യുവജ​നങ്ങൾ ചോദി​ക്കു​ന്നു. . .

ഞാൻ എന്റെ മാതാ​പി​താ​ക്കളെ അനുസ​രി​ക്കേ​ണ്ടത്‌ എന്തു​കൊണ്ട്‌?

ദൈവ​ഭ​യ​മുള്ള മാതാ​പി​താ​ക്ക​ളാ​ണു സ്‌ററാ​നി​നെ വളർത്തി​ക്കൊ​ണ്ടു​വ​ന്നത്‌. എന്നാൽ 16-ാമത്തെ വയസ്സിൽ അവൻ മത്സരസ്വ​ഭാ​വം കാട്ടി. സ്‌ററാൻ വിശദീ​ക​രി​ക്കു​ന്നു: “ആളുകളെ കണ്ടുമു​ട്ടാ​നും അവരുടെ അംഗീ​കാ​രം നേടാ​നും ഞാനാ​ഗ്ര​ഹി​ച്ചു. മററു​ള്ള​വർക്കുള്ള സർവസം​ഗ​തി​ക​ളും എനിക്കും ഉണ്ടായി​രി​ക്കാൻ ഞാനാ​ഗ്ര​ഹി​ച്ചു.” ഈ ലക്ഷ്യങ്ങൾ നേടു​ന്ന​തി​നു സ്‌ററാൻ സ്വീക​രിച്ച മാർഗം ഒരു മയക്കു​മ​രുന്ന്‌ ഇടപാ​ടു​കാ​രൻ ആയിത്തീ​രുക എന്നതാ​യി​രു​ന്നു. സ്വാഭാ​വി​ക​മാ​യി, തന്റെ പോക്കു​വ​ര​വു​ക​ളെ​ക്കു​റി​ച്ചും വീട്ടിൽ കൊണ്ടു​വ​ന്നി​രുന്ന പണത്തെ​ക്കു​റി​ച്ചും അവനു ഭോഷ്‌കു പറയേ​ണ്ടി​വന്നു. “എന്റെ മനസ്സാക്ഷി മരവി​ച്ചു​പോ​യി​രു​ന്നു,” സ്‌ററാൻ ഓർമി​ക്കു​ന്നു.

ഒരു ക്രിസ്‌ത്യാ​നി​യെന്ന നിലയിൽ ജോൺ സ്‌നാ​പ​ന​മേൽക്കു​മ്പോൾ അവന്‌ 11 വയസ്സു​ണ്ടാ​യി​രു​ന്നു. അവൻ ഇങ്ങനെ സമ്മതി​ച്ചു​പ​റ​യു​ന്നു: “വാസ്‌ത​വ​ത്തിൽ സത്യം എന്റെ ഹൃദയ​ത്തിൽ ഇല്ലായി​രു​ന്നു. സ്‌നാ​പ​ന​മേൽക്കാൻ എന്റെ കുടും​ബം പ്രതീ​ക്ഷി​ച്ച​തു​കൊ​ണ്ടാ​ണു ഞാനതു ചെയ്‌തത്‌. ഹൈസ്‌കൂ​ളിൽ പ്രവേ​ശി​ച്ച​തോ​ടെ നിയ​ന്ത്രി​ക്കാൻ കഴിയാത്ത അവസ്ഥയി​ലെത്തി ഞാൻ. റോക്ക്‌ സംഗീ​ത​വും എന്നിൽ മോശ​മായ സ്വാധീ​നം ചെലുത്തി. കടലല​ക​ളി​ലൂ​ടെ തെന്നി​നീ​ങ്ങുന്ന വിനോ​ദ​ത്തിൽ (surfing) ഞാൻ ഏർപ്പെട്ടു, ബൈബിൾ തത്ത്വങ്ങ​ളാൽ നയിക്ക​പ്പെ​ടാത്ത യുവാ​ക്ക​ളോ​ടൊ​ത്തു ഞാൻ വളരെ​യ​ധി​കം സമയം കടലോ​രത്തു ചെലവ​ഴി​ച്ചു. അവിടെ ധാരാളം മയക്കു​മ​രു​ന്നു​കൾ ലഭ്യമാ​യി​രു​ന്നു.” ഏറെത്താ​മ​സി​യാ​തെ അവൻ തന്റെ മാതാ​പി​താ​ക്ക​ളു​ടെ വീട്ടിൽനിന്ന്‌ ഇറങ്ങി​പ്പോ​യി, അവനെ പഠിപ്പിച്ച സകല കാര്യ​ത്തി​നും എതിരായ ഒരു ജീവി​ത​രീ​തി​യാണ്‌ അവൻ തിര​ഞ്ഞെ​ടു​ത്തത്‌.

