യുവജ​നങ്ങൾ ചോദി​ക്കു​ന്നു. . .

ദൈവം എന്റെ പ്രാർത്ഥ​ന​കൾക്ക്‌ ഉത്തരം നൽകു​ന്നു​വോ?

“എന്റെ പ്രാർത്ഥ​നക്കു യഹോവ ഉത്തരം നൽകു​ന്നു​ണ്ടെന്നു ഞാനറി​യേ​ണ്ടി​യി​രി​ക്കു​ന്നു”, എന്നു പതി​നൊ​ന്നു​കാ​രി​യായ സാൻഡ്ര പറയുന്നു, “എന്തു​കൊ​ണ്ടെ​ന്നാൽ അവൻ അങ്ങനെ ചെയ്യു​ന്നു​വോ​യെന്ന്‌ എനിക്കു​റ​പ്പില്ല”. ഇതേ പ്രശ്‌ന​മുള്ള വേറെ പല യുവജ​ന​ങ്ങ​ളേ​യും എനിക്ക​റി​യാം. പതിന​ഞ്ചു​വ​യ​സ്സു​കാ​രി​യായ ആലിസക്കു പ്രാർത്ഥനാ സംബന്ധ​മാ​യി ഒരു സമാന​മായ പ്രശ്‌നം ഒരിക്ക​ലു​ണ്ടാ​യി​രു​ന്നു. അവൾ സമ്മതി​ച്ചു​പ​റ​യു​ന്നു, “പലപ്പോ​ഴും ഞാൻ എന്നോ​ടു​തന്നെ സംസാ​രി​ക്കു​ന്ന​താ​യി എനിക്കു​തോ​ന്നി”.

ആയിര​ത്തി​ത്തൊ​ള്ളാ​യി​രത്തി എൺപത്തി​യെ​ട്ടി​ലെ ഒരു ഗാലപ്പ്‌ സർവ്വെ അനുസ​രിച്ച്‌, ഐക്യ​നാ​ടു​ക​ളി​ലെ കൗമാ​ര​പ്രാ​യ​ക്കാ​രിൽ 87 ശതമാനം ഒരിക്കൽ അല്ലെങ്കിൽ മറെറാ​രി​ക്കൽ പ്രാർത്ഥി​ച്ചി​രു​ന്നു, എന്നാൽ പകുതി​യിൽ താഴെ ആളുകളേ ക്രമമാ​യി പ്രാർത്ഥി​ച്ചി​രു​ന്നു. തങ്ങളുടെ പ്രാർത്ഥ​നക്ക്‌ ഉത്തരം നൽക​പ്പെ​ടു​ന്നേ​യി​ല്ലെന്നു ചിലർക്കു തോന്നു​ന്ന​താ​യി കാണ​പ്പെ​ടു​ന്നു. ചില​പ്പോൾ ഇതു​പോ​ലെ നിങ്ങളു​ടെ പ്രാർത്ഥ​ന​യും ആരും ശ്രദ്ധി​ക്കു​ന്നി​ല്ലെ​ന്നുള്ള തോന്നൽ നിങ്ങൾക്കു​ണ്ടാ​യേ​ക്കാം. എന്നാലും, വിശ്വാ​സ​ത്തി​ന്റെ ഒരു ആത്മാർത്ഥ​മായ പ്രാർത്ഥന ഒരുവൻ അർപ്പി​ക്കു​മ്പോൾ, “പ്രാർത്ഥന കേൾക്കു​ന്നവൻ” ശ്രദ്ധി​ക്കു​ന്നു​വെന്നു ബൈബിൾ നമുക്ക്‌ ഉറപ്പു​നൽകു​ന്നു! (സങ്കീർത്ത​നങ്ങൾ 65:2) അവൻ വെറു​മൊ​രു നിഷ്‌ക്രിയ ശ്രോ​താവ്‌—മര്യാ​ദ​യോ​ടെ കേൾക്കു​ന്നു​വെ​ങ്കി​ലും പ്രതി​ക​ര​ണ​മാ​യി ഒന്നും​തന്നെ ചെയ്യാ​ത്തവൻ—അല്ല എന്നു നിങ്ങൾ എങ്ങനെ​യാണ്‌ അറിയു​ന്നത്‌?

