ദ്രോ​ഹി​ക​ളായ മാതാ​പി​താ​ക്കൾ—ആത്യന്തിക സമ്മർദകർ

“കുടും​ബ​ത്തി​നു വെളി​യിൽ കുട്ടി​കൾക്കു സാർഥ​ക​മായ മൂല്യ സംഹി​ത​യി​ല്ലാ​ത്ത​തു​കൊ​ണ്ടു തങ്ങളെ​ക്കു​റി​ച്ചും മററു​ള്ള​വ​രെ​ക്കു​റി​ച്ചും അവർ ഭവനത്തിൽവച്ചു പഠിക്കുന്ന കാര്യങ്ങൾ അവരുടെ മനസ്സു​ക​ളിൽ ആഴത്തിൽ കൊത്ത​പ്പെട്ട സാർവ​ത്രിക സത്യങ്ങ​ളാ​യി​ത്തീ​രു​ന്നു.”—ഡോ. സൂസൻ ഫോർവേർഡ്‌.

ഒരു കുശവന്‌ ആകൃതി​യി​ല്ലാത്ത ഒരു കളിമൺക​ട്ട​യിൽ ശരിയായ അളവിൽ വെള്ളം ചേർത്തു​കു​ഴച്ച്‌ അതിനെ ഒരു മനോ​ഹ​ര​മായ പാത്ര​മാ​യി രൂപ​പ്പെ​ടു​ത്താൻ കഴിയും. സമാന​മാ​യി, മാതാ​പി​താ​ക്കൾ തന്നെക്കു​റി​ച്ചും ലോക​ത്തെ​ക്കു​റി​ച്ചും ഉള്ള ഒരു കുട്ടി​യു​ടെ വീക്ഷണ​ഗ​തി​യെ കരുപ്പി​ടി​പ്പി​ക്കു​ന്നു. സ്‌നേ​ഹ​വും മാർഗ​നിർദേ​ശ​വും ശിക്ഷണ​വും കൊണ്ട്‌ കുട്ടി സ്ഥിരസ്വ​ഭാ​വ​മുള്ള ഒരു മുതിർന്ന​യാ​ളാ​യി വളർച്ച​പ്രാ​പി​ക്കു​ന്നു.

എന്നിരു​ന്നാ​ലും, മിക്കവാ​റും എല്ലായ്‌പോ​ഴും​തന്നെ, കുട്ടി​യു​ടെ മനസ്സി​ലെ​യും ഹൃദയ​ത്തി​ലെ​യും ധാരണകൾ ദ്രോ​ഹി​ക​ളായ മാതാ​പി​താ​ക്ക​ളാൽ കരുപ്പി​ടി​പ്പി​ക്ക​പ്പെ​ടു​ന്നു. വൈകാ​രി​ക​വും ശാരീ​രി​ക​വും ലൈം​ഗി​ക​വു​മായ ദ്രോഹം മാറാതെ നിൽക്കു​ന്ന​തും പുനർരൂ​പ​പ്പെ​ടു​ത്തു​ന്ന​തി​നു ദുഷ്‌ക​ര​വും ആയിത്തീ​രുന്ന വികൃ​ത​മായ ചിന്താ​രൂ​പങ്ങൾ സൃഷ്ടി​ക്കു​ന്നു.

വൈകാ​രിക ദ്രോഹം

വാക്കു​കൾക്ക്‌ മുഷ്ടി​ക​ളെ​ക്കാൾ ശക്തമായി പ്രഹര​മേ​ല്‌പി​ക്കാൻ കഴിയും. “ഞാൻ ഒരിക്ക​ലും ജനിക്കാ​തി​രു​ന്നെ​ങ്കിൽ എന്ന്‌ അവർ ആഗ്രഹി​ച്ചി​രു​ന്ന​താ​യി [എന്റെ അമ്മ] എന്നോടു പറയാത്ത ഒരു ദിവസം ഞാൻ ഓർക്കു​ന്നില്ല” എന്ന്‌ ജെയ്‌സൺ പറയുന്നു. കാരെൻ ഇപ്രകാ​രം പരാവർത്തി​ക്കു​ന്നു: “ഞാൻ കൊള്ള​രു​താ​ത്ത​വ​ളാ​യി​രു​ന്നു അല്ലെങ്കിൽ നല്ലവള​ല്ലാ​യി​രു​ന്നു എന്ന്‌ എന്നെ എപ്പോ​ഴും അറിയി​ച്ചി​രു​ന്നു.”

