യുവജ​നങ്ങൾ ചോദി​ക്കു​ന്നു. . .

കുടിക്ക്‌ എന്നെ വാസ്‌ത​വ​ത്തിൽ കുരു​ക്കി​ലാ​ക്കാ​നാ​വു​മോ?

അതെല്ലാം തുടങ്ങി​യതു ജറോ​മി​നു വെറും ഒൻപതു വയസ്സു​മാ​ത്രം പ്രായ​മു​ള്ള​പ്പോൾ ആയിരു​ന്നു. അവൻ ഇപ്രകാ​രം വിശദീ​ക​രി​ക്കു​ന്നു: “വീട്ടിൽ നടത്തിയ ഒരു സൽക്കാ​ര​ത്തിൽ ബാക്കിവന്ന മദ്യം ഞാൻ ഒന്നു രുചി​ച്ചു​നോ​ക്കു​ക​യും പൂസാ​കു​ക​യും ചെയ്‌തു, ആ അനുഭവം എനിക്ക്‌ ഇഷ്ടമായി.” പിന്നെ മദ്യം വാങ്ങലും ഒളിച്ചു​വ​യ്‌ക്ക​ലും കുടി​ക്ക​ലും ജറോ​മി​ന്റെ ദിനച​ര്യ​യാ​യി​തീർന്നു. എന്നിരു​ന്നാ​ലും അവൻ സമ്മതി​ച്ചു​പ​റ​യു​ന്നു: “17 വയസ്സു​വരെ എനിക്ക്‌ ഒരു പ്രശ്‌ന​മു​ണ്ടാ​യി​രു​ന്ന​താ​യി ഞാൻ അറിഞ്ഞി​രു​ന്നില്ല. മററു​ള്ളവർ പ്രഭാ​ത​ഭ​ക്ഷണം കഴിക്കു​മ്പോൾ, ഞാൻ വോഡ്‌ക്ക​യു​ടെ അര പൈൻറ്‌ കഴിക്കു​ക​യാ​യി​രു​ന്നു!”

ലോക​മെ​മ്പാ​ടും ചെറു​പ്പ​ക്കാ​രു​ടെ ഇടയിൽ മദ്യത്തി​ന്റെ ഉപയോ​ഗ​വും ദുരു​പ​യോ​ഗ​വും ഭയാന​ക​മായ തോതിൽ വർദ്ധി​ച്ചു​വ​രി​ക​യാണ്‌. ഐക്യ​നാ​ടു​ക​ളിൽ മാത്രം ഒരു കോടി​യി​ല​ധി​കം​പേർ—13 മുതൽ 18 വരെ പ്രായ​മുള്ള അമേരി​ക്കൻ വിദ്യാർത്ഥി​ക​ളു​ടെ മൊത്തം എണ്ണത്തിന്റെ നേർപ​കു​തി—കഴിഞ്ഞ ഒരു വർഷത്തിൽ ചുരു​ങ്ങി​യത്‌ ഒരു പ്രാവ​ശ്യ​മെ​ങ്കി​ലും കുടി​ച്ചി​ട്ടുണ്ട്‌. എൺപതു ലക്ഷത്തോ​ളം​പേർ ഓരോ ആഴ്‌ച​യി​ലും കുടി​ക്കു​ന്നു. വാസ്‌ത​വ​ത്തിൽ അമേരി​ക്ക​യി​ലെ കൗമാ​ര​പ്രാ​യ​ക്കാർ ഒരു വർഷം നൂറു കോടി​യിൽപരം ടിൻ ബിയറും മുപ്പതു കോടി​യിൽപരം കുപ്പി തണുപ്പിച്ച അംഗാ​ര​മ​യ​വീ​ഞ്ഞും കുടി​ക്കു​ന്നുണ്ട്‌!

ലഹരി​പാ​നീ​യ​ത്തെ​ക്കു​റി​ച്ചു ബൈബിൾ പറയുന്നു: “അതിനാൽ ചാഞ്ചാടി നടക്കുന്ന ആരും ജ്ഞാനി​യാ​ക​യില്ല.” (സദൃശ​വാ​ക്യ​ങ്ങൾ 20:1) എന്നിരു​ന്നാ​ലും ജറോ​മി​നെ പോ​ലെ​യുള്ള ലക്ഷക്കണ​ക്കി​നു യുവാക്കൾ മദ്യത്താൽ വഴിപി​ഴ​പ്പി​ക്ക​പ്പെ​ടു​ന്നു. മദ്യത്തി​ന്റെ ദുരു​പ​യോ​ഗം​കൊ​ണ്ടുള്ള അപകടങ്ങൾ എന്തെല്ലാ​മാണ്‌? നിങ്ങൾ കുരു​ക്കി​ല​ക​പ്പെ​ടു​ക​യാ​ണെന്നു നിങ്ങൾക്ക്‌ എങ്ങനെ പറയാൻ കഴിയും?

