യുവജ​നങ്ങൾ ചോദി​ക്കു​ന്നു. . .

ലൈം​ഗി​കോ​പ​ദ്രവം—എനിക്ക്‌ സ്വയം എങ്ങനെ സംരക്ഷി​ക്കാ​നാ​വും?

സദാ പുഞ്ചി​രി​തൂ​കുന്ന 16 വയസ്സു​കാ​രി​യായ ഒരു ചുണക്കു​ട്ടി​യാണ്‌ അനീറ്റ. എന്നിരു​ന്നാ​ലും, തന്റെ സ്‌കൂ​ളിൽ അടുത്ത​കാ​ലത്തു നടന്ന സംഭവങ്ങൾ വിവരി​ക്കു​മ്പോൾ അവൾ അമർഷ​ത്തോ​ടെ നെറ്റി ചുളി​ക്കു​ന്നു. അവൾ ഇപ്രകാ​രം അനുസ്‌മ​രി​ക്കു​ന്നു: “വളരെ പ്രശസ്‌ത​നായ ഒരു ആൺകുട്ടി എന്നെ ഇടനാ​ഴി​യി​ലെ മൂല​യോ​ടു ചേർത്തു​നിർത്തി അനുചി​ത​മാ​യി സ്‌പർശി​ക്കാൻ തുടങ്ങി. മറ്റനേകം പെൺകു​ട്ടി​ക​ളു​ടെ​യ​ടുത്ത്‌ അവന്റെ ഈ പണി നടന്നു​പോ​യി​രു​ന്നു—അവൻ ശ്രദ്ധി​ച്ച​പ്പോൾ അവർ പൊങ്ങി​പ്പോ​യി​രു​ന്നു. എന്നാൽ ഞാൻ അങ്ങനെ​യാ​യി​രു​ന്നില്ല! ഒന്നു വെറു​തെ​യി​രി​ക്കാൻ ഞാൻ അവനോ​ടു നല്ല രീതി​യിൽ ആവശ്യ​പ്പെ​ട്ടെ​ങ്കി​ലും ഒരു പ്രയോ​ജ​ന​വു​മു​ണ്ടാ​യില്ല. ഞാൻ അത്‌ യഥാർഥ​ത്തിൽ അർഥമാ​ക്കി​യെന്ന്‌ അവൻ വിചാ​രി​ച്ചില്ല.”

അനീറ്റ​യു​ടെ വിഷമാ​വസ്ഥ ഒട്ടും അസാധാ​ര​ണമല്ല. ബൈബിൾ കാലങ്ങ​ളിൽ ലൈം​ഗി​കോ​പ​ദ്രവം സാധാ​ര​ണ​മാ​യി​രു​ന്ന​താ​യി തെളി​വു​കൾ പ്രകട​മാ​ക്കു​ന്നു. (രൂത്ത്‌ 2:8, 9, 15 താരത​മ്യം ചെയ്യുക.) ഇന്ന്‌ ഇത്‌ ഞെട്ടി​ക്കും​വി​ധം വ്യാപ​ക​മാണ്‌. “ജോലി​സ്ഥ​ലത്തെ ചില പുരു​ഷൻമാർ എന്റെ ശരീര​ത്തെ​ക്കു​റിച്ച്‌ അശ്ലീല അഭി​പ്രാ​യങ്ങൾ പറഞ്ഞു,” ഒരു കൗമാ​ര​പ്രാ​യ​ക്കാ​രി പറയുന്നു. എന്നാൽ മിക്ക​പ്പോ​ഴും ഈ ഉപദ്രവം കേവലം വാക്കു​കൾക്ക​തീ​ത​മാ​യി പോകു​ന്നു. “ചിലർ എന്നെ തൊടാ​നും കടന്നു​പി​ടി​ക്കാ​നും ശ്രമി​ച്ചി​ട്ടുണ്ട്‌,” അവൾ കൂട്ടി​ച്ചേർക്കു​ന്നു. റെനെ എന്നു പേരുള്ള ഒരു കൗമാ​ര​പ്രാ​യ​ക്കാ​രി ഉണരുക!യോട്‌ ഇപ്രകാ​രം പറഞ്ഞു: “എനിക്കു ജോലി ഉപേക്ഷി​ക്കേ​ണ്ടി​വ​ര​ത്ത​ക്ക​വി​ധം ജോലി​സ്ഥ​ലത്ത്‌ ഉപദ്രവം അത്ര മോശ​മാ​യി​ത്തീർന്നു.”

