ബൈബി​ളി​ന്റെ വീക്ഷണം

വ്യഭി​ചാ​രം—ക്ഷമിക്ക​ണ​മോ വേണ്ടയോ?

“സ്വർഗ്ഗ​സ്ഥ​നായ നിങ്ങളു​ടെ പിതാവു നിങ്ങളു​ടെ പിഴക​ളെ​യും ക്ഷമി​ക്കേ​ണ്ട​തി​ന്നു നിങ്ങൾക്കു ആരോ​ടെ​ങ്കി​ലും വല്ലതും ഉണ്ടെങ്കിൽ അവനോ​ടു ക്ഷമിപ്പിൻ.” (മർക്കൊസ്‌ 11:25) വ്യഭി​ചാ​ര​ത്തി​ന്റെ ഫലമായി ആടിയു​ലഞ്ഞ ഒരു വിവാ​ഹ​ത്തി​ന്റെ കാര്യ​ത്തിൽ ആ വാക്കുകൾ വെല്ലു​വി​ളി​പൂർവ​ക​മായ ചില ചോദ്യ​ങ്ങൾ ഉയർത്തു​ന്നു: നിഷ്‌ക​ള​ങ്ക​യായ ക്രിസ്‌ത്യാ​നി അവളുടെ ഇണയോ​ടു ക്ഷമിക്കു​ക​യും അങ്ങനെ വിവാ​ഹത്തെ ഭദ്രമാ​യി നിലനിർത്തു​ക​യും വേണമോ?a വിവാ​ഹ​മോ​ചനം നടത്താൻ തീരു​മാ​നി​ക്കു​ന്നെ​ങ്കിൽ ദൈവ​വു​മാ​യുള്ള തന്റെ സ്വന്തം നിലപാ​ടി​നെ അവൾ അപകട​ത്തി​ലാ​ക്കു​ക​യാ​ണോ? ഈ ചോദ്യ​ങ്ങൾക്ക്‌ ഉത്തരം കണ്ടെത്താൻ ബൈബിൾ എങ്ങനെ സഹായി​ക്കു​ന്നു​വെന്നു നമുക്കു നോക്കാം.

എല്ലായ്‌പോ​ഴും നിങ്ങൾ ക്ഷമിക്ക​ണ​മോ?

“നിങ്ങൾക്കു ആരോ​ടെ​ങ്കി​ലും വല്ലതും ഉണ്ടെങ്കിൽ അവനോ​ടു ക്ഷമിപ്പിൻ” എന്ന യേശു​വി​ന്റെ വാക്കുകൾ, ഒരു ഇണ വ്യഭി​ചാ​രം ചെയ്യു​മ്പോ​ഴുൾപ്പെടെ, എല്ലാ സാഹച​ര്യ​ങ്ങ​ളി​ലും ഒരു ക്രിസ്‌ത്യാ​നി ക്ഷമിക്കാൻ കടപ്പെ​ട്ടി​രി​ക്കു​ന്നു എന്നർഥ​മാ​ക്കു​ന്നു​ണ്ടോ? ക്ഷമയെ​ക്കു​റി​ച്ചു യേശു നൽകിയ മറ്റ്‌ അഭി​പ്രാ​യ​ങ്ങ​ളു​ടെ വെളി​ച്ച​ത്തിൽ വേണം അവന്റെ പ്രസ്‌താ​വന മനസ്സി​ലാ​ക്കാൻ.

ഉദാഹ​ര​ണ​ത്തിന്‌, “സഹോ​ദരൻ പിഴെ​ച്ചാൽ അവനെ ശാസിക്ക; അവൻ മാനസാ​ന്ത​ര​പ്പെ​ട്ടാൽ അവനോ​ടു ക്ഷമിക്ക. ദിവസ​ത്തിൽ ഏഴുവട്ടം നിന്നോ​ടു പിഴെ​ക്ക​യും ഏഴുവ​ട്ട​വും നിന്റെ അടുക്കൽ വന്നു: ഞാൻ മാനസാ​ന്ത​ര​പ്പെ​ടു​ന്നു എന്നു പറകയും ചെയ്‌താൽ അവനോ​ടു ക്ഷമിക്ക” (ചെരി​ച്ചെ​ഴു​ത്തു ഞങ്ങളു​ടേത്‌.) എന്നു ലൂക്കൊസ്‌ 17:3, 4-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കു​ക​ളിൽനി​ന്നു നാം ക്ഷമ സംബന്ധിച്ച ഒരു പ്രധാന തത്ത്വം പഠിക്കു​ന്നു. ഗുരു​ത​ര​മാ​യി പാപം ചെയ്‌ത കേസു​ക​ളിൽ, ആത്മാർഥ​മായ അനുതാ​പം ഉണ്ടായി​രി​ക്കു​ന്ന​പക്ഷം ക്ഷമിക്കാൻ ശ്രമം നടത്തു​ന്ന​തി​നു വ്രണി​ത​നായ വ്യക്തിയെ ഇവിടെ തീർച്ച​യാ​യും പ്രോ​ത്സാ​ഹി​പ്പി​ക്കു​ക​യാണ്‌. യഹോ​വ​യും കാര്യ​ങ്ങളെ ഈ രീതി​യി​ലാ​ണു വീക്ഷി​ക്കു​ന്നത്‌; ദിവ്യക്ഷമ ലഭിക്കാൻ നാം ആത്മാർഥ​മായ അനുതാ​പ​മു​ള്ള​വ​രാ​യി​രി​ക്കണം.—ലൂക്കൊസ്‌ 3:3; പ്രവൃ​ത്തി​കൾ 2:38; 8:22.

