ശരീര​ത്തി​ന്റെ മുന്നറി​യി​പ്പു​കളെ ശ്രദ്ധിക്കൽ

അയർലണ്ടിലെ ഉണരുക! ലേഖകൻ എഴുതി​യത്‌

യൂനാ​യ്‌ക്കും അവളുടെ ഭർത്താവ്‌ റോണി​നും ആ അനുഭവം ഭയജന​ക​വും വേദനാ​ജ​ന​ക​വും ആയിരു​ന്നു. ഒരു ജനുവ​രി​മാ​സ​ക്കു​ളിർരാ​വിൽ യൂനാ തളർന്നു​വീ​ണു. റോൺ ഡോക്ടറെ വിളി​പ്പി​ച്ചു, അവളുടെ ഗർഭപാ​ത്രത്തെ ബാധിച്ച ഹോർമോ​ണി​ന്റെ അസന്തു​ലി​താ​വ​സ്ഥ​യാണ്‌ പ്രശ്‌ന​മെന്നു കരുതിയ അദ്ദേഹം അവളെ ആശുപ​ത്രി​യിൽ കൊണ്ടു​പോ​കാൻ ആവശ്യ​പ്പെട്ടു. രക്തം പൊയ്‌ക്കൊ​ണ്ടി​രി​ക്കു​ക​യും വേദന​കൊ​ണ്ടു പുളയു​ക​യു​മാ​യി​രുന്ന തന്റെ ഭാര്യയെ റോൺ കുണ്ടും കുഴി​യും നിറഞ്ഞ, വെളി​ച്ച​മി​ല്ലാഞ്ഞ പർവ്വത​പ്ര​ദേ​ശത്തെ പാതക​ളി​ലൂ​ടെ 80 കിലോ​മീ​ററർ അകലെ​യുള്ള ഒരു ആശുപ​ത്രി​യി​ലേക്കു കാറിൽ കൊണ്ടു​പോ​യി.

എന്നാൽ, ആ ആശുപ​ത്രി​യിൽ ഈ പ്രശ്‌ന​ത്തിന്‌ ചികി​ത്സി​ക്കു​ന്ന​തി​നു കഴിഞ്ഞില്ല, അതിനാൽ അതിന​ടു​ത്തുള്ള ആധുനി​ക​മായ ഒരു വലിയ ആശുപ​ത്രി​യി​ലേക്കു അവൾ മാററ​പ്പെട്ടു. അവിടെ അവൾക്കു വിജയ​പൂർവ്വം ശസ്‌ത്ര​ക്രിയ നടത്തു​ക​യും അവൾ നന്നായി സുഖം പ്രാപി​ക്കു​ക​യും ചെയ്‌തു.

യൂനാ​യു​ടെ ജീവൻ രക്ഷിച്ച ആശുപ​ത്രി​ജോ​ലി​ക്കാ​രോട്‌ അവരുടെ വൈദ​ഗ്‌ദ്ധ്യ​ത്തി​നും സംരക്ഷ​ണ​ത്തി​നും വേണ്ടി റോണും യൂനാ​യും നന്ദിയു​ള്ള​വ​രാ​യി​രു​ന്നു. അവർ ബോധം കെടു​ത്തുന്ന ആളി​നോ​ടു നന്ദി പ്രകടി​പ്പി​ച്ചു​കൊ​ണ്ടി​രി​ക്കവേ, കാര്യങ്ങൾ ഇങ്ങനെ നന്നായി പരിണ​മി​ച്ച​തിൽ താൻ എത്രയോ സന്തുഷ്ട​നാ​യി​രു​ന്നെന്ന്‌ അദ്ദേഹം പറഞ്ഞു. അതിനു ശേഷം അദ്ദേഹം രസകര​മായ ഒരു അഭി​പ്രാ​യം കൂടി പറഞ്ഞു: “സ്‌ത്രീ​രോ​ഗ​സം​ബ​ന്ധ​മായ വളരെ ചുരുക്കം ചില പ്രശ്‌ന​ങ്ങളേ ഇങ്ങനെ പെട്ടെന്നു പൊട്ടി​പ്പു​റ​പ്പെ​ടാ​റു​ള്ളു. മിക്കതും വളരെ മുമ്പേ​തന്നെ സൂചനകൾ നൽകാ​റുണ്ട്‌.” അദ്ദേഹം എന്താണ്‌ അർത്ഥമാ​ക്കി​യത്‌?

