ബൈബി​ളി​ന്റെ വീക്ഷണം

ആത്മരക്ഷ—ഒരു ക്രിസ്‌ത്യാ​നിക്ക്‌ എത്ര​ത്തോ​ളം പോകാൻ കഴിയും?

“എന്തിനു ഭയത്തിൽ ജീവി​ക്കു​ന്നു? നിങ്ങ​ളെ​ത്തന്നെ പ്രതി​രോ​ധി​ക്കാ​നും ഒരു അക്രമി​യിൽനിന്ന്‌ രക്ഷപ്പെ​ടാ​നു​മുള്ള പ്രാ​യോ​ഗിക വഴികൾ പഠിക്കൂ. ലളിത​വും ഫലപ്ര​ദ​വു​മായ പ്രതി​രോ​ധ​മു​റകൾ വിശദ​മാ​യി പ്രകടി​പ്പി​ക്ക​പ്പെ​ടുന്ന ഈ പ്രബോ​ധ​നാ​ത്മക വീഡി​യോക്ക്‌, നിങ്ങൾ ഒരു ഇരയോ ഒരു അതിജീ​വ​ക​നോ ആകുന്ന​തി​നി​ട​യ്‌ക്കുള്ള വ്യത്യാ​സം ആയിരി​ക്കാൻ കഴിയും.”—അഡ്‌വെർട്ട​യ്‌സ്‌മെൻറ്‌ ഫോർ സെൽഫ്‌ ഡിഫൻസ്‌ വീഡി​യോ.

അത്തരം ഒരു വീഡി​യോ ഇന്ന്‌ എത്ര നന്നായി വിററ​ഴി​യും എന്ന്‌ ആരും വിശദീ​ക​രി​ക്കേ​ണ്ട​തില്ല. യു.എസ്സ്‌.എ. പെൻസിൽവേ​നി​യാ​യി​ലെ ഫിലാ​ദൽഫിയ നഗരത്തിൽ, “പ്രഹരി​ക്കുക, പ്രഹരി​ക്കുക, പ്രഹരി​ക്കുക” എന്നു ജപിച്ചു​കൊ​ണ്ടും തങ്ങൾക്കു കൊള്ള​യ​ടി​ക്കാൻ കഴിയുന്ന ഇരകളെ അന്വേ​ഷി​ച്ചു​കൊ​ണ്ടും യുവജന സംഘങ്ങൾ തെരു​വു​ക​ളിൽ തരം​നോ​ക്കി നടക്കുന്നു. “കുററ​കൃ​ത്യ​ത്തെ​ക്കു​റി​ച്ചുള്ള ഭയം” റിയോ ഡി ജനിറൊ എന്ന “മുഴു നഗരത്തി​ന്റെ​യും സഹജസ്വ​ഭാ​വ​ത്തിൽ ഭാവപ്പ​കർച്ച വരുത്തി​യി​രി​ക്കു​ന്നു” എന്ന്‌ ടൈം മാസിക റിപ്പോർട്ടു​ചെ​യ്യു​ന്നു. ഹോ​ങ്കോ​ങ്ങിൽ ഇതേവരെ അക്രമം നിറഞ്ഞ കുററ​കൃ​ത്യ​ങ്ങൾ മിക്കവാ​റും അജ്ഞാത​മാ​യി​രുന്ന ഭാഗങ്ങ​ളിൽ സായുധ കവർച്ച​ക​ളും വെടി​വെ​യ്‌പു​ക​ളും നടന്നു​കൊ​ണ്ടി​രി​ക്കു​ന്നു.

