ബൈബി​ളി​ന്റെ വീക്ഷണം

ബൈബിൾ പഠി​ക്കേ​ണ്ടത്‌ എന്തു​കൊണ്ട്‌?

ബൈബിൾ മുഴുവൻ വായി​ക്കുക എന്നത്‌ ഒരു നിസ്സാര വൈദ​ഗ്‌ദ്ധ്യ​മല്ല. നിങ്ങൾ അത്‌ ഒരിക്ക​ലോ പലപ്പോ​ഴോ ചെയ്‌തി​ട്ടു​ണ്ടോ? അങ്ങനെ ചെയ്‌തി​ട്ടു​ള്ള​തിൽ അനേകർ ഉചിത​മാ​യി അഭിമാ​നി​ക്കു​ന്നു. ജീവി​ത​ത്തിൽ മുൻഗ​ണ​ന​യുള്ള കാര്യ​ങ്ങ​ളു​ടെ പട്ടിക​യിൽ ബൈബിൾ വായി​ക്കു​ന്ന​തി​നുള്ള സമയം കണ്ടെത്ത​ലി​നു ഒന്നാമ​ത്തേ​ത​ല്ലെ​ങ്കിൽ അതിനു തൊട്ട​ടുത്ത സ്ഥാന​മെ​ങ്കി​ലും നൽകേ​ണ്ട​താണ്‌. എന്തു കാരണ​ത്താൽ? മുഴു ചരി​ത്ര​ത്തി​ലും വെച്ചേ​റ​റ​വും വ്യാപ​ക​മാ​യി വിതരണം ചെയ്യ​പ്പെ​ട്ടി​ട്ടുള്ള, ദൈവ​നി​ശ്വ​സ്‌ത​മാ​ണെന്നു ന്യായ​മാ​യി അവകാ​ശ​പ്പെ​ടുന്ന ഏക ഗ്രന്ഥമായ ബൈബി​ളി​ലെ അടിസ്ഥാന വിവരങ്ങൾ അറിയു​ന്ന​തിന്‌.—2 തിമൊ​ഥെ​യോസ്‌ 3:16.

എന്നാൽ, ഒരു വ്യക്തിക്ക്‌ ബൈബിൾ വെറുതെ വായി​ക്കു​ക​യും അതിലെ പൊതു​വായ വിവരങ്ങൾ അറിയു​ക​യും ചെയ്യു​ന്ന​തി​നെ​ക്കാൾ അധികം ചെയ്യാൻ കഴിയും. ദൈവത്തെ പ്രസാ​ദി​പ്പി​ക്കു​ക​യും ആ വിശുദ്ധ ഗ്രന്ഥത്തി​ലെ പഠിപ്പി​ക്ക​ലു​ക​ളിൽ നിന്നു പൂർണ്ണ പ്രയോ​ജനം ആസ്വദി​ക്കു​ക​യും ചെയ്യണ​മെ​ന്നു​ള്ളത്‌ നിങ്ങളു​ടെ അഭിലാ​ഷ​മാ​ണോ? അങ്ങനെ​യെ​ങ്കിൽ ചെറു​പ്പ​ക്കാ​ര​നായ തിമൊ​ഥെ​യോ​സിന്‌ അപ്പൊ​സ്‌ത​ല​നായ പൗലോസ്‌ നൽകിയ ഉപദേശം പിൻപ​റ​റുക: “ഞാൻ വരു​വോ​ളം വായന, പ്രബോ​ധനം, ഉപദേശം എന്നിവ​യിൽ ശ്രദ്ധി​ച്ചി​രിക്ക. നിന്റെ അഭിവൃ​ദ്ധി എല്ലാവർക്കും പ്രസി​ദ്ധ​മാ​യി​ത്തീ​രേ​ണ്ട​തി​ന്നു ഇതു കരുതുക, ഇതിൽ തന്നെ ഇരുന്നു​കൊൾക. നിന്നെ​ത്ത​ന്നേ​യും ഉപദേ​ശ​ത്തെ​യും സൂക്ഷി​ച്ചു​കൊൾക; ഇതിൽ ഉറെച്ചു​നിൽക്ക; അങ്ങനെ ചെയ്‌താൽ നീ നിന്നെ​യും നിന്റെ പ്രസംഗം കേൾക്കു​ന്ന​വ​രെ​യും രക്ഷിക്കും.”—1 തിമൊ​ഥെ​യോസ്‌ 4:13, 15, 16.

