യുവജ​നങ്ങൾ ചോദി​ക്കു​ന്നു. . .

എനിക്ക്‌ എന്റെ ജീവിതം എങ്ങനെ നേരെ​യാ​ക്കാൻ കഴിയും?

“എനിക്ക്‌ അകത്തു കയറാൻ കഴിഞ്ഞി​ല്ല​ത്രേ,” ജോൺ പറഞ്ഞു. അവൻ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​നു വെളി​യിൽ നിൽക്കു​ക​യാ​യി​രു​ന്നു. കൗമാ​ര​പ്രാ​യ​ക്കാ​ര​നാ​യി​രി​ക്കെ അവൻ ക്രിസ്‌ത്യാ​നി​ത്വം ഉപേക്ഷിച്ച്‌ കുററ​കൃ​ത്യ​ത്തി​ന്റെ​യും മയക്കു​മ​രു​ന്നു​ക​ളു​ടെ​യും ലൈം​ഗിക അധാർമി​ക​ത​യു​ടേ​തു​മായ ഒരു ജീവിതം നയിച്ചു. വർഷങ്ങ​ളോ​ളം അങ്ങനെ ജീവി​ച്ചെ​ങ്കി​ലും അവന്‌ ബൈബിൾ മറക്കാൻ കഴിഞ്ഞില്ല. അതു​കൊണ്ട്‌ അവൻ ഒരു രാജ്യ​ഹാ​ളി​ലേക്കു പോയി—എന്നാൽ അകത്തു​ക​യ​റാൻ വല്ലാത്ത ഭയം തോന്നി. അകത്തേക്കു ചെല്ലാൻ പ്രോ​ത്സാ​ഹി​പ്പിച്ച ഒരാ​ളോട്‌ അവൻ പറഞ്ഞു: “നിങ്ങൾക്കു മനസ്സി​ലാ​വില്ല. ഞാൻ വളരെ​യ​ധി​കം ചെയ്‌തു​പോ​യി. ഞാൻ ചെയ്‌ത​തെ​ല്ലാം യഹോവ എന്നെങ്കി​ലും ക്ഷമിക്കു​മെന്ന്‌ എനിക്കു തോന്നു​ന്നില്ല.”

മാതാ​പി​താ​ക്ക​ളു​ടെ നിയമ​ങ്ങൾക്കും മതത്തി​നും ധാർമിക മൂല്യ​ങ്ങൾക്കു​മെ​തി​രെ മത്സരി​ക്കുന്ന യുവാക്കൾ അസംഖ്യ​മാണ്‌. ദൈവ​ഭ​യ​മുള്ള മാതാ​പി​താ​ക്ക​ളാൽ വളർത്ത​പ്പെട്ട യുവാക്കൾ ഇതു ചെയ്യു​മ്പോൾ അത്‌ വിശേ​ഷാൽ ഞെട്ടലു​ള​വാ​ക്കു​ന്ന​തും ഭയങ്കര​വു​മാണ്‌. ആ വഴിക്കു പോയി​രി​ക്കു​ന്നവർ കുറ​ച്ചൊ​ന്നു​മ​ല്ലെ​ങ്കി​ലും തോന്നി​യ​വാ​സ​മുള്ള ജീവി​ത​രീ​തി​ക്കു​പോ​ലും മറയ്‌ക്കാൻ കഴിയാത്ത ഒരു നഷ്ടബോ​ധം ക്രമേണ ചിലരെ അലട്ടി തുടങ്ങു​ന്നു. (സദൃശ​വാ​ക്യ​ങ്ങൾ 14:13) ഈ ദുഷ്ട​ലോ​ക​ത്തി​ന്റെ തിക്തഫ​ല​ങ്ങ​ള​നു​ഭ​വിച്ച ചില യുവാക്കൾ തങ്ങളുടെ ജീവിതം നേരെ​യാ​ക്കാ​നും കുട്ടി​ക​ളാ​യി​രി​ക്കെ തങ്ങൾ പഠിച്ച ബൈബിൾ സത്യങ്ങ​ളി​ലേക്കു തിരി​ച്ചു​വ​രാ​നും ആഗ്രഹി​ക്കു​ന്നു. എന്നാൽ യഥാർഥ​ത്തിൽ അവർക്കതു ചെയ്യാൻ കഴിയു​മോ?