സമാന​മാ​യ റിപ്പോർട്ടു​കൾ ലോക​മെ​മ്പാ​ടും കേൾക്കു​ന്നു. ഫലമെ​ന്താണ്‌? “പൗരജ​നങ്ങൾ തിരിച്ചു വെടി​വെ​ക്കു​ന്ന​തി​ന്റെ വിപൽസാ​ധ്യ​തകൾ കണക്കു​കൂ​ട്ടു​ന്നു” എന്ന്‌ ന്യൂസ്‌വീക്ക്‌ പറയുന്നു. “ഇടപെ​ടാൻ പ്രയാ​സ​മായ ദുർഘ​ട​സ​മ​യ​ങ്ങളി”ൽനിന്നു ക്രിസ്‌ത്യാ​നി​കൾ മറയ്‌ക്ക​പ്പെ​ട്ട​വ​ര​ല്ലെ​ന്നി​രി​ക്കി​ലും തിരി​ച്ചു​വെ​ടി​വെ​ക്കു​ന്നത്‌ “ഒരു ഇരയോ അതിജീ​വ​ക​നോ തമ്മിലുള്ള വ്യത്യാ​സം” യഥാർത്ഥ​ത്തിൽ ഉളവാ​ക്കു​മോ?—2 തിമോ​ഥെ​യോസ്‌ 3:1.

അക്രമത്തെ അക്രമം​കൊ​ണ്ടു നേരി​ടു​ക​യോ?

‘ഞാനൊ​രു തോക്കു കൊണ്ടു​ന​ട​ക്കു​ക​യാ​ണെ​ങ്കിൽ, ഞാൻ സുരക്ഷി​ത​നാ​യി​രി​ക്കും. അയാൾ എന്നെ തട്ടുന്ന​തി​നു​മുമ്പ്‌ ഞാൻ അയാളെ തട്ടും. ഏററവും ചുരു​ങ്ങി​യ​പക്ഷം ഞാൻ അയാളെ വിരട്ടി ഓടി​ക്കും!’ എന്നു ചിലർ വിശ്വ​സി​ക്കു​ന്നു. എന്നാൽ അതത്ര എളുപ്പമല്ല.

യു.എസ്സ്‌.എ., ജോർജി​യാ, അററ്‌ലാൻറാ​യി​ലെ പൊതു​ജന-സുരക്ഷി​ത​ത്വ​ക​മ്മീ​ഷ​ണ​റായ ജോർജ്‌ നാപ്പർ പറയുന്നു: “ഒരു കൈ​ത്തോ​ക്കു​ണ്ടാ​യി​രി​ക്കുക എന്നതിന്റെ അർത്ഥം, മറെറാ​രു മനുഷ്യ​ജീ​വി​യെ കൊല്ലു​ന്ന​തി​ന്റെ അനന്തര ദുഷ്‌ഫ​ല​ങ്ങ​ളു​മാ​യി ജീവി​ക്കാൻ തയ്യാറാ​യി​രി​ക്കുക എന്നതാണ്‌.” ഒരു ക്രിസ്‌ത്യാ​നി രക്തപാ​തകം ഉൾപ്പെ​ട്ടേ​ക്കാ​വുന്ന അത്തരം ഒരു അനന്തര​ഫ​ല​വു​മാ​യി ജീവി​ക്കാൻ സന്നദ്ധനാ​ണോ?—സംഖ്യാ​പു​സ്‌തകം 35:11, 12 താരത​മ്യ​പ്പെ​ടു​ത്തുക.

കൂടാതെ, ‘നിങ്ങളു​ടെ വാളു​കളെ കൊഴു​ക്ക​ളാ​യി അടിച്ചു​തീർക്കാ​നും’; “സമാധാ​നം അന്വേ​ഷി​ച്ചു പിന്തു​ട​രാ​നും” ദൈവ​വ​ചനം കൽപ്പി​ക്കു​ന്നു. (മീഖാ 4:3; 1 പത്രോസ്‌ 3:11) വെടി​ക്കോ​പ്പു​ക​ളിൽ സംരക്ഷണം തേടാ​നും അതേസ​മയം ബൈബി​ളി​ന്റെ വ്യവസ്ഥ​കൾക്ക​നു​സ​രിച്ച്‌ ജീവി​ക്കാ​നും ക്രിസ്‌ത്യാ​നി​കൾക്കു എങ്ങനെ കഴിയും? സംഗതി​യെ​ന്താ​യി​രു​ന്നാ​ലും ആക്രമണം നടത്തു​ന്ന​യാൾ ഇരയെ​ക്കാൾ വേഗത​യേ​റി​യ​വ​നാ​യി​രി​ക്കാ​നാണ്‌ സാധ്യത.