ദൈവത്തെ പ്രാർത്ഥന കേൾക്കു​ന്നവൻ എന്നു സംബോ​ധന ചെയ്‌ത​തി​നു​ശേഷം, സങ്കീർത്ത​ന​ക്കാ​രൻ ഇങ്ങനെ പറഞ്ഞു: “ഞങ്ങളുടെ രക്ഷയാം ദൈവമേ, നീ ഭയങ്കര​കാ​ര്യ​ങ്ങ​ളാൽ നീതി​യോ​ടെ ഞങ്ങൾക്ക്‌ ഉത്തരമ​രു​ളും.” (സങ്കീർത്ത​നങ്ങൾ 66:5, NW; സങ്കീർത്ത​നങ്ങൾ 66:19, 20 താരത​മ്യം ചെയ്യുക) അപ്പോൾ, എന്തു​കൊ​ണ്ടാ​ണു തങ്ങളുടെ പ്രാർത്ഥ​നകൾ ഉത്തരം കിട്ടാതെ പോകു​ന്ന​താ​യി ചിലർക്കു തോന്നു​ന്നത്‌?

പ്രാർത്ഥ​ന​ക്കുള്ള മാർഗ്ഗ​ത​ട​സ്സ​ങ്ങൾ

ദൈവ​വു​മാ​യി ഒരു യഥാർത്ഥ ബന്ധത്തിന്റെ അഭാവ​മാ​യി​രി​ക്കാം കാരണം. ചില യുവജ​നങ്ങൾ അവന്റെ അസ്‌തി​ത്വ​ത്തിൽപോ​ലും സംശയി​ക്കു​ന്നു. മററു​ള്ളവർ വിശ്വ​സി​ക്കു​ന്നു​ണ്ടെ​ങ്കി​ലും അവനെ ഒരു വിദൂര, നിഗൂഢ വ്യക്തി​യാ​യി​ട്ടാ​ണു കാണു​ന്നത്‌. പ്രാർത്ഥന വളരെ അടിയ​ന്തി​ര​ഘ​ട്ട​ത്തിൽ മാത്രം ഉപയോ​ഗി​ക്കുന്ന അററകൈ ആയിത്തീ​രു​ന്നു. “ഞാൻ ദൈവ​ത്തിൽ വിശ്വ​സി​ക്കു​ന്നു,” എന്ന്‌ ഒരു കത്തോ​ലി​ക്കാ​യു​വാവ്‌ അവകാ​ശ​പ്പെ​ടു​ന്നു. “ഞാൻ കുഴപ്പ​ത്തി​ലാ​കു​മ്പോ​ഴും എനിക്കു സഹായ​മാ​വ​ശ്യ​മു​ള്ള​പ്പോ​ഴു​മെ​ല്ലാം ഞാൻ അവന്റെ സഹായം തേടുന്നു.” വേറൊ​രു യുവതി തുറന്നു​പ​റഞ്ഞു: “ചില​പ്പോൾ എന്തെങ്കി​ലും യഥാർത്ഥ​ത്തിൽ ആഗ്രഹി​ക്കു​മ്പോൾ മാത്രം ഞാൻ പ്രാർത്ഥി​ക്കു​ന്നു.”

എന്നിരു​ന്നാ​ലും വിശ്വാ​സം, ആദരവ്‌, ഭക്തി, ആശ്രയം എന്നിവ​യു​ടെ ഒരു പ്രകട​ന​മാ​യി​രി​ക്കണം പ്രാർത്ഥന—അല്ലാതെ നൈരാ​ശ്യ​ത്തി​ന്റെ​യോ സ്വാർത്ഥ​മോ​ഹ​ത്തി​ന്റെ​യോ ആയിരി​ക്ക​രുത്‌. അതു​പോ​ലെ പ്രാർത്ഥി​ക്കു​മ്പോൾ ദൈവം അസ്‌തി​ത്വ​ത്തിൽ ഉണ്ടായി​രു​ന്നേ​ക്കാം എന്നു നിങ്ങൾ വിചാ​രി​ക്കു​ന്ന​തു​കൊ​ണ്ടു മതിയാ​കു​ന്നില്ല. “ദൈവത്തെ സമീപി​ക്കു​ന്നവൻ, അവൻ സ്ഥിതി​ചെ​യ്യു​ന്നു​വെ​ന്നും തന്നെ ഉത്സാഹ​ത്തോ​ടെ അന്വേ​ഷി​ക്കു​ന്ന​വ​രു​ടെ പ്രതി​ഫ​ല​ദാ​യ​ക​നാ​യി​ത്തീ​രു​ന്നു​വെ​ന്നും വിശ്വ​സി​ക്കേ​ണ്ട​താണ്‌” എന്നും ബൈബിൾ പറയുന്നു. (എബ്രായർ 11:6, NW) സംശയ​ക്കാർക്കു തങ്ങളുടെ പ്രാർത്ഥ​നക്ക്‌ ഉത്തരം കിട്ടു​ന്നില്ല. (യാക്കോബ്‌ 1:6-8) യഹോവ, തന്നെ അറിയാ​നും സ്‌നേ​ഹി​ക്കാ​നും ഇടവന്ന​വരെ ശ്രദ്ധി​ക്കു​ന്നു; അവർ അടിയ​ന്തിര ഘട്ടങ്ങളി​ലേക്കു പ്രാർത്ഥന കരുതി​വ​യ്‌ക്കു​ന്നില്ല. 1 തെസ്സ​ലൊ​നീ​ക്യർ 5:17 ഉപദേ​ശി​ക്കു​ന്ന​തു​പോ​ലെ, അവർ “ഇടവി​ടാ​തെ പ്രാർത്ഥി​ക്കു​ന്നു,” അല്ലെങ്കിൽ ഒരു അമേരി​ക്കൻ ഭാഷാ​ന്തരം പറയു​ന്ന​തു​പോ​ലെ, അവർ “പ്രാർത്ഥി​ക്കു​ന്നത്‌ ഒരിക്ക​ലും വിട്ടു​ക​ള​യു​ന്നില്ല.”