8 മുതൽ 11 വരെയുള്ള ക്ലാസ്സു​ക​ളി​ലെ വിദ്യാർഥി​ക​ളു​ടെ 81 ശതമാനം കുറഞ്ഞത്‌ ഒരിക്ക​ലെ​ങ്കി​ലും തങ്ങൾ ലൈം​ഗി​കോ​പ​ദ്രവം സഹിച്ചി​ട്ടു​ണ്ടെന്നു പറഞ്ഞതാ​യി അടുത്ത​കാ​ലത്തെ ഒരു സർവേ റിപ്പോർട്ടു ചെയ്‌തു. “തങ്ങളെ സ്‌പർശി​ക്കു​ക​യോ കടന്നു​പി​ടി​ക്കു​ക​യോ ലൈം​ഗി​ക​മായ രീതി​യിൽ നുള്ളു​ക​യോ ചെയ്‌ത​താ​യി അവരിൽ 65 ശതമാനം പെൺകു​ട്ടി​ക​ളും 42 ശതമാനം ആൺകു​ട്ടി​ക​ളും പറഞ്ഞു” എന്ന്‌ യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പ്രസ്‌താ​വി​ക്കു​ന്നു. അതേ, ആൺകു​ട്ടി​ക​ളും പെൺകു​ട്ടി​ക​ളും ഒരു​പോ​ലെ ലക്ഷ്യമാ​ക്ക​പ്പെ​ടു​ന്നു. ഒരു കൗമാ​ര​പ്രാ​യ​ക്കാ​രന്റെ പിതാവ്‌ അനുസ്‌മ​രി​ക്കു​ന്ന​തു​പോ​ലെ: “എന്റെ മകന്റെ സ്‌കൂ​ളി​ലെ പെൺകു​ട്ടി​ക​ളു​ടെ ധൈര്യം എന്നെ ഞെട്ടി​പ്പി​ച്ചി​രി​ക്കു​ന്നു. അവന്‌ ഏതാണ്ട്‌ 12 വയസ്സു​ള്ള​പ്പോൾമു​തൽ ഞങ്ങൾക്ക്‌ സ്ഥിരമായ ഫോൺവി​ളി​ക​ളും ഡേറ്റി​ങ്ങി​നുള്ള ക്ഷണങ്ങളും അശ്ലീല നിർദേ​ശ​ങ്ങ​ളും അങ്ങനെ പലതും ലഭിച്ചി​ട്ടുണ്ട്‌.”

അസഹ്യ​മാ​യ ഈ സ്വഭാ​വത്തെ നിസ്സാ​ര​മാ​യി എടുക്കാ​നെ​ളു​പ്പ​മാണ്‌. ഒരു യുവതി ഇപ്രകാ​രം അഭി​പ്രാ​യ​പ്പെട്ടു: “ചില​പ്പോൾ ഒരു തമാശാ രൂപത്തി​ലാണ്‌ ഇതു ചെയ്യു​ന്നത്‌.” എന്നാൽ ക്രിസ്‌ത്യാ​നി​കൾക്ക്‌ അതു തമാശയല്ല! ലൈം​ഗി​കോ​പ​ദ്രവം പലപ്പോ​ഴും ഒരാളെ ലൈം​ഗിക അധാർമി​ക​ത​യി​ലേക്കു വശീക​രി​ക്കു​ന്ന​തി​നുള്ള ഒരു ശ്രമമാ​ണെന്ന്‌, യഹോ​വ​യാം ദൈവം കുറ്റം​വി​ധി​ക്കുന്ന ഒന്നാ​ണെന്ന്‌, അവർക്ക്‌ അറിയാം. (1 കൊരി​ന്ത്യർ 6:9, 10) കൂടാതെ, ഇളയ സ്‌ത്രീ​ക​ളോട്‌ “പൂർണ്ണ​നിർമ്മ​ല​ത​യോ​ടെ” ഇടപെ​ട​ണ​മെന്നു ദൈവ​വ​ചനം കൽപ്പി​ക്കു​ന്നു. (1 തിമൊ​ഥെ​യൊസ്‌ 5:2) അത്‌ “അശ്ലീല​ത​മാശ”യും വിലക്കു​ന്നു. (എഫേസ്യർ 5:3, 4, NW) അതു​കൊണ്ട്‌ ക്രിസ്‌തീയ യുവാക്കൾ ലൈം​ഗി​കോ​പ​ദ്രവം അനുവ​ദി​ച്ചു​കൊ​ടു​ക്ക​രുത്‌! ചോദ്യ​മി​താണ്‌, അതിനു ലക്ഷ്യമാ​ക്ക​പ്പെ​ടു​ന്ന​തിൽനിന്ന്‌ നിങ്ങൾക്കു സ്വയം എങ്ങനെ സംരക്ഷി​ക്കാ​നാ​വും? നമുക്ക്‌ പ്രതി​രോധ നടപടി​ക​ളെ​ക്കു​റി​ച്ചു സംസാ​രി​ക്കാം.