യേശു സായുധ പ്രതി​രോ​ധത്തെ നിരസി​ച്ചു. താൻ അറസ്‌ററു ചെയ്യ​പ്പെ​ടാ​നി​രുന്ന സ്ഥലമായ ഗെത്‌സെ​മേൻ തോട്ട​ത്തി​ലേക്ക്‌ പോകവേ തന്റെ അപ്പോ​സ്‌ത​ലൻമാ​രോട്‌ രണ്ടു വാളെ​ടു​ക്കാൻ അവൻ കൽപ്പി​ച്ചു​വെ​ന്നത്‌ നേരാണ്‌. എന്നാൽ അവൻ എന്തിനി​തു ചെയ്‌തു? ആയുധങ്ങൾ കൈവ​ശ​മി​രി​ക്കു​ക​യും അതേസ​മയം അവ ഉപയോ​ഗി​ക്കാ​തി​രി​ക്കു​ക​യും ചെയ്‌തത്‌, യേശു​വി​ന്റെ അനുഗാ​മി​കൾ ജഡിക ആയുധ​ങ്ങ​ളിൽ ആശ്രയി​ക്ക​രു​തെന്ന്‌ ശക്തമായി പ്രകട​മാ​ക്കി. ഒരു ആയുധം ലഭ്യമാ​യി​രി​ക്കേ പത്രോസ്‌ വികാ​ര​ത്ത​ള്ള​ലിൽ അത്‌ ഉപയോ​ഗി​ച്ചു എന്നത്‌ ശ്രദ്ധേ​യ​മാണ്‌. യേശു പത്രോ​സി​നെ അവന്റെ വിവേ​ക​ര​ഹി​ത​മായ നടപടി​യെ ഈ വാക്കു​ക​ളിൽ ശക്തമായി ശാസിച്ചു: “വാളെ​ടു​ക്കു​ന്ന​വ​നെ​ല്ലാം വാളാൽ നശിപ്പി​ക്ക​പ്പെ​ടും.”—മത്തായി 26:36, 47-56; ലൂക്കോസ്‌ 22:36-38, 49-51.

‘വെടി​ക്കോ​പ്പു​കൾ സ്വന്തമാ​ക്കു​ന്നതു സംബന്ധിച്ച്‌ അതു സത്യമാണ്‌’ എന്നു ചിലർ പറഞ്ഞേ​ക്കാം. ‘എന്നാൽ ജൂഡോ, കരാട്ടേ, കെൻഡോ തുടങ്ങിയ ആത്മരക്ഷ​ക്കാ​യുള്ള (യുദ്ധമു​റകൾ) പഠിക്കു​ന്നതു സംബന്ധി​ച്ചെന്ത്‌?’ നിങ്ങ​ളോ​ടു​തന്നെ ചോദി​ക്കുക, ഈ പരിശീ​ല​ന​ത്തി​ന്റെ ഉദ്ദേശ്യം പോരാ​ടു​ക​യോ മററു​ള്ള​വരെ ക്ഷതപ്പെ​ടു​ത്തു​ക​യോ ചെയ്യുക എന്നതല്ലേ? അത്തരം പരിശീ​ലനം യഥാർത്ഥ​ത്തിൽ ഒരുവനെ മാരക​മാ​യി ആയുധ​മ​ണി​യി​ക്കു​ന്ന​തി​നോ​ടു തുല്യ​മല്ലേ? (1 തിമൊ​ഥെ​യോസ്‌ 3:3) പരിശീ​ലന സെഷനു​കൾപോ​ലും ഗുരു​ത​ര​മായ ക്ഷതങ്ങളി​ലും ആളപാ​യ​ങ്ങ​ളി​ലും കലാശി​ച്ചി​ട്ടുണ്ട്‌.