ഒരു മത്സരി​യായ മകൻ വീടു​വി​ട്ടി​റ​ങ്ങി​പ്പോ​കു​ന്നു

ലൂക്കൊസ്‌ 15:11-32-ൽ കാണുന്ന മുടി​യ​നായ അഥവാ ധൂർത്ത​നായ പുത്രനെ സംബന്ധി​ച്ചുള്ള യേശു​വി​ന്റെ ഉപമ ഈ സംഗതി​യിൽ വളരെ​യ​ധി​കം ഉൾക്കാഴ്‌ച പ്രദാനം ചെയ്യുന്നു. വിവരണം വായി​ക്കു​ന്ന​തി​ങ്ങ​നെ​യാണ്‌: “ഒരു മനുഷ്യ​ന്നു രണ്ടു പുത്രൻമാർ ഉണ്ടായി​രു​ന്നു. അവരിൽ ഇളയവൻ അപ്പനോ​ടു: അപ്പാ, വസ്‌തു​വിൽ എനിക്കു വരേണ്ടുന്ന പങ്കു തരേണമേ എന്നു പറഞ്ഞു; അവൻ അവർക്കു മുതൽ പകത്തു​കൊ​ടു​ത്തു. ഏറെനാൾ കഴിയും​മു​മ്പെ ഇളയമകൻ സകലവും സ്വരൂ​പി​ച്ചു ദൂര​ദേ​ശ​ത്തേക്കു യാത്ര​യാ​യി.”

തീർച്ച​യാ​യും തന്റെ പിതാവ്‌ പരുഷ​നോ ദ്രോ​ഹി​യോ അമിത കർക്കശ​ക്കാ​ര​നോ ആയിരു​ന്ന​തു​കൊ​ണ്ടല്ല ഈ യുവാവ്‌ മത്സരി​ച്ചത്‌! മോ​ശൈക ന്യായ​പ്ര​മാ​ണ​മ​നു​സ​രിച്ച്‌ പുത്രന്‌ പിതാ​വി​ന്റെ സ്വത്തിന്റെ നല്ലൊരു ഭാഗം അവകാ​ശ​പ്പെ​ട്ടി​രു​ന്നു, എന്നിരു​ന്നാ​ലും സാധാ​ര​ണ​മാ​യി പിതാ​വി​ന്റെ മരണം​വരെ ഇല്ലായി​രു​ന്നു. (ആവർത്ത​ന​പു​സ്‌തകം 21:15-17) എന്നാൽ തന്റെ പങ്ക്‌ മുൻകൂ​റാ​യി ചോദി​ച്ചത്‌ അവന്റെ ഹൃദയം എത്ര കഠിന​മാ​യി​ട്ടാ​യി​രി​ക്കണം! എന്നിട്ടും, പിതാവ്‌ സ്‌നേ​ഹ​പൂർവം അതിനു സമ്മതിച്ചു. (താരത​മ്യം ചെയ്യുക: ഉല്‌പത്തി 25:5, 6.) അപ്പോൾ വ്യക്തമാ​യും, പിതാ​വി​ന്റെയല്ല, യുവാ​വി​ന്റെ മനോ​ഭാ​വ​മാ​യി​രു​ന്നു തെററ്‌. പണ്ഡിത​നായ ആൽ​ഫ്രെഡ്‌ എഡെർഷൈം പറയു​ന്ന​തു​പോ​ലെ സാധ്യ​ത​യ​നു​സ​രിച്ച്‌ അവന്‌ “ഭവനത്തി​ലെ ക്രമവും ശിക്ഷണ​വും ഇഷ്ടമി​ല്ലാ​യി​രു​ന്നു.” “സ്വാത​ന്ത്ര്യ​ത്തി​നും ആസ്വാ​ദ​ന​ത്തി​നു​മാ​യുള്ള” ഒരു സ്വാർഥ “ആഗ്രഹ”മുണ്ടാ​യി​രു​ന്നു​താ​നും.

