ബൈബി​ളി​ന്റെ വീക്ഷണം

ദൈവ​ത്തി​ന്റെ നിലവാ​രങ്ങൾ എത്തി​ച്ചേ​രാ​നാ​വാ​ത്ത​വി​ധം പ്രയാ​സ​മേ​റി​യ​വ​യോ?

“ദൈവം മനുഷ്യ​നെ ഇഞ്ചിഞ്ചാ​യി അളക്കു​ന്നില്ല.”—സ്‌കോ​ട്ട്‌ലൻഡി​ലെ പഴഞ്ചൊല്ല്‌.

സ്‌കൂൾ പരീക്ഷകൾ, ജോലി​ക്കുള്ള ഇന്റർവ്യൂ​കൾ, മെഡിക്കൽ പരീക്ഷകൾ എന്നിവ ഒരു വ്യക്തിയെ അളക്കുന്ന, ജീവി​ത​ത്തി​ലെ ചില വഴിത്തി​രി​വു​ക​ളാണ്‌. എന്നാൽ ദൈവ​ത്തി​ന്റെ നിലവാ​ര​ങ്ങ​ള​നു​സ​രി​ച്ചു ദിവസ​വും ജീവി​ക്കുന്ന കാര്യം വരു​മ്പോൾ, അവ എത്തിപ്പി​ടി​ക്കു​ന്ന​തിൽ തങ്ങൾ എങ്ങനെ​യെ​ങ്കി​ലു​മൊ​ക്കെ പരാജ​യ​പ്പെ​ട്ടേ​ക്കാ​മെന്നു പലർക്കും തോന്നു​ന്നു. അതാണോ നിങ്ങളു​ടെ​യും വിശ്വാ​സം? നിങ്ങൾക്കു ദൈവ​ത്തി​ന്റെ നിലവാ​ര​ങ്ങ​ളിൽ എത്തി​ച്ചേ​രാൻ കഴിയു​മോ?

ഉത്തരത്തി​നാ​യി, നമുക്ക്‌ ആദ്യം​തന്നെ ദൈവം തന്റെ ആരാധ​കർക്കു​വേണ്ടി വെച്ചി​രി​ക്കുന്ന നിലവാ​രങ്ങൾ നോക്കാം. ജീവി​ത​ത്തി​ലു​ട​നീ​ളം നാം നടക്കേ​ണ്ടി​യി​രി​ക്കുന്ന പാതയി​ലേക്കു ബൈബിൾ വെളിച്ചം വീശുന്നു. (സങ്കീർത്തനം 119:105) “സത്യ​ദൈ​വത്തെ ഭയപ്പെ​ടു​ക​യും അവന്റെ കൽപ്പന​ക​ള​നു​സ​രി​ക്കു​ക​യും ചെയ്യു”ന്നതാണു മനുഷ്യ​ന്റെ “മുഴു കടപ്പാ”ടുമെന്ന്‌ ബൈബി​ളെ​ഴു​ത്തു​കാ​ര​നായ, ജ്ഞാനി​യായ ശലോ​മോൻ രാജാവു നിഗമനം ചെയ്‌തു. (സഭാ​പ്ര​സം​ഗി 12:13, NW) പ്രവാ​ച​ക​നായ മീഖാ ഇപ്രകാ​രം അഭി​പ്രാ​യ​പ്പെട്ടു: “ന്യായം പ്രവർത്തി​പ്പാ​നും ദയാത​ല്‌പ​ര​നാ​യി​രി​പ്പാ​നും നിന്റെ ദൈവ​ത്തി​ന്റെ സന്നിധി​യിൽ താഴ്‌മ​യോ​ടെ നടപ്പാ​നും അല്ലാതെ എന്താകു​ന്നു യഹോവ നിന്നോ​ടു ചോദി​ക്കു​ന്നതു?”—മീഖാ 6:8.

