ഭാഗം 6

ശാസ്‌ത്രം—സത്യത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ തുടരുന്ന അന്വേ​ഷ​ണം

ഇരുപത്തൊന്നാം നൂററാ​ണ്ടി​ന്റെ വെല്ലു​വി​ളി​കളെ നേരിടൽ

ഒമ്പത്‌, എട്ട്‌, ഏഴ്‌, കൗണ്ട്‌ഡൗൺ തുടരു​ന്നു! ഒരു റോക്ക​ററ്‌ വിക്ഷേ​പ​ണ​ത്തി​നുള്ള കൗണ്ട്‌ഡൗ​ണോ? അല്ല, മാനവ​രാ​ശി 21-ാം നൂററാ​ണ്ടി​ന്റെ അനിശ്ചി​താ​വ​സ്ഥ​കളെ അഭിമു​ഖീ​ക​രി​ക്കു​ന്ന​തി​നു​മുമ്പ്‌ അവശേ​ഷി​ക്കുന്ന വർഷങ്ങ​ളു​ടെ കൗണ്ട്‌ഡൗൺ.a

കഴിഞ്ഞ നൂററാ​ണ്ടി​ലെ ശാസ്‌ത്രീയ നേട്ടങ്ങളെ അടിസ്ഥാ​ന​മാ​ക്കി 21-ാം നൂററാ​ണ്ടു വരുത്തി​വ​ച്ചേ​ക്കാ​വുന്ന ഏതു വെല്ലു​വി​ളി​യെ​യും ശാസ്‌ത്ര​ത്തി​നു തരണം ചെയ്യാൻ കഴിയു​മെന്നു പലരും ആത്മാർഥ​പൂർവം വിശ്വ​സി​ച്ചേ​ക്കാം.b ഇരുപ​താം നൂററാ​ണ്ടി​ന്റെ തുടക്ക​ത്തിൽ ഒരു ഫ്രഞ്ച്‌ ഗ്രന്ഥകാ​രൻ വിചാ​രി​ച്ച​തു​പോല അവർ വിചാ​രി​ച്ചേ​ക്കാം. “ഇന്നു ശാസ്‌ത്രം ലോകത്തെ ഭരിക്കാൻ വിധി​ക്ക​പ്പെ​ട്ടി​രി​ക്കു​ന്നു,” അദ്ദേഹം എഴുതി. “ഇപ്പോൾമു​തൽ ലോക​ഭ​രണം ദൈവ​ത്തി​നല്ല, പിന്നെ​യോ ശാസ്‌ത്ര​ത്തി​നാണ്‌, ആളുകൾക്കു പ്രയോ​ജനം ചെയ്യു​ന്ന​വ​നും മനുഷ്യ​വർഗ​ത്തി​ന്റെ വിമോ​ച​ക​നും എന്നനി​ല​യിൽ ശാസ്‌ത്ര​ത്തി​നു​തന്നെ.”

ശാസ്‌ത്രം ഈ പ്രതീ​ക്ഷ​കളെ നിവർത്തി​ക്ക​ണ​മെ​ങ്കിൽ ഉളവാ​ക്കാൻ അതു സഹായി​ച്ചി​ട്ടുള്ള പ്രശ്‌ന​ങ്ങ​ളിൽ പലതും അതു നീക്കം ചെയ്യേ​ണ്ട​താ​യി വരും.

ശാസ്‌ത്രം ഉത്തരവാ​ദി​യാ​യി​രി​ക്കുന്ന പരിസ്ഥി​തി നശീക​രണം വമ്പിച്ച​താണ്‌. ഗ്രഹത്തെ രക്ഷിക്കാൻ 5000 ദിവസങ്ങൾ (5000 Days to Save the Planet) എന്ന പുസ്‌തകം ഇപ്രകാ​രം ഉറപ്പിച്ചു പറയുന്നു: “പരിസ്ഥി​തി​യെ ചൂഷണം ചെയ്യുന്ന ഇപ്പോ​ഴത്തെ ഗതി നാം തുടരു​ക​യാ​ണെ​ങ്കിൽ ചോദ്യം ആധുനിക സമൂഹം അടുത്ത നൂററാ​ണ്ടി​നെ അതിജീ​വി​ക്കു​മോ എന്നതാ​യി​രി​ക്കില്ല, മറിച്ച്‌ അത്‌ അപ്രത്യ​ക്ഷ​മാ​കു​ന്നത്‌ സ്‌ഫോ​ട​ന​ത്തോ​ടെ ആയിരി​ക്കു​മോ മൗന​രോ​ദ​ന​ത്തോ​ടെ ആയിരി​ക്കു​മോ എന്നാണ്‌.”

ഇതു സ്വീകാ​ര്യ​മായ ഒരു തിര​ഞ്ഞെ​ടു​പ്പാ​ണെന്നു തോന്നു​ന്നില്ല.

