ഇന്നത്തെ യുവജ​നങ്ങൾ—ഒരു ആഗോള ചിത്രം

ജനപ്രീ​തി​ക​ര​ങ്ങ​ളായ സ്‌ററീ​രി​യോ റൈറ​പ്പു​കൾ യുവജ​ന​ങ്ങളെ വേഷ​ത്തെ​യും ററിവി​യെ​യും ലൈം​ഗി​ക​ത​യെ​യും​കു​റി​ച്ചു മാത്രം ചിന്തി​ക്കുന്ന അന്തസ്സാ​ര​വി​ഹീ​ന​രും മയക്കു​മ​രു​ന്നു​ഭ്രാ​ന്ത​രു​മായ മത്‌സ​രി​ക​ളാ​യും സ്വാർത്ഥ​മ​തി​ക​ളാ​യും അലസരാ​യും ചിത്രീ​ക​രി​ക്കു​ന്നു. എന്നിരു​ന്നാ​ലും, യുവാ​ക്കളെ സംബന്ധിച്ച ഈ നിഷേ​ധാ​ത്മ​ക​വീ​ക്ഷണം ഭൂരി​പ​ക്ഷം​പേർക്കും യാഥാർഥ്യ​ത്തിൽനിന്ന്‌ വളരെ അകന്നതാ​ണെന്ന്‌ തോന്നു​ന്നു.

സൈ​ക്കോ​ള​ജി ററു​ഡേ​യിൽ റിപ്പോർട്ടു​ചെ​യ്യ​പ്പെട്ട ഒരു സർവ്വേ ‘സർവ്വേ​ചെ​യ്യ​പ്പെ​ട്ട​വ​രിൽ മുക്കാൽ പങ്കും നല്ല ക്രമീ​ക​ര​ണ​മു​ള്ള​വ​രാ​യി കാണപ്പെട്ട’തായി കണ്ടെത്തി. ‘അവർ പൊതു​വേ സന്തുഷ്ട​രും ആത്മനി​യ​ന്ത്ര​ണ​മു​ള്ള​വ​രും മററു​ള്ള​വ​രെ​ക്കു​റി​ച്ചു കരുത​ലു​ള്ള​വ​രും അവരുടെ പ്രവർത്ത​ന​ങ്ങ​ളു​ടെ പരിണ​ത​ഫ​ല​ങ്ങ​ളിൽ ശ്രദ്ധാ​ലു​ക്ക​ളു​മാ​യി​രു​ന്നു.’ തങ്ങളുടെ മാതാ​പി​താ​ക്ക​ളിൽനിന്ന്‌ അശേഷം അന്യ​പ്പെ​ടാ​തെ മിക്ക യുവജ​ന​ങ്ങ​ളും “തങ്ങളുടെ കുടും​ബ​ങ്ങ​ളോട്‌ വളരെ ക്രിയാ​ത്മ​ക​മായ മനോ​ഭാ​വങ്ങൾ പുലർത്തു​ന്ന​താ​യി കാണ​പ്പെട്ടു.”

ഇന്നത്തെ യുവജ​ന​ങ്ങ​ളു​ടെ പ്രത്യാ​ശ​ക​ളി​ലും അഭിലാ​ഷ​ങ്ങ​ളി​ലും ഭയങ്ങളി​ലും അനേക​വും സുബോ​ധ​പൂർവ​ക​വും ഗൗരവാ​വ​ഹ​വു​മായ ചിന്തയെ പ്രതി​ഫ​ലി​പ്പി​ക്കു​ന്ന​താ​യി മററ്‌ സർവ്വേകൾ വെളി​പ്പെ​ടു​ത്തു​ന്നു. 1985-ൽ യൂനെ​സ്‌ക്കോ കൂരിയർ 41 രാജ്യ​ങ്ങ​ളി​ലെ യുവജ​ന​ങ്ങ​ളോട്‌ ഇങ്ങനെ ചോദി​ച്ചു: “ഇന്നത്തെ യുവജ​ന​ങ്ങൾക്കെ​ല്ലാം ഏററവും താത്‌പ​ര്യ​മുള്ള പ്രശ്‌ന​മെ​ന്താണ്‌?” “യുദ്ധത്തി​ന്റെ​യും സമാധാ​ന​ത്തി​ന്റെ​യും പ്രശ്‌നങ്ങൾ” (50 ശതമാനം), “തൊഴി​ലി​ല്ലാ​യ്‌മ​യും ജോലി​യും” (30 ശതമാനം), “ഭാവി” (10 ശതമാനം) എന്നിങ്ങ​നെ​യുള്ള ചിന്താ​പൂർവ​ക​മായ ഉത്തരങ്ങൾ അവർക്കു ലഭിച്ചു.

