പുതിയ ലോകം വരു​മ്പോൾ

ഇപ്പോ​ഴത്തെ ഈ ലോകം നീങ്ങി​പ്പോ​കു​മ്പോൾ ദൈവ​ത്തി​ന്റെ പുതിയ ലോകം വരും. എന്നാൽ നിങ്ങൾ ഇങ്ങനെ ചോദി​ച്ചേ​ക്കാം, ‘ഈ ലോകം അവസാ​നി​ക്കു​മെന്നു നമുക്കു വാസ്‌ത​വ​ത്തിൽ വിശ്വ​സി​ക്കാൻ കഴിയു​മോ?’ ആകട്ടെ, ഇതു ചിന്തി​ക്കുക, എന്നെങ്കി​ലും ഒരു ലോകം അവസാ​നി​ച്ചി​ട്ടു​ണ്ടോ?

ഉവ്വ്‌, അവിതർക്കി​ത​മായ തെളി​വ​നു​സ​രിച്ച്‌ ഒരിക്കൽ ഒരു ലോകം അവസാ​നി​ച്ചു. “അന്നുള്ള [നോഹ​യു​ടെ നാളിലെ] ലോകം ജലപ്ര​ള​യ​ത്തിൽ മുങ്ങി നശിച്ചു” എന്നു ബൈബിൾ പറയുന്നു. ദൈവം ‘പുരാ​ത​ന​ലോ​കത്തെ ആദരി​ക്കാ​തെ ഭക്തി​കെ​ട്ട​വ​രു​ടെ ലോക​ത്തിൽ ജലപ്ര​ളയം വരുത്തി​യ​പ്പോൾ നീതി​പ്ര​സം​ഗി​യായ നോഹയെ ഏഴു പേരോ​ടു​കൂ​ടെ പാലിച്ചു.’—2 പത്രൊസ്‌ 2:5; 3:6.

നശിച്ചത്‌ “ഭക്തി​കെ​ട്ട​വ​രു​ടെ ലോകം” അഥവാ ഒരു ദുഷ്ട വ്യവസ്ഥി​തി ആയിരു​ന്നു​വെന്നു ശ്രദ്ധി​ക്കുക. ഭൂഗ്ര​ഹ​മോ നക്ഷത്ര​നി​ബി​ഡ​മായ ആകാശ​ങ്ങ​ളോ മാനു​ഷ​കു​ടും​ബ​മോ ആയിരു​ന്നില്ല. ജലപ്ര​ള​യത്തെ അതിജീ​വി​ച്ച​വ​രു​ടെ എണ്ണം വർധി​ച്ച​പ്പോൾ, മറെറാ​രു ലോകം (ഇന്നത്തെ നമ്മുടെ ലോകം) അസ്‌തി​ത്വ​ത്തി​ലേക്കു വന്നു. അതിന്‌ എന്തു സംഭവി​ക്കും?

നോഹ​യു​ടെ നാളിലെ ലോകം നാശമ​നു​ഭ​വി​ച്ചു എന്നു പറഞ്ഞ​ശേഷം ബൈബിൾ ഇങ്ങനെ തുടരു​ന്നു: “ഇപ്പോ​ഴത്തെ ആകാശ​വും ഭൂമി​യും അതേ വചനത്താൽ തീക്കായി സൂക്ഷി”ച്ചിരി​ക്കു​ന്നു. (2 പത്രൊസ്‌ 3:7) തീ ലോക​ത്തി​നു നാശത്തെ അർഥമാ​ക്കു​ന്നു. തീർച്ച​യാ​യും “[ഇന്നു സ്ഥിതി ചെയ്യുന്ന] ലോക​വും . . . ഒഴിഞ്ഞു​പോ​കു​ന്നു.” (1 യോഹ​ന്നാൻ 2:17) എന്നാൽ എപ്പോൾ?

