ബലാൽസം​ഗത്തെ തടുക്കേണ്ട വിധം

എറിക്ക്‌ ഉയരമു​ള്ള​വ​നും സുമു​ഖ​നും ഒരു സമ്പന്ന കുടും​ബ​ത്തി​ലെ അംഗവു​മാ​യി​രു​ന്നു. എറിക്കും അയാളു​ടെ ചങ്ങാതി​യും 19 വയസ്സുള്ള ലോറി​യെ രണ്ടു​ജോ​ഡി​കൾ ചേർന്നുള്ള ഒരു ഡെയി​റ​റിം​ഗി​നു ക്ഷണിച്ചി​രു​ന്നു. ലോറി എറിക്കി​ന്റെ വീട്ടിലെ സമൂഹ​സൽക്കാ​ര​ത്തിന്‌ എത്തി​ച്ചേർന്നു എന്നാൽ അവളറി​യാ​തെ മറേറ ജോഡി വരുന്നി​ല്ലെന്നു തീരു​മാ​നി​ച്ചു. പെട്ടെന്നു മററ്‌ അതിഥി​കൾ സൽക്കാരം വിട്ടു പോകാൻ തുടങ്ങി.

“‘എന്തോ പിശകുണ്ട്‌, എന്തെല്ലാ​മോ നടക്കു​ന്നുണ്ട്‌,’ ഞാൻ വിചാ​രി​ക്കാൻ തുടങ്ങി, പക്ഷെ ഞാനത്‌ അവഗണി​ച്ചു,” അവൾ പറഞ്ഞു.

ലോറി തനിച്ചാ​യ​പ്പോൾ എറിക്ക്‌ അവളെ ബലാൽസം​ഗം ചെയ്‌തു. ലോറി ബലാൽസം​ഗം പൊലീ​സിൽ റിപ്പോർട്ടു ചെയ്‌തില്ല, പിന്നീട്‌ എറിക്കി​നെ കാണു​ന്നത്‌ ഒഴിവാ​ക്കാൻ അവൾ 240 കിലോ​മീ​ററർ ദൂരെ​യുള്ള സ്ഥലത്തേക്കു മാറി​താ​മ​സി​ച്ചു. വീണ്ടും ഒരു വർഷം കഴിഞ്ഞും ഡെയി​ററ്‌ ചെയ്യാൻ അവൾക്കു ഭയമാ​യി​രു​ന്നു.

ബലാൽസം​ഗം വർദ്ധി​ച്ചു​വ​രുന്ന ഒരു ഭീഷണി​യാണ്‌. ജാഗ്ര​ത​യോ​ടെ​യും തയ്യാ​റെ​ടു​പ്പോ​ടെ​യും ഇരിക്കു​ക​യെ​ന്ന​താണ്‌ ഒരു സ്‌ത്രീ​യു​ടെ ഏററവും മികച്ച പ്രതി​രോ​ധം. ബലാൽസം​ഗ​ത്തി​നി​ട​യാ​ക്കുന്ന ഓരോ സാഹച​ര്യ​വും മുൻകൂ​ട്ടി​ക്കാ​ണാൻ കഴി​ഞ്ഞെ​ന്നു​വ​രില്ല. എന്നാൽ ബലാൽസം​ഗ​ക്കാർ എപ്രകാ​രം ചിന്തി​ക്കു​ന്നു​വെ​ന്നും അവരുടെ ആക്രമണം ആസൂ​ത്രണം ചെയ്യു​ന്നു​വെ​ന്നും അറിയു​ന്നതു മുന്നറി​യി​പ്പിൻ ലക്ഷണങ്ങൾ തിരി​ച്ച​റി​യാൻ നിങ്ങളെ സഹായി​ച്ചേ​ക്കാം.a “വിവേ​ക​മുള്ള മനുഷ്യർ കുഴപ്പം വരുന്നതു കാണു​ക​യും അത്‌ ഒഴിവാ​ക്കു​ക​യും ചെയ്യുന്നു, എന്നാൽ ചിന്തയി​ല്ലാ​ത്ത​വ്യ​ക്തി അതി​ലേക്കു നടന്നു​ചെ​ല്ലു​ക​യും പിന്നീടു വ്യസനി​ക്കു​ക​യും ചെയ്യുന്നു” എന്ന്‌ ഒരു പുരാതന സദൃശ​വാ​ക്യം പറയുന്നു.—സദൃശ​വാ​ക്യ​ങ്ങൾ 27:12, ററു​ഡേ​യ്‌സ്‌ ഇംഗ്ലീഷ്‌ വേർഷൻ.

