ബൈബി​ളി​ന്റെ വീക്ഷണം

യഹോവ ഒരു യുദ്ധ​ദൈ​വ​മോ?

ദീർഘ​നാ​ളാ​യി ചില ബൈബിൾ വായന​ക്കാർ യഹോ​വയെ യുദ്ധ​ദൈ​വ​മെ​ന്നും രക്തദാ​ഹി​യെ​ന്നും ആരോ​പി​ച്ചി​രി​ക്കു​ന്നു. ഉദാഹ​രണം പറഞ്ഞാൽ, ബൈബി​ളി​ലെ ദൈവ​മായ യഹോവ “കൊള്ള​ക്കാ​രു​ടെ​യും പീഡക​രു​ടെ​യും പോരാ​ളി​ക​ളു​ടെ​യും കീഴട​ക്ക​ലി​ന്റെ​യും കിരാ​ത​മായ എല്ലാ വികാ​ര​ത്തി​ന്റെ​യും ദൈവ​മാ​ണെന്ന്‌” ജോർജ്‌ എ. ഡോർസീ നാഗരി​ക​ത​യു​ടെ കഥ—മമനു​ഷ്യ​ന്റെ സ്വന്തം നേട്ടം [ഇംഗ്ലീഷ്‌] എന്ന തന്റെ പുസ്‌ത​ക​ത്തിൽ അവകാ​ശ​പ്പെ​ടു​ന്നു. ബൈബിൾ വിമർശ​ക​നായ റോളണ്ട്‌ എച്ച്‌. ബേൻറൻ അതി​ലേക്കു വിരൽചൂ​ണ്ടി​ക്കൊണ്ട്‌ ഇപ്രകാ​രം പറയുന്നു: “ദൈവം യുദ്ധത്തിൽ നിന്ന്‌ ഒഴിഞ്ഞു​നിൽക്കു​ക​യാ​ണെ​ങ്കിൽ അതു കൂടുതൽ മനുഷ്യ​ത്വ​മു​ള്ള​താണ്‌.”

യഹോവ യഥാർഥ​ത്തിൽ ഒരു യുദ്ധ​ദൈ​വ​മാ​ണോ? ചിലർ അഭി​പ്രാ​യ​പ്പെ​ടു​ന്ന​തു​പോ​ലെ അവിടുന്ന്‌ നിഷ്‌ക​ള​ങ്ക​രായ ആളുകളെ കൊ​ന്നൊ​ടു​ക്കു​ന്നത്‌ യഥാർഥ​ത്തിൽ ആസ്വദി​ക്കു​ന്നു​വോ?

കഴിഞ്ഞ​കാല ശിക്ഷാ​വി​ധി​കൾ

ശരിതന്നെ, യഹോ​വ​യാം ദൈവ​ത്തി​ന്റെ കഴിഞ്ഞ​കാല പ്രതി​കൂല ശിക്ഷാ​വി​ധി​കൾ ബൈബിൾ കലർപ്പി​ല്ലാ​തെ വിവരി​ക്കു​ന്നു. എന്നിരു​ന്നാ​ലും, എല്ലായ്‌പോ​ഴും അവ ദൈവ​ഭ​യ​മി​ല്ലാ​ത്ത​വർക്ക്‌ എതി​രെ​യാ​യി​രു​ന്നു. ഉദാഹ​ര​ണ​ത്തിന്‌, “ഭൂതല​ത്തി​ലെ​ല്ലാം ഞാനൊ​രു ജലപ്ര​ളയം വരുത്താൻ പോകു​ന്നു. ആകാശ​ത്തി​നു കീഴേ ജീവശ്വാ​സ​മുള്ള എല്ലാ ജഡവും ഞാൻ നശിപ്പി​ക്കും” എന്ന്‌ നോഹ​യു​ടെ നാളിലെ “ഭൂമി​യാ​കെ ദുഷി​ച്ച​താ​യി​ത്തീർന്ന”തുവരെ യഹോ​വ​യാം ദൈവം പറഞ്ഞില്ല. (ഉൽപത്തി 6:11, 17, പി.ഒ.സി ബൈബിൾ) മറെറാ​രു ശിക്ഷാ​വി​ധി​യെ സംബന്ധി​ച്ചാ​ണെ​ങ്കിൽ, അത്‌ സോ​ദോം, ഗൊ​മോറ പട്ടണങ്ങൾ “തങ്ങളെ​ത്തന്നെ ലൈം​ഗിക അധാർമി​ക​ത​യ്‌ക്കു വിട്ടു​കൊ​ടുത്ത്‌ വഷളായ ഇന്ദ്രി​യ​ബോ​ധ​ത്തി​നു വഴങ്ങി​ക്കൊ​ടുത്ത”തുകൊ​ണ്ടു​മാ​ത്ര​മാ​ണു ദൈവം അതിന്റെ മേൽ “ഗന്ധകവും തീയും വർഷി​പ്പിച്ച”ത്‌.—യൂദാ 7, ദി ന്യൂ ബെർക്ക്‌ലെ വേർഷൻ; ഉല്‌പത്തി 19:24.

