മാതാ​പി​താ​ക്കൾ തട്ടി​ക്കൊ​ണ്ടു​പോ​കു​മ്പോൾ

ഭർത്താ​വിൽനി​ന്നു വർഷങ്ങ​ളോ​ളം ക്രൂര​മർദ​ന​വും ഗുരു​ത​ര​മായ വൈകാ​രിക ദ്രോ​ഹ​വും അനുഭ​വി​ക്കു​ക​യും ഒടുവിൽ ഭർത്താവ്‌ അവളെ വിട്ട്‌ മറെറാ​രു സ്‌ത്രീ​യു​ടെ പുറകെ പോകു​ക​യും ചെയ്‌ത​പ്പോൾ ഷെറിൽ വിവാ​ഹ​മോ​ച​ന​ത്തി​നു​വേണ്ടി അപേക്ഷി​ച്ചു.a കുട്ടി​കളെ തന്റെ കസ്‌റ​റ​ഡി​യിൽ വെക്കാൻ കോടതി അനുവ​ദി​ച്ച​പ്പോൾ അവൾ ജീവി​ത​ശ​ക​ലങ്ങൾ വീണ്ടും തുന്നി​ച്ചേർത്തു തുടങ്ങി, ശാന്തത സാവധാ​നം മടങ്ങി​യെത്തി—ഒരുദി​വസം ഫോൺബെൽ മുഴങ്ങു​ന്ന​തു​വരെ. അത്‌ അവളുടെ മുൻ ഭർത്താ​വാ​യി​രു​ന്നു. അദ്ദേഹം പറഞ്ഞു: “നീ നിന്റെ കുട്ടി​കളെ വീണ്ടും കാണാൻ ആഗ്രഹി​ക്കു​ന്നെ​ങ്കിൽ എന്നെ വീണ്ടും വിവാഹം കഴിക്കാൻ തയ്യാറാ​കണം”! പിതാ​വി​നോ​ടൊ​പ്പം അദ്ദേഹ​ത്തി​ന്റെ സ്വദേ​ശ​ത്തേക്ക്‌ ഒരു മാസത്തെ സന്ദർശ​ന​ത്തി​നു പോയ​ശേഷം അവരെ അമ്മയുടെ അടു​ത്തേക്കു തിരി​കെ​വി​ടാ​തി​രു​ന്ന​പ്പോൾ ഷെറി​ലി​ന്റെ കുട്ടികൾ അപഹരി​ക്ക​പ്പെട്ടു.

ആകെ തകർന്നു​പോയ ഷെറിൽ യു.എസ്‌. സംസ്ഥാന ഡിപ്പാർട്ടു​മെൻറി​നു ഹർജി സമർപ്പി​ച്ചു. എന്നാൽ മറെറാ​രു രാജ്യ​ത്തുള്ള അവളുടെ കുട്ടി​കളെ വീണ്ടെ​ടു​ക്കാൻ നിയമ​പ​ര​മായ ഒരു മാർഗ​വും കണ്ടില്ല. മർദന​ത്തി​ന്റെ വർഷങ്ങ​ളി​ലു​ട​നീ​ളം അവൾ അനുഭ​വി​ച്ചി​രുന്ന തികഞ്ഞ നിസ്സഹാ​യ​ത​യു​ടെ വികാ​രങ്ങൾ മടങ്ങി​യെത്തി. “അത്‌ ഏതാണ്ട്‌ പഴയതു​പോ​ലെ​ത​ന്നെ​യാ​യി​രു​ന്നു. അതെങ്ങനെ നിർത്ത​ണ​മെന്ന്‌ അറിയില്ല,” അവൾ വിശദ​മാ​ക്കു​ന്നു.

“മാനസിക അക്രമം”

