വീടു​ക​ളിൽ അക്രമ​ത്തിന്‌ ഇടയാ​ക്കു​ന്ന​തെന്ത്‌?

“ഭവനത്തി​നു വെളി​യി​ലെ സമുദാ​യ​ത്തി​ന്റെ സമ്മർദ്ദങ്ങൾ, സംഘർഷങ്ങൾ, വിവേ​ക​ശൂ​ന്യത എന്നിവ​യിൽ നിന്നുള്ള ഒരു അഭയസ്ഥാ​ന​മാ​യി​രി​ക്കു​ന്ന​തി​നു പകരം കുടും​ബം മിക്ക​പ്പോ​ഴും ഈ സംഘർഷ​ങ്ങളെ വ്യാപ​ക​മാ​ക്കു​ക​യൊ വലുതാ​ക്കു​യൊ ചെയ്യു​ന്ന​താ​യി കാണ​പ്പെ​ടു​ന്നു.”—സുപരി​ചിത ചുററു​പാട്‌—വിവാ​ഹ​ത്തെ​യും കുടും​ബ​ത്തെ​യും അപഗ്ര​ഥി​ക്കൽ (The Intimate Environment—Exploring Marriage and the Family).

കുടും​ബ​ത്തി​ലെ അക്രമം എന്ന വിഷയം സംബന്ധിച്ച ഗവേഷണം ആപേക്ഷി​ക​മാ​യി ഒരു പുതിയ ഉദ്യമ​മാണ്‌. അടുത്ത ദശകങ്ങ​ളിൽ മാത്ര​മാ​ണു സമഗ്ര​മായ സർവ്വേകൾ നടത്തി​യി​ട്ടു​ള്ളത്‌. ഇപ്രകാ​ര​മുള്ള പരി​ശോ​ധ​ന​ക​ളു​ടെ ഫലങ്ങൾ എല്ലായ്‌പോ​ഴും പരസ്‌പരം ചേർച്ച​യി​ല​ല്ലാ​യി​രി​ക്കാ​മെ​ങ്കി​ലും വീടു​ക​ളി​ലെ അക്രമ​ത്തി​നു കാരണ​മാ​യി​രി​ക്കുന്ന ചില അടിസ്ഥാന ഘടകങ്ങൾ കണ്ടുപി​ടി​ച്ചി​ട്ടുണ്ട്‌. ഇവയിൽ ചിലതു നമുക്കു പരിചി​ന്തി​ക്കാം.

കുടും​ബ​പ​ശ്ചാ​ത്തലം എന്തു പങ്കുവ​ഹി​ക്കു​ന്നു?

തങ്ങളുടെ കണ്ടുപി​ടി​ത്ത​ങ്ങ​ളെ​പ്പ​ററി നിരവധി ഗവേഷകർ ഇങ്ങനെ പറഞ്ഞു: “ഞങ്ങൾ അഭിമുഖ സംഭാ​ഷണം നടത്തിയ ഇണകൾ എത്രയ​ധി​കം അക്രമാ​സ​ക്ത​രാ​യി​രു​ന്നോ അത്രയ​ധി​ക​മാ​യി അവരുടെ മക്കൾ പരസ്‌പ​ര​വും മാതാ​പി​താ​ക്ക​ളോ​ടും അക്രമം കാട്ടു​ന്നവർ ആണ്‌.”

കുടും​ബ​ത്തി​ലെ അക്രമ​ത്തി​നു വെറുതെ ദൃക്‌സാ​ക്ഷി​യാ​യി​രി​ക്കു​ന്നത്‌ ഒരു ചെറു​പ്പ​ക്കാ​ര​ന്റെ​മേൽ വലിയ ഫലം ഉളവാ​ക്കു​ന്നു. “തന്റെ അമ്മയെ മർദ്ദി​ക്കു​ന്നതു വീക്ഷി​ക്കുന്ന ഒരു കുട്ടി, മർദ്ദി​ക്ക​പ്പെ​ടു​ന്ന​തി​നു സമാന​മാണ്‌” എന്നു ചികി​ത്സകൻ ജോൺ ബ്രാഡ്‌ഷോ കുറി​ക്കൊ​ള്ളു​ന്നു. എഡ്‌ എന്നു പേരുള്ള ഒരു യുവാവ്‌ തന്റെ പിതാവ്‌ അമ്മയെ അടിക്കു​ന്നതു കാണു​ന്നതു വെറു​ത്തി​രു​ന്നു. എന്നിരു​ന്നാ​ലും തിരി​ച്ച​റി​ഞ്ഞി​ട്ടു​ണ്ടാ​വി​ല്ലെ​ങ്കി​ലും പുരു​ഷൻമാർ സ്‌ത്രീ​കളെ നിയ​ന്ത്രി​ക്ക​ണ​മെ​ന്നും അതിനു​വേണ്ടി അവർ സ്‌ത്രീ​കളെ ഭയപ്പെ​ടു​ത്ത​ണ​മെ​ന്നും ക്ഷതപ്പെ​ടു​ത്ത​ണ​മെ​ന്നും മാന​ക്കേ​ടു​വ​രു​ത്ത​ണ​മെ​ന്നും വിശ്വ​സി​ക്കാൻ അത്‌ അവനെ പഠിപ്പി​ക്കു​ക​യാ​യി​രു​ന്നു. പ്രായ​പൂർത്തി​യാ​യ​പ്പോൾ എഡ്‌ തന്റെ ഭാര്യ​യു​ടെ​മേൽ ഈ നിന്ദക​വും അക്രമാ​സ​ക്ത​വു​മായ തന്ത്രങ്ങൾ പ്രയോ​ഗി​ച്ചു.