മദ്യവും മദ്യാ​സ​ക്തി​യും

ഉജ്ജ്വല​വർണ്ണ​ങ്ങ​ളിൽ തണുപ്പിച്ച വീഞ്ഞോ നുരയ്‌ക്കുന്ന ബിയറോ ആയി പായ്‌ക്കു ചെയ്യു​മ്പോൾ മദ്യം തീർത്തും നിരു​പ​ദ്ര​വ​മാ​യി കാണ​പ്പെ​ടു​ന്നു. എന്നിരു​ന്നാ​ലും രുചി​യും രൂപവും വഞ്ചകമാ​യി​രു​ന്നേ​ക്കാം. മദ്യം ഒരു മയക്കു​മ​രു​ന്നാണ്‌—വീര്യ​വ​ത്തായ ഒന്നു തന്നെ.

കേന്ദ്ര​നാ​ഡീ​വ്യൂ​ഹ​ത്തിൻമേൽ പ്രവർത്തി​ച്ചു​കൊ​ണ്ടു തലച്ചോ​റി​നെ ബാധി​ക്കുന്ന ഒരു മയക്കു​മ​രു​ന്നാ​ണു മദ്യ​മെന്നു ഡോക്ടർമാർ പറയുന്നു. പ്രായ​പൂർത്തി​യായ ഒരാൾ മിതമായ അളവിൽ കഴിക്കു​മ്പോൾ, അതു നിരു​പ​ദ്ര​വ​വും സുഖ​പ്ര​ദ​വു​മായ ഫലം ഉണ്ടാക്കി​യേ​ക്കാം. “മമനു​ഷ്യ​ന്റെ ഹൃദയത്തെ സന്തോ​ഷി​പ്പി​ക്കുന്ന വീഞ്ഞി”നെക്കു​റി​ച്ചു സങ്കീർത്തനം 104:15-ൽ പറയു​ന്നുണ്ട്‌. എന്നിരു​ന്നാ​ലും അമിത​മാ​യി മദ്യപി​ക്കു​ന്നതു മത്തുപി​ടി​ക്കു​ന്ന​തി​നു കാരണ​മാ​യേ​ക്കും—ശാരീ​രി​ക​വും മാനസി​ക​വു​മായ നിയ​ന്ത്ര​ണ​ങ്ങളെ സാരമാ​യി തകരാ​റി​ലാ​ക്കുന്ന ഒരു അവസ്ഥയാ​ണത്‌. ജറോ​മി​നെ പോലെ, ഒന്നു കുടി​ക്കാ​നുള്ള ആഗ്രഹ​ത്തിൽനിന്ന്‌ ആവശ്യ​ത്തി​ലേക്ക്‌ അല്ലെങ്കിൽ അത്യാ​സ​ക്തി​യി​ലേ​ക്കുള്ള നിർണ്ണാ​യക നീക്കം നടത്തി​ക്കൊണ്ട്‌ ഒരു വ്യക്തി കുരു​ക്കി​ലാ​യേ​ക്കാം. ഇത്‌ എന്തു​കൊ​ണ്ടാ​ണു സംഭവി​ക്കു​ന്നത്‌? മദ്യം അമിത​മാ​യി ഉപയോ​ഗി​ച്ചാൽ ശരീരം അതിന്‌ ഇടം കൊടു​ത്തേ​ക്കാം. ഉപയോ​ക്താവ്‌ പിന്നീടു കുടി​യു​ടെ അളവു വർദ്ധി​പ്പി​ച്ചെ​ങ്കി​ലേ അതിന്റെ ഫലമനു​ഭ​വി​ക്കാ​നാ​വൂ. അതു തിരി​ച്ച​റി​യു​ന്ന​തി​നു മുമ്പേ​തന്നെ അയാൾ കുരു​ക്കി​ല​ക​പ്പെ​ടു​ന്നു. ഒരു വ്യക്തി ഒരിക്കൽ കുരു​ക്കി​ലാ​യാൽ അയാളു​ടെ ജീവിതം ദാരു​ണ​മാം​വി​ധം മാറുന്നു. ഐക്യ​നാ​ടു​ക​ളിൽ ഏകദേശം അമ്പതു​ലക്ഷം യുവാ​ക്കൾക്കു മദ്യപാ​ന​ത്തി​ന്റേ​തായ ഒരു പ്രശ്‌ന​മുണ്ട്‌.