മാതാ​പി​താ​ക്ക​ളി​ലൊ​രാൾക്കും കുട്ടി​ക്കു​മെ​തി​രെ ചെയ്യുന്ന “ഏററവും വലിയ മാനസിക അക്രമണ നടപടി”യെന്നു മാതാ​പി​താ​ക്കൾ നടത്തുന്ന തട്ടി​യെ​ടു​ക്ക​ലി​നെ വിളി​ച്ചി​രി​ക്കു​ന്നു. ചൈൽഡ്‌ ഫൈൻഡ്‌ ഓഫ്‌ അമേരിക്ക, ഇങ്ക്‌-ന്റെ എക്‌സി​ക്യൂ​ട്ടീവ്‌ ഡയറക്ട​റായ കാരളിൻ സൊഗ്‌ അത്തരം തട്ടി​യെ​ടു​ക്ക​ലു​കാ​രെ​പ്പ​ററി ഇപ്രകാ​രം പറഞ്ഞു: “ഇതു ചെയ്യുന്ന മിക്ക മാതാ​പി​താ​ക്ക​ളും പ്രതി​കാ​രം ചെയ്യു​ക​യാണ്‌. ഏററവും മോശ​മായ വിധത്തി​ലും ഏററവും വ്രണ​പ്പെ​ടുന്ന മേഖല​യി​ലു​മാണ്‌ അവർ പ്രതി​കാ​രം ചെയ്യു​ന്നത്‌. അത്‌ [നിയമ​പ​ര​മായ കസ്‌റ​റ​ഡി​യുള്ള മാതാ​ക്കൾക്കോ പിതാ​ക്കൾക്കോ] ഏററവും പ്രിയ​പ്പെട്ട മേഖല​യാണ്‌—അവരുടെ മണിമു​ത്തു​ക​ളായ കുട്ടികൾ. . . . അവർ കുട്ടി​യെ​ക്കു​റി​ച്ചു ചിന്തി​ക്കു​ന്നില്ല, തങ്ങളെ​ക്കു​റി​ച്ചും പ്രതി​കാ​ര​ത്തെ​ക്കു​റി​ച്ചും—തിരി​ച്ച​ടി​യെ​ക്കു​റിച്ച്‌—മാത്രം.”

ഒരു കുട്ടി അപഹരി​ക്ക​പ്പെ​ടു​മ്പോൾ മാതാ​പി​താ​ക്ക​ളിൽ ഒരാൾ കോപ​ത്തി​ന്റെ​യും നഷ്ടബോ​ധ​ത്തി​ന്റെ​യും നിസ്സഹാ​യ​ത​യു​ടെ​യും ഉത്‌ക​ണ്‌ഠ​യു​ടെ​യും വികാ​ര​ങ്ങൾക്കു വഴി​പ്പെ​ടു​ന്ന​തോ​ടൊ​പ്പം ഒട്ടുമി​ക്ക​പ്പോ​ഴും കുട്ടി​യു​ടെ വൈകാ​രിക ക്ഷേമത്തി​നും ഒരു പരിധി​യോ​ളം ക്ഷതമേൽക്കു​ന്നു. ചില കേസു​ക​ളിൽ, മാതാ​പി​താ​ക്ക​ളിൽ മറേറ​യാ​ളു​മാ​യുള്ള അടുത്ത ബന്ധങ്ങളും ആ ആളി​നെ​ക്കു​റി​ച്ചുള്ള വളച്ചൊ​ടിച്ച വിവര​ങ്ങ​ളും നുണക​ളും കേൾക്കു​ന്ന​തും ഒഴിവാ​ക്കാൻ വേണ്ടി കുട്ടിക്ക്‌ ഒളിച്ചും പാത്തും നടക്കേ​ണ്ടി​വ​ന്നേ​ക്കാം. ഈ അനുഭവം കിടക്ക നനയ്‌ക്കൽ, ഉറക്കമി​ല്ലായ്‌മ, പററി​ക്കൂ​ടുന്ന സ്വഭാവം, ജനലുകൾ കതകുകൾ എന്നിവയെ പേടി, അങ്ങേയ​റ​റത്തെ ഭയം എന്നിങ്ങനെ ക്രമ​ക്കേ​ടു​ക​ളു​ടെ ഒരു പരമ്പര​തന്നെ ഉണ്ടാക്കി​യേ​ക്കാം. മുതിർന്ന കുട്ടി​ക​ളിൽപ്പോ​ലും അതിന്‌ സങ്കടവും ക്രോ​ധാ​വേ​ശ​വും ഉണ്ടാക്കാൻ കഴിയും.