ബൈബിൾ പഠിപ്പി​ക്ക​ലു​ക​ളേ​ക്കു​റി​ച്ചുള്ള ഇത്തരം ധ്യാന​ത്തി​ലും അതിൽ മുഴു​കു​ന്ന​തി​ലും തിരു​വെ​ഴു​ത്തു​കൾ വായി​ക്കുക മാത്രം ചെയ്യു​ന്ന​തി​ലേറെ ഉൾപ്പെ​ടു​ന്നു. മനുഷ്യ​മ​സ്‌തി​ഷ്‌ക​ത്തേ​ക്കു​റി​ച്ചുള്ള ഒരു പുസ്‌ത​ക​ത്തി​ന്റെ വായന ഒരുവനെ ഒരു മസ്‌തിഷ്‌ക ശസ്‌ത്രക്രിയാവിദഗ്‌ദ്ധനാക്കുന്നില്ലാത്തതുപോലെ ബൈബിൾവാ​യന അതിൽത്തന്നെ ഒരുവനു ലഭ്യമായ വിവരം ശരിയാ​യി ഉപയോ​ഗി​ക്കാൻ കഴിയു​മെന്നു ഉറപ്പു നൽകു​ന്നില്ല. അതു​കൊ​ണ്ടു തിമൊ​ഥെ​യോ​സി​നോ​ടുള്ള പൗലോ​സി​ന്റെ കൂടു​ത​ലായ ഉപദേശം ശ്രദ്ധി​ക്കുക: “സത്യവ​ച​നത്തെ യഥാർത്ഥ​മാ​യി പ്രസം​ഗി​ച്ചു​കൊ​ണ്ടു ലജ്ജിപ്പാൻ സംഗതി​യി​ല്ലാത്ത വേലക്കാ​ര​നാ​യി ദൈവ​ത്തി​നു കൊള്ളാ​കു​ന്ന​വ​നാ​യി നിൽപ്പാൻ ശ്രമിക്ക.”—2 തിമൊ​ഥെ​യോസ്‌ 2:15.

ഗ്രാഹ്യ​ത്തി​ന്റെ വിശാല മാനസി​ക​വീ​ക്ഷ​ണങ്ങൾ തുറക്കു​ന്നു

ദൈവ​വ​ചനം വിദഗ്‌ദ്ധ​മാ​യി ഉപയോ​ഗി​ക്കാൻ അഭ്യസി​ക്കു​ന്ന​തി​നു പഠനം ആവശ്യ​മാണ്‌. ബൈബിൾ എന്തു പറയു​ന്നു​വെന്നു പരിഗ​ണി​ക്കു​ക​യും അതിന്റെ ആശയം ഗ്രഹി​ക്കു​ക​യും പശ്ചാത്തലം വായി​ക്കു​ക​യും അതിന്റെ ചരിത്രം മനസ്സി​ലാ​ക്കു​ക​യും ചെയ്‌തു​കൊണ്ട്‌ ഒരു വ്യക്തി ബൈബിൾ പഠിക്കു​മ്പോൾ ഉൾക്കാ​ഴ്‌ച​യു​ടെ അപ്രതീ​ക്ഷി​ത​മായ മാനസിക വീക്ഷണങ്ങൾ ആ വ്യക്തിക്കു തുറന്നു​കി​ട്ടി​യേ​ക്കാം. ദൈവ​വ​ച​ന​ത്തിൽ നിന്ന്‌ ഇപ്പോൾ അയാൾ വ്യക്തി​പ​ര​മാ​യി പ്രയോ​ജ​ന​മ​നു​ഭ​വി​ക്കാൻ തുടങ്ങു​ന്നു.