എന്തു​കൊണ്ട്‌ അവർ കുടി​ക്കു​ന്നു

ആയിര​ത്തി​ത്തൊ​ള്ളാ​യി​ര​ത്തി​മു​പ്പതു​ക​ളിൽ ഐക്യ​നാ​ടു​ക​ളിൽ ശരാശരി കൗമാ​ര​പ്രാ​യ​ക്കാ​രൻ 18 വയസ്സാ​യ​പ്പോ​ഴേ​ക്കും ആദ്യമാ​യി മദ്യം രുചി​ച്ചു​നോ​ക്കൽ നടത്തി. ഇന്ന്‌, അവൻ അങ്ങനെ ചെയ്യു​ന്നത്‌ 13 വയസ്സിനു മുൻപാണ്‌. ചിലർ അതിലും ചെറു​പ്പ​ത്തി​ലേ തുടങ്ങു​ന്നു. “എനിക്ക്‌ . . . ആറു വയസ്സു​ണ്ടാ​യി​രു​ന്നു . . . എന്റെ അപ്പൂപ്പന്റെ പക്കൽനി​ന്നു ഞാൻ അല്‌പം ബിയർ മോന്തി . . . എനിക്കു നന്നായി തല ചുററൽ അനുഭ​വ​പ്പെട്ടു!” എന്നു പൂർവ്വ​സ്ഥി​തി​പ്രാ​പി​ച്ചു​വ​രുന്ന മദ്യാ​സ​ക്ത​യായ കാർലോ​ററ അനുസ്‌മ​രി​ക്കു​ന്നു. എത്ര ചെറു​പ്പ​ത്തി​ലേ നിങ്ങൾ തുടങ്ങു​ന്നു​വോ, അത്രയ്‌ക്കു കൂടു​ത​ലാ​ണു കുരു​ക്കി​ലാ​കാ​നുള്ള സാദ്ധ്യത.

തീർച്ച​യാ​യും സമപ്രാ​യ​ക്കാർ ആ വഴിക്കു പലപ്പോ​ഴും ഗണ്യമായ സമ്മർദ്ദം ചെലു​ത്താ​റുണ്ട്‌. ചില​പ്പോൾ കുറെ കുററം മാതാ​പി​താ​ക്ക​ളു​ടെ​താ​യി​രി​ക്കും. ചിലർ അമിത​മാ​യി കുടി​ക്കു​ക​യും വൈകാ​രി​ക​മായ താങ്ങ്‌ എന്നനി​ല​യിൽ മദ്യം ഉപയോ​ഗി​ക്ക​യും ചെയ്യുന്നു, അല്ലെങ്കിൽ തങ്ങൾക്കു താങ്ങാ​നാ​വുന്ന മദ്യത്തി​ന്റെ അളവി​നെ​ക്കു​റി​ച്ചു വീമ്പി​ള​ക്കുക പോലും ചെയ്യുന്നു. മദ്യാ​സ​ക്തി​യെ​ക്കു​റി​ച്ചുള്ള ഒരു ചെറു​പു​സ്‌തകം പറയുന്നു: “ഉത്തരവാ​ദി​ത്ത്വ​ത്തോ​ടെ കുടി​ക്കുന്ന മുതിർന്ന​വ​രാ​യി​ത്തീ​രുന്ന കുട്ടികൾ പൊതു​വെ മദ്യത്തെ സാരവ​ത്താ​യും നിർവ്വി​കാ​ര​മാ​യും കരുതു​ക​യും കുടിക്ക്‌ ഉചിത​മായ സ്ഥാനം കല്‌പി​ക്കു​ക​യും ചെയ്യുന്ന കുടും​ബ​ങ്ങ​ളിൽനി​ന്നു​ള്ള​വ​രാ​യി​രി​ക്കാ​നാ​ണു പ്രവണത.”a

ടെലി​വി​ഷൻ യുവാ​ക്ക​ളു​ടെ​മേ​ലുള്ള മറെറാ​രു ശക്തി​യേ​റിയ സ്വാധീ​ന​മാണ്‌. ഒരു ശരാശരി അമേരി​ക്കൻ യുവാവു 18 വയസ്സാ​കു​മ്പോ​ഴേ​യ്‌ക്കും ടെലി​വി​ഷ​നിൽ 75,000 മദ്യപാ​ന​രം​ഗങ്ങൾ കണ്ടിരി​ക്കും—ഒരു ദിവസം 11 രംഗങ്ങൾ വീതം. നേര​മ്പോ​ക്കി​ലേ​ക്കും പ്രേമ​ത്തി​ലേ​ക്കു​മുള്ള വാതി​ലാ​ണു മദ്യപാ​ന​മെന്നു തോന്നി​പ്പി​ക്കാൻ ശ്രദ്ധാ​പൂർവ്വം രൂപക​ല്‌പന ചെയ്‌തി​ട്ടുള്ള വിദഗ്‌ദ്ധ പരസ്യങ്ങൾ, ചട്ടമ്പി​ക​ളു​ടെ സാമൂ​ഹി​ക​കൂ​ട്ട​ങ്ങ​ളിൽ മദ്യപി​ക്കുന്ന കാമോ​ദ്ദീ​പ​ക​രായ മോഡൽയു​വ​തി​കളെ ചിത്രീ​ക​രി​ക്കു​ന്നു. ലഹരി​പാ​നീ​യ​ങ്ങൾക്കു പഴവർഗ്ഗ​ങ്ങ​ളു​ടെ വാസന​യും ആകർഷ​ക​മായ ഉൽപ്പന്ന​നാ​മ​ങ്ങ​ളും കൊടു​ക്കു​ന്നു. അത്തരം പരസ്യങ്ങൾ അതിന്റെ ലക്ഷ്യ​പ്രാ​പ്‌തി കൈവ​രി​ക്കു​ക​യും ചെയ്യുന്നു. ഓരോ വാരാ​ന്ത്യ​ത്തി​ലും ഐക്യ​നാ​ടു​ക​ളിൽ 4,54,000 യുവാക്കൾ നിയ​ന്ത്രാ​ണാ​തീ​ത​മായ കുടി​യി​ലേർപ്പെ​ടു​ന്നു. അവരിൽ പലരും “ഇപ്പോൾതന്നെ മദ്യാ​സ​ക്ത​രാണ്‌, ശേഷി​ക്കു​ന്നവർ തീർച്ച​യാ​യും അതി​ലേ​ക്കുള്ള വഴിയി​ലു​മാ​യി​രി​ക്കാം” എന്നു പറയാൻത​ക്ക​വണ്ണം ഇത്‌ ഐക്യ​നാ​ടു​ക​ളി​ലെ ജനറൽ സർജ്ജനെ പ്രേരി​പ്പി​ച്ചു.