ചില മാതാ​പി​താ​ക്കൾ കുട്ടികൾ ടെലി​വി​ഷ​നിൽ അക്രമം വീക്ഷി​ക്കു​ന്നതു ജാഗ്ര​ത​യോ​ടെ വിലക്കു​ന്നു, അതു ഒരു നല്ലകാ​ര്യം തന്നെ. എങ്കിലും ധാരണകൾ മനസിൽ പതിയുന്ന കുട്ടി​കൾക്കു മാതൃ​ക​വെ​ക്കു​ന്ന​വ​രെന്ന നിലയിൽ സ്വന്തം പെരു​മാ​റ​റത്തെ സൂക്ഷി​ക്കു​ന്ന​തിൽ മാതാ​പി​താ​ക്കൾ അതിലും കൂടുതൽ ജാഗ്ര​ത​യു​ള്ള​വ​രാ​യി​രി​ക്കണം.

സമ്മർദ്ദം എന്തു പങ്കുവ​ഹി​ക്കു​ന്നു?

ഗർഭധാ​ര​ണ​വും തൊഴി​ലി​ല്ലാ​യ്‌മ​യും മാതാ​വി​ന്റെ​യൊ പിതാ​വി​ന്റെ​യൊ മരണവും മാറി​പ്പാർക്ക​ലും രോഗ​വും സാമ്പത്തിക പ്രശ്‌ന​ങ്ങ​ളും മററു​കാ​ര്യ​ങ്ങൾപ്പോ​ലെ സമ്മർദ്ദ​ത്തി​നി​ട​യാ​ക്കു​ന്നു. മിക്ക ആളുക​ളും അക്രമ​ത്തി​നു തുനി​യാ​തെ​തന്നെ സമ്മർദ്ദത്തെ കൈകാ​ര്യം ചെയ്യുന്നു. എന്നിരു​ന്നാ​ലും, ചിലർക്കു സമ്മർദ്ദം അക്രമ​ത്തി​നുള്ള മുന്നോ​ടി​യാ​യി​രി​ക്കാൻ കഴിയും, പ്രത്യേ​കി​ച്ചു മററു ഘടകങ്ങ​ളു​മാ​യി ചേരു​മ്പോൾ. ഉദാഹ​ര​ണ​ത്തിന്‌ പ്രായ​മായ മാതാ​പി​താ​ക്കളെ സംരക്ഷി​ക്കു​ന്നത്‌—പ്രത്യേ​കി​ച്ചും മാതാ​വോ പിതാ​വോ രോഗി​യാ​യി​രി​ക്കു​മ്പോൾ—സംരക്ഷകൻ മററു കുടുംബ ഉത്തരവാ​ദി​ത്വ​ങ്ങ​ളാൽ അമിത​മാ​യി ഭാര​പ്പെ​ട്ടി​രി​ക്കു​മ്പോൾ ദുഷ്‌പെ​രു​മാ​റ​റ​ത്തി​ലേക്കു നയിച്ചി​ട്ടുണ്ട്‌.

മക്കളെ വളർത്തൽ സമ്മർദ്ദം ഉളവാ​ക്കു​ന്നു. തത്‌ഫ​ല​മാ​യി, കുട്ടി​ക​ളോ​ടുള്ള ദുഷ്‌പെ​രു​മാ​റ​റ​ത്തി​ന്റെ സാധ്യത കുടും​ബ​ത്തി​ന്റെ വലിപ്പ​മ​നു​സ​രി​ച്ചു വർദ്ധി​ച്ചേ​ക്കാം. അതു​പോ​ലെ കുട്ടികൾ ഇണകളു​ടെ ദുഷ്‌പെ​രു​മാ​റ​റ​ത്തി​ന്റെ വർദ്ധന​ക്കും ഇടവരു​ത്തി​യേ​ക്കാം, എന്തെന്നാൽ “കുട്ടി​ക​ളെ​ക്കു​റി​ച്ചുള്ള ശണ്‌ഠ​യാ​ണു മിക്കവാ​റും ദമ്പതി​കളെ വഴക്കി​ലേക്കു നയിക്കു​ന്നത്‌,” എന്നു കതകുകൾ അടച്ചി​ട്ടു​കൊണ്ട്‌ (Behind closed doors) എന്ന ഗ്രന്ഥം പ്രസ്‌താ​വി​ക്കു​ന്നു.

ലിംഗ​വർഗ്ഗ​ങ്ങ​ളെ​ക്കു​റി​ച്ചുള്ള അനുചിത വീക്ഷണം

കാനഡാ​യിൽ ഒരു ഉപദേ​ശ​സ​മൂ​ഹത്തെ പ്രവർത്തി​പ്പി​ക്കുന്ന ഡാൻബേ​ജാ​രക്ക്‌ ഉപദ്ര​വി​ക​ളായ പുരു​ഷൻമാർക്കു സ്‌ത്രീ​ക​ളെ​ക്കു​റിച്ച്‌ ഒരു തെററായ വീക്ഷണ​മാ​ണു​ള്ള​തെന്നു പറയുന്നു: “പുരു​ഷൻമാർ എതു സംസ്‌ക്കാ​ര​ത്തിൽപ്പെ​ട്ട​വ​രാ​യി​രുന്നാ​ലും, അവർ മുൻപ​ന്തി​യി​ലാ​ണെന്നു വിശ്വ​സി​ക്ക​ത്ത​ക്ക​വണ്ണം അവർ വളർത്ത​പ്പെ​ട്ടി​രി​ക്കു​ന്നു.” സ്‌ത്രീ​ക​ളെ​ക്കാൾ പുരു​ഷൻമാർ ഉത്‌കൃ​ഷ്ട​രാ​ണ​ന്നും അവരെ “ശിക്ഷി​ക്കു​ന്ന​തും ശാസി​ക്കു​ന്ന​തും ഭീഷണി​പ്പെ​ടു​ത്തു​ന്ന​തും” തങ്ങളുടെ അവകാ​ശ​മാ​ണെ​ന്നും വിശ്വ​സി​ക്ക​ത്ത​ക്ക​വണ്ണം പുരു​ഷൻമാർ പരിശീ​ലി​പ്പി​ക്ക​പ്പെ​ട്ടി​രി​ക്കു​ന്ന​താ​യി ഉപദ്ര​വ​കാ​രി​ക​ളായ പുരു​ഷൻമാ​രെ ചികി​ത്സി​ക്കുന്ന ഒരു പരിപാ​ടി​യു​ടെ നേതൃ​ത്വം വഹിക്കുന്ന ഹാമിഷ്‌ സിൻക്ലെയർ പറയുന്നു.

