വ്യായാ​മം വയോ​ജ​ന​ങ്ങൾക്കു പ്രയോ​ജനം ചെയ്യു​ന്നു​വോ?

“വാർധ​ക്യം പ്രാപി​ക്കൽ പ്രക്രി​യ​യ്‌ക്കു മാററം വരുത്താൻ വ്യായാ​മ​ത്തി​നു കഴിയു​മോ?” ഏതാണ്ട്‌ അഞ്ചു വർഷം മുമ്പ്‌ ദ ന്യൂ​യോർക്ക്‌ ടൈം​സിൽ വന്ന ഒരു തലക്കെ​ട്ടാ​യി​രു​ന്നു അത്‌. ആ ലേഖനം ഇപ്രകാ​രം റിപ്പോർട്ടു ചെയ്‌തു: “ഭാരമുള്ള വസ്‌തു​ക്കൾ ഉപയോ​ഗി​ച്ചുള്ള കഠിന പരിശീ​ലന പരിപാ​ടി നൽകു​ക​യാ​ണെ​ങ്കിൽ 90-കളി​ലെ​ത്തിയ ആളുകൾക്കു​പോ​ലും കൂടുതൽ ബലിഷ്‌ഠ​രാ​യി​ത്തീ​രാൻ കഴിയു​മെ​ന്നും തങ്ങളുടെ പേശി​ക​ളു​ടെ വലിപ്പം വർധി​പ്പി​ക്കാൻ പോലും കഴിയു​മെ​ന്നും [ബോസ്‌റ​റ​ണി​ലെ] ടഫ്‌സ്‌ യൂണി​വേ​ഴ്‌സി​റ​റി​യിൽനി​ന്നുള്ള വൈദ്യ​ശാ​സ്‌ത്രജ്ഞർ കണ്ടെത്തി​യി​രി​ക്കു​ന്നു.”

വ്യായാ​മ​ത്തിൽനി​ന്നു വയോ​ജ​ന​ങ്ങൾക്കു തീർച്ച​യാ​യും പ്രയോ​ജനം നേടാൻ കഴിയു​മെ​ന്നു​ള്ള​തി​ന്റെ തെളിവു വർധി​ച്ചി​രി​ക്കു​ന്നു. ഹാർവാർഡ്‌ ഹെൽത്ത്‌ ലെററ​റി​ന്റെ 1991 ഫെബ്രു​വരി ലക്കം 1990-ലെ ഒരു പഠന​ത്തെ​ക്കു​റി​ച്ചു റിപ്പോർട്ടു ചെയ്‌തു​കൊണ്ട്‌ ഇങ്ങനെ പറഞ്ഞു: “ശുശ്രൂ​ഷാ​കേ​ന്ദ്ര​ത്തി​ലെ 87-നും 96-നും ഇടയിൽ പ്രായ​മുള്ള ഒൻപത്‌ അന്തേവാ​സി​കൾ ഭാരമുള്ള വസ്‌തു​ക്കൾ ഉപയോ​ഗി​ച്ചു പേശി​കൾക്കു ബലം വർധി​പ്പി​ക്കാ​നുള്ള രണ്ടു മാസത്തെ ഒരു തീവ്ര പരിശീ​ലനം പൂർത്തി​യാ​ക്കി.” ഈ പഠന​ത്തെ​ക്കു​റിച്ച്‌ മായോ ക്ലിനിക്‌ ന്യു​ട്രീ​ഷൻ ലെററർ ഇങ്ങനെ വിശദീ​ക​രി​ച്ചു: “പങ്കെടു​ത്തവർ കാലിലെ പേശി​യു​ടെ ബലം ഇരട്ടി​യാ​യി വർധി​പ്പി​ക്കു​ക​യും തുടയി​ലെ പേശി​യു​ടെ വണ്ണം 9 ശതമാ​നം​കണ്ടു കൂട്ടു​ക​യും ചലനക്ഷ​മതാ ടെസ്‌റ​റു​ക​ളിൽ നല്ല പ്രകടനം കാഴ്‌ച​വ​യ്‌ക്കു​ക​യും ചെയ്‌തു.”