എന്നാൽ ചില യുവാക്കൾ കുടി​ക്കാൻ നിർബ​ന്ധി​ത​രാ​കു​ന്നത്‌ ആന്തരിക സംഘർഷം നിമി​ത്ത​മാണ്‌. കിം മൂക്കററം ബിയർ കുടി​ക്കു​ന്നത്‌ എന്തു​കൊ​ണ്ടാ​ണന്നു വെളി​പ്പെ​ടു​ത്തി: “ഞാൻ (മദ്യം) ഉപയോ​ഗി​ച്ചത്‌ എന്റെ മാനസി​ക​ഭാ​വ​ത്തി​നു മാററം വരുത്താ​നും എന്നെക്കു​റി​ച്ചു​തന്നെ മെച്ചമായ തോന്ന​ലു​ണ്ട​ക്കാ​നു​മാ​യി​രു​ന്നു.” ഒരു യുവാവു ലജ്ജാലു​വോ അല്ലെങ്കിൽ ആത്മാഭി​മാ​നം കുറഞ്ഞ​വ​നോ ആണെങ്കിൽ, മദ്യപി​ക്കു​ന്നത്‌ ഒരു ആകർഷ​ക​മായ പ്രതി​വി​ധി​യാ​യി തോന്നാം. മററു​ചി​ല​രാ​കട്ടെ കുടി​ക്കു​ന്നതു മാതാ​പി​താ​ക്ക​ളു​ടെ ദുഷ്‌പെ​രു​മാ​റ​റ​മോ അവഗണ​ന​യോ പോലുള്ള വേദനാ​ജ​ന​ക​മായ ജീവി​ത​യാ​ഥാർത്ഥ്യ​ങ്ങൾ ഓർമ്മ​യി​ലേക്കു വരുന്നതു തടയാൻവേ​ണ്ടി​യാണ്‌. അന എന്ന യുവതി മദ്യപാ​നം തുടങ്ങി​യത്‌ എന്തു​കൊ​ണ്ടാ​യി​രു​ന്നു? “എനിക്ക്‌ ആവശ്യ​മാ​യി​രുന്ന സ്‌നേഹം എനിക്ക്‌ ഒരിക്ക​ലും ലഭിച്ചി​രു​ന്നില്ല.”

തുടക്ക​മി​ടു​ന്ന​തി​നുള്ള കാരണങ്ങൾ എന്തുത​ന്നെ​യാ​യാ​ലും, കാല​ക്ര​മ​ത്തിൽ തന്റെ മദ്യപാ​നം നിയ​ന്ത്രി​ക്കു​ന്നത്‌ ഒരു യുവാ​വി​നു പൂർവ്വാ​ധി​കം ബുദ്ധി​മു​ട്ടാ​യി അനുഭ​വ​പ്പെ​ടും. ആ സമയത്താണ്‌ അയാൾ മദ്യാ​സ​ക്തി​യെ മുഖാ​മു​ഖം ദർശി​ക്കു​ന്നത്‌. നിങ്ങൾ മദ്യപാ​നം തുടങ്ങി​യി​ട്ടു​ണ്ടോ? എങ്കിൽ “നിങ്ങൾ മദ്യപി​ക്കാൻ തുടങ്ങി​യ​തു​മു​തൽ” എന്ന ശീർഷ​ക​ത്തോ​ടു​കൂ​ടിയ പ്രശ്‌നോ​ത്തരി പരി​ശോ​ധി​ക്കുക. ഫലങ്ങൾ തികച്ചും ഉൾക്കാ​ഴ്‌ച്ച​ന​ല്‌കു​ന്ന​താ​ണെന്നു നിങ്ങൾ കണ്ടെത്തും.

മദ്യം—യുവജ​ന​ങ്ങൾക്ക്‌ അപകട​കരം!