ദുഃഖ​ക​ര​മെ​ന്നു പറയട്ടെ, ചില ക്രിസ്‌തീയ യുവജ​നങ്ങൾ യഹോ​വയെ അറിയാൻ ഇടയാ​യി​ട്ടു​ണ്ടെ​ങ്കി​ലും അവനു​മാ​യി ഒരു സൗഹൃ​ദ​ബന്ധം യഥാർത്ഥ​ത്തിൽ വികസി​പ്പി​ച്ചെ​ടു​ത്തി​ട്ടില്ല. (സങ്കീർത്ത​നങ്ങൾ 25:14) അവരുടെ പ്രാർത്ഥ​നകൾ, എണ്ണത്തിൽ ചുരു​ക്ക​വും നീണ്ട ഇടവേ​ള​ക്കു​ശേ​ഷ​മു​ള്ള​തും വ്യക്തി​ഗ​ത​മ​ല്ലാ​ത്ത​തും ആത്യന്തി​ക​മാ​യി ഉത്തരം കിട്ടാ​ത്ത​തു​മാ​യി​രി​ക്കാൻ പ്രവണ​ത​യു​ള്ള​തും ആണ്‌. നിങ്ങളു​ടെ പ്രാർത്ഥ​ന​ക​ളേ​പ്പ​ററി ഇതു ശരിയാ​ണോ? അങ്ങനെ​യെ​ങ്കിൽ, ദൈവത്തെ ഗ്രഹി​ച്ചു​കൊണ്ട്‌ ‘അവനോട്‌ അടുത്തു ചെല്ലു​വിൻ. . .’ (യാക്കോബ്‌ 4:8) നേരത്തെ പ്രസ്‌താ​വിച്ച, ആലിസ എന്ന യുവതി​ക്കു യഹോ​വ​യെ​പ്പ​ററി സംശയ​ങ്ങ​ളു​ണ്ടാ​യി​രു​ന്നു. എന്നാൽ വ്യക്തി​പ​ര​മായ ബൈബിൾപ​ഠനം അവളുടെ സംശയ​ങ്ങളെ ക്രമേണ നീക്കി​ക്ക​ള​യാ​നും ദൈവ​വു​മാ​യി ഒരു ബന്ധം വികസി​പ്പി​ക്കാ​നും അവളെ സഹായി​ച്ചു.

