സാവധാ​നം ശ്വാസം​മു​ട്ടുന്ന മഹാന​ഗ​ര​ങ്ങൾ

ലോക​ത്തി​നു ചുററും മഹാന​ഗ​രങ്ങൾ, നഗരഭീ​മൻമാർ, വളരു​ക​യാണ്‌, തൊഴി​ലും പാർപ്പി​ട​വും നഗരജീ​വി​ത​ത്തി​ന്റെ സൗകര്യ​ങ്ങ​ളും തേടുന്ന ലക്ഷോ​പ​ലക്ഷം പേരെ ഇവ ആകർഷി​ക്കു​ന്നു. എന്നാൽ ഒടു​ക്കേ​ണ്ടി​വ​രുന്ന വില കനത്തതാണ്‌. പടർന്നു വ്യാപി​ക്കുന്ന ഈ നഗരങ്ങ​ളിൽവെച്ച്‌ ഒന്നു ശ്വസി​ക്കു​ന്ന​തു​പോ​ലും മനുഷ്യാ​രോ​ഗ്യ​ത്തി​നു കൂടുതൽ ആപത്‌ക​ര​മാ​യി​ത്തീർന്നു​കൊ​ണ്ടി​രി​ക്കു​ക​യാണ്‌.

യുഎൻഇ​പി​യു​ടെ​യും (ഐക്യ​രാ​ഷ്‌ട്ര പരിസ്ഥി​തി പരിപാ​ടി) ലോകാ​രോ​ഗ്യ​സം​ഘ​ട​ന​യു​ടെ​യും അടുത്ത കാലത്തെ ഒരു റിപ്പോർട്ട്‌ ലോക​ത്തി​ലെ ഏററവും വലിയ 20 നഗരങ്ങ​ളി​ലെ വായു​മ​ലി​നീ​ക​രണം രൂക്ഷമാം​വി​ധം മോശ​മാ​യി​ക്കൊ​ണ്ടി​രി​ക്കു​ക​യാ​ണെന്നു പ്രകട​മാ​ക്കു​ന്നു. “ചില കേസു​ക​ളിൽ 40 വർഷം മുമ്പത്തെ ലണ്ടനിലെ കുപ്ര​സി​ദ്ധ​മായ പുകമ​ഞ്ഞു​പോ​ലെ അത്രയ്‌ക്കും മോശ​മാണ്‌ വായു​മ​ലി​നീ​ക​രണം” എന്ന്‌ യുഎൻഇപി കെനി​യ​യിൽ പ്രസി​ദ്ധീ​ക​രിച്ച ഒരു മാസി​ക​യായ നമ്മുടെ ഗ്രഹം (ഇംഗ്ലീഷ്‌) പറയുന്നു. ഇക്കാര്യ​ത്തിൽ ഏററവു​മ​ധി​കം ദോഷ​മ​നു​ഭ​വി​ക്കു​ന്നതു മെക്‌സി​ക്കോ നഗരനി​വാ​സി​ക​ളാണ്‌. എന്നാൽ ബാങ്കോക്ക്‌, ബെയ്‌ജിങ്‌, കെയ്‌റോ, സാവൊ പൗലോ തുടങ്ങിയ നഗരങ്ങ​ളിൽ ജീവി​ക്കുന്ന കോടാ​നു​കോ​ടി ആളുകളെ മലിനീ​ക​രണം ബാധി​ക്കു​ന്നതു കുറ​ച്ചൊ​ന്നു​മല്ല.