ഈ പരമ്പര​യിൽ മുമ്പൊ​രു ലേഖനം സമ്മതി​ച്ചു​പ​റ​ഞ്ഞ​തു​പോ​ലെ, എല്ലാ മാതാ​പി​താ​ക്ക​ളും ദയയും ചിന്തയും ഉള്ളവരല്ല.a എന്നിരു​ന്നാ​ലും, മാതാ​പി​താ​ക്ക​ളിൽ ആരെങ്കി​ലും പരുഷ​നോ ന്യായ​ബോ​ധ​മി​ല്ലാ​ത്ത​വ​നോ ആയിരി​ക്കു​മ്പോൾ മത്സരമല്ല പരിഹാ​രം. ആത്യന്തി​ക​മാ​യി അതു സ്വവി​നാ​ശ​ക​മാണ്‌. വീണ്ടും യേശു​വി​ന്റെ ഉപമ പരിചി​ന്തി​ക്കുക. ഭവനത്തിൽനി​ന്നു ദൂര​ദേ​ശ​ത്തേക്കു യാത്ര​ചെയ്‌ത യുവാവ്‌ “ദുർന്ന​ട​പ്പു​കാ​ര​നാ​യി ജീവിച്ച്‌ വസ്‌തു നാനാ​വി​ധ​മാ​ക്കി​ക്ക​ളഞ്ഞു. എല്ലാം ചെലവ​ഴി​ച്ച​ശേഷം ആ ദേശത്തു കഠിന​ക്ഷാ​മം ഉണ്ടായി​ട്ടു അവന്നു മുട്ടു വന്നുതു​ടങ്ങി.” എന്നിട്ടും അവനു സുബോ​ധം വന്നില്ല. ആത്മവി​ശ്വാ​സ​ത്തോ​ടു​കൂ​ടി പിന്നെ​യും “അവൻ ആ ദേശത്തി​ലെ പൌരൻമാ​രിൽ ഒരുത്തനെ ചെന്നു ആശ്രയി​ച്ചു; അവൻ അവനെ തന്റെ വയലിൽ പന്നികളെ മേയ്‌പാൻ അയച്ചു. പന്നി തിന്നുന്ന വാളവ​ര​കൊ​ണ്ടു വയറു നിറെ​പ്പാൻ അവൻ ആഗ്രഹി​ച്ചു എങ്കിലും ആരും അവന്നു കൊടു​ത്തില്ല.”

ബൈബിൾ പണ്ഡിത​നായ ഹെർബെർട്ട്‌ ലോക്ക്‌യർ പറയുന്നു: “‘പന്നികളെ മേയ്‌ക്കാൻ’ എന്നു കേട്ട​പ്പോൾ യേശു​വി​നെ കേട്ടു​കൊ​ണ്ടി​രുന്ന യഹൂദൻമാർ ഒന്നു ഞെട്ടി​ക്കാ​ണും. എന്തു​കൊ​ണ്ടെ​ന്നാൽ ഒരു യഹൂദന്‌ ഇതില​പ്പു​റം അവമാനം വേറൊ​ന്നില്ല.” ഇതു​പോ​ലെ​തന്നെ ഇന്ന്‌ ബൈബിൾ സത്യങ്ങൾ ഉപേക്ഷി​ച്ചു​പോ​കു​ന്നവർ വിഷമ​ക​ര​മോ ലജ്ജാകരം പോലു​മോ ആയ സാഹച​ര്യ​ങ്ങ​ളിൽ എത്തി​ച്ചേ​രു​ന്നു. വീടു​വി​ട്ടു​പോയ ഒരു ക്രിസ്‌തീയ പെൺകു​ട്ടി ഇപ്രകാ​രം സമ്മതി​ച്ചു​പ​റ​യു​ന്നു: “എന്റെ പണം മുഴു​വ​നും മയക്കു​മ​രു​ന്നി​നു​വേണ്ടി കളഞ്ഞു. മറെറാ​ന്നി​നും എനിക്കു പണമി​ല്ലാ​യി​രു​ന്നു. അതു​കൊണ്ട്‌ ശീലങ്ങളെ തൃപ്‌തി​പ്പെ​ടു​ത്താൻ വേണ്ടി ഞാൻ കടകളിൽനി​ന്നു കണ്ണിൽക്ക​ണ്ട​തെ​ല്ലാം മോഷ്ടി​ച്ചു.”