ബലാൽസം​ഗ​സാ​ഹ​ച​ര്യം ഒഴിവാ​ക്കു​ന്ന​തി​നുള്ള ഏററവും മികച്ച മാർഗ്ഗം ബലാൽസം​ഗ​ക്കാ​രെ ഒഴിവാ​ക്കുക എന്നതാണ്‌. നിങ്ങൾ നന്നായി അറിയുന്ന ആളായി​രു​ന്നാൽപ്പോ​ലും അയാളെ സാദ്ധ്യ​ത​യുള്ള ഒരു ബലാൽസം​ഗ​ക്കാ​ര​നാ​യി തിരി​ച്ച​റി​യി​ച്ചേ​ക്കാ​വുന്ന, അയാളു​ടെ പെരു​മാ​റ​റ​രീ​തി നിങ്ങൾ അറിഞ്ഞി​രി​ക്കണം. (പതി​നെ​ട്ടാം പേജി​ലുള്ള ചതുരം കാണുക.) ചില പുരു​ഷൻമാർ ഒരു സ്‌ത്രീ​യു​ടെ വസ്‌ത്ര​ധാ​രണ രീതി​യോ അവൾ അയാ​ളോ​ടു കൂടെ തനിച്ചാ​യി​രി​ക്കു​ന്ന​തി​നു കാണിച്ച സമ്മതമോ അവളെ ബലാൽസം​ഗം ചെയ്യു​ന്ന​തിന്‌ ഒഴിക​ഴി​വാ​യി ഉപയോ​ഗി​ക്കും. ഒരു പുരുഷൻ ഇപ്രകാ​ര​മുള്ള ദുഷിച്ച വീക്ഷണങ്ങൾ വച്ചുപു​ലർത്തു​ന്ന​തിൽ സ്‌ത്രീ ഉത്തരവാ​ദി​യാ​യി​രി​ക്കു​ന്നി​ല്ലെ​ങ്കി​ലും അത്തരം മനോ​ഭാ​വ​ങ്ങളെ തിരി​ച്ച​റി​യു​വാൻ തക്കവണ്ണം അവൾ ബുദ്ധി​മ​തി​യാ​യി​രി​ക്കണം.

നിങ്ങൾ നന്നായി അറിയു​ക​യി​ല്ലാത്ത ഒരു പുരു​ഷ​നു​മാ​യി തനിച്ചാ​യി​ത്തീ​രാൻ നിങ്ങ​ളെ​ത്തന്നെ അനുവ​ദി​ക്ക​രുത്‌. (നിങ്ങൾ നല്ലവണ്ണം അറിയുന്ന ഒരുവന്റെ കൂടെ​യാ​ണെ​ങ്കിൽ പോലും വിവേചന ഉപയോ​ഗി​ക്കുക.) അപരി​ചി​ത​നായ ഒരു ബലാൽസം​ഗ​ക്കാ​രൻ കേടു​പാ​ടു​കൾ നന്നാക്കു​ന്നവൻ എന്നു നടിച്ചു​കൊ​ണ്ടു നിങ്ങളു​ടെ വീട്ടിൽ വന്നേക്കാം. അയാളു​ടെ സാക്ഷ്യ​പ​ത്രങ്ങൾ പരി​ശോ​ധി​ക്കുക. പരിചി​ത​നായ ഒരു ബലാൽസം​ഗ​ക്കാ​രൻ തന്റെ ഭവനത്തിൽ സന്ദർശി​ക്കേ​ണ്ടത്‌ ആവശ്യ​മാ​ക്കി​ത്തീർക്കുന്ന സാഹച​ര്യ​ങ്ങൾ സൃഷ്ടി​ച്ചു​കൊണ്ട്‌ അല്ലെങ്കിൽ, താൻ അവളെ കണ്ടുമു​ട്ടാൻ ഉദ്ദേശി​ക്കു​ന്നി​ടത്ത്‌ ഒരു സംഘം ആളുക​ളു​ണ്ടെന്നു കള്ളം പറഞ്ഞു​കൊണ്ട്‌ ഇരയെ ഒററക്കു കിട്ടാൻ ക്രമീ​ക​രി​ക്കു​ന്നു. ആ ചതിയിൽ വീണു​പോ​ക​രുത്‌.