മാതാ​പി​താ​ക്ക​ളി​ലൊ​രാൾ കസ്‌റ​റഡി ഉത്തരവ്‌ അതിലം​ഘി​ച്ചു​കൊണ്ട്‌ കുട്ടിയെ കൈവ​ശ​പ്പെ​ടു​ത്തു​ക​യോ അനുവ​ദി​ച്ചി​രി​ക്കുന്ന സമയത്തി​നു​ള്ളിൽ കുട്ടിയെ മടക്കി​ക്കൊ​ടു​ക്കാൻ പരാജ​യ​പ്പെ​ടു​ക​യോ ചെയ്യുന്ന 3,50,000-ത്തിലധി​കം കേസുകൾ ഐക്യ​നാ​ടു​ക​ളിൽ ഓരോ വർഷവും ഉണ്ട്‌. ഇവയിൽ 1,00,000-ത്തിലധി​കം കേസു​ക​ളിൽ ഒരു കുടും​ബാം​ഗം മാതാ​പി​താ​ക്ക​ളിൽ മറേറ​യാ​ളിൽനിന്ന്‌ അവനെ​യോ അവളെ​യോ എന്നെ​ന്നേ​ക്കു​മാ​യി അകററി​നിർത്താ​നുള്ള ഉദ്ദേശ്യ​ത്തിൽ ഒളിപ്പി​ച്ചു​വെ​ക്കു​ക​യാ​ണു ചെയ്യു​ന്നത്‌. ചിലരെ സംസ്ഥാ​ന​ത്തിന്‌, രാജ്യ​ത്തി​നു വെളി​യി​ലേ​ക്കു​പോ​ലും കൊണ്ടു​പോ​കു​ന്നു.

മററു കാരണങ്ങൾ

അനുര​ഞ്‌ജ​ന​ത്തി​നുള്ള ആഗ്രഹ​മോ പ്രതി​കാ​ര​ബു​ദ്ധി​യോ ആണോ എല്ലായ്‌പോ​ഴും തങ്ങളുടെ കുട്ടി​കളെ തട്ടി​യെ​ടു​ക്കാൻ മാതാ​പി​താ​ക്കളെ പ്രേരി​പ്പി​ക്കു​ന്നത്‌? തങ്ങളുടെ മുൻ ഇണയു​മാ​യുള്ള കസ്‌റ​റഡി പോരാ​ട്ട​ത്തിൽ തോൽക്കു​ന്ന​തി​നെ​ക്കു​റിച്ച്‌ ചിലർ ഭയപ്പെ​ടു​ക​യും “ഭയം മൂലം അവർ ബലാൽക്കാ​ര​മാ​യി പ്രവർത്തി​ക്കു​ക​യും ചെയ്യുന്നു”വെന്ന്‌ ചൈൽഡ്‌ ഫൈൻഡി​ലെ മൈക്കിൾ നിപ്‌ഫിങ്‌ വിശദീ​ക​രി​ക്കു​ന്നു. അല്ലെങ്കിൽ കസ്‌റ​റഡി തീരു​മാ​നി​ക്ക​പ്പെ​ടു​ക​യും മാതാ​പി​താ​ക്ക​ളിൽ ഒരാൾ മറേറ​യാ​ളു​ടെ സന്ദർശി​ക്കാ​നുള്ള അവകാ​ശ​ങ്ങളെ നിഷേ​ധി​ച്ചു​കൊ​ണ്ടി​രി​ക്കു​ക​യും ചെയ്യു​മ്പോൾ നിരാശ സ്ഥാനം​പി​ടി​ക്കു​ന്നു. നിപ്‌ഫിങ്‌ ഇപ്രകാ​രം വിശദീ​ക​രി​ക്കു​ന്നു: “കുട്ടിയെ സ്‌നേ​ഹി​ക്കു​ക​യും കുട്ടിയെ കാണു​ന്നതു നിഷേ​ധി​ക്കു​ക​യും ചെയ്യു​ന്നെ​ങ്കിൽ കുട്ടിയെ തട്ടിപ്പ​റിച്ച്‌ ഓടു​ക​യ​ല്ലാ​തെ ഗത്യന്ത​ര​മി​ല്ലെന്നു വിചാ​രി​ക്കാൻ പ്രവണ​ത​യു​ണ്ടാ​കും.”