‘അവന്‌ സുബോ​ധം വന്നു’

എന്നിരു​ന്നാ​ലും, തന്റെ ദാരു​ണ​മായ സാഹച​ര്യ​ങ്ങ​ളോട്‌ മുടി​യ​നായ പുത്രൻ എങ്ങനെ പ്രതി​ക​രി​ച്ചു? അവന്‌ ഒടുവിൽ “സുബോ​ധം വ”ന്നെന്ന്‌ യേശു പറഞ്ഞു. മൂല ഗ്രീക്കു പദങ്ങളു​ടെ അർഥം “അവനി​ലേ​ക്കു​തന്നെ വന്നു” എന്നാണ്‌. മററു വാക്കു​ക​ളിൽ പറഞ്ഞാൽ, തന്റെ അവസ്ഥ യഥാർഥ​ത്തിൽ എത്ര നിരാ​ശാ​പൂർണ​മാ​ണെന്നു കാണാതെ അവൻ ഭ്രാന്ത​മായ ഒരു ഭാവനാ ലോകത്തു “മതിമ​റന്നു” ജീവി​ക്കു​ക​യാ​യി​രു​ന്നു.—താരത​മ്യം ചെയ്യുക: 2 തിമൊ​ഥെ​യൊസ്‌ 2:24-26.

ഇന്നത്തെ മത്സരി​ക​ളായ ചില യുവാ​ക്ക​ളും ഇതു​പോ​ലെ ഞെട്ടി​ക്കുന്ന യാഥാർഥ്യ​ങ്ങളെ അഭിമു​ഖീ​ക​രി​ച്ചി​ട്ടുണ്ട്‌. ജയിൽ, ഗുരു​ത​ര​മായ പരിക്ക്‌, ലൈം​ഗി​ക​മാ​യി പകരുന്ന രോഗങ്ങൾ എന്നുവേണ്ട, കാടു​ക​യ​റി​യുള്ള ജീവി​ത​ത്തി​ന്റെ ദാരു​ണ​മായ ഭവിഷ്യ​ത്തു​കൾ കൊയ്യു​ന്നത്‌ വാസ്‌ത​വ​ത്തിൽ സുബോ​ധം വരുത്തുന്ന അനുഭ​വ​മാ​യി​രി​ക്കാം. സദൃശ​വാ​ക്യ​ങ്ങൾ 1:32-ലെ ഈ വാക്കുകൾ സത്യമാ​ണെന്ന്‌ ഒടുവിൽ വേദനാ​ക​ര​മായ അനുഭവം പഠിപ്പി​ക്കു​ന്നു: “ബുദ്ധി​ഹീ​ന​രു​ടെ പിൻമാ​ററം അവരെ കൊല്ലും.”

മാതാ​പി​താ​ക്ക​ളെ വിട്ടു​പോ​യി മയക്കു​മ​രു​ന്നിൽ അകപ്പെട്ട യുവ എലിസ​ബ​ത്തി​ന്റെ കാര്യം പരിചി​ന്തി​ക്കുക. “ഞാൻ യഹോ​വ​യെ​ക്കു​റി​ച്ചു മറന്നു​പോ​യി,” അവൾ പറയുന്നു. എന്നാൽ ന്യൂ​യോർക്ക്‌ സന്ദർശി​ക്കവേ അവൾ യഹോ​വ​യു​ടെ സാക്ഷി​ക​ളു​ടെ ലോക ആസ്ഥാനം​വഴി കടന്നു​പോ​യി. ഫലമോ? “എന്റെ മനസ്സി​ലൂ​ടെ​യും ഹൃദയ​ത്തി​ലൂ​ടെ​യും വേദന ആളിക്ക​ട​ന്നു​പോ​യി,” അവൾ അനുസ്‌മ​രി​ക്കു​ന്നു. “ഞാൻ എന്താണീ ചെയ്‌തത്‌? ഇത്തരം ഒരു ദുരന്ത​ത്തി​ലേക്കു വഴുതി​വീ​ഴാൻ ഞാൻ എന്റെ ജീവി​തത്തെ എങ്ങനെ അനുവ​ദി​ച്ചു?”

