ലോകത്തെ വീക്ഷിക്കൽ

ഏഷ്യയിൽ കൂടുതൽ ആസക്തർ

നിരവധി ഏഷ്യൻ രാജ്യ​ങ്ങ​ളിൽ ഹെറോ​യിൻ ആസക്തരു​ടെ എണ്ണം കുതി​ച്ചു​യർന്നി​രി​ക്കു​ന്നു. ദൃഷ്ടാ​ന്ത​ത്തിന്‌, 1980-ൽ ശ്രീല​ങ്ക​യിൽ അറിയ​പ്പെട്ട ഹെറോ​യിൻ ആസക്തരു​ടെ എണ്ണം 50-ൽ കുറവാ​യി​രു​ന്നു. ഇപ്പോൾ അവിടെ ഏകദേശം 40,000 പേരുണ്ട്‌. അതേ കാലയ​ള​വിൽ ഏതാനും ആയിര​ങ്ങ​ളാ​യി​രുന്ന പാക്കി​സ്ഥാ​നി​ലെ ഹെറോ​യിൻ ആസക്തരു​ടെ എണ്ണം 18 ലക്ഷമായി ഉയർന്നു. “മയക്കു​മ​രു​ന്നു കള്ളക്കട​ത്തി​ന്റെ ഉയർന്നു​വ​രുന്ന തിരത്തള്ളൽ കുറക്കാ​നുള്ള കൂടുതൽ കഠിന​മായ ശിക്ഷാ​ന​ട​പ​ടി​കൾ പരാജ​യ​പ്പെട്ടു. ലോക​ത്തിൽ ഏററവും കഠിന​മായ ശിക്ഷ നൽകുന്ന രാജ്യം ശ്രീല​ങ്ക​യാണ്‌: ഇവിടെ 2 ഗ്രാം ഹെറോ​യിൻ അഥവാ കൊ​ക്കെ​യിൻ കൈവശം വെക്കു​ന്ന​വർക്ക്‌ മരണശിക്ഷ അല്ലെങ്കിൽ ആജീവ​നാന്ത തടവു നൽകുന്നു” എന്ന്‌ ഏഷ്യാ വീക്ക്‌ മാസിക പറയുന്നു. മററു കാർഷിക വിളകൾക്കു​പ​കരം ഹെറോ​യിൻ ഉൽപാ​ദി​പ്പി​ക്കുന്ന പോപ്പി ചെടികൾ കൃഷി​ചെ​യ്യാൻ കർഷകരെ ഉഗ്രമാ​യി പ്രചോ​ദി​പ്പി​ക്കു​ന്നത്‌ മയക്കു​മ​രു​ന്നു വ്യാപാ​ര​ത്തിൽനിന്ന്‌ അവർക്കു​ണ്ടാ​കുന്ന സാമ്പത്തിക നേട്ടമാണ്‌. കൊളം​ബോ​യി​ലെ നാഷനൽ ഡെയ്‌ഞ്ച​റസ്‌ ഡ്രഗ്‌സ്‌ കൺ​ട്രോൾ ബോർഡി​ലെ ഡോ. രവി പെരേര ഇപ്രകാ​രം പറഞ്ഞു: “നാളെ ഇവിടെ പഞ്ചസാ​ര​യി​ല്ലെ​ങ്കിൽ—ഒന്നും വരാനില്ല. എന്നാൽ ഹെറോ​യിൻ ഇല്ലെങ്കിൽ ആളുകൾ ഭിത്തി​യി​ലൂ​ടെ അള്ളിപ്പി​ടി​ച്ചു കയറും. അതിനു​വേണ്ടി അവർ എന്തും കൊടു​ക്കും.” (g91 7/22)