“നിന്റെ ദൈവ​മായ യഹോ​വയെ നിന്റെ മുഴു ഹൃദയ​ത്തോ​ടും മുഴു മനസ്സോ​ടും മുഴു ശക്തി​യോ​ടും കൂടെ സ്‌നേ​ഹി​ക്കുക”യും “നിന്റെ അയൽക്കാ​രനെ നിന്നെ​പ്പോ​ലെ തന്നെ സ്‌നേ​ഹി​ക്കുക”യും ചെയ്യുക എന്നിവ​യെ​ക്കാൾ വലുതായ കൽപ്പന​യി​ല്ലെന്നു ദൈവ​ത്തി​ന്റെ സ്വന്തം പുത്ര​നായ യേശു​ക്രി​സ്‌തു പ്രഖ്യാ​പി​ക്കു​ക​യു​ണ്ടാ​യി. (മർക്കോസ്‌ 12:30, 31, NW) കൂടാതെ, നാം അവന്റെ കൽപ്പന​ക​ളെ​ല്ലാം അനുസ​രി​ച്ചു​കൊ​ണ്ടു ദൈവത്തെ സ്‌നേ​ഹി​ക്കു​ന്നു​വെന്നു പ്രകട​മാ​ക്കു​ന്നു.—1 യോഹ​ന്നാൻ 5:3.

ലളിത​മാ​യി പറഞ്ഞാൽ, മനുഷ്യർ ദൈവത്തെ സ്‌നേ​ഹി​ക്കു​ക​യും ആദരി​ക്കു​ക​യും വേണം, അവന്റെ കൽപ്പനകൾ അനുസ​രി​ക്കണം, പക്ഷഭേ​ദ​മി​ല്ലാ​തെ പ്രവർത്തി​ക്കണം, എല്ലാവ​രോ​ടും ദയയു​ള്ള​വ​രാ​യി​രി​ക്കണം, അഹന്ത ഒഴിവാ​ക്കു​ക​യും ചെയ്യണം. അത്തരം നിലവാ​രങ്ങൾ നമ്മുടെ എത്തുപാ​ടി​ലല്ലേ?

ദൈവം വിട്ടു​വീഴ്‌ച ചെയ്യുന്നു

മനുഷ്യർ തന്റെ നിലവാ​ര​ങ്ങ​ളിൽ എത്തി​ച്ചേ​രാൻ ദൈവം ഉചിത​മാ​യി പ്രതീ​ക്ഷി​ക്കു​ന്നു. എന്നാൽ തികച്ചും സത്യസ​ന്ധ​മാ​യി പറഞ്ഞാൽ, ഏതെങ്കി​ലും മനുഷ്യൻ ഈ നിലവാ​ര​ങ്ങ​ളോട്‌ എല്ലായ്‌പോ​ഴും പൂർണ​മാ​യും പറ്റിനിൽക്കു​ന്നു​ണ്ടോ? വ്യക്തമാ​യും ഇല്ല, എന്തു​കൊ​ണ്ടെ​ന്നാൽ നാം നമ്മുടെ പൂർവ​പി​താ​വായ ആദാമിൽനിന്ന്‌ അപൂർണത അവകാ​ശ​പ്പെ​ടു​ത്തി​യി​രി​ക്കു​ന്നു. (റോമർ 5:12) അങ്ങനെ നാം തെറ്റു ചെയ്യാൻ പ്രവണ​ത​യു​ള്ള​വ​രാണ്‌. എന്നാൽ ദൈവത്തെ സ്വീകാ​ര്യ​മാം​വി​ധം സേവി​ക്കു​ന്ന​തിന്‌ ഇതു നമ്മെ അയോ​ഗ്യ​രാ​ക്കി​ത്തീർക്കു​ന്നില്ല.

