നിങ്ങൾ എപ്പോ​ഴെ​ങ്കി​ലും ആശ്ചര്യ​പ്പെ​ട്ടി​ട്ടു​ണ്ടോ?

ക്രൈ​സ്‌ത​വ​ലോ​ക​ത്തി​ലെ മതങ്ങളിൽനിന്ന്‌ മുസ്ലീ​ങ്ങ​ളെ​യും യഹൂദ​രെ​യും വേർതി​രി​ച്ചു​നിർത്തുന്ന മുഖ്യ പ്രതി​ബന്ധം എന്താണ്‌? അത്‌ “അതിവി​ശുദ്ധ ത്രിത്വ”ത്തെക്കു​റി​ച്ചുള്ള പഠിപ്പി​ക്ക​ലാണ്‌. ഈ ഉപദേശം എന്താണു പ്രസ്‌താ​വി​ക്കു​ന്നത്‌? അത്താനാ​സ്യോ​സി​ന്റെ വിശ്വാ​സ​പ്ര​മാ​ണ​ത്തിൽ നിർവ​ചി​ക്ക​പ്പെ​ട്ടി​രു​ന്ന​ത​നു​സ​രിച്ച്‌ ‘ത്രിത്വ​ത്തി​ലെ ഏകദൈവ’ത്തിന്റെ ആരാധ​ന​യാ​ണു ത്രിത്വം. “. . . പിതാ​വും ദൈവ​മാണ്‌, പുത്ര​നും ദൈവ​മാണ്‌, പരിശു​ദ്ധാ​ത്മാ​വും ദൈവ​മാണ്‌; എന്നിരു​ന്നാ​ലും മൂന്നു ദൈവ​ങ്ങ​ളില്ല, ഒരു ദൈവ​മേ​യു​ള്ളൂ.” ഓരോ​രു​ത്ത​നും നിത്യ​നും സർവശ​ക്ത​നു​മാ​ണെന്നു പറയ​പ്പെ​ടു​ന്നു; ആരും ആരേക്കാ​ളും വലിയ​വ​നോ ചെറി​യ​വ​നോ അല്ല, ഓരോ​രു​ത്ത​നും ദൈവ​മാ​ണെന്നു പറയ​പ്പെ​ടു​ന്നു. എന്നാൽ അവർ മൂവരും ഒരു ദൈവ​മാണ്‌. ദൈവ​ശാ​സ്‌ത്രജ്ഞർ ഇതിനെ ഒരു മർമമാ​യാണ്‌ വിശദീ​ക​രി​ക്കു​ന്നത്‌.

ത്രിത്വ​ത്തെ​ക്കു​റി​ച്ചു ബൈബിൾ എന്തെങ്കി​ലും പറയു​ന്നു​ണ്ടോ?a പിൻവ​രുന്ന ചോദ്യ​ങ്ങൾ രസാവ​ഹ​മായ ചില നിഗമ​ന​ങ്ങ​ളി​ലേക്കു നിങ്ങളെ നയി​ച്ചേ​ക്കാം. ബൈബിൾ ഉത്തരങ്ങൾ 12-ാം പേജിൽ നൽകി​യി​രി​ക്കു​ന്നു.

1. ദൈവം ഇപ്പോൾ ത്രിത്വ​മാ​യി​രി​ക്കു​ക​യും എപ്പോ​ഴും അങ്ങനെ​ത​ന്നെ​യാ​യി​രി​ക്കു​ക​യും ചെയ്‌തി​ട്ടു​ണ്ടെ​ങ്കിൽ, യഹൂദർ ആ പഠിപ്പി​ക്കൽ എബ്രായ തിരു​വെ​ഴു​ത്തു​ക​ളിൽ (“പഴയനി​യമ”ത്തിൽ) കണ്ടെത്തി​യോ?