അനേകം നാടു​ക​ളിൽ ഭാര്യയെ തന്റെ സ്വത്തിന്റെ മറെറാ​രം​ശ​മാ​യി, കേവലം ഒരു വസ്‌തു​വി​നെ​പ്പോ​ലെ, കരുതാൻ പുരു​ഷന്‌ അവകാ​ശ​മു​ള്ള​താ​യി പരിഗ​ണി​ക്ക​പ്പെ​ടു​ന്നു. ഭാര്യ​യു​ടെ​മേ​ലുള്ള അയാളു​ടെ നിയ​ന്ത്ര​ണ​വും ആധിപ​ത്യ​വും, അയാളു​ടെ ആണത്തത്തി​ന്റെ​യും അഭിമാ​ന​ത്തി​ന്റെ​യും അളവു​കോ​ലാ​യി കണക്കാ​ക്കു​ന്നു. മിക്കവാ​റും ഭാര്യ​മാർ ഭയങ്കര​മാ​യി പ്രഹരി​ക്ക​പ്പെ​ടു​ക​യൊ മററു​പ്ര​കാ​ര​ത്തിൽ ദ്രോ​ഹി​ക്ക​പ്പെ​ടു​ക​യൊ ചെയ്യുന്നു, നിയമ​വ്യ​വസ്ഥ അതുസം​ബ​ന്ധിച്ച്‌ ഒന്നും ചെയ്യു​ന്നില്ല, കാരണം ആ നാട്ടിലെ നിയമ​സം​ഹിത അപ്രകാ​ര​മാണ്‌. പുരുഷൻ മേത്തര​വും സ്‌ത്രീ കീഴ്‌ത്ത​ര​വും ആണ്‌; അയാൾ എത്രമാ​ത്രം നികൃ​ഷ്ട​നോ അക്രമാ​സ​ക്ത​നോ വികട​നോ സ്വാർത്ഥ​നോ ആണെന്നു​ള്ളതു കൂട്ടാ​ക്കാ​തെ അവൾ അയാ​ളോ​ടു പൂർണ്ണ​മായ അനുസ​രണം പ്രകട​മാ​ക്കണം.

സിബി​എസ്‌ ടെലി​വി​ഷൻ റിപ്പോർട്ട​റായ മോർലി സേഫർ ഒരു തെക്കേ അമേരി​ക്കൻ രാജ്യത്തെ സംബന്ധിച്ച്‌ ഇങ്ങനെ റിപ്പോർട്ടു​ചെ​യ്‌തു: “ലാററിൻ അമേരി​ക്ക​യിൽ മറെറാ​രി​ട​ത്തും പുരു​ഷത്വ പൂജ ഇത്രമാ​ത്രം ദൃശ്യമല്ല . . . ഇതു വിശേ​ഷാൽ ഇര തന്റെ ഭാര്യ​യോ കാമു​കി​യോ ആണെങ്കിൽ, ഒരു പുരു​ഷനു തന്റെ മാന്യ​ത​ക്കു​വേണ്ടി വാദിച്ചു കൊല​ക്കു​റ​റ​ത്തിൽനിന്ന്‌ ഒഴിഞ്ഞു​പോ​കാൻ കഴിയുന്ന കോടതി മുറി ഉൾപ്പെടെ സമുദാ​യ​ത്തിൽ എല്ലായി​ട​ത്തും വ്യാപി​ച്ചി​രി​ക്കു​ന്നു.” ആ രാജ്യം ചെയ്യു​ന്ന​തു​പോ​ലെ “സ്‌ത്രീ​കളെ തരം താഴ്‌ത്തുന്ന മറെറാ​രി​ട​വും ഭൂമി​യി​ലില്ല” എന്ന്‌ അദ്ദേഹം ഉറപ്പി​ച്ചു​പ​റഞ്ഞു. എന്നാൽ പുരുഷ മേധാ​വി​ത്വ​വും സ്‌ത്രീ​കളെ തരംതാ​ഴ്‌ത്ത​ലും വിപുല വ്യാപ​ക​മാ​യി​രി​ക്കു​ന്നു. അത്‌ ഒരു രാജ്യത്ത്‌ എത്ര തീവ്ര​മാ​യി​രു​ന്നാ​ലും അവിടെ മാത്ര​മാ​യി ഒതുങ്ങി​നിൽക്കു​ന്നില്ല.

സ്‌ത്രീ​യു​ടെ മേൽ നിയ​ന്ത്രണം നിലനിർത്തു​ന്ന​തി​നും, ശക്തിയും അധികാ​ര​വും പ്രകടി​പ്പി​ക്കു​ന്ന​തി​നും പുരു​ഷൻമാർ ഉപയോ​ഗി​ക്കുന്ന ഉപകര​ണ​മാണ്‌ അക്രമം എന്നു ന്യൂ​യോർക്കി​ലെ, ഗാർഹിക അക്രമ​ത്തി​ന്റെ​യും നിയമ​പാ​ല​ന​ത്തി​ന്റെ​യും ഒരു ഏജൻസി​യു​ടെ ഡയറക്ട​റായ മിനാ ഷുൾമാൻ പറഞ്ഞു. “ഞങ്ങൾ വീട്ടിലെ അക്രമത്തെ ശക്തിയു​ടെ​യും നിയ​ന്ത്ര​ണ​ത്തി​ന്റെ​യും ഒരു ദുരു​പ​യോ​ഗ​മാ​യി​ട്ടാ​ണു കാണു​ന്നത്‌” എന്ന്‌ അവർ കൂട്ടി​ച്ചേർത്തു.

