മെക്‌സി​ക്കോ​യി​ലെ മതവി​ചാ​രണ—അത്‌ അരങ്ങേ​റി​യത്‌ എങ്ങനെ?

നിങ്ങൾ ഇപ്പോൾ ഒരു മതകോ​ട​തി​യു​ടെ മുമ്പാകെ നിൽക്കു​ക​യാ​ണെന്നു സങ്കൽപ്പി​ക്കുക, ആ മതം പഠിപ്പി​ക്കു​ന്നതു വിശ്വ​സി​ക്കാൻ നിങ്ങളു​ടെ​മേൽ സമ്മർദം ചെലു​ത്താൻ അതാ​ഗ്ര​ഹി​ക്കു​ന്നു. നിങ്ങൾക്കെ​തി​രെ ആരോ​പണം ഉന്നയി​ക്കു​ന്നത്‌ ആരെന്നോ ആ ആരോ​പണം എന്തെന്നോ നിങ്ങൾക്ക​റി​യില്ല. നിങ്ങളെ അറസ്‌ററു ചെയ്‌തി​രി​ക്കു​ന്ന​തി​ന്റെ കാരണ​വും നിങ്ങൾക്കെ​തി​രെ​യുള്ള ആരോ​പ​ണ​വും അത്‌ ഉന്നയിച്ച ആൾ ആരെന്നും നിങ്ങ​ളോ​ടു പറയു​ന്നില്ല, മറിച്ച്‌ അവ വിശദീ​ക​രി​ക്കാൻ നിങ്ങളു​ടെ​മേൽ സമ്മർദം ചെലു​ത്തു​ക​യാണ്‌.

നിങ്ങൾ ഉത്തരം പറയുന്ന വിധം സംബന്ധി​ച്ചു ജാഗ്രത പുലർത്തുക—നിങ്ങൾക്കെ​തി​രെ ആരോ​പ​ണ​മു​ന്ന​യി​ച്ചി​ട്ടി​ല്ലാത്ത എന്തെങ്കി​ലും നിങ്ങൾ പറഞ്ഞു​പോ​കാ​നി​ട​യാ​യേ​ക്കാം, അതു സാഹച​ര്യ​ത്തെ വഷളാ​ക്കു​കയേ ഉള്ളൂ! നിങ്ങൾക്കെ​തി​രെ കൊണ്ടു​വ​ന്നി​രി​ക്കുന്ന ആരോ​പ​ണ​വു​മാ​യി മനസ്സാ-വാചാ ബന്ധമി​ല്ലാത്ത ആളുകളെ ഈ പ്രശ്‌ന​ത്തിൽ നിങ്ങൾ ഉൾപ്പെ​ടു​ത്തുക പോലും ചെയ്‌തേ​ക്കാം.

തുറന്നു​പ​റ​യു​ന്നി​ല്ലെ​ങ്കിൽ, വളരെ​യ​ധി​കം വെള്ളം കുടി​ക്കാൻ നിർബ​ന്ധി​ച്ചു​കൊണ്ട്‌ നിങ്ങളെ പീഡി​പ്പി​ച്ചേ​ക്കാം. അല്ലെങ്കിൽ, പീഡി​പ്പി​ക്കാ​നു​പ​യോ​ഗി​ക്കുന്ന ഒരു മേശമേൽ കിടത്തി വേദന അസഹനീ​യ​മാ​യി​ത്തീ​രു​ന്ന​തു​വരെ കൈകാ​ലു​കൾ കെട്ടി വരിഞ്ഞു​മു​റു​ക്കി​യേ​ക്കാം. കോടതി ഇതി​നോ​ട​കം​തന്നെ നിങ്ങളു​ടെ സ്വത്തുക്കൾ കണ്ടു​കെ​ട്ടി​ക്ക​ഴി​ഞ്ഞു. അതു മിക്കവാ​റും നിങ്ങൾക്കൊ​രി​ക്ക​ലും തിരി​ച്ചു​കി​ട്ടാൻ പോകു​ന്നില്ല. എല്ലാം രഹസ്യ​മാ​യാ​ണു ചെയ്യു​ന്നത്‌. കുററ​ക്കാ​ര​നെന്നു കണ്ടാൽ, നിങ്ങളെ സ്വന്തരാ​ജ്യ​ത്തു​നിന്ന്‌ നാടു​ക​ട​ത്തു​ക​യോ ജീവ​നോ​ടെ ചുട്ടെ​രി​ക്കുക പോലു​മോ ചെയ്‌തേ​ക്കാം.