മുടി​യ​നാ​യ പുത്രൻ ഒടുവിൽ യാഥാർഥ്യ​ത്തെ അഭിമു​ഖീ​ക​രി​ച്ച​പ്പോൾ ഒരു ധീരമായ തീരു​മാ​നം എടുത്തു—വീട്ടിൽ പോകുക, ജീവിതം നേരെ​യാ​ക്കുക! എന്നാൽ പുത്ര​നാൽ വ്രണ​പ്പെ​ടു​ത്ത​പ്പെ​ടു​ക​യും വഞ്ചിക്ക​പ്പെ​ടു​ക​യും ചെയ്‌ത അപ്പൻ എങ്ങനെ പ്രതി​ക​രി​ക്കും? വിവരണം മറുപടി നൽകുന്നു: “ദൂരത്തു​നി​ന്നു തന്നേ അപ്പൻ അവനെ കണ്ടു മനസ്സലി​ഞ്ഞു ഓടി​ച്ചെന്നു അവന്റെ കഴുത്തു കെട്ടി​പ്പി​ടി​ച്ചു അവനെ ചുംബി​ച്ചു.” അതേ, ശ്രദ്ധാ​പൂർവം പരിശീ​ലിച്ച തന്റെ കുററ​സ​മ്മതം മൊഴി​യാൻ യുവാ​വിന്‌ കഴിയും​മു​മ്പേ സ്‌നേ​ഹ​വും ക്ഷമയും പ്രകടി​പ്പി​ക്കാൻ പിതാവ്‌ മുൻകൈ എടുത്തു​ക​ഴി​ഞ്ഞു!

ദൈവ​വു​മാ​യി കാര്യങ്ങൾ നേരെ​യാ​ക്കൽ

എങ്കിലും മുടി​യ​നായ പുത്രൻ അപ്പനോട്‌ ഇങ്ങനെ പറഞ്ഞു: “ഞാൻ സ്വർഗ്ഗ​ത്തോ​ടും നിന്നോ​ടും പാപം ചെയ്‌തി​രി​ക്കു​ന്നു.” ഇതിലെ പാഠം? ദൈവ​ത്തി​ന്റെ വഴിക​ളിൽനിന്ന്‌ അകന്നു​പോ​യി​രി​ക്കുന്ന യുവാ​ക്കൾക്ക്‌ ദൈവ​വു​മാ​യി​ത്തന്നെ “കാര്യങ്ങൾ നേരെയാ”ക്കാതെ തങ്ങളുടെ ജീവിതം നേരെ​യാ​ക്കാ​നാ​വില്ല! (യെശയ്യാവ്‌ 1:18 NW) യഹോവ അത്തരം അനുര​ഞ്‌ജനം സാധ്യ​മാ​ക്കി​ത്തീർക്കു​ന്ന​തിന്‌ നമുക്കു നന്ദിയു​ള്ള​വ​രാ​യി​രി​ക്കാൻ കഴിയും. വാസ്‌ത​വ​ത്തിൽ, യേശു​വി​ന്റെ ഉപമയി​ലെ പിതാവ്‌ യഹോ​വ​യാം ദൈവ​ത്തി​ന്റെ ഒരു പ്രതീ​ക​മാണ്‌. അനുതാ​പ​മുള്ള പാപി​ക​ളോട്‌ ഇപ്രകാ​രം പറഞ്ഞു​കൊണ്ട്‌ ദൈവം അതേ ക്ഷമാ മനോ​ഭാ​വം പ്രകട​മാ​ക്കു​ന്നു: “എന്റെ അടുക്ക​ലേക്കു മടങ്ങി​വ​രു​വിൻ; ഞാൻ നിങ്ങളു​ടെ അടുക്ക​ലേ​ക്കും മടങ്ങി​വ​രും.” (മലാഖി 3:7; താരത​മ്യം ചെയ്യുക: സങ്കീർത്തനം 103:13, 14.) എന്നാൽ ബൈബിൾ കാലങ്ങ​ളി​ലെ തെററു​പ​റ​റിയ യഹൂദൻമാ​രെ​പ്പോ​ലെ അത്തരക്കാർ ഇപ്രകാ​രം തീരു​മാ​ന​മെ​ടു​ക്കണം: നമുക്ക്‌ “നമ്മുടെ നടപ്പു ആരാഞ്ഞു ശോധ​ന​ചെ​യ്‌തു യഹോ​വ​യു​ടെ അടുക്ക​ലേക്കു തിരി”യാം.—വിലാ​പങ്ങൾ 3:40.