ഭൂകമ്പ​മ​ര​ണ​ങ്ങൾ

ഭൂകമ്പ​ത്തിൽ കഴിഞ്ഞ ഒരു ദശാബ്ദ​ക്കാ​ലത്ത്‌ മരിച്ചു​പോ​യ​ട​ത്തോ​ളം ആളുകൾ കഴിഞ്ഞ ഒററ വർഷം​കൊണ്ട്‌ മരിച്ചി​ട്ടുണ്ട്‌. ഐക്യ​നാ​ടു​ക​ളി​ലെ ഭൂഗർഭ​ശാ​സ്‌ത്ര സർവ്വെ അനുസ​രിച്ച്‌ 1980-നും 1989-നും മദ്ധ്യേ ഭൂകമ്പ​ത്തിൽ മരിച്ച​വ​രു​ടെ സംഖ്യ​യായ 57,500നോടു താരത​മ്യ​പ്പെ​ടു​ത്തു​മ്പോൾ 1990-ൽ ഭൂകമ്പ​ത്തിൽ മരിച്ച 52,000 വളരെ കൂടു​ത​ലാണ്‌. 1976-നുശേഷം ഇതു വാർഷി​ക​മാ​യി ഏററവും ഉയർന്ന സംഖ്യ​യാണ്‌. അധിക​പങ്ക്‌ ആളുക​ളും മരിച്ചത്‌ 50,000പേർ മരിക്കു​ക​യും 60,000 പേർക്ക്‌ പരി​ക്കേൽക്കു​ക​യും ചെയ്‌ത 7.7 വ്യാപ്‌തി​യോ​ടെ ജൂൺ മാസത്തിൽ ഇറാനിൽ ഉണ്ടായ ഒരൊററ ഭൂകമ്പ​ത്തി​ലാണ്‌. കഴിഞ്ഞ വർഷം 68 വലിയ ഭൂകമ്പങ്ങൾ ഉണ്ടായ​താ​യി റിപ്പോർട്ടു​ചെ​യ്യ​പ്പെ​ട്ടി​രി​ക്കു​ന്നു, ഇത്‌ അതിനു​മു​മ്പുള്ള വർഷ​ത്തേ​ക്കാൾ 8 എണ്ണം കൂടു​ത​ലാണ്‌. (g91 8/8)

ബലൂൺ വ്യവസാ​യ​ത്തി​ന്റെ കാററു​കു​ത്തി

നിറപ്പ​കി​ട്ടാർന്ന ആയിര​ക്ക​ണ​ക്കിന്‌ ബലൂണു​കൾ സാവധാ​നം ആകാശ​ത്തി​ലേക്ക്‌ ഉയരു​ക​യും ദൃഷ്ടി​പ​ഥ​ത്തിൽനിന്ന്‌ അപ്രത്യ​ക്ഷ​മാ​കു​ക​യും ചെയ്യു​ന്നത്‌ വീക്ഷി​ക്കു​ന്നത്‌ അനേകർക്കും ആഹ്ലാദ​ഭ​രി​ത​മായ ഒരു അനുഭ​വ​മാണ്‌, എന്നാൽ ഐക്യ​നാ​ടു​ക​ളിൽ ഇനിമേൽ ഇതു സർവ്വസാ​ധാ​ര​ണ​മായ ഒന്നല്ല. ന്യൂ​ജേ​ഴ്‌സി തീരത്ത്‌ 1985-ൽ ചത്തടിഞ്ഞ ഒരു തിമിം​ഗ​ല​ത്തി​ന്റെ വയററിൽ ഒരു ബലൂൺ കണ്ടു, മറെറാന്ന്‌ ചത്ത ഒരു കടലാ​മ​യു​ടെ ഉള്ളിലും കണ്ടെത്തി. ഇതി​നേ​ത്തു​ടർന്ന്‌ ഒഴുകി​ന​ട​ക്കുന്ന ബലൂണു​കൾ തിന്നു​ന്ന​തി​നാൽ ആയിര​ക്ക​ണ​ക്കി​നു മൃഗങ്ങൾ ചത്തു​പോ​കു​ന്ന​തി​നെ​തി​രാ​യി ഐക്യ​നാ​ടു​ക​ളി​ലെ​ല്ലാ​മുള്ള കുട്ടികൾ ഉഗ്രമായ പ്രതി​ഷേ​ധ​പ്ര​ക​ടനം നടത്തു​ക​യു​ണ്ടാ​യി. നിയമ​നിർമ്മാ​ണ​സ​ഭാം​ഗങ്ങൾ കുട്ടി​ക​ളു​ടെ നിലവി​ളി ശ്രദ്ധിച്ചു. നിരവധി സംസ്ഥാ​ന​ങ്ങ​ളും നഗരങ്ങ​ളും ബലൂണു​കൾ അയക്കു​ന്നതു നിരോ​ധി​ക്കു​ക​യോ നിയ​ന്ത്രി​ക്കു​ക​യോ ചെയ്‌തി​രി​ക്കു​ന്നു. മൃഗങ്ങൾ ഇതിനാൽ ചാകു​ന്നു​വെന്ന അവകാ​ശ​വാ​ദ​ങ്ങളെ ബലൂൺ വ്യവസാ​യം ചോദ്യം ചെയ്‌തി​ട്ടു​ണ്ടെ​ങ്കി​ലും ബലൂൺ വ്യാപാ​രി​കൾക്ക്‌ ഒരു വർഷം വിൽപ​ന​യിൽ 18 കോടി രൂപ നഷ്ടമു​ണ്ടെന്നു പറയുന്നു. (g91 7/22)