ഈ 20-ാം നൂററാ​ണ്ടിൽ ഇതു​പോ​ലെ മതപര​മാ​യി ക്രൂര​മായ ഒരു നടപടി​യെ മനസ്സി​ലാ​ക്കുക പ്രയാ​സ​മാ​ണെന്നു നിങ്ങൾ കണ്ടെത്തി​യേ​ക്കാം. എന്നാൽ അനേകം നൂററാ​ണ്ടു​കൾക്കു മുമ്പ്‌ മെക്‌സി​ക്കോ​യിൽ അത്തരം കൊടും​ക്രൂ​ര​തകൾ അരങ്ങേറി.

തദ്ദേശ ജനങ്ങളെ “മതപരി​വർത്തനം ചെയ്യിക്കൽ”

ഇപ്പോൾ മെക്‌സി​ക്കോ എന്നറി​യ​പ്പെ​ടുന്ന പ്രദേശം സ്‌പാ​നീ​ഷു​കാർ 16-ാം നൂററാ​ണ്ടിൽ ജയിച്ച​ട​ക്കി​യ​പ്പോൾ, മതപര​മായ ഒരു കീഴട​ക്കൽക്കൂ​ടി നടന്നു. തദ്ദേശ ജനങ്ങളു​ടെ മതപരി​വർത്തനം പാരമ്പ​ര്യ​ങ്ങ​ളും അനുഷ്‌ഠാ​ന​ങ്ങ​ളും മാററി സ്ഥാപി​ക്കു​ന്ന​തി​നെ​ക്കാൾ അധിക​മൊ​ന്നു​മാ​യി​രു​ന്നില്ല, കാരണം ബൈബിൾ പഠിപ്പി​ക്കാൻ താത്‌പ​ര്യ​മു​ണ്ടാ​യി​രുന്ന കത്തോ​ലി​ക്കാ പുരോ​ഹി​തൻമാർ ആരും​തന്നെ ഉണ്ടായി​രു​ന്നില്ല. തദ്ദേശീ​യ​രു​ടെ ഭാഷ പഠിക്കാ​നോ മതോ​പ​ദേ​ശങ്ങൾ ലഭ്യമാ​യി​രുന്ന ലാററിൻ അവരെ പഠിപ്പി​ക്കാ​നോ ഈ പുരോ​ഹി​തൻമാർ മിന​ക്കെ​ട്ടില്ല.

സമ്പൂർണ മതബോ​ധനം ഇന്ത്യാ​ക്കാർക്കു ലഭി​ക്കേ​ണ്ട​താ​ണെന്നു ചിലർ വിചാ​രി​ച്ചു. എന്നാൽ മററു ചിലർ ഫ്രയർ ഡോമിം​ഗോ ഡേ ബെററാൻസോ​സി​ന്റെ അഭി​പ്രാ​യ​ക്കാ​രാ​യി​രു​ന്നു. സൂമാ​റാം​ഗാ​യും മെക്‌സി​ക്കോ​യി​ലെ മതവി​ചാ​ര​ണ​യും എന്ന തന്റെ ഗ്രന്ഥത്തിൽ റിച്ചാർഡ്‌ ഈ. ഗ്രീൻലീഫ്‌ പറയു​ന്ന​ത​നു​സ​രിച്ച്‌ “ഇന്ത്യാ​ക്കാ​രെ ലാററിൻ പഠിപ്പി​ക്ക​രുത്‌, കാരണം പുരോ​ഹി​തൻമാർ എത്ര അറിവി​ല്ലാ​ത്ത​വ​രാ​ണെന്നു മനസ്സി​ലാ​ക്കാൻ അത്‌ അവരെ സഹായി​ക്കും” എന്ന്‌ ബെററാൻസോസ്‌ വിശ്വ​സി​ച്ചി​രു​ന്നു.