അവർ മത്സരി​ക്കു​ന്ന​തി​ന്റെ കാരണം

യുവാ​ക്കളെ സംബന്ധി​ച്ചി​ട​ത്തോ​ളം അവരുടെ പരിമി​തി​കൾ പരി​ശോ​ധി​ച്ചു​നോ​ക്കു​ന്ന​തും ഒരു പരിധി​വരെ സ്വാത​ന്ത്ര്യം വളർത്തി​യെ​ടു​ക്കു​ന്ന​തും സ്വാഭാ​വി​ക​മാണ്‌. എന്നാൽ മത്സരാ​ത്മ​ക​വും അക്രമാ​സ​ക്ത​വും സ്വവി​നാ​ശ​ക​വു​മായ നടത്ത തികച്ചും മറെറാ​രു സംഗതി​യാണ്‌. അത്തരം നടത്തയ്‌ക്ക്‌ എന്താണു കാരണം? കാരണങ്ങൾ അനേക​വും നാനാ​ത​ര​ത്തി​ലു​ള്ള​വ​യു​മാണ്‌. “ചെറു​പ്പ​മാ​യി​രി​ക്കു​മ്പോൾ രസത്തിനു വേണ്ടി പരതുന്നു. സമയം ശരിക്കും ആസ്വദി​ക്കാൻ ആഗ്രഹി​ക്കു​ന്നു” എന്നു ജോൺ വിശദീ​ക​രി​ക്കു​ന്നു. എന്നിരു​ന്നാ​ലും, യുവജ​ന​ങ്ങൾക്കു ജീവി​ത​ത്തിൽ അനുഭ​വ​പ​രി​ചയം കുറവാ​യ​തു​കൊണ്ട്‌ അവർ കൈ​ക്കൊ​ള്ളുന്ന തീരു​മാ​നങ്ങൾ എല്ലായ്‌പോ​ഴും ജ്ഞാനപൂർവ​കമല്ല. (എബ്രായർ 5:14) അതു​കൊണ്ട്‌ പരിഗ​ണ​ന​യുള്ള മാതാ​പി​താ​ക്കൾ തങ്ങളുടെ കുട്ടി​ക​ളു​ടെ​മേൽ ന്യായ​മായ നിയ​ന്ത്ര​ണങ്ങൾ വയ്‌ക്കു​ന്നു—ചില യുവാക്കൾ ഈ നിയ​ന്ത്ര​ണ​ങ്ങളെ ശക്തമായി എതിർക്കു​ന്നു.

ദുഃഖ​ക​ര​മെ​ന്നേ പറയേണ്ടൂ, ചില യുവജ​നങ്ങൾ ദൈവ​ഭ​യ​മുള്ള മാതാ​പി​താ​ക്ക​ളിൽനി​ന്നു ലഭിച്ച പരിശീ​ല​നത്തെ തള്ളിക്ക​ള​യുക പോലും ചെയ്‌തി​ട്ടുണ്ട്‌. (എഫെസ്യർ 6:1-4) ക്രിസ്‌ത്യാ​നി​ത്വം “ഇടുക്ക”വും “ഞെരുക്ക”വുമുള്ള ഒരു ജീവി​ത​പാത ആയിരി​ക്കു​മെന്ന്‌ യേശു പറഞ്ഞു. (മത്തായി 7:13, 14) അതു​കൊണ്ട്‌ പലപ്പോ​ഴും തങ്ങളുടെ സഹപാ​ഠി​കൾ ചെയ്യുന്ന അതേ കാര്യങ്ങൾ ക്രിസ്‌തീയ യുവാ​ക്കൾക്കു ചെയ്യാൻ സാധ്യമല്ല. ദൈവ​നി​യ​മങ്ങൾ വാസ്‌ത​വ​ത്തിൽ ഭാരമു​ള്ള​വയല്ല എന്നു വിലമ​തി​ച്ചു​കൊ​ണ്ടു മിക്കവ​രും ശിക്ഷണത്തെ സ്വീക​രി​ക്കു​ക​യാ​ണു ചെയ്യു​ന്നത്‌. (1 യോഹ​ന്നാൻ 5:3) തീർച്ച​യാ​യും, ഇത്തരം നിയമങ്ങൾ വിവാ​ഹ​ബന്ധം കൂടാ​തെ​യുള്ള ഗർഭധാ​ര​ണങ്ങൾ, മയക്കു​മ​രു​ന്നു ദുരു​പ​യോ​ഗം, ലൈം​ഗി​ക​മാ​യി പകരുന്ന രോഗങ്ങൾ എന്നിവ പോലുള്ള പ്രശ്‌ന​ങ്ങ​ളിൽനി​ന്നു യുവജ​ന​ങ്ങളെ സംരക്ഷി​ക്കു​ന്നു. (1 കൊരി​ന്ത്യർ 6:9, 10) എന്നാൽ കാര്യ​ങ്ങളെ ആ വിധത്തിൽ കാണാൻ ചില യുവജ​നങ്ങൾ വിസമ്മ​തി​ക്കു​ന്നു; ബൈബിൾ നിയമങ്ങൾ തങ്ങളുടെ ജീവി​ത​രീ​തി​യെ വളരെ​യ​ധി​കം പരിമി​ത​പ്പെ​ടു​ത്തു​ന്നു​വെ​ന്നാണ്‌ അവരുടെ വിചാരം.