റോമർ 12:17-19 ഇക്കാര്യ​ത്തിൽ ജ്ഞാനപൂർവ​ക​മായ ഉപദേശം നൽകുന്നു: “ആർക്കും തിൻമ​ക്കു​പ​കരം തിൻമ ചെയ്യരുത്‌. സാധ്യ​മെ​ങ്കിൽ, നിങ്ങളെ ആശ്രയി​ച്ചി​രി​ക്കു​ന്ന​ട​ത്തോ​ളം എല്ലാ മനുഷ്യ​രോ​ടും സമാധാ​ന​പൂർണ്ണ​രാ​യി​രിക്ക. പ്രിയരേ, നിങ്ങൾ തന്നെ പ്രതി​കാ​രം ചെയ്യാതെ ക്രോ​ധ​ത്തിന്‌ ഇടം കൊടു​പ്പിൻ; എന്തെന്നാൽ ഇപ്രകാ​രം എഴുത​പ്പെ​ട്ടി​രി​ക്കു​ന്നു: ‘പ്രതി​കാ​രം എനിക്കു​ള്ള​താണ്‌; ഞാൻ പകരം നൽകും എന്ന്‌ യഹോവ പറയുന്നു.’” (NW) “തിൻമ” എന്നതിന്‌ പൗലോസ്‌ ഉപയോ​ഗി​ക്കുന്ന ഗ്രീക്കു​പ​ദ​ത്തിന്‌ (കാക്കോസ്‌) “വിനാ​ശ​കരം, കേടു​വ​രു​ത്തു​ന്നത്‌” എന്നും അർത്ഥമു​ണ്ടാ​യി​രി​ക്കാൻ കഴിയും. അതു​കൊണ്ട്‌ ക്രിസ്‌ത്യാ​നി​കൾ പകപോ​ക്കു​ന്ന​വി​ധ​ത്തിൽ ക്ഷതം വരുത്തു​ന്ന​തി​നോ മറെറാ​രു വ്യക്തിക്ക്‌ ഹാനി വരുത്തു​ന്ന​തി​നോ ഉള്ള സകല ചിന്തയിൽനി​ന്നും ഒഴിഞ്ഞി​രി​ക്കേ​ണ്ട​താണ്‌.

വികാ​ര​വി​ക്ഷോ​ഭ​ത്തോ​ടെ സ്വന്തം ക്രോധം പ്രകടി​പ്പി​ക്കാ​തെ ഒരു ക്രിസ്‌ത്യാ​നി, “നിങ്ങളെ തൊടു​ന്നവൻ എന്റെ കണ്ണിന്റെ കൃഷ്‌ണ​മ​ണി​യെ തൊടു​ന്നു” എന്ന്‌ തന്റെ ജനത്തെ​ക്കു​റിച്ച്‌ പറയു​ന്ന​വനെ പൂർണ്ണ​മാ​യി ആശ്രയി​ക്കു​ന്നു: ഇതി​നോ​ടുള്ള ചേർച്ച​യിൽ തക്ക സമയത്ത്‌ ‘ദുഷ്ടനെ ഉൻമൂ​ലനം ചെയ്യും’ എന്ന്‌ ദൈവം വാഗ്‌ദാ​നം ചെയ്യുന്നു.—സെഖര്യാവ്‌ 2:8; സങ്കീർത്തനം 145:20.

പോരാ​ട്ട​ത്തി​നുള്ള ഒരു സമയമോ?