തദ്ദേശീ​യർക്കെ​തി​രെ​യുള്ള മതവി​ചാ​രണ

മെക്‌സി​ക്കോ​യിൽ ജനിച്ചു​വ​ളർന്നവർ ഈ പുതിയ മതത്തെ സ്വീക​രി​ക്കാ​ത്ത​പക്ഷം അവരെ വിഗ്ര​ഹാ​രാ​ധി​ക​ളാ​യി കണക്കാക്കി കഠിന​മാ​യി പീഡി​പ്പി​ച്ചി​രു​ന്നു. ഉദാഹ​ര​ണ​ത്തിന്‌, തന്റെ വ്യാജ വിഗ്ര​ഹ​ങ്ങളെ ആരാധി​ച്ച​തിന്‌ അവരി​ലൊ​രു​വനു ചാട്ടവാ​റു​കൊണ്ട്‌ നൂറടി പരസ്യ​മാ​യി കിട്ടി. തന്റെ വിഗ്ര​ഹത്തെ ക്രൈ​സ്‌ത​വ​ലോ​ക​ത്തി​ന്റെ ഒരു വിഗ്ര​ഹ​ത്തി​ന്റെ അടിയിൽ കുഴി​ച്ചി​ട്ടി​രുന്ന അയാൾ “ക്രിസ്‌തീയ” ആരാധന നടത്തു​ന്നു​വെന്നു നടിക്കു​ക​യാ​ണു ചെയ്‌തത്‌.

എന്നാൽ നേരേ​മ​റിച്ച്‌, ടെസ്‌ക്കോ​ക്കോ​യി​ലെ ഗോ​ത്ര​ത്ത​ല​വ​നായ ഡോൺ കാർലോസ്‌ ഓമെ​റേ​റാ​ക്‌സീ​നും ആസ്‌റെ​റ​ക്കു​കാ​രു​ടെ രാജാ​വി​ന്റെ പൗത്ര​നായ നെററ്‌സാ​വാൽക്കോ​യോ​ട്ടി​ലും സഭയെ ഉഗ്രമാ​യി വിമർശി​ച്ചു. “കത്തോ​ലി​ക്കാ സന്ന്യാ​സി​മാ​രു​ടെ സുഖ​ലോ​ലു​പ​ത​യെ​ക്കു​റി​ച്ചു തദ്ദേശീ​യ​രോ​ടു പ്രസം​ഗി​ച്ചതു നിമിത്തം ഡോൺ കാർലോസ്‌ പ്രത്യേ​കി​ച്ചു സഭയ്‌ക്കെ​തി​രെ തെററു ചെയ്‌തി​രു​ന്നു” എന്നു ഗ്രീൻലീഫ്‌ പ്രസ്‌താ​വി​ക്കു​ന്നു.