ശിക്ഷണം, കളികൾ, വിനോ​ദം എന്നിവ പോലുള്ള കാര്യങ്ങൾ വരു​മ്പോൾ മാതാ​പി​താ​ക്കൾ അമിത​മാ​യി കർക്കശ​സ്വ​ഭാ​വം കാണി​ക്കു​ന്ന​താ​യി ഒരു യുവാ​വി​നു തോന്നു​ന്നെ​ങ്കിൽ അവന്‌ ഉണ്ടാകുന്ന നീരസം വളരെ തീവ്ര​മാ​യി​രു​ന്നേ​ക്കാം. “മാതാ​പി​താ​ക്കൾ എന്നോടു വളരെ കർക്കശ​സ്വ​ഭാ​വം കാട്ടു​ന്നു​വെന്ന്‌ എനിക്കു തോന്നു​ന്നു,” ഒരു യുവതി വിലപി​ച്ചു. മററു ക്രിസ്‌തീയ മാതാ​പി​താ​ക്കൾ അനുവ​ദി​ക്കുന്ന കാര്യങ്ങൾ ചെയ്യാൻ നിങ്ങൾ അനുവ​ദി​ക്ക​പ്പെ​ടാ​ത്ത​പ്പോൾ നിരാശ തോന്നി​യേ​ക്കാം എന്നതു സത്യം​തന്നെ. (കൊ​ലൊ​സ്സ്യർ 3:21) ചില യുവജ​ന​ങ്ങ​ളാ​കട്ടെ അനുസ​ര​ണ​ക്കേടു കാട്ടി​ക്കൊ​ണ്ടു തങ്ങളുടെ നിരാശ പുറത്തു​കാ​ട്ടു​ന്നു.

നേരേ​മ​റിച്ച്‌, ചില യുവജ​നങ്ങൾ നേർവഴി വിട്ടു​പോ​കു​ന്നത്‌ അവരുടെ മാതാ​പി​താ​ക്കൾ ദൈവിക തത്ത്വങ്ങ​ളോ​ടു യാതൊ​രു വിധത്തി​ലുള്ള ആദരവും പ്രകട​മാ​ക്കാ​ത്ത​തു​കൊ​ണ്ടാണ്‌. ജോൺ ഓർമി​ക്കു​ന്നതു നോക്കൂ: “ഡാഡി ഒരു മദ്യപാ​നി​യാ​യി​രു​ന്നു. വളരെ​യ​ധി​കം കുടി​ക്കു​ന്ന​തി​ന്റെ പേരിൽ ഡാഡി​യും മമ്മിയും തമ്മിൽ വാക്കേ​ററം ഉണ്ടാകു​മാ​യി​രു​ന്നു. അദ്ദേഹ​ത്തിൽനി​ന്നു രക്ഷപെ​ടാൻ ഞങ്ങൾ പലതവണ മാറി​ത്താ​മ​സി​ച്ചു.” മദ്യവും മററു വസ്‌തു​ക്ക​ളും ദുരു​പ​യോ​ഗം ചെയ്യു​ന്ന​വർക്കു തങ്ങളുടെ കുട്ടി​ക​ളു​ടെ ആവശ്യ​ങ്ങൾക്കു വേണ്ടി വേണ്ടത്ര കരുതാൻ സാധ്യമല്ല. അത്തരം ഭവനങ്ങ​ളിൽ ചീത്തപ​റ​ച്ചി​ലും തരംതാ​ഴ്‌ത്ത​ലും ഒരു യുവാ​വി​നു നിത്യ​സം​ഭ​വ​മാ​യി​രി​ക്കും.