ഇത്‌ ഒരുവന്റെ പാപഗതി സൂക്ഷ്‌മ​മാ​യി നിരീ​ക്ഷി​ക്കു​ന്ന​തി​നെ അർഥമാ​ക്കു​ന്നു. തെററു​കാ​ര​നായ ഒരു യുവാവ്‌ ഇതു ചെയ്യു​മ്പോൾ യഹോ​വ​യാം ദൈവ​ത്തി​നു മുമ്പാകെ തന്റെ പാപങ്ങൾ ഏററു​പ​റ​യാൻ അവൻ പ്രേരി​ത​നാ​കണം. സങ്കീർത്ത​ന​ക്കാ​രൻ ഇപ്രകാ​രം പറഞ്ഞു: “ഞാൻ മിണ്ടാ​തെ​യി​രു​ന്ന​പ്പോൾ നിത്യ​മായ ഞരക്കത്താൽ എന്റെ അസ്ഥികൾ ക്ഷയിച്ചു​പോ​യി; . . . ഞാൻ എന്റെ പാപം നിന്നോ​ട​റി​യി​ച്ചു; എന്റെ അകൃത്യം മറെച്ച​തു​മില്ല. . . . അപ്പോൾ നീ എന്റെ പാപത്തി​ന്റെ കുററം ക്ഷമിച്ചു​തന്നു.”—സങ്കീർത്തനം 32:3-5.

ഒരുപക്ഷേ ഗർഭച്ഛി​ദ്രം, വിവേ​ച​നാ​ര​ഹി​ത​മായ ലൈം​ഗി​ക​ബന്ധം, മയക്കു​മ​രു​ന്നു ദുരു​പ​യോ​ഗം, കുററ​കൃ​ത്യം എന്നിങ്ങനെ വളരെ ഗുരു​ത​ര​മായ തെററു​ക​ളിൽ ഒരു യുവാവ്‌ ഉൾപ്പെ​ട്ടു​പോ​യി​രി​ക്കു​ന്നെ​ങ്കിൽ എന്ത്‌? താൻ ക്ഷമയ്‌ക്കു യോഗ്യ​ന​ല്ലെന്ന്‌ അത്തരക്കാ​രനു തോന്നി​യേ​ക്കാം. തുടക്ക​ത്തിൽ പരാമർശിച്ച ജോണിന്‌ അങ്ങനെ തോന്നി. അതു​കൊ​ണ്ടാണ്‌ അവൻ അകത്തേക്കു കയറാതെ രാജ്യ​ഹാ​ളി​നു പുറത്ത്‌ അറെച്ചു നിന്നത്‌. ഒടുവിൽ, പുരാതന ഇസ്രാ​യേ​ലി​ലെ മനശ്ശെ രാജാ​വും കൊല​പാ​ത​ക​മുൾപ്പെടെ ഗുരു​ത​ര​മായ പാപങ്ങൾക്കു കുററ​ക്കാ​ര​നാ​യി​രു​ന്നു എന്നും എന്നിട്ടും യഹോവ അവനോ​ടു ക്ഷമി​ച്ചെ​ന്നും ദയാലു​വായ ഒരു സഭാ മൂപ്പൻ അവനെ ഓർപ്പി​ച്ച​പ്പോ​ഴാണ്‌ അവൻ അകത്തു കയറി​യത്‌! (2 ദിനവൃ​ത്താ​ന്തം 33:1-13) “ആ മൂപ്പൻ എന്റെ ജീവൻ രക്ഷിച്ചു,” ജോൺ പറയുന്നു. ക്ഷമ സാധ്യ​മാ​ണെന്ന്‌ അറിഞ്ഞ ജോണിന്‌ രാജ്യ​ഹാ​ളിൽ കയറി സഹായം ചോദി​ക്കാ​നുള്ള ധൈര്യം ലഭിച്ചു.b