ഡോൾഫി​ന്റെ മരണം

“ലോക​ത്തി​ലെ കടൽസ​സ്‌ത​നി​ക​ളു​ടെ 65 ഇനങ്ങളിൽ അധിക​പ​ങ്കും വംശനാ​ശ​ത്തി​ന്റെ വക്കിലാണ്‌” എന്ന്‌ ഈയി​ടെ​യുള്ള ഒരു പഠനം തെളി​യി​ക്കു​ന്ന​താ​യി ഇൻറർനാ​ഷനൽ ഇൻസ്‌റ​റി​റ​റ്യൂട്ട്‌ ഫോർ എൻവയൺമെൻറ്‌ ആൻഡ്‌ ഡെവെ​ല​പ്‌മെൻറ്‌ പ്രസി​ദ്ധീ​ക​രി​ക്കുന്ന ഒരു ബുള്ളറ​റി​നായ പെർസ്‌പെ​ക്‌റ​റീ​വ്‌സ്‌ കുറി​ക്കൊ​ള്ളു​ന്നു. ഓരോ വർഷവും 5,00,000-ത്തിലധി​കം ഡോൾഫി​നു​കൾ കൊല്ല​പ്പെ​ടു​ന്ന​താ​യി ഗവേഷകർ തിട്ട​പ്പെ​ടു​ത്തു​ന്നു. പഠനം നടത്തിയ എൻവയൺമെൻറൽ ഇൻവെ​സ്‌റ​റി​ഗേഷൻ ഏജൻസി പറയു​ന്ന​ത​നു​സ​രിച്ച്‌, ഏററവും വലിയ കുഴപ്പ​ക്കാർ ജപ്പാനും മെക്‌സി​ക്കൊ​യും പെറു​വും ദക്ഷിണ​കൊ​റി​യ​യും ശ്രീല​ങ്ക​യും തായ്‌വാ​നും ആണ്‌. “വർഷത്തിൽ 1,00,000-ലധികം കടൽ സസ്‌ത​നി​കളെ കൊന്നു​കൊണ്ട്‌ ജപ്പാൻ മുൻനി​ര​യി​ലും.” മരണത്തി​ന്റെ പ്രമു​ഖ​കാ​രണം ഒഴുകി​ന​ട​ക്കുന്ന വലകളാണ്‌. എന്നുവ​രി​കി​ലും, ഡോൾഫി​നു​കളെ “വെടി​വെ​ച്ചും കുന്തം​കൊണ്ട്‌ കുത്തി​യും ചൂണ്ടയി​ട്ടും മുക്കി​ക്കൊ​ന്നും തീര​ത്തേക്ക്‌ വലിച്ചു​ക​യ​റ​റി​യും വൈദ്യു​തി​യിൽ കുരു​ക്കി​യും ചാട്ടു​ളി​കൊ​ണ്ടും ബോം​ബു​വെ​ച്ചും കീറി​മു​റി​ച്ചും” കൊല്ലു​ന്നു. (g91 7/22)