അക്കാലത്തു മതവി​ചാ​രണ നടത്തി​യി​രുന്ന ക്വാൻ സൂമാ​റാം​ഗ എന്ന കത്തോ​ലി​ക്കാ സന്ന്യാസി ഇതു സംബന്ധി​ച്ചു മനസ്സി​ലാ​ക്കി​യ​പ്പോൾ ഡോൺ കാർലോ​സി​നെ അറസ്‌ററു ചെയ്യാൻ കൽപ്പന പുറ​പ്പെ​ടു​വി​ച്ചു. “ധാർഷ്ട്യ​പൂർവം സ്വമത​സ്ഥാ​പ​ന​ത്തി​നു വേണ്ടി വാദി​ക്കുന്ന പാഷണ്ഡി” എന്നാ​രോ​പിച്ച്‌ ഡോൺ കാർലോ​സി​നെ 1539 നവംബർ 30-ന്‌ സ്‌തം​ഭ​ത്തിൽ തൂക്കി ചുട്ടു​കൊ​ന്നു. മന്ത്രവാ​ദം നടത്തി​യെന്ന ആരോ​പ​ണ​ത്തി​ന്റെ പേരിൽ മററു പല തദ്ദേശീ​യ​രും ശിക്ഷയ്‌ക്കു വിധേ​യ​രാ​യി.

വിദേ​ശി​യർക്കെ​തി​രെ​യുള്ള മതവി​ചാ​രണ

കത്തോ​ലി​ക്കാ​മതം സ്വീക​രി​ക്കാൻ കൂട്ടാ​ക്കാഞ്ഞ, മെക്‌സി​ക്കോ​യിൽ താമസ​മാ​ക്കിയ, വിദേ​ശി​യർ പാഷണ്ഡി​ക​ളോ ലൂഥറൻകാ​രോ മതപരി​വർത്ത​നം​വഴി യഹൂദ​രാ​യി​ത്തീർന്ന​വ​രോ ആണെന്ന്‌ ആരോ​പി​ക്ക​പ്പെട്ടു. ഇതി​നൊ​രു ഉദാഹ​ര​ണ​മാ​യി​രു​ന്നു കാർവാ​ജാൽ എന്ന പോർച്ചു​ഗീസ്‌ കുടും​ബം. യഹൂദ​മതം ആചരി​ച്ചു​വെന്ന്‌ ആരോ​പിച്ച്‌ മിക്കവാ​റും അവരെ​ല്ലാ​വ​രെ​യും മതവി​ചാ​രണ നടത്തി പീഡി​പ്പി​ച്ചു. ആ കുടും​ബ​ത്തി​ലെ ഒരംഗ​ത്തി​നെ​തി​രെ പ്രഖ്യാ​പി​ക്ക​പ്പെട്ട ഈ വിധി അതിന്റെ ഭയാനകത വെളി​പ്പെ​ടു​ത്തു​ന്നു: “സ്വാഭാ​വി​ക​മാ​യി മരിക്കു​ന്ന​തു​വരെ ഡോണ മരിയാന ഡി കർവാ​ജാൽ എന്നു വിളി​ക്ക​പ്പെ​ടു​ന്ന​വളെ . . . ഗാരട്ടിൽ [കഴുത്തു ഞെരിച്ചു കൊല്ലാ​നുള്ള ഒരു ഉപകര​ണ​ത്തിൽ] ഇടാൻ [ഞാൻ] കുററം​വി​ധി​ക്കു​ന്നു, എന്നിട്ട്‌ അവൾ ചാരമാ​യി​മാ​റു​ന്ന​തു​വരെ കൊടും​തീ​യി​ലിട്ട്‌ കത്തിക്കണം; അവളെ​ക്കു​റി​ച്ചുള്ള ഒരോർമ​പോ​ലും അവശേ​ഷി​ക്കാൻ പാടില്ല.” സംഭവി​ച്ച​തും അതുത​ന്നെ​യാണ്‌.