നോഹ​യു​ടെ നാളിലെ എല്ലാ ജഡത്തെ​യും നശിപ്പി​ച്ചു​കൊണ്ട്‌ ദൈവം രസം കണ്ടെത്തി​യോ? സോ​ദോ​മി​ലെ​യും ഗൊ​മോ​റ​യി​ലെ​യും നിവാ​സി​കളെ നശിപ്പി​ച്ച​തിൽ നിന്ന്‌ ദൈവ​ത്തിന്‌ എന്തെങ്കി​ലും പൈശാ​ചി​ക​മായ ആനന്ദം ലഭിച്ചോ? ഉത്തരത്തി​നാ​യി, നോഹ​യു​ടെ നാളിലെ ജലപ്ര​ള​യത്തെ ചുററി​പ്പ​റ​റി​യുള്ള സംഭവ​ങ്ങ​ളി​ലേക്കു നമു​ക്കൊ​ന്നു കണ്ണോ​ടി​ക്കാം. ഭൂമിയെ അക്രമ​ത്തിൽ നിന്നു ശുദ്ധീ​ക​രി​ക്കു​ന്ന​തി​നു ദൈവം ഭൂമു​ഖ​ത്തു​നി​ന്നു ദുഷ്ട മനുഷ്യ​രാ​ശി​യെ തുടച്ചു​നീ​ക്കും എന്നു പ്രസ്‌താ​വി​ച്ച​ശേഷം ബൈബിൾ ഇപ്രകാ​രം പറയുന്നു: “ . . . യഹോവ അനുത​പി​ച്ചു.” അതെ, “[മനുഷ്യ​ന്റെ] ഹൃദയ​വി​ചാ​ര​ങ്ങ​ളു​ടെ നിരൂ​പ​ണ​മൊ​ക്കെ​യും എല്ലായ്‌പോ​ഴും ദോഷ​മുള്ള”തായി​രു​ന്നത്‌ ദൈവത്തെ ദുഃഖി​പ്പി​ച്ചു. ആയതി​നാൽ, അത്യാസന്ന പ്രളയ​ത്തിൽ നിന്ന്‌ സാധ്യ​മാ​കു​ന്നി​ട​ത്തോ​ളം ആളുകളെ രക്ഷിക്കു​ന്ന​തി​നാ​യി ദൈവം “നീതി​പ്ര​സം​ഗി​യായ നോഹയെ” ഒരു മുന്നറി​യി​പ്പിൻ സന്ദേശം മുഴക്കു​ന്ന​തി​നും രക്ഷക്കായി ഒരു പെട്ടകം പണിയു​ന്ന​തി​നും പറഞ്ഞയച്ചു.—ഉല്‌പത്തി 6:3-18; 2 പത്രൊസ്‌ 2:5.