മൃഗങ്ങ​ളു​ടെ ആരോഗ്യ പരിപാ​ല​നം

ഓമന​മൃ​ഗ​ങ്ങ​ളു​ടെ ചികി​ത്സ​യിൽ “സങ്കീർണ്ണ​മായ ശസ്‌ത്ര​ക്രിയ മുതൽ ഭാരനി​യ​ന്ത്രണ പരിപാ​ടി​ക​ളും ദന്തപരി​പാ​ല​ന​വും സ്വഭാ​വ​രൂ​പീ​ക​ര​ണ​വും വരെ” സകലവും ഉൾപ്പെ​ടു​ന്നു എന്ന്‌ ടൊ​റോ​ന്റൊ സ്‌ററാർ റിപ്പോർട്ടു​ചെ​യ്യു​ന്നു. “ഇന്ന്‌ ഒരു മൃഗമു​ണ്ടാ​യി​രി​ക്കു​ന്നത്‌ വളരെ വളരെ ചെല​വേ​റി​യ​താണ്‌,” എന്ന്‌ ഒരു നേഴ്‌സ്‌ പറഞ്ഞു. ഒരു വലിയ പട്ടിയു​ടെ ഒടിഞ്ഞ കാൽ ചികിൽസി​ക്കു​ന്ന​തിന്‌ 14,000 രൂപയി​ല​ധി​കം ചെലവു വന്നേക്കാം. കരൾവീ​ക്ക​ത്തി​ന്റെ ചികിൽസക്ക്‌ 16,000 രൂപയും അതില​ധി​ക​വും കൊടു​ക്കാൻ ഒരുങ്ങി​യി​രി​ക്കുക. ഒരു വൃക്കമാ​റ​റി​വെ​ക്ക​ലിന്‌ സാദ്ധ്യ​ത​യ​നു​സ​രിച്ച്‌ 1,00,000 രൂപയിൽ കവി​ഞ്ഞേ​ക്കാം. സ്വഭാ​വ​രൂ​പീ​ക​ര​ണ​ത്തിന്‌ ഒരു മണിക്കൂർ നേര​ത്തേക്ക്‌ 2,000 രൂപാ വേണ്ടി​വ​രു​ന്നു. മൃഗങ്ങ​ളു​ടെ ആരോ​ഗ്യ​സേ​വ​ന​ങ്ങ​ളിൽ പ്രസവ​വാർഡു​ക​ളും സൂക്ഷ്‌മ​ശ്രദ്ധ നൽകാ​നുള്ള സൗകര്യ​ങ്ങ​ളും അക്യു​പ​ങ്‌ച​റി​ന്റെ​യും ഇ.സി.ജിയു​ടെ​യും ഉപയോ​ഗ​വും തിമിരം നീക്കലും ദന്തപരി​ര​ക്ഷ​യും ഓമന​മൃ​ഗ​ങ്ങൾക്കുള്ള ഇൻഷു​റൻസു​പോ​ലും ഉൾപ്പെ​ടു​ന്നു. (g91 8/8)