അദ്ദേഹം ഇങ്ങനെ​യും പ്രസ്‌താ​വി​ക്കു​ന്നു: ‘ഒരു കുട്ടിയെ തട്ടി​ക്കൊ​ണ്ടു​പോ​യാ​ലുള്ള ഭവിഷ്യ​ത്തു​കൾ മിക്കയാ​ളു​ക​ളും തിരി​ച്ച​റി​യു​ന്നില്ല. ജോലി​കി​ട്ടാൻ ബുദ്ധി​മു​ട്ടു​ണ്ടാ​കു​മെ​ന്നും അറസ്‌റ​റി​നുള്ള വാറണ്ടു​കൾ പുറ​പ്പെ​ടു​വി​ച്ചി​രി​ക്കു​ന്നു​വെ​ന്നു​മൊ​ന്നും അവർ മനസ്സി​ലാ​ക്കു​ന്നില്ല. പ്രശ്‌നം അവർക്കും മാതാ​പി​താ​ക്ക​ളിൽ മറേറ​യാൾക്കു​മി​ട​യിൽ മാത്ര​മാ​ണെന്ന്‌ അവർ വിചാ​രി​ക്കു​ന്നു. പൊലീസ്‌ ഈ കാര്യ​ത്തിൽ ഉൾപ്പെ​ടു​മെന്ന്‌ അവർ മനസ്സി​ലാ​ക്കു​ന്നില്ല. ഒരു വക്കീലി​നു പകരം അവർക്കു രണ്ടു വക്കീലൻമാ​രു​ടെ ആവശ്യ​മുണ്ട്‌. എന്തു​കൊ​ണ്ടെ​ന്നാൽ അവരുടെ കാര്യ​ത്തിൽ ഇപ്പോൾ കൈകാ​ര്യം ചെയ്യാൻ ഒരു ക്രിമി​നൽ കുററ​വു​മുണ്ട്‌, അതു​പോ​ലെ​തന്നെ കുട്ടി​യു​ടെ കസ്‌റ​റഡി ആർക്കു ലഭിക്കു​മെ​ന്ന​തി​നെ​പ്പ​റ​റി​യുള്ള പൗരസം​ബ​ന്ധ​മായ പ്രശ്‌ന​വു​മുണ്ട്‌.’

തങ്ങളുടെ കുട്ടി മാതാ​പി​താ​ക്ക​ളിൽ മറേറ​യാ​ളാൽ ദ്രോ​ഹി​ക്ക​പ്പെ​ടു​ന്നു​ണ്ടെന്നു ചില മാതാ​പി​താ​ക്കൾ സംശയി​ച്ചേ​ക്കാം. നിയമ​വ്യ​വസ്ഥ നടപടി​യെ​ടു​ക്കാൻ താമസി​ക്കു​ന്ന​പക്ഷം ഭഗ്നാശ​നായ ഒരു മാതാ​വോ പിതാ​വോ ഭവിഷ്യ​ത്തു​കൾ ഗണ്യമാ​ക്കാ​തെ പ്രവർത്തി​ച്ചേ​ക്കാം. അഞ്ചു വയസ്സു​കാ​രി ഹിലാരി മോർഗന്റെ സംഗതി​യിൽ ഇതാണു സംഭവി​ച്ചത്‌. ദ്രോ​ഹ​ത്തി​ന്റെ “വ്യക്തവും ബോധ്യം വരുത്തു​ന്ന​തു​മായ” തെളി​വി​ന്റെ അടിസ്ഥാ​ന​ത്തിൽ ഹിലാ​രി​യും അവളുടെ പിതാ​വും തമ്മിലുള്ള സന്ദർശ​നങ്ങൾ നിർത്ത​ണ​മെന്നു കുട്ടി​ക​ളു​ടെ ഒരു മനഃശാ​സ്‌ത്രജ്ഞൻ ഉപദേ​ശി​ച്ചു. എന്നാൽ ദ്രോ​ഹ​ത്തി​ന്റെ സംഗതി സംശയാ​സ്‌പ​ദ​മാ​ണെന്നു കോട​തി​കൾ പ്രഖ്യാ​പി​ക്കു​ക​യും മേൽനോ​ട്ടം കൂടാ​തെ​യുള്ള സന്ദർശ​നങ്ങൾ നിർദേ​ശി​ക്കു​ക​യും ചെയ്‌തു. ഹിലാ​രി​യു​ടെ മാതാ​വായ ഡോ. എലിസ​ബത്ത്‌ മോർഗൻ കോട​തി​യെ അതിലം​ഘി​ച്ചു​കൊണ്ട്‌ മകളെ ഒളിപ്പി​ച്ചു​വെച്ചു. സംരക്ഷ​ണ​ത്തി​നു​വേണ്ടി തട്ടി​ക്കൊണ്ട്‌ ഓടുന്ന അത്തരം ഒരു മാതാ​വി​നോട്‌ പൊതു​ജ​ന​ത്തി​നു വളരെ​യ​ധി​കം മനസ്സലി​വു തോന്നും.