എന്നിരു​ന്നാ​ലും, തന്റെ പാപത്തി​നുള്ള ഉത്തരവാ​ദി​ത്വം ഏറ്റെടു​ക്കാൻ വിസമ്മ​തി​ച്ചു​കൊ​ണ്ടു വ്യഭി​ചാ​രി​യായ ഒരു ഇണ അനുതാ​പ​മി​ല്ലാ​ത്ത​വ​നാ​ണെ​ങ്കിൽ, നമുക്കു മനസ്സി​ലാ​ക്കാ​വു​ന്ന​തു​പോ​ലെ, നിരപ​രാ​ധി​യായ ഇണ ക്ഷമിക്കാ​തി​രു​ന്നേ​ക്കാം എന്നും ഇതു കാണി​ക്കു​ന്നു.—1 യോഹ​ന്നാൻ 1:8, 9 താരത​മ്യം ചെയ്യുക.

ക്ഷമ—പരിണ​ത​ഫ​ലങ്ങൾ സംബന്ധി​ച്ചെന്ത്‌?

എന്നാൽ വ്യഭി​ചാ​രി അനുതാ​പ​മു​ള്ള​വ​നാ​ണെ​ങ്കി​ലെന്ത്‌? അനുതാ​പ​മു​ള്ള​പ്പോൾ ക്ഷമിക്കു​ന്ന​തിന്‌ ഒരു അടിസ്ഥാ​ന​മുണ്ട്‌. എന്നാൽ തെറ്റു​കാ​രൻ തന്റെ തെറ്റായ ഗതിയു​ടെ എല്ലാ പരിണ​ത​ഫ​ല​ങ്ങ​ളിൽനി​ന്നും ഒഴിവാ​ക്ക​പ്പെ​ടു​ന്നു എന്ന്‌ ക്ഷമയ്‌ക്ക്‌ അർഥമു​ണ്ടോ? യഹോ​വ​യു​ടെ ക്ഷമയുടെ ചില ഉദാഹ​ര​ണങ്ങൾ പരിചി​ന്തി​ക്കുക.

കനാൻ ദേശ​ത്തെ​ക്കു​റി​ച്ചു മോശ​മായ റിപ്പോർട്ടു നൽകിയ പത്ത്‌ ഒറ്റുകാ​രെ ശ്രദ്ധി​ച്ച​ശേഷം ഇസ്രാ​യേ​ല്യർ മത്സരി​ച്ച​പ്പോൾ മോശ യഹോ​വ​യോട്‌ ഇങ്ങനെ അപേക്ഷി​ച്ചു: “ഈ ജനത്തിന്റെ അകൃത്യം ക്ഷമി​ക്കേ​ണമേ.” യഹോവ ഇങ്ങനെ പ്രതി​ക​രി​ച്ചു: “നിന്റെ അപേക്ഷ​പ്ര​കാ​രം ഞാൻ ക്ഷമിച്ചി​രി​ക്കു​ന്നു.” തങ്ങളുടെ പ്രവർത്ത​ന​ങ്ങ​ളു​ടെ ഏതു പരിണ​ത​ഫ​ല​ങ്ങ​ളിൽനി​ന്നും അപരാ​ധി​കൾ ഒഴിവാ​ക്ക​പ്പെ​ട്ടു​വെന്ന്‌ ഇത്‌ അർഥമാ​ക്കി​യോ? യഹോവ ഇപ്രകാ​രം തുടർന്നു: ‘എന്റെ വാക്കു കൂട്ടാ​ക്കാ​തി​രുന്ന എല്ലാവ​രും അവരുടെ പിതാ​ക്ക​ന്മാ​രോ​ടു ഞാൻ സത്യം ചെയ്‌തി​ട്ടുള്ള ദേശം കാൺക​യില്ല.’ (സംഖ്യാ​പു​സ്‌തകം 14:19-23) യഹോവ പറഞ്ഞതു​പോ​ലെ​തന്നെ ചെയ്‌തു. യോശു​വ​യും കാലേ​ബും ഒഴികെ ആ പ്രായം​ചെ​ന്ന​വ​രു​ടെ തലമുറ വാഗ്‌ദ​ത്ത​ദേശം കണ്ടില്ല.—സംഖ്യാ​പു​സ്‌തകം 26:64, 65.

