കുട്ടി​കൾക്ക്‌ ഒരു ശോഭ​ന​മായ ഭാവി

കുട്ടി​കൾക്കാ​യുള്ള ലോക ഉച്ചകോ​ടി​യിൽ അനവധി ലോക​നേ​താ​ക്കൾ കുട്ടി​ക​ളു​ടെ ഭാവി​യെ​ക്കു​റിച്ച്‌ ശുഭാ​പ്‌തി​വി​ശ്വാ​സ​ത്തോ​ടെ സംസാ​രി​ച്ചു. കുട്ടി​കൾക്കു​വേ​ണ്ടി​യുള്ള “ഒരു നവയുഗ”ത്തെക്കു​റി​ച്ചും “ശിശു​വി​ന്റെ ആവശ്യ​ങ്ങൾക്കു​വേ​ണ്ടി​യുള്ള ഒരു പുതിയ സമർപ്പ​ണ​ത്തെ​ക്കു​റി​ച്ചും” അവർ മുൻകൂ​ട്ടി​പ്പ​റഞ്ഞു. കുട്ടി​കളെ സഹായി​ക്കു​ന്ന​തിന്‌ “‘ഏകീകൃ​ത​വും സുനി​ശ്ചി​ത​വു​മായ ഒരു ലോക​കൂ​ട്ടു​കെ​ട്ടി​നു’ ജീവൻ നൽകു​ന്ന​തി​നുള്ള ‘ഒരു പുതിയ ഐകമത്യ’”ത്തെക്കു​റിച്ച്‌ അവർ സംസാ​രി​ച്ചു.

അവ ശ്രേഷ്‌ഠ​വ​ച​ന​ങ്ങ​ളാണ്‌. എന്നാൽ തങ്ങളുടെ ലക്ഷ്യങ്ങൾ നേടു​ന്ന​തിൽ രാഷ്‌ട്രങ്ങൾ എത്രകണ്ടു മുന്നോ​ട്ടു​പോ​കു​മെന്നു കണ്ടറി​യേ​ണ്ടി​യി​രി​ക്കു​ന്നു. ഉച്ചകോ​ടി​ക്കു​ശേഷം അഞ്ചു മാസത്തി​നകം രാഷ്‌ട്രങ്ങൾ അങ്ങേയ​ററം ചെല​വേ​റി​യ​വ​യി​ലൊ​ന്നെ​ന്നും—6,100 കോടി ഡോളർ—പരിസ്ഥി​തി സംബന്ധ​മാ​യി എന്നത്തേ​തി​ലും വിനാ​ശ​ക​ര​വും എന്നു തെളിഞ്ഞ പേർഷ്യൻ ഗൾഫ്‌ യുദ്ധം നടത്തി. യുദ്ധാ​ന​ന്തരം ഇറാക്കി​ലും കു​വൈ​റ​റി​ലു​മുള്ള ശതസഹ​സ്ര​ക്ക​ണ​ക്കി​നാ​ളു​കൾ അവി​ടെ​നി​ന്നു പുറത്താ​ക്ക​പ്പെട്ടു. പട്ടിണി മൂലവും കൈ​വെ​ടി​യ​പ്പെ​ട്ട​തി​നാ​ലും വികല​പോ​ഷ​ണ​ത്താ​ലും വ്യാധി​കൾ മൂലവും ആയിരങ്ങൾ ചത്തൊ​ടു​ങ്ങി—ഒരവസ​ര​ത്തിൽ പ്രതി​ദി​നം നൂറു​ക​ണ​ക്കി​നു പേർതന്നെ. ഏകദേശം പത്തിൽ എട്ടു​വെച്ചു സ്‌ത്രീ​ക​ളും കുട്ടി​ക​ളു​മാ​യി​രു​ന്നു.

കഷ്ടങ്ങൾ മുൻകൂ​ട്ടി​പ്പ​റ​യ​പ്പെട്ടു

ലോക​ത്തി​ലെ കുട്ടി​കളെ ക്ലേശി​പ്പി​ച്ചു​കൊ​ണ്ടി​രി​ക്കുന്ന പ്രശ്‌നങ്ങൾ ഏതാണ്ടു രണ്ടായി​രം വർഷങ്ങൾക്കു മുമ്പു മുൻകൂ​ട്ടി​പ്പ​റ​യ​പ്പെ​ട്ടി​രു​ന്നു​വെന്നു ദൈവ​വ​ച​ന​ത്തി​ന്റെ പഠിതാ​ക്കൾക്ക്‌ അറിയാം. ബൈബിൾ ഈ “അന്ത്യനാ​ളുക”ളെക്കു​റിച്ച്‌ ഇപ്രകാ​രം മുൻകൂ​ട്ടി​പ്പ​റഞ്ഞു:

◻ “. . . മഹാവ്യാ​ധി​ക​ളും അവിട​വി​ടെ ഉണ്ടാകും.”—ലൂക്കൊസ്‌ 21:11.