ഉപദ്രവം ഒഴിവാ​ക്കാ​നുള്ള മാർഗങ്ങൾ

ക്രിസ്‌തീയ നടത്തയു​ടെ ഒരു സൽപ്പേര്‌ വളർത്തി​യെ​ടു​ക്കുക. ‘നിങ്ങളു​ടെ വെളിച്ചം മനുഷ്യ​രു​ടെ മുമ്പിൽ പ്രകാ​ശി​ക്കട്ടെ’ എന്ന്‌ യേശു ഉദ്‌ബോ​ധി​പ്പി​ച്ചു. (മത്തായി 5:16) ഇതു​ചെ​യ്യാ​നുള്ള ഒരു മാർഗം നിങ്ങൾ വിശ്വ​സി​ക്കുന്ന കാര്യങ്ങൾ സഹപാ​ഠി​ക​ളോ​ടും സഹജോ​ലി​ക്കാ​രോ​ടും പങ്കുവ​യ്‌ക്കുക എന്നതാണ്‌. ഉറച്ച വിശ്വാ​സ​വും ഉയർന്ന ധാർമിക നിലവാ​ര​ങ്ങ​ളും ഉള്ളയാ​ളാ​യി നിങ്ങൾ അറിയ​പ്പെ​ടു​മ്പോൾ നിങ്ങളെ ഉപദ്ര​വി​ക്കാ​നുള്ള സാധ്യത കുറവാ​യി​രി​ക്കും.

നിങ്ങളു​ടെ വസ്‌ത്ര​ധാ​ര​ണ​വും ചമയവും സൂക്ഷി​ക്കുക. ബൈബിൾ കാലങ്ങ​ളിൽ പ്രത്യേക ചില വസ്‌ത്രങ്ങൾ ഒരുവളെ അധാർമിക സ്‌ത്രീ​യാ​യി തിരി​ച്ച​റി​യി​ച്ചി​രു​ന്നു. (സദൃശ​വാ​ക്യ​ങ്ങൾ 7:10 താരത​മ്യം ചെയ്യുക.) അതു​പോ​ലെ​തന്നെ ഇന്ന്‌, ലൈം​ഗിക വികാ​ര​മു​ണർത്തുന്ന ശൈലി​കൾ സമപ്രാ​യ​ക്കാ​രു​ടെ​യി​ട​യിൽ നിങ്ങളെ പ്രസി​ദ്ധ​യാ​ക്കി​ത്തീർത്തേ​ക്കാം. എന്നാൽ അവയ്‌ക്ക്‌ തെറ്റായ സന്ദേശം നൽകാൻ കഴിയും. നിങ്ങൾ വിപരീത ലിംഗ​വർഗ​ക്കാ​രിൽനി​ന്നു തെറ്റായ രീതി​യിൽ ശ്രദ്ധയാ​കർഷി​ക്കു​ന്ന​താ​യി കണ്ടെത്തി​യേ​ക്കാം. യഥാർഥ​ത്തി​ലു​ള്ള​തി​നെ​ക്കാൾ കൂടുതൽ പ്രായം തോന്നി​ക്ക​ത്ത​ക്ക​രീ​തി​യിൽ ഒരു പെൺകു​ട്ടി സൗന്ദര്യ​വർധ​ക​വ​സ്‌തു​ക്കൾ ഇടു​മ്പോ​ഴും സമാന​മായ ഒരു പ്രശ്‌നം ഉടലെ​ടു​ത്തേ​ക്കാം. “യോഗ്യ​മായ വസ്‌ത്രം ധരിച്ചു ലജ്ജാശീ​ല​ത്തോ​ടും സുബോ​ധ​ത്തോ​ടും​കൂ​ടെ തങ്ങളെ അലങ്കരി​ക്കേണം” എന്നതാണ്‌ ബൈബി​ളി​ന്റെ ഉപദേശം.—1 തിമൊ​ഥെ​യൊസ്‌ 2:9.

നിങ്ങളു​ടെ സുഹൃ​ത്തു​ക്കളെ ശ്രദ്ധാ​പൂർവം തിര​ഞ്ഞെ​ടു​ക്കുക. (സദൃശ​വാ​ക്യ​ങ്ങൾ 13:20) എന്തായാ​ലും, നിങ്ങളു​ടെ കൂട്ടു​കാ​രെ നോക്കി​യാണ്‌ ആളുകൾ നിങ്ങളെ വിലയി​രു​ത്തു​ന്നത്‌. നിങ്ങളു​ടെ കൂട്ടു​കാർ എതിർലിം​ഗ​വർഗ​ത്തി​ലു​ള്ള​വ​രെക്കു​റി​ച്ചു സംസാ​രി​ച്ചു​കൊ​ണ്ടു വളരെ​യ​ധി​കം സമയം ചെലവ​ഴി​ക്കു​ന്ന​താ​യി അറിയ​പ്പെ​ടു​ന്ന​വ​രാ​ണെ​ങ്കിൽ ആളുകൾക്ക്‌ നിങ്ങ​ളെ​ക്കു​റി​ച്ചു തെറ്റായ ധാരണ ലഭി​ച്ചേ​ക്കാം.—ഉല്‌പത്തി 34:1, 2 താരത​മ്യം ചെയ്യുക.