അതറി​യാൻ യേശു​വി​ന്റെ അപ്പോ​സ്‌ത​ലൻമാർ ആഗ്രഹി​ച്ചു, അതു​കൊണ്ട്‌ അവർ ഇങ്ങനെ ചോദി​ച്ചു: “ഇവ എപ്പോ​ഴാ​യി​രി​ക്കും, അങ്ങയുടെ വരവി​ന്റെ​യും ലോകാ​വ​സാ​ന​ത്തി​ന്റെ​യും അടയാ​ള​മെ​ന്താ​യി​രി​ക്കും എന്നു ഞങ്ങളോ​ടു പറയുക.” (മത്തായി 24:3, ജയിംസ്‌ രാജാ​വി​ന്റെ ഭാഷാ​ന്തരം) ഉത്തരമാ​യി യേശു ഒരു അടയാളം നൽകി. പെട്ടെ​ന്നു​തന്നെ ഒരു ലോകം അവസാ​നി​ക്കു​ക​യും പുതിയ ഒന്ന്‌ അതിന്റെ സ്ഥാനം ഏറെറ​ടു​ക്കു​ക​യും ചെയ്യാൻ പോകു​ക​യാ​ണെന്നു മനസ്സി​ലാ​ക്കാൻ ആ അടയാ​ള​നി​വൃ​ത്തി​യു​ടെ കാലത്തു ജീവി​ക്കുന്ന ആളുകളെ അതു പ്രാപ്‌ത​മാ​ക്കു​മാ​യി​രു​ന്നു. ആ അടയാളം എന്തായി​രു​ന്നു?

അടയാളം

ആ അടയാ​ള​ത്തിന്‌ അനവധി ഭാഗങ്ങ​ളു​ണ്ടാ​യി​രു​ന്നു, അതേ, അനേകം സംഭവങ്ങൾ മുൻകൂ​ട്ടി​പ്പ​റ​യ​പ്പെട്ടു. ആ അടയാളം നിവൃ​ത്തി​ക്കു​ന്ന​തിന്‌, അവയെ​ല്ലാം അവശ്യം ഒരേകാ​ലത്ത്‌, ഒരു തലമു​റ​യിൽ, ശ്രദ്ധേ​യ​മായ ഒരു വിധത്തിൽ സംഭവി​ക്കേ​ണ്ടി​യി​രു​ന്നു. (മത്തായി 24:34) ഈ സംഭവങ്ങൾ എന്തെല്ലാ​മാണ്‌?

യേശു പറഞ്ഞ ചില കാര്യങ്ങൾ ഇവയാ​യി​രു​ന്നു: “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും; വലിയ ഭൂകമ്പ​വും ക്ഷാമവും മഹാവ്യാ​ധി​ക​ളും അവിട​വി​ടെ ഉണ്ടാകും.” “അന്നു അവർ നിങ്ങളെ ഉപദ്ര​വ​ത്തി​ന്നു ഏല്‌പി​ക്ക​യും കൊല്ലു​ക​യും ചെയ്യും; എന്റെ നാമം​നി​മി​ത്തം സകലജാ​തി​ക​ളും നിങ്ങളെ പകെക്കും. . . . അധർമ്മം പെരു​കു​ന്ന​തു​കൊ​ണ്ടു അനേക​രു​ടെ സ്‌നേഹം തണുത്തു​പോ​കും.”—ലൂക്കൊസ്‌ 21:10, 11; മത്തായി 24:7-9, 12.

ഈ ലോക​ത്തി​ന്റെ “അന്ത്യകാല”ത്തെ അടയാ​ള​പ്പെ​ടു​ത്തുന്ന മററു ചില അവസ്ഥകൾ അപ്പോ​സ്‌ത​ല​നായ പൗലോസ്‌ നൽകി. അദ്ദേഹം ഇപ്രകാ​രം എഴുതി: “അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും . . . അമ്മയപ്പൻമാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും . . . ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്ന​വ​രു​മാ​യി​രി​ക്കും.”—2 തിമൊ​ഥെ​യൊസ്‌ 3:1-5.