“ഒന്നു പൊരു​താ​തെ എന്റെ പണം ഞാൻ വിട്ടു​കൊ​ടു​ക്ക​യില്ല!” എന്നു ധൈര്യ​പൂർവം ചിലർ ഉത്‌ഘോ​ഷി​ക്കു​ന്നു. കുററ​കൃ​ത്യം തടയു​ന്ന​തി​നുള്ള ദേശീയ സ്ഥാപന​ത്തി​ന്റെ വിദ്യാ​ഭ്യാ​സ മാനേജർ ഡിക്ക്‌മെ​ല്ലാർഡ്‌ താക്കീതു നൽകുന്നു: “എതിർക്കുക എന്നത്‌ മനുഷ്യ​പ്ര​കൃ​ത​മാണ്‌, എന്നാൽ മനുഷ്യ​പ്ര​കൃ​ത​ത്തിന്‌ നിങ്ങളെ തെററായ സാഹച​ര്യ​ത്തിൽ കൊല്ലി​ക്കാൻ കഴിയും.” അനേകം കുററ​വാ​ളി​ക​ളും അപായ​ക​ര​മാം​വി​ധം സായു​ധ​രും പിരി​മു​റു​ക്ക​മു​ള്ള​വ​രും ആശങ്കാ​കു​ല​രു​മാണ്‌. നഷ്ടപ്പെട്ട പണം വീണ്ടെ​ടു​ക്കാൻ കഴിയും, എന്നാൽ ഒരു ജീവൻ നഷ്ടപ്പെ​ട്ടാ​ലോ? അത്‌ ബുദ്ധി​മു​ട്ടി​നു തക്ക മൂല്യ​മു​ള്ള​താ​ണോ?

ജോർജ്‌ നേപ്പർ ഈ ഉപദേശം നൽകുന്നു: “ഒരു പക്ഷേ നിങ്ങ​ളെ​ത്തന്നെ സംരക്ഷി​ക്കു​ന്ന​തി​നുള്ള ഏററവും എളുപ്പ​വഴി നിങ്ങളു​ടെ ജീവനു​പ​കരം വസ്‌തു​വക നഷ്ടപ്പെ​ടു​ത്താൻ അനുവ​ദി​ക്കു​ന്ന​താണ്‌. അനേകം കള്ളൻമാ​രും ഭവന​ഭേ​ദനം നടത്തു​ന്ന​വ​രും കൊല്ലാ​നല്ല മോഷ്ടി​ക്കാ​നാണ്‌ അവി​ടെ​യാ​യി​രി​ക്കു​ന്നത്‌.” ഒരു വ്യക്തി കേവലം പ്രകോ​പ​ന​പ​ര​മാ​യി സംസാ​രി​ക്കു​ക​യോ നമ്മുടെ പണം നിർബ​ന്ധ​പൂർവം ആവശ്യ​പ്പെ​ടു​ക​യോ ചെയ്യു​മ്പോൾ ഒരു നല്ല തത്വം ഇതാണ്‌: “കർത്താ​വി​ന്റെ ഒരു ദാസൻ പൊരു​തേണ്ട ആവശ്യ​മില്ല.” (NW)—2 തിമൊ​ഥെ​യോസ്‌ 2:24.a