സമാന​മാ​യി, ബെത്ത്‌-ശേബയു​മാ​യുള്ള പാപത്തിന്‌ നാഥാൻ പ്രവാ​ചകൻ ദാവീദ്‌ രാജാ​വി​നെ ശാസി​ച്ച​പ്പോൾ അനുതാ​പ​മുള്ള ദാവീദ്‌ “ഞാൻ യഹോ​വ​യോ​ടു പാപം ചെയ്‌തി​രി​ക്കു​ന്നു” എന്നു സമ്മതി​ച്ചു​പ​റഞ്ഞു. “യഹോവ നിന്റെ പാപം മോചി​ച്ചി​രി​ക്കു​ന്നു” എന്ന്‌ അപ്പോൾ നാഥാൻ ദാവീ​ദി​നോ​ടു പറഞ്ഞു. (2 ശമൂവേൽ 12:13) യഹോവ ദാവീ​ദി​നോ​ടു ക്ഷമിച്ചു​വെ​ങ്കി​ലും തന്റെ ശേഷിച്ച ജീവി​ത​കാ​ലത്ത്‌ ദാവീദ്‌ തന്റെ പാപത്തി​ന്റെ പരിണ​ത​ഫ​ല​ങ്ങ​ളിൽനി​ന്നു കഷ്ടമനു​ഭ​വി​ച്ചു.—2 ശമൂവേൽ 12:9-14; 2 ശമൂവേൽ 24-ാം അധ്യായം കൂടെ കാണുക.

ദിവ്യ​ക്ഷ​മ​യു​ടെ ഈ ഉദാഹ​ര​ണങ്ങൾ ഒരു പ്രധാന പാഠം വിശേ​ഷ​വ​ത്‌ക​രി​ക്കു​ന്നു: ശിക്ഷ അനുഭ​വി​ക്കാ​തെ പാപം ചെയ്യുക സാധ്യമല്ല. (ഗലാത്യർ 6:7, 8) അനുതാ​പ​മുള്ള ഒരു പാപിക്കു ക്ഷമ ലഭി​ച്ചേ​ക്കാ​മെ​ങ്കി​ലും തന്റെ തെറ്റായ ഗതിയു​ടെ പരിണ​ത​ഫ​ല​ങ്ങ​ളിൽനിന്ന്‌ അയാൾ ഒഴിവാ​ക്ക​പ്പെ​ട​ണ​മെന്നു നിർബ​ന്ധ​മില്ല. നിരപ​രാ​ധി​യായ ഇണ കടുത്ത നീരസം ഒഴിവാ​ക്കു​ന്നു​വെന്ന അർഥത്തി​ലെ​ങ്കി​ലും വ്യഭി​ചാ​രി​യോ​ടു ക്ഷമിച്ചിട്ട്‌ അയാളെ വിവാ​ഹ​മോ​ചനം നടത്താൻതന്നെ തീരു​മാ​നി​ച്ചേ​ക്കാ​മെന്ന്‌ ഇത്‌ അർഥമാ​ക്കു​ന്നു​ണ്ടോ?