മുന്നറി​യി​പ്പിൻ സൂചനകൾ

തനിക്കു രണ്ടു വർഷം മുമ്പ്‌ കുഴപ്പം ഉണ്ടായി​ട്ടു​ണ്ടെന്നു യൂനാ വിശദീ​ക​രി​ക്കു​ന്നു. ആർത്തവ​സ​മ​യത്ത്‌ അവൾ ആയാസ​ക​ര​മായ എന്തെങ്കി​ലും ചെയ്‌താൽ മാത്രമേ രക്തസ്രാ​വം ഉണ്ടാകു​മാ​യി​രു​ന്നു​ള്ളു, അത്‌ ഏറെയും കട്ടച്ചോ​ര​യു​മാ​യി​രു​ന്നു. അവൾ പറയുന്നു: “ഞാൻ വൈദ്യ​നിർദ്ദേശം തേടേ​ണ്ട​താ​യി​രു​ന്നു, എന്നാൽ ഞാൻ കുറച്ചു നേര​ത്തേ​ത​ന്നെ​യുള്ള ആർത്തവ​വി​രാമ ഘട്ടത്തി​ലൂ​ടെ കടന്നു​പോ​വു​ക​യാ​യി​രു​ന്നു എന്നു കരുതി ശ്രദ്ധി​ച്ച​തേ​യില്ല. പക്ഷേ, ജനുവ​രി​യിൽ എന്റെ മാസമുറ രണ്ടു ദിവസ​ത്തി​നു​ശേഷം നിന്നു​പോ​യി, എന്നാൽ മൂന്നു ദിവസ​ത്തി​നു​ശേഷം അതു വളരെ കഠിന​മായ രക്തസ്രാ​വ​ത്തോ​ടെ​യും വലിയ കട്ടക​ളോ​ടെ​യും പുനരാ​രം​ഭി​ച്ചു. ഞാൻ യഥാർത്ഥ​ത്തിൽ ഉൽക്കണ്‌ഠ​പ്പെ​ട്ടില്ല, എന്നാൽ രണ്ടാം ദിവസം തീരെ അസുഖ​മാ​യ​തി​നാൽ ഞാൻ ശയ്യാവ​ലം​ബി​യാ​കേണ്ടി വന്നു. എന്നാൽ അപ്പോ​ഴും ഞങ്ങൾ ഒരു ഡോക്ടറെ വിളി​ച്ചില്ല. ആ രാത്രി​യി​ലാ​യി​രു​ന്നു എന്നെ പെട്ടെന്ന്‌ ആശുപ​ത്രി​യിൽ എത്തി​ക്കേ​ണ്ടി​വ​ന്നത്‌.”

ജീവനെ ഭീഷണി​പ്പെ​ടു​ത്തുന്ന ഒരു അടിയ​ന്തിര സംഭവ​മാ​യി അവളുടെ അനുഭവം ഉരുത്തി​രി​യു​ന്നത്‌ ഒഴിവാ​ക്കാ​മാ​യി​രു​ന്നോ? രോഗ​ത്തി​ന്റെ അടയാ​ള​മാ​യി എന്തിനു​വേണ്ടി നോക്ക​ണ​മെന്ന്‌ അറിയു​ക​യും പെട്ടെന്നു പ്രവർത്തി​ക്കു​ക​യും ചെയ്‌തി​രു​ന്നെ​ങ്കിൽ അത്‌ ഒരുപക്ഷേ സാധ്യ​മാ​യി​രു​ന്നു എന്നു അവൾ വിചാ​രി​ക്കു​ന്നു. അവൾ പറയുന്നു, “നിർഭാ​ഗ്യ​വ​ശാൽ മാസമു​റ​യു​മാ​യി ബന്ധപ്പെട്ട എന്തി​നെ​യും കാര്യ​മാ​യി എടുക്കാ​തെ അനേകം സ്‌ത്രീ​ക​ളെ​പ്പോ​ലെ ഞാനും അതിനെ എപ്പോ​ഴും നിസ്സാ​ര​മാ​യി തള്ളി.” വാസ്‌ത​വ​ത്തിൽ യൂനാ​യു​ടെ ലക്ഷണങ്ങൾ സത്വര​ശ്രദ്ധ ആവശ്യ​മാ​ക്കി​ത്തീർക്കുന്ന സാധാരണ ഗർഭാ​ശ​യ​രോ​ഗ​ത്തി​ന്റേ​താ​യി​രു​ന്നു.