ശാസ്‌ത്ര​ത്തി​ന്റെ പരിമി​തി​കൾ

“പത്തൊ​മ്പ​താം നൂററാ​ണ്ടി​ലെ പല ശാസ്‌ത്ര​ജ്ഞ​രും . . . തങ്ങൾ ഒരുനാൾ കേവല​സ​ത്യ​വും പരമമായ ഗ്രാഹ്യ​വും നേടു​മെന്നു മിക്ക​പ്പോ​ഴും വിചാ​രി​ച്ചി​രു​ന്നു,” ശാസ്‌ത്രജ്ഞൻ (The Scientist) എന്ന പുസ്‌തകം പറയുന്നു. പുസ്‌തകം ഇങ്ങനെ തുടരു​ന്നു: “അവരുടെ പിൻഗാ​മി​കൾ സത്യം കരഗത​മാ​ക്കി​യെന്നല്ല, പിന്നെ​യോ അനവരതം സമീപി​ച്ചു​കൊ​ണ്ടി​രി​ക്കുന്ന സത്യത്തി​ന്റെ ‘ഭാഗി​ക​മായ ഗ്രാഹ്യ’ത്തിൽ എത്തുന്നു എന്നു മാത്രമേ പറയു​ന്നു​ള്ളു.” സമ്പൂർണ ജ്ഞാനത്തി​ന്റെ ഈ അഭാവം ശാസ്‌ത്ര​ത്തി​നു ചെയ്യാൻ കഴിയുന്ന കാര്യ​ങ്ങൾക്കു സാരമായ പരിമി​തി​കൾ സൃഷ്ടി​ക്കു​ന്നു.

ശാസ്‌ത്ര വസ്‌തു​ത​കൾക്കു വർഷങ്ങൾക്കൊ​ണ്ടു മാററം സംഭവി​ച്ചി​ട്ടില്ല. എന്നാൽ ശാസ്‌ത്ര​സി​ദ്ധാ​ന്ത​ങ്ങൾക്കു മാററം സംഭവി​ച്ചി​ട്ടുണ്ട്‌—അതും കൂടെ​ക്കൂ​ടെ. ചില​പ്പോൾ ശാസ്‌ത്ര​സി​ദ്ധാ​ന്തങ്ങൾ മലക്കം മറിഞ്ഞി​ട്ടുണ്ട്‌. ദൃഷ്ടാ​ന്ത​ത്തിന്‌, ഗുരു​ത​ര​മാ​യി രോഗം ബാധിച്ച ഒരു വ്യക്തി​യു​ടെ ദേഹത്തു​നി​ന്നു രക്തം നീക്കം ചെയ്യു​ന്നത്‌ ഒരു ശാസ്‌ത്രീയ കാര്യ​മാ​ണെന്ന്‌ ഒരിക്കൽ വൈദ്യ​ശാ​സ്‌ത്രജ്ഞർ കരുതി​യി​രു​ന്നു. പിന്നീടു രക്തം കുത്തി​വ​യ്‌ക്കു​ന്ന​താ​ണു പ്രതി​വി​ധി എന്ന്‌ അവർ വിചാ​രി​ച്ചു. ഇപ്പോൾ ഈ രണ്ടു വിധവും ചെയ്യാ​തി​രി​ക്കു​ന്ന​തി​ന്റെ​യും അപകടം കുറഞ്ഞ മററു ചികി​ത്സാ​രീ​തി​കൾ തേടു​ന്ന​തി​ന്റെ​യും ജ്ഞാനം ചിലർ തിരി​ച്ച​റി​യാൻ തുടങ്ങി​യി​രി​ക്കു​ക​യാണ്‌.

സ്‌പഷ്ട​മാ​യും ശാസ്‌ത്ര​ജ്ഞർക്ക്‌ അറിയാ​വു​ന്ന​വ​യി​ലും വളരെ​യ​ധി​കം കാര്യങ്ങൾ അവർക്ക​റി​യില്ല. ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇപ്രകാ​രം പറയുന്നു: “പ്രകാ​ശ​സം​ശ്ലേഷണ പ്രക്രിയ എങ്ങനെ നടക്കു​ന്നു​വെന്നു സസ്യശാ​സ്‌ത്ര​ജ്ഞർക്ക്‌ ഇപ്പോ​ഴും കൃത്യ​മാ​യി അറിയില്ല. ജീവശാ​സ്‌ത്ര​ജ്ഞ​രും ജൈവ​ര​സ​ത​ന്ത്ര​ജ്ഞ​രും ജീവൻ എങ്ങനെ ആരംഭി​ച്ചു എന്ന ചോദ്യ​ത്തിന്‌ ഇനിയും ഉത്തരം കണ്ടെത്തി​യി​ട്ടില്ല. പ്രപഞ്ച​ത്തി​ന്റെ ഉത്ഭവത്തെ സംബന്ധി​ച്ചു തൃപ്‌തി​ക​ര​മായ ഒരു വിശദീ​ക​രണം ജ്യോ​തി​ശാ​സ്‌ത്രജ്ഞർ ഇനിയും ആവിഷ്‌ക​രി​ച്ചി​ട്ടില്ല. വൈദ്യ​ശാ​സ്‌ത്ര​ജ്ഞർക്കും ശരീര​ശാ​സ്‌ത്ര​ജ്ഞർക്കും ക്യാൻസ​റി​ന്റെ കാരണ​മോ നിവാ​ര​ണ​മോ അറിയില്ല, വ്യത്യസ്‌ത വൈറ​സ്‌ജന്യ രോഗങ്ങൾ ഭേദമാ​ക്കാൻ അവർക്ക​റി​യില്ല. . . . മാനസി​ക​രോ​ഗ​ത്തി​ന്റെ എല്ലാ കാരണ​ങ്ങ​ളും മനശ്ശാ​സ്‌ത്ര​ജ്ഞർക്ക്‌ അറിയില്ല.”