പ്രേമ സല്ലാപം ഒഴിവാ​ക്കുക. സൗഹൃ​ദ​ത്തി​ലാ​യി​രി​ക്കു​ന്ന​തിൽ ഒരു തെറ്റു​മില്ല എന്നതു സത്യം​തന്നെ. എന്നിരു​ന്നാ​ലും കണ്ണുപ​റി​ക്കാ​തെ​യുള്ള നോട്ട​വും സ്‌പർശ​ന​വും എതിർലിം​ഗ​വർഗ​ത്തിൽപ്പെ​ട്ട​വ​രിൽ എളുപ്പം തെറ്റി​ദ്ധാ​ര​ണ​യു​ള​വാ​ക്കി​യേ​ക്കാം. ഒരു സംഭാ​ഷണം തുടർന്നു​കൊ​ണ്ടു​പോ​കാൻ ഒരാളെ സ്‌പർശി​ക്കേ​ണ്ട​തില്ല. സുവർണ​നി​യമം ആചരി​ക്കു​ക​യും നിങ്ങ​ളോ​ടു പെരു​മാ​റ​ണ​മെന്നു നിങ്ങൾ ആഗ്രഹി​ക്കുന്ന അതേ രീതി​യിൽ വിപരീത ലിംഗ​വർഗ​ത്തി​ലു​ള്ള​വ​രോട്‌ ഇടപെ​ടു​ക​യും ചെയ്യുക—അതായത്‌ ചാരി​ത്ര​ശു​ദ്ധി​യോ​ടും ആദര​വോ​ടും കൂടി. (മത്തായി 7:12) വെറും കളിത​മാ​ശ​ക്കു​വേണ്ടി മാത്രം എതിർലിം​ഗ​വർഗ​ത്തിൽപ്പെ​ട്ട​വ​രു​ടെ ശ്രദ്ധയാ​കർഷി​ക്കാൻ ശ്രമി​ക്കാ​തി​രി​ക്കുക. അപ്രകാ​രം ചെയ്യു​ന്നതു ദയാര​ഹി​ത​വും വഴി​തെ​റ്റി​ക്കു​ന്ന​തു​മാ​യി​രി​ക്കാ​മെന്നു മാത്രമല്ല, അപകട​ക​ര​വു​മാ​യി​രി​ക്കാം. “ഒരു മനുഷ്യ​ന്നു തന്റെ വസ്‌ത്രം വെന്തു​പോ​കാ​തെ മടിയിൽ തീ കൊണ്ടു​വ​രാ​മോ?” എന്ന്‌ സദൃശ​വാ​ക്യ​ങ്ങൾ 6:27-ൽ ബൈബിൾ ചോദി​ക്കു​ന്നു.

നിങ്ങൾ ബലിയാ​ടാ​ക്ക​പ്പെ​ടു​ന്നെ​ങ്കിൽ

തീർച്ച​യാ​യും, നിങ്ങളു​ടെ വസ്‌ത്ര​ധാ​ര​ണ​ത്തി​ലും ചമയത്തി​ലും നടത്തയി​ലും ഉള്ള ചില മാറ്റങ്ങൾ ഉചിത​മാ​ണെ​ങ്കിൽപ്പോ​ലും നിങ്ങളു​ടെ​മേൽ കൈ​വെ​ക്കാ​നോ നിങ്ങൾക്ക്‌ അശ്ലീല നിർദേ​ശങ്ങൾ നൽകാ​നോ ഉള്ള അവകാശം മറ്റുള്ള​വർക്കില്ല. ആകാര​ത്തി​ലും സ്വഭാ​വ​ത്തി​ലും അനുക​ര​ണീ​യ​രാ​യി​രു​ന്നി​ട്ടു​ള്ളവർ പോലും ബലിയാ​ടു​ക​ളാ​യി​ത്തീർന്നി​ട്ടുണ്ട്‌. ഇതു നിങ്ങൾക്കു സംഭവി​ക്കു​ന്നെ​ങ്കിൽ നിങ്ങ​ളെന്തു ചെയ്യണം? ഇതാ ചില നിർദേ​ശങ്ങൾ.