ഏതെങ്കി​ലും വിദേശി പുരോ​ഹി​തൻമാ​രു​ടെ അധികാ​രത്തെ ഭീഷണി​പ്പെ​ടു​ത്തി​യ​പ്പോ​ഴെ​ല്ലാം അയാളെ വിസ്‌ത​രി​ക്കാൻ കൊണ്ടു​വ​രു​മാ​യി​രു​ന്നു. മെക്‌സി​ക്കോ​യെ വിമോ​ചി​പ്പി​ക്കാൻ ആഗ്രഹി​ക്കു​ന്ന​താ​യി ഡോൺ ജീയൻ ലോമ്പാർഡോ ഡി ഗൂസ്‌മാൻ എന്ന ആളെ കുററ​പ്പെ​ടു​ത്തി. എന്നാൽ വിശുദ്ധ സിംഹാ​സനം അയാളെ അറസ്‌ററു ചെയ്യാൻ കൊണ്ടു​വന്ന ആരോ​പണം അയാൾ ഒരു ജ്യോ​തി​ഷ​ക്കാ​ര​നും കാൽവി​ന്റെ ഒരു വിഭാ​ഗീയ പാഷണ്ഡി​യു​മാണ്‌ എന്നതാ​യി​രു​ന്നു. തടവിൽ കിടക്കുന്ന സമയത്ത്‌ അയാൾക്കു സുബോ​ധം നഷ്ടപ്പെട്ടു. ഒടുവിൽ 1659 നവംബർ 6-ന്‌ സ്‌തം​ഭ​ത്തിൽവെച്ച്‌ അയാളെ ജീവ​നോ​ടെ ചുട്ടെ​രി​ച്ചു.

ഡോൺ ആർത്തേ​മി​യോ ഡേ വായേ-ആരിസ്‌പെ എഴുതിയ മതവി​ചാ​ര​ണ​യും കുററ​കൃ​ത്യ​ങ്ങ​ളും (ഇംഗ്ലീഷ്‌) എന്ന പുസ്‌തകം ആ സന്ദർഭത്തെ ഇപ്രകാ​രം വർണി​ക്കു​ന്നു: “അവർ കുററ​ക്കാ​രെ പിടി​ച്ചു​കെട്ടി, സ്‌തം​ഭ​ത്തിൽ ബന്ധിച്ചു. അവരുടെ കഴുത്തി​നു ചുററും ഇരുമ്പു​കൊ​ണ്ടുള്ള ഒരു വളയം ഉണ്ടായി​രു​ന്നു. . . . വിശ്വാ​സ​ത്തി​ന്റെ വിശുദ്ധ അഗ്നികു​ണ്ഡം ആളിക്ക​ത്താൻ തുടങ്ങി. ഡോൺ ഗില്ലൻ . . . സ്വയം താഴേക്കു വീണു. കഴുത്തിൽവെച്ച്‌ അദ്ദേഹത്തെ പിടി​ച്ചു​നിർത്തി​യി​രുന്ന വളയം അദ്ദേഹത്തെ ഞെരി​ച്ചു​കൊ​ന്നു. കത്തിയ​മ​രുന്ന അഗ്നികു​ണ്ഡ​ത്തിൽ അദ്ദേഹ​ത്തി​ന്റെ ശരീരം അപ്രത്യ​ക്ഷ​മാ​യി. വിശുദ്ധ സിംഹാ​സ​ന​ത്തി​ന്റെ ഇരുണ്ട തടവറ​കൾക്കു​ള്ളിൽ നീണ്ട പതി​നേഴു വർഷങ്ങൾ ഇടതട​വി​ല്ലാ​തെ മന്ദഗതി​യിൽ ദുരി​ത​മ​നു​ഭ​വി​ച്ച​ശേഷം അദ്ദേഹം ഈ ജീവി​ത​ത്തോ​ടു വിടപ​റഞ്ഞു. തീക്കുണ്ഡം സാവധാ​നം കെട്ടടങ്ങി, നീലിമ കലർന്ന ചുവപ്പു തീനാ​ളങ്ങൾ നിലച്ചു. അവ കെട്ടട​ങ്ങി​യ​പ്പോൾ ജ്വലി​ക്കുന്ന തീക്കന​ലു​ക​ളു​ടെ ഒരു കൂമ്പാരം മാത്രം രാത്രി​യിൽ അവശേ​ഷി​ച്ചു.”