ഡെയി​റ​റിം​ഗി​ന്റെ സന്ദർഭ​ങ്ങ​ളിൽ പ്രശ്‌നങ്ങൾ ഒഴിവാ​ക്കു​ന്ന​തി​നു സംഘമാ​യൊ ഒരു മുതിർന്ന​പെൺതു​ണ​യോ​ടു​കൂ​ടെ​യൊ ഡെയി​ററ്‌ ചെയ്യുക. നിങ്ങളു​ടെ ഡെയി​റ​റിംഗ്‌ പങ്കാളി​യെ നല്ലവണ്ണം അറിയു​ക​യും ഏതെങ്കി​ലും വിധത്തി​ലുള്ള ശാരീ​രിക അടുപ്പം നിങ്ങൾ അനുവ​ദി​ക്കു​ന്നെ​ങ്കിൽ ദൃഢമായ അതിരു​കൾ വയ്‌ക്കു​ക​യും ചെയ്യുക. ഏതെങ്കി​ലും തരത്തി​ലുള്ള മദ്യം കഴിക്കു​ന്ന​തി​നേ​ക്കു​റി​ച്ചു ജാഗ്ര​ത​യു​ള്ള​വ​ളാ​യി​രി​ക്കുക! നിങ്ങളു​ടെ ചിന്താ​പ്രാ​പ്‌തി തകരാ​റി​ലാ​യാൽ അപകട​ത്തി​നെ​തി​രെ ജാഗ്ര​ത​യു​ള്ള​വ​ളാ​യി​രി​ക്കാൻ നിങ്ങൾക്കു കഴിയു​ക​യില്ല. (സദൃശ്യ​വാ​ക്യ​ങ്ങൾ 23:29-35 താരത​മ്യം ചെയ്യുക.) നിങ്ങളു​ടെ തോന്ന​ലു​കളെ വിശ്വ​സി​ക്കുക. ആരു​ടെ​യെ​ങ്കി​ലും​കൂ​ടെ ആയിരി​ക്കു​മ്പോൾ അസ്വസ്ഥത അനുഭ​വ​പ്പെ​ട്ടാൽ പിന്നെ​യും അയാൾ നിരപ​രാ​ധി​യാണ്‌ എന്നു വിചാ​രി​ക്ക​രുത്‌. എഴു​ന്നേ​റ​റു​പോ​വുക.

കൗമാ​ര​പ്രാ​യ​ക്കാ​രായ കുട്ടി​ക​ളു​ടെ മാതാ​പി​താ​ക്കൾ തങ്ങളുടെ കുട്ടി​ക​ളു​മാ​യി ബലാൽസംഗ പ്രതി​രോ​ധ​ത്തെ​ക്കു​റി​ച്ചു ചർച്ച ചെയ്യേ​ണ്ട​തുണ്ട്‌, ഭൂരി​ഭാ​ഗം ബലാൽസം​ഗ​ക്കാ​രും ബലാൽസംഗ ഇരകളും യുവജ​ന​ങ്ങ​ളാ​യ​തി​നാൽ അപകട​ക​ര​മായ സാഹച​ര്യ​ങ്ങ​ളെ​പ്പ​ററി സ്‌പഷ്ട​മാ​യി പറഞ്ഞു​കൊ​ണ്ടു​തന്നെ.

പെട്ടെന്നു പ്രവർത്തി​ക്കു​ക

എല്ലാ ബലാൽസംഗ സാഹച​ര്യ​ങ്ങ​ളും മുൻകൂ​ട്ടി കാണാ​വു​ന്നതല്ല. നിനച്ചി​രി​ക്കാ​തെ, നിങ്ങളെ ബലാൽക്കാ​രം ചെയ്യാൻ ഉദ്ദേശി​ക്കുന്ന നിങ്ങ​ളേ​ക്കാൾ ശക്തനായ ഒരു പുരു​ഷന്റെ മുമ്പിൽ നിങ്ങൾ ഒററക്കു അകപ്പെ​ട്ടി​രി​ക്കു​ന്ന​താ​യി സ്വയം കണ്ടെത്തി​യേ​ക്കാം. അപ്പോൾ എന്തു​ചെ​യ്യണം?