കുട്ടി​ക​ളു​ടെ നേരെ എന്തു പറഞ്ഞാ​ലും സാധാ​ര​ണ​മാ​യി അവർ അതു വിശ്വ​സി​ക്കും. ഒരു ആൺകു​ട്ടി​യെ വിഡ്‌ഢി എന്ന്‌ എപ്പോ​ഴും വിളി​ച്ചാൽ താൻ വിഡ്‌ഢി​യാ​ണെന്ന്‌ അവസാനം അവന്‌ തോന്നാ​നി​ട​യുണ്ട്‌. അവൾ ഗുണമി​ല്ലാ​ത്ത​വ​ളാ​ണെന്ന്‌ ഒരു പെൺകു​ട്ടി​യോ​ടു പറയുക, അവൾ അതു തന്നെ വിശ്വ​സി​ക്കാ​നി​ട​യുണ്ട്‌. കുട്ടി​കൾക്ക്‌ ഒരു പരിമി​ത​മായ ഗ്രഹണ​ശ​ക്തി​യെ ഉള്ളു, പലപ്പോ​ഴും അവർക്ക്‌ ശരിയാ​യത്‌, ദ്രോ​ഹ​ക​ര​മാം​വി​ധം അതിശ​യോ​ക്തി​പ​ര​മാ​യ​തിൽനി​ന്നോ തെററാ​യ​തിൽനി​ന്നോ വിവേ​ചി​ച്ച​റി​യാൻ കഴിയു​ന്നില്ല.

ശാരീ​രിക ദ്രോഹം

ജോ തന്റെ ശാരീ​രിക ദ്രോ​ഹി​യായ പിതാ​വി​നെ ഇപ്രകാ​രം സ്‌മരി​ക്കു​ന്നു: “എന്നെ ഭിത്തി​യോ​ടു ചേർക്കു​ന്ന​തു​വരെ അദ്ദേഹം എന്നെ പ്രഹരി​ക്കു​മാ​യി​രു​ന്നു. ഞാൻ പരി​ഭ്രാ​ന്ത​നാ​യി​ത്തീ​ര​ത്ത​ക്ക​വി​ധം അത്ര ശക്തമായി അദ്ദേഹം എന്നെ ഇടിച്ചു​കൊ​ണ്ടേ​യി​രി​ക്കു​മാ​യി​രു​ന്നു. . . . അദ്ദേഹ​ത്തി​ന്റെ പൊട്ടി​ത്തെ​റി​കളെ പ്രകോ​പി​പ്പി​ച്ചത്‌ എന്തായി​രി​ക്കും എന്ന്‌ ഒരിക്ക​ലും അറിഞ്ഞി​രു​ന്നില്ല എന്നതാണ്‌ അതിന്റെ ഏററവും പേടി​പ്പെ​ടു​ത്തുന്ന ഭാഗം!”

ജേക്കിന്റെ പിതാവ്‌ അവനെ പതിവാ​യി അടിച്ചി​രു​ന്നു. ജേക്കിന്‌ വെറും ആറു വയസ്സു പ്രായ​മു​ണ്ടാ​യി​രു​ന്ന​പ്പോൾ അങ്ങനെ ഒരു പ്രഹര​സ​മ​യത്ത്‌ അവന്റെ കയ്യൊ​ടി​ഞ്ഞു. “അദ്ദേഹ​മോ എന്റെ സഹോ​ദ​രി​മാ​രോ അമ്മയോ ഞാൻ കരയു​ന്നതു കാണാൻ ഞാൻ ഇടയാ​ക്കി​യില്ല,” ജേക്ക്‌ സ്‌മരി​ക്കു​ന്നു. “അതു മാത്ര​മാ​യി​രു​ന്നു എനിക്കു ബാക്കി​യു​ണ്ടാ​യി​രുന്ന അഭിമാ​നം.”