2. ദൈവ​ത്തെ​ക്കു​റിച്ച്‌ എബ്രായ തിരു​വെ​ഴു​ത്തു​കൾ എന്തു പറയുന്നു?—ആവർത്ത​ന​പു​സ്‌തകം 6:4; സങ്കീർത്തനം 145; സെഖര്യാ​വു 14:9.

3. എബ്രായ തിരു​വെ​ഴു​ത്തു​കൾ പരിശു​ദ്ധാ​ത്മാ​വി​നെ​ക്കു​റി​ച്ചു പറയു​ന്നു​ണ്ടോ?—ന്യായാ​ധി​പൻമാർ 15:14; സെഖര്യാ​വു 4:6.

4. എബ്രായ തിരു​വെ​ഴു​ത്തു​ക​ളിൽ പരിശു​ദ്ധാ​ത്മാ​വി​നെ​ക്കു​റി​ച്ചു പറഞ്ഞി​രി​ക്കു​ന്നത്‌ ഒരു വ്യക്തി​യാ​യി​ട്ടാ​ണോ അതോ ദൈവ​ത്തി​ന്റെ പ്രവർത്ത​ന​നി​ര​ത​മായ ശക്തിയാ​യി​ട്ടാ​ണോ?—ന്യായാ​ധി​പൻമാർ 14:6; യെശയ്യാ​വു 44:3.

5. വാഗ്‌ദത്ത മിശി​ഹാ​യെ​ക്കു​റിച്ച്‌ അഥവാ അഭിഷി​ക്ത​നെ​ക്കു​റിച്ച്‌ എബ്രായ തിരു​വെ​ഴു​ത്തു​കൾ പറയു​ന്നു​ണ്ടോ?—ദാനീ​യേൽ 9:25, 26.

6. എബ്രായ തിരു​വെ​ഴു​ത്തു​ക​ളി​ലെ ഏതെങ്കി​ലും വാക്യം മിശി​ഹാ​യെ ദൈവ​ത്തോ​ടു തുല്യ​നാ​ക്കു​ന്നു​ണ്ടോ?—സങ്കീർത്തനം 2:2, 4-8; യെശയ്യാ​വു 45:18; 61:1.

7. ഒരു ദൈവ​ത്തി​ലെ മൂന്നു വ്യക്തി​ക​ളാണ്‌ യഹോവ എന്നു വിശ്വ​സി​ക്കു​ന്ന​തിന്‌ ഏതെങ്കി​ലും എബ്രായ തിരു​വെ​ഴുത്ത്‌ കുററ​മററ അടിസ്ഥാ​നം പ്രദാനം ചെയ്യു​ന്നു​ണ്ടോ?—യെശയ്യാ​വു 44:6; 46:9, 10.

8. ആരാണ്‌ യേശു​വി​നെ ഭൂമി​യി​ലേ​ക്ക​യ​ച്ചത്‌? അങ്ങനെ​യെ​ങ്കിൽ ആരാണു വലിയവൻ?—യോഹ​ന്നാൻ 5:19, 23, 30; 8:42; 14:28; 17:3.

9. താൻ ദൈവ​മാ​ണെന്ന്‌ യേശു എന്നെങ്കി​ലും പറഞ്ഞോ?—യോഹ​ന്നാൻ 7:28, 29; 14:6.

10. ഒട്ടുവ​ള​രെ​പ്പേർ യേശു​വി​നെ കണ്ടു, എന്നാൽ ആരെങ്കി​ലും ദൈവത്തെ എന്നെങ്കി​ലും കണ്ടിട്ടു​ണ്ടോ?—യോഹ​ന്നാൻ 1:18; 6:46.

11. താൻ ‘ദൈവ​ത്തി​ന്റെ പുത്ര’നാണെ​ന്നാ​ണോ അതോ ‘പുത്ര​നായ ദൈവ’മാണെ​ന്നാ​ണോ യേശു പറഞ്ഞത്‌?—യോഹ​ന്നാൻ 10:36; 1 യോഹ​ന്നാൻ 4:15; 5:5, 13.