രക്ഷപെ​ടു​ക എന്നതാണു നിങ്ങളു​ടെ ലക്ഷ്യം എന്ന്‌ ഓർമ്മി​ച്ചു​കൊ​ണ്ടു പെട്ടെന്നു പ്രവർത്തി​ക്കുക. ഒരു ബലാൽസം​ഗ​ക്കാ​രൻ ആക്രമി​ക്കു​വാൻ തീരു​മാ​നി​ക്കു​ന്ന​തി​നു​മു​മ്പു തന്റെ ഇരയെ പരീക്ഷി​ക്കു​ന്നു, അതു​കൊണ്ട്‌ അയാൾ പ്രവർത്തി​ക്കാ​നുള്ള ആത്മവി​ശ്വാ​സം നേടു​ന്ന​തി​നു മുമ്പ്‌ എത്രയും വേഗം അയാളു​ടെ പദ്ധതി​കളെ പരാജ​യ​പ്പെ​ടു​ത്തു​ന്നതു പ്രധാ​ന​മാണ്‌. ബലാൽസംഗ വിദഗ്‌ദ്ധർ രണ്ടു നടപടി​ക്ര​മ​ങ്ങ​ളാ​ണു നിർദ്ദേ​ശി​ക്കു​ന്നത്‌: കർമ്മോ​ദ്യു​ക്ത​മായ എതിർക്ക​ലും നിഷ്‌ക്രി​യ​മായ എതിർക്ക​ലും. ആദ്യം നിങ്ങൾക്കു നിഷ്‌ക്രി​യ​മായ എതിർപ്പു ശ്രമി​ച്ചു​നോ​ക്കാൻ കഴിയും അതു പരാജ​യ​പ്പെ​ടു​ന്ന​പക്ഷം കർമ്മോ​ദ്യു​ക്ത​മായ എതിർക്ക​ലി​ലേക്കു കടക്കുക.

നിഷ്‌ക്രി​യ​മാ​യ എതിർക്ക​ലിൽ, ബലാൽസം​ഗി​യോ​ടു സംസാ​രി​ച്ചു​കൊ​ണ്ടു അയാളു​ടെ ശ്രദ്ധ പതറി​ക്കു​ന്ന​തോ നിങ്ങൾക്കു ലൈം​ഗി​ക​മാ​യി പകരുന്ന ഒരു രോഗ​മു​ണ്ടെന്ന്‌ അഭിന​യി​ക്കു​ന്ന​തോ ആക്രമ​ണ​കാ​രി​യു​ടെ ദേഹ​ത്തേക്കു ഛർദ്ദി​ക്കു​ന്ന​തോ​പോ​ലെ എന്തും ഉൾപ്പെ​ട്ട​ക്കാം. (1 ശമൂവേൽ 21:12, 13 താരത​മ്യം ചെയ്യുക.) “തന്ത്രങ്ങൾ ഒരുവന്റെ ഭാവന​യാൽ മാത്ര​മാ​ണു സീമി​ത​മാ​യി​രി​ക്കു​ന്നത്‌” എന്ന്‌ ജെറാഡ്‌ വിററ്‌മോർ, സ്‌ട്രീ​ററ്‌ വിസ്‌ഡം ഫോർ വിമൻ: എ ഹാൻഡ്‌ ബുക്ക്‌ ഫോർ അർബൻ സർ​വൈവൽ എന്ന തന്റെ പുസ്‌ത​ക​ത്തിൽ എഴുതി.