ശാസ്‌ത്ര​ത്തിന്‌ അതിനെ കയ്യാളുന്ന ആളുക​ളെ​ക്കാൾ ഒട്ടും മെച്ചമാ​യി​രി​ക്കാൻ കഴിയില്ല എന്ന അർഥത്തി​ലും അതു പരിമി​ത​മാണ്‌. മററു വാക്കു​ക​ളിൽ പറഞ്ഞാൽ ഒരു ശാസ്‌ത്ര​കാ​രന്റെ അപൂർണത അയാളു​ടെ അറിവി​ല്ലാ​യ്‌മയെ പെരു​പ്പി​ക്കു​ന്നു. ഗ്രഹത്തെ രക്ഷിക്കാൻ 5000 ദിവസങ്ങൾ എന്ന കൃതി​യു​ടെ ഗ്രന്ഥകർത്താ​ക്കൾ “കൂടെ​ക്കൂ​ടെ . . . പ്രത്യേക ഉദ്ദേശ്യ​ല​ക്ഷ്യ​ങ്ങ​ളുള്ള സ്ഥാപനങ്ങൾ ഹാനി​ക​ര​മായ ഉത്‌പ​ന്നങ്ങൾ വിൽക്കു​ന്ന​തി​നോ പരിസ്ഥി​തിക്ക്‌ അപകട​ക​ര​മായ പ്രവർത്ത​നങ്ങൾ തുടരു​ന്ന​തി​നോ വേണ്ടി ഗവേഷ​ണത്തെ തങ്ങളുടെ നേട്ടത്തി​നാ​യി ഉപയോ​ഗി​ക്കു​ക​യും സാമ്പത്തിക വിശക​ല​നത്തെ വളച്ചൊ​ടി​ക്കു​ക​യും വിവരങ്ങൾ മൂടി​വ​യ്‌ക്കു​ക​യും ചെയ്‌തി​രി​ക്കു​ന്നു” എന്നു കണ്ടെത്തി.

ശാസ്‌ത്ര​ജ്ഞർ ഭൂരി​പ​ക്ഷ​വും സത്യസ​ന്ധ​രാ​ണെ​ങ്കിൽപ്പോ​ലും അവരെ​യോ അവരുടെ പ്രവർത്ത​ന​ത്തെ​യോ വാഴ്‌ത്തി​പ്പാ​ടു​ന്ന​തിന്‌ അപ്പോ​ഴും കാരണ​മില്ല. “അവർ മറേറ​തൊ​രാ​ളെ​യും പോലെ തന്നെയാണ്‌,” ബ്രിട്ട​നിൽ ജനിച്ച ഒരു ശാസ്‌ത്രജ്ഞൻ തന്നെയായ എഡ്വേർഡ്‌ ബോവൻ വാദി​ക്കു​ന്നു. “അവർക്കെ​ല്ലാം തങ്ങളുടെ കുറവു​ക​ളുണ്ട്‌. ചിലർ അർപ്പണ​ബോ​ധ​മു​ള്ള​വ​രാണ്‌, മററു ചിലർ തത്ത്വദീ​ക്ഷ​യി​ല്ലാ​ത്ത​വ​രും, ഇനിയും വേറെ ചിലർ കുശാ​ഗ്ര​ബു​ദ്ധി​യു​ള്ള​വ​രാണ്‌, മററു ചിലർ മനം മന്ദിച്ച​വ​രും. ലോക​ത്തി​നു വമ്പിച്ച നൻമ ചെയ്‌തി​ട്ടുള്ള ശാസ്‌ത്ര​ത്തി​ലെ ചില മഹാര​ഥൻമാ​രെ എനിക്ക​റി​യാം. തടവി​ലാ​യി​രു​ന്നി​ട്ടുള്ള ഒരു ശാസ്‌ത്ര​ജ്ഞ​നെ​പ്പോ​ലും എനിക്ക​റി​യി​ല്ലെ​ന്നി​രി​ക്കെ, അതു വളരെ അർഹി​ക്കുന്ന ചിലരെ എനിക്ക​റി​യാം.”

വ്യക്തമാ​യും പല പരിമി​തി​കൾ നിമി​ത്ത​വും ആധുനി​ക​കാല ശാസ്‌ത്രം 21-ാം നൂററാ​ണ്ടി​ന്റെ വെല്ലു​വി​ളി​കളെ നേരി​ടാൻ പ്രാപ്‌തമല്ല. പ്രത്യേ​കി​ച്ചും പരിസ്ഥി​തി​യെ സംരക്ഷി​ക്കുന്ന കാര്യ​ത്തിൽ അതു പരാജ​യ​മ​ട​ഞ്ഞി​രി​ക്കു​ന്നു. ഭൂമിയെ യുദ്ധവി​മു​ക്ത​മാ​ക്കു​ന്ന​തി​നു പകരം കൂട്ടസം​ഹാ​ര​ത്തി​നുള്ള ആയുധങ്ങൾ നിർമി​ക്കാ​നാണ്‌ അതു സഹായി​ച്ചി​രി​ക്കു​ന്നത്‌.