ഊന്നൽ വ്യക്തി​പ​ര​മായ അഭിലാ​ഷ​ങ്ങ​ളി​ലേക്ക്‌ മാറു​മ്പോൾപോ​ലും യുവജ​നങ്ങൾ വീണ്ടും അതിശ​യ​ക​ര​മാം വിധം പ്രാ​യോ​ഗി​ക​മായ സമീപനം കൈ​ക്കൊ​ള്ളു​ന്നു. “പതിനാ​ലി​നും ഇരുപ​ത്തൊ​ന്നി​നു​മി​ടക്കു പ്രായ​മുള്ള [യു. എസ്‌.] ചെറു​പ്പ​ക്കാ​രായ സ്‌ത്രീ​പു​രു​ഷൻമാ​രു​ടെ ദേശീ​യ​പ്രാ​തി​നി​ധ്യ​സ്വ​ഭാ​വ​മുള്ള ഒരു കൂട്ടത്തി​ന്റെ” അഭി​പ്രാ​യ​വോ​ട്ടെ​ടു​പ്പു നടത്തി​യ​ശേഷം സെവൻറീൻമാ​സിക അതിന്റെ ചെറു​പ്പ​ക്കാ​രായ വായന​ക്കാ​രോട്‌ ഇങ്ങനെ പറഞ്ഞു: “മറെറ​ല്ലാ​റ​റി​നെ​ക്കാ​ളു​മ​ധി​ക​മാ​യി നിങ്ങൾ വിവാ​ഹം​ചെ​യ്‌ത്‌ ഒരു കുടും​ബത്തെ വളർത്താൻ ആഗ്രഹി​ക്കു​ന്നു. നിങ്ങൾ ആഗ്രഹി​ക്കുന്ന രണ്ടാമത്തെ സംഗതി ഒരു ജോലി​യോ ഒരു ജീവി​ത​വൃ​ത്തി​യോ ആണ്‌. നിങ്ങൾ പണമു​ണ്ടാ​ക്കാൻ ലക്ഷ്യമി​ടു​ന്നു. നിങ്ങൾ പണത്തെ​ക്കു​റി​ച്ചും വിദ്യാ​ഭ്യാ​സ​ത്തെ​ക്കു​റി​ച്ചും വ്യാകു​ല​രു​മാണ്‌. എന്നാൽ ലോക​ത്തി​ലെ പ്രശ്‌നങ്ങൾ നിങ്ങളു​ടെ തലമു​റക്ക്‌ മെച്ച​പ്പെ​ടു​ത്താൻ കഴിയാ​ത്ത​വി​ധം അത്ര ഗുരു​ത​ര​മാ​ണെന്ന്‌ നിങ്ങളിൽ 60ൽപരം ശതമാനം വിശ്വ​സി​ക്കു​ന്നില്ല.”

അപ്പോൾ ലോക​മാ​സ​ക​ല​മുള്ള യുവാക്കൾ പൊതു​വേ അവരുടെ മൂത്തവർ തേടുന്ന കാര്യ​ങ്ങൾതന്നെ ആഗ്രഹി​ക്കു​ന്നു: സന്തുഷ്ടി​യും സുരക്ഷി​ത​ത്വ​വും അടുപ്പ​മുള്ള കുടും​ബ​ങ്ങ​ളും. അവർ ജീവി​ക്കുന്ന ലോക​ത്തിൽ അവർ തത്‌പ​ര​രാണ്‌. അതിനെ മെച്ച​പ്പെ​ടു​ത്താൻ അവർ ആത്മാർത്ഥ​മാ​യി ആഗ്രഹി​ക്കു​ക​യും ചെയ്യുന്നു. എന്നിരു​ന്നാ​ലും ഈ ചിത്ര​ത്തിന്‌ ഒരു ഇരുണ്ട വശമുണ്ട്‌.