അതു​പോ​ലെ​ത​ന്നെ, സോ​ദോ​മി​നെ​യും ഗൊ​മോ​റ​യെ​യും നശിപ്പി​ക്കാൻ ദൂതൻമാ​രെ അയയ്‌ക്കു​ന്ന​തി​നു മുമ്പ്‌ ദൈവം ഇങ്ങനെ പറഞ്ഞു: “അവർക്കെ​തി​രെ​യുള്ള നിലവി​ളി​യിൽ ആരോ​പി​ച്ചി​ട്ടു​ള്ള​തു​പോ​ലെ​യെ​ല്ലാം അവർ പ്രവർത്തി​ച്ചി​ട്ടു​ണ്ടോ എന്നറി​യാൻ താഴേ​യ്‌ക്കി​റ​ങ്ങി​ച്ചെ​ല്ലാൻ ഞാൻ ആഗ്രഹി​ക്കു​ന്നു . . . നിശ്ചയ​മാ​യും എനിക്ക്‌ അത്‌ അറിയണം.” (ഉല്‌പത്തി 18:20-32, ദ ജെറു​സ​ലേം ബൈബിൾ) തന്റെ അന്വേ​ഷണം വെറും പത്തു നീതി​മാൻമാ​രെ വെളി​പ്പെ​ടു​ത്തു​ക​യാ​ണെ​ങ്കിൽ ആ പട്ടണങ്ങൾ നശിപ്പി​ക്ക​പ്പെ​ടു​ക​യില്ല എന്ന്‌ യഹോവ അബ്രഹാ​മിന്‌ (അദ്ദേഹ​ത്തി​ന്റെ മരുമ​ക​നായ ലോത്ത്‌ സോ​ദോ​മിൽ പാർത്തി​രു​ന്നു) ഉറപ്പു നൽകി. രക്തം ചിന്തു​ന്ന​തിൽ ആനന്ദം കൊള്ളുന്ന ഒരു ദൈവ​ത്തിന്‌ അത്തരത്തിൽ കരുണാർദ്ര​മായ കരുതൽ ഉണ്ടായി​രി​ക്കു​മോ? പ്രത്യുത, യഹോ​വ​യു​ടെ പ്രമുഖ വ്യക്തി​ത്വ​സ​വി​ശേ​ഷ​ത​ക​ളിൽ ഒന്ന്‌ കരുണ​യാ​ണെന്നു നമുക്കു പറയാൻ കഴിയി​ല്ലേ? (പുറപ്പാ​ടു 34:6) അവിടു​ന്നു തന്നെ ഇങ്ങനെ പറയുന്നു: “ദുഷ്ടന്റെ മരണത്തിൽ അല്ല, ദുഷ്ടൻ തന്റെ വഴി വിട്ടു​തി​രി​ഞ്ഞു ജീവി​ക്കു​ന്ന​തിൽ അത്രേ എനിക്കു ഇഷ്ടമു​ള്ളത്‌.”—യെഹെ​സ്‌കേൽ 33:11.

ദൈവ​ത്തിൽ നിന്നുള്ള പ്രതി​കൂല ന്യായ​വി​ധി​കൾ ഉണ്ടായത്‌ എല്ലായ്‌പോ​ഴും ദുഷ്ടജ​നങ്ങൾ തെററായ ഒരു ഗതി ഉപേക്ഷി​ക്കാൻ ശാഠ്യ​പൂർവം വിസമ്മ​തി​ച്ച​തു​കൊ​ണ്ടാണ്‌. ആളുകളെ കൊല​ചെ​യ്യു​ന്നത്‌ യഹോവ ആസ്വദി​ച്ച​തു​കൊ​ണ്ടല്ല. എന്നാൽ ‘കനാന്യ​രോ​ടു യുദ്ധം ചെയ്യാ​നും അവരെ നിർമൂ​ല​മാ​ക്കി​ക്ക​ള​യാ​നും യഹോവ ഇസ്രാ​യേ​ല്യർക്കു പ്രോ​ത്സാ​ഹനം നൽകി​യി​ല്ലേ’ എന്നു നിങ്ങൾ അതിശ​യി​ക്കു​ക​യാ​യി​രി​ക്കാം.