ബലാൽസം​ഗ​ക്കാ​ര​നോ​ടു ശാരീ​രി​ക​മാ​യി പൊരു​തു​ന്ന​തൊ​ഴി​കെ സകലവും ഉൾപ്പെ​ടുന്ന നിഷ്‌ക്രി​യ​മായ തന്ത്രങ്ങൾക്കു ശാന്തമായ ചിന്ത ആവശ്യ​മാണ്‌, ആക്രമി​യെ പതറി​ക്കു​ന്ന​തി​നോ ശാന്തനാ​ക്കു​ന്ന​തി​നോ വേണ്ടി ആസൂ​ത്രണം ചെയ്‌ത​തു​മാ​യി​രി​ക്കണം. നിങ്ങളു​ടെ എതിർപ്പ്‌ ആക്രമി​യെ കൂടുതൽ കോപി​ഷ്‌ഠ​നും കർക്കശ​നു​മാ​ക്കി​തീർക്കു​ന്നു​വെ​ങ്കിൽ മറെറ​ന്തെ​ങ്കി​ലും പരി​ശോ​ധി​ച്ചു​നോ​ക്കുക. എന്നിരു​ന്നാ​ലും, ചിന്തി​ക്കു​ന്ന​തി​നി​ട​യിൽ നിങ്ങൾ കൂടുതൽ ഒററപ്പെട്ട പ്രദേ​ശ​ത്തേക്കു നിങ്ങളെ വലിച്ചു​കൊ​ണ്ടു​പോ​കാൻ അനുവ​ദി​ക്ക​രുത്‌. കൂടാതെ നിഷ്‌ക്രിയ എതിർക്ക​ലി​ന്റെ ഏററവും ഫലപ്ര​ദ​മായ ഒരു രീതി അലറി നിലവി​ളി​ക്ക​ലാ​ണെ​ന്നും ഓർക്കുക.—ആവർത്ത​ന​പു​സ്‌തകം 22:23-27 താരത​മ്യം ചെയ്യുക.

മറെറാ​രു മാർഗ്ഗം നിഷേ​ധാ​ത്മ​ക​മാ​യും ശക്തമാ​യും പ്രതി​ക​രി​ക്കു​ക​യാണ്‌. അയാളു​ടെ ഹിതത്തി​നു നിങ്ങൾ കീഴട​ങ്ങു​ക​യില്ല എന്നു സന്ദേഹ​ത്തിന്‌ ഇടകൊ​ടു​ക്കാ​തെ നിങ്ങളു​ടെ ആക്രമി​യോ​ടു പറയുക. ഡെയി​റ​റിം​ഗിൽ ബലാൽസം​ഗം നടക്കുന്ന ഒരു സാഹച​ര്യ​ത്തിൽ ആ ആക്രമ​ണ​ത്തി​ന്റെ പേരു​വി​ളി​ച്ചു​കൊണ്ട്‌ വിഭ്ര​മ​ത​ന്ത്രം ഉപയോ​ഗി​ച്ചു നോക്കാ​വു​ന്ന​താണ്‌. “ഇതു ബലാൽസം​ഗ​മാണ്‌! ഞാൻ പോലീ​സി​നെ വിളി​ക്കും!” എന്നുള്ള നിങ്ങളു​ടെ അലർച്ച ബലാൽസം​ഗം ചെയ്യാൻ പോകുന്ന ആളെ, നിങ്ങളെ അതി​ലേക്കു വലിച്ചി​ഴ​ക്കു​ന്ന​തി​നെ​പ്പ​ററി പുനരാ​ലോ​ചി​ക്കാൻ ഇടയാ​ക്കി​യേ​ക്കാം.

തിരിച്ചു പോരാ​ടു​ക

സംസാരം പ്രയോ​ജനം ചെയ്യു​ന്നി​ല്ലെ​ങ്കിൽ കർമ്മോ​ദ്യു​ക്ത​മാ​യി എതിർക്കു​വാൻ ഭയപ്പെ​ട​രുത്‌. നിങ്ങളെ ദ്രോ​ഹി​ക്കു​മെ​ന്നോ കൊല്ലു​മെ​ന്നോ അതിന്‌ അർത്ഥമില്ല, കീഴട​ങ്ങ​ലും നിങ്ങൾക്കു സുരക്ഷി​ത​ത്വം ഉറപ്പു നൽകു​ന്നില്ല. അതു​കൊ​ണ്ടു ബലാൽസം​ഗത്തെ ശക്തമായി എതിർക്കു​വാ​നാ​ണു മിക്ക ബലാൽസംഗ വിദഗ്‌ദ്ധ​രും ഉപദേ​ശി​ക്കു​ന്നത്‌.