ക്ഷമയും വിവാ​ഹ​മോ​ച​ന​വും

തന്റെ ശുശ്രൂ​ഷ​യു​ടെ കാലത്ത്‌ മൂന്നു സന്ദർഭ​ങ്ങ​ളിൽ യേശു വിവാ​ഹ​മോ​ച​ന​ത്തെ​ക്കു​റി​ച്ചു സംസാ​രി​ച്ചു. (മത്തായി 5:32; 19:3-9; ലൂക്കൊസ്‌ 16:18) രസകര​മെന്നു പറയട്ടെ, ഈ ചർച്ചക​ളിൽ ഒന്നിൽപ്പോ​ലും യേശു ക്ഷമയെ​ക്കു​റി​ച്ചു പരാമർശി​ച്ചില്ല. ഉദാഹ​ര​ണ​ത്തിന്‌, മത്തായി 19:9-ൽ (NW) അവൻ ഇങ്ങനെ പറഞ്ഞതാ​യി നാം കാണുന്നു: “പരസംഗം എന്ന കാരണ​ത്താ​ല​ല്ലാ​തെ തന്റെ ഭാര്യയെ ഉപേക്ഷി​ക്കു​ക​യും മറ്റൊ​രാ​ളെ വിവാഹം കഴിക്കു​ക​യും ചെയ്യുന്ന ആരും വ്യഭി​ചാ​രം ചെയ്യുന്നു.” “പരസംഗം എന്ന കാരണ​ത്താ​ല​ല്ലാ​തെ” എന്നു പറഞ്ഞു​കൊണ്ട്‌ ലൈം​ഗിക അധാർമി​കത വിവാ​ഹ​മോ​ചനം നടത്തു​ന്ന​തി​നുള്ള അവകാശം അല്ലെങ്കിൽ ‘കാരണം’ നിരപ​രാ​ധി​യായ ഇണയ്‌ക്കു പ്രദാനം ചെയ്യു​ന്നു​വെന്നു യേശു സമ്മതിച്ചു പറഞ്ഞു. എന്നാൽ നിരപ​രാ​ധി​യായ വ്യക്തി വിവാ​ഹ​മോ​ചനം നടത്തണം എന്ന്‌ യേശു പറഞ്ഞില്ല. എന്നിരു​ന്നാ​ലും അവൾക്ക്‌ അത്‌ ആകാം എന്ന്‌ അവൻ വ്യക്തമാ​യി സൂചി​പ്പി​ച്ചു.

രണ്ടാളു​ക​ളെ തമ്മിൽ ബന്ധിപ്പി​ക്കുന്ന ഒരു ചരടാണു വിവാഹം. (റോമർ 7:2) എന്നാൽ അവരി​ലൊ​രാൾ അവിശ്വ​സ്‌തത കാട്ടു​മ്പോൾ ഈ ബന്ധം അറ്റു​പോ​യേ​ക്കാം. അത്തരം സാഹച​ര്യ​ങ്ങ​ളിൽ നിരപ​രാ​ധി​യായ ഇണ വാസ്‌ത​വ​ത്തിൽ രണ്ടു തീരു​മാ​ന​ങ്ങളെ അഭിമു​ഖീ​ക​രി​ക്കു​ന്നു. ഒന്ന്‌, അവൾ ക്ഷമിക്ക​ണ​മോ? എന്നതാണ്‌. നാം കണ്ടതു​പോ​ലെ, വ്യഭി​ചാ​രി ആത്മാർഥ​മായ അനുതാ​പം ഉള്ളവനാ​ണോ അല്ലയോ എന്നതാണ്‌ ഇതിലെ പ്രധാന ഘടകം. അനുതാ​പ​മു​ള്ള​പ്പോൾ നിരപ​രാ​ധി​യായ ഇണ ക്രമേണ ക്ഷമ പ്രകട​മാ​ക്കി​യേ​ക്കാം—കുറഞ്ഞത്‌ നീരസം പോകാ​ന​നു​വ​ദി​ക്കു​ന്ന​തി​ന്റെ അർഥത്തി​ലെ​ങ്കി​ലും.