വനങ്ങൾ ത്വരി​ത​ഗ​തി​യിൽ തിരോ​ധാ​നം ചെയ്യുന്നു

“ഭൂമി​യു​ടെ ഉഷ്‌ണ​മേ​ഖലാ വനങ്ങൾ മുമ്പ്‌ കണക്കാ​ക്കി​യി​രു​ന്ന​തി​നേ​ക്കാൾ 50 ശതമാനം വേഗത്തിൽ തിരോ​ധാ​നം ചെയ്യു​ക​യാണ്‌,” എന്ന്‌ ഇൻറർനാ​ഷനൽ ഇൻസ്‌റ​റി​റ​റ്യൂട്ട്‌ ഫോർ എൻവയൺമെൻറ്‌ ആൻഡ്‌ ഡെവല​പ്‌മെൻറി​ന്റെ ബുള്ളറ​റി​നായ പെർസ്‌പെ​ക്‌റ​റീ​വ്‌സ്‌ റിപ്പോർട്ടു​ചെ​യ്യു​ന്നു. കണക്കാ​ക്കി​യി​രു​ന്ന​പോ​ലെ വർഷത്തിൽ 27 ദശലക്ഷം ഏക്കറിനു പകരം “40മുതൽ 50വരെ ദശലക്ഷം ഏക്കർ ഉഷ്‌ണ​മേ​ഖലാ വനങ്ങൾ ഓരോ വർഷവും തിരോ​ധാ​നം ചെയ്‌തേ​ക്കാ​മെന്ന്‌” വേൾഡ്‌ റിസോ​ഴ്‌സസ്‌ ഇൻസ്‌റ​റി​റ​റ്യൂട്ട്‌ ശേഖരിച്ച വിവരങ്ങൾ ഇപ്പോൾ പ്രകട​മാ​ക്കു​ന്നു. (g91 8/8)

സംഖ്യ 666-ന്റെ അന്ത്യം

“ബ്രിട്ടൻ വാഹന ലൈസൻസ്‌ പ്ലേററിൽനിന്ന്‌ 666 എന്ന സാത്താന്യ സംഖ്യ നീക്കം ചെയ്‌തി​രി​ക്കു​ന്നു,” എന്ന്‌ ലീഡേ​ഴ്‌സ്‌ എന്ന പ്രസി​ദ്ധീ​ക​രണം റിപ്പോർട്ടു​ചെ​യ്യു​ന്നു. ബ്രിട്ടീഷ്‌ ഗതാഗ​ത​വ​കു​പ്പി​ന്റെ വക്താവായ ആനററ്‌ വെൽഷ്‌ പറയു​ന്ന​ത​നു​സ​രിച്ച്‌ ആ സംഖ്യ നിമി​ത്ത​മാണ്‌ തങ്ങൾക്ക്‌ അപകടങ്ങൾ ഉണ്ടായ​തെന്ന്‌ ഡ്രൈ​വർമാർ പരാതി​പ്പെട്ടു. ആ സംഖ്യ അനുവ​ദി​ച്ചു​കി​ട്ടി ഒരാഴ്‌ച​ക​ഴിഞ്ഞ്‌ തന്റെ ജലവി​ത​ര​ണ​ത്തിൽ വിഷം കലർന്ന​താ​യും താൻ ഭവന​ഭേ​ദ​ന​ത്തിന്‌ ഇരയാ​യ​താ​യും ഒരു ട്രക്ക്‌ തന്റെ കാറിനെ ഇടിച്ചു​ത​കർത്ത​താ​യും ഒരു വെയ്‌ൽസു​കാ​രൻ പറഞ്ഞു. യഥാർത്ഥ​ത്തിൽ, വെളി​പ്പാട്‌ 13:18 ലോക​ത്തി​ലെ രാഷ്‌ട്രീയ വ്യവസ്ഥി​തി​യെ പ്രതി​നി​ധാ​നം ചെയ്യുന്ന ഒരു പ്രതീ​കാ​ത്മക കാട്ടു​മൃ​ഗ​ത്തിന്‌ 666 എന്ന സംഖ്യ ബാധക​മാ​ക്കു​ന്നു, അതിനെ അപകട​ങ്ങ​ളോ​ടൊ അതു​പോ​ലുള്ള വ്യക്തി​പ​ര​മായ സംഭവ​ങ്ങ​ളോ​ടൊ ബന്ധിപ്പി​ക്കു​ന്നു​മില്ല. (g91 8/8)