ശാരീ​രി​ക​ബ​ല​പ്ര​യോ​ഗ​ത്താൽ ഭീഷണി​പ്പെ​ടു​ത്ത​പ്പെ​ടു​മ്പോൾപോ​ലും വിനയും സഹനശീ​ല​വും വിധേ​യ​ത്വ​വും ഉള്ളവളാ​യി​രി​ക്കാൻ ജനനം മുതലേ പരിശീ​ലി​ക്ക​പ്പെ​ടു​ന്ന​തി​നാൽ തിരിച്ചു പോരാ​ടു​ന്നതു സ്‌ത്രീ​കളെ സംബന്ധി​ച്ചു പ്രയാ​സ​മാ​യി​രി​ക്കാം. അതു​കൊ​ണ്ടു ആക്രമണ സമയത്തു സന്ദേഹി​ച്ചു നിന്നു​കൊ​ണ്ടു വിലപി​ടി​പ്പുള്ള സമയം പാഴാ​ക്കാ​തെ നിങ്ങൾ ചെറു​ക്കു​മെന്നു മുന്ന​മേ​തന്നെ തീരു​മാ​നി​ക്കേ​ണ്ട​തുണ്ട്‌.

നിങ്ങളെ ആരെങ്കി​ലും ഭീഷണി​പ്പെ​ടു​ത്തു​ക​യൊ സമ്മർദ്ദം ചെലു​ത്തു​ക​യൊ ചെയ്‌താൽ നിങ്ങൾക്കു നീരസ്സം തോന്നേണ്ട ആവശ്യ​മുണ്ട്‌. ആക്രമണം മുൻകൂ​ട്ടി ആലോ​ചി​ച്ചി​ട്ടു​ള്ള​താ​ണ​ന്നും നിങ്ങൾ കീഴട​ങ്ങാൻ ബലാൽസം​ഗ​ക്കാ​രൻ നോക്കി​യി​രി​ക്കു​ന്നു​വെ​ന്നും നിങ്ങൾ തിരി​ച്ച​റി​യേ​ണ്ട​തുണ്ട്‌. ഭയപ്പെ​ടാ​തെ കോപം കാണി​ക്കുക. “നിങ്ങളു​ടെ ഭയമാണ്‌ അക്രമി​യു​ടെ എററവും ശക്തമായ ആയുധം,” എന്ന്‌ ഗവേഷ​ക​യായ ലിൻഡാ ലെഡ്‌റെയ്‌ പറഞ്ഞു. നിങ്ങൾ അമിത​മാ​യി പ്രതി​ക​രി​ക്കു​ക​യാ​ണെ​ന്നൊ വിഡ്‌ഢി​യെ പോലെ തോന്നി​ക്കു​ന്നു​വെ​ന്നൊ വ്യാകു​ല​പ്പെ​ടേ​ണ്ട​തില്ല. ഒരു വിദഗ്‌ദ്ധ പറഞ്ഞതു​പോ​ലെ “ബലാൽസം​ഗം ചെയ്യ​പ്പെ​ടു​ന്ന​തി​നേ​ക്കാൾ മെച്ചം മര്യാ​ദ​കെ​ട്ടവൾ ആയിരി​ക്കു​ന്ന​താണ്‌”. ബലാൽസം​ഗ​ക്കാ​രെ വിജയ​പ്ര​ദ​മാ​യി ചെറു​ത്തി​ട്ടുള്ള സ്‌ത്രീ​കൾ മിക്കവാ​റും വളരെ സജീവ​മാ​യി അപ്രകാ​രം ചെയ്യു​ക​യും കടിയും, തൊഴി​യും, നിലവി​ളി​യും തുടങ്ങി ഒന്നിൽ കൂടുതൽ തന്ത്രങ്ങൾ പ്രയോ​ഗി​ക്കു​ക​യും ചെയ്‌തി​ട്ടു​ള്ള​വ​രാണ്‌.