മററു യുവജ​നങ്ങൾ മാതാ​പി​താ​ക്ക​ളോ​ടു മത്സരി​ക്കു​ന്ന​തി​ന്റെ കാരണം മാതാ​പി​താ​ക്കൾ ഫലത്തിൽ അവരെ ഉപേക്ഷി​ക്കു​ക​യോ അവഗണി​ക്കു​ക​യോ ചെയ്യു​ന്ന​താണ്‌. മാതാ​പി​താ​ക്ക​ളു​ടെ ശ്രദ്ധ പിടി​ച്ചു​പ​റ​റാ​നുള്ള—അല്ലെങ്കിൽ അവരെ വേദനി​പ്പി​ക്കാ​നുള്ള—ഒരു മാർഗ​മാ​യി മത്സരമ​നോ​ഭാ​വത്തെ അവർ കണ്ടേക്കാം. “മാതാ​പി​താ​ക്കൾ എന്നെങ്കി​ലും എന്റെ അടുത്തു​ണ്ടാ​യി​രു​ന്ന​താ​യി എനിക്ക്‌ ഓർക്കാൻ കഴിയു​ന്നില്ല,” ഒരു സമ്പന്ന കുടും​ബ​ത്തി​ലെ ടെയ്‌ലർ എന്ന പെൺകു​ട്ടി പറയുന്നു. “നിങ്ങൾക്ക​റി​യാ​മോ, ഞാൻ അരുമ​സ​ന്ത​തി​യാ​യി​രു​ന്നു, മാതാ​പി​താ​ക്കൾ ഒരിക്ക​ലും എൻറടു​ത്തി​ല്ലാ​തി​രു​ന്ന​തി​നാൽ അവർ എനിക്കു ധാരാളം പണം തരുമാ​യി​രു​ന്നു.” മേൽനോ​ട്ടം ലഭിക്കാ​തി​രുന്ന ടെയ്‌ലർ നിശാ​ക്ല​ബു​ക​ളിൽ പോകാ​നും മദ്യപി​ക്കാ​നും തുടങ്ങി. മദ്യപി​ച്ചു വാഹന​മോ​ടി​ച്ച​തി​നു പിടി​ക്ക​പ്പെ​ട്ട​പ്പോൾ മാത്ര​മാണ്‌ അവൾക്ക്‌ അത്തര​മൊ​രു പ്രശ്‌നം ഉണ്ടായി​രു​ന്ന​താ​യി മാതാ​പി​താ​ക്കൾ മനസ്സി​ലാ​ക്കി​യത്‌.

മാത്രമല്ല, “നിങ്ങൾ നന്നായി ഓടി​യി​രു​ന്നു; സത്യം അനുസ​രി​ക്കാ​തി​രി​പ്പാൻ നിങ്ങളെ ആർ തടുത്തു​ക​ളഞ്ഞു?” എന്ന്‌ ഒരു കൂട്ടം ക്രിസ്‌ത്യാ​നി​ക​ളോട്‌ അപ്പോ​സ്‌ത​ല​നായ പൗലോസ്‌ ചോദി​ച്ച​പ്പോൾ അദ്ദേഹം ചൂണ്ടി​ക്കാ​ട്ടിയ സ്ഥിതി​വി​ശേ​ഷ​വും ഇതിനു കാരണ​മാണ്‌. (ഗലാത്യർ 5:7) പലപ്പോ​ഴും മോശ​മായ സഹവാ​സ​മാ​ണു പ്രശ്‌നം. (1 കൊരി​ന്ത്യർ 15:33) “മോശ​ക്കാ​രായ ആളുക​ളു​മാ​യി ഞാൻ കൂട്ടു​കൂ​ടി,” എലിസ​ബത്ത്‌ എന്നു പേരുള്ള ഒരു കൗമാ​ര​പ്രാ​യ​ക്കാ​രി പറയുന്നു. കൂട്ടു​കാ​രു​ടെ സമ്മർദ​ത്തി​ന്റെ ഫലമായി “പുകവ​ലി​ക്കാ​നും മയക്കു​മ​രു​ന്നു​കൾ ദുരു​പ​യോ​ഗം ചെയ്യാ​നും തുടങ്ങി” എന്നവൾ സമ്മതി​ച്ചു​പ​റ​യു​ന്നു. അവൾ ഇങ്ങനെ കൂട്ടി​ച്ചേർക്കു​ന്നു: “പരസംഗം ഒരു അനുദിന സംഗതി​യാ​യി​രു​ന്നു.”

മത്സരമ​നോ​ഭാ​വം ഭോഷ​ത്വ​മാ​യി​രി​ക്കു​ന്ന​തി​ന്റെ കാരണം

നിരാ​ശാ​ജ​ന​ക​മെന്ന്‌—അല്ലെങ്കിൽ ക്രൂര​മെന്നു പോലും—തോന്നുന്ന ഒരു സാഹച​ര്യ​ത്തി​ലാ​യി​രി​ക്കാം ഒരുപക്ഷേ നിങ്ങളും. മാതാ​പി​താ​ക്ക​ളോ​ടു ധിക്കാരം കാട്ടാ​നും നിങ്ങളാ​ഗ്ര​ഹി​ക്കു​ന്നതു ചെയ്യാ​നും പ്രലോ​ഭനം തോന്നി​യേ​ക്കാം. നീതി​മാ​നായ ഇയ്യോ​ബി​നു മുന്നറി​യി​പ്പു ലഭിച്ച​തു​പോ​ലെ, “കോപം നിന്നെ [ദ്രോ​ഹ​ക​ര​മായ പ്രവർത്തി​ക​ളി​ലേക്കു] വശീക​രി​ക്ക​രു​തു; . . . സൂക്ഷി​ച്ചു​കൊൾക; നീതി​കേ​ടി​ലേക്കു തിരി​യ​രു​തു.”—ഇയ്യോബ്‌ 36:18-21.