ബാല്യ​കാ​ല ശാരീ​രിക ദ്രോ​ഹത്തെ “ഓരോ ദിവസ​വും ഓരോ ആഴ്‌ച​യും ഓരോ മാസവും ഒരു കാർ അപകട​ത്തിൽ അകപ്പെ​ടു​ന്നതി”നോട്‌ ഉപമി​ക്കാ​വു​ന്ന​താണ്‌ എന്ന്‌ സ്‌​ട്രോങ്‌ അററ്‌ ദ ബ്രോക്കൻ പ്ലേസസ്‌ എന്ന പുസ്‌തകം സൂചി​പ്പി​ക്കു​ന്നു. ലോകം സുരക്ഷി​ത​മ​ല്ലെ​ന്നും ആരെയും വിശ്വ​സി​ക്കാൻ കഴിക​യി​ല്ലെ​ന്നും അത്തരത്തി​ലുള്ള ദ്രോഹം ഒരു കുട്ടിയെ പഠിപ്പി​ക്കു​ന്നു. അതിനു​പു​റമെ പലപ്പോ​ഴും അക്രമം അക്രമത്തെ ജനിപ്പി​ക്കു​ന്നു. “കുട്ടികൾ അവരുടെ ദ്രോ​ഹി​ക​ളിൽനി​ന്നു സംരക്ഷി​ക്ക​പ്പെ​ടു​ന്നി​ല്ലെ​ങ്കിൽ, ഒരുനാൾ പൊതു​ജനം കുട്ടി​ക​ളിൽനി​ന്നു സംരക്ഷി​ക്ക​പ്പെ​ടേണ്ടി വരും” എന്ന്‌ ടൈം മാസിക മുന്നറി​യി​പ്പു നൽകുന്നു.

ലൈം​ഗിക ദ്രോഹം

ഒരു കണക്കനു​സ​രിച്ച്‌, പെൺകു​ട്ടി​ക​ളിൽ 3-ൽ 1-ഉം ആൺകു​ട്ടി​ക​ളിൽ 7-ൽ 1-ഉം അവർക്ക്‌ 18 വയസ്സാ​കു​ന്ന​തോ​ടെ ഒരു ലൈം​ഗിക അനുഭ​വ​ത്തി​നു നിർബ​ന്ധി​ത​രാ​യി​രു​ന്നി​ട്ടുണ്ട്‌. ഈ കുട്ടി​ക​ളിൽ അധിക​പ​ങ്കും മിണ്ടാതെ സഹിക്കു​ന്നു. “ദൗത്യ​ത്തി​നി​ട​യിൽ കാണാ​താ​കുന്ന പട്ടാള​ക്കാ​രെ​പ്പോ​ലെ അവർ ഭയത്തി​ന്റെ​യും കുററ​ബോ​ധ​ത്തി​ന്റെ​യും ഒരു സ്വകാര്യ വനത്തിൽ വർഷങ്ങ​ളോ​ളം ചുററി​ക്ക​റ​ങ്ങു​ന്നു” എന്ന്‌ പ്രതി​സ​ന്ധി​യി​ല​ക​പ്പെട്ട കുട്ടി എന്ന പുസ്‌തകം സൂചി​പ്പി​ക്കു​ന്നു.

“എന്നെ ദ്രോ​ഹി​ച്ച​തു​കൊണ്ട്‌ ഞാൻ എന്റെ പിതാ​വി​നെ എത്രമാ​ത്രം വെറു​ക്കു​ക​യും അദ്ദേഹത്തെ വെറു​ത്ത​തു​കൊണ്ട്‌ എനിക്ക്‌ എത്രമാ​ത്രം കുററ​ബോ​ധം അനുഭ​വ​പ്പെ​ടു​ക​യും ചെയ്‌തു” എന്ന്‌ ലൊവീസ്‌ പറയുന്നു. “ഒരു കുട്ടി തന്റെ മാതാ​പി​താ​ക്കളെ സ്‌നേ​ഹി​ക്കേ​ണ്ടി​യി​രി​ക്കു​ന്ന​തു​കൊ​ണ്ടും ഞാൻ എല്ലായ്‌പോ​ഴും അതു ചെയ്യാ​ഞ്ഞ​തു​കൊ​ണ്ടും അത്തരത്തി​ലുള്ള ലജ്ജ എനിക്ക്‌ അനുഭ​വ​പ്പെട്ടു.” ഒരു കുട്ടി​യു​ടെ പ്രാഥ​മിക സംരക്ഷകൻ ഒരു അതി​ക്രമി ആയി മാറു​മ്പോ​ഴത്തെ അത്തരം വ്യാമി​ശ്ര വികാ​രങ്ങൾ മനസ്സി​ലാ​ക്കാ​വു​ന്ന​താണ്‌. ബെവെർലീ എങ്‌കെൽ നിഷ്‌ക​ള​ങ്ക​ത​ക്കുള്ള അവകാശം (The Right to Innocence) എന്ന പുസ്‌ത​ക​ത്തിൽ ഇപ്രകാ​രം ചോദി​ക്കു​ന്നു: “നമ്മെ സ്‌നേ​ഹി​ക്കാ​നും കരുതാ​നും ബാധ്യ​സ്ഥ​നായ നമ്മുടെ സ്വന്തം പിതാ​വി​നു നമ്മെക്കു​റിച്ച്‌ ഇത്ര കുറച്ചേ കരുതാൻ കഴിഞ്ഞു​ള്ളു എന്നത്‌ നമുക്ക്‌ എങ്ങനെ സമ്മതി​ക്കാൻ കഴിയും?”