ബലാൽസം​ഗ​ത്തി​നെ​തി​രെ പ്രതി​രോ​ധി​ച്ചു​നിൽക്കാൻ നിങ്ങൾക്കു പ്രാപ്‌തി​യി​ല്ലെ​ങ്കിൽ അക്രമി​യെ പിന്നീടു തിരി​ച്ച​റി​യു​വാൻ കഴി​യേ​ണ്ട​തി​നു ശ്രദ്ധ​കേ​ന്ദ്രീ​ക​രി​ക്കുക. സാധ്യ​മെ​ങ്കിൽ അയാളെ മാന്തു​ന്ന​തും അയാളു​ടെ വസ്‌ത്രം കീറു​ന്ന​തും തിരി​ച്ച​റി​യാൻ ഉതകു​മാ​റു രക്തമോ തുണി​ക്ക​ഷ​ണ​മൊ നിങ്ങൾക്കു ലഭ്യമാ​ക്കി​തീർക്കും. ഇപ്രകാ​ര​മുള്ള ഒരവസ്ഥ​യിൽ ചെറു​ത്തു​നിൽക്കുക തീർത്തും അസാധ്യ​മാ​യി​തീർന്നേ​ക്കാം. അത്തര​മൊ​രു സാഹച​ര്യ​ത്തിൽ, “നിങ്ങൾ അയാളെ ബലാൽസം​ഗം ചെയ്യാൻ ‘അനുവ​ദി​ച്ചു’ എന്നപോ​ലെ സ്വയം ശകാരി​ക്ക​രുത്‌” എന്ന്‌ റോബിൻ വാർഷോ ഞാൻ അതിനെ ബലാൽസം​ഗം എന്നു ഒരിക്ക​ലും വിളി​ച്ചില്ല (I Never Called It Rape) എന്ന പുസ്‌ത​ക​ത്തിൽ പറയുന്നു. “നിങ്ങളെ ബലാൽസം​ഗം ചെയ്‌തു​വെന്നു ‘തെളി​യി​ക്കാൻ’ മുറിവു നിലനിർത്തു​ന്ന​തി​ന്റേ​യൊ മരണത്തി​ന്റേ​യൊ ആവശ്യ​മില്ല.”

[അടിക്കു​റി​പ്പു​കൾ]

[7-ാം പേജിലെ ചതുരം]

സാദ്ധ്യതയുള്ള ഒരു ബലാൽസം​ഗി​യു​ടെ വർണ്ണന

◻ നിങ്ങളെ അപമാ​നി​ച്ചു​കൊ​ണ്ടോ നിങ്ങളു​ടെ വീക്ഷണ​ങ്ങളെ അവഗണി​ച്ചു​കൊ​ണ്ടോ അല്ലെങ്കിൽ നിങ്ങൾ എന്തെങ്കി​ലും നിർദ്ദേ​ശി​ക്കു​മ്പോൾ കോപി​ഷ്‌ഠ​നാ​യി​കൊ​ണ്ടോ അസഹ്യ​പ്പെ​ട്ടു​കൊ​ണ്ടോ നിങ്ങളെ വൈകാ​രി​ക​മാ​യി ദുർവി​നി​യോ​ഗം ചെയ്യുന്നു.

◻ നിങ്ങൾ എങ്ങനെ വസ്‌ത്രം ധരിക്കണം നിങ്ങളു​ടെ സുഹൃ​ത്തു​ക്കൾ ആരായി​രി​ക്കണം മുതലായ ജീവി​ത​ത്തി​ന്റെ മൂലഘ​ട​ക​ങ്ങളെ നിയ​ന്ത്രി​ക്കാൻ ശ്രമി​ക്കു​ന്നു. ഡെയി​റ​റിം​ഗിൽ എവിടെ ഭക്ഷണം കഴിക്കാൻ പോകണം ഏതു സിനിമ കാണണം തുടങ്ങിയ എല്ലാ തീരു​മാ​ന​ങ്ങ​ളും എടുക്കാൻ ഇച്ഛിക്കു​ന്നു.

◻ കാരണ​മി​ല്ലാ​തെ അസൂയ​പ്പെ​ടു​ന്നു.

◻ സ്‌ത്രീ​കളെ മൊത്ത​ത്തിൽ വിലയി​ടി​ച്ചു സംസാ​രി​ക്കു​ന്നു.