ദ്രോ​ഹ​ക​ര​മാ​യ, അക്രമാ​സ​ക്ത​മായ പെരു​മാ​റ​റ​ത്തി​നു നിങ്ങളു​ടെ മാതാ​പി​താ​ക്ക​ളിൽനി​ന്നു പ്രതി​ക​രണം ലഭി​ച്ചേ​ക്കാം, എന്നാൽ അത്‌ അത്ര സുഖമു​ള്ള​താ​യി​രി​ക്കാൻ ഇടയില്ല. അത്‌ എന്തുതന്നെ ആയിരു​ന്നാ​ലും, അവർ നിങ്ങളു​ടെ​മേൽ കൂടുതൽ നിയ​ന്ത്ര​ണങ്ങൾ ഏർപ്പെ​ടു​ത്തി​യേ​ക്കാം. മാത്രമല്ല, ദ്രോ​ഹ​ക​ര​മായ പെരു​മാ​ററം നിങ്ങളു​ടെ മാതാ​പി​താ​ക്കളെ വളരെ​യ​ധി​കം വേദനി​പ്പി​ക്കു​ക​യും ചെയ്യും. (സദൃശ​വാ​ക്യ​ങ്ങൾ 10:1) അങ്ങനെ ചെയ്യു​ന്നതു സ്‌നേ​ഹ​പൂർവ​ക​മാ​ണോ? അതു നിങ്ങളു​ടെ സാഹച​ര്യ​ത്തെ യഥാർഥ​ത്തിൽ മെച്ച​പ്പെ​ടു​ത്തു​മോ? നിങ്ങൾക്കു ന്യായ​മായ പരാതി​ക​ളു​ണ്ടെന്നു തോന്നു​ന്നെ​ങ്കിൽ കാര്യങ്ങൾ അവരോ​ടു തുറന്നു സംസാ​രി​ക്കു​ന്ന​താണ്‌ ഏറെ യുക്തമായ സമീപനം.a നിങ്ങ​ളോ​ടു പെരു​മാ​റുന്ന വിധത്തിൽ ചില പൊരു​ത്ത​പ്പെ​ടു​ത്ത​ലു​കൾ വരുത്താൻ അവർ സത്വരം മനസ്സൊ​രു​ക്കം കാട്ടി​യേ​ക്കാം.

പരിചി​ന്തി​ക്കേണ്ട മറെറാ​രു സംഗതി നിങ്ങളു​ടെ പ്രവർത്ത​നങ്ങൾ ദൈവ​ത്തിൻമേൽ ഉളവാ​ക്കുന്ന ഫലമാണ്‌. ‘ദൈവ​ത്തിൻമേ​ലോ?’ എന്നു നിങ്ങൾ ചോദി​ച്ചേ​ക്കാം. അതേ, ദൈവ​ത്തിൻമേൽ. കാരണം നിങ്ങളു​ടെ മാതാ​പി​താ​ക്കൾക്കെ​തി​രെ മത്സരി​ക്കു​ന്നതു ഫലത്തിൽ ദൈവ​ത്തി​നെ​തി​രെ മത്സരി​ക്കു​ന്ന​തി​നു തുല്യ​മാണ്‌, കാരണം മാതാ​പി​താ​ക്കളെ ബഹുമാ​നി​ക്കാൻ കൽപ്പി​ക്കു​ന്നതു ദൈവ​മാണ്‌. (എഫെസ്യർ 6:2) അത്തരം അനുസ​ര​ണ​ക്കേടു സംബന്ധി​ച്ചു ദൈവം എങ്ങനെ​യാ​ണു വിചാ​രി​ക്കു​ന്നത്‌? ഇസ്രാ​യേൽ ജനതയെ സംബന്ധി​ച്ചു ബൈബിൾ ഇങ്ങനെ പറയുന്നു: “മരുഭൂ​മി​യിൽ അവർ എത്ര പ്രാവ​ശ്യം അവനോ​ടു മത്സരിച്ചു!” ഫലമോ? “[അവർ] എത്ര​പ്രാ​വ​ശ്യം [ദൈവത്തെ] ദുഃഖി​പ്പി​ച്ചു!” (സങ്കീർത്തനം 78:40) നിങ്ങളു​ടെ മാതാ​പി​താ​ക്കൾ വളരെ​യ​ധി​കം നിയ​ന്ത്ര​ണങ്ങൾ വയ്‌ക്കു​ന്നു​വെന്നു വിചാ​രി​ച്ചു​കൊ​ണ്ടു നിങ്ങൾക്ക്‌ അവരോ​ടു ക്ഷോഭം തോന്നി​യേ​ക്കാ​മെ​ന്നതു സത്യം തന്നെ. എന്നാൽ, നിങ്ങളെ സ്‌നേ​ഹി​ക്കു​ക​യും നിങ്ങൾ എന്നേക്കും ജീവി​ക്കാൻ ആഗ്രഹി​ക്കു​ക​യും ചെയ്യുന്ന യഹോ​വ​യാം ദൈവ​ത്തി​ന്റെ ഹൃദയ​ത്തി​നു വേദന കൈവ​രു​ത്താൻ വാസ്‌ത​വ​ത്തിൽ നിങ്ങൾ ആഗ്രഹി​ക്കു​മോ?—യോഹ​ന്നാൻ 17:3; 1 തിമൊ​ഥെ​യൊസ്‌ 2:4.