“വിശുദ്ധ ഓഫീസ്‌” സ്ഥാപി​ക്ക​പ്പെ​ടു​ന്നു

ഇതി​നോ​ടകം കണ്ടുക​ഴി​ഞ്ഞ​തു​പോ​ലെ പുതിയ മതത്തെ വിമർശി​ച്ച​തു​കൊണ്ട്‌ അല്ലെങ്കിൽ അതു സ്വീക​രി​ക്കാ​ഞ്ഞ​തു​കൊണ്ട്‌ വിദേ​ശ​വം​ശ​ജ​രായ മെക്‌സി​ക്കോ​ക്കാർ ശിക്ഷി​ക്ക​പ്പെ​ടു​ക​യും ചിലർ വധിക്ക​പ്പെ​ടു​ക​യും ചെയ്‌തു. ഇത്‌ കത്തോ​ലി​ക്കാ സന്ന്യാ​സി​മാ​രും പിന്നീട്‌ ബിഷപ്പു​മാ​രും സൃഷ്ടിച്ച മതവി​ചാ​ര​ണ​യ്‌ക്കു രൂപം കൊടു​ത്തു. എന്നിരു​ന്നാ​ലും, മെക്‌സി​ക്കോ​യി​ലെ ആദ്യത്തെ പൊതു മതവി​ചാ​ര​ക​നായ ഡോൺ പേഡ്രോ മോയാ ഡെ കോൺസ്‌​ട്രേ​റാസ്‌ വിശുദ്ധ സിംഹാ​സ​ന​ത്തി​ന്റെ മതവി​ചാ​രണാ ന്യായാ​ധി​പസഭ ഔദ്യോ​ഗി​ക​മാ​യി രൂപവ​ത്‌ക​രി​ക്കാൻ 1571-ൽ സ്‌പെ​യി​നിൽനി​ന്നും അവി​ടെ​യെത്തി. 1820-ൽ ഈ കോട​തി​യു​ടെ പ്രവർത്തനം നിലച്ചു. അങ്ങനെ, 1539 മുതലുള്ള മുന്നൂറ്‌ വർഷക്കാ​ലം കത്തോ​ലി​ക്കാ വിശ്വാ​സം സ്വീക​രി​ക്കാ​ഞ്ഞവർ ഉപദ്ര​വി​ക്ക​പ്പെ​ടു​ക​യും പീഡി​പ്പി​ക്ക​പ്പെ​ടു​ക​യും കൊല്ല​പ്പെ​ടു​ക​യും ചെയ്‌തു​പോ​ന്നു.