ദൈവ​ത്തി​ന്റെ യുദ്ധങ്ങൾ സമാധാ​ന​ത്തിന്‌ ആവശ്യ​മാ​യി​രു​ന്നു

ചരിത്രം കനാന്യ ജീവി​ത​ത്തി​ന്റെ ഒരു കെട്ട ചിത്രം വരച്ചു കാട്ടുന്നു—അവർ അങ്ങേയ​ററം ദുഷ്ടൻമാ​രാ​യി​രു​ന്നു. ആത്മവി​ദ്യ​യും ശിശു​ബ​ലി​യും ക്രൂര​ത​യിൽ നിർവൃ​തി​കൊ​ള്ളുന്ന അക്രമ​വും വഷളായ ലിംഗാ​രാ​ധ​ന​യു​ടെ വിവിധ രൂപങ്ങ​ളും സാധാ​ര​ണ​മാ​യി​രു​ന്നു. അനന്യ​ഭക്തി നിഷ്‌കർഷി​ക്കുന്ന നീതി​യു​ടെ ദൈവ​മെന്ന നിലയിൽ യഹോ​വക്ക്‌ നിഷ്‌കളങ്ക ജനങ്ങളു​ടെ സമാധാ​ന​വും സുരക്ഷി​ത​ത്വ​വും കെടു​ത്താൻ ഈ വെറു​ക്കത്തക്ക നടപടി​കളെ അനുവ​ദി​ക്കുക സാധ്യ​മാ​യി​രു​ന്നില്ല. അതും ഇസ്രാ​യേ​ല്യ​രു​ടെ. (ആവർത്ത​ന​പു​സ്‌തകം 5:9) ഉദാഹ​ര​ണ​മാ​യി, നിങ്ങൾ ജീവി​ക്കുന്ന സമൂഹത്തെ ദേശത്തി​ലെ നിയമങ്ങൾ നടപ്പാ​ക്കു​ന്ന​തിന്‌ സൽപ്പേ​രുള്ള ഒരു പൊലീസ്‌ സേനയോ അർധ​സൈ​നിക വിഭാ​ഗ​മോ ഇല്ലാത്ത ഒന്നായി ഒന്നു സങ്കൽപ്പി​ച്ചു നോക്കൂ—അത്‌ അങ്ങേയ​ററം വഷളായ അരാജ​ക​ത്വ​ത്തി​ലേ​ക്കും അക്രമ​ത്തി​ലേ​ക്കും നയിക്കു​മാ​യി​രു​ന്നി​ല്ലേ? സമാന​മാ​യി, കനാന്യ​രു​ടെ താന്തോ​ന്നി​ത്ത​വും ശുദ്ധാ​രാ​ധ​ന​ക്കെ​തി​രെ അവർ ഉയർത്തിയ യഥാർഥ അപകട​വും നിമിത്തം യഹോവ അവർക്കെ​തി​രെ പ്രവർത്തി​ക്കാൻ നിർബ​ന്ധി​ത​നാ​യി​ത്തീർന്നു. അതു​കൊണ്ട്‌ അവിടുന്ന്‌ ഇപ്രകാ​രം ആജ്ഞാപി​ച്ചു: “ആ ദേശവും അശുദ്ധ​മാ​യി​രി​ക്കു​ന്നു. അതിന്റെ അകൃത്യ​ത്തിന്‌ ഞാൻ അതിനെ ശിക്‌ഷി​ക്കും.”—ലേവ്യർ 18:25, പി.ഒ.സി ബൈ.