ദുഃഖി​ത​രും സ്വവി​നാ​ശ​കാ​രി​ക​ളു​മായ യുവജ​ന​ങ്ങൾ

മേൽപ്ര​സ്‌താ​വിച്ച പഠനം ഈ ദാരു​ണ​മായ കണ്ടുപി​ടു​ത്തം നടത്തി: “പരി​ശോ​ധി​ക്ക​പ്പെട്ട യുവാ​ക്ക​ളു​ടെ നാലി​ലൊന്ന്‌ തങ്ങൾ കൂടെ​ക്കൂ​ടെ ദുഃഖി​ത​രും ഏകാന്ത​രു​മാ​ണെ​ന്നും തങ്ങൾക്ക്‌ വൈകാ​രി​ക​വ്യർത്ഥത അനുഭ​വ​പ്പെ​ടു​ന്നു​വെ​ന്നും അതു​പോ​ലെ​തന്നെ ജീവി​ത​പ്ര​ശ്‌ന​ങ്ങ​ളിൽ ആകുല​രാ​ണെ​ന്നും പറയു​ക​യു​ണ്ടാ​യി. തങ്ങൾക്ക്‌ ആത്മഹത്യ​ചെ​യ്യ​ണ​മെ​ന്നുള്ള ചിന്തയും ചായ്‌വു​ക​ളു​മു​ണ്ടെ​ന്നു​പോ​ലും ചുരു​ക്കം​ചി​ലർ സമ്മതിച്ചു.” ചില രാജ്യ​ങ്ങ​ളിൽ യുവാക്കൾ കേവലം ചിന്തി​ക്കു​ക​മാ​ത്രമല്ല ചെയ്യു​ന്നത്‌. ഐക്യ​നാ​ടു​ക​ളിൽ പ്രായ​ക്കൂ​ടു​ത​ലുള്ള യുവാ​ക്ക​ളി​ലെ ആത്മഹത്യാ​നി​രക്ക്‌ കഴിഞ്ഞ 20 വർഷങ്ങ​ളിൽ ഫലത്തിൽ ഇരട്ടി​ക്കു​ക​യു​ണ്ടാ​യി.a

വലിയ ഉത്‌ക്ക​ണ്‌ഠ​ക്കുള്ള മറെറാ​രു കാരണം യുവ​പ്രാ​യ​ത്തി​ലു​ള്ളവർ മാരി​വാ​നാ, ഹെറോ​യിൻ, കോ​ക്കേ​യിൻ, കോ​ക്കേ​യി​ന്റെ​തന്നെ ഒരു രൂപമായ ക്രാക്ക്‌ എന്നിങ്ങ​നെ​യുള്ള മയക്കു​മ​രു​ന്നു​ക​ളു​ടെ യുവജന ഉപയോ​ഗ​ത്തി​ന്റെ ലോക​വ്യാ​പ​ക​വർദ്ധ​ന​വാണ്‌. ഐക്യ​നാ​ടു​ക​ളി​ലെ ഒരു 14വയസ്സുകാരി പെൺകു​ട്ടി മാരി​വാ​നാ​വ​ലി​യെ​ക്കു​റിച്ച്‌ ഇങ്ങനെ പറഞ്ഞു: “അത്‌ മേലാൽ സ്വീകാ​ര്യ​മായ സംഗതി​മാ​ത്ര​മാ​യി​രി​ക്കു​ന്നില്ല. അത്‌ മിക്കവാ​റും എല്ലാവ​രു​ടെ​യും ജീവി​ത​ഭാ​ഗം​ത​ന്നെ​യാണ്‌.”