പശ്ചാത്തലം വായി​ക്കാ​ത്ത​പക്ഷം, തിരു​വെ​ഴു​ത്തി​ന്റെ ഒരു ഭാഗം മാത്രം വായി​ക്കു​ന്ന​തി​നാൽ, പറയ​പ്പെ​ടു​ന്ന​തി​ന്റെ അർത്ഥം മനസ്സി​ലാ​ക്കാൻ നമുക്കു കഴിയാ​തെ വന്നേക്കാം എന്നു കാണി​ക്കുന്ന ഒരു ഉദാഹ​രണം നമു​ക്കെ​ടു​ക്കാം. തെസ്സ​ലൊ​നീ​ക്യ​യിൽ നിന്നു വളരെ അകലെ​യ​ല്ലാത്ത ഗ്രീക്കു പട്ടണമായ ബെരോ​വ​യി​ലുള്ള ആളുക​ളെ​ക്കു​റി​ച്ചു പ്രവൃ​ത്തി​കൾ 17:11-ൽ നാം വായി​ക്കു​ന്നു: “അവർ തെസ്സ​ലൊ​നീ​ക്യ​യി​ലു​ള്ള​വ​രെ​ക്കാൾ ഉത്തമൻമാ​രാ​യി​രു​ന്നു. അവർ വചനം പൂർണ്ണ ജാഗ്ര​ത​യോ​ടെ കൈ​ക്കൊ​ണ്ട​ത​ല്ലാ​തെ അതു അങ്ങനെ തന്നെയോ എന്നു ദിന​മ്പ്രതി തിരു​വെ​ഴു​ത്തു​കളെ പരി​ശോ​ധി​ച്ചു പോന്നു.”

ഒററ​നോ​ട്ട​ത്തിൽ ബെരോ​വ​യി​ലെ ക്രിസ്‌ത്യാ​നി​കൾ തെസ്സ​ലൊ​നീ​ക്യ​യി​ലു​ള്ള​വ​രെ​ക്കാൾ സുശി​ക്ഷി​ത​രാ​യി​രു​ന്നെന്നു നാം നിഗമനം ചെയ്‌തേ​ക്കാം. എന്നാൽ, ബെരോ​വ​യിൽ എത്തിയ​തി​നു​ശേഷം പൗലോ​സും ശീലാ​സും ദൈവ​വ​ചനം പ്രസം​ഗി​ക്കു​ന്ന​തിന്‌ “യഹൂദൻമാ​രു​ടെ സിന്ന​ഗോ​ഗു​കളി”ലേക്കു പോയി എന്നു പ്രവൃത്തി 17-ാം അദ്ധ്യാ​യ​ത്തി​ന്റെ 10-ാം വാക്യ​ത്തിൽ ശ്രദ്ധി​ക്കുക. കൂടാതെ, “അവരിൽ അനേകർ (യഹൂദർ) വിശ്വ​സി​ച്ചു” എന്നു 12-ാം വാക്യം പറയുന്നു. ആ വാക്യം ഒരു വ്യത്യസ്‌ത നിഗമ​ന​ത്തി​ലെ​ത്താൻ നമ്മെ സഹായി​ക്കു​ന്നു. ഈ രണ്ടു നഗരങ്ങ​ളി​ലു​മുള്ള ക്രിസ്‌ത്യാ​നി​കളല്ല പരസ്‌പരം താരത​മ്യ​പ്പെ​ടു​ത്ത​പ്പെ​ട്ടത്‌, മറിച്ച്‌, അവിട​ങ്ങ​ളി​ലുള്ള യഹൂദൻമാ​രാ​യി​രു​ന്നു എന്ന്‌ ഈ വിശുദ്ധ വിവരണം നമ്മോടു പറയുന്നു.