◻ കുടിച്ചു മത്തനാ​കു​ന്നു അഥവാ “മായാ​ലോക”ത്താകുന്നു, നിങ്ങളെ അപ്രകാ​ര​മാ​ക്കി​ത്തീർക്കാൻ പരി​ശ്ര​മി​ക്കു​ക​യും ചെയ്യുന്നു.

◻ അയാളു​ടെ കൂടെ തനിച്ചാ​യി​രി​ക്കു​ന്ന​തി​നോ അല്ലെങ്കിൽ ലൈം​ഗി​ക​ബന്ധം പുലർത്തു​ന്ന​തി​നോ നിങ്ങളു​ടെ​മേൽ സമ്മർദ്ദം ചെലു​ത്തു​ന്നു.

◻ ഡെയി​റ​റിം​ഗിൽ ചിലവു പങ്കിടു​ന്ന​തിന്‌ അനുവ​ദി​ക്കാ​തി​രി​ക്കു​ക​യും നിങ്ങൾ ചിലവു പങ്കിടാ​മെന്നു നിർദ്ദേ​ശി​ക്കു​മ്പോൾ കോപി​ഷ്‌ഠ​നാ​കു​ക​യും ചെയ്യുന്നു.

◻ പെട്ടെന്നു കയറി​പ്പി​ടി​ക്കു​ക​യൊ ഉന്തുക​യൊ, അങ്ങനെ​യുള്ള നിഗൂ​ഢ​വി​ധ​ങ്ങ​ളിൽപോ​ലും ശാരീ​രി​ക​മാ​യി ആക്രമ​ണ​സ്വ​ഭാ​വം കാണി​ക്കു​ന്നു.

◻ ഏററവും ചേർന്നി​രു​ന്നു​കൊ​ണ്ടും, മാർഗ്ഗ​ത​ടസ്സം സൃഷ്ടി​ച്ചു​കൊ​ണ്ടും, തൊട​രുത്‌ എന്നു പറയു​മ്പോൾ തൊട്ടു​കൊ​ണ്ടും, അല്ലെങ്കിൽ നിങ്ങ​ളെ​ക്കു​റി​ച്ചു വാസ്‌ത​വ​ത്തിൽ അറിയാ​വു​ന്ന​തി​ലും കൂടുതൽ അറിയാ​മെ​ന്ന​പോ​ലെ സംസാ​രി​ച്ചു​കൊ​ണ്ടും നിങ്ങളെ പേടി​പ്പി​ക്കു​ന്നു.

◻ കോപി​ഷ്‌ഠ​നാ​കാ​തെ നിരാ​ശയെ കൈകാ​ര്യം ചെയ്യാൻ കഴിയു​ന്നില്ല.

◻ നിങ്ങളെ തുല്യ​ത​യു​ള്ള​വ​ളാ​യി വീക്ഷി​ക്കു​ന്നില്ല.

◻ ആയുധങ്ങൾ കൈകാ​ര്യം ചെയ്യു​ന്നത്‌ ആസ്വദി​ക്കു​ക​യും മൃഗങ്ങ​ളോ​ടും കുട്ടി​ക​ളോ​ടും നിരന്തരം ശല്യ​പ്പെ​ടു​ത്താൻ അയാൾക്കു കഴിയു​ന്ന​വ​രോ​ടും ക്രൂര​നാ​യി​രി​ക്കു​ന്നത്‌ ഇഷ്ടപ്പെ​ടു​ക​യും ചെയ്യുന്നു.

റോബിൻ വാർഷോ​യു​ടെ ഞാൻ അതിനെ ഒരിക്ക​ലും ബലാൽസം​ഗ​മെന്നു വിളിച്ചല്ല, എന്ന പുസ്‌ത​ക​ത്തിൽനി​ന്നും.

[18-ാം പേജിലെ ചിത്രം]

ബലാൽസംഗക്കാരെ വിജയ​പ്ര​ദ​മാ​യി ചെറു​ത്തി​ട്ടുള്ള സ്‌ത്രീ​കൾ മിക്കവാ​റും വളരെ സജീവ​മാ​യി അപ്രകാ​രം ചെയ്യു​ക​യും ഒന്നിൽ കൂടുതൽ തന്ത്രങ്ങൾ പ്രയോ​ഗി​ക്കു​ക​യും ചെയ്‌തി​ട്ടു​ള്ള​വ​രാണ്‌