വികസ്വ​ര​രാ​ജ്യ​ങ്ങ​ളും ഈ പ്രശ്‌ന​ത്തിൽനിന്ന്‌ രക്ഷപ്പെ​ട്ടി​ട്ടില്ല. അങ്ങനെ​യുള്ള അനേകം രാജ്യ​ങ്ങ​ളിൽ യുവജ​നങ്ങൾ കോക്കാ കുഴമ്പും സമാന​മായ വസ്‌തു​ക്ക​ളും വലിക്കു​ന്നത്‌ സാധാ​ര​ണ​മാണ്‌. യു.എൻ. സെക്ര​ട്ടറി ജനറലായ ജാവ്യർ പേരെസ്‌ ഡിക്വയർ നിയമ​വി​രുദ്ധ കള്ളക്കടത്ത്‌ ഉണ്ടെന്നും മയക്കു​മ​രു​ന്നു​ക​ളു​ടെ ദുരു​പ​യോ​ഗം “മുൻയു​ഗ​ങ്ങ​ളിൽ ലോക​ത്തി​ന്റെ അനേകം ഭാഗങ്ങ​ളിൽ വീശി​യ​ടിച്ച പ്ലേഗു​ക​ളെ​പ്പോ​ലെ ഇപ്പോ​ഴ​ത്തെ​യും വരാനി​രി​ക്കു​ന്ന​തു​മായ തലമു​റ​കൾക്ക്‌ വിനാ​ശ​ക​ര​മായ ഭീഷണി ഉയർത്തു​ന്നു”വെന്നും പറയു​ക​യു​ണ്ടാ​യി.

മദ്യവും പുകയി​ല​യും പോ​ലെ​യുള്ള നിയമാ​നു​സൃത മയക്കു​മ​രു​ന്നു​ക​ളു​ടെ യുവജ​ന​ങ്ങ​ളു​ടെ ഇടയിലെ ഉപയോ​ഗ​വും അനേകം വിദഗ്‌ദ്ധ​രെ​യും മാതാ​പി​താ​ക്ക​ളെ​യും വ്യാകു​ല​പ്പെ​ടു​ത്തു​ന്നു. യു.എൻ. ക്രോ​ണി​ക്കിൾ ഇങ്ങനെ റിപ്പോർട്ടു​ചെ​യ്യു​ന്നു: “ലോകാ​രോ​ഗ്യ​സം​ഘടന പറയു​ന്ന​ത​നു​സ​രിച്ച്‌ കഴിഞ്ഞ 30 മുതൽ 40 വരെ വർഷങ്ങ​ളിൽ കുട്ടി​ക​ളു​ടെ​യും യുവാ​ക്ക​ളു​ടെ​യും വർദ്ധിച്ച ശതമാനം മദ്യം കുടി​ക്കാൻ തുടങ്ങി​യി​രി​ക്കു​ന്നു. ഉപയോ​ഗ​ത്തി​ന്റെ ആവൃത്തി​യും വർദ്ധി​ച്ചി​രി​ക്കു​ന്നു; കുടി തുടങ്ങുന്ന പ്രായം കുറഞ്ഞി​രി​ക്കു​ന്നു.”

യുവജ​ന​ങ്ങ​ളു​ടെ ഒരു ന്യൂന​പക്ഷം മാത്രമേ വിഷാ​ദ​മ​ഗ്ന​രാ​യി​രി​ക്കു​ന്നു​ള്ളു അല്ലെങ്കിൽ സ്വവി​നാ​ശ​ക​ര​മായ പെരു​മാ​റ​റ​ത്തിൽ ഏർപ്പെ​ടു​ന്നു​ള്ളു​വെന്നു സമ്മതി​ക്കു​ന്നു. എന്നിരു​ന്നാ​ലും, ലോക​വ്യാ​പ​ക​മാ​യി, പ്രശ്‌ന​ങ്ങ​ളു​ള്ളവർ അനേകം ദശലക്ഷങ്ങൾ വരും. നാം അടുത്ത​താ​യി കാണാൻ പോകു​ന്ന​തു​പോ​ലെ, യുവജ​നങ്ങൾ നാം ജീവി​ക്കുന്ന കാലങ്ങൾക്ക്‌ പ്രത്യേ​ക​മാ​യുള്ള പിരി​മു​റു​ക്ക​ങ്ങൾക്കും സമ്മർദ്ദ​ങ്ങൾക്കും വിധേ​യ​രാ​ക്ക​പ്പെ​ടു​ക​യാണ്‌. (g90 9⁄8)

[അടിക്കു​റി​പ്പു​കൾ]