തീർച്ച​യാ​യും, ഈ കാര്യ​ങ്ങ​ളെ​ല്ലാം നിങ്ങൾ കാണു​ക​യോ അവയെ​ക്കു​റി​ച്ചു കേൾക്കു​ക​യോ ചെയ്‌തി​ട്ടുണ്ട്‌—മുൻ യുദ്ധങ്ങളെ ഒന്നുമ​ല്ലാ​താ​ക്കുന്ന അന്തർദേ​ശീയ പോരാ​ട്ടങ്ങൾ, വലിയ ഭൂകമ്പങ്ങൾ, വ്യാപ​ക​മായ പകർച്ച​വ്യാ​ധി​ക​ളും ഭക്ഷ്യക്ഷാ​മ​വും, ക്രിസ്‌തു​വി​ന്റെ അനുഗാ​മി​ക​ളോ​ടുള്ള വിദ്വേ​ഷ​വും പീഡന​വും, നിയമ​രാ​ഹി​ത്യ​ത്തി​ന്റെ വർധനവ്‌, മുമ്പൊ​രി​ക്ക​ലും ഉണ്ടായി​ട്ടി​ല്ലാത്ത അളവി​ലുള്ള നിർണാ​യക കാലങ്ങൾ. ഇവ കൂടാതെ, ദൈവം “ഭൂമിയെ നശിപ്പി​ക്കു​ന്ന​വരെ നശി”പ്പിക്കു​മെന്നു ബൈബിൾ മുൻകൂ​ട്ടി​പ്പ​റ​യു​ന്നു. (വെളി​പ്പാ​ടു 11:18) മനുഷ്യർ ഇപ്പോൾത്തന്നെ ഭൂമിയെ നശിപ്പി​ച്ചു​കൊ​ണ്ടി​രി​ക്കു​ക​യാണ്‌!

1992 നവംബ​റി​ലെ പത്രങ്ങ​ളിൽ ഇതു​പോ​ലുള്ള തലക്കെ​ട്ടു​കൾ പ്രത്യ​ക്ഷ​പ്പെട്ടു: “പ്രമുഖ ശാസ്‌ത്രജ്ഞർ ഭൂമി​യു​ടെ നാശ​ത്തെ​ക്കു​റി​ച്ചു മുന്നറി​യി​പ്പു നൽകുന്നു.” നോബൽ സമ്മാന​ജേ​താ​വും ബന്ധപ്പെട്ട ശാസ്‌ത്ര​ജ്ഞ​രു​ടെ സംഘത്തി​ന്റെ അധ്യക്ഷ​നു​മായ ഡോ. ഹെൻട്രി കെൻഡൽ ഇങ്ങനെ പറഞ്ഞു: “ഈ മുന്നറി​യിപ്പ്‌ അതിശ​യോ​ക്തി​യല്ല, അതു ഭീതി​പ്പെ​ടു​ത്തു​ന്ന​തു​മല്ല.” ഒരു പത്ര​ലേ​ഖനം ഇങ്ങനെ റിപ്പോർട്ടു ചെയ്‌തു: “ഈ മുന്നറി​യി​പ്പി​ന്റെ രൂപരേഖ തയ്യാറാ​ക്കിയ 1,575 ശാസ്‌ത്രജ്ഞർ അന്തർദേ​ശീയ ശാസ്‌ത്ര​സ​മൂ​ഹ​ത്തിൽ വളരെ നന്നായി അറിയ​പ്പെ​ടു​ന്ന​വ​രാണ്‌.” ഭൂമി​യു​ടെ സമ്പൂർണ നാശത്തെ സംബന്ധിച്ച അവരുടെ മുന്നറി​യിപ്പ്‌ അവഗണി​ക്കാ​വു​ന്നതല്ല!