ഭാര്യ​മാ​രെ പ്രഹരി​ക്കുന്ന ചിലർ ആത്മാഭി​മാ​നം കുറവു​ള്ള​വ​രാണ്‌, അതേ സ്വഭാ​വ​വി​ശേഷം അവർ തങ്ങളുടെ ഇരകളിൽ കടത്തി​വി​ടു​ക​യും ചെയ്യുന്നു. അവർക്ക്‌ അങ്ങനെ ചെയ്യാൻ കഴിഞ്ഞാൽ അവരുടെ അഹന്ത സംതൃ​പ്‌തി​യ​ട​യും അവർക്കു മറെറാ​രു മമനു​ഷ്യ​ന്റെ മേൽ ഒരളവു​വരെ ശ്രേഷ്‌ഠ​ത​യും നിയ​ന്ത്ര​ണ​വും ഉള്ളതായി തോന്നു​ക​യും ചെയ്യും. തങ്ങളുടെ പുരു​ഷ​ത്വം ഇപ്രകാ​രം തെളി​യി​ക്കു​ന്നു​വെ​ന്നാണ്‌ അവർക്കു തോന്നു​ന്നത്‌. എന്നുവ​രി​കി​ലും അവർ അങ്ങനെ തെളി​യി​ക്കു​ന്നു​വോ? അവർ അക്രമം കാട്ടു​ന്നതു ശാരീ​രി​ക​മാ​യി അബലക​ളായ സ്‌ത്രീ​ക​ളോട്‌ ആയിരി​ക്കു​ന്ന​തി​നാൽ അവർ യഥാർത്ഥ​ത്തിൽ ബലവാൻമാ​രെന്നു അതു തെളി​യി​ക്കു​ന്നു​ണ്ടോ, അതോ അവർ യുക്തി​ഹീ​ന​രാ​ണെ​ന്നാ​ണോ അതു തെളി​യി​ക്കു​ന്നത്‌? ബലഹീ​ന​യും എതിർത്തു​നി​ല്‌ക്കാൻ കഴിയാ​ത്ത​തു​മായ ഒരു സ്‌ത്രീ​യെ അടിക്കു​ന്നതു വാസ്‌ത​വ​ത്തിൽ ബലമേ​റിയ ഒരുവ​നെ​സം​ബ​ന്ധി​ച്ചു പുരു​ഷ​ത്വ​മാ​ണോ? ശക്തമായ ധാർമ്മിക സ്വഭാ​വ​മുള്ള ഒരു പുരുഷൻ, ഏറെ ദുർബ​ല​രും തുണയ​റ​റ​വ​രു​മാ​യ​വ​രോ​ടു പരിഗ​ണ​ന​യും സഹതാ​പ​വും പ്രകട​മാ​ക്കും, അവരിൽനി​ന്നു മുത​ലെ​ടു​ക്കു​ക​യില്ല.

ഉപദ്ര​വ​കാ​രി​യു​ടെ യുക്തി​ര​ഹി​ത​മായ ചിന്തയു​ടെ മറെറാ​രു തെളിവ്‌ പ്രഹരി​ക്കാ​നുള്ള പ്രകോ​പ​ന​മു​ണ്ടാ​ക്കി​യ​തിന്‌ അയാൾ തന്റെ ഭാര്യയെ മിക്ക​പ്പോ​ഴും കുററ​പ്പെ​ടു​ത്തു​ന്നു​വെ​ന്നുള്ള വസ്‌തു​ത​യാണ്‌. ‘നീ ഇതു ശരിയാ​യി ചെയ്‌തില്ല. അതു​കൊ​ണ്ടാ​ണു ഞാൻ നിന്നെ തല്ലുന്നത്‌’ അല്ലെങ്കിൽ: ‘അത്താഴം വളരെ വൈകി​പ്പോ​യി, അതു​കൊ​ണ്ടു നീ അർഹി​ക്കു​ന്ന​താ​ണു നിനക്കു കിട്ടു​ന്നത്‌’ എന്നിങ്ങനെ അയാൾ സൂചി​പ്പി​ക്കു​ക​യൊ അവളോ​ടു പറയു​ക​പോ​ലു​മൊ ചെയ്‌തേ​ക്കാം. ദ്രോ​ഹി​യു​ടെ മനസ്സിൽ, അത്‌ അവളുടെ തെററാണ്‌. ഏന്തുത​ന്നെ​യാ​യാ​ലും ഇണയുടെ ദൗർബ്ബ​ല്യം മർദ്ദനത്തെ ന്യായീ​ക​രി​ക്കു​ന്നില്ല.

മദ്യം ഒരു മാററം വരുത്തു​മോ?

മദ്യം നിയ​ന്ത്ര​ണത്തെ കുറയ്‌ക്കു​ക​യും പെട്ടെ​ന്നുള്ള പ്രചോ​ദ​ന​ത്താൽ പ്രവർത്തി​ക്കാ​നുള്ള സാദ്ധ്യ​തയെ വർദ്ധി​പ്പി​ക്കു​ക​യും ചെയ്യു​ന്ന​തി​നാൽ, അതിനു ദുഷ്‌പെ​രു​മാ​റ​റ​ത്തി​നു വെടി​മ​രു​ന്നി​ടാൻ കഴിയും എന്നു ചിലർക്കു തോന്നു​ന്നത്‌ അതിശ​യ​ക​രമല്ല. സുബോ​ധ​മു​ള്ള​പ്പോൾ ഒരു വ്യക്തിക്ക്‌ അക്രമ വികാ​രത്തെ മിക്ക​പ്പോ​ഴും നിയ​ന്ത്രി​ക്കാൻ കഴിയും, എന്നാൽ ഏതാനും പ്രാവ​ശ്യ​ത്തെ മദ്യപാ​ന​ത്തി​നു​ശേഷം അയാൾ ഉപദ്ര​വ​കാ​രി ആയിത്തീ​രു​ന്നു. മദ്യം അയാളു​ടെ മാനസീ​ക​പ്രാ​പ്‌തി​കളെ മന്ദീഭ​വി​പ്പി​ക്കു​ക​യും കോപത്തെ നിയ​ന്ത്രി​ക്കു​ന്ന​തി​നുള്ള അയാളു​ടെ കഴിവി​നെ ക്ഷയിപ്പി​ക്കു​ക​യും ചെയ്യുന്നു.