ഈ അവസ്ഥയി​ലാ​യി​രി​ക്കുന്ന മിക്ക യുവാ​ക്കൾക്കും ദൈവ​വു​മാ​യി കാര്യങ്ങൾ നേരെ​യാ​ക്കാൻ ഇതു​പോ​ലെ സഹായം ആവശ്യ​മാണ്‌. ഇത്തരു​ണ​ത്തിൽ പ്രാ​ദേ​ശിക സഭാമൂ​പ്പൻമാർക്കു വളരെ​യ​ധി​കം നൻമ ചെയ്യാൻ കഴിയും. ഒരു യുവാവ്‌ ‘തന്റെ പാപങ്ങൾ തുറന്നു സമ്മതിക്കു’മ്പോൾ അവർക്കു സമാനു​ഭാ​വ​ത്തോ​ടും ഗ്രാഹ്യ​ത്തോ​ടും കൂടെ ശ്രദ്ധി​ക്കാൻ കഴിയും. കൂടാതെ ശിക്ഷണ​വും പ്രാ​യോ​ഗിക സഹായ​വും അവർക്കു കൊടു​ക്കാൻ കഴിയും. ഉദാഹ​ര​ണ​ത്തിന്‌, ഒരു കുടുംബ ബൈബി​ള​ധ്യ​യനം മുഖേന ദൈവ​വ​ച​ന​ത്തി​ന്റെ ‘ആദ്യപാ​ഠങ്ങൾ ഉപദേ​ശി​ച്ചു​കൊ​ടു​ക്കാൻ’ അവർ യുവാ​വി​നു​വേണ്ടി ആരെ​യെ​ങ്കി​ലും ഏർപ്പെ​ടു​ത്തി​യേ​ക്കാം. തെററു​കാ​രന്‌ പ്രാർഥി​ക്കാൻ ബുദ്ധി​മുട്ട്‌ അനുഭ​വ​പ്പെ​ടു​ന്നെ​ങ്കിൽ അവനു​വേ​ണ്ടി​യോ അവൾക്കു​വേ​ണ്ടി​യോ മൂപ്പന്‌ പ്രാർഥി​ക്കാ​വു​ന്ന​താണ്‌. “വിശ്വാ​സ​ത്തോ​ടു​കൂ​ടിയ പ്രാർത്ഥന ദീനക്കാ​രനെ രക്ഷിക്കും,” എന്ന്‌ ബൈബിൾ നമുക്ക്‌ ഉറപ്പു നൽകുന്നു.—യാക്കോബ്‌ 5:14-16; എബ്രായർ 5:12.

നിങ്ങളു​ടെ കാലിനു പാത നിരത്തു​വിൻ

ദൈവ​വു​മാ​യി കാര്യങ്ങൾ നേരെ​യാ​ക്കു​ന്നത്‌ തീർച്ച​യാ​യും ഒരു തുടക്കം മാത്ര​മാണ്‌. മുടി​യ​നായ പുത്രൻ തന്റെ പിതാ​വി​നോ​ടു ക്ഷമാപണം നടത്തി​യ​തു​പോ​ലെ തെററു​കാ​രായ യുവാ​ക്ക​ളും തങ്ങളുടെ മാതാ​പി​താ​ക്ക​ളോ​ടു ക്ഷമാപണം നടത്തേ​ണ്ട​തുണ്ട്‌. അവർ അനുഭ​വി​ച്ചി​രി​ക്കുന്ന വേദന കുറെ ലഘൂക​രി​ക്കാ​നും അവരുടെ പിന്തുണ ഉറപ്പാ​ക്കാ​നും ആത്മാർഥ​മായ ഒരു ക്ഷമാപണം വളരെ​യ​ധി​കം സഹായി​ക്കു​ന്നു. വീടു​വി​ട്ടി​റ​ങ്ങി​പ്പോ​യിട്ട്‌ ഒരു ജാര സന്തതി​യു​മാ​യി വീട്ടിൽ തിരി​ച്ചെ​ത്തിയ ഒരു യുവതി ഇപ്രകാ​രം അനുസ്‌മ​രി​ക്കു​ന്നു: “ഡാഡി​യും മമ്മിയും എന്നോടു വളരെ​യ​ധി​കം സ്‌നേഹം കാണിച്ചു.”