ഗർഭം​ധ​രി​ക്കു​ന്ന പ്രായ​ത്തി​ലുള്ള സ്‌ത്രീ​കൾക്ക്‌ ഓരോ മാസവും പൊതു​വായ ആരോ​ഗ്യ​ത്തി​ന്റെ ഒരു സൂചന​യുണ്ട്‌: ആർത്തവം എന്ന സ്വാഭാ​വിക പ്രക്രിയ. കാര്യ​മായ ഏതു ക്രമ​ക്കേ​ടും ഫലത്തിൽ ഒരു മുന്നറി​യി​പ്പിൻ അടയാ​ള​മാണ്‌. ചില കേസു​ക​ളിൽ മുന്നറി​യി​പ്പു ശ്രദ്ധി​ക്കു​ന്ന​തി​ലുള്ള താമസം ഏറെ ക്രമമായ വൈദ്യ​ചി​കിൽസക്കു പകരം ഒരു ശസ്‌ത്ര​ക്രിയ ആവശ്യ​മാ​ക്കി​ത്തീർത്തേ​ക്കാം.

പിന്നെ എന്തു​കൊ​ണ്ടാണ്‌ ഈ അടയാ​ള​ങ്ങളെ മിക്ക​പ്പോ​ഴും അവഗണി​ക്കു​ക​യോ ഗൗരവം കുറച്ചു​കാ​ണു​ക​യോ ചെയ്യു​ന്നത്‌? അനേകം കുടും​ബ​ങ്ങ​ളി​ലും ഭാര്യ​യാ​ണു കുടും​ബ​ത്തി​ലെ ആഹാര​ക്രമം തയ്യാറാ​ക്കു​ന്ന​തും മരുന്നു കൊടു​ക്കു​ന്ന​തും കുടും​ബ​ത്തി​ന്റെ ആരോ​ഗ്യ​സ്ഥി​തി പരി​ശോ​ധി​ക്കു​ന്ന​തും. ഇതിനി​ട​യിൽ അവൾ തന്റെ തന്നെ പ്രശ്‌ന​ങ്ങളെ അവഗണി​ച്ചേ​ക്കാം. ഒരുപക്ഷേ, യൂനാ​യു​ടെ കാര്യ​ത്തി​ലെ​ന്ന​പോ​ലെ അവൾ തന്റെ ലക്ഷണങ്ങ​ളു​ടെ അർത്ഥം സംബന്ധിച്ച്‌ നിശ്ചയ​മി​ല്ലാ​ത്ത​വ​ളാ​യി​രി​ക്കാം. അല്ലെങ്കിൽ ആരോ​ഗ്യ​പ​രി​പാ​ല​ന​ത്തി​നുള്ള പണം പരിമി​ത​മാ​യി​രി​ക്കാം. മാത്രമല്ല, തന്റെ സ്വന്തം പ്രശ്‌നങ്ങൾ എങ്ങനെ​യെ​ങ്കി​ലും നേരേ​യാ​യി​ക്കൊ​ള്ളും എന്നു പ്രതീ​ക്ഷി​ച്ചു​കൊണ്ട്‌ അവൾ തന്റെ കുട്ടി​കൾക്കും ഭർത്താ​വി​നും മുൻഗണന നൽകു​ക​യും ചെയ്‌തേ​ക്കാം. അവൾ ഭാവന​യിൽ കാണുന്ന ആശുപ​ത്രി​യി​ലെ സംഘർഷാ​വ​സ്ഥ​യെ​ക്കാൾ ഇപ്പോ​ഴത്തെ അസുഖത്തെ കൂടുതൽ ഇഷ്ടപ്പെ​ട്ടു​കൊണ്ട്‌ ഭയം പ്രകട​മാ​ക്കി​യേ​ക്കാം. അവൾ തന്റെ സ്വന്തം ക്ഷേമത്തി​നു​വേണ്ടി സമയ​മെ​ടു​ക്കാൻ കഴിയാ​ത്ത​വ​ളോ മനസ്സി​ല്ലാ​ത്ത​വ​ളോ ആയ ലൗകിക ജോലി​യുള്ള ഒരമ്മയു​മാ​യി​രു​ന്നേ​ക്കാം.