അടിയ​ന്തിര നടപടി ആവശ്യം

പെട്ടെ​ന്നു​തന്നെ എന്തെങ്കി​ലും ചെയ്യേ​ണ്ട​തുണ്ട്‌ എന്നതി​നോട്‌ എല്ലാവ​രും യോജി​ക്കു​ന്നു. കഴിഞ്ഞ നവംബ​റിൽ 99 നോബൽ സമ്മാന ജേതാക്കൾ ഉൾപ്പെടെ 1,575 ശാസ്‌ത്ര​ജ്ഞ​രു​ടെ ഒരു സംഘം “മാനവ​രാ​ശി​ക്കുള്ള ലോക​ശാ​സ്‌ത്ര​ജ്ഞ​രു​ടെ മുന്നറി​യിപ്പ്‌” എന്ന തലക്കെ​ട്ടോ​ടു​കൂ​ടിയ ഒരു പ്രസ്‌താ​വന പുറത്തി​റക്കി. അതിൽ അവർ ഇപ്രകാ​രം എഴുതി​യി​രു​ന്നു: “നാം ഇപ്പോൾ നേരി​ടുന്ന ഭീഷണി​കളെ തടുക്കാ​നുള്ള അവസരം നഷ്ടമാ​യി​പ്പോ​കു​ന്ന​തി​നും മാനവ​രാ​ശി​യു​ടെ പ്രതീ​ക്ഷകൾ തീർത്തും മങ്ങുന്ന​തി​നും ഒരു ദശകമോ ചുരുക്കം ചില ദശകങ്ങ​ളോ മാത്രമേ അവശേ​ഷി​ക്കു​ന്നു​ള്ളു.” അവർ ഇപ്രകാ​രം ഉറപ്പി​ച്ചു​പ​റഞ്ഞു: “മനുഷ്യ​രും പ്രകൃ​തി​യും തമ്മിലി​ടി​ച്ചു തകരാൻ പോകുന്ന ഒരു ഗതിയി​ലാണ്‌.”

ഇതിനു മുമ്പും ഇതു​പോ​ലുള്ള മുന്നറി​യി​പ്പു​കൾ നടത്തി​യി​ട്ടുണ്ട്‌. വാസ്‌ത​വ​ത്തിൽ, 20-ാം നൂററാ​ണ്ടി​ലെ ബ്രിട്ടീഷ്‌ തത്ത്വചി​ന്ത​ക​നും ശാസ്‌ത്ര​ത്തി​ന്റെ ഒരു വക്താവു​മായ ബെർട്രണ്ട്‌ റസ്സൽ 1952-ൽ ഇപ്രകാ​രം പറഞ്ഞു: “ശാസ്‌ത്ര​മു​ണ്ടെ​ങ്കി​ലും മനുഷ്യ​ജീ​വി​തം തുടര​ണ​മെ​ങ്കിൽ കഴിഞ്ഞ കാലത്ത്‌ ആവശ്യ​മി​ല്ലാ​തി​രുന്ന വികാ​ര​ങ്ങ​ളു​ടെ ഒരു ശിക്ഷണം മനുഷ്യ​വർഗം പഠി​ക്കേ​ണ്ടി​വ​രും. നിയമം അന്യാ​യ​വും അനുചി​ത​വും ആണെന്നു തങ്ങൾ ചിന്തി​ക്കു​മ്പോൾപ്പോ​ലും മനുഷ്യർ ആ നിയമ​ത്തി​നു കീഴ്‌പ്പെ​ടേ​ണ്ടി​വ​രും. . . . ഇതു സംഭവി​ക്കാ​ത്ത​പക്ഷം മനുഷ്യ​വർഗം നശിക്കും, ശാസ്‌ത്ര​ത്തി​ന്റെ ഫലമാ​യി​ട്ടു​തന്നെ നശിക്കും. അമ്പതു വർഷങ്ങൾക്കു​ള്ളിൽ സ്‌പഷ്ട​മായ ഒരു തിര​ഞ്ഞെ​ടു​പ്പു നടത്തേ​ണ്ട​തുണ്ട്‌, ന്യായ​ബോ​ധ​മോ മരണമോ, ഏതു വേണം എന്ന തിര​ഞ്ഞെ​ടുപ്പ്‌. ‘ന്യായ​ബോ​ധം’ എന്നതി​നാൽ ഞാൻ അർഥമാ​ക്കു​ന്നത്‌ ഒരു അന്തർദേ​ശീയ അധികാ​ര​ത്താൽ പ്രഖ്യാ​പി​ക്ക​പ്പെ​ടുന്ന നിയമ​ത്തി​നു കീഴ്‌പ്പെ​ടാ​നുള്ള മനസ്സൊ​രു​ക്ക​ത്തെ​യാണ്‌. മനുഷ്യ​വർഗം മരണത്തെ തിര​ഞ്ഞെ​ടു​ത്തേ​ക്കു​മോ എന്നു ഞാൻ ഭയപ്പെ​ടു​ന്നു. എനിക്കു തെററു​പ​റ​റി​യെ​ങ്കി​ലെന്നു ഞാൻ ആശിക്കു​ന്നു.”