ശക്തമായി നിരസി​ക്കുക. ലൈം​ഗി​ക​മായ മുന്നേ​റ്റങ്ങൾ യഥാർഥ​ത്തിൽ വേണ​മെന്ന്‌ അർഥമാ​ക്കു​മ്പോൾപ്പോ​ലും ചിലർ വേണ്ടെന്നു പറയു​മെന്ന്‌ എല്ലാവർക്കു​മ​റി​യാം. അതു​കൊണ്ട്‌ മറിച്ചു ബോധ്യ​പ്പെ​ടു​ത്തു​ന്ന​തു​വരെ അർധ മനസ്സോ​ടെ വേണ്ടാ എന്നു പറയു​ന്ന​തി​ന്റെ അർഥം വാസ്‌ത​വ​ത്തിൽ വേണ​മെ​ന്നാ​ണെന്ന്‌—അല്ലെങ്കിൽ കുറഞ്ഞ​പക്ഷം ആയാലും കുഴപ്പ​മി​ല്ലെ​ന്നാ​ണെന്ന്‌—അക്രമി​കൾ ഊഹി​ച്ചെ​ടു​ത്തേ​ക്കാം. നിങ്ങളു​ടെ ഇല്ല, ഇല്ല എന്നായി​രി​ക്കട്ടെ എന്ന യേശു​വി​ന്റെ ഉപദേശം ഈ സംഗതി​യിൽ തികച്ചും പ്രാ​യോ​ഗി​ക​മാണ്‌. (മത്തായി 5:37) കുണു​ങ്ങി​ച്ചി​രി​ക്കു​ക​യോ കൊഞ്ചി​ക്കു​ഴ​യു​ക​യോ ചെയ്യരുത്‌. നിങ്ങളു​ടെ ആംഗ്യ​ഭാ​ഷ​യോ സ്വരമോ മുഖഭാ​വ​മോ നിങ്ങളു​ടെ വാക്കു​കൾക്കു വിപരീ​ത​മാ​കാൻ അനുവ​ദി​ക്കു​ക​യു​മ​രുത്‌.

രംഗം സൃഷ്ടി​ക്കുക. ലൈം​ഗിക ഇരപി​ടി​യൻമാർ മിക്കവാ​റും ആശ്രയി​ക്കു​ന്നത്‌ ഇരകളു​ടെ ചെറു​ക്കാ​നുള്ള വിസമ്മ​ത​ത്തെ​യാണ്‌. എന്നിരു​ന്നാ​ലും ബൈബിൾ കാലങ്ങ​ളിൽ ലൈം​ഗിക ആക്രമ​ണത്തെ ചെറു​ക്കാ​നുള്ള അവകാശം, വാസ്‌ത​വ​ത്തിൽ കടപ്പാട്‌ ഇസ്ര​യേ​ല്യ​രായ സ്‌ത്രീ​കൾക്കു നൽകി​യി​രു​ന്നു. (ആവർത്ത​ന​പു​സ്‌തകം 22:23, 24) അതു​പോ​ലെ​തന്നെ ഇന്ന്‌, അനുചി​ത​മാ​യി സ്‌പർശി​ക്കു​ക​യോ തലോ​ടു​ക​യോ ചെയ്യു​ന്നത്‌ അത്ര വലിയ കാര്യമല്ല എന്ന്‌ ഒരു ക്രിസ്‌ത്യാ​നി വിചാ​രി​ക്ക​രുത്‌. അതു തെറ്റാണ്‌, ഒരു വ്യക്തി എന്നനി​ല​യി​ലും ഒരു ക്രിസ്‌ത്യാ​നി എന്നനി​ല​യി​ലു​മുള്ള നിങ്ങളു​ടെ മാന്യ​ത​യിൻമേ​ലുള്ള ആക്രമ​ണ​മാണ്‌ അത്‌. നിങ്ങളത്‌ അംഗീ​ക​രി​ക്കേ​ണ്ട​തില്ല! “തീയതി​നെ വെറു”ക്കാൻ ബൈബിൾ ഉദ്‌ബോ​ധി​പ്പി​ക്കു​ന്നു!—റോമർ 12:9.