ഒരുവന്റെ മനോ​ഭാ​വ​വും പെരു​മാ​റ​റ​വും പ്രാർത്ഥ​ന​ക്കുള്ള മുഖ്യ മാർഗ്ഗ​ത​ട​സ്സ​ങ്ങ​ളാ​കാൻ സാധി​ക്കും. സങ്കീർത്ത​ന​ക്കാ​രൻ പറഞ്ഞു: “ഞാൻ എന്റെ ഹൃദയ​ത്തിൽ അകൃത്യം കരുതി​യി​രു​ന്നു​വെ​ങ്കിൽ കർത്താവു, [യഹോവ, NW] കേൾക്ക​യി​ല്ലാ​യി​രു​ന്നു.” (സങ്കീർത്ത​നങ്ങൾ 66:18; സദൃശ​വാ​ക്യ​ങ്ങൾ 15:29) നിങ്ങൾ മയക്കു​മ​രു​ന്നു​പ​യോ​ഗി​ക്കു​ക​യോ, പുകവ​ലി​ക്കു​ക​യോ, തരംതാഴ്‌ന്ന സംഗീതം ശ്രദ്ധി​ക്കു​ക​യോ, അല്ലെങ്കിൽ ലൈം​ഗിക ദുർവൃ​ത്തി​യിൽ ഏർപ്പെ​ടു​ക​യോ ഇങ്ങനെ ദൈവ​ത്തിന്‌ അനിഷ്ട​ക​ര​മായ കാര്യങ്ങൾ ചെയ്‌തു​കൊ​ണ്ടി​രി​ക്കെ അവൻ നിങ്ങളു​ടെ പ്രാർത്ഥ​ന​കൾക്ക്‌ ഉത്തരം നൽകാൻ പ്രതീ​ക്ഷി​ക്കു​ന്നതു ന്യായ​യു​ക്ത​മാ​ണോ? തീർച്ച​യാ​യും അല്ല. അതു​കൊ​ണ്ടു കപടജീ​വി​തം നയിക്കുന്ന, കാപട്യ​ത്തോ​ടെ ‘തങ്ങൾ ആയിരി​ക്കു​ന്നതു മറയ്‌ക്കുന്ന’ ആളുക​ളു​ടെ പ്രാർത്ഥ​നകൾ യഹോവ തള്ളിക്ക​ള​യു​ന്നു. (സങ്കീർത്ത​നങ്ങൾ 26:4, NW) “നിഷ്‌ക​ള​ങ്ക​നാ​യി നടന്നു നീതി പ്രവർത്തി​ക്ക​യും ഹൃദയ​പൂർവ്വം സത്യം സംസാ​രി​ക്ക​യും” ചെയ്യു​ന്ന​വനെ മാത്രമേ അവൻ ശ്രദ്ധി​ക്കു​ന്നു​ള്ളു. (സങ്കീർത്ത​നങ്ങൾ 15:1, 2) അതു​കൊ​ണ്ടു പ്രാർത്ഥി​ക്കു​മ്പോൾ നിങ്ങ​ളോ​ടു​തന്നെ സംസാ​രി​ക്കു​ന്ന​താ​യി​ട്ടുള്ള തോന്നൽ നിങ്ങൾക്കു​ണ്ടാ​കു​ന്നെ​ങ്കിൽ, നിങ്ങളു​ടെ ജീവി​തത്തെ ശ്രദ്ധാ​പൂർവ്വം വിലയി​രു​ത്തുക. ഒരുപക്ഷേ നിങ്ങൾ ചില മാററങ്ങൾ വരു​ത്തേ​ണ്ടി​യി​രി​ക്കു​ന്നു.

പ്രാർത്ഥ​ന​യു​ടെ ദുരു​പ​യോ​ഗ​ങ്ങൾ

എപ്രകാ​ര​മുള്ള കാര്യ​ങ്ങ​ളാ​ണു നിങ്ങൾക്കു ദൈവ​ത്തോ​ടു അപേക്ഷി​ക്കാ​വു​ന്നത്‌? “നിങ്ങൾ പിതാ​വി​നോ​ടു അപേക്ഷി​ക്കു​ന്ന​തൊ​ക്കെ​യും അവൻ എന്റെ നാമത്തിൽ നിങ്ങൾക്കു തരും” എന്ന്‌ യേശു നമുക്ക്‌ ഉറപ്പു​തന്നു. (യോഹ​ന്നാൻ 16:23) ആ മോഹി​പ്പി​ക്കുന്ന വാക്ക്‌—ഒക്കെയും! ദൈവം യഥാർത്ഥ​ത്തിൽ നിങ്ങളു​ടെ ഏത്‌ ആജ്ഞയേ​യും അനുസ​രി​ക്കാൻ തയ്യാറാ​യി​നിൽക്കുന്ന, വിളി​ക്കു​ന്ന​വനെ സേവി​ക്കുന്ന ഒരുതരം കുട്ടി​ച്ചാ​ത്ത​നേ​പ്പോ​ലെ ആണോ? അവൻ നിങ്ങളു​ടെ ഓരോ അപേക്ഷ​യും, നിസ്സാ​ര​മാ​യവ പോലും നിറ​വേ​റ​റു​മോ? യേശു തന്റെ യാതനാ​പൂർണ്ണ​മായ മരണത്തി​നു വെറും മണിക്കൂ​റു​കൾക്കു​മു​മ്പാണ്‌ ഈ വാക്കുകൾ പറഞ്ഞത്‌. തീർച്ച​യാ​യും മൂഢമായ സംഗതി​കളല്ല അവന്റെ മനസ്സിൽ ഉണ്ടായി​രു​ന്നത്‌! ആയതി​നാൽ യാക്കോബ്‌ 4:3, പ്രാർത്ഥന ദുരു​പ​യോ​ഗ​പ്പെ​ടു​ത്തു​ന്ന​തി​നെ​തി​രെ മുന്നറി​യി​പ്പു നൽകുന്നു. അതു പറയുന്നു: “നിങ്ങൾ യാചി​ക്കു​ന്നു എങ്കിലും നിങ്ങളു​ടെ ഭോഗ​ങ്ങ​ളിൽ ചെലവി​ടേ​ണ്ട​തി​ന്നു വല്ലാതെ യാചി​ക്ക​കൊ​ണ്ടു ഒന്നും ലഭിക്കു​ന്നില്ല.”