“സ്വാത​ന്ത്ര്യ”ത്തിന്‌ ഒടു​ക്കേ​ണ്ടി​വ​രുന്ന കനത്ത വില

അങ്ങനെ​യെ​ങ്കിൽ, നമ്മുടെ സ്‌നേ​ഹ​വാ​നായ സ്വർഗീയ പിതാ​വി​നെ ശ്രദ്ധി​ക്കു​ന്ന​തി​നു നല്ല കാരണ​മുണ്ട്‌. “സ്വാത​ന്ത്ര്യ”ത്തിന്റെ വ്യാജ​മായ വാഗ്‌ദാ​ന​ങ്ങ​ളാൽ കബളി​പ്പി​ക്ക​പ്പെ​ട​രുത്‌. (താരത​മ്യം ചെയ്യുക: 2 പത്രൊസ്‌ 2:19.) ദുർന്ന​ട​ത്ത​യിൽ ഏർപ്പെ​ട്ടിട്ട്‌ ചില യുവജ​നങ്ങൾ ശിക്ഷി​ക്ക​പ്പെ​ടാ​തെ രക്ഷപെ​ടു​ന്ന​താ​യി തോന്നി​യേ​ക്കാം. എന്നാൽ സങ്കീർത്ത​ന​ക്കാ​രൻ ഇങ്ങനെ മുന്നറി​യി​പ്പു നൽകി: “ദുഷ്‌പ്ര​വൃ​ത്തി​ക്കാ​രു​ടെ നിമിത്തം നീ മുഷി​യ​രു​തു; നീതി​കേടു ചെയ്യു​ന്ന​വ​രോ​ടു അസൂയ​പ്പെ​ടു​ക​യു​മ​രു​തു. അവർ പുല്ലു​പോ​ലെ വേഗത്തിൽ ഉണങ്ങി പച്ചച്ചെ​ടി​പോ​ലെ വാടി​പ്പോ​കു​ന്നു.” (സങ്കീർത്തനം 37:1, 2) മത്സരി​ക്കുന്ന യുവജ​ന​ങ്ങൾക്ക്‌ അവർ പറയുന്ന സ്വാത​ന്ത്ര്യ​ത്തി​നു വേണ്ടി മിക്ക​പ്പോ​ഴും കനത്ത വില ഒടു​ക്കേ​ണ്ടി​വ​രു​ന്നു. ഗലാത്യർ 6:7-ൽ ബൈബിൾ ഇങ്ങനെ പറയുന്നു: “വഞ്ചന​പ്പെ​ടാ​തി​രി​പ്പിൻ; ദൈവത്തെ പരിഹ​സി​ച്ചു​കൂ​ടാ; മനുഷ്യൻ വിതെ​ക്കു​ന്നതു തന്നേ കൊയ്യും.”

തുടക്ക​ത്തിൽ പരാമർശിച്ച സ്‌ററാ​നി​ന്റെ കാര്യ​മെ​ടു​ക്കുക. അവൻ പ്രതീ​ക്ഷി​ച്ച​തു​പോ​ലെ​തന്നെ മോശ​മായ സ്‌നേ​ഹി​ത​രു​ടെ ഇടയിൽ അവൻ പ്രസി​ദ്ധ​നാ​യി​ത്തീർന്നു. “എനിക്ക്‌ അംഗീ​കാ​രം കിട്ടി​യ​തു​പോ​ലെ തോന്നി,” അവൻ ഓർമി​ക്കു​ന്നു. എന്നാൽ, സ്ഥിതി​ഗ​തി​കൾ വഷളാ​കാൻ തുടങ്ങി. അവൻ പറയുന്നു: “എനിക്കു വെടി​യേ​ററു, ജയിലിൽ കിട​ക്കേ​ണ്ടി​വന്നു, ഇപ്പോ​ഴും ഞാൻ ജയിലി​ലേക്കു പോകു​ക​യാണ്‌. എനിക്ക്‌ എന്നോ​ടു​തന്നെ ചോദി​ക്കാൻ കഴിയു​ന്നത്‌ ഇതു മാത്ര​മാണ്‌, ‘അത്‌ തക്ക മൂല്യ​മു​ള്ള​താ​യി​രു​ന്നോ?’”