ഇതിനു​പു​റ​മെ, സ്വഭാ​വ​ത്തിൽ ബെരോ​വ​ക്കാ​രെ കൂടുതൽ ശ്രേഷ്‌ഠ​മ​ന​സ്‌ക​രാ​ക്കി​ത്തീർത്തത്‌ എന്തെന്നു നിങ്ങൾ ശ്രദ്ധി​ച്ചോ? അവർ ആകാം​ക്ഷാ​പൂർവ്വം തിരു​വെ​ഴു​ത്തു​കൾ പരി​ശോ​ധി​ച്ചു. വേർഡ്‌ പിക്‌ച്ചേ​ഴ്‌സ്‌ ഇൻ ദ ന്യൂ ടെസ്‌റ​റ​മെൻറ​ലെ ആ വാക്കു​ക​ളെ​പ്പ​ററി അഭി​പ്രാ​യം പറഞ്ഞു​കൊ​ണ്ടു പ്രൊ​ഫസ്സർ ആർക്കി​ബോൾഡ്‌ തോമസ്‌ റോ​ബേർട്ട്‌സൺ ഇങ്ങനെ എഴുതി: “തെസ്സ​ലൊ​നീ​ക്യ​യിൽ ചെയ്‌ത​തു​പോ​ലെ പൗലോസ്‌ തിരു​വെ​ഴു​ത്തു​കൾ ദിവസേന വ്യാഖ്യാ​നി​ച്ചു, എന്നാൽ അവന്റെ പുതിയ വ്യാഖ്യാ​ന​ത്തി​നെ​തി​രെ നീരസ​പ്പെ​ടു​ന്ന​തി​നു പകരം ബെരോ​വ​ക്കാർ സ്വയം തിരു​വെ​ഴു​ത്തു​കൾ പരി​ശോ​ധി​ച്ചു. (അനാ​ക്രി​നോ എന്നാൽ അരിപ്പ​യിൽ മേലോ​ട്ടും കീഴോ​ട്ടും അരിക്കുക, നിയമ നടപടി​ക​ളി​ലെ​ന്ന​പോ​ലെ . . . ശ്രദ്ധാ​പൂർവ്വ​ക​വും കൃത്യ​വു​മായ ഗവേഷണം നടത്തുക എന്നാണ്‌.) അവരുടെ പരി​ശോ​ധന ഉപരി​പ്ല​വ​മ​ല്ലാ​യി​രു​ന്നു. ദീർഘ​നാൾ മുമ്പു വാഗ്‌ദത്തം ചെയ്യപ്പെട്ട മശിഹ യേശു​വാ​ണെന്നു തിരു​വെ​ഴു​ത്തു​ക​ളിൽ നിന്നു പൗലോ​സും ശീലാ​സും പഠിപ്പി​ച്ചതു സത്യമാ​യി​രു​ന്നെന്നു ഉറപ്പു​വ​രു​ത്തു​ന്ന​തിന്‌ ആ ബെരോ​വ​ക്കാ​രായ യഹൂദൻമാർ ശ്രദ്ധാ​പൂർവ്വം സൂക്ഷ്‌മ​പ​രി​ശോ​ധന നടത്തി.

അതു​കൊ​ണ്ടു, പുരാതന ബെരോ​വ​ക്കാ​രെ അനുക​രി​ച്ചു​കൊ​ണ്ടു ദൈവ​വ​ചനം വായി​ക്കുക മാത്രം ചെയ്യാതെ അതു പഠിക്കു​ക​യും​കൂ​ടെ ചെയ്‌തു​കൊണ്ട്‌, പറയ​പ്പെ​ട്ടി​രി​ക്കു​ന്ന​തി​ന്റെ അർത്ഥ​മെ​ന്താ​ണെന്നു ഗ്രഹി​ക്കു​ന്നതു—സൂക്ഷ്‌മ​മാ​യി “തിരു​വെ​ഴു​ത്തു​കൾ പരി​ശോ​ധി”ക്കുന്നതു—പ്രധാ​ന​മാണ്‌. ഇപ്രകാ​രം, നമുക്കു ബൈബി​ളി​നോ​ടുള്ള നമ്മുടെ വിലമ​തി​പ്പു ആഴമു​ള്ള​താ​ക്കാൻ കഴിയും, തിമൊ​ഥെ​യോ​സി​നെ​പ്പോ​ലെ, നാമും ‘നമ്മെത്ത​ന്നെ​യും നമ്മെ ശ്രദ്ധി​ക്കു​ന്ന​വ​രെ​യും രക്ഷിക്കു​ന്ന​തി​നു’ പ്രാപ്‌ത​രായ ആളുകൾ ആയിത്തീ​രും. എന്തു​കൊണ്ട്‌? എന്തെന്നാൽ തിരു​വെ​ഴു​ത്തു​കൾ വായി​ക്കു​ന്ന​തി​നു പുറമെ അറിഞ്ഞ​ത​നു​സ​രിച്ച്‌ അനുസ​ര​ണ​പൂർവ്വം പ്രവർത്തി​ക്കാൻ തക്കവണ്ണം നാം അവ പഠിച്ചി​ട്ടുണ്ട്‌.—സദൃശ​വാ​ക്യ​ങ്ങൾ 3:1-6.