നീതി​നി​ഷ്‌ഠ​മായ നിലവാ​ര​ങ്ങ​ള​നു​സ​രി​ച്ചു ജീവി​ക്കാൻ സന്നദ്ധരായ ആളുകൾ ഈ നാളു​ക​ളിൽ വിരള​മാണ്‌ എന്നതാണു സത്യം. പരേത​നായ പൗരാ​വ​കാ​ശ​നേ​താവ്‌ മാർട്ടിൻ ലൂഥർ കിംഗ്‌ ശരിയാ​യി​ത്തന്നെ ഇങ്ങനെ പറഞ്ഞു: “നമ്മുടെ ശാസ്‌ത്രീയ ശക്തി നമ്മുടെ ആത്മീയ ശക്തിയെ അതിലം​ഘി​ച്ചി​രി​ക്കു​ന്നു. വഴിപി​ഴ​ക്കാത്ത മി​സൈ​ലു​ക​ളും വഴിപി​ഴച്ച മനുഷ്യ​രും ആണു നമുക്കു​ള്ളത്‌.” മനുഷ്യ​വർഗം “ഒരു അന്തർദേ​ശീയ അധികാ​ര​ത്താൽ പ്രഖ്യാ​പി​ക്ക​പ്പെ​ടുന്ന നിയമ​ത്തി​നു കീഴ്‌പ്പെ​ടേ​ണ്ടി​വ​രും” എന്നു പറഞ്ഞ​പ്പോൾ റസ്സൽ, താനറി​യാ​തെ​തന്നെ ലോക​പ്ര​ശ്‌ന​ങ്ങ​ളു​ടെ പരിഹാ​ര​ത്തിൽ വന്നു മുട്ടു​ക​യാ​യി​രു​ന്നു.

പ്രശ്‌നം ആർക്കു പരിഹ​രി​ക്കാ​നാ​കും?

ഒരു അന്തർദേ​ശീയ അധികാ​ര​ത്താൽ പ്രഖ്യാ​പി​ക്ക​പ്പെ​ടുന്ന നിയമ​ത്തെ​ക്കു​റി​ച്ചു സംസാ​രി​ച്ച​പ്പോൾ ബെർട്രണ്ട്‌ റസ്സൽ ഒരു ദിവ്യാ​ധി​കാ​രത്തെ പരാമർശി​ക്കു​ക​യാ​യി​രു​ന്നില്ല എന്നതു സത്യം​തന്നെ. എന്നാൽ, കൃത്യ​മാ​യും ആവശ്യ​മാ​യി​രി​ക്കു​ന്നത്‌ അത്തര​മൊ​രു അധികാ​ര​ത്തി​ന്റെ നിയമ​ങ്ങ​ളോ​ടുള്ള അനുസ​ര​ണ​മാണ്‌. മാനുഷ നിയമ​ങ്ങ​ളും മാനുഷ അധികാ​ര​ങ്ങ​ളും തീർച്ച​യാ​യും ഉത്തരമല്ല. അവയ്‌ക്കൊ​രി​ക്ക​ലും ലോക​ത്തി​നു മാററം വരുത്തി വിപത്തി​നെ തടയാൻ സാധ്യമല്ല. മനുഷ്യർക്കു ദിവ്യ​ഭ​രണം ആവശ്യ​മാ​ണെന്നു ചരി​ത്ര​ത്തി​ന്റെ ദാരു​ണ​രേഖ തെളി​യി​ക്കു​ന്നു.c

തീർച്ച​യാ​യും, 21-ാം നൂററാ​ണ്ടി​ന്റെ വെല്ലു​വി​ളി​കളെ നേരി​ടാ​നുള്ള ശക്തിയും പ്രാപ്‌തി​യും ഉള്ള ഒരു അന്തർദേ​ശീയ അധികാ​രത്തെ പ്രദാനം ചെയ്യാൻ യഹോവ എന്നു നാമമുള്ള സർവശ​ക്ത​നായ ദൈവ​ത്തി​നു മാത്രമേ കഴിയു​ക​യു​ള്ളു. (സങ്കീർത്തനം 83:18) തങ്ങൾക്കു ജീവൻ ലഭിക്കാൻ ആഗ്രഹി​ക്കു​ന്നെ​ങ്കിൽ എല്ലാവ​രും കീഴ്‌പ്പെ​ടേണ്ട ആ അധികാ​രം ദൈവ​രാ​ജ്യ​മാണ്‌. സ്രഷ്ടാ​വായ യഹോ​വ​യാം ദൈവം സ്ഥാപി​ച്ചി​രി​ക്കുന്ന സ്വർഗീയ ലോക​ഗ​വൺമെൻറാണ്‌ അത്‌.

ഈ ഗവൺമെൻറി​നെ​ക്കു​റി​ച്ചു ദീർഘ​കാ​ലം മുമ്പേ ബൈബിൾ ഇങ്ങനെ മുൻകൂ​ട്ടി​പ്പ​റഞ്ഞു: “എന്തെന്നാൽ നമുക്ക്‌ ഒരു കുട്ടി ജനിച്ചി​രി​ക്കു​ന്നു, നമുക്ക്‌ ഒരു മകൻ നൽക​പ്പെ​ട്ടി​രി​ക്കു​ന്നു: ഭരണം അവന്റെ തോളി​ലാ​യി​രി​ക്കും: അവന്റെ പേർ . . . സമാധാ​ന​പ്രഭു എന്നു വിളി​ക്ക​പ്പെ​ടും. അവന്റെ ഭരണത്തി​ന്റെ​യും സമാധാ​ന​ത്തി​ന്റെ​യും വർദ്ധന​വിന്‌ അവസാനം ഉണ്ടായി​രി​ക്ക​യില്ല.” (യെശയ്യാവ്‌ 9:6, 7, കിംഗ്‌ ജയിംസ്‌ വേർഷൻ) യേശു​ക്രി​സ്‌തു​വെന്ന മുൻകൂ​ട്ടി​പ്പ​റ​യ​പ്പെട്ട ഈ കുട്ടിയെ കന്യകാ​മ​റി​യം അത്ഭുത​ക​ര​മാ​യി ഗർഭം ധരിച്ച്‌ യഹൂദ​യി​ലെ ബേത്‌ല​ഹേ​മിൽ പ്രസവി​ച്ചു.—ലൂക്കൊസ്‌ 1:30-33.