രണ്ടാമത്തെ തീരു​മാ​നം അവൾ ഒരു വിവാ​ഹ​മോ​ചനം തേടണ​മോ എന്നതാണ്‌? അയാ​ളോട്‌ അവൾ ക്ഷമി​ച്ചെ​ങ്കിൽപ്പി​ന്നെ ഈ ചോദ്യ​ത്തി​ന്റെ പ്രസക്തി എന്താണ്‌?b കൊള്ളാം, തന്റെയും കുട്ടി​ക​ളു​ടെ​യും സുരക്ഷി​ത​ത്ത്വ​ത്തെ​ക്കു​റിച്ച്‌ അവൾക്ക്‌ ഉചിത​മായ ഉത്‌ക​ണ്‌ഠകൾ ഉണ്ടെങ്കി​ലെന്ത്‌, പ്രത്യേ​കിച്ച്‌ കഴിഞ്ഞ​കാ​ലത്തു ഭർത്താവ്‌ ദുഷ്‌പെ​രു​മാ​റ്റ​മുള്ള ആളായി​രു​ന്നെ​ങ്കിൽ? ലൈം​ഗി​ക​മാ​യി പകരുന്ന രോഗം പിടി​പെ​ടു​ന്ന​തി​ന്റെ ഭയമു​ണ്ടെ​ങ്കിൽ എന്ത്‌? അല്ലെങ്കിൽ അയാളു​ടെ വഞ്ചന നിമിത്തം ഒരു ഭാര്യാ-ഭർത്തൃ ബന്ധത്തിൽ മേലാൽ അയാളെ ആശ്രയി​ക്കാൻ കഴിയാ​ത്ത​താ​യി അവൾക്ക്‌ ഉള്ളിന്റെ ഉള്ളിൽ തോന്നു​ന്നെ​ങ്കി​ലെന്ത്‌? അത്തരം സാഹച​ര്യ​ങ്ങ​ളിൽ, നിരപ​രാ​ധി​യായ ഇണയ്‌ക്കു തന്റെ തെറ്റു​കാ​ര​നായ ഇണയോ​ടു ക്ഷമിക്കാ​നും (നീരസം ഉപേക്ഷി​ക്കു​ന്ന​തി​ന്റെ അർഥത്തിൽ) എന്നാൽ അയാളു​ടെ​കൂ​ടെ തുടർന്നു ജീവി​ക്കാൻ ആഗ്രഹി​ക്കാ​ത്ത​തു​കൊണ്ട്‌ അവൾക്ക്‌ അയാളെ വിവാ​ഹ​മോ​ച​ന​ത്തി​ലൂ​ടെ ഉപേക്ഷി​ക്കാൻ കഴിയു​മെ​ന്നതു നന്നായി മനസ്സി​ലാ​ക്കാ​വു​ന്ന​താണ്‌. നീരസം ഉപേക്ഷി​ക്കു​ന്നത്‌ തന്റെ ജീവി​ത​വു​മാ​യി മുമ്പോ​ട്ടു പോകാൻ അവളെ സഹായി​ച്ചേ​ക്കാം. ഭാവി​യിൽ വ്യഭി​ചാ​രി​യു​മാ​യി ആവശ്യ​മാ​യി​വ​ന്നേ​ക്കാ​വുന്ന ഏത്‌ ഇടപാ​ടു​ക​ളും കൂടുതൽ മര്യാ​ദ​പൂർവം നടത്താ​നും അതു സഹായി​ച്ചേ​ക്കാം.

അവിശ്വാ​സി​യാ​യ ഇണയിൽനി​ന്നു വിവാ​ഹ​മോ​ചനം നേടണ​മോ എന്നത്‌ ഒരു വ്യക്തി​പ​ര​മായ തീരു​മാ​ന​മാണ്‌. ഉൾപ്പെ​ട്ടി​രി​ക്കുന്ന എല്ലാ ഘടകങ്ങ​ളും ശ്രദ്ധാ​പൂർവ​വും പ്രാർഥ​നാ​പൂർവ​വും തൂക്കി​നോ​ക്കി​യ​ശേഷം നിരപ​രാ​ധി​യായ ഇണ എടുക്കേണ്ട ഒരു തീരു​മാ​ന​മാ​ണത്‌. (സങ്കീർത്തനം 55:22) വിവാ​ഹ​മോ​ചനം നടത്തണ​മോ വേണ്ടയോ എന്നതു സംബന്ധി​ച്ചു നിരപ​രാ​ധി​യായ ഇണയെ അനുശാ​സി​ക്കാ​നോ അവളിൽ സമ്മർദം ചെലു​ത്താ​നോ ശ്രമി​ക്കു​ന്ന​തി​നുള്ള അവകാശം മറ്റുള്ള​വർക്കില്ല. (ഗലാത്യർ 6:5 താരത​മ്യം ചെയ്യുക.) നിരപ​രാ​ധി​യായ ഇണ എന്തു ചെയ്യണ​മെന്ന്‌ യേശു പറഞ്ഞില്ല. അപ്പോൾ ഉചിത​മായ തിരു​വെ​ഴു​ത്ത​ടി​സ്ഥാ​ന​ത്തിൽ വിവാ​ഹ​മോ​ചനം നേടാൻ തീരു​മാ​നി​ക്കു​ന്ന​വ​രിൽ യഹോവ അപ്രീ​തി​പ്പെ​ടു​ന്നില്ല എന്നതു വ്യക്തമാണ്‌.

[അടിക്കു​റി​പ്പു​കൾ]

[10-ാം പേജിലെ ചിത്ര​ത്തിന്‌ കടപ്പാട്‌]

Life