◻ “ക്ഷാമവും . . . ഉണ്ടാകും.”—മത്തായി 24:7.

◻ “[ആളുകൾ] ഭൂമിയെ നശിപ്പി​ക്കും”—വെളി​പ്പാ​ടു 11:18.

◻ “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും”—മർക്കൊസ്‌ 13:8.

◻ “ദുർഘ​ട​സ​മ​യങ്ങൾ വരും. . . . മനുഷ്യർ സ്വസ്‌നേ​ഹി​ക​ളും. . .വാത്സല്യ​മി​ല്ലാ​ത്ത​വ​രും ആയിരി​ക്കും.”—2 തിമൊ​ഥെ​യൊസ്‌ 3:1-3.

“സമാധാ​ന​വും സുരക്ഷി​ത​ത്വ​വും” എന്നു പ്രഖ്യാ​പി​ക്കാൻമാ​ത്രം മനുഷ്യ​വർഗ്ഗ​ത്തി​ന്റെ പ്രശ്‌നങ്ങൾ പരിഹ​രി​ക്കു​ന്ന​തിൽ വേണ്ടത്ര മുന്നേ​ററം നടത്തി​യെന്നു രാഷ്‌ട്രങ്ങൾ ചിന്തി​ക്കുന്ന സമയം പെട്ടെന്നു വരു​മെ​ന്നും ബൈബിൾ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌!—1 തെസ്സ​ലൊ​നി​ക്യർ 5:3.

ഒരു ശോഭ​ന​മായ ഭാവി

പക്ഷേ, ആ പ്രഖ്യാ​പനം വാസ്‌ത​വ​ത്തിൽ ദൈവം മനുഷ്യ​വർഗ്ഗ​ത്തി​ന്റെ കാര്യാ​ദി​ക​ളിൽ ഇടപെ​ടു​ന്ന​തി​നെ അടയാ​ള​പ്പെ​ടു​ത്തും. അവന്റെ സ്വർഗ്ഗീയ രാജ്യം മുഖേന ദൈവം ഇപ്പോ​ഴത്തെ വ്യവസ്ഥി​തി​യെ മാററു​ക​യും കുട്ടി​കൾക്കും മുതിർന്ന​വർക്കു​മെ​ല്ലാം യഥാർത്ഥ സമാധാ​ന​വും നിലനി​ല്‌ക്കുന്ന സുരക്ഷി​ത​ത്ത്വ​വും കൈവ​രു​ത്തുന്ന പുതിയ ലോകത്തെ ആനയി​ക്കു​ക​യും ചെയ്യും—സദൃശ​വാ​ക്യ​ങ്ങൾ 2:21, 22; ദാനീ​യേൽ 2:44; മത്തായി 6:10.

ദൈവ​ത്തി​ന്റെ മഹനീ​യ​മായ രാജ്യ​ക്ര​മീ​ക​ര​ണ​ത്തിൻകി​ഴിൽ “‘എനിക്കു ദീന’മെന്നു യാതൊ​രു നിവാ​സി​യും പറകയില്ല.” (യെശയ്യാ​വു 33:24) വികല​പോ​ഷണം കഴിഞ്ഞ​കാല സംഭവ​മാ​യി​രി​ക്കും: “ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും; അതിന്റെ വിളവു ലെബാ​നോ​നെ​പ്പോ​ലെ ഉലയും.” (സങ്കീർത്ത​നങ്ങൾ 72:16) യുദ്ധം പോലും മേലാൽ ഉണ്ടായി​രി​ക്കില്ല, കാരണം “അവൻ ഭൂമി​യു​ടെ അററം വരെയും യുദ്ധങ്ങളെ നിർത്തൽ ചെയ്യുന്നു” എന്നു ബൈബിൾ വാഗ്‌ദാ​നം ചെയ്യുന്നു.—സങ്കീർത്ത​നങ്ങൾ 46:9.

എന്നാൽ വികല​പോ​ഷ​ണ​ത്താ​ലോ രോഗ​ത്താ​ലോ മററു കാരണ​ങ്ങ​ളാ​ലോ ഇതി​നോ​ടകം മരിച്ചു​പോയ കുട്ടി​കളെ—മററു​ള്ള​വ​രെ​യും—സംബന്ധി​ച്ചെന്ത്‌? ദൈവ​ത്തി​ന്റെ നിശ്വസ്‌ത വചനം പ്രഖ്യാ​പി​ക്കു​ന്നത്‌ ഇങ്ങനെ​യാണ്‌: “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും.”—പ്രവൃ​ത്തി​കൾ 24:15.