“നിങ്ങൾ ഈവണ്ണം പ്രാർഥി​പ്പിൻ: . . . നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലേ​പ്പോ​ലെ ഭൂമി​യി​ലും ആകേണമേ” എന്നു യേശു പറഞ്ഞ​പ്പോൾ ദൈവ​ത്തി​ന്റെ ഗവൺമെൻറി​നെ​ക്കു​റി​ച്ചു പ്രാർഥി​ക്കാൻ ഭൂമി​യി​ലാ​യി​രി​ക്കെ അവിടുന്ന്‌ തന്റെ അനുഗാ​മി​കളെ പഠിപ്പി​ച്ചു. (മത്തായി 6:9, 10) തന്റെ ഗവൺമെൻറി​ന്റെ നീതി​യുള്ള നിയമ​ങ്ങ​ളോ​ടു ചേർച്ച​യിൽ തങ്ങളുടെ ജീവി​ത​ത്തിൽ അനിവാ​ര്യ മാററങ്ങൾ വരുത്താൻ മനസ്സൊ​രു​ക്ക​മുള്ള ആളുകളെ സഹായി​ക്കു​ന്ന​തി​നു യഹോ​വ​യാം ദൈവ​ത്തി​ന്റെ ശക്തമായ പരിശു​ദ്ധാ​ത്മാ​വിന്‌ അഥവാ പ്രവർത്ത​ന​നി​ര​ത​മായ ശക്തിക്കു മാത്രമേ കഴിയൂ. ശാസ്‌ത്ര​ത്തി​നു കഴിയില്ല. ആയിര​ക്ക​ണ​ക്കി​നു വർഷങ്ങ​ളി​ലെ അനൈ​ക്യ​വും ആശയക്കു​ഴ​പ്പ​വും അതിനു കഴിയില്ല എന്നതിന്റെ തെളി​വാണ്‌.

കൃത്യ​മാ​യ ശാസ്‌ത്രീയ പരിജ്ഞാ​ന​ത്തിൽ പരിമി​തി​യി​ല്ലാത്ത യഹോ​വ​യാം ദൈവം, അവിടുന്ന്‌ ആദ്യ മനുഷ്യ​ജോ​ടി​യെ സൃഷ്ടി​ച്ച​പ്പോൾ ഏദെൻ തോട്ട​ത്തിൽ ഉണ്ടായി​രു​ന്ന​തു​പോ​ലുള്ള പറുദീ​സാ​വ​സ്ഥകൾ ഭൂമി ആസ്വദി​ക്കു​ന്നു​വെന്ന്‌ ഉറപ്പു​വ​രു​ത്തും. ആ സമയത്തു ദൈവം അവർക്ക്‌ ഇങ്ങനെ നിർദേശം നൽകി​യി​രു​ന്നു: “സന്താന​പു​ഷ്ടി​യു​ള്ള​വ​രാ​യി പെരുകി ഭൂമിയെ നിറയ്‌ക്കു​ക​യും അതിനെ കീഴട​ക്കു​ക​യും ചെയ്യുക.” (ഉല്‌പത്തി 1:28, NW) അനുസ​ര​ണ​മു​ള്ള​വ​രാ​യി​രി​ക്കാൻ അവർ പരാജ​യ​പ്പെ​ടു​ക​യും ആ നിയോ​ഗം നിർവ​ഹി​ക്കാ​തി​രി​ക്കു​ക​യും ചെയ്‌തെ​ങ്കി​ലും ഭൂമി ഒരു പറുദീ​സ​യാ​യി​രി​ക്കു​ക​യെന്ന തന്റെ ആദി​മോ​ദ്ദേ​ശ്യം നിവർത്തി​ക്ക​പ്പെ​ടു​ന്നു​വെന്നു യഹോ​വ​യാം ദൈവം ഉറപ്പു​വ​രു​ത്തും. “ഞാൻ പ്രസ്‌താ​വി​ക്കു​ന്നു; എന്റെ ആലോചന നിവൃ​ത്തി​യാ​കും” എന്ന്‌ അവിടുന്ന്‌ പ്രസ്‌താ​വി​ക്കു​ന്നു. (യെശയ്യാ​വു 46:11) എന്നാൽ ഭൂമിയെ സംബന്ധിച്ച ദൈവ​ത്തി​ന്റെ ആദി​മോ​ദ്ദേ​ശ്യം എപ്പോ​ഴാ​യി​രി​ക്കും നിവൃ​ത്തി​യേ​റുക?