എയ്‌ഡ്‌സ്‌ വർദ്ധി​ക്കു​ന്നു

ലോകാ​രോ​ഗ്യ​സം​ഘടന ഈയിടെ ഏററവും രൂക്ഷമായ എയ്‌ഡ്‌സ്‌ പ്രവചനം പുറത്തു​വി​ടു​ക​യു​ണ്ടാ​യി. രണ്ടായി​രാ​മാ​ണ്ടാ​കു​മ്പോ​ഴേ​ക്കും 100 ലക്ഷം കുട്ടി​കൾക്കും 300 ലക്ഷം മുതിർന്ന​വർക്കും ലോക​വ്യാ​പ​ക​മാ​യി എയ്‌ഡ്‌സ്‌ വൈറസ്‌ ബാധി​ച്ചി​രി​ക്കു​മെന്ന്‌ ചിത്രം വെളി​പ്പെ​ടു​ത്തു​ന്നു. അപ്പോ​ഴേ​ക്കും 100 ലക്ഷം ആളുകൾക്ക്‌ എയ്‌ഡ്‌സ്‌ രോഗം മൂർഛി​ച്ചി​രി​ക്കു​മെ​ന്നും രോഗ​ത്താ​ലുള്ള മരണം ഏതാണ്ട്‌ 100 ലക്ഷം കുട്ടി​കളെ അനാഥ​രാ​ക്കു​മെ​ന്നും കണക്കാ​ക്ക​പ്പെ​ടു​ന്നു. ഒരു വർഷം മുമ്പു​മാ​ത്ര​മാണ്‌ ലോകാ​രോ​ഗ്യ​സം​ഘടന എയ്‌ഡ്‌സ്‌ രോഗി​ക​ളു​ടെ എണ്ണം 50 ലക്ഷം കുട്ടി​ക​ളും 250 ലക്ഷം മുതിർന്ന​വ​രും എന്ന്‌ കണക്കാ​ക്കി​യത്‌. ആഫ്രി​ക്ക​യിൽ സഹാറ​യു​ടെ പ്രാന്ത​പ്ര​ദേ​ശ​ങ്ങ​ളി​ലും ഏഷ്യയി​ലും ഞെട്ടി​ക്കുന്ന വേഗത​യിൽ വൈറസ്‌ പരക്കു​ന്നു​വെന്ന്‌ പഠനങ്ങൾ പ്രകട​മാ​ക്കു​ന്ന​തു​കൊണ്ട്‌ പ്രവച​നങ്ങൾ പുതു​ക്ക​പ്പെട്ടു. (g91 8/8)