അത്തരം നഗരങ്ങ​ളി​ലെ വായു എത്ര അപകട​ക​ര​മാണ്‌? കൊള്ളാം, സൾഫർ​ഡൈ​യോ​ക്‌​സൈഡ്‌, കാർബൺ മോ​ണോ​ക്‌​സൈഡ്‌, കാരീയം തുടങ്ങിയ മലിനീ​ക​ര​ണ​വ​സ്‌തു​ക്കൾ കൂടുതൽ അളവി​ലു​ള്ളത്‌ അനേകം വിധങ്ങ​ളിൽ അപകടം ചെയ്യു​ന്ന​വ​യാണ്‌. അവ ശരീര​ത്തി​ലു​ള​വാ​ക്കുന്ന ഫലങ്ങൾ വ്യാപ​ക​മാണ്‌: ശ്വാസ​കോശ-ഹൃദയ​സം​ബ​ന്ധ​മായ പ്രശ്‌നങ്ങൾ, മസ്‌തി​ഷ്‌ക​കോ​ശ​ങ്ങൾക്കു​ണ്ടാ​കുന്ന കേടു​പാട്‌, അസ്ഥിമ​ജ്ജ​യ്‌ക്കും കരളി​നും വൃക്കയ്‌ക്കും ഉണ്ടാകുന്ന കുഴപ്പങ്ങൾ തുടങ്ങി​യ​വ​യാ​ണിവ.

ഈ മലിനീ​ക​ര​ണ​ത്തി​ന്റെ കാരണം എന്താണ്‌? ഈ നഗരങ്ങ​ളി​ലെ ഏററവും വലിയ ഏകകാ​രണം മോ​ട്ടോർ വാഹന​ങ്ങ​ളാണ്‌ എന്ന്‌ നമ്മുടെ ഗ്രഹം പറയുന്നു. അടുത്ത 20-30 വർഷങ്ങൾക്കു​ള്ളിൽ ലോക​ത്തിൽ ഇപ്പോ​ഴുള്ള വാഹന​ങ്ങ​ളു​ടെ എണ്ണം,—63 കോടി—“അധിക​വും നഗര​പ്ര​ദേ​ശ​ങ്ങ​ളിൽ, ഇരട്ടി​ക്കു​മെന്നു പ്രതീ​ക്ഷി​ക്ക​പ്പെ​ടുന്ന”തുകൊണ്ട്‌ നഗരവാ​യു​വി​ന്റെ ഭാവി തീർച്ച​യാ​യും ഇരുള​ട​ഞ്ഞ​താ​യി തോന്നു​ന്നു. പ്രതി​രോധ നടപടി​ക​ളൊ​ന്നും സ്വീക​രി​ച്ചി​ട്ടില്ല എന്നത്‌ കാര്യ​ങ്ങളെ ഏറെ വഷളാ​ക്കു​ന്ന​തേ​യു​ള്ളൂ. കാരണം ആ റിപ്പോർട്ടു പറയു​ന്ന​തു​പോ​ലെ മിക്ക മഹാന​ഗ​ര​ങ്ങ​ളി​ലും “ഈ പ്രശ്‌ന​ത്തി​ന്റെ രൂക്ഷത സംബന്ധി​ച്ചു കാര്യ​മായ ബോധ്യ​മില്ല.” വായു ശുദ്ധീ​ക​രി​ക്കാൻ ലാക്കാ​ക്കി​യുള്ള നടപടി​കൾക്ക്‌ അത്തരം നഗരങ്ങൾ ഉയർന്ന മുൻഗണന കൊടു​ക്ക​ണ​മെന്ന്‌ നമ്മുടെ ഗ്രഹം ഉദ്‌ബോ​ധി​പ്പി​ക്കു​ന്നത്‌ ആശ്ചര്യമല്ല. അതു ചെയ്‌തി​ല്ലെ​ങ്കിൽ ഭാവി അശുഭ​ല​ക്ഷ​ണ​മു​ള്ള​താ​യി​ത്തീർന്നേ​ക്കാം. ആ പത്രി​ക​യു​ടെ വിലയി​രു​ത്ത​ല​നു​സ​രിച്ച്‌, “ഈ നഗരങ്ങ​ളി​ലെ അവസ്ഥ തുടർന്നും വഷളാ​യി​ക്കൊ​ണ്ടി​രി​ക്കെ അവ സാവധാ​നം ശ്വാസം​മു​ട്ടൽ നേരി​ടു​ക​യാണ്‌.”