പ്രാർത്ഥ​ന​യു​ടെ പദവിയെ ഇന്നു പലരും ദുരു​പ​യോ​ഗ​പ്പെ​ടു​ത്തു​ന്നു. ഒരു സ്‌കൂൾ ബാസ്‌ക്ക​റ​റ്‌ബോൾ ടീം ഓരോ കളിക്കും​ശേഷം കളിസ്ഥ​ല​ത്തി​ന്റെ നടുവിൽ മുട്ടു​കു​ത്തി നിന്നു​കൊണ്ട്‌ ഒരു പ്രാർത്ഥന ഉരുവി​ടു​ന്നു. എന്നാൽ ദൈവം ഒരു ബാസ്‌ക്ക​റ​റ്‌ബോൾ ഭ്രമക്കാ​ര​നാ​ണെ​ന്നോ അവൻ ഒരു മത്സരക്ക​ളി​യെ സ്വാധീ​നി​ക്കാൻമാ​ത്രം അധഃപ​തി​ക്കും എന്നോ നിങ്ങൾ യഥാർഥ​ത്തിൽ വിചാ​രി​ക്കു​ന്നു​ണ്ടോ? (ഗലാത്യർ 5:26 താരത​മ്യം ചെയ്യുക.) അല്ലെങ്കിൽ റിപ്പോർട്ട​നു​സ​രി​ച്ചു ഷൂസി​നു​വേണ്ടി പ്രാർത്ഥി​ക്കുന്ന സ്‌ത്രീ​യേ​ക്കു​റി​ച്ചെന്ത്‌? അവർ പറയുന്നു: “ചില​പ്പോൾ ഒരു ചെരി​പ്പു​ക​ട​യിൽ എനിക്കു​ചേ​രുന്ന ഒന്നോ രണ്ടോ ജോടി മാത്രമേ മിച്ചം കാണു​ക​യു​ള്ളു. അപ്പോൾ എന്റെ കൈവശം പണമി​ല്ലെ​ങ്കിൽ, തിരികെ വരു​മ്പോൾ അവ അവിടെ ഉണ്ടായി​രി​ക്കു​മെന്ന്‌ ഉറപ്പു​വ​രു​ത്താൻ ഞാൻ ദൈവ​ത്തോ​ടു യാചി​ക്കും.” ഇപ്പോൾ, ആവശ്യ​ത്തി​നു​വേണ്ടി പ്രാർത്ഥി​ക്കു​ന്നത്‌ ഒരു കാര്യ​വും—ദൈവം നിങ്ങളു​ടെ സാധനങ്ങൾ വാങ്ങാൻ പ്രതീ​ക്ഷി​ക്കു​ന്നതു തികച്ചും വേറൊ​രു കാര്യ​വു​മാണ്‌.

അതേരീ​തി​യിൽ, അർഹി​ക്കുന്ന ശിക്ഷയിൽനി​ന്നോ ശിക്ഷണ​ത്തിൽനി​ന്നോ നിങ്ങളെ ഒഴിവാ​ക്കാൻ ദൈവ​ത്തോ​ടു പ്രാർത്ഥി​ക്കു​ന്നത്‌ അനുചി​ത​വും വ്യർത്ഥ​വു​മാ​യി​രി​ക്കും. (എബ്രായർ 12:7, 8, 11) ഒട്ടും​തന്നെ തയ്യാറാ​കാൻ നിങ്ങൾ മെന​ക്കെ​ടാത്ത ഒരു പരീക്ഷ​യിൽ നല്ല മാർക്കു നൽകാൻ ദൈവ​ത്തോ​ടു പ്രാർത്ഥി​ക്കു​ന്നു​വെ​ങ്കിൽ അതിലും വലിയ വിജയം കിട്ടാൻപോ​കു​ന്നില്ല.—ഗലാത്യർ 6:7 താരത​മ്യം ചെയ്യുക.