പ്രയോ​ജ​ന​മി​ല്ലാത്ത തോക്കു​കൾ

കുററ​കൃ​ത്യ​ത്തി​ന്റെ തുടർച്ച​യായ ഭീഷണി നിമിത്തം റോമിൽ അനേകർ സ്വയ​പ്ര​തി​രോ​ധ​ത്തി​ന്റെ വിവിധ മാർഗ്ഗ​ങ്ങ​ളി​ലേക്ക്‌ തിരി​യു​ക​യാണ്‌. ലാ റിപ്പബ്ലി​ക്കാ പറയു​ന്ന​ത​നു​സ​രിച്ച്‌ ആളുകൾ പരിശീ​ലി​പ്പിച്ച നായ്‌ക്ക​ളും ആയോ​ധ​ന​ക​ല​ക​ളും രാസ സ്‌​പ്രേ​ക​ളും കഠാര​ക​ളും വില്ലു​ക​ളും വടിവാ​ളു​ക​ളും മററും അക്രമി​കളെ നിർവീ​ര്യ​മാ​ക്കാൻ ഉപയോ​ഗി​ക്കു​ക​യാണ്‌. തോക്കു​കൾ കൊണ്ടു​ന​ട​ക്കാൻ സ്‌ത്രീ​ക​ളും പുരു​ഷൻമാ​രും ഉൾപ്പെടെ 15,000-ത്തിലധി​കം ആളുകൾ പോലീ​സിൽനിന്ന്‌ അനുവാ​ദം സമ്പാദി​ച്ചി​ട്ടുണ്ട്‌. ഇററാ​ലി​യൻ യൂണിയൻ ഓഫ്‌ മാർക്ക്‌സ്‌മെ​ന്നി​ലേ​ക്കുള്ള റോമി​ന്റെ പ്രതി​നി​ധി​യായ ജാൻഫ്രാ​ങ്കൊ റൊ​ഡോ​ലി​ക്കോ പറഞ്ഞത​നു​സ​രിച്ച്‌ സാധാ​ര​ണ​ക്കാ​ര​നായ ഒരു വ്യക്തി തോക്കു കൊണ്ടു​ന​ട​ക്കു​ന്നത്‌ നിഷ്‌പ്ര​യോ​ജ​ന​മാണ്‌ എന്ന്‌ ലാ റിപ്പബ്ലി​ക്കാ പ്രസ്‌താ​വി​ച്ചു. അയാൾ പറഞ്ഞു: “നിങ്ങൾക്ക്‌ എപ്പോ​ഴും ഒരു കൈ​ത്തോക്ക്‌ കയ്യിൽപി​ടി​ച്ചു​കൊണ്ട്‌ നടക്കാൻ കഴിയില്ല. ആരെങ്കി​ലും എന്നെ ആക്രമി​ക്കു​ന്നെ​ങ്കിൽ മിക്ക​പ്പോ​ഴും അത്‌ എടുക്കാൻ പോലും എനിക്ക്‌ തീർച്ച​യാ​യും സമയം കിട്ടു​ക​യില്ല.” (g91 7/22)

ശ്രാവു-തീനി​ക​ളായ മനുഷ്യർ

ശ്രാവു​കൾ അപകട​ത്തി​ലാണ്‌, വിശേ​ഷി​ച്ചും ആസ്‌​ത്രേ​ലി​യാ​യു​ടെ​യും ജപ്പാ​ന്റെ​യും ദക്ഷിണാ​ഫ്രി​ക്ക​യു​ടെ​യും ഐക്യ​നാ​ടു​ക​ളു​ടെ​യും തീരങ്ങ​ളിൽ. തീൻമേ​ശ​യിൽ ശ്രാവു​മാം​സ​ത്തി​ന്റെ വർദ്ധിച്ച പ്രിയം നിമിത്തം ഈ പ്രദേ​ശ​ങ്ങ​ളി​ലെ ശ്രാവു​ക​ളു​ടെ എണ്ണം കുറയു​ക​യാണ്‌. ടൈം മാസിക പറയു​ന്ന​ത​നു​സ​രിച്ച്‌, “ഐക്യ​നാ​ടു​ക​ളിൽ വ്യാവ​സാ​യി​കാ​ടി​സ്ഥാ​ന​ത്തി​ലുള്ള ശ്രാവു​പി​ടു​ത്തം 1980-ലെ 500 ടണ്ണിൽ താഴെ​നിന്ന്‌ 1989-ൽ 7,144 ടണ്ണായി കുതി​ച്ചു​യർന്നു.” ശ്രാവി​ന്റെ ചിറകു​കൾ ഏഷ്യയിൽ മിഷ്ടാ​ന്ന​മാ​യി കരുത​പ്പെ​ടുന്ന ഒരു സൂപ്പു​ണ്ടാ​ക്കാൻ ഉപയോ​ഗി​ക്ക​പ്പെ​ടു​ന്നു. ചില റെസ്‌റേ​റാ​റൻറു​കൾ ഒരു കോപ്പ പശിമ​യുള്ള സൂപ്പിന്‌ 150 രൂപവരെ വില ചുമത്തു​ന്നു. ചിറ​കെ​ടു​ക്കു​ന്ന​തിന്‌ മീൻപി​ടു​ത്ത​ക്കാർ “ശ്രാവു​കളെ പിടിച്ച്‌ ചിറകു​കൾ അറു​ത്തെ​ടു​ത്ത​ശേഷം ഈ വികലാം​ഗ​ജീ​വി​കളെ ചാകു​വാൻ സമു​ദ്ര​ത്തി​ലേക്ക്‌ തള്ളിവി​ടുന്ന ക്രൂര നടപടി​യിൽ” ഏർപ്പെ​ടു​ന്നു​വെന്ന്‌ ടൈം കുറി​ക്കൊ​ള്ളു​ന്നു. (g91 7/22)