ദൈവ​ത്തി​ന്റെ വധാധി​കൃത ശക്തികൾ—ഇസ്രാ​യേല്യ സൈന്യ​ങ്ങൾ—കനാന്യ​രെ നശിപ്പി​ച്ച​പ്പോൾ ദിവ്യ​നീ​തി നടപ്പി​ലാ​ക്ക​പ്പെട്ടു. ഈ ന്യായ​വി​ധി നടപ്പി​ലാ​ക്കാൻ ദൈവം തീയോ വെള്ള​പ്പൊ​ക്ക​മോ ഉപയോ​ഗി​ക്കു​ന്ന​തി​നു പകരം മനുഷ്യ​രെ ഉപയോ​ഗി​ച്ചു എന്ന സത്യം ന്യായ​വി​ധി​യു​ടെ പ്രാധാ​ന്യ​ത്തെ കുറയ്‌ക്കു​ന്നില്ല. അങ്ങനെ കനാനി​ലെ ഏഴു ജനതക​ളോ​ടു യുദ്ധം ചെയ്യവേ ഇസ്രാ​യേല്യ സൈന്യ​ത്തോട്‌ യഹോവ ഇങ്ങനെ നിർദേ​ശി​ച്ചു: “ശ്വാസ​മുള്ള ഒന്നി​നെ​യും ജീവ​നോ​ടെ വെക്ക”രുത്‌.—ആവർത്ത​ന​പു​സ്‌തകം 20:16.

എന്നിരു​ന്നാ​ലും, ജീവനെ ആദരി​ക്കു​ന്ന​വ​നെ​ന്ന​നി​ല​യിൽ ദൈവം വിവേ​ച​നാ​ര​ഹി​ത​മായ കൊലക്ക്‌ അനുമതി നൽകി​യില്ല. ഉദാഹ​ര​ണ​ത്തിന്‌, ഗിബ​യോൻ എന്ന ഒരു കനാന്യ പട്ടണത്തി​ലെ നിവാ​സി​കൾ കരുണ​ക്കാ​യി യാചി​ച്ച​പ്പോൾ യഹോവ അത്‌ അനുവ​ദി​ച്ചു കൊടു​ത്തു. (യോശുവ 9:3-27) കൊടും​ക്രൂ​ര​നായ ഒരു യുദ്ധ​ദൈവം ഇതു ചെയ്യു​മാ​യി​രു​ന്നോ? ഇല്ല, എന്നാൽ സമാധാ​ന​ത്തെ​യും നീതി​യെ​യും സ്‌നേ​ഹി​ക്കുന്ന ഒരു ദൈവം ചെയ്യു​മാ​യി​രു​ന്നു.—സങ്കീർത്തനം 33:5; 37:28.

യഹോ​വ​യു​ടെ നിലവാ​രങ്ങൾ സമാധാ​നം വർധി​പ്പി​ക്കു​ന്നു

ദൈവാ​നു​ഗ്ര​ഹത്തെ ബൈബിൾ സമാധാ​ന​വു​മാ​യി വീണ്ടും വീണ്ടും കോർത്തി​ണ​ക്കു​ന്നു. അത്‌ യഹോവ ഒരു സമാധാ​ന​പ്രേ​മി​യാ​യ​തു​കൊ​ണ്ടാണ്‌, യുദ്ധ​പ്രേ​മി​യാ​യ​തു​കൊ​ണ്ടല്ല. (സംഖ്യാ​പു​സ്‌തകം 6:24-26; സങ്കീർത്തനം 29:11; 147:12-14) അതിന്റെ ഫലമായി, രാജാ​വായ ദാവീദ്‌ യഹോ​വക്ക്‌ ഒരു ആരാധ​നാ​ലയം പണിക​ഴി​പ്പി​ക്കാൻ ആഗ്രഹി​ച്ച​പ്പോൾ ദൈവം അദ്ദേഹ​ത്തോ​ടു കൽപ്പിച്ചു: “നീ എന്റെ മുമ്പിൽ ഇത്ര​യേറെ രക്തം ഒഴുക്കി​യ​തി​നാൽ, നീ എനിക്ക്‌ ആലയം പണിയു​ക​യില്ല.”—1 ദിനവൃ​ത്താ​ന്തം 22:8; പ്രവൃ​ത്തി​കൾ 13:22.