ദൈവത്തെ പ്രസാ​ദി​പ്പി​ക്കാ​നാ​ഗ്ര​ഹി​ക്കുന്ന ഒരു യുവാവ്‌ ‘തന്റെ കാലിന്നു പാത നിരത്തി​ക്കൊ​ണ്ടേ​യി​രി​ക്കണം.’ (എബ്രായർ 12:13) അവന്റെ ജീവി​ത​ശൈലി, ശീലങ്ങൾ, സഹകാ​രി​കൾ എന്നിവ​യ്‌ക്കു മാററം വരുത്തു​ന്ന​തി​നെ ഇത്‌ അർഥമാ​ക്കി​യേ​ക്കാം. (സങ്കീർത്തനം 25:9; സദൃശ​വാ​ക്യ​ങ്ങൾ 9:6) വ്യക്തി​പ​ര​മായ പഠനത്തി​ന്റെ ഒരു പതിവു​ണ്ടാ​ക്കു​ന്ന​തും പ്രധാ​ന​മാണ്‌. മുമ്പു മത്സരി​യാ​യി​രുന്ന ഒരു പെൺകു​ട്ടി ഇപ്രകാ​രം പറയുന്നു: “ഞാൻ എന്നും ബൈബിൾ വായി​ക്കു​ന്നു, കൂടാതെ യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച എല്ലാ ബൈബി​ള​ധി​ഷ്‌ഠിത വിവര​ങ്ങ​ളും. എനിക്ക്‌ വീണ്ടു​മൊ​ര​വ​സരം നൽകി​യ​തി​നു ഞാൻ ദൈവ​ത്തി​നു നന്ദി പറയുന്നു.”

ജോൺ ഇപ്രകാ​രം പറഞ്ഞു​കൊ​ണ്ടു കാര്യ​ങ്ങളെ സംക്ഷേ​പി​ക്കു​ന്നു: “നഷ്ടപ്പെ​ടു​ത്തി​ക്കളഞ്ഞ സമയ​ത്തെ​ക്കു​റിച്ച്‌ ഞാൻ തിരി​ഞ്ഞു​ചി​ന്തി​ക്കു​ക​യാണ്‌. കാര്യങ്ങൾ മെച്ചമാ​യി ചെയ്യാൻ കഴിയു​മാ​യി​രുന്ന വഴിക​ളെ​ക്കു​റി​ച്ചു ഞാൻ ചിന്തി​ച്ചു​പോ​കു​ന്നു. എന്നാൽ സംഭവി​ച്ചത്‌ ഇല്ലാതാ​ക്കാൻ പററി​ല്ല​ല്ലോ.” സന്തോ​ഷ​ക​ര​മെന്നു പറയട്ടെ, തന്നെ ഉപേക്ഷി​ച്ചു പോയ​വരെ മടങ്ങി​വ​രാൻ ഊഷ്‌മ​ള​മാ​യി ക്ഷണിക്കുന്ന കരുണ​യുള്ള ഒരു ദൈവ​ത്തെ​യാണ്‌ നാം ആരാധി​ക്കു​ന്നത്‌. എന്തു​കൊണ്ട്‌ അവന്റെ ക്ഷണം സ്വീക​രി​ച്ചു​കൂ​ടാ?

[അടിക്കു​റി​പ്പു​കൾ]

[20-ാം പേജിലെ ചിത്രം]

ജീവിതം നേരെ​യാ​ക്കാൻ പക്വത​യുള്ള ക്രിസ്‌ത്യാ​നി​കൾക്കു നിങ്ങളെ സഹായി​ക്കാൻ കഴിയും