“സ്വാത​ന്ത്ര്യ”ത്തിനു വേണ്ടി​യുള്ള ജോണി​ന്റെ അന്വേ​ഷണം സംബന്ധി​ച്ചോ? മയക്കു​മ​രു​ന്നു​കൾ കൈവശം വെച്ചതി​ന്റെ പേരിൽ അറസ്‌ററു ചെയ്യ​പ്പെ​ട്ട​ശേഷം അവൻ ക്രിസ്‌തീയ സഭയിൽനി​ന്നു പുറത്താ​ക്ക​പ്പെട്ടു. അവിടം മുതല​ങ്ങോട്ട്‌ അവൻ വഴിപി​ഴച്ച പ്രവൃ​ത്തി​ക​ളിൽ അധിക​മ​ധി​കം ഏർപ്പെ​ടാൻ തുടങ്ങി. ജോൺ ഇങ്ങനെ തുറന്നു പറയുന്നു: “പണത്തിനു വേണ്ടി ഞാൻ കാറുകൾ മോഷ്ടി​ച്ചു, ഞാൻ വളരെ അക്രമ​സ്വ​ഭാ​വ​മു​ള്ള​വ​നാ​യി​രു​ന്നു.” കുററ​കൃ​ത്യ​ങ്ങ​ളിൽ ഏർപ്പെട്ടു ജോൺ ധാരാളം പണമു​ണ്ടാ​ക്കി. എന്നാൽ അവൻ ഇങ്ങനെ ഓർമി​ക്കു​ന്നു: “ഞാന​തെ​ല്ലാം ധൂർത്ത​ടി​ച്ചു. ഞങ്ങൾ ഉപയോ​ഗിച്ച മയക്കു​മ​രു​ന്നി​ന്റെ അളവ്‌ അവിശ്വ​സ​നീ​യ​മാ​യി​രു​ന്നു.” വഴക്കടി​ക്കു​ക​യോ മോഷ്ടി​ക്കു​ക​യോ മദ്യപി​ക്കു​ക​യോ ചെയ്യാ​തി​രു​ന്ന​പ്പോൾ ജോൺ പൊലീ​സിൽനിന്ന്‌ ഒളി​ച്ചോ​ടു​ക​യാ​യി​രു​ന്നു. “ഏതാണ്ട്‌ 50 തവണ ഞാൻ അറസ്‌ററു ചെയ്യ​പ്പെട്ടു. സാധാ​ര​ണ​മാ​യി അവർക്ക്‌ എന്റെ​മേ​ലുള്ള ആരോ​പ​ണങ്ങൾ തെളി​യി​ക്കാൻ കഴിഞ്ഞില്ല, എന്നാൽ ഒരിക്കൽ ഒരു വർഷം മുഴു​വ​നും ഞാൻ ജയിലിൽ കിട​ക്കേ​ണ്ടി​വന്നു.” അതേ, അവന്‌ അൽപ്പം പോലും സ്വാത​ന്ത്ര്യം കിട്ടി​യില്ല, പിന്നെ​യോ അവൻ “സാത്താന്റെ ആഴമായ കാര്യങ്ങ”ളുടെ ചെളി​ക്കു​ണ്ടി​ലാ​ണെന്നു തിരി​ച്ച​റി​യു​ക​യാ​ണു ചെയ്‌തത്‌.—വെളി​പാട്‌ 2:24, NW.