കുറച്ച്‌ ഉപ്പ്‌ പ്രയോ​ജ​ന​പ്ര​ദം

ഒരു ദിവസം കഴിക്കുന്ന ഉപ്പിന്റെ അളവ്‌ മൂന്നു ഗ്രാമാ​യി കുറക്കു​ന്നത്‌ പാശ്ചാത്യ രാജ്യ​ങ്ങ​ളിൽ ഹൃദ്‌രോഗ സാദ്ധ്യത 16 ശതമാ​ന​വും ആഘാതം 22 ശതമാ​ന​വും കുറ​ച്ചേ​ക്കാ​മെന്ന്‌ ലണ്ടൻ ഗവേഷകർ പറയുന്നു. ഈ ചുരു​ക്ക​ലിന്‌ മയക്കു​മ​രു​ന്നു ചികിൽസ​യേ​ക്കാൾ കൂടുതൽ ഫലം ഉണ്ടായി​രി​ക്കും. ലണ്ടനിൽ സെൻറ്‌ ബെർത്ത​ലോ​മാ​യി ഹോസ്‌പി​ററൽ മെഡിക്കൽ സ്‌കൂ​ളി​ലെ ഗവേഷകർ ബ്രിട്ടീഷ്‌ മെഡിക്കൽ ജേർണ​ലിൽ അവരുടെ ഫലങ്ങൾ പ്രസി​ദ്ധീ​ക​രി​ച്ചു​കൊണ്ട്‌ തങ്ങളുടെ ഉൽപ്പന്ന​ങ്ങ​ളിൽ ഉപ്പിന്റെ അളവു കുറക്കാൻ ഉൽപ്പാ​ദ​കരെ ഉപദേ​ശി​ച്ചു. സംസ്‌ക്ക​രിച്ച ആഹാര​സാ​ധ​ന​ങ്ങ​ളിൽനിന്ന്‌ ഉപ്പ്‌ നിശ്ശേഷം ഒഴിവാ​ക്കു​ന്നെ​ങ്കിൽ ഹൃദയ​സ്‌തം​ഭ​നങ്ങൾ 30 ശതമാ​ന​വും ആഘാത​ത്താ​ലുള്ള മരണം 39 ശതമാ​ന​വും കുറക്കാ​മെന്ന്‌ അവർ പറയുന്നു, ബ്രിട്ട​നിൽമാ​ത്രം ഒരു വർഷം 65,000 മരണങ്ങൾ തടഞ്ഞു​കൊ​ണ്ടു​തന്നെ. തീൻമേ​ശ​യിൽ വീണ്ടും ഉപ്പു​ചേർക്കാ​തെ​യും ഉപ്പു കൂടു​ത​ലുള്ള ആഹാര​സാ​ധ​നങ്ങൾ വർജ്ജി​ച്ചു​കൊ​ണ്ടും ഉപ്പിന്റെ ഉപഭോ​ഗം കുറക്കാൻ ജനങ്ങൾ ഉപദേ​ശി​ക്ക​പ്പെ​ട്ടി​രി​ക്കു​ന്നു. (g91 8/8)