“അവന്റെ ഇഷ്ടപ്ര​കാ​രം” ഉള്ള പ്രാർത്ഥ​ന​കൾ

അപ്പോ​സ്‌ത​ല​നായ യോഹ​ന്നാൻ പ്രാർത്ഥ​ന​യേ​പ്പ​ററി ഒരു പ്രധാന പ്രമാണം വിവരി​ക്കു​ന്നു: “അവന്റെ ഇഷ്ടപ്ര​കാ​രം നാം എന്തെങ്കി​ലും അപേക്ഷി​ച്ചാൽ അവൻ നമ്മുടെ അപേക്ഷ കേൾക്കു​ന്നു എന്നുള്ളതു നമുക്കു അവനോ​ടുള്ള ധൈര്യം ആകുന്നു.” (1 യോഹ​ന്നാൻ 5:14) യേശു​വി​ന്റെ മാതൃ​കാ​പ്രാർത്ഥന (കർത്താ​വി​ന്റെ പ്രാർത്ഥന) അങ്ങനെ​യുള്ള ഒരു പ്രാർത്ഥ​ന​യിൽ ഉൾപ്പെ​ടു​ത്താ​വുന്ന ചില കാര്യങ്ങൾ വിശദീ​ക​രി​ക്കു​ന്നു. അവൻ (1) ദൈവ​ത്തി​ന്റെ നാമം വിശു​ദ്ധീ​ക​രി​ക്ക​പ്പെ​ടു​ന്ന​തി​നു​വേ​ണ്ടി​യും (2) ദൈവ​ത്തി​ന്റെ രാജ്യം വരുന്ന​തി​നു​വേ​ണ്ടി​യും (3) ദൈവ​ത്തി​ന്റെ ഇഷ്ടം നടപ്പി​ലാ​കു​ന്ന​തി​നു​വേ​ണ്ടി​യും (4) ആത്മീയ​വും ഭൗതി​ക​വു​മായ ആവശ്യങ്ങൾ നിറ​വേ​റ​റു​ന്ന​തി​നു​വേ​ണ്ടി​യും (5) സാത്താന്റെ കെണികൾ ഒഴിവാ​ക്കു​ന്ന​തിൽ സഹായ​ത്തി​നു​വേ​ണ്ടി​യും പ്രാർത്ഥി​ച്ചു.—മത്തായി 6:9-13.

ഈ ചട്ടക്കൂ​ടി​നു​ള്ളിൽ പ്രാർത്ഥ​നക്ക്‌ ഉചിത​മായ പല വിഷയ​ങ്ങ​ളുണ്ട്‌. വാസ്‌ത​വ​ത്തിൽ 1 പത്രൊസ്‌ 5:7 ക്രിസ്‌ത്യാ​നി​കളെ, ‘ദൈവം നിങ്ങൾക്കാ​യി കരുതു​ന്ന​താ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊൾവിൻ’ എന്നു പ്രോ​ത്സാ​ഹി​പ്പി​ക്കു​ന്നു. നിങ്ങളു​ടെ ജീവി​ത​ത്തി​ന്റെ മിക്കവാ​റും എല്ലാ വശങ്ങ​ളെ​പ്പ​റ​റി​യും പ്രാർത്ഥി​ക്കു​ന്നത്‌ ഉചിത​മാ​ണെ​ന്നാണ്‌ അതിന്റെ അർത്ഥം. പാഠ്യ​പ​ദ്ധതി തെര​ഞ്ഞെ​ടു​ക്കു​ന്ന​തു​പോ​ലെ എന്തെങ്കി​ലും ഒരു തീരു​മാ​നം നിങ്ങൾക്ക്‌ എടു​ക്കേ​ണ്ട​താ​യി​ട്ടു​ണ്ടോ? അപ്പോൾ ദിവ്യ​ജ്ഞാ​ന​ത്തി​നു​വേണ്ടി പ്രാർത്ഥി​ക്കുക. (യാക്കോബ്‌ 1:5) നിങ്ങൾ ചില മൗഢ്യ​മായ തെററു വരുത്തി​യോ? എങ്കിൽ ദൈവ​ത്തോ​ടു ക്ഷമ യാചി​ക്കുക.—യെശയ്യാവ്‌ 55:7; 1 യോഹ​ന്നാൻ 1:9.

എന്നാൽ പ്രാർത്ഥ​നെക്കു ചേർച്ച​യിൽ നിങ്ങൾ പ്രവർത്തി​ക്കണം. ക്ലിൻറ്‌ എന്ന യുവാ​വി​നെ​പ്പ​ററി പരിഗ​ണി​ക്കുക. ഹൈസ്‌കൂൾ പഠനം പൂർത്തി​യാ​ക്കി​യ​തി​നു​ശേഷം അവൻ ഒരു മുഴു​സമയ സുവാർത്താ​പ്ര​ചാ​ര​ക​നാ​യി​ത്തീർന്നു. മാസങ്ങ​ളോ​ളം, ബൈബിൾ പഠിക്കു​ന്ന​തിൽ താത്‌പ​ര്യ​മുള്ള ആരെയും അവൻ കണ്ടെത്തി​യില്ല. അതിനാൽ അവൻ ഇതു പ്രാർത്ഥ​ന​യിൽ ഉൾപ്പെ​ടു​ത്തി. എന്നിരു​ന്നാ​ലും, ഒരു ബൈബിൾ വിദ്യാർത്ഥി മാനത്തു​നി​ന്നും പൊട്ടി​വീ​ഴാ​നാ​യി അവൻ കാത്തി​രു​ന്നില്ല. അവൻ ശുഷ്‌കാ​ന്തി​യോ​ടെ വീടു​തോ​റു​മുള്ള ശുശ്രൂ​ഷ​യിൽ പങ്കെടു​ക്കു​ക​യും ക്രമേണ ബൈബിൾ പഠിക്കാൻ സന്നദ്ധരായ കുറെ ആളുകളെ കണ്ടെത്തു​ക​യും ചെയ്‌തു.