ലൈം​ഗിക ദ്രോ​ഹ​ത്തി​നു ജീവി​തത്തെ സംബന്ധി​ച്ചുള്ള കുട്ടി​യു​ടെ മുഴു​വീ​ക്ഷ​ണ​ത്തെ​യും കോട്ടി​ക്ക​ള​യാൻ കഴിയും. “ഒരു കുട്ടി​യാ​യി​രു​ന്ന​പ്പോൾ ഉപദ്ര​വി​ക്ക​പ്പെട്ട ഓരോ മുതിർന്ന വ്യക്തി​യും അവന്റെ അല്ലെങ്കിൽ അവളുടെ ബാല്യ​കാ​ല​ത്തിൽനിന്ന്‌, ആശക്കു വകയി​ല്ലാ​ത്ത​വി​ധം അസമർഥ​രും, നിർഗു​ണ​രും ഒട്ടും കൊള്ളാ​ത്ത​വ​രും ആയിരി​ക്കു​ന്ന​തി​ന്റെ വ്യാപ​ക​മായ വികാ​രങ്ങൾ കൊണ്ടു​വ​രു​ന്നു” എന്ന്‌ ഡോ. സൂസൻ ഫോർവേർഡ്‌ എഴുതു​ന്നു.

അതു വിട്ടു​മാ​റു​ന്നി​ല്ല

“ദ്രോ​ഹി​ക്ക​പ്പെ​ടു​ന്നത്‌ അല്ലെങ്കിൽ അവഗണി​ക്ക​പ്പെ​ടു​ന്നത്‌ കുട്ടി​യു​ടെ ശരീരം മാത്രമല്ല” എന്ന്‌ ഗവേഷ​ക​യായ ലിൻഡ ററി. സാൻഫൊർഡ്‌ എഴുതു​ന്നു. “പ്രക്ഷുബ്ധ കുടും​ബങ്ങൾ ഒരു കുട്ടി​യു​ടെ മനസ്സിനെ താറു​മാ​റാ​ക്കു​ന്നു.” വൈകാ​രി​ക​മാ​യോ ശാരീ​രി​ക​മാ​യോ ലൈം​ഗി​ക​മാ​യോ ഒരു കുട്ടി ദ്രോ​ഹി​ക്ക​പ്പെ​ടു​മ്പോൾ താൻ സ്‌നേ​ഹി​ക്ക​പ്പെ​ടാ​വു​ന്ന​വ​ന​ല്ലെ​ന്നും വിലയി​ല്ലാ​ത്ത​വ​നാ​ണെ​ന്നും ഉള്ള ധാരണ​യോ​ടെ അവനോ അവളോ വളർന്നു വന്നേക്കാം.

നേരത്തെ പരാമർശിച്ച ജെയ്‌സണ്‌ ഒരു മുതിർന്ന വ്യക്തി​യെ​ന്ന​നി​ല​യിൽ അത്തരത്തി​ലുള്ള ഒരു ആത്മാഭി​മാ​ന​ക്കു​റവ്‌ ഉണ്ടായി​രു​ന്നു. തന്നിമി​ത്തം അദ്ദേഹം ഒരു ആത്മഹത്യ നടത്താൻ സാധ്യ​ത​യു​ള്ള​താ​യി പറയ​പ്പെട്ടു. ജീവനു ഭീഷണി വരുത്തുന്ന സാഹച​ര്യ​ങ്ങ​ളിൽ ആവശ്യ​മി​ല്ലാ​തെ തന്നെത്തന്നെ ആക്കിവ​ച്ചു​കൊണ്ട്‌ ‘നീ ഒരിക്ക​ലും ജനിക്ക​രു​താ​യി​രു​ന്നു’ എന്ന്‌ അദ്ദേഹ​ത്തി​ന്റെ അമ്മ ബോധി​പ്പി​ച്ച​ത​നു​സ​രിച്ച്‌ അദ്ദേഹം തന്റെ ജീവി​തത്തെ വിലയി​രു​ത്തി.