അനേകം ഭാര്യ​മാ​രു​ടേ​യും കാര്യ​ത്തിൽ തങ്ങളുടെ ആരോ​ഗ്യ​പ്ര​ശ്‌നങ്ങൾ മൂലമുള്ള യാതന ഒററക്ക​നു​ഭ​വി​ക്കാൻ അവർ വിട​പ്പെ​ട്ടി​രി​ക്ക​യാ​ണെന്നു ഡോക്ടർമാർ പറയുന്നു. അവളുടെ ഭർത്താവ്‌ ഒരുപക്ഷേ, “സ്‌ത്രീ​ക​ളു​ടെ പ്രശ്‌നങ്ങൾ” സംബന്ധിച്ച്‌ സാധാ​ര​ണ​യിൽ കവിഞ്ഞ താൽപ​ര്യ​മി​ല്ലാ​ത്ത​വ​നാ​യി​രി​ക്കാം. എന്നാൽ തങ്ങളുടെ ഭാര്യ​മാ​രെ സ്‌നേ​ഹി​ക്കുന്ന ഭർത്താ​ക്കൻമാർ അവരുടെ ക്ഷേമത്തിൽ ജാഗരൂ​ക​രാ​യി​രി​ക്കാൻ തക്കവണ്ണം ഇക്കാര്യ​ങ്ങ​ളെ​പ്പ​ററി അറിവു സമ്പാദി​ക്കും. പുരു​ഷൻമാ​രെ ബൈബിൾ ഇങ്ങനെ ബുദ്ധ്യു​പ​ദേ​ശി​ക്കു​ന്നു: “എന്നാൽ നിങ്ങളും അങ്ങനെ തന്നേ ഓരോ​രു​ത്തൻ താന്താന്റെ ഭാര്യയെ തന്നെ​പ്പോ​ലെ തന്നെ സ്‌നേ​ഹി​ക്കേണം.” (എഫേസ്യർ 5:28, 33, NW) തന്നിമി​ത്തം ഭർത്താ​ക്കൻമാർക്കും പിതാ​ക്കൻമാർക്കും എങ്ങനെ​യാണ്‌ അനാവ​ശ്യ​മായ അടിയ​ന്തിര ഘട്ടങ്ങൾ ഒഴിവാ​ക്കു​ന്ന​തി​നു തങ്ങളുടെ ഭാര്യ​മാ​രെ​യും പെൺമ​ക്ക​ളെ​യും സഹായി​ക്കാൻ കഴിയു​ന്നത്‌?

സൂചന​കൾക്കു​വേണ്ടി നോക്കുക

മുന്നറി​യി​പ്പിൻ സൂചന​ക​ളാ​യി​രു​ന്നേ​ക്കാ​വുന്ന അസാധാ​ര​ണ​മായ സംഭവങ്ങൾ സംബന്ധി​ച്ചു ജാഗ്ര​ത​യു​ള്ള​വ​രാ​യി​രി​ക്കുക. ഉദാഹ​ര​ണ​ത്തിന്‌, വേദന​യോ​ടെ​യ​ല്ലെ​ങ്കിൽ പോലും ക്രമം​വി​ട്ടുള്ള രക്തം​പോ​ക്കോ പ്രസ്രാ​വ​മോ ഉണ്ടാകു​മ്പോൾ അതു പരി​ശോ​ധി​പ്പി​ക്കണം.a അസാധാ​ര​ണ​മായ ക്ഷീണമോ വലിയ തോതി​ലുള്ള രക്തനഷ്ട​മോ മൂത്രം ഒഴിക്കു​ന്ന​തി​ലുള്ള പ്രശ്‌ന​ങ്ങ​ളോ ആയാലും അങ്ങനെ തന്നെ ചെയ്യണം. ഇവ നേരത്തെ കണ്ടുപി​ടി​ക്ക​പ്പെ​ട്ടാൽ വളരെ അനായാ​സം കൈകാ​ര്യം ചെയ്യാ​വുന്ന ഗർഭാ​ശ​യ​ഭി​ത്തി​യി​ലെ വീക്കത്തി​ന്റെ ലക്ഷണങ്ങ​ളാ​യി​രി​ക്കാം.

സ്ഥിരമാ​യു​ള്ള പുറം​വേദന, യോനി​യിൽ അനുഭ​വ​പ്പെ​ടുന്ന സമ്മർദ്ദം, അദ്ധ്വാ​നി​ക്കു​മ്പോൾ മൂത്രം ഒഴുകി​പ്പോ​വുക എന്നിവ അവഗണി​ക്കാ​വു​ന്ന​വയല്ല. ആദ്യകാ​ല​ത്താ​ണെ​ങ്കിൽ ശാരീ​രിക വ്യായാ​മ​ത്താൽ പലപ്പോ​ഴും ശരി​പ്പെ​ടു​ത്താൻ പററു​ന്ന​തും എന്നാൽ പിന്നീ​ടാ​യാൽ ശസ്‌ത്ര​ക്രിയ ചെയ്യേ​ണ്ട​തു​മായ ഒരു അവസ്ഥയെ ഇവ സൂചി​പ്പി​ക്കു​ന്നു.b