അതു സംബന്ധി​ച്ചു യാതൊ​രു സംശയ​വും ഉണ്ടായി​രി​ക്കാ​വു​ന്നതല്ല. യേശു​വി​ന്റെ പിൻവ​രുന്ന മുഖ്യ പ്രവചനം ഉൾപ്പെടെ അടയാ​ള​ത്തി​ന്റെ എല്ലാ ഭാഗങ്ങ​ളും നിവൃ​ത്തി​യേ​റി​ക്കൊ​ണ്ടി​രി​ക്കു​ക​യാണ്‌: “രാജ്യ​ത്തി​ന്റെ ഈ സുവാർത്ത സകല രാഷ്‌ട്ര​ങ്ങൾക്കും ഒരു സാക്ഷ്യ​ത്തി​നാ​യി നിവസിത ഭൂമി​യി​ലെ​ങ്ങും പ്രസം​ഗി​ക്ക​പ്പെ​ടും; അപ്പോൾ അവസാനം വരും,” അതേ, ഈ ലോക​ത്തി​ന്റെ അന്ത്യം തന്നെ. (മത്തായി 24:14, NW) ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത ലോക​വ്യാ​പ​ക​മാ​യി പ്രസം​ഗി​ക്ക​പ്പെ​ട്ടു​ക​ഴി​യു​മ്പോൾ അതു വരു​മെന്നു യേശു പറഞ്ഞു. മുൻകൂ​ട്ടി​പ്പറഞ്ഞ അളവിൽ യഹോ​വ​യു​ടെ സാക്ഷികൾ ആ പ്രസം​ഗ​വേല ഇപ്പോൾ നടത്തി​ക്കൊ​ണ്ടി​രി​ക്കു​ക​യാണ്‌!

നിങ്ങൾ ചെയ്യേ​ണ്ടത്‌

അതു​കൊണ്ട്‌, ദൈവ​ത്തി​ന്റെ പുതിയ ലോകം വളരെ സമീപ​മാ​ണെന്നു സകല തെളി​വു​ക​ളും ചൂണ്ടി​ക്കാ​ട്ടു​ന്നു. എന്നാൽ, ഈ ലോക​ത്തി​ന്റെ അന്ത്യത്തെ അതിജീ​വിച്ച്‌ പുതിയ ലോക​ത്തി​ലെ ജീവിതം ആസ്വദി​ക്ക​ണ​മെ​ന്നു​ണ്ടെ​ങ്കിൽ നിങ്ങൾ ചിലതു ചെയ്യേ​ണ്ട​തുണ്ട്‌. “ലോകം ഒഴിഞ്ഞു​പോ​കു​ന്നു” എന്നു പറഞ്ഞ​ശേഷം നിങ്ങളിൽനിന്ന്‌ ആവശ്യ​പ്പെ​ടു​ന്ന​തെ​ന്തെന്നു ബൈബിൾ പ്രകട​മാ​ക്കു​ന്നു. അതിങ്ങനെ വിശദീ​ക​രി​ക്കു​ന്നു: “ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.”—1 യോഹ​ന്നാൻ 2:17.

അതു​കൊണ്ട്‌ നിങ്ങൾ ദൈ​വേഷ്ടം പഠിക്കു​ക​യും അതു പ്രവർത്തി​ക്കു​ക​യും ചെയ്യേ​ണ്ട​തുണ്ട്‌. ഇതു ചെയ്യാൻ നിങ്ങളെ സഹായി​ക്കു​ന്ന​തി​നു യഹോ​വ​യു​ടെ സാക്ഷികൾ വളരെ സന്തോ​ഷ​മു​ള്ള​വ​രാ​യി​രി​ക്കും. അപ്പോൾ നിങ്ങൾക്ക്‌ ഈ ലോക​ത്തി​ന്റെ അന്ത്യത്തെ അതിജീ​വി​ച്ചു ദൈവ​ത്തി​ന്റെ പുതിയ ലോക​ത്തി​ലെ അനു​ഗ്ര​ഹങ്ങൾ നിത്യ​മാ​യി ആസ്വദി​ക്കാൻ കഴിയും. (g93 10/22)

[10-ാം പേജിലെ ചിത്ര​ത്തിന്‌ കടപ്പാട്‌]

NASA photo

[10-ാം പേജിലെ ചിത്രം]

പുതിയ ലോക​ത്തി​നു തൊട്ടു​മു​മ്പു വൻകു​ഴ​പ്പ​ത്തി​ന്റെ ഒരു സമയമു​ണ്ടാ​യി​രി​ക്കും