“വീഞ്ഞു കുടി​ച്ചു​കൊ​ണ്ടു നേരം വൈകി​ക്കു​ന്ന​വർക്കു” ബൈബിൾ മുന്നറി​യി​പ്പു കൊടു​ക്കു​ന്നു: “ഒടുക്കം അതു . . . അണലി​പോ​ലെ കൊത്തും.” (സദൃശ​വാ​ക്യ​ങ്ങൾ 23:29-32) വിഷപ്പാമ്പ്‌ കുത്തി​വെ​ക്കുന്ന വിഷത്തിന്‌ ഒരു മനുഷ്യ​നെ സാവധാ​ന​വും വേദനാ​പൂർവ്വ​വും പരു​ക്കേ​ല്‌പി​ക്കാ​നോ കൊല്ലു​വാ​നോ കഴിയും. (പ്രവൃ​ത്തി​കൾ 28:3, 6 താരത​മ്യ​പ്പെ​ടു​ത്തുക.) അതു​പോ​ലെ മദ്യത്തി​ന്റെ ദീർഘി​ച്ച​തും കടുത്ത​തു​മായ ദുരു​പ​യോ​ഗ​ത്തി​നു നിങ്ങളെ സാവധാ​നം കൊല്ലു​വാൻ സാധി​ക്കും. നിങ്ങളു​ടെ കരൾ, പാൻക്രി​യാസ്‌, തലച്ചോറ്‌, ഹൃദയം എന്നിവ പോലുള്ള ജീവൽപ്ര​ധാന അവയവ​ങ്ങൾക്കു കേടു​വ​രു​ത്താ​നോ നാശം വരുത്താ​നോ അതിനു കഴിയും. വിശേ​ഷി​ച്ചും വളർന്നു​വ​രുന്ന യുവശ​രീ​ര​വും മനസ്സും അത്തരം കേടു​പാ​ടു​കൾ ഏല്‌ക്കാൻ പാകത്തി​ലാണ്‌, അതു ചില​പ്പോൾ അപരി​ഹാ​ര്യ​വു​മാണ്‌.

മദ്യത്തി​ന്റെ ദുരു​പ​യോ​ഗം നിങ്ങളു​ടെ ശരീര​ത്തേ​ക്കാൾ നിങ്ങളു​ടെ വികാ​ര​ങ്ങൾക്കു കൂടുതൽ ഹാനി​ക​ര​മാ​യി​രു​ന്നേ​ക്കാം. ഒരു കുടി നിങ്ങളു​ടെ ആത്മവി​ശ്വാ​സത്തെ താല്‌ക്കാ​ലി​ക​മാ​യി ഉയർത്തി​യേ​ക്കാം. എന്നാൽ അതു നിങ്ങൾക്കു നല്‌കുന്ന ആത്മവി​ശ്വാ​സം പൊള്ള​യാണ്‌—അതിന്റെ ഫലങ്ങൾ എപ്പോ​ഴും ക്ഷയിച്ചു​പോ​കു​ന്നു. അതിനി​ടെ നിങ്ങളു​ടെ വൈകാ​രി​ക​വും മാനസി​ക​വു​മായ വളർച്ചയെ നിങ്ങൾ മുരടി​പ്പി​ക്കു​ന്നു. പ്രശാ​ന്ത​നാ​യി യാഥാർത്ഥ്യ​ത്തെ അഭിമു​ഖീ​ക​രി​ക്കു​ന്ന​തി​നു​പ​കരം, നിങ്ങൾ മറെറാ​രു കുടി​ക്കാ​യി കൈനീ​ട്ടു​ന്നു. എന്നാൽ 11 മാസം നിയ​ന്ത്രണം പാലി​ച്ച​ശേഷം 18 വയസ്സു​കാ​ര​നായ പീററർ പറയുന്നു: “എന്റെ വികാ​ര​ങ്ങളെ അഭിമു​ഖീ​ക​രി​ക്കാ​നും മുമ്പു മദ്യം കൈകാ​ര്യം ചെയ്യാൻ സഹായി​ച്ചി​രുന്ന സാഹച​ര്യ​ങ്ങളെ നേരി​ടാ​നുള്ള പുതിയ മാർഗ്ഗങ്ങൾ അവലം​ബി​ക്കാ​നും എങ്ങനെ കഴിയു​മെന്നു ഞാൻ പഠി​ക്കേ​ണ്ട​താ​യി​ട്ടാ​ണി​രി​ക്കു​ന്നത്‌. വൈകാ​രി​ക​മാ​യും സാമൂ​ഹി​ക​മാ​യും എനിക്കി​പ്പോൾ ഏകദേശം 13 വയസ്സു മാത്ര​മേ​യു​ള്ളു എന്നാണു ഞാൻ വിചാ​രി​ക്കു​ന്നത്‌.”