ദൈവം എങ്ങനെ ഉത്തരം നൽകുന്നു

ചില​പ്പോൾ പ്രാർത്ഥ​ന​യു​ടെ ക്രിയ​തന്നെ സഹായ​ക​മാണ്‌. സാൻഡി എന്ന യുവതി സ്വയം​ഭോ​ഗ​ത്തി​ന്റെ പ്രശ്‌ന​ത്തോ​ടു പോരാ​ടു​ക​യാ​യി​രു​ന്നു. അവൾ പറയുന്നു: “പ്രാർത്ഥി​ക്കു​ന്ന​തും യഹോ​വയെ വിളി​ക്കു​ന്ന​തും എന്നെ സഹായി​ക്കു​ന്നു, കാരണം സ്വയം​ഭോ​ഗം ചെയ്യാ​തി​രി​ക്കാൻ അവനോ​ടു സഹായം അഭ്യർത്ഥി​ച്ച​തി​നു​ശേഷം അതു ചെയ്യാ​തി​രി​ക്കു​ക​യാ​യി​രി​ക്കും ഭേദം എന്നെനി​ക്ക​റി​യാം.”

എന്നാലും ചിലയ​വ​സ​ര​ങ്ങ​ളിൽ നമ്മുടെ പ്രാർത്ഥ​ന​കൾക്ക്‌ ഉത്തരം തരാനാ​യി ദൈവം സംഭവ​ങ്ങളെ തിരി​ച്ചു​വി​ടു​ന്ന​താ​യി തോന്നു​ന്നു. ഒരിക്കൽ തന്റെ ചെറു ബൈബിൾ പ്രസം​ഗ​നി​യ​മനം നടത്താൻ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളിൽ ബാലനായ കെനിന്‌ എത്തേണ്ട​തു​ണ്ടാ​യി​രു​ന്നു. നിർഭാ​ഗ്യ​വ​ശാൽ, അവനു യാത്രാ​സൗ​ക​ര്യം നൽകു​വാൻ ആരുമി​ല്ലാ​യി​രു​ന്നു. ഈ കാര്യ​ത്തേ​പ്പ​ററി അവൻ ഉത്‌ക്ക​ട​മാ​യി പ്രാർത്ഥി​ച്ചു. അൽപ്പ​നേ​ര​ത്തി​നു​ശേഷം, വിരള​മാ​യി സന്ദർശി​ക്കാ​റുള്ള അവന്റെ മൂത്ത സഹോ​ദരി എത്തി. അവന്റെ മതത്തിൽ താത്‌പ​ര്യം ഇല്ലാതി​രു​ന്നി​ട്ടും അവൾ അവനെ കൊണ്ടു​പോ​യി. അവന്റെ പ്രാർത്ഥ​ന​യു​ടെ ഒരു നേരി​ട്ടുള്ള ഉത്തരമോ? ഒരുപക്ഷേ ആയിരി​ക്കാം. എന്തായി​രു​ന്നാ​ലും, കാര്യങ്ങൾ നമ്മുടെ പ്രയോ​ജ​ന​ത്തിൽ കലാശി​ക്കു​മ്പോൾ ദൈവ​ത്തി​നു നന്ദി​കൊ​ടു​ക്കു​ന്നത്‌ എപ്പോ​ഴും ഉചിത​മാണ്‌. “എല്ലാറ​റി​ന്നും സ്‌തോ​ത്രം ചെയ്‌വിൻ” എന്നു പൗലോസ്‌ പ്രബോ​ധി​പ്പി​ക്കു​ന്നു.—1 തെസ്സ​ലൊ​നീ​ക്യർ 5:18.