“അന്ത്യകാ​ലത്തു” അതായത്‌ ദൈവ​രാ​ജ്യം മാനുഷ ഗവൺമെൻറു​ക​ളെ​യെ​ല്ലാം മാററി അവയ്‌ക്കു പകരം സ്ഥാപി​ത​മാ​കു​ന്ന​തി​നു തൊട്ടു​മു​മ്പു ഭൂമി​യിൽ ഉണ്ടായി​രി​ക്കുന്ന അവസ്ഥകളെ യേശു​ക്രി​സ്‌തു​വും അവിടു​ത്തെ അപ്പോ​സ്‌ത​ലൻമാ​രും വർണിച്ചു. (2 തിമൊ​ഥെ​യൊസ്‌ 3:1-5; മത്തായി 24:3-14, 37-39; 2 പത്രൊസ്‌ 3:3, 4) ഇവിടെ പരാമർശി​ച്ചി​രി​ക്കുന്ന ബൈബിൾ പ്രവച​നങ്ങൾ ഒരുവൻ വായി​ക്കു​ക​യും ലോക​സം​ഭ​വ​ങ്ങ​ളു​മാ​യി അവയെ താരത​മ്യ​പ്പെ​ടു​ത്തു​ക​യും ചെയ്യു​മ്പോൾ ബൈബി​ളിൽ ദാനീ​യേൽ 2:44-ൽ വർണി​ച്ചി​രി​ക്കുന്ന നടപടി ദൈവ​രാ​ജ്യം കൈ​ക്കൊ​ള്ളാൻ പോകുന്ന സമയത്താ​ണു നാം ജീവി​ച്ചി​രി​ക്കു​ന്നത്‌ എന്നു വ്യക്തമാ​യി​ത്തീ​രു​ന്നു: “ഈ രാജാ​ക്കൻമാ​രു​ടെ [ഇപ്പോൾ ഭരണം നടത്തുന്ന മാനുഷ ഗവൺമെൻറു​ക​ളു​ടെ] കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.”

സമീപ ഭാവി​യി​ലെ ജീവിതം

സമീപ ഭാവി സംബന്ധിച്ച്‌ അത്‌ എന്തർഥ​മാ​ക്കു​ന്നു​വെന്നു ചിന്തി​ക്കുക! തൊട്ട​ടുത്ത നൂററാ​ണ്ടിൽ, ഒരുപക്ഷേ അതിനു മുമ്പു​പോ​ലും, മനുഷ്യ​വർഗ​ത്തി​നു​വേണ്ടി എന്തെല്ലാം അത്ഭുത​ക​ര​മായ കാര്യ​ങ്ങ​ളാ​ണു കരുതി​വ​യ്‌ക്ക​പ്പെ​ട്ടി​ട്ടു​ള്ളത്‌! ആയിര​ക്ക​ണ​ക്കി​നു വർഷങ്ങ​ളി​ലെ അപൂർണ മാനുഷ ഭരണത്തി​ന്റെ​യും കപടഭക്തി പൂണ്ട മതത്തി​ന്റെ​യും അത്യാർത്തി പൂണ്ട വ്യാപാ​ര​ത്തി​ന്റെ​യും ഈ ലോക​ത്തി​ലെ ശാസ്‌ത്ര​ത്തി​ന്റെ​യും ദോഷ​ഫ​ല​ങ്ങളെ ദിവ്യ​ഭ​രണം ദൂരീ​ക​രി​ക്കും. അതു മനുഷ്യ​രെ അവരുടെ ഏററവും വലിയ പ്രതീ​ക്ഷ​കൾക്കു​മ​പ്പു​റ​മാ​യി അനു​ഗ്ര​ഹി​ക്കും.

ദൈവ​ത്തി​ന്റെ നീതി​യുള്ള പുതിയ ലോക​ത്തിൽ സംഭവി​ക്കു​മെന്ന്‌ ഉറപ്പുള്ള സംഭവ​ങ്ങളെ ബൈബിൾ വർണി​ക്കു​ന്നത്‌ ഈ വിധമാണ്‌: “ഇതാ, മനുഷ്യ​രോ​ടു​കൂ​ടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:3-5.

അതു​കൊണ്ട്‌, ശക്തനും അദൃശ്യ ലോക​ഭ​ര​ണാ​ധി​പ​നും ആയ പിശാ​ചായ സാത്താന്റെ നിയ​ന്ത്ര​ണ​ത്തിൻ കീഴി​ലുള്ള ഈ ലോക​വ്യ​വ​സ്ഥി​തി​യു​ടെ നാശത്തി​ങ്കൽ ഉടൻതന്നെ അവസാ​നി​ക്കാൻ പോകുന്ന കൗണ്ട്‌ഡൗൺ സംബന്ധി​ച്ചു ജാഗ്ര​ത​യു​ള്ള​വ​രാ​യി​രി​ക്കുക എന്നതാണു നിങ്ങളെ സംബന്ധി​ച്ചു പരമ​പ്ര​ധാ​ന​മായ കാര്യം. (യോഹ​ന്നാൻ 12:31; 2 കൊരി​ന്ത്യർ 4:3, 4) നിങ്ങൾ ദൈ​വേ​ഷ്ട​മെ​ന്തെന്നു പഠിക്കു​ക​യും അതു പ്രാവർത്തി​ക​മാ​ക്കു​ക​യും ചെയ്യു​ന്നതു ജീവത്‌പ്ര​ധാ​ന​മാണ്‌, എന്തെന്നാൽ ബൈബിൾ ഇപ്രകാ​രം വാഗ്‌ദത്തം ചെയ്യുന്നു: “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.”—1 യോഹ​ന്നാൻ 2:17.