12. താൻ പിതാ​വി​നോ​ടു തുല്യ​നാ​ണെന്ന്‌ യേശു എന്നെങ്കി​ലും പറഞ്ഞോ?—യോഹ​ന്നാൻ 14:28; 20:17.

13. “ഞാനും പിതാ​വും ഒന്നാകു​ന്നു” എന്ന വാക്കുകൾ ത്രിത്വം ശരിയാ​ണെന്നു തെളി​യി​ക്കു​ന്നു​ണ്ടോ?—യോഹ​ന്നാൻ 10:30; 17:21; മത്തായി 24:36.

14. ആദിമ ശിഷ്യൻമാർ യേശു​വി​നെ എങ്ങനെ​യാ​ണു വീക്ഷി​ച്ചത്‌?—യോഹ​ന്നാൻ 1:29, 34, 41, 49; 6:69; 1 കൊരി​ന്ത്യർ 11:3.

15. ദൈവം യേശു​വി​നെ എങ്ങനെ​യാ​ണു വീക്ഷി​ച്ചത്‌?—മർക്കൊസ്‌ 9:7; ലൂക്കൊസ്‌ 2:9-11.

16. പരിശു​ദ്ധാ​ത്മാവ്‌ ദൈവ​ത്തി​ന്റെ പ്രവർത്ത​ന​നി​ര​ത​മായ ശക്തിയാ​ണെന്ന കാര്യ​ത്തിൽ ഗ്രീക്കു തിരു​വെ​ഴു​ത്തു​കൾ (“പുതി​യ​നി​യമം”) എബ്രായ തിരു​വെ​ഴു​ത്തു​ക​ളോ​ടു വിയോ​ജി​ക്കു​ന്നു​ണ്ടോ?—മത്തായി 3:11; ലൂക്കൊസ്‌ 1:41; യോഹ​ന്നാൻ 14:26; പ്രവൃ​ത്തി​കൾ 1:8; 4:31; 10:38.

17. യേശു​വി​ന്റെ സ്‌നാ​പ​ന​സ​മ​യത്ത്‌ പിതാ​വും പുത്ര​നും പരിശു​ദ്ധാ​ത്മാ​വും എവി​ടെ​യാ​യി​രു​ന്നു? അവർ ഒന്നിൽ മൂന്നാ​യി​രു​ന്നോ?—മത്തായി 3:16, 17.

18. പുനരു​ത്ഥാ​നം ചെയ്‌ത യേശു​വി​നു സ്വർഗ​ത്തിൽ എന്തു സ്ഥാനമാ​ണു​ള്ളത്‌?—പ്രവൃ​ത്തി​കൾ 7:55, 56; റോമർ 8:34; കൊ​ലൊ​സ്സ്യർ 3:1; എബ്രായർ 12:2.

19. ആ ഉന്നതസ്ഥാ​നം യേശു​വി​നു നൽകി​യത്‌ ആരാണ്‌?—ഫിലി​പ്പി​യർ 2:9-11.

20. അത്‌ യേശു​വി​നെ ദൈവ​മാ​ക്കു​ന്നു​ണ്ടോ, അതോ അഖിലാ​ണ്ഡ​ത്തിൽ ദൈവം കഴിഞ്ഞാൽപ്പി​ന്നെ രണ്ടാമത്തെ വ്യക്തിയേ ആക്കുന്നു​ള്ളോ?—1 കൊരി​ന്ത്യർ 11:3; ഫിലി​പ്പി​യർ 2:9-11.

21. അഖിലാ​ണ്ഡ​ത്തി​ന്റെ അത്യുന്നത പരമാ​ധി​കാ​രി ആരാണ്‌?—ആവർത്ത​ന​പു​സ്‌തകം 3:24; പ്രവൃ​ത്തി​കൾ 4:24-27; 1 കൊരി​ന്ത്യർ 15:28.

[അടിക്കു​റി​പ്പു​കൾ]