എന്നാൽ ഏതെങ്കി​ലും നാടകീ​യ​മായ വിധത്തിൽ നിങ്ങളു​ടെ പ്രാർത്ഥ​ന​കൾക്ക്‌ ഉത്തരം നൽകാൻ ദൈവ​ത്തിൽനി​ന്നു പ്രതീ​ക്ഷി​ക്ക​രുത്‌. നിങ്ങൾക്കു സംഭവി​ക്കുന്ന ഓരോ ചെറിയ കാര്യ​ത്തേ​യും ദൈ​വേ​ഷ്ട​ത്തി​ന്റെ പ്രകട​ന​മാ​യി നിങ്ങൾ വ്യാഖ്യാ​നി​ക്ക​യു​മ​രുത്‌. നമ്മുടെ പ്രാർത്ഥ​ന​കൾക്കു മിക്ക​പ്പോ​ഴും ഉത്തരം കിട്ടു​ന്നതു നിഗൂ​ഢ​മായ വിധങ്ങ​ളി​ലാണ്‌: നിങ്ങൾ ബൈബി​ളിൽനി​ന്നോ ബൈബിൾ പ്രസി​ദ്ധീ​ക​ര​ണ​ങ്ങ​ളിൽനി​ന്നോ എന്തെങ്കി​ലും വായി​ക്കു​ന്നു; മാതാ​വോ പിതാ​വോ ഒരു സഹക്രി​സ്‌ത്യാ​നി​യോ നിങ്ങൾക്കു നല്ല ഉപദേശം തരുന്നു. നിങ്ങൾക്കു​വേ​ണ്ടി​യുള്ള ദൈ​വേഷ്ടം എന്താ​ണെന്നു നിശ്ചയി​ക്കാൻ വിവേചന വേണ്ടി​വ​ന്നേ​ക്കാ​മെന്നു സമ്മതി​ക്കു​ന്നു. സമയമ​നു​വ​ദി​ച്ചാൽ കാര്യങ്ങൾ മിക്ക​പ്പോ​ഴും പരിഹ​രി​ക്ക​പ്പെ​ടും.

അതെ, സമയം! നിങ്ങൾക്കു തോന്നു​മ്പോൾ ദൈവം ഒരുത്തരം പ്രദാനം ചെയ്യാൻ പ്രതീ​ക്ഷി​ക്ക​രുത്‌. “യഹോ​വ​യു​ടെ രക്ഷെക്കാ​യി മിണ്ടാതെ കാത്തി​രി​ക്കു​ന്നതു നല്ലതു,” എന്നു യിരെ​മ്യാവ്‌ എഴുതി. (വിലാ​പങ്ങൾ 3:26) അതിനു​പു​റമേ, നിങ്ങൾ ഇഷ്ടപ്പെ​ടുന്ന ഉത്തരം ലഭിക്കു​മെന്നു നിങ്ങൾക്ക്‌ ഉറപ്പു​നൽക​പ്പെ​ട്ടി​ട്ടില്ല. “ജഡത്തിൽ ഒരു ശൂലം” എന്ന്‌ അപ്പോ​സ്‌ത​ല​നായ പൗലോസ്‌ വിളിച്ച പ്രശ്‌നം ദൂരീ​ക​രി​ക്കാൻ ദൈവ​ത്തോ​ടു മൂന്നു പ്രാവ​ശ്യം അവൻ യാചിച്ചു. ദൈവ​ത്തി​ന്റെ ഉത്തരം ഇല്ല എന്നായി​രു​ന്നു. (2 കൊരി​ന്ത്യർ 12:7-9) എന്നിരു​ന്നാ​ലും, പ്രാർത്ഥ​ന​യു​ടെ ദാന​ത്തോ​ടുള്ള തന്റെ വിലമ​തി​പ്പു വിടാതെ, പൗലോസ്‌ യഹോ​വ​യു​ടെ സേവന​ത്തിൽ തുടർന്നു. “പ്രാർത്ഥ​ന​യിൽ ഉററി​രി​പ്പിൻ” എന്നെഴു​തി​യത്‌ അവനാ​യി​രു​ന്നു. (കൊ​ലൊ​സ്സ്യർ 4:2) ആയതി​നാൽ “ചോദി​ച്ചു​കൊ​ണ്ടേ​യി​രി​പ്പിൻ, . . . അന്വേ​ഷി​ച്ചു​കൊ​ണ്ടേ​യി​രി​പ്പിൻ, . . . മുട്ടി​ക്കൊ​ണ്ടേ​യി​രി​പ്പിൻ.” (മത്തായി 7:7 NW) അങ്ങനെ ചെയ്യു​മ്പോൾ നിങ്ങൾ ദൈവ​ത്തോ​ടു കൂടുതൽ അടുക്കു​ക​യും നിങ്ങളു​ടെ പ്രാർത്ഥ​ന​കൾക്ക്‌ ഉത്തരം കിട്ടു​ക​യും ചെയ്‌തേ​ക്കാം. (g92 9⁄22)

[ 16-ാം പേജിലെ ചിത്രം]

പ്രാർത്ഥനയിൽ ഭൗതി​കാ​വ​ശ്യ​ങ്ങ​ളു​ടെ നിസ്സാ​ര​മായ അപേക്ഷകൾ ഉൾക്കൊ​ള്ളി​ക്ക​രുത്‌