ഇത്തരം ലക്ഷണങ്ങ​ളോ​ടു പ്രതി​ക​രി​ക്കു​ന്നതു കൂടാതെ, 25 വയസ്സിനു മേലുള്ള സ്‌ത്രീ​കൾ ക്രമമായ ഒരു വൈദ്യ​പ​രി​ശോ​ധന നടത്തു​ന്നത്‌, പ്രത്യേ​കി​ച്ചും സ്‌തനങ്ങൾ, അടിവ​യ​റ​റി​ലെ​യും വസ്‌തി​പ്ര​ദേ​ശ​ത്തെ​യും ശരീരാ​വ​യ​വങ്ങൾ എന്നിവക്കു പ്രാധാ​ന്യം നൽകി​ക്കൊ​ണ്ടു പരി​ശോ​ധന നടത്തു​ന്നത്‌, വളരെ അഭികാ​മ്യ​മാണ്‌. ഇതു രണ്ടു വർഷത്തി​ലൊ​രി​ക്ക​ലോ, ഒരു സ്‌ത്രീ​യു​ടെ കുടും​ബ​പ​ര​വും വ്യക്തി​പ​ര​വു​മായ ആരോ​ഗ്യ​ച​രി​ത്രം സൂചി​പ്പി​ക്കു​മ്പോ​ഴൊ​ക്കെ​യോ ചെയ്യാ​വു​ന്ന​താണ്‌.

ആ പ്രത്യേക സമയങ്ങ​ളിൽ

ഒരു സ്‌ത്രീ​യു​ടെ ജീവി​ത​ത്തിൽ അവളെ സ്‌നേ​ഹി​ക്കു​ന്നവർ അവൾക്കു പ്രത്യേക ശ്രദ്ധ നൽകേണ്ട മൂന്നു ഘട്ടങ്ങൾ കൂടി ഓർമ്മി​ക്കുക: പ്രഥമാർത്തവം (ആർത്തവം ആരംഭി​ക്കുന്ന കാലം); പ്രസവം; ആർത്തവ​വി​രാ​മം (ആർത്തവം നിലയ്‌ക്കുന്ന കാലം). ഈ ഓരോ ഘട്ടത്തി​ലും, സത്വര​മായ വൈ​ദ്യോ​പ​ദേ​ശ​ത്തി​നോ ചികിൽസ​ക്കോ ഒരു അടിയ​ന്തി​രാ​വ​സ്ഥയെ ഒഴിവാ​ക്കാൻ കഴിയുന്ന സന്ദർഭങ്ങൾ സംജാ​ത​മാ​യേ​ക്കാം.

പ്രഥമാർത്ത​വം: തങ്ങളുടെ ശരീര​ത്തി​ന്റെ പ്രവർത്ത​നങ്ങൾ മനസ്സി​ലാ​ക്കു​ന്ന​തി​നു സഹായി​ക്കു​ന്ന​തി​നും ആർത്തവ​ത്തി​ന്റെ ശക്തമായ തുടക്കം അനായാ​സം ഗ്രഹി​ക്കു​ന്ന​തി​നും കൗമാ​ര​പ്രാ​യ​ത്തി​ലുള്ള പെൺകു​ട്ടി​കൾക്ക്‌ ആരോഗ്യ വിദ്യാ​ഭ്യാ​സ​ത്തി​ന്റെ ആവശ്യ​മുണ്ട്‌. മാതാ​പി​താ​ക്കൾ, പ്രത്യേ​കി​ച്ചും അമ്മമാർ തങ്ങളുടെ പെൺമ​ക്ക​ളു​മാ​യി ഒന്നു​മൊ​ളി​ക്കാ​തെ തുറന്ന ചർച്ചകൾ നടത്തേ​ണ്ട​താണ്‌. ഒരു പ്രശ്‌ന​മു​ണ്ടെ​ങ്കിൽ, പെൺകു​ട്ടി​കൾ എന്തു കുഴപ്പം പററി​യെന്നു ലജ്ജാപൂർവ്വം അമ്പരക്കാ​നോ മാസത്തി​ന്റെ ആ സമയത്തു താൻ പ്രയാ​സ​മേ​റിയ ആർത്തവ​മോ കഠിന​മായ വേദന​യോ അനുഭ​വി​ക്കണം എന്നു ചിന്തി​ക്കു​ന്ന​തി​നോ ഇടവരു​ത്ത​രുത്‌. അവരുടെ മാതാ​പി​താ​ക്കൾക്കു സഹായി​ക്കാൻ പ്രാപ്‌തി​യി​ല്ലെ​ങ്കിൽ ഒരുപക്ഷേ, പ്രായ​മായ ഏതെങ്കി​ലും സ്‌ത്രീ-സുഹൃ​ത്തു​ക്കൾക്ക്‌ ഉചിത​മായ വൈദ്യ​ചി​കിത്സ സംബന്ധി​ച്ചു മാർഗ്ഗ​നിർദ്ദേശം നൽകാ​വു​ന്ന​താണ്‌.