ഇനി കുടി​ച്ച​ശേഷം വണ്ടി​യോ​ടി​ക്കു​ന്ന​തി​ന്റെ അപകടങ്ങൾ ഉണ്ട്‌. ഐക്യ​നാ​ടു​ക​ളിൽ മദ്യവു​മാ​യി ബന്ധപ്പെട്ട റോഡ​പ​ക​ട​ങ്ങ​ളി​ലെ മരണമാ​ണു യുവജ​ന​ങ്ങ​ളു​ടെ ഒന്നാം​കിട ഘാതകൻ. മദ്യപാ​നം യുവജ​ന​ങ്ങ​ളു​ടെ മരണത്തി​നി​ട​യാ​ക്കുന്ന മററു പ്രധാ​ന​പ്പെട്ട കാരണ​ങ്ങ​ളായ നരഹത്യ​യോ​ടും ആത്മഹത്യ​യോ​ടും മുങ്ങി​ച്ചാ​ക​ലി​നോ​ടും ബന്ധപ്പെ​ട്ടി​രി​ക്കു​ന്നു.

കൂടാതെ, മദ്യത്തി​ന്റെ ദുരു​പ​യോ​ഗ​ത്തി​നു നിങ്ങളു​ടെ കുടു​ബ​ജീ​വി​ത​ത്തി​ന്റെ​മേ​ലും സുഹൃ​ത്‌ബ​ന്ധ​ങ്ങ​ളു​ടെ​മേ​ലും സ്‌കൂൾജോ​ലി​യു​ടെ​മേ​ലും ആത്മീയ​ത​യു​ടെ​മേ​ലും വിനാ​ശ​ക​ര​മായ ഫലങ്ങൾ വരുത്താൻ കഴിയും. ബൈബിൾ അതി​നെ​ക്കു​റി​ച്ചു പറയു​ന്നത്‌ ഇങ്ങനെ​യാണ്‌: “വളരെ​യ​ധി​കം മദ്യപി​ക്കു​ന്ന​വനെ എനിക്കു കാണി​ച്ചു​തരൂ, . . . ദുരി​ത​പൂർണ്ണ​നും ആത്മദുഖം തോന്നു​ന്ന​വ​നും എല്ലായ്‌പ്പോ​ഴും കുഴപ്പങ്ങൾ ഉണ്ടാക്കു​ന്ന​വ​നും എല്ലായ്‌പ്പോ​ഴും പരാതി​പ്പെ​ടു​ന്ന​വ​നു​മായ ഒരുവനെ ഞാൻ നിങ്ങൾക്കു കാണി​ച്ചു​ത​രാം. അവന്റെ കണ്ണുകൾ ചെമന്നി​രി​ക്കു​ന്നു, ഒഴിവാ​ക്കാ​മാ​യി​രുന്ന ചതവുകൾ അവനുണ്ട്‌ . . . നിനക്കു നടുക്ക​ട​ലിൽ കിടക്കു​ന്ന​വ​നെ​പ്പോ​ലെ, കടൽച്ചൊ​രു​ക്കു ബാധി​ച്ച​വ​നെ​പ്പോ​ലെ, കപ്പൽ തെന്നി ഉഴലു​മ്പോൾ പാമര​ത്തി​ന്റെ അഗ്രത്തിൽ കിടന്ന്‌ ആടുന്ന​വ​നെ​പ്പോ​ലെ തോന്നും.” (സദൃശ​വാ​ക്യ​ങ്ങൾ 23:29-34, ടുഡേ​യ്‌സ്‌ ഇംഗ്ലീഷ്‌ വേർഷൻ) ടെലി​വി​ഷ​നി​ലെ പകി​ട്ടേ​റിയ പരസ്യ​ങ്ങ​ളിൽ ഒരിക്ക​ലും കാണി​ക്കാത്ത മദ്യപാ​ന​ത്തി​ന്റെ ഒരു വശമാ​ണിത്‌.

എന്തു​കൊ​ണ്ടു തുടങ്ങണം?

അതു​കൊ​ണ്ടു പല രാജ്യ​ങ്ങ​ളും യുവജ​ന​ങ്ങ​ളു​ടെ​മേൽ മദ്യം കഴിക്കു​ന്ന​തു​സം​ബ​ന്ധി​ച്ചു നിയ​ന്ത്ര​ണ​മേർപ്പെ​ടു​ത്തു​ന്നു. നിങ്ങൾ ഒരു ക്രിസ്‌ത്യാ​നി​യാ​ണെ​ങ്കിൽ, ദൈവം നിങ്ങ​ളോ​ടു “ശ്രേഷ്‌ഠാ​ധി​കാ​ര​ങ്ങൾക്കു കീഴടങ്ങി”യിരി​ക്കാൻ ആജ്ഞാപി​ക്കു​ന്ന​തി​നാൽ, ഈ നിയമങ്ങൾ അനുസ​രി​ക്കാൻ ഒരു നിർബ​ന്ധ​കാ​രണം നിങ്ങൾക്കുണ്ട്‌. (റോമർ 13:1, 2) പ്രാ​ദേ​ശിക സംസ്‌ക്കാ​രം നിമിത്തം യുവജ​ന​ങ്ങ​ളു​ടെ ഇടയിലെ മദ്യത്തി​ന്റെ ഉപയോ​ഗം നിയമാ​നു​സൃ​ത​മാ​ണെ​ങ്കിൽപ്പോ​ലും, നിങ്ങളു​ടെ ജീവി​ത​ത്തിൽ ഈ സമയത്തു കുടി തുടങ്ങു​ന്നതു വാസ്‌ത​വ​ത്തിൽ നിങ്ങളു​ടെ ഏററവും നല്ല താത്‌പ​ര്യ​ങ്ങൾക്കു ചേർച്ച​യി​ലാ​ണോ? 1 കൊരി​ന്ത്യർ 6:12 പറയു​ന്ന​തു​പോ​ലെ “സകലത്തി​ന്നും എനിക്കു കർത്തവ്യ​മുണ്ട്‌ (നിയമാനുസൃതമാണ്‌, NW) എങ്കിലും സകലവും പ്രയോ​ജ​ന​മു​ള്ളതല്ല.” ലഹരി​പാ​നീ​യങ്ങൾ കൈകാ​ര്യം​ചെ​യ്യാൻ നിങ്ങൾ വാസ്‌ത​വ​ത്തിൽ സജ്ജനാ​ണോ?