യഥാർത്ഥ മൂല്യ​ങ്ങ​ളു​ടെ​യും പ്രവച​ന​ത്തി​ന്റെ​യും ഉറവിടം

ബൈബിൾ പഠിക്കു​ന്ന​തി​നുള്ള മററു രണ്ടു കാരണങ്ങൾ നമുക്കു പരി​ശോ​ധി​ക്കാം. ധാർമ്മി​ക​വും സദാചാ​ര​പ​ര​വു​മായ മൂല്യങ്ങൾ പ്രദാനം ചെയ്യു​ന്ന​തിൽ ബൈബിൾ മറെറാ​രു ഗ്രന്ഥത്തി​നും പുറകി​ലല്ല. അനേകം വർഷങ്ങൾക്കു മുമ്പു ഒരു അമേരി​ക്കൻ വിദ്യാ​ഭ്യാ​സ​പ്ര​വർത്തകൻ ഈ നിരീ​ക്ഷണം നടത്തി: “ബൈബിൾ കൂടാ​തെ​യുള്ള ഒരു കോളജ്‌ പഠന​ത്തെ​ക്കാൾ വളരെ മൂല്യ​മു​ള്ള​താണ്‌ കോളജ്‌ പഠനം കൂടാ​തെ​യുള്ള ബൈബിൾപ​രി​ജ്ഞാ​നം എന്നു ഞാൻ വിശ്വ​സി​ക്കു​ന്നു.” ബൈബിൾപ​രി​ജ്ഞാ​നം നിങ്ങളു​ടെ നിധി​യാ​യി​ത്തീ​ര​ണ​മെ​ങ്കിൽ, തിരു​വെ​ഴു​ത്തു​കൾ പഠിക്കു​ന്ന​തി​ലുള്ള നിങ്ങളു​ടെ ആന്തരം നിങ്ങളെ ‘സത്യവ​ചനം യഥാർത്ഥ​മാ​യി പ്രസം​ഗി​ക്കാൻ കഴിവുള്ള’ ഒരു നല്ല മനുഷ്യ​നാ​ക്കി​ത്തീർക്കേ​ണ്ട​തിന്‌ അതിലെ ശാസന​ങ്ങ​ളും പഠിപ്പി​ക്ക​ലു​ക​ളും നിങ്ങളു​ടെ ദൈനം​ദിന ജീവി​ത​ത്തിൽ ബാധക​മാ​ക്കുക എന്നതാ​യി​രി​ക്കണം.—2 തിമൊ​ഥെ​യോസ്‌ 2:15; സദൃശ​വാ​ക്യ​ങ്ങൾ 2:1-22.