ഉദാഹ​ര​ണ​ത്തിന്‌, കാർ ഡ്രൈ​വിങ്‌ അഭ്യസി​ക്കു​ന്ന​തി​ന്റെ പ്രശ്‌നങ്ങൾ പരിഗ​ണി​ക്കുക. ഡ്രൈ​വിങ്‌ പരീക്ഷ പാസ്സാ​ക​ത്ത​ക്ക​വണ്ണം ഓടി​ക്കു​ന്ന​തി​നു സ്ഥിരമായ ജാഗ്ര​ത​യും സമയവും ആവശ്യ​മാണ്‌. ലൈസൻസ്‌ കിട്ടി​ക്ക​ഴി​ഞ്ഞാ​ലും തീർച്ച​യാ​യും നാം ശ്രമം ചെയ്യേ​ണ്ട​തുണ്ട്‌. അനുഭ​വ​പ​രി​ചയം നേടു​ന്ന​തോ​ടെ നമ്മുടെ വൈദ​ഗ്‌ധ്യ​ങ്ങൾ മൂർച്ച​യേ​റി​യ​താ​യി​ത്തീ​രു​ന്നു. എന്നാൽ കുറ്റമറ്റ ഡ്രൈ​വർമാർ ആരുമില്ല!

ദൈവം നമ്മുടെ പരാജ​യ​ങ്ങൾക്കു വിട്ടു​വീഴ്‌ച ചെയ്യു​ന്നു​വെ​ന്നതു സന്തോ​ഷ​ക​ര​മാണ്‌. നമുക്കു ചെയ്യാൻ കഴിയാ​ത്തത്‌ ആവശ്യ​പ്പെ​ട്ടു​കൊ​ണ്ടും തെറ്റു കണ്ടുപി​ടി​ച്ചു​കൊ​ണ്ടി​രു​ന്നു​കൊ​ണ്ടും അവൻ അന്യാ​യ​മാ​യി പ്രവർത്തി​ക്കു​ന്ന​വനല്ല. അവൻ നമ്മുടെ ചാപല്യ​ങ്ങ​ളും ദൗർബ​ല്യ​ങ്ങ​ളും മനസ്സി​ലാ​ക്കു​ന്നു. ഘോര​മാ​യി പാപം ചെയ്‌ത ദാവീദ്‌ ഇങ്ങനെ സമ്മതിച്ചു പറയു​ക​യു​ണ്ടാ​യി: “അവൻ നമ്മുടെ പാപങ്ങൾക്കു ഒത്തവണ്ണം നമ്മോടു ചെയ്യു​ന്നില്ല; നമ്മുടെ അകൃത്യ​ങ്ങൾക്കു ഒത്തവണ്ണം നമ്മോടു പകരം ചെയ്യു​ന്ന​തു​മില്ല.” കാരണം? “ആകാശം ഭൂമി​ക്കു​മീ​തെ ഉയർന്നി​രി​ക്കു​ന്ന​തു​പോ​ലെ അവന്റെ [ദൈവ​ത്തി​ന്റെ] ദയ അവന്റെ ഭക്തന്മാ​രോ​ടു വലുതാ​യി​രി​ക്കു​ന്നു.” നാം പാപം ചെയ്യു​ന്നു​വെന്നു യഹോ​വക്ക്‌ അറിയാ​മെ​ങ്കിൽപ്പോ​ലും നമ്മുടെ ലംഘന​ങ്ങളെ “ഉദയം അസ്‌ത​മ​യ​ത്തോ​ടു അകന്നി​രി​ക്കു​ന്ന​തു​പോ​ലെ” അകറ്റി​നിർത്താൻ അവൻ തയ്യാറാണ്‌.—സങ്കീർത്തനം 103:10-14.