എങ്ങനെ​യാ​യാ​ലും പ്രശ്‌നം വേരൂ​ന്നി​യി​രി​ക്കു​ന്നതു മദ്യ​ത്തെ​ക്കാ​ള​ധി​കം സമ്മർദ്ദ​ത്തി​ലാണ്‌ എന്നു ചിലർ അവകാ​ശ​പ്പെ​ടു​ന്നു. സമ്മർദ്ദത്തെ നേരി​ടു​ന്ന​തി​നു മദ്യം ഉപയോ​ഗി​ക്കുന്ന ആൾ അതേ ഉദ്ദേശ്യ​ത്തി​നു​വേണ്ടി അക്രമത്തെ ഉപയോ​ഗി​ക്കു​ന്ന​തരം ആൾത​ന്നെ​യാണ്‌ എന്ന്‌ അവർ പറയുന്നു. അതിന്റെ അർത്ഥം മദ്യപാ​നി, മത്തനാ​യി​രി​ക്കു​മ്പോ​ളെ​ന്ന​പോ​ലെ സുബോ​ധ​മു​ള്ള​പ്പോ​ഴും ഉപദ്ര​വ​കാ​രി​യാ​യി​രി​ക്കാ​മെ​ന്നാണ്‌. എന്നിരു​ന്നാ​ലും ഇക്കാര്യ​ത്തിൽ എന്തു ന്യായ​വാ​ദം ചെയ്‌താ​ലും മദ്യം തീർച്ച​യാ​യും ഒരുവന്റെ വികാ​ര​ങ്ങളെ നിയ​ന്ത്രി​ക്കു​ന്ന​തി​നു സഹായ​കമല്ല, മിക്കവാ​റും മറിച്ചാ​യി​രി​ക്കും ഫലം.

മാധ്യ​മങ്ങൾ പെരു​മാ​റ​റത്തെ സ്വാധീ​നി​ക്കു​ന്ന​വി​ധം

ടെലി​വി​ഷ​നും ചലച്ചി​ത്ര​വും ആണുങ്ങൾക്കു പൗരു​ഷ​പ്ര​തി​ച്ഛാ​യക്ക്‌ പ്രോ​ത്സാ​ഹി​പ്പി​ക്കു​ക​യും ശണ്‌ഠ​യെ​യും കോപ​ത്തെ​യും നേരി​ടു​ന്ന​തിന്‌ അക്രമം ന്യായ​മായ ഒരു മാർഗ്ഗ​മാ​ണെന്നു പഠിപ്പി​ക്കു​ക​യും ചെയ്യു​ന്ന​താ​യി ചിലർ അവകാ​ശ​പ്പെ​ടു​ന്നു. “റാംബോ എന്ന ചലച്ചി​ത്ര​ത്തോ​ടുള്ള എന്റെ തീവ്ര​മായ സ്വന്തം പ്രതി​ക​ര​ണ​ത്താൽ ഞാൻ ആകർഷി​ക്ക​പ്പെട്ടു,” “എന്നിലെ നിയമ​മ​നു​സ​രി​ക്കുന്ന പ്രായ​പൂർത്തി​യായ [ആന്തരിക] വ്യക്തി റാം​ബോ​യു​ടെ കൂട്ട​കൊ​ല​ക​ളാൽ സംഭീ​ത​നാ​യ​പ്പോൾ എന്നിലെ [ആന്തരിക] ബാലൻ അയാളെ പ്രോ​ത്സാ​ഹി​പ്പി​ക്കു​ക​യാണ്‌” എന്ന്‌ ഒരു കുടുംബ ഉപദേ​ഷ്ടാ​വു സമ്മതിച്ചു പറയുന്നു.

അനേകം കുട്ടികൾ ആയിര​ക്ക​ണ​ക്കി​നു മണിക്കൂ​റു​കൾ അക്രമം, ബലാൽസം​ഗം, മററു മനുഷ്യ​രു​ടെ, വിശേ​ഷാൽ സ്‌ത്രീ​ക​ളു​ടെ അവമാനം എന്നിങ്ങ​നെ​യുള്ള പ്രവൃ​ത്തി​ക​ള​ട​ങ്ങിയ പരിപാ​ടി​കൾ വീക്ഷി​ക്കു​ന്ന​തി​നാൽ, സമൂഹ​വി​രു​ദ്ധ​മായ അതേ സ്വഭാ​വ​വി​ശേ​ഷങ്ങൾ മററു​ള്ള​വ​രു​ടെ​മേൽ പ്രാവർത്തി​ക​മാ​ക്ക​ത്ത​ക്ക​വണ്ണം വളരു​ന്നത്‌ അതിശ​യമല്ല. കുട്ടികൾ മാത്രമല്ല പ്രായ​പൂർത്തി​യാ​യ​വ​രും കൂടെ ബാധി​ക്ക​പ്പെ​ടു​ന്നു.