അതു​കൊണ്ട്‌, സമയം അനുവ​ദി​ക്കു​ന്നി​ട​ത്തോ​ളം കാലം അതിജീ​വ​ന​ത്തി​നു വേണ്ടി​യുള്ള യഹോ​വ​യു​ടെ കരുത​ലു​കൾ നിങ്ങൾ ജ്ഞാനപൂർവം പ്രയോ​ജ​ന​പ്പെ​ടു​ത്താ​നി​ട​യാ​കട്ടെ. അപ്പോൾ ഭാവി​യി​ലെ, അതേ, തൊട്ട​ടു​ത്തു​വ​രുന്ന 21-ാം നൂററാ​ണ്ടി​ലെ ജീവിതം ആസ്വദി​ക്കാൻ നിങ്ങൾക്കു പദവി​യു​ണ്ടാ​യി​രി​ക്കും—അതു​പോ​ലെ​തന്നെ 22-ഉം 23-ഉം നൂററാ​ണ്ടു​ക​ളി​ലും അതിനു​ശേഷം എണ്ണമററ മററു നൂററാ​ണ്ടു​ക​ളി​ലും തന്നെ. (g93 6/22)

[അടിക്കു​റി​പ്പു​കൾ]

[27-ാം പേജിലെ ചതുരം]

ദുർവാർത്തകൾക്കു മധ്യേ സുവാർത്ത

ശാസ്‌ത്രീയ പുരോ​ഗതി ഉണ്ടായി​രു​ന്നി​ട്ടും വിശന്നു​വ​ല​യുന്ന അസംഖ്യം കുട്ടി​ക​ളെ​യും എല്ലും​തോ​ലു​മായ മുതിർന്ന​വ​രെ​യും ഇപ്പോ​ഴും കണ്ടെത്താൻ കഴിയു​ന്നു. എന്നാൽ പെട്ടെ​ന്നു​തന്നെ ദൈവ​ത്തി​ന്റെ മിശി​ഹൈക രാജ്യ​ത്തിൻ കീഴിൽ, “ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും; അതിന്റെ വിളവു ലെബാ​നോ​നെ​പ്പോ​ലെ ഉലയും.”—സങ്കീർത്തനം 72:16.

ശാസ്‌ത്രീയ പുരോ​ഗതി ഉണ്ടായി​രു​ന്നി​ട്ടും ലക്ഷക്കണ​ക്കി​നാ​ളു​കൾ മർദന​ത്തി​നും അക്രമ​ത്തി​നും അടി​പ്പെട്ടു കഴിയു​ന്നു. എന്നാൽ പെട്ടെ​ന്നു​തന്നെ ദൈവ​ത്തി​ന്റെ മിശി​ഹൈക രാജ്യ​ത്തി​ന്റെ രാജാവ്‌ “സഹായ​ത്തി​നാ​യി നിലവി​ളി​ക്കുന്ന ദരി​ദ്ര​നെ​യും പീഡി​ത​രെ​യും സഹായി​യി​ല്ലാത്ത ഏതൊ​രു​വ​നെ​യും വിടു​വി​ക്കും. . . . മർദന​ത്തിൽനി​ന്നും അക്രമ​ത്തിൽനി​ന്നും അവിടുന്ന്‌ അവരുടെ ദേഹിയെ വീണ്ടെ​ടു​ക്കും.”—സങ്കീർത്തനം 72:12-14, NW.

ശാസ്‌ത്രീയ പുരോ​ഗതി ഉണ്ടായി​രു​ന്നി​ട്ടും പാർപ്പി​ട​മോ വേണ്ടത്ര ഭക്ഷണമോ ഇല്ലാത്ത തെരുവു മനുഷ്യ​രു​ടെ എണ്ണം ലോക​മെ​മ്പാ​ടും വർധി​ച്ചു​വ​രു​ന്നു. എന്നാൽ പെട്ടെ​ന്നു​തന്നെ ദൈവ​ത്തി​ന്റെ മിശി​ഹൈക രാജ്യ​ത്തിൻ കീഴിൽ ആളുകൾ “വീടു​കളെ പണിതു പാർക്കും. . . . അവർ പണിക, മറെറാ​രു​ത്തൻ പാർക്ക എന്നു വരിക​യില്ല; അവർ നടുക മറെറാ​രു​ത്തൻ തിന്നുക എന്നും വരിക​യില്ല.”—യെശയ്യാ​വു 65:21, 22.

വൈദ്യ​ശാ​സ്‌ത്ര പുരോ​ഗതി ഉണ്ടായി​രു​ന്നി​ട്ടും തടയാൻ കഴിയുന്ന രോഗങ്ങൾ ദശലക്ഷ​ങ്ങളെ തുടർന്നും കൊല്ലു​ന്നു. എന്നാൽ പെട്ടെ​ന്നു​തന്നെ ദൈവ​ത്തി​ന്റെ മിശി​ഹൈക രാജ്യ​ത്തിൻ കീഴിൽ “യാതൊ​രു നിവാ​സി​യും ‘എനിക്കു രോഗ​മാണ്‌’ എന്നു പറയു​ക​യില്ല.”—യെശയ്യാവ്‌ 33:24, NW.

[28-ാം പേജിലെ ചിത്രം]

ഭൂമിയിലെങ്ങും ജീവിതം ഒരാ​മോ​ദ​മാ​യി​ത്തീ​രും

[കടപ്പാട്‌]

Courtesy Hartebeespoortdam Snake and Animal Park