മടുത്തു​പോ​ക​രുത്‌

ആത്മാർഥ​ഹൃ​ദ​യ​നായ ഒരു ദൈവാ​രാ​ധകൻ ഇപ്രകാ​രം വിശദീ​ക​രി​ച്ചു: “ഒരിക്ക​ലും എനിക്കു ദൈവ​ത്തി​ന്റെ നിലവാ​ര​ങ്ങ​ള​നു​സ​രി​ച്ചു ജീവി​ക്കാൻ കഴിയു​ക​യി​ല്ലെന്നു വിഷണ്ണ​നാ​യി​രി​ക്കു​മ്പോൾ ചില​പ്പോൾ ഞാൻ നിഗമനം ചെയ്യാ​റുണ്ട്‌. എന്നാൽ ഞാൻ ഏറെ ക്രിയാ​ത്മ​ക​മായ ഒരു വീക്ഷണ​ഗതി വളർത്തി​യെ​ടു​ക്കു​മ്പോൾ ദൈവം എന്നിൽനിന്ന്‌ ആഗ്രഹി​ക്കുന്ന വിധത്തിൽ എനിക്കു ജീവി​ച്ചു​പോ​കാൻ കഴിയു​മെന്നു തോന്നാ​റുണ്ട്‌. എന്നാൽ അത്‌ അത്ര എളുപ്പമല്ല!” നിങ്ങൾക്ക്‌ ഈ രീതി​യിൽ തോന്നു​ന്നെ​ങ്കിൽ നിരാ​ശ​പ്പെ​ട​രുത്‌. ആ വികാ​രങ്ങൾ ഉണ്ടായി​രി​ക്കുന്ന ആദ്യത്തെ ആളല്ല നിങ്ങൾ, അവസാ​നത്തെ ആളുമല്ല.

ക്രിസ്‌തീ​യ അപ്പോ​സ്‌ത​ല​നായ പൗലോസ്‌ ഇപ്രകാ​രം തുറന്നു സമ്മതിച്ചു: ‘നന്മ ചെയ്‌വാൻ ഇച്ഛിക്കു​മ്പോൾ തിന്മ എന്റെ പക്കൽ ഉണ്ടു. ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു. എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു. അയ്യോ, ഞാൻ അരിഷ്ട​മ​നു​ഷ്യൻ!’ എന്നിട്ടും ദൈവം പ്രതീ​ക്ഷി​ക്കു​ന്നത്‌ വളരെ പ്രയാ​സ​ക​ര​മാ​ണെന്ന്‌ അവൻ നിഗമനം ചെയ്‌തില്ല. എന്തെന്നാൽ അവൻ ഇപ്രകാ​രം കൂട്ടി​ച്ചേർക്കു​ക​യു​ണ്ടാ​യി: “ഈ മരണത്തി​ന്നു അധീന​മായ ശരീര​ത്തിൽനി​ന്നു എന്നെ ആർ വിടു​വി​ക്കും? നമ്മുടെ കർത്താ​വായ യേശു​ക്രി​സ്‌തു​മു​ഖാ​ന്തരം ഞാൻ ദൈവ​ത്തി​ന്നു സ്‌തോ​ത്രം ചെയ്യുന്നു. ഇങ്ങനെ ഞാൻ തന്നേ ബുദ്ധി​കൊ​ണ്ടു ദൈവ​ത്തി​ന്റെ പ്രമാ​ണ​ത്തെ​യും ജഡം​കൊ​ണ്ടു പാപത്തി​ന്റെ പ്രമാ​ണ​ത്തെ​യും സേവി​ക്കു​ന്നു.” (റോമർ 7:21-25) അങ്ങനെ, പാപി​യാ​ണെ​ങ്കി​ലും തനിക്കു ദൈവത്തെ പ്രസാ​ദി​പ്പി​ക്കാൻ കഴിയു​മെന്ന്‌ അവൻ വിചാ​രി​ച്ചു.