എലിസ​ബത്ത്‌ മോർഗന്റെ സംഗതി​യിൽ, അവൾക്കു ശസ്‌ത്ര​ക്രി​യാ ജോലി നഷ്ടമാ​കു​ക​യും രണ്ടു വർഷത്തി​ല​ധി​കം തടവിൽ ചെലവ​ഴി​ക്കു​ക​യും 15 ലക്ഷത്തി​ല​ധി​കം ഡോള​റി​ന്റെ വൈദ്യ​സം​ബ​ന്ധ​വും നിയമ​സം​ബ​ന്ധ​വു​മായ കടങ്ങൾ കുന്നു​കൂ​ടു​ക​യും ചെയ്‌തു. യു.എസ്‌.ന്യൂസ്‌ & വേൾഡ്‌ റിപ്പോർട്ടി​നോട്‌ അവൾ ഇപ്രകാ​രം വിശദീ​ക​രി​ച്ചു: “ദ്രോഹം നിർത്തി​യി​ല്ലാ​യി​രു​ന്നെ​ങ്കിൽ എന്റെ കുട്ടി ഇപ്പോൾ ഒരു സ്ഥിര ഭ്രാന്തി​യാ​യി​ത്തീ​രു​മാ​യി​രു​ന്നെന്ന്‌ വിദഗ്‌ധർ എന്നോടു പറയുന്നു. . . . കോടതി ചെയ്യാൻ വിസമ്മ​തിച്ച ജോലി എനിക്കു ചെയ്യേ​ണ്ടി​വന്നു: എന്റെ കുട്ടിയെ രക്ഷിക്കുക എന്ന ജോലി.”

മാതാ​പി​താ​ക്ക​ളാ​ലുള്ള അപഹര​ണ​ങ്ങ​ളെ​പ്പ​ററി ഗവേഷ​ക​രായ ഗ്രീഫും ഹിഗാ​റും നടത്തിയ നിരീ​ക്ഷണം തീർച്ച​യാ​യും സത്യമാണ്‌: “ആഴമുള്ള കുളത്തി​ലെ വെള്ളം ഏതു കോണിൽ നോക്കു​ന്നു എന്നതനു​സ​രിച്ച്‌ അല്‌പാ​ല്‌പം വ്യത്യാ​സ​ത്തിൽ കാണ​പ്പെ​ടു​ന്നു; വെള്ളത്തി​ലേക്ക്‌ ഓരോ പ്രാവ​ശ്യം സൂക്ഷി​ച്ചു​നോ​ക്കു​മ്പോ​ഴും എന്തെങ്കി​ലും പുതി​യതു കാണാൻ കഴിയും. അതു​പോ​ലെ ഇവയെ​ല്ലാം അങ്ങേയ​ററം സങ്കീർണ​ങ്ങ​ളായ സംഭവ​ങ്ങ​ളാണ്‌.”—മാതാ​പി​താ​ക്കൾ തട്ടി​യെ​ടു​ക്കു​മ്പോൾ—തലക്കെ​ട്ടു​കൾക്കു പിന്നി​ലുള്ള കുടും​ബങ്ങൾ (ഇംഗ്ലീഷ്‌).

മാതാ​പി​താ​ക്ക​ളി​ലൊ​രാ​ളാ​ലോ അപരി​ചി​ത​രാ​ലോ തട്ടി​യെ​ടു​ക്ക​പ്പെ​ടുന്ന കുട്ടി​കളെ കൂടാതെ ലോക​മെ​മ്പാ​ടും മററു രീതി​യിൽ കാണാ​താ​കുന്ന ലക്ഷക്കണ​ക്കി​നു കുട്ടി​ക​ളുണ്ട്‌—ഉപേക്ഷി​ക്ക​പ്പെ​ടു​ന്ന​വ​രും ഒളി​ച്ചോ​ടി​പ്പോ​കു​ന്ന​വ​രും. അവർ ആരാണ്‌, അവർക്കെ​ന്താ​ണു സംഭവി​ക്കു​ന്നത്‌?

[അടിക്കു​റി​പ്പു​കൾ]