ആരെങ്കി​ലും കുററ​മാ​രോ​പി​ക്ക​പ്പെ​ടു​മ്പോൾ കുററ​മേ​ററു പറയു​ന്ന​തു​വരെ അയാളെ പീഡി​പ്പി​ച്ചി​രു​ന്നു. അയാൾ കത്തോ​ലി​ക്കാ വിശ്വാ​സ​ത്തിന്‌ എതിരായ ആചാര​ങ്ങളെ തിരസ്‌ക​രി​ക്കാ​നും സഭയുടെ വിശ്വാ​സ​ങ്ങളെ സ്വീക​രി​ക്കാ​നും കോടതി പ്രതീ​ക്ഷി​ച്ചി​രു​ന്നു. കുററം ആരോ​പി​ക്ക​പ്പെ​ട്ട​യാൾ സ്വത​ന്ത്ര​നാ​ക്ക​പ്പെ​ട​ണ​മെ​ങ്കിൽ തന്റെ നിഷ്‌ക​ള​ങ്ക​ത്വം തെളി​യി​ക്ക​ണ​മാ​യി​രു​ന്നു, അല്ലെങ്കിൽ അയാളു​ടെ പേരി​ലുള്ള കുററം തെളി​യി​ക്ക​പ്പെ​ടാ​തെ പോക​ണ​മാ​യി​രു​ന്നു. അതുമ​ല്ലെ​ങ്കിൽ അവസാ​ന​മാ​യി അയാൾ കുററ​മേ​ററു പറയു​ക​യും പശ്ചാത്ത​പി​ക്കു​ക​യും ചെയ്യണ​മാ​യി​രു​ന്നു. ഒടുവിൽ പറഞ്ഞ കാര്യ​ത്തി​ലാ​ണെ​ങ്കിൽ, തന്റെ തെററി​നോ​ടുള്ള വെറു​പ്പും താൻ ചെയ്‌ത​തി​നു പരിഹാ​രം ചെയ്യാ​മെ​ന്നുള്ള അയാളു​ടെ വാഗ്‌ദാ​ന​വും അടങ്ങുന്ന പ്രസ്‌താ​വന പരസ്യ​മാ​യി വായി​ക്കു​മാ​യി​രു​ന്നു. എന്തായാ​ലും ശരി അയാൾക്കു സ്വന്തം വസ്‌തു​വ​കകൾ നഷ്ടപ്പെ​ട്ട​തു​തന്നെ, കനത്ത പിഴയും അടയ്‌ക്ക​ണ​മാ​യി​രു​ന്നു. കുററ​ക്കാ​ര​നെന്നു കണ്ടെത്തി​യാൽ ശിക്ഷി​ക്കു​ന്ന​തി​നു ലൗകിക അധികാ​രി​കൾക്ക്‌ അയാളെ ഏൽപ്പി​ച്ചു​കൊ​ടു​ത്തി​രു​ന്നു. സാധാ​ര​ണ​മാ​യി ഇതിന്റെ അവസാനം സ്‌തം​ഭ​ത്തി​ലെ അയാളു​ടെ ചുട്ടെ​രി​ക്ക​ലാ​യി​രു​ന്നു, ജീവ​നോ​ടെ​യോ കൊന്നിട്ട്‌ നിമി​ഷ​ങ്ങൾക്കു ശേഷമോ.

വിധി പരസ്യ​മാ​യി നടപ്പാ​ക്കു​ന്ന​തി​നു വേണ്ടി ഒരു മഹാ പാഷണ്ഡ​ദണ്ഡന പരിപാ​ടി നടത്തി​യി​രു​ന്നു. സമ്മേളി​ക്കേണ്ട ദിവസ​വും സ്ഥലവും എല്ലാവ​രെ​യും അറിയി​ക്കാൻ നഗരത്തി​ലെ​ല്ലാ​യി​ട​വും ഒരു പൊതു വിളം​ബരം നടത്തി​യി​രു​ന്നു. ആ ദിവസം കുററം​വി​ധി​ക്ക​പ്പെ​ട്ടവർ സാമ്പനീ​റേറാ (കൈക​ളി​ല്ലാത്ത ഒരുതരം വസ്‌ത്രം) ധരിച്ച്‌, രണ്ടു കൈ​കൊ​ണ്ടും ഒരു മെഴു​കു​തി​രി പിടിച്ച്‌ വിശുദ്ധ സിംഹാ​സ​ന​ത്തി​ന്റെ ജയില​റ​യ്‌ക്കു​ള്ളിൽനിന്ന്‌ പുറത്തു വരും. അവരുടെ കഴുത്തിൽ കയറു​ണ്ടാ​യി​രി​ക്കും, തലയിൽ ഒരു കോ​റോ​സാ​യും (കോണാ​കൃ​തി​യി​ലുള്ള ഒരു തൊപ്പി). കത്തോ​ലി​ക്കാ വിശ്വാ​സ​ത്തി​നെ​തി​രെ​യുള്ള കുററ​ങ്ങ​ളെ​ല്ലാം വായി​ച്ച​ശേഷം, ഓരോ കുററ​വാ​ളി​ക്കും ശിക്ഷ കൊടു​ക്കു​മാ​യി​രു​ന്നു.