നമ്മുടെ സ്‌നേ​ഹ​വാ​നാം സ്രഷ്ടാ​വായ യഹോവ തന്റെ പ്രിയ പുത്ര​നായ യേശു​വി​ന്റെ മറുവി​ല​യാ​ഗ​ത്തി​ന്റെ പ്രയോ​ജ​ന​ത്തി​ലൂ​ടെ നമ്മുടെ തെറ്റു​ക​ളും പിഴവു​ക​ളും ക്ഷമിച്ചു​ത​രു​ന്നു. അപ്പോ​സ്‌ത​ല​നായ യോഹ​ന്നാൻ ഇപ്രകാ​രം എഴുതി: “ആരെങ്കി​ലും ഒരു പാപം തീർച്ച​യാ​യും ചെയ്യു​ന്നു​വെ​ങ്കിൽ പിതാ​വി​ന്റെ അടുക്കൽ നമു​ക്കൊ​രു സഹായി​യുണ്ട്‌. നീതി​മാ​നായ യേശു​ക്രി​സ്‌തു. അവൻ നമ്മുടെ പാപങ്ങൾക്ക്‌ ഒരു പാപപ​രി​ഹാര [മറയ്‌ക്കൽ] യാഗമാ​കു​ന്നു.” (1 യോഹ​ന്നാൻ 2:1, 2, NW) പാപം വരുത്തി​വ​യ്‌ക്കു​ന്ന​തും സൗഹൃ​ദ​ത്തി​നുള്ള ദൈവ​നി​ല​വാ​രം എത്തിപ്പി​ടി​ക്കു​ന്ന​തിൽനി​ന്നു നമ്മെ തടയു​ന്ന​തു​മായ ആ പ്രതി​ബ​ന്ധത്തെ ക്രിസ്‌തു​വി​ന്റെ യാഗത്തി​ന്റെ ശക്തി നീക്കം ചെയ്യുന്നു അഥവാ തകർത്തു​ക​ള​യു​ന്നു. അങ്ങനെ ദൈവ​വു​മാ​യുള്ള സൗഹൃദം പുനഃ​സ്ഥാ​പി​ക്ക​പ്പെ​ടു​ന്നു.

സ്‌നേ​ഹ​പു​ര​സ്സ​ര​മായ ഈ ക്രമീ​ക​രണം താഴ്‌മ​യോ​ടെ അംഗീ​ക​രി​ക്കു​ന്നതു ക്ഷമ കൈവ​രു​ത്തു​ന്നു. എന്തു​കൊ​ണ്ടെ​ന്നാൽ ദൈവം “മനസ്‌താ​പ​വും മനോ​വി​ന​യ​വു​മു​ള്ള​വ​രോ​ടു കൂടെ”യാണു വസിക്കു​ന്നത്‌. (യെശയ്യാ​വു 57:15) നമ്മുടെ മനോ​വീ​ര്യം പുതു​ക്കു​ന്ന​തി​നു നമുക്ക്‌ അവനെ ആശ്രയി​ക്കാൻ കഴിയും. “എളിയ​വനെ പൊടി​യിൽനി​ന്നു എഴു​ന്നേ​ല്‌പി”ക്കുമെന്ന്‌ അവൻ വാഗ്‌ദാ​നം ചെയ്യുന്നു. ദൈവത്തെ പൂർണ​മാ​യി അനുസ​രി​ക്കു​ന്ന​തിൽ പരാജ​യ​പ്പെ​ടു​മ്പോൾ മേലാൽ നാം വിഷാ​ദ​മ​ഗ്ന​രാ​യി ഇരി​ക്കേ​ണ്ട​തില്ല. പകരം, ദൈവ​ത്തി​ന്റെ നിലവാ​ര​ങ്ങ​ള​നു​സ​രി​ച്ചു ജീവി​ക്കു​ന്ന​തി​നു നാം ചെയ്യുന്ന ശ്രമങ്ങളെ അവൻ ഒരിക്ക​ലും അവഗണി​ക്കു​ക​യി​ല്ലെന്നു നമുക്കു ശുഭാ​പ്‌തി​വി​ശ്വാ​സ​മു​ള്ള​വ​രാ​യി​രി​ക്കാൻ കഴിയും.—സങ്കീർത്തനം 113:7; എബ്രായർ 6:10-12.