ഒരു കുട്ടി​യാ​യി​രു​ന്ന​പ്പോൾ ശാരീ​രി​ക​മാ​യി ദ്രോ​ഹി​ക്ക​പ്പെ​ട്ട​തി​ന്റെ ഫലങ്ങളെ പ്രതി​ഫ​ലി​പ്പി​ച്ചു​കൊണ്ട്‌ ജോ ഇപ്രകാ​രം പറയുന്നു: “നിങ്ങൾ വീടു വിട്ടു​പോ​യ​തു​കൊ​ണ്ടോ വിവാഹം കഴിച്ച​തു​കൊ​ണ്ടോ മാത്രം അത്‌ വിട്ടു​മാ​റു​ന്നില്ല. ഞാൻ എപ്പോ​ഴും എന്തി​നെ​ക്കു​റി​ച്ചോ ഭയമു​ള്ള​വ​നാണ്‌, അങ്ങനെ​യാ​യി​രി​ക്കു​ന്ന​തു​കൊണ്ട്‌ ഞാൻ എന്നെത്തന്നെ വെറു​ക്കു​ന്നു.” ശാരീ​രിക ദ്രോഹം ചെയ്യുന്ന കുടും​ബാം​ഗ​ങ്ങളെ സംബന്ധി​ച്ചുള്ള പിരി​മു​റു​ക്കം അനേകം കുട്ടികൾ അശുഭ പ്രതീ​ക്ഷ​ക​ളോ​ടും സംരക്ഷി​ക്കു​ന്ന​തി​നു പകരം ബന്ധനത്തി​ലാ​ക്കുന്ന കഠിന​മായ പ്രതി​രോ​ധ​ങ്ങ​ളോ​ടും കൂടി വളർന്നു വരുന്ന​തിന്‌ ഇടയാ​ക്കു​ന്നു.

കോണി​യെ സംബന്ധി​ച്ച​ട​ത്തോ​ളം, അഗമ്യ​ഗ​മനം തന്റെ യൗവന കാലത്തു ദൃഢമാ​യി​ത്തീർന്ന വികൃ​ത​മായ ഒരു സ്വപ്ര​തി​ച്ഛായ സൃഷ്ടിച്ചു: “ആളുകൾക്ക്‌ എന്റെ ഉള്ളം കണ്ടു ഞാനെത്ര നിന്ദി​ത​യാ​ണെന്നു കാണാൻ കഴിയുന്ന സമയ​ത്തെ​ക്കു​റി​ച്ചു ഞാൻ ഇപ്പോ​ഴും വളരെ​യ​ധി​കം ചിന്തി​ക്കു​ന്നു.”

എല്ലാ ദ്രോ​ഹ​രൂ​പ​ങ്ങ​ളും യൗവന​കാ​ലം ആകു​മ്പോ​ഴേ​ക്കും ആഴത്തിൽ പതി​ഞ്ഞേ​ക്കാ​വുന്ന വിഷലി​പ്‌ത​മായ പാഠങ്ങൾ പഠിപ്പി​ക്കു​ന്നു. പഠിച്ചതു മറക്കാൻ കഴിയും എന്നതു സത്യം​തന്നെ. ബാല്യ​കാല ദ്രോ​ഹ​ത്തിൽനിന്ന്‌ സുഖം പ്രാപി​ച്ചു വന്നിട്ടുള്ള അസംഖ്യം അതിജീ​വകർ ആ പരമാർഥത്തെ സാക്ഷ്യ​പ്പെ​ടു​ത്തു​ന്നു. എന്നാൽ തങ്ങളുടെ കുട്ടി​യു​ടെ ജനനം​മു​തൽ തന്നെക്കു​റി​ച്ചു തന്നെയും ലോക​ത്തെ​ക്കു​റി​ച്ചും ഉള്ള അവന്റെ ധാരണ​യി​ല​ധി​ക​വും അവർ കരുപ്പി​ടി​പ്പി​ക്ക​യാ​ണെന്നു മാതാ​പി​താ​ക്കൾ തിരി​ച്ച​റി​ഞ്ഞെ​ങ്കിൽ എത്രയോ നന്നായി​രു​ന്നു. ഒരു കുട്ടി​യു​ടെ ശാരീ​രി​ക​വും വൈകാ​രി​ക​വു​മായ ക്ഷേമം മുഖ്യ​മാ​യും തന്റെ മാതാ​പി​താ​ക്ക​ളു​ടെ കൈക​ളി​ലാണ്‌.

[7-ാം പേജിലെ ചിത്രം]

വാക്കുകൾക്കു മുഷ്ടി​ക​ളെ​ക്കാൾ ശക്തമായി പ്രഹര​മേ​ല്‌പി​ക്കാൻ കഴിയും