മാത്ര​വു​മല്ല, സമീപ വർഷങ്ങ​ളിൽ, ടെലി​വി​ഷ​നി​ലും ചലച്ചി​ത്ര​ങ്ങ​ളി​ലും ചിത്രീ​ക​രി​ക്കുന്ന സ്‌പഷ്ട​മായ അക്രമ​ത്തി​ന്റെ​യും അധർമ്മ​ത്തി​ന്റെ​യും സ്‌ത്രീ​കളെ തരംതാ​ഴ്‌ത്തു​ന്ന​തി​ന്റെ​യും അളവു ഗണ്യമാ​യി വർദ്ധി​ച്ചി​രി​ക്കു​ന്നു. ഇതിനു വീട്ടിലെ അക്രമ​രം​ഗത്തെ ഏറെവ​ഷ​ളാ​ക്കാൻ മാത്രമേ കഴിക​യു​ള്ളു. ഒരു അന്വേ​ഷ​ണ​സം​ഘം കണ്ടെത്തി​യ​പ്ര​കാ​രം, “ടെലി​വി​ഷ​നി​ലെ​യും സിനി​മ​യി​ലെ​യും അക്രമ​ത്തി​ന്റെ കാഴ്‌ച​യും അക്രമാ​സ​ക്ത​പെ​രു​മാ​റ​റ​വും തമ്മിൽ ഒരു സ്‌പഷ്ട​മായ . . . പരസ്‌പ​ര​ബന്ധം” ഉണ്ട്‌.

ഒററ​പ്പെ​ടു​ത്തു​ന്ന​തി​ന്റെ ഫലം

അനേകർക്കും ഇന്നു ജീവിതം വ്യക്തി​ബ​ന്ധ​മി​ല്ലാ​ത്ത​തും ഏകാന്ത​വു​മാണ്‌. സൂപ്പർമാർക്ക​റ​റു​ക​ളും വിലകു​റ​ച്ചു​വാ​ങ്ങാ​വുന്ന കടകളും സൗഹൃ​ദം​കാ​ട്ടുന്ന അയൽപ​ക്കത്തെ കടകളു​ടെ സ്ഥാനം പിടി​ച്ചി​രി​ക്കു​ന്നു. നഗര നവീക​രണം, സാമ്പത്തിക പ്രശ്‌നങ്ങൾ, തൊഴി​ലി​ല്ലായ്‌മ എന്നിവ കുടും​ബ​ങ്ങളെ അസ്ഥിര​ത​യി​ലേക്കു തള്ളിവി​ടു​ന്നു. ശക്തമായ സാമു​ദാ​യിക സംസർഗം ഇല്ലാത്ത​വ​രു​ടെ ഇടയിൽ വീട്ടിലെ അക്രമ​ത്തി​ന്റെ ഉയർന്ന നിരക്കു കണ്ടെത്തി​യി​രി​ക്കു​ന്നു.

ഉററ ബന്ധങ്ങളും വിവാ​ഹ​വും കുടും​ബ​വും (Intimate Relationship, marriage and the family) എന്ന ഗ്രന്ഥത്തിൽ ജെയിംസ്‌ സി. കോൾമാൻ വാസ്‌തവം ഇതാ​ണെന്നു താൻ ചിന്തി​ക്കു​ന്ന​തെ​ന്തു​കൊ​ണ്ടാ​ണെന്നു വിശദീ​ക​രി​ക്കു​ന്നു. ഏകാന്ത​നാ​യി​രി​ക്കു​ന്നത്‌ അർത്ഥപൂർണ്ണ​മായ സംഭാ​ഷ​ണത്തെ വെട്ടി​ച്ചു​രു​ക്കു​ക​യും ഒരു ഉപദ്ര​വ​കാ​രി​ക്കു തന്റെ സാഹച​ര്യം വസ്‌തു​നി​ഷ്‌ഠ​മാ​യി കാണു​ന്ന​തും ഒരു വിശ്വസ്‌ത സുഹൃ​ത്തി​ന്റെ സഹായം തേടു​ന്ന​തും പ്രയാ​സ​ക​ര​മാ​ക്കി​ത്തീർക്കു​ക​യും ചെയ്യുന്നു. സാഹച​ര്യ​ത്തെ മയപ്പെ​ടു​ത്തുന്ന സ്വാധീ​ന​ശ​ക്തി​യാ​യി വർത്തി​ക്കു​വാൻ കഴിവുള്ള സുഹൃ​ത്തു​ക്ക​ളും ഉററ ബന്ധുക്ക​ളും ഇല്ലാത്തത്‌ ഒരു വ്യക്തി തന്റെ സ്വാർത്ഥത പ്രാവർത്തി​ക​മാ​ക്കാൻ ഇടയാ​ക്കു​ന്നു, കാരണം അയാളു​ടെ തെററായ ചിന്തയെ അയാളു​ടെ ഉററവർ ദിവസേന നിർവ്വീ​ര്യ​മാ​ക്കു​ന്നില്ല. ഇതു സദൃശ​വാ​ക്യം 18:1 പറയു​ന്ന​തു​പോ​ലെ​യാണ്‌: “കൂട്ടം​വി​ട്ടു നടക്കു​ന്നവൻ സ്വേച്ഛയെ അന്വേ​ഷി​ക്കു​ന്നു; സകല ജ്ഞാന​ത്തോ​ടും അവൻ കയർക്കു​ന്നു.”