അതൊരു പോരാ​ട്ട​മാണ്‌. എങ്കിലും ദൈവ​ത്തി​നു പ്രസാ​ദ​ക​ര​മാ​യതു ചെയ്യു​മ്പോൾ നിങ്ങൾ കൂടുതൽ സന്തുഷ്ട​രാ​യി​രി​ക്കു​ന്ന​താ​യി നിങ്ങൾ നിരീ​ക്ഷി​ക്കും. ദൈവ​ഭക്തി നിങ്ങൾക്കും നിങ്ങളു​ടെ ചുറ്റു​മു​ള്ള​വർക്കും ജീവിതം കൂടുതൽ സഹനീ​യ​മാ​ക്കി​ത്തീർക്കു​ന്നു. കൂടാതെ ഭാവി​യെ​ക്കു​റി​ച്ചും ചിന്തി​ക്കുക. ദൈവ​ത്തി​ന്റെ നിലവാ​ര​ങ്ങ​ള​നു​സ​രി​ച്ചു ജീവി​ക്കാൻ ഇപ്പോൾ കഠിന പ്രയത്‌നം ചെയ്യു​ന്നതു പറുദീ​സാ അവസ്ഥക​ളിൻകീ​ഴി​ലെ നിത്യ​ജീ​വന്റെ പ്രതീക്ഷ കൈവ​രു​ത്തു​ന്നു.—യെശയ്യാ​വു 48:17; റോമർ 6:23; 1 തിമൊ​ഥെ​യൊസ്‌ 4:8.

പർവത​ശൃം​ഗ​ത്തിൽ എത്തിക്ക​ഴി​യു​മ്പോൾ തങ്ങൾ പകുതി വഴിയേ ആയിട്ടു​ള്ളൂ എന്ന്‌ അനുഭ​വ​സ്ഥ​രായ പർവതാ​രോ​ഹകർ മനസ്സി​ലാ​ക്കു​ന്നു. അവർക്കു സുരക്ഷി​ത​മാ​യി താഴെ​യി​റ​ങ്ങേ​ണ്ട​തുണ്ട്‌. സമാന​മാ​യി, ദൈവത്തെ ഭയപ്പെ​ടു​ന്ന​വർക്കു ദൈവ​ത്തി​ന്റെ നിലവാ​രങ്ങൾ എത്തിപ്പി​ടി​ക്കു​ക​യും എന്നിട്ട്‌ അവയനു​സ​രി​ച്ചു ജീവി​ക്കു​ന്ന​തിൽ നിലനിൽക്കു​ക​യും ചെയ്യേ​ണ്ട​തുണ്ട്‌.—ലൂക്കൊസ്‌ 21:19; യാക്കോബ്‌ 1:4.

ദൈവ​ത്തി​ന്റെ നിലവാ​രങ്ങൾ എത്തിപ്പി​ടി​ക്കാ​നാ​വാ​ത്ത​വി​ധം പ്രയാ​സ​മേ​റി​യ​വ​യ​ല്ലെ​ന്നുള്ള പരിജ്ഞാ​ന​ത്തിൽനിന്ന്‌ ആശ്വാസം നേടുക. അവയോ​ടു പൂർണ​മാ​യും പറ്റിനിൽക്കു​ന്ന​തിൽ ഇടയ്‌ക്കി​ട​യ്‌ക്കു പരാജ​യ​പ്പെ​ടു​മ്പോൾ അവന്റെ ക്ഷമ തേടുക. അവന്റെ സ്‌നേ​ഹ​പൂർവ​ക​മായ പിന്തു​ണ​യിൽ ആശ്രയി​ക്കുക. (സങ്കീർത്തനം 86:5) അങ്ങനെ യഹോ​വ​യു​ടെ​യും അവന്റെ പുത്ര​ന്റെ​യും സഹായ​ത്തോ​ടെ നിങ്ങൾക്കു ദൈവ​ത്തി​ന്റെ നിലവാ​രങ്ങൾ എത്തിപ്പി​ടി​ക്കാ​നും അവന്റെ അംഗീ​കാ​രം നേടാ​നും കഴിയും.—സദൃശ​വാ​ക്യ​ങ്ങൾ 12:2.