ഈ വിധത്തിൽ പലരും മതത്തിന്റെ പേരിൽ കുററം​വി​ധി​ക്ക​പ്പെ​ടു​ക​യും ശിക്ഷി​ക്ക​പ്പെ​ടു​ക​യും ചെയ്‌തു. ഇതിന്റെ ഇരകൾ സ്‌തം​ഭ​ത്തിൽ കിടന്നു മരിക്കു​ന്നതു കാണുന്ന ജനക്കൂ​ട്ട​ത്തി​നു പുരോ​ഹി​ത​വർഗ​ത്തി​ന്റെ ക്രൂര​ത​യും അസഹി​ഷ്‌ണു​ത​യും ശരിക്കും വ്യക്തമാ​യി​രു​ന്നു.

ക്രിസ്‌ത്യാ​നി​ത്വ​ത്തോ​ടുള്ള തുറന്ന എതിർപ്പ്‌

ആളുകളെ സത്യ​ക്രി​സ്‌ത്യാ​നി​ത്വ​ത്തി​ലേക്കു മതപരി​വർത്തനം ചെയ്യാൻ യേശു തന്റെ ശിഷ്യൻമാ​രെ നിയോ​ഗി​ച്ചു. അവൻ ഇങ്ങനെ കൽപ്പിച്ചു: “ആകയാൽ നിങ്ങൾ പുറ​പ്പെട്ടു, പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.”—മത്തായി 28:19, 20.

എന്നാൽ, ആളുകളെ ബലപ്ര​യോ​ഗം നടത്തി മതപരി​വർത്തനം ചെയ്യി​ക്ക​ണ​മെന്ന്‌ യേശു ഒരിക്ക​ലും സൂചി​പ്പി​ച്ചില്ല. മറിച്ച്‌ യേശു ഇങ്ങനെ പറഞ്ഞു: “ആരെങ്കി​ലും നിങ്ങളെ കൈ​ക്കൊ​ള്ളാ​തെ​യും നിങ്ങളു​ടെ വചനങ്ങളെ കേൾക്കാ​തെ​യു​മി​രു​ന്നാൽ ആ വീടോ പട്ടണമോ വിട്ടു പോകു​മ്പോൾ നിങ്ങളു​ടെ കാലിലെ പൊടി തട്ടിക്ക​ള​വിൻ.” (മത്തായി 10:14) ഈ ആളുക​ളു​ടെ അവസാന ന്യായ​വി​ധി​യിൽ ക്രിസ്‌ത്യാ​നി​കൾ ശാരീ​രി​ക​മാ​യി ഇടപെ​ടാ​തെ അതു സർവശ​ക്ത​നാം ദൈവ​മായ യഹോ​വക്കു വിടുന്നു.

അതു​കൊണ്ട്‌, വ്യക്തമാ​യും ലോക​ത്തിൽ മതവി​ചാ​രണ അരങ്ങേ​റി​യി​ട​ത്തെ​ല്ലാം അതു നടന്നത്‌ ക്രിസ്‌തീയ തത്ത്വങ്ങൾക്കു കടകവി​രു​ദ്ധ​മാ​യി​ട്ടാ​യി​രു​ന്നു.

ഇപ്പോൾ മെക്‌സി​ക്കോ​യിൽ നിലനിൽക്കുന്ന മതസഹി​ഷ്‌ണു​ത​യു​ടെ അന്തരീക്ഷം ദൈവത്തെ ആരാധി​ക്കുന്ന രീതി സംബന്ധിച്ച്‌ ആളുകൾക്കു സ്വാത​ന്ത്ര്യം നൽകുന്നു. നൂററാ​ണ്ടു​കൾ നീണ്ടു​നിന്ന വിശുദ്ധ മതവി​ചാ​രണ മെക്‌സി​ക്കോ​യി​ലെ കത്തോ​ലി​ക്കാ സഭയുടെ ചരി​ത്ര​ത്തി​ലെ പാപക്കറ പുരണ്ട ഒരു താളാ​യി​ത്തന്നെ നില​കൊ​ള്ളും.