ഭൂമി​യി​ലാ​യി​രു​ന്ന​പ്പോൾ, വലിയ ദാവീ​ദായ യേശു​ക്രി​സ്‌തു, ദൈവ​ത്തി​ന്റെ നീതി​സ്‌നേഹം നാം കാണുന്ന വർത്തമാ​ന​കാല ദുഷ്ടതയെ സഹിക്കാൻ അവിടു​ത്തെ മേലാൽ അനുവ​ദി​ക്കു​ക​യി​ല്ലാത്ത ഒരു കാല​ത്തെ​ക്കു​റി​ച്ചു സംസാ​രി​ച്ചു. (മത്തായി 24:3, 36-39) നോഹ​യു​ടെ നാളിലെ ജലപ്ര​ള​യ​ത്തി​ലും സോ​ദോ​മി​ന്റെ​യും ഗൊ​മോ​റ​യു​ടെ​യും നാശത്തി​ലും ചെയ്‌ത​തു​പോ​ലെ, സ്വാർഥ​രായ ദുഷ്ട മനുഷ്യ​രെ ഭൂമി​യിൽ നിന്നു തുരത്താൻ ദൈവം പെട്ടെന്നു തന്നെ നീതി​പൂർവ​ക​മായ നടപടി എടുക്കു​ന്ന​താണ്‌. അങ്ങനെ തന്റെ സ്വർഗീ​യ​രാ​ജ്യ ഭരണത്തിൻ കീഴിൽ നിലനിൽക്കു​ന്ന​തി​നാ​യി സമാധാ​ന​പൂർണ​മായ അവസ്ഥകൾക്കു ദൈവം വഴി​തെ​ളി​ക്കും.—സങ്കീർത്തനം 37:10, 11, 29; ദാനീ​യേൽ 2:44.

യഹോവ രക്തത്തി​നു​വേണ്ടി കൊതി​ക്കുന്ന ഒരു യുദ്ധ​ദൈ​വമല്ല എന്നുള്ളതു വ്യക്തമാണ്‌. മറുവ​ശത്ത്‌, ആവശ്യ​മാ​യി​രി​ക്കു​മ്പോൾ നീതി​പൂർവ​ക​മായ ശിക്ഷ നൽകു​ന്ന​തിൽ നിന്ന്‌ അവിടുന്ന്‌ മാറി നിൽക്കു​ക​യു​മില്ല. യഹോവ നൻമയെ സ്‌നേ​ഹി​ക്കു​ന്നു. ഇത്‌ അവിടുന്ന്‌ തന്നെ സ്‌നേ​ഹി​ക്കു​ന്ന​വർക്കു വേണ്ടി പ്രവർത്തി​ക്കാൻ ഇടയാ​ക്കു​ന്നു. അവരെ പീഡി​പ്പി​ക്കുന്ന ദുഷ്ടവ്യ​വ​സ്ഥി​തി​യെ നശിപ്പി​ച്ചു​കൊ​ണ്ടാണ്‌ അവിടുന്ന്‌ ഇതു ചെയ്യു​ന്നത്‌. അവിടുന്ന്‌ അങ്ങനെ ചെയ്യു​ക​യും യഥാർഥ​ത്തിൽ സൗമ്യ​രാ​യവർ “സമാധാ​ന​ത്തി​ന്റെ ദൈവ”മായ യഹോ​വയെ ഐക്യ​ത്തിൽ ആരാധി​ക്കു​ക​യും ചെയ്യു​മ്പോൾ ഭൂമി​യി​ലെ​മ്പാ​ടും യഥാർഥ സമാധാ​നം പൂത്തു​ല​യും.—ഫിലി​പ്പി​യർ 4:9. (g93 11/8)

[18-ാം പേജിലെ ചിത്ര​ത്തിന്‌ കടപ്പാട്‌]

David and Goliath/The Doré Bible Illustrations/Dover Publications, Inc.