ദുഷ്‌പെ​രു​മാ​റ്റ​ത്തി​നു വിരാ​മ​മി​ടാ​നുള്ള ഫലപ്ര​ദ​മായ മറ്റൊരു മാർഗം ഒരു രംഗം സൃഷ്ടിച്ചു നിങ്ങളു​ടെ ഉപദ്ര​വി​യെ നാണി​പ്പി​ക്കുക എന്നതാണ്‌; ഒരുപക്ഷേ അവൻ നിർത്തി​യേ​ക്കാം. തുടക്ക​ത്തിൽ പ്രതി​പാ​ദിച്ച അനീറ്റ​യു​ടെ അനുഭവം അനുസ്‌മ​രി​ക്കുക. തന്നെ തൊട​രു​തെന്നു മര്യാ​ദ​യോ​ടെ അവൾ അക്രമി​യോ​ടു പറഞ്ഞ​പ്പോൾ അതു ഫലിച്ചില്ല. അനീറ്റ നമ്മോ​ടി​ങ്ങനെ പറയുന്നു: “എന്നെ അങ്ങനെ തൊട​രു​തെന്ന്‌ ഉച്ചത്തിൽ പറഞ്ഞു​കൊണ്ട്‌ എനിക്ക്‌ അവനെ അവന്റെ കൂട്ടു​കാ​രു​ടെ മുമ്പിൽ വച്ചു നാണി​പ്പി​ക്കേ​ണ്ടി​വന്നു!” ഫലമോ? “എല്ലാവ​രും അവനെ കളിയാ​ക്കി​ച്ചി​രി​ച്ചു. കുറേ സമയ​ത്തേക്ക്‌ അവൻ വളരെ തണുപ്പൻ പ്രകൃതം കാണിച്ചു. എന്നാൽ ഏതാനും ദിവസം കഴിഞ്ഞ​പ്പോൾ തന്റെ പെരു​മാ​റ്റ​ത്തിന്‌ അവൻ ക്ഷമയാ​ചി​ച്ചു. പിന്നീടു മറ്റാരോ എന്നെ ഉപദ്ര​വി​ക്കാൻ ശ്രമി​ച്ച​പ്പോൾ അവൻ എനിക്ക​നു​കൂ​ല​മാ​യി പ്രവർത്തി​ക്കു​ക​പോ​ലും ചെയ്‌തു.”

വാക്കുകൾ ഫലപ്ര​ദ​മാ​കു​ന്നി​ല്ലെ​ങ്കിൽ ആക്രമ​ണ​ത്തിൽനി​ന്നു നിങ്ങൾക്കു നടന്നക​ലു​ക​യോ ഓടി​യ​ക​ലു​ക​യോ പോലും ചെയ്യാ​വു​ന്ന​താണ്‌. രക്ഷപ്പെ​ടുക സാധ്യ​മ​ല്ലാ​ത്ത​പക്ഷം ലൈം​ഗിക അതി​ക്ര​മത്തെ തടുക്കു​ന്ന​തിന്‌, ആവശ്യ​മായ ഏതു മാർഗ​വും ഉപയോ​ഗി​ക്കു​ന്ന​തി​നുള്ള അവകാശം നിങ്ങൾക്കുണ്ട്‌. ഒരു ക്രിസ്‌തീയ പെൺകു​ട്ടി അതിങ്ങനെ തുറന്നു പറഞ്ഞു: “ഒരു ആൺകുട്ടി എന്നെ കടന്നു​പി​ടി​ക്കാൻ ശ്രമി​ച്ച​പ്പോൾ ഞാൻ എന്റെ ശക്തി മുഴുവൻ എടുത്ത്‌ അവനെ മുഷ്ടി ചുരുട്ടി ഇടിച്ചിട്ട്‌ ഓടി​ക്ക​ളഞ്ഞു!” ഉപദ്രവി വീണ്ടും ശ്രമം നടത്തു​ക​യി​ല്ലെന്ന്‌ ഇത്‌ തീർച്ച​യാ​യും അർഥമാ​ക്കു​ന്നില്ല. അതു​കൊണ്ട്‌ ഒരുപക്ഷേ നിങ്ങൾക്കു കുറച്ചു സഹായം ആവശ്യ​മാ​യി വന്നേക്കാം.

ആരോ​ടെ​ങ്കി​ലും പറയുക. 16 വയസ്സു​കാ​രി​യായ ഏഡ്രീൻ ഇങ്ങനെ സമ്മതി​ച്ചു​പ​റഞ്ഞു: “ഒടുവിൽ എനിക്കു ചെയ്യേ​ണ്ടി​വ​ന്നത്‌ അതായി​രു​ന്നു. നല്ലൊരു സുഹൃ​ത്താ​ണെന്നു ഞാൻ വിചാ​രിച്ച ഒരു ആൺകുട്ടി എന്നെ വെറുതെ വിടാ​താ​യ​പ്പോൾ ഈ സാഹച​ര്യം സംബന്ധി​ച്ചു ഞാൻ മാതാ​പി​താ​ക്ക​ളു​ടെ ഉപദേശം ആരാഞ്ഞു. ഞാനെത്ര എതിർത്തു​വോ അത്ര കൂടെ​ക്കൂ​ടെ അവൻ എന്നെ ഉപദ്ര​വി​ച്ചു​കൊ​ണ്ടി​രു​ന്നു. ഏതാണ്ട്‌ ഒരു മത്സരക്ക​ളി​പോ​ലെ​യാ​യി​രു​ന്നു അത്‌.” പ്രശ്‌നത്തെ മെച്ചമാ​യി തരണം​ചെ​യ്യാൻ അവളെ സഹായിച്ച പ്രാ​യോ​ഗിക ഉപദേശം ഏഡ്രീന്റെ മാതാ​പി​താ​ക്കൾക്കു​ണ്ടാ​യി​രു​ന്നു.