യേശു​ക്രി​സ്‌തു ഭൂമി​യി​ലാ​യി​രു​ന്ന​പ്പോൾ, ദൈവ​ത്തി​ന്റെ പുതിയ ലോക​ത്തിൽ ഭൗമിക ജീവനി​ലേ​ക്കുള്ള പുനരു​ത്ഥാ​ന​ത്തിൽ കുട്ടി​ക​ളും ഉൾപ്പെ​ടു​മെന്ന്‌ അവൻ പ്രകട​മാ​ക്കി. ഉദാഹ​ര​ണ​ത്തിന്‌, ഏകദേശം 12 വയസ്സുള്ള ഒരു പെൺകു​ട്ടി മരിച്ച​പ്പോൾ “എല്ലാവ​രും അവളെ​ച്ചൊ​ല്ലി കരയു​ക​യും മുറയി​ടു​ക​യും ചെയ്യു”കയായി​രു​ന്നു. എന്നാൽ അവളുടെ കൈപി​ടി​ച്ചു യേശു അവളോ​ടു പറഞ്ഞു: “ബാലേ എഴു​ന്നേല്‌ക്ക!” “ബാല ഉടനെ എഴു​ന്നേ​ററു നടന്നു”വെന്നും “അവൾക്കു ഭക്ഷിപ്പാൻ കൊടു​ക്കേണ”മെന്നു അവൻ പറഞ്ഞു​വെ​ന്നും ഈ ചരി​ത്ര​രേഖ വിവരി​ക്കു​ന്നു. അവളുടെ മാതാ​പി​താ​ക്ക​ളു​ടെ പ്രതി​ക​രണം എന്തായി​രു​ന്നു? ബൈബിൾ പറയുന്നു: “അവളുടെ അമ്മയപ്പൻമാർ വിസ്‌മ​യി​ച്ചു.”—ലൂക്കൊസ്‌ 8:40-42, 49-56; മർക്കൊസ്‌ 5:42.

മറെറാ​രു സന്ദർഭ​ത്തിൽ ഒരു വിധവ​യു​ടെ ഏകപു​ത്രൻ മരിച്ചു​പോ​കു​ക​യും ശവസം​സ്‌കാ​ര​ത്തി​നു കൂടിയ ജനാവ​ലി​യെ യേശു കണ്ടുമു​ട്ടു​ക​യും ചെയ്‌തു. “അവൻ അടുത്തു ചെന്നു മഞ്ചം തൊട്ടു, ചുമക്കു​ന്നവർ നിന്നു.” “ബാല്യ​ക്കാ​രാ എഴു​ന്നേല്‌ക്ക എന്നു ഞാൻ നിന്നോ​ടു പറയുന്നു എന്നു അവൻ പറഞ്ഞു. മരിച്ചവൻ എഴു​ന്നേ​ററു ഇരുന്നു സംസാ​രി​പ്പാൻ തുടങ്ങി; അവൻ [യേശു] അവനെ അമ്മെക്കു ഏല്‌പി​ച്ചു കൊടു​ത്തു.” അടുത്തു​ള്ളവർ “ദൈവത്തെ മഹത്വീ​കരി”ക്കാൻ തുടങ്ങി.—ലൂക്കൊസ്‌ 7:11-16.

അങ്ങനെ, ദൈവ​രാ​ജ്യ ഗവൺമെൻറി​ന്റെ നീതി​പൂർവ​മായ ഭരണത്തിൻ കീഴിൽ, പുനരു​ത്ഥാ​നം പ്രാപി​ച്ച​വ​രുൾപ്പെടെ, കുട്ടി​കൾക്കു സാദ്ധ്യ​മാ​കു​ന്ന​തിൽ വച്ചേറ​റ​വും ശോഭ​ന​മായ ഭാവി​യു​ണ്ടാ​യി​രി​ക്കും. അവർക്കു നീതി​യും സമാധാ​ന​വു​മുള്ള ഒരു ലോകത്തു വളർന്നു​വ​രാൻ കഴിയും, യേശു അതിനെ ഉചിത​മാ​യും “പരദീസ” എന്നു വിളി​ക്കാൻത​ക്ക​വണ്ണം അതത്ര സുന്ദര​വും സുരക്ഷി​ത​വും സമൃദ്ധ​വു​മാണ്‌.—ലൂക്കൊസ്‌ 23:43. (g92 12⁄8)

[9-ാം പേജിലെ ചിത്രം]

ദൈവത്തിന്റെ പുതിയ ലോക​ത്തിൽ കുട്ടികൾ സുരക്ഷി​ത​രും ആരോ​ഗ്യ​മു​ള്ള​വ​രും സന്തുഷ്ട​രു​മാ​യി വളർന്നു​വ​രും