അക്രമാ​സ​ക്ത​മായ കുടും​ബ​ത്തി​നു സഹായം

വീട്ടിലെ അക്രമ​ത്തി​നു ഇടയാ​ക്കുന്ന കാര്യ​ങ്ങ​ളെ​പ്പ​റ​റി​യുള്ള വിശദീ​ക​ര​ണ​ങ്ങ​ളു​ടെ ഒരു അംശം മാത്ര​മാ​ണു നമ്മൾ ചർച്ച​ചെ​യ്‌തത്‌. വേറെ​യും വിശദീ​ക​ര​ണങ്ങൾ ഉണ്ട്‌. കാരണ​ങ്ങ​ളിൽ ചിലതു തിരി​ച്ച​റിഞ്ഞ സ്ഥിതിക്ക്‌ ഇപ്പോൾ നാം പരിഹാ​രങ്ങൾ പരി​ശോ​ധി​ക്കേ​ണ്ട​താ​വ​ശ്യ​മാണ്‌. ഒരുവൻ ഒരു അക്രമാ​സക്ത കുടും​ബ​ത്തി​ലെ അംഗമാ​ണെ​ങ്കിൽ, ദുഷ്‌പെ​രു​മാ​റ​റത്തെ എപ്രകാ​രം നിർത്ത​ലാ​ക്കാൻ കഴിയും? ബൈബി​ളി​ന്റെ വീക്ഷണ​മെ​ന്താണ്‌? വീട്ടിലെ അക്രമം എന്നെങ്കി​ലും അവസാ​നി​ക്കു​മൊ? പത്താം പേജി​ലുള്ള ലേഖനം ഈ ചോദ്യ​ങ്ങൾ കൈകാ​ര്യം ചെയ്യും.

[9-ാം പേജിലെ ചതുരം/ചിത്രം]

വൈകാരിക അക്രമം—വാക്കു​കൾക്കൊ​ണ്ടുള്ള ശക്തമായ പ്രഹരം

ശാരീരിക ഉപദ്ര​വ​ത്തിൽ ആക്രമണം മുഷ്ടി​കൊ​ണ്ടു​ള്ള​താണ്‌; വൈകാ​രിക ദ്രോ​ഹ​ത്തിൽ ആക്രമണം വാക്കു​കൾക്കൊ​ണ്ടാണ്‌. ഇതിൽ, ആയുധ​ത്തി​ന്റെ തിര​ഞ്ഞെ​ടു​പ്പിൽ മാത്ര​മാ​ണു വ്യത്യാ​സ​മു​ള്ളത്‌. ഇതു സദൃശ​വാ​ക്യ​ങ്ങൾ 12:18-ൽ പറയു​ന്ന​തു​പോ​ലെ​യാണ്‌: “വാളു​കൊ​ണ്ടു കുത്തും​പോ​ലെ മൂർച്ച​യാ​യി സംസാ​രി​ക്കു​ന്നവർ ഉണ്ടു; ജ്ഞാനി​ക​ളു​ടെ നാവോ സുഖ​പ്രദം.”

ഇപ്രകാ​രം “വാളു​കൊ​ണ്ടു കുത്തുന്ന”തുൾപ്പെ​ടെ​യുള്ള വൈകാ​രിക അക്രമം എത്ര അപകട​ക​ര​മാണ്‌? വൈകാ​രി​ക​മാ​യി പറഞ്ഞാൽ, “ഫലം [ശാരീ​രിക ദ്രോ​ഹ​ത്തി​ലെ​ന്ന​പോ​ലെ] അതുത​ന്നെ​യാണ്‌. നിങ്ങൾ തുല്യ​മാ​യി സംഭീ​ത​രാണ്‌, നിങ്ങൾക്കു തുല്യ​മാ​യി നിസ്സഹാ​യത തോന്നു​ന്നു, നിങ്ങൾ തുല്യ വേദന​യി​ലു​മാണ്‌” എന്നു ഡോ. സൂസൻ ഫോർവാർഡ്‌ എഴുതു​ന്നു.

വിവാഹ ഇണയുടെ നേർക്കുള്ള വൈകാ​രിക അക്രമം: “ദാമ്പത്യ അക്രമം ശാരീ​രി​കം മാത്രമല്ല. ഒരു വലിയ പങ്ക്‌, ഒരുപക്ഷേ ഏററവും വലിയ​തു​പോ​ലും, വാക്കു​ക​ളാ​ലു​ള്ള​തും വൈകാ​രി​ക​വു​മാണ്‌” എന്ന്‌ ഒരു ദീർഘ​കാല പീഡിത പറയുന്നു. ദ്രോ​ഹ​ത്തിൽ ചീത്തവി​ളി​യും ഉത്‌​ക്രോ​ശ​വും നിരന്തര വിമർശ​ന​വും അവമാ​ന​ക​ര​മായ നിന്ദന​ങ്ങ​ളും ശാരീ​രി​കാ​ക്ര​മ​ത്തി​ന്റെ ഭീഷണി​ക​ളും ഉൾപ്പെ​ട്ടേ​ക്കാം.

കൊച്ചാ​ക്കു​ന്ന​തോ അവമാ​നി​ക്കു​ന്ന​തോ വിരട്ടു​ന്ന​തോ ആയ ദ്രോ​ഹ​ക​ര​മായ അഭി​പ്രാ​യ​ങ്ങൾക്കു ഗുരു​ത​ര​മായ തകരാറു വരുത്താൻ കഴിയും. കരി​തേ​ച്ചു​കാ​ട്ടുന്ന കുത്തു​വാ​ക്കു പാറപ്പു​റത്തു തുള്ളി​യാ​യി​വീ​ഴുന്ന വെള്ളം​പോ​ലെ തുടക്ക​ത്തിൽ നിരു​പ​ദ്ര​വ​കരം എന്നു തോന്നി​യേ​ക്കാം. എങ്കിലും ആത്മാഭി​മാ​നം പെട്ടെന്നു ദ്രവി​ക്കു​ന്നു. “ശാരീ​രി​ക​ദ്രോ​ഹ​മോ വാക്കാ​ലു​ള്ള​തോ ഒന്നു തിര​ഞ്ഞെ​ടു​ക്കേണ്ടി വന്നാൽ ഏതു സമയത്തും ഞാൻ ശാരീ​രിക പ്രഹരത്തെ തിര​ഞ്ഞെ​ടു​ക്കും” എന്ന്‌ ഒരു സ്‌ത്രീ പറഞ്ഞു. “നിങ്ങൾക്കു ശരീര​ത്തിൽ പാടുകൾ കാണാം, തന്നിമി​ത്തം ആളുകൾക്കു നിങ്ങ​ളോ​ടു സഹതാ​പ​മെ​ങ്കി​ലും തോന്നും. എന്നാൽ വാക്കു​ക​ളാ​ലുള്ള ആക്രമണം നിങ്ങൾക്കു ഭ്രാന്തു​പി​ടി​പ്പി​ക്കു​ന്നു. അതിനാ​ലു​ണ്ടാ​കുന്ന മുറി​വു​കൾ അദൃശ്യ​മാണ്‌, നിങ്ങളെ ആരും ശ്രദ്ധി​ക്കു​ന്നില്ല” എന്ന്‌ അവർ വിശദീ​ക​രി​ച്ചു.