നാണ​ക്കേട്‌, ഭയം, ലജ്ജ എന്നിവ​പോ​ലെ ബലിയാ​ടാ​ക്ക​പ്പെ​ടു​ന്ന​തി​ന്റെ ഫലമാ​യു​ണ്ടാ​കുന്ന വൈകാ​രിക പരിണ​ത​ഫ​ല​ങ്ങളെ കൈകാ​ര്യം ചെയ്യാ​നും നിങ്ങളു​ടെ മാതാ​പി​താ​ക്കൾക്കു നിങ്ങളെ സഹായി​ക്കാ​നാ​വും. ആക്രമണം നിങ്ങളു​ടെ തെറ്റാ​യി​രു​ന്നി​ല്ലെന്നു നിങ്ങൾക്ക്‌ ഉറപ്പു​ത​രാൻ അവർക്കു കഴിയും. കൂടാതെ ഭാവി​യിൽ സംരക്ഷണം നൽകു​ന്ന​തി​നു​വേണ്ടി നടപടി​കൾ സ്വീക​രി​ച്ചു​കൊണ്ട്‌ അവർ നിങ്ങളെ സഹായി​ച്ചേ​ക്കാം.

ഉദാഹ​ര​ണ​ത്തിന്‌, പ്രശ്‌ന​ത്തെ​പ്പറ്റി നിങ്ങളു​ടെ അധ്യാ​പ​ക​നെ​യോ സ്‌കൂൾ അധികാ​രി​ക​ളെ​യോ അറിയി​ക്കു​ന്നതു പ്രയോ​ജ​ന​ക​ര​മാ​ണെന്ന്‌ അവർ തീരു​മാ​നി​ച്ചേ​ക്കാം. ഐക്യ​നാ​ടു​ക​ളി​ലെ മിക്ക സ്‌കൂ​ളു​ക​ളും പരാതി​കൾ തികച്ചും ഗൗരവ​മാ​യി എടുക്കു​ന്നു. അവയ്‌ക്ക്‌ വിദ്യാർഥി​ക​ളു​ടെ​യി​ട​യി​ലെ ലൈം​ഗി​കോ​പ​ദ്രവം കൈകാ​ര്യം ചെയ്യു​ന്ന​തി​നു വ്യക്തമാ​യി പ്രസ്‌താ​വി​ക്ക​പ്പെട്ട നയങ്ങളു​മുണ്ട്‌.

എല്ലാ സ്‌കൂൾ അധികാ​രി​ക​ളും അനുക​മ്പ​യു​ള്ള​വ​ര​ല്ലെ​ന്നു​ള്ളതു സത്യമാണ്‌. 14 വയസ്സു​കാ​രി​യായ അർലീഷ ഇപ്രകാ​രം പറയുന്നു: “എന്റെ സ്‌കൂ​ളി​ലെ അധ്യാ​പകർ ചില​പ്പോൾ പ്രാകു​ക​യും കുട്ടി​ക​ളെ​ക്കാൾ മോശ​മാ​യി പെരു​മാ​റു​ക​യും ചെയ്യുന്നു. സഹായ​ത്തി​നാ​യി എങ്ങോട്ടു തിരി​യ​ണ​മെന്നു നിങ്ങൾക്ക​റി​യില്ല.” തന്നെ ഉപദ്ര​വി​ച്ച​താ​യി അവൾ റിപ്പോർട്ടു ചെയ്‌ത​പ്പോൾ അമിത​തൊ​ട്ടാ​വാ​ടി​യാ​യി അവളെ കുറ്റ​പ്പെ​ടു​ത്തി​യത്‌ അപ്പോൾ അതിശ​യമല്ല. എങ്കിലും അർലീഷ വിട്ടു​കൊ​ടു​ത്തില്ല. ഒരേ ആൺകു​ട്ടി​തന്നെ നുള്ളു​ക​യും തലോ​ടു​ക​യും ചെയ്‌ത വേറെ ആറു പെൺകു​ട്ടി​ക​ളു​മാ​യി അവൾ ഒത്തു​ചേർന്നു. “ഒരു യഥാർഥ പ്രശ്‌ന​മു​ണ്ടാ​യി​രു​ന്നു​വെന്നു പ്രിൻസി​പ്പ​ലി​നെ ബോധ്യ​പ്പെ​ടു​ത്താൻ ഞങ്ങൾ ആറുപേർ വേണ്ടി​വന്നു,” അവൾ പറയുന്നു. ഒടുവിൽ ദുഷ്‌പെ​രു​മാ​റ്റ​ത്തി​നു വിരാ​മ​മി​ടീ​ക്കാൻ അവൾക്കു കഴിഞ്ഞു.

