നോർവേ​യി​ലെ സുപ്രീം​കോ​ടതി മതാവ​കാ​ശ​ങ്ങളെ ഉയർത്തി​പ്പി​ടി​ക്കു​ന്നു

ഒരു കുട്ടിയെ വളർത്തു​ന്ന​തിൽ ഒരു മാതാ​വി​നെ​യോ പിതാ​വി​നെ​യോ അയോ​ഗ്യ​നാ​ക്കാൻ ഏതെല്ലാം സാഹച​ര്യ​ങ്ങൾക്കു കഴിയും? സംരക്ഷ​ണാ​വ​കാ​ശം സംബന്ധി​ച്ചു ലോക​മെ​ങ്ങു​മുള്ള കേസു​ക​ളിൽ ഈ ചോദ്യം സംബന്ധി​ച