ഒരു കുട്ടി​യു​ടെ നേർക്കുള്ള വൈകാ​രിക അക്രമം: ഇതിൽ കുട്ടി​യു​ടെ ആകൃതി​യെ​യോ ബുദ്ധി​ശ​ക്തി​യെ​യോ വ്യക്തി​ത്വ​മൂ​ല്യ​ത്തെ​യോ നിരന്തരം വിമർശി​ക്കു​ന്ന​തും നിസ്സാ​രീ​ക​രി​ക്കു​ന്ന​തും ഉൾപ്പെ​ട്ടേ​ക്കാം. കുത്തു​വാ​ക്കു പ്രത്യേ​കി​ച്ചും ഹാനി​ക​ര​മാണ്‌. കുട്ടികൾ മിക്കവാ​റും കുത്തു​വാ​ക്കു​കളെ മുഖവി​ല​ക്കെ​ടു​ക്കു​ന്നു, കാര്യ​മാ​യി പറഞ്ഞതും “തമാശ”ക്കായി പറഞ്ഞതും തമ്മിൽ വിവേ​ചി​ക്കാ​തെ​തന്നെ. “കുട്ടിക്കു വേദന അനുഭ​വ​പ്പെ​ടു​ന്നു, എന്നാൽ എല്ലാവ​രും ചിരി​ക്കു​ക​യാണ്‌, തന്നിമി​ത്തം അവൻ തന്റെ ചേതോ​വി​കാ​ര​ങ്ങ​ളിൽ ആശ്രയി​ക്കാ​തി​രി​ക്കാൻ പഠിക്കു​ന്നു” എന്നു കുടുംബ ചികിൽസകൻ ഷോൻ ഹോഗൻ-ഡോവ്‌നി കുറി​ക്കൊ​ള്ളു​ന്നു.

അതു​കൊണ്ട്‌, മിക്ക സംഭവ​ങ്ങ​ളി​ലും, സ്‌കോ​ട്ടിഷ്‌ ചരി​ത്ര​കാ​ര​നും ഉപന്യാ​സ​കർത്താ​വു​മായ തോമസ്‌ കാർളൈൽ ഒരിക്കൽ പറഞ്ഞതിൽ സത്യമുണ്ട്‌. “കുത്തു​വാ​ക്കു പൊതു​വെ ഉള്ളതാ​ണെന്ന്‌, സാത്താന്റെ ഭാഷയാ​ണെന്ന്‌, ഞാൻ പരിഗ​ണി​ക്കു​ന്നു, അക്കാര​ണ​ത്താൽ ഞാൻ അതു പണ്ടേതന്നെ വാസ്‌ത​വ​ത്തിൽ തള്ളിക്ക​ളഞ്ഞു.”

ബാല​ദ്രോ​ഹ​വി​ഷ​യ​ത്തിൽ വിദഗ്‌ദ്ധ​യായ ജോയ്‌ ബയഴ്‌സ്‌ പറയുന്നു: “ശാരീ​രിക ദ്രോഹം ഒരു കുട്ടിയെ കൊ​ന്നേ​ക്കാം, എന്നാൽ നിങ്ങൾക്കു പ്രകൃ​തി​യെ​യും നശിപ്പി​ക്കാൻ കഴിയും, മാതാ​പി​താ​ക്ക​ളു​ടെ നിരന്ത​ര​മായ നിഷേ​ധാ​ത്മക വിമർശ​ന​ത്തി​നു ചെയ്യാൻ കഴിയു​ന്നത്‌ അതാണ്‌.” കുടുംബ ജീവിത പ്രബോ​ധകൻ (FLEducator) എന്ന മാസിക ഇങ്ങനെ അഭി​പ്രാ​യ​പ്പെട്ടു. “തിരി​ച്ച​റി​യാ​വു​ന്ന​തും മങ്ങി​പ്പോ​കു​ന്ന​തു​മായ ചതവിനു വിപരീ​ത​മാ​യി വൈകാ​രിക ദ്രോഹം ഒരു കുട്ടി​യു​ടെ മനസ്സി​ലും വ്യക്‌തി​ത്വ​ത്തി​ലും ദൃശ്യ​മ​ല്ലാത്ത മാററങ്ങൾ വരുത്തു​ന്നു, അവ അവന്റെ യഥാർത്ഥ അവസ്ഥക്കും മററു​ള്ള​വ​രു​മാ​യുള്ള പരസ്‌പ​ര​പ്ര​വർത്ത​ന​ത്തി​നും സ്ഥിരമാ​യി മാററം വരുത്തു​ക​യും ചെയ്യുന്നു.”

[7-ാം പേജിലെ ചിത്രം]

അക്രമത്തിനു വിധേ​യ​മാ​ക്ക​പ്പെ​ടു​ന്നതു ഒരു കുട്ടി​യു​ടെ പിൽക്കാല പെരു​മാ​റ​റത്തെ ശക്തമായി സ്വാധീ​നി​ക്കു​ന്നു