എലിസ​ബ​ത്തി​നെ സംബന്ധി​ച്ചും അതുതന്നെ പറയാൻ കഴിയും. അനിയ​ന്ത്രി​ത​മാ​യി ലൗകിക സ്‌നേ​ഹി​ത​രു​മാ​യി കൂടി​ക്കു​ഴ​ഞ്ഞത്‌ ഒടുവിൽ അവളെ കൊ​ണ്ടെ​ത്തി​ച്ചതു ജയിലി​ലാണ്‌. അവൾ ഇങ്ങനെ തുറന്നു പറയുന്നു: “ഞാൻ ഗർഭി​ണി​യാ​കുക പോലും ചെയ്‌തു—മയക്കു​മ​രു​ന്നു​കൾ ഉപയോ​ഗി​ച്ചതു നിമിത്തം എനി​ക്കെന്റെ കുട്ടിയെ നഷ്ടമായി. മയക്കു​മ​രു​ന്നു​കൾ എന്റെ ജീവനാ​യി​രു​ന്നു—വീണ്ടും വീണ്ടും മയക്കു​മ​രു​ന്നി​ന്റെ മോഹ​ന​വ​ല​യ​ത്തിൽ അകപ്പെ​ടാൻ വേണ്ടി ഞാൻ ജീവി​ക്കു​ന്ന​തു​പോ​ലെ തോന്നി. ഒടുവിൽ എനി​ക്കെന്റെ പാർപ്പി​ടം നഷ്ടമായി. എനിക്കു വീട്ടി​ലേക്കു തിരികെ പോകാൻ കഴിഞ്ഞില്ല. സഹായ​ത്തി​നാ​യി യഹോ​വ​യോട്‌ അപേക്ഷി​ക്കാൻ പോലും എനിക്കു ലജ്ജ തോന്നി.”

ദൈവിക തത്ത്വങ്ങളെ തള്ളിക്ക​ള​ഞ്ഞതു നിമിത്തം ദുരന്ത​ഫ​ലങ്ങൾ അനുഭ​വി​ക്കേണ്ടി വന്ന യുവജ​ന​ങ്ങ​ളെ​ക്കു​റി​ച്ചുള്ള സമാന​മായ ദൃഷ്ടാ​ന്തങ്ങൾ എത്ര വേണ​മെ​ങ്കി​ലു​മുണ്ട്‌. ബൈബിൾ ഇങ്ങനെ മുന്നറി​യി​പ്പു നൽകുന്നു: “നിങ്ങൾ ശരി​യെന്നു വിചാ​രി​ക്കുന്ന വഴി മരണത്തി​ലേക്കു നയി​ച്ചേ​ക്കാം.” (സദൃശ​വാ​ക്യ​ങ്ങൾ 14:12, ററു​ഡേ​യ്‌സ്‌ ഇംഗ്ലീഷ്‌ വേർഷൻ) അതു​കൊണ്ട്‌ ജ്ഞാനപൂർവ​ക​മായ സംഗതി, അനുചി​ത​മെന്നു നിങ്ങൾ വിചാ​രി​ക്കുന്ന ഏതെങ്കി​ലും നിയ​ന്ത്ര​ണ​ങ്ങൾക്കെ​തി​രെ മത്സരി​ക്കു​ന്ന​തി​നു പകരം അവയെ​ക്കു​റി​ച്ചു ചർച്ച​ചെ​യ്‌തു​കൊണ്ട്‌ നിങ്ങളു​ടെ മാതാ​പി​താ​ക്ക​ളു​മാ​യി ഒത്തിണ​ങ്ങി​പ്പോ​കു​ന്ന​താണ്‌.

എന്നാൽ, ഈ ലേഖനം കിട്ടു​മ്പോ​ഴേ​ക്കും ഇപ്പോൾത്തന്നെ വൈകി​പ്പോ​യി​രി​ക്കുന്ന, ദുർന്ന​ട​ത്തി​യിൽ ആഴത്തിൽ ഉൾപ്പെ​ട്ടു​ക​ഴി​ഞ്ഞി​രി​ക്കു​ന്നു എന്നു മനസ്സി​ലാ​ക്കുന്ന, യുവജ​ന​ങ്ങളെ സംബന്ധി​ച്ചെന്ത്‌? അവരെ സംബന്ധി​ച്ചി​ട​ത്തോ​ളം തങ്ങളുടെ മാതാ​പി​താ​ക്ക​ളു​മാ​യി—കൂടാതെ ദൈവ​വു​മാ​യും—കാര്യങ്ങൾ നേരെ​യാ​ക്കു​ന്ന​തി​നുള്ള എന്തെങ്കി​ലും വഴിയു​ണ്ടോ? അടുത്ത ലക്കത്തിലെ ഞങ്ങളുടെ ലേഖനം ഈ ചോദ്യ​ങ്ങ​ളെ​ക്കു​റി​ച്ചു വിശക​ലനം ചെയ്യു​ന്ന​താ​യി​രി​ക്കും.

[അടിക്കു​റി​പ്പു​കൾ]

[26-ാം പേജിലെ ചിത്രം]

മാതാപിതാക്കൾക്കെതിരെ മത്സരി​ക്കു​ന്നതു നിങ്ങൾക്കു കൂടുതൽ “സ്വാത​ന്ത്ര്യം” നൽകി​യേ​ക്കാം, എന്നാൽ അനന്തര​ഫ​ല​ങ്ങ​ളെ​ക്കു​റി​ച്ചു നിങ്ങൾ പരിചി​ന്തി​ച്ചി​ട്ടു​ണ്ടോ?