ഗവേഷകർ ഇപ്രകാ​രം റിപ്പോർട്ടു ചെയ്‌തു: “അവരുടെ പ്രായാ​ധി​ക്യ​വും വളരെ​നേരം ഇരുന്നുള്ള ശീലങ്ങ​ളും ഒന്നില​ധി​കം പഴകിയ രോഗ​ങ്ങ​ളും സാധാരണ പ്രവർത്ത​ന​ങ്ങൾക്കുള്ള ശേഷി​ക്കു​റ​വും പോഷ​ക​ങ്ങ​ളു​ടെ അപര്യാ​പ്‌ത​ത​യും പരിഗ​ണി​ക്കു​മ്പോൾ ഞങ്ങളുടെ ടെസ്‌റ​റി​നു വിധേ​യ​രാ​യ​വർക്കു നൽകിയ ബലം വർധി​പ്പി​ക്കൽ പരിശീ​ല​ന​ത്തി​നു ലഭിച്ച നല്ല പ്രതി​ക​രണം ശ്രദ്ധേ​യ​മാണ്‌.” വ്യായാ​മ​ത്തി​ന്റെ മൂല്യം പലവട്ടം തെളി​ഞ്ഞി​ട്ടുണ്ട്‌.

ഉദാഹ​ര​ണ​ത്തിന്‌, 1979-ൽ പക്ഷാഘാ​തം ബാധിച്ച്‌ വലതു​വശം തളർന്നു​പോയ 90 വയസ്സുള്ള ജാക്ക്‌ സീബെർട്ടി​ന്റെ കാര്യം​തന്നെ എടുക്കുക. നടക്കാൻ സഹായി​ക്കുന്ന ഉപകര​ണ​മി​ല്ലാ​തെ [walker] അദ്ദേഹ​ത്തി​നു നടക്കാൻ പററാ​താ​യി. തളർന്നു​പോ​കാത്ത ഇടതു​കാൽ ഉയർത്തി​പ്പി​ടി​ച്ചു ദിവസ​വും 20 മിനി​റ​റു​നേ​ര​ത്തേക്കു സൈക്കിൾ ചവിട്ടു​മ്പോ​ലെ ചലിപ്പി​ച്ചു​കൊണ്ട്‌ അദ്ദേഹം 10 വർഷത്തി​ല​ധി​കം തന്റെ കിടക്ക​യിൽ ചെലവ​ഴി​ച്ചു. ചില​പ്പോൾ അദ്ദേഹ​ത്തി​ന്റെ തളർന്നു​പോയ വലതു​കാൽ (ചിത്ര​ത്തിൽ കാണു​ന്ന​തു​പോ​ലെ) ഇടതു​കാ​ലിൻമേൽ വച്ച്‌ രണ്ടും കൂടി ചലിപ്പി​ക്കു​മാ​യി​രു​ന്നു. ക്രമമായ ഈ വ്യായാ​മം വാക്കറു​ടെ സഹായ​ത്തോ​ടെ നടക്കാൻ അദ്ദേഹ​ത്തി​നു കഴിയ​ത്ത​ക്ക​വണ്ണം അദ്ദേഹ​ത്തി​ന്റെ കാലിന്റെ പേശി​കളെ ശക്തീക​രി​ക്കുക മാത്രമല്ല, അദ്ദേഹ​ത്തി​ന്റെ ഹൃദയ​ത്തി​ന്റെ പ്രവർത്ത​ന​ക്ഷമത നിലനിർത്താൻ സഹായി​ക്കു​ക​യും മാനസ്സി​ക​മാ​യി അദ്ദേഹത്തെ ജാഗരൂ​ക​നാ​യി നിർത്തു​ക​യും ചെയ്‌തി​രി​ക്കു​ന്നു.

