൃ​ശ​മൊ​ന്നു​മില്ല. അവ്യക്ത​മോ? അതെ, സാത്താൻ, ഒരു ചിത്രം എന്ന പുസ്‌തകം പ്രസ്‌താ​വി​ക്കു​ന്ന​തു​പോ​ലെ, 19-ാം നൂററാ​ണ്ടിൽ “സാത്താ​നി​ലുള്ള വിശ്വാ​സം കൂടുതൽ അവ്യക്ത​മാ​യി​ത്തീർന്നു, ദൈവ​ശാ​സ്‌ത്ര​ജ്ഞൻമാർ “ആളത്വ​മുള്ള ഒരു ആത്മവ്യ​ക്തി​യ​ല്ലാത്ത എന്തോ ആയി സാത്താനെ വിശദീ​ക​രി​ക്കാൻ ശ്രമിച്ചു.”

ആരാണ്‌ പിശാ​ചി​നെ​ക്കു​റി​ച്ചുള്ള സത്യം പറയു​ന്നത്‌?

ബൈബിൾ പിശാ​ചി​നെ​ക്കു​റിച്ച്‌ പറയു​ന്ന​തി​നെ സംശയി​ക്കു​ന്ന​തി​നുള്ള ആധുനി​ക​മ​ത​ങ്ങ​ളു​ടെ സന്നദ്ധത ദൈവ​ത്തെ​ക്കു​റി​ച്ചു​തന്നെ നിശ്ചയ​മി​ല്ലാ​താ​യി​ത്തീർന്നി​രി​ക്കുന്ന ഒരു ഭൗതി​കാ​സ​ക്ത​സ​മു​ദാ​യ​ത്തെ​യാണ്‌ പ്രീണി​പ്പി​ക്കു​ന്നത്‌. “ഇന്ന്‌ പിശാച്‌ അപ്രത്യ​ക്ഷ​പ്പെ​ട്ടി​രി​ക്കു​ക​യാണ്‌ . . . .ദൈവം​തന്നെ പുറ​ത്തേക്കു വലിഞ്ഞി​രി​ക്കു​ക​യാണ്‌” എന്ന്‌ പിശാ​ചി​ന്റെ യാഥാർത്ഥ്യം എന്ന തന്റെ പുസ്‌ത​ക​ത്തിൽ രൂത്ത്‌ ആൻഷർ പറയുന്നു.

ബൈബിൾവീ​ക്ഷ​ണത്തെ സംശയി​ച്ചു​കൊണ്ട്‌ ആധുനിക മത“വിദഗ്‌ദ്ധൻമാർ” ചരി​ത്രത്തെ വ്യക്തമായ കാഴച്‌പ്പാ​ടിൽ നിർത്തുന്ന ഒരു യാഥാർത്ഥ്യ​ത്തെ വിഗണി​ച്ചി​രി​ക്കു​ന്നു. റുമേ​നി​യൻ നാടക​കൃത്ത്‌ യൂജീൻ അയനെ​സ്‌ക്കോ ഒരു ജർമ്മൻ പത്ര​ത്തോട്‌ സമ്മതി​ച്ചു​പ​റ​ഞ്ഞ​തു​പോ​ലെ: “നാം ഭൂത ഘടകത്തെ വിട്ടു​ക​ള​യു​ക​യാ​ണെ​ങ്കിൽ, ചരിത്രം ഗ്രാഹ്യ​ത്തി​ന​തീ​ത​മാ​യി​രി​ക്കും.”—വെൽററ ആം സോൺറ​റാഗ, സെപ്‌റ​റം​ബർ 2, 1979.

ഇന്നത്തെ ലോക​പ്ര​തി​സ​ന്ധി​യിൽ പിശാ​ചി​ന്റെ റോളി​നെ സംബന്ധിച്ച സത്യത്തെ മുറു​കെ​പ്പി​ടി​ക്കാൻ ആർക്കെ​ങ്കി​ലും ധൈര്യ​മു​ണ്ടോ? തീർച്ച​യാ​യും ഉണ്ട്‌! 1928-ൽ നടന്ന ഒരു കൺ​വെൻ​ഷ​നിൽ ഏകകണ്‌ഠ​മാ​യി അംഗീ​ക​രി​ക്ക​പ്പെട്ട “സാത്താ​നെ​തി​രാ​യും യഹോ​വ​ക്ക​നു​കൂ​ല​മാ​യു​മുള്ള പ്രഖ്യാ​പന”ത്തെക്കു​റി​ച്ചു പരിചി​ന്തി​ക്കുക. മമനു​ഷ്യ​ന്റെ ശത്രു​വായ സാത്താ​നെ​തി​രാ​യി ഒരു യുദ്ധമു​റ​വി​ളി​പോ​ലെ വരാനി​രി​ക്കുന്ന അർമ്മ​ഗെ​ദ്ദോൻ മഹായു​ദ്ധം സാത്താ​നെ​യും അവന്റെ ദുഷ്ടസ്ഥാ​പ​ന​ത്തെ​യും പെട്ടെ​ന്നു​തന്നെ അവസാ​നി​പ്പി​ക്കു​മെന്ന്‌ ഘോഷി​ക്കാൻ യഹോ​വ​യു​ടെ സാക്ഷികൾ പ്രതി​ജ്ഞാ​ബ​ദ്ധ​രാ​യി.

സത്യത്തിൽ, പിശാച്‌ നമ്മി​ലോ​രോ​രു​ത്ത​രു​ടെ​യും ഒരു യഥാർത്ഥ ശത്രു​വാ​ണെന്ന്‌ ചരിത്രം സാക്ഷ്യ​പ്പെ​ടു​ത്തു​ന്നു. എന്നാൽ, യഹോ​വ​യാം ദൈവം നമ്മെ ഒററക്ക്‌ വിട്ടി​ട്ടി​ല്ലെന്നു വ്യക്തമാണ്‌. എന്തു​കൊ​ണ്ടു കൂടുതൽ പഠിച്ചു​കൂ​ടാ? “നാം സാത്താ​നാൽ പിടി​കൂ​ട​പ്പെ​ടാ​തി​രി​ക്കാൻ” നമ്മുടെ ശത്രു​വി​നെ​ക്കു​റിച്ച്‌ അറിയു​ന്നത്‌ പ്രയോ​ജ​ന​ക​ര​മാണ്‌, “എന്തെന്നാൽ നാം അവന്റെ തന്ത്രങ്ങൾ അറിയാ​ത്ത​വരല്ല.”—2 കൊരി​ന്ത്യർ 2:11. (g90 1⁄8)

[23-ാം പേജിലെ ആകർഷ​ക​വാ​ക്യം]

“ഇന്ന്‌ പിശാച്‌ അപ്രത്യ​ക്ഷ​മാ​യി​രി​ക്കു​ക​യാണ്‌ . . . ദൈവം​തന്നെ പുറ​ത്തേക്കു വലിഞ്ഞി​രി​ക്കു​ക​യാണ്‌.”

[22-ാം പേജിലെ ചിത്രം]

യഥാർത്ഥപിശാചിന്‌ മതപര​മായ ചിത്ര​ങ്ങ​ളോ​ടോ ദൈവ​ശാ​സ്‌ത്ര​ജ്ഞൻമാ​രു​ടെ അവ്യക്ത​മായ സിദ്ധാ​ന്ത​ങ്ങ​ളോ​ടോ സാദൃ​ശ​മൊ​ന്നു​മില്ല

[കടപ്പാട്‌]

Gustave Doré