ഇത്‌ യാതൊ​രു സാഹച​ര്യ​ത്തിൻകീ​ഴി​ലും യാതൊ​രു ചെറു​ത്തു​നിൽപ്പും പാടി​ല്ലെന്ന പാസി​ഫി​സം എന്ന നയമല്ല. പുറപ്പാട്‌ 22:2, 3-ൽ ഒരു കള്ളൻ പകൽസ​മ​യത്ത്‌ ആരു​ടെ​യെ​ങ്കി​ലും വീട്ടിൽ കയറവേ ആളപായം വരത്തക്ക​വി​ധ​ത്തിൽ ഹേമി​ക്ക​പ്പെ​ടുന്ന ഒരു സാഹച​ര്യ​ത്തെ വർണ്ണി​ക്കു​ന്നു. അത്തര​മൊ​രു പ്രതി​രോധ രീതി കൊല​പാ​ത​ക​ത്തി​നു സമമായി പരിഗ​ണി​ക്ക​പ്പെ​ട്ടി​രു​ന്നു; എന്തെന്നാൽ ആ കള്ളനെ തിരി​ച്ച​റി​യു​ന്ന​തി​നും വിചാ​ര​ണ​ക്കുള്ള നീതി​ന്യാ​യ സംവി​ധാ​ന​ത്തി​ലേക്കു കൊണ്ടു​വ​രു​ന്ന​തി​നും കഴിയു​മാ​യി​രു​ന്നു. എന്നാൽ രാത്രി സമയത്ത്‌ വീട്ടു​കാ​രന്‌ ഒരു അതി​ക്ര​മി​യെ കാണു​ന്ന​തി​നോ അവന്റെ ആന്തരങ്ങൾ തിട്ട​പ്പെ​ടു​ത്തു​ന്ന​തി​നോ പ്രയാ​സ​ക​ര​മാ​യി​രു​ന്നേ​ക്കാം. അതു​കൊണ്ട്‌ ഇരുട്ടത്ത്‌ അതി​ക്ര​മി​ച്ചു കടക്കുന്ന ഒരുവനെ കൊല്ലുന്ന ഒരാൾ കുററ​ക്കാ​ര​ന​ല്ലെന്നു പരിഗ​ണി​ക്ക​പ്പെ​ട്ടി​രു​ന്നു.

അപ്രകാ​രം ബൈബിൾ ആത്മരക്ഷ​ക്കുള്ള വികാ​ര​വി​ക്ഷു​ബ്ധ​ത​യി​ലുള്ള ശ്രമങ്ങളെ പിന്താ​ങ്ങു​ന്നില്ല. പാസി​ഫി​സത്തെ പിന്തു​ണ​ക്കാ​തി​രി​ക്കേ, തന്നേത്തന്നെ പ്രതി​രോ​ധി​ക്കു​ന്ന​തിന്‌ ഒരു സമയം ഉണ്ടെന്ന്‌ ബൈബിൾ സൂചി​പ്പി​ക്കു​ന്നു. ക്രിസ്‌ത്യാ​നി​കൾ തങ്ങൾക്കു​ത​ന്നെ​യോ തങ്ങളുടെ കുടും​ബാം​ഗ​ങ്ങൾക്കോ പ്രതി​രോ​ധ​ത്തി​ന്റെ യഥാർത്ഥ ആവശ്യ​മു​ള്ള​വർക്കോ എതി​രെ​യുള്ള കടന്നു​ക​യ​റി​യുള്ള ശാരീ​രി​കാ​ക്ര​മ​ണ​ങ്ങളെ തടഞ്ഞക​റ​റി​യേ​ക്കാം.b എന്നാൽ അവർ ഒരു ആക്രമ​ണ​ത്തിന്‌ മുൻ​കൈ​യെ​ടു​ക്കു​ക​യോ തങ്ങളുടെ വസ്‌തു​വ​കകൾ രക്ഷിക്കു​ന്ന​തിന്‌ ശാരീ​രി​ക​മാ​യി പകരം​വീ​ട്ടു​ക​യോ ചെയ്യു​ക​യില്ല. അത്തരം ഒരു ആക്രമണം പ്രതീ​ക്ഷി​ച്ചു​കൊണ്ട്‌ അവർ ആയുധങ്ങൾ കൊണ്ടു​ന​ട​ക്കു​ക​യില്ല. മറിച്ച്‌, അവർ “സമാധാ​ന​പൂർവം ജീവി​ക്കാൻ” പരി​ശ്ര​മി​ക്കു​ന്നു.—2 കൊരി​ന്ത്യർ 13:11. (g91 7/8)

[അടിക്കു​റി​പ്പു​കൾ]

[12-ാം പേജിലെ ചിത്രം]

Betrayal of Christ, by Albrecht Dürer, 1508