അതു​കൊണ്ട്‌, ഓർമി​ക്കുക, വ്യായാ​മം തുടങ്ങാൻ ഒരിക്ക​ലും വൈകി​പ്പോ​യി​ട്ടില്ല. 82 വയസ്സുള്ള ജോൺ കെലി 1990-ൽ അഞ്ചു മണിക്കൂ​റും അഞ്ചു മിനി​റ​റും കൊണ്ട്‌ ബോസ്‌ററൺ മാര​ത്തോൺ—42 കിലോ​മീ​ററർ ഓട്ടം—ഓടി​ത്തീർത്ത​തു​പോ​ലെ നിങ്ങൾ ഒരിക്ക​ലും ഓടു​ക​യി​ല്ലാ​യി​രി​ക്കാം എന്നതു സത്യം​തന്നെ. 1991-ൽ 84 വയസ്സുള്ള മാവിസ്‌ ലിൻഡ്‌ഗ്രെൻ മുതു​മു​ത്തശ്ശി ഓടി​ത്തീർത്ത​തു​പോ​ലെ ഏഴു മണിക്കൂ​റും ഒൻപതു മിനി​റ​റും കൊണ്ട്‌ ആ ദൂരം ഓടി​ത്തീർക്കാൻ നിങ്ങൾക്കു കഴി​ഞ്ഞെ​ന്നും വരില്ല. എന്നിരു​ന്നാ​ലും, കഴിഞ്ഞ വർഷം അമേരി​ക്കൻ ഹാർട്ട്‌ അസോ​സി​യേ​ഷന്റെ സർക്കു​ലേഷൻ എന്ന പത്രിക ഇങ്ങനെ പ്രോ​ത്സാ​ഹി​പ്പി​ച്ചു: “ഊർജ​സ്വ​ല​നാ​യി​രി​ക്കാ​നുള്ള വഴികൾ അന്വേ​ഷി​ക്കുന്ന സ്വഭാവം ഉണ്ടായി​രി​ക്കു​ന്നതു പ്രധാ​ന​മാണ്‌.”

ആ പത്രിക ഇപ്രകാ​രം വിശദീ​ക​രി​ച്ചു: “ദൈനം​ദി​നം ചെയ്യുന്ന അനായാസ പ്രവർത്ത​ന​ങ്ങൾക്കു​പോ​ലും ആരോ​ഗ്യ​പ​ര​മായ ദീർഘ​കാല പ്രയോ​ജ​നങ്ങൾ ഉണ്ടായി​രി​ക്കാൻ കഴിയും. അവയ്‌ക്കു ഹൃ​ദ്രോ​ഗ​ത്തി​ന്റെ അപായ​സാ​ധ്യത കുറയ്‌ക്കാ​നും കഴിയും. ഉല്ലാസ​ത്തി​നു​വേ​ണ്ടി​യുള്ള നടത്തം, പൂന്തോ​പ്പു വച്ചുപി​ടി​പ്പി​ക്കൽ, പറമ്പിൽപ്പണി, വീട്ടു​ജോ​ലി, നൃത്തം ചെയ്യൽ, വീട്ടിൽ വച്ചു ചെയ്യാ​മെന്നു ശുപാർശ ചെയ്യ​പ്പെ​ടുന്ന വ്യായാ​മ​മുറ തുടങ്ങി​യവ അത്തരം പ്രവർത്ത​ന​ങ്ങ​ളിൽ ഉൾപ്പെ​ടു​ന്നു.” (g93 10/22)

[31-ാം പേജിലെ ചിത്രം]

പക്ഷാഘാതം ബാധിച്ച 90 വയസ്സുള്ള ഈ വ്യക്തി​യെ​പ്പോ​ലെ വൈക​ല്യം ബാധിച്ച പ്രായ​മേ​റിയ ഒരു വ്യക്തിക്കു വ്യായാ​മ​ത്തിൽനി​ന്നു പ്രയോ​ജനം നേടാ​നാ​വും