സമപ്രാ​യ​ക്കാർ നിങ്ങളു​ടെ നേർക്കു തിളക്ക​മാർന്ന ഒരു വീഞ്ഞു​കു​പ്പി വച്ചുനീ​ട്ടു​മ്പോൾ, അതിന്റെ രുചി എങ്ങനെ​യി​രി​ക്കും എന്നറി​യാ​നുള്ള പ്രലോ​ഭ​ന​മു​ണ്ടാ​യേ​ക്കാം എന്നതു ശരി തന്നെ. എന്നിരു​ന്നാ​ലും ആസക്തി ഉണ്ടാകാൻ സാധ്യ​ത​യുള്ള ഒരു മയക്കു​മ​രു​ന്നാ​ണു നിങ്ങൾക്കു നല്‌കു​ന്ന​തെന്നു തിരി​ച്ച​റി​യുക. ബൈബിൾ കാലങ്ങ​ളിൽ ദാനി​യേൽ, ശദ്രക്‌, മേശക്‌, അബേദ്‌-നെഗോ എന്നിവ​രെ​പ്പോ​ലെ​യുള്ള ദൈവ​ഭ​ക്തി​യു​ണ്ടാ​യി​രുന്ന യുവാ​ക്കൾക്കു ബാബി​ലോൺ അധികാ​രി​കളെ അഭിമു​ഖീ​ക​രി​ക്കാ​നും പുറജാ​തി​ക്കാ​ര​നായ ബാബി​ലോൺ രാജാ​വി​നാൽ നല്‌ക​പ്പെട്ട ദുഷി​പ്പി​ക്കുന്ന ഭക്ഷണസാ​ധ​ന​ങ്ങ​ളും വീഞ്ഞും നിരാ​ക​രി​ക്കാ​നു​മുള്ള ധൈര്യ​മു​ണ്ടാ​യി. വേണ്ട എന്നു പറയാ​നുള്ള ധൈര്യം നിങ്ങൾക്കും പ്രകടി​പ്പി​ക്കാൻ കഴിയും!—ദാനി​യേൽ 1:3-17.

മദ്യം കഴിക്കാ​നാ​ണു നിങ്ങളു​ടെ തീരു​മാ​ന​മെ​ങ്കിൽ, അതിനു നിയമ​പ​ര​മാ​യും മാനസി​ക​മാ​യും വൈകാ​രി​ക​മാ​യും ശാരീ​രി​ക​മാ​യും നിങ്ങൾക്കു വേണ്ടത്ര പ്രായ​മാ​കുന്ന ഒരു സമയം വരും. അപ്പോൾപ്പോ​ലും മിതത്വം പാലി​ക്കാ​നും കുരു​ക്കി​ലാ​കു​ന്നത്‌ ഒഴിവാ​ക്കാ​നും നിങ്ങൾക്കു ബുദ്ധി​പൂർവ്വം ശ്രമി​ക്കാ​വു​ന്ന​താണ്‌. അനേകം യുവാക്കൾ ഇപ്പോൾതന്നെ കുരു​ക്കി​ലാ​യി​ട്ടുണ്ട്‌, പൂർവ്വ​സ്ഥി​തി​പ്രാ​പി​ക്കാൻ അവർക്ക്‌ എന്തു ചെയ്യാൻ കഴിയും എന്നത്‌ ഒരു ഭാവി ലേഖന​ത്തിൽ ചർച്ച​ചെ​യ്യു​ന്ന​താ​യി​രി​ക്കും. (g93 1/8)

[അടിക്കു​റി​പ്പു​കൾ]

[24-ാം പേജിലെ ചതുരം]

നിങ്ങൾ മദ്യപി​ക്കാൻ തുടങ്ങി​യ​തു​മു​തൽ:

□ നിങ്ങൾക്കു വ്യത്യ​സ്‌ത​രായ അല്ലെങ്കിൽ താരത​മ്യേന കുറച്ചു സ്‌നേ​ഹി​ത​രാ​ണോ ഉള്ളത്‌?