തന്റെ ആർത്തവ​കാ​ലങ്ങൾ സാധാ​ര​ണ​മാ​ണോ എന്നു ചെറു​പ്പ​മായ ഒരു സ്‌ത്രീ​ക്കു എങ്ങനെ അറിയാൻ കഴിയും? ഒരേ വ്യക്തി​യിൽ തന്നെ അവയ്‌ക്കു മാററം വരാം. ആർത്തവ​ത്തി​ലെ ക്രമമി​ല്ലായ്‌മ പ്രഥമാർത്ത​വ​ത്തി​നു ശേഷം ആദ്യത്തെ ആറു മാസം മുതൽ ഒരു വർഷം വരെ (ചിലരു​ടെ കാര്യ​ത്തിൽ രണ്ടു വർഷം വരെ പോലും) സാധാ​ര​ണ​മാണ്‌. ഇതിന്റെ കാരണം സാധാ​ര​ണ​യാ​യി ഹോർമോ​ണി​ന്റെ നിസ്സാ​ര​മായ മാററ​ങ്ങ​ളാണ്‌. ഈ ആദ്യവർഷ​ങ്ങൾക്കു​ശേഷം ആർത്തവ​ച​ക്ര​ത്തി​ന്റെ ദൈർഘ്യ​ത്തി​ലോ രക്തസ്രാ​വ​ത്തി​ന്റെ സ്വഭാ​വ​ത്തി​ലോ വല്ലപ്പോ​ഴു​മുള്ള വ്യതി​യാ​നം സാധാ​ര​ണ​മാ​യി​ട്ടാണ്‌ കണക്കാ​ക്ക​പ്പെ​ടു​ന്നത്‌. ഇതിലും അധിക​മായ വ്യതി​യാ​ന​ങ്ങൾക്ക്‌ ഒരു വൈദ്യ​പ​രി​ശോ​ധ​ന​യ്‌ക്കുള്ള ഒരു മുന്നറി​യി​പ്പിൻ സൂചന​യാ​യി​രി​ക്കാൻ കഴിയും.

ആരോ​ഗ്യ​വി​ദ്യാ​ഭ്യാ​സ​ത്തി​നു ഭാഗി​ക​മാ​യി ആഹാര​ക്ര​മ​വു​മാ​യും ബന്ധമുണ്ട്‌. പോഷ​ണ​ത്തെ​ക്കാൾ രുചിക്കു ഊന്നൽ നൽകുന്ന ഗുണം കുറഞ്ഞ ഭക്ഷണവും തൂക്കം കൂടു​മെന്ന സാധാ​ര​ണ​യിൽ കവിഞ്ഞ ഉത്‌ക്ക​ണ്‌ഠ​യും, മിക്ക​പ്പോ​ഴും അനേകം പോഷ​ക​ങ്ങ​ളു​ടെ പ്രത്യേ​കി​ച്ചും കാത്സ്യ​ത്തി​ന്റെ​യും ഇരുമ്പി​ന്റെ​യും ഉചിത​മായ അളവു ലഭിക്കു​ന്ന​തിൽ നിന്നു കൗമാ​ര​പ്രാ​യ​ത്തി​ലുള്ള പെൺകു​ട്ടി​കളെ തടയുന്നു. ക്രമമായ അണ്‌ഠോൽപാ​ദന ചക്രങ്ങൾ ഇനിയും സ്ഥിരമാ​കാത്ത ചെറു​പ്പ​ക്കാ​രായ സ്‌ത്രീ​കൾക്ക്‌ ആർത്തവ​കാ​ലത്തു മിക്ക​പ്പോ​ഴും ശരാശ​രി​യേ​ക്കാൾ കൂടുതൽ രക്തസ്രാ​വ​മു​ണ്ടാ​കു​ന്നു, ഇത്‌ ഇരുമ്പി​ന്റെ ആവശ്യകത വർദ്ധി​പ്പി​ക്കു​ക​യും ചെയ്യുന്നു. അതു​കൊണ്ട്‌, സമീകൃ​ത​മായ നല്ല ആഹാരങ്ങൾ കഴിക്കു​ന്ന​തും ഉയർന്ന​തോ​തിൽ സംസ്‌ക​രി​ക്ക​പ്പെട്ട ധാരാളം ആഹാര​പ​ദാർത്ഥങ്ങൾ ഒഴിവാ​ക്കു​ന്ന​തും പ്രധാ​ന​മാണ്‌. ചില​പ്പോൾ ഇരുമ്പി​ന്റെ അനുപൂ​ര​കങ്ങൾ ശുപാർശ ചെയ്യ​പ്പെ​ട്ടേ​ക്കാം.