കൂടാതെ, അതിന്റെ താളു​ക​ളിൽ ചരി​ത്ര​ത്തിൽ നിവൃ​ത്തി​യേ​റി​ക്ക​ഴിഞ്ഞ ദൈവ​നി​ശ്വസ്‌ത പ്രവച​ന​ങ്ങ​ളും നമ്മുടെ നൂററാ​ണ്ടിൽ നിവൃ​ത്തി​യേ​റി​ക്കൊ​ണ്ടി​രി​ക്കുന്ന മററു പ്രവച​ന​ങ്ങ​ളും കാണ​പ്പെ​ടു​ന്നു. ബൈബിൾ പ്രവച​ന​ങ്ങ​ളു​ടെ ഒരു പഠനം ഇപ്പോ​ഴത്തെ ലോകാ​വ​സ്ഥ​ക​ളു​ടെ—യുദ്ധങ്ങൾ, ക്ഷാമങ്ങൾ, കുടും​ബ​ത്ത​കർച്ചകൾ, അക്രമാ​സ​ക്ത​മായ കുററ​കൃ​ത്യ​ങ്ങൾ—അർത്ഥവും അവ നിമിത്തം ഉൽക്കണ്‌ഠ​ക​ളിൽ എങ്ങനെ കുടു​ങ്ങി​പ്പോ​കാ​തി​രി​ക്കാ​മെ​ന്നും ഗ്രഹി​ക്കു​ന്ന​തിന്‌ ഒരുവനെ സഹായി​ക്കു​ന്നു. (ലൂക്കോസ്‌ 21:10, 11, 25-28) ഇങ്ങനെ, ഏതൽക്കാല പ്രശ്‌ന​ങ്ങൾക്കുള്ള യഹോ​വ​യു​ടെ പരിഹാ​ര​ങ്ങ​ളാൽ, കാലത്തി​ന്റെ നീരൊ​ഴു​ക്കിൽ നാം എവി​ടെ​യാ​ണെ​ന്നും ഭാവി​ക്കു​വേണ്ടി നമുക്ക്‌ എങ്ങനെ വിജയ​പ്ര​ദ​മാ​യി ആസൂ​ത്രണം ചെയ്യാ​മെ​ന്നും വെളി​പ്പെ​ടു​ത്തുന്ന പരിഹാ​ര​ങ്ങ​ളാൽ, നാം പ്രബു​ദ്ധ​രാ​യി​ത്തീ​രു​ന്നു. ആ പരിഹാ​രങ്ങൾ ‘വിശ്വ​സ്‌ത​നും വിവേ​കി​യു​മായ അഭിഷിക്ത അടിമ’വർഗ്ഗമാ​കുന്ന സരണി​യി​ലൂ​ടെ നമുക്കു ലഭ്യമാ​കു​ന്നു, അത്‌ അതിന്റെ പ്രസി​ദ്ധീ​കരണ ഏജൻസി​യാ​യി ഉപയോ​ഗി​ക്കു​ന്നതു വാച്ച്‌ടവർ സൊ​സൈ​റ​റി​യെ​യാണ്‌—മത്തായി 24:45-47; 2 പത്രൊസ്‌ 1:19.

സങ്കീർത്ത​നം 119:105 പറയുന്നു: “നിന്റെ വചനം എന്റെ കാലിന്നു ദീപവും എന്റെ പാതെക്കു പ്രകാ​ശ​വു​മാ​കു​ന്നു.” അതു​കൊണ്ട്‌, ബൈബി​ളിൽ കാണ​പ്പെ​ടുന്ന ജ്ഞാന​മൊ​ഴി​കൾ ക്രമമാ​യി പഠിക്കു​ക​യും അതു ബാധക​മാ​ക്കു​ക​യും ചെയ്യുന്ന ആളുകൾ ദൈവ​ത്തി​ന്റെ ഇഷ്ടവും ഉദ്ദേശ്യ​വും ഗ്രഹി​ക്കു​ക​യും, ഫലത്തിൽ ഇന്നത്തെ ധാർമ്മിക ചെളി​ക്കു​ണ്ടി​ലൂ​ടെ തങ്ങളുടെ ദൈനം​ദിന ജീവി​തത്തെ നയിക്കുന്ന പ്രകാ​ശി​ത​മായ പാത ഉണ്ടായി​രി​ക്കു​ക​യും ചെയ്യു​ന്ന​വ​രിൽ ഉൾപ്പെ​ടും. (g91 10/8)