□ വീട്ടിലെ ജീവിതം പ്രയാ​സ​മേ​റി​യ​താ​ണോ?

□ നിങ്ങൾക്ക്‌ ഉറക്കത്തി​നു ബുദ്ധി​മു​ട്ട​നു​ഭ​വ​പ്പെ​ടാ​റു​ണ്ടോ, അല്ലെങ്കിൽ നിങ്ങൾക്കു മ്ലാനത​യോ ഉൽക്കണ്‌ഠ​യോ അനുഭ​വ​പ്പെ​ടാ​റു​ണ്ടോ?

□ മററു​ള്ള​വ​രോ​ടൊ​ത്താ​യി​രി​ക്കു​ന്നത്‌ ആയാസ​ര​ഹി​ത​മാ​യി തോന്നാൻ നിങ്ങൾക്കു കുടി​ക്കേ​ണ്ട​തി​ന്റെ ആവശ്യ​മു​ണ്ടോ?

□ കുടി​ക്കു​ശേഷം നിങ്ങൾ അസന്തു​ഷ്ട​നോ നിങ്ങളിൽതന്നെ നിരാ​ശ​നോ ആണോ?

□ നിങ്ങൾ മദ്യപി​ക്കാ​റുണ്ട്‌ എന്ന വസ്‌തു​തയെ സംബന്ധി​ച്ചു നിങ്ങൾ നുണ പറയാ​റു​ണ്ടോ അല്ലെങ്കിൽ അത്‌ ഒളിക്കാ​റു​ണ്ടോ?

□ നിങ്ങളു​ടെ മദ്യപി​ക്കുന്ന സ്വഭാ​വ​ത്തെ​ക്കു​റിച്ച്‌ ആരെങ്കി​ലും സൂചി​പ്പി​ക്കു​മ്പോൾ പരി​ഭ്ര​മി​ക്കു​ക​യോ ദേഷ്യ​പ്പെ​ടു​ക​യോ ചെയ്യാ​റു​ണ്ടോ?

□ നിങ്ങൾ മദ്യം ഉപയോ​ഗി​ക്കു​ന്ന​തി​നെ​ക്കു​റിച്ച്‌ ആരെങ്കി​ലും നിങ്ങളെ എപ്പോ​ഴെ​ങ്കി​ലും ബുദ്ധ്യു​പ​ദേ​ശി​ക്കു​ക​യോ തമാശ​പ​റ​യു​ക​യോ ചെയ്‌തി​ട്ടു​ണ്ടോ?

□ വീര്യം​കൂ​ടിയ മദ്യമ​ല്ലാ​ത്ത​തി​നാൽ, തണുപ്പിച്ച വീഞ്ഞും ബിയറും കുടി​ക്കു​ന്ന​തു​കൊ​ണ്ടു പ്രശ്‌ന​മൊ​ന്നു​മില്ല എന്നാണോ നിങ്ങൾ കരുതു​ന്നത്‌?

□ നിങ്ങൾ ഒരിക്കൽ ആസ്വദി​ച്ചി​രുന്ന ഹോബി​ക​ളി​ലും സ്‌പോ​ട്‌സു​ക​ളി​ലും നിങ്ങൾക്കു താത്‌പ​ര്യം നഷ്ടപ്പെ​ട്ടി​രി​ക്കു​ക​യാ​ണോ, അല്ലെങ്കിൽ അവ ഉപേക്ഷി​ച്ചി​രി​ക്കു​ക​യാ​ണോ?

രണ്ടിലധികം ചോദ്യ​ങ്ങൾക്ക്‌ ഉവ്വ്‌ എന്നു നിങ്ങൾ ഉത്തരം പറഞ്ഞി​ട്ടു​ണ്ടെ​ങ്കിൽ, നിങ്ങൾക്കു ഗുരു​ത​ര​മായ ഒരു മദ്യപാ​ന​പ്ര​ശ്‌ന​മു​ണ്ടെന്ന്‌ അതു സൂചി​പ്പി​ച്ചേ​ക്കാം. അങ്ങനെ​യെ​ങ്കിൽ, ഉടനടി നിങ്ങൾ സഹായം തേടു​ന്നതു ബുദ്ധി​പൂർവ്വ​ക​മാ​യി​രി​ക്കും.

അവലംബം: ദ റീജൻറ്‌ ഹോസ്‌പി​ററൽ, ന്യൂ​യോർക്ക്‌, എൻ വൈ.

[23-ാം പേജിലെ ചിത്രം]

മദ്യാസക്തരായ പലരും വളരെ ചെറു​പ്പ​ത്തി​ലേ​തന്നെ കുടി​യോ​ടു​ബ​ന്ധ​പ്പെട്ട പ്രശ്‌നങ്ങൾ ഉള്ളവരാണ്‌