പ്രസവം: പ്രസവ​ചി​കി​ത്സാ​വി​ദ​ഗ്‌ദ്ധർ ഗർഭി​ണി​ക​ളായ സ്‌ത്രീ​കൾക്കു പ്രസവ​ത്തി​നു വളരെ മുമ്പേ​യുള്ള ഒരു പരി​ശോ​ധന ശുപാർശ​ചെ​യ്യു​ന്നു. ഇരുമ്പോ ഫോളിക്ക്‌ ആസിഡോ പോലുള്ള അനുപൂ​ര​കങ്ങൾ ആവശ്യ​മാ​ണോ എന്നു അവർക്കു പരി​ശോ​ധി​ക്കാൻ കഴിയും. ഗർഭി​ണി​യായ ഒരു സ്‌ത്രീക്ക്‌ രക്തസ്രാ​വ​മു​ണ്ടാ​കാ​നുള്ള സാധ്യത വളരെ​യാ​യ​തി​നാൽ മുന്നറി​യി​പ്പിൻ സൂചനകൾ ശ്രദ്ധി​ക്കു​ന്നതു വളരെ​യേറെ പ്രധാ​ന​മാണ്‌.

ഗർഭകാ​ല​ത്തു​ണ്ടാ​കുന്ന അതിനി​സ്സാര രക്തം​പോ​ക്കു പോലും ഒരു വൈദ്യ​നിർണ്ണയം ആവശ്യ​മാ​ക്കു​ന്നു. ഈ സമയത്തുള്ള മററ്‌ അപകട സൂചനകൾ ഇടുപ്പു​വേദന, മൂത്ര​ത്തി​ലെ രക്തത്തിന്റെ അംശം, മൂത്രം ഒഴിക്കു​മ്പോൾ വേദന എന്നിവ​യാണ്‌. എന്നാൽ എന്തെങ്കി​ലും ക്രമരാ​ഹി​ത്യ​മോ ലക്ഷണങ്ങ​ളോ ഉണ്ടെങ്കിൽ പ്രസവ​ചി​കി​ത്സാ​വി​ദ​ഗ്‌ദ്ധനെ നേരത്തെ അറിയി​ക്കണം. പണം കുറവാ​യി​രി​ക്കു​മ്പോൾ താനു​മാ​യി “ഒരു ദേഹ”മായി​ത്തീർന്നി​രി​ക്കു​ന്ന​വ​ളു​ടെ ജീവൻ അപകട​ത്തി​ലേക്കു വഴുതി​മാ​റാൻ അനുവ​ദി​ക്കാ​തെ അവളുടെ ആരോ​ഗ്യ​വും ജീവനും സംബന്ധിച്ച്‌ ഒരു ഭർത്താ​വി​നു പ്രത്യേക ഉത്തരവാ​ദി​ത്വ​മുണ്ട്‌.—മത്തായി 19:5, 6; എഫേസ്യർ 5:25.