സഹായ​ത്തി​നാ​യി ദൈവ​ത്തി​ലേക്കു തിരി​യുക. സ്‌കൂ​ളിൽ ആയിരി​ക്കു​മ്പോൾ ചില​പ്പോൾ സിംഹ​ക്കു​ഴി​യിൽ അകപ്പെ​ട്ടി​രി​ക്കു​ന്ന​തു​പോ​ലെ തോന്നു​ന്നെ​ങ്കിൽ അക്ഷരീ​യ​മായ ഒരു സിംഹ​ക്കു​ഴി​യിൽ യഹോ​വ​യാം ദൈവം ദാനി​യേൽ പ്രവാ​ച​കനെ സംരക്ഷി​ച്ചു​വെന്ന്‌ ഓർമി​ക്കുക. (ദാനീ​യേൽ 6:16-22) യഹോ​വക്ക്‌ നിങ്ങ​ളെ​യും സഹായി​ക്കാ​നാ​വും. സ്‌കൂ​ളിൽ നിങ്ങൾ നേരി​ടുന്ന സമ്മർദങ്ങൾ അവൻ മനസ്സി​ലാ​ക്കു​ന്നു. സ്ഥിതി​വി​ശേഷം ദുഷ്‌ക​ര​മാ​യി​ത്തീ​രു​ന്നെ​ങ്കിൽ സഹായ​ത്തി​നാ​യി നിങ്ങൾക്ക്‌ അവനെ വിളി​ച്ച​പേ​ക്ഷി​ക്കാൻ കഴിയും—ആവശ്യ​മെ​ങ്കിൽ ഉച്ചത്തിൽ തന്നെ! സത്യ​ദൈ​വ​ത്തി​ന്റെ ദാസനാ​യി അറിയ​പ്പെ​ടു​ന്ന​തിൽ ഭയമോ ലജ്ജയോ തോന്ന​രുത്‌. യഹോ​വ​യു​ടെ വിശ്വസ്‌ത ദാസൻമാ​രോട്‌ ബൈബിൾ ഇങ്ങനെ വാഗ്‌ദാ​നം ചെയ്യുന്നു: “അവൻ തന്റെ ഭക്തന്മാ​രു​ടെ പ്രാണ​ങ്ങളെ കാക്കുന്നു; ദുഷ്ടന്മാ​രു​ടെ കയ്യിൽനി​ന്നു അവരെ വിടു​വി​ക്കു​ന്നു.”—സങ്കീർത്തനം 97:10.

ഇത്‌ അത്ഭുത​ക​ര​മായ വിടു​വി​ക്കൽ ഉറപ്പു​വ​രു​ത്തു​ന്നില്ല. നിങ്ങളു​ടെ സംരക്ഷ​ണ​ത്തി​നു നിങ്ങൾക്കു ചെയ്യാൻ കഴിയു​ന്നതു നിങ്ങൾ ചെയ്‌തേ മതിയാ​കൂ. ബൈബിൾ തത്ത്വങ്ങൾ പിൻപ​റ്റുക. സംസാ​ര​ത്തി​ലും ആകാര​ത്തി​ലും മിതത്വ​മു​ള്ള​വ​രാ​യി​രി​ക്കുക. എതിർലിം​ഗ​വർഗ​ത്തിൽപ്പെ​ട്ട​വ​രോ​ടുള്ള ഇടപെ​ട​ലിൽ ജാഗ്രത പുലർത്തുക. ഇപ്രകാ​രം ചെയ്യുക വഴി ഉപദ്ര​വ​ത്തിൽനി​ന്നു നിങ്ങ​ളെ​ത്തന്നെ സംരക്ഷി​ക്കു​ന്ന​തി​നു നിങ്ങൾക്കു വളരെ​യ​ധി​കം ചെയ്യാൻ കഴിയും.

[18-ാം പേജിലെ ചിത്രം]

അനുചിതമായ മുന്നേ​റ്റ​ങ്ങളെ അർധ മനസ്സോ​ടെ നിരസി​ക്ക​രുത്‌; നിങ്ങളു​ടെ ഇല്ല ഇല്ല എന്നായി​രി​ക്കട്ടെ!