ആർത്തവ​വി​രാ​മം: ഇതു ആർത്തവ​ച​ക്രങ്ങൾ സ്വാഭാ​വി​ക​മാ​യി പൂർണ്ണ​മാ​യും നിലയ്‌ക്കു​ന്ന​തി​നുള്ള വൈദ്യ​സം​ബ​ന്ധ​മായ പദമാണ്‌. ഈ ഘട്ടം സന്നിഗ്‌ദ്ധ​ദ​ശാ​സന്ധി അഥവാ ജീവി​ത​വ്യ​തി​യാ​നം എന്നും അറിയ​പ്പെ​ടു​ന്നു. ഇത്‌ ഒരു സ്‌ത്രീ​യു​ടെ ജീവി​ത​ത്തി​ലെ സ്വാഭാ​വി​ക​മായ ഒരു ഘട്ടമാണ്‌. വിശാ​ല​മായ ഒരു അർത്ഥത്തിൽ ഇത്‌ ഈ സ്വാഭാ​വിക സംഭവ​ത്തി​ന്റെ മുമ്പും പിമ്പു​മുള്ള മാസങ്ങ​ളെ​യോ വർഷങ്ങ​ളെ​യോ അർത്ഥമാ​ക്കാ​നി​ട​യാ​യി​രി​ക്കു​ന്നു. ഈ ഘട്ടത്തിൽ അനേകം സ്‌ത്രീ​കൾ ക്രമം​വി​ട്ടുള്ള ആർത്തവ​ര​ക്തം​പോക്ക്‌, പുകച്ചിൽ എന്നിങ്ങ​നെ​യുള്ള അസ്വസ്ഥ​ക​ര​മായ ശാരീ​രിക ലക്ഷണങ്ങൾ അനുഭ​വി​ക്കു​ന്നു, എന്നാൽ ഇവ കാല​ക്ര​മ​ത്തിൽ നിന്നു​പോ​കും. തുടർന്നു​നിൽക്കു​ന്ന​തോ ക്രമാ​തീ​ത​മോ ആയ രക്തം​പോ​ക്കോ, അവസാ​ന​ത്തേ​തെന്നു തോന്നിയ ആർത്തവ​കാ​ല​ത്തിന്‌ ആറോ അതില​ധി​ക​മോ മാസങ്ങൾക്കു ശേഷം മറെറാ​രു ആർത്തവ​കാ​ല​മോ ഉണ്ടാവു​ക​യാ​ണെ​ങ്കിൽ പെട്ടെന്നു ഒരു ഡോക്ടറെ കാണേ​ണ്ട​തുണ്ട്‌.

എല്ലാ അടിയ​ന്തി​ര​ഘ​ട്ട​ങ്ങ​ളും മുൻകൂ​ട്ടി​ക്കാ​ണാൻ കഴിയി​ല്ലെ​ന്നു​ള്ളതു സത്യം തന്നെ. “കാലവും മുൻകൂ​ട്ടി​ക്കാ​ണാത്ത സംഭവ​വും” എല്ലാവർക്കും നേരി​ടു​ന്നു. (സഭാ​പ്ര​സം​ഗി 9:11, NW) പക്ഷേ, അനസ്‌തെ​റ​റി​സ്‌ററ്‌ യൂനാ​യോ​ടു പറഞ്ഞതു​പോ​ലെ: “സ്‌ത്രീ​രോ​ഗ​സം​ബ​ന്ധ​മായ വളരെ ചുരുക്കം പ്രശ്‌ന​ങ്ങളേ ഇങ്ങനെ പെട്ടെന്നു പൊട്ടി​പ്പു​റ​പ്പെ​ടാ​റു​ള്ളു.” നല്ല ആരോ​ഗ്യ​വി​ദ്യാ​ഭ്യാ​സ​ത്തി​നും ശരീര​ത്തി​ന്റെ യാന്ത്രി​ക​പ്ര​ക്രി​യ​ക​ളേ​പ്പ​റ​റി​യുള്ള ഒരു ബോധ​ത്തി​നും സ്‌ത്രീ​കളെ സാധ്യ​ത​യുള്ള സ്‌ത്രീ​രോ​ഗ​സം​ബ​ന്ധ​മായ ഒരു അടിയ​ന്തി​ര​ഘ​ട്ട​ത്തിൽ നിന്നു സംരക്ഷി​ക്കാൻ കഴിയും. ഒരു വിഷമ​ഘ​ട്ടത്തെ നേരി​ടേ​ണ്ടി​വ​രു​ന്ന​തു​വരെ മുന്നറി​യി​പ്പു​കളെ അവഗണി​ക്കു​ന്ന​തി​നെ​ക്കാൾ ഒരു അടിയ​ന്തി​ര​ഘ​ട്ടത്തെ ഒഴിവാ​ക്കു​ന്ന​താണ്‌ ഭേദം. അതിനാൽ ഭാര്യ​മാ​രും ഭർത്താ​ക്കൻമാ​രു​മാ​യു​ള്ളോ​രേ, ശരീര​ത്തി​ന്റെ മുന്നറി​യി​പ്പിൻ സൂചനകൾ ശ്രദ്ധി​ക്കുക! (g91 10/8)

[അടിക്കു​റി​പ്പു​കൾ]

[25-ാം പേജിലെ ചിത്രം]

സഹാനുഭൂതിയുള്ള ഒരു ഭർത്താ​വി​നു തന്റെ ഭാര്യ​യു​ടെ ശരീര​ത്തി​ന്റെ മുന്നറി​യി​പ്പു​കളെ ശ്രദ്ധി​ക്കു​ന്ന​തിൽ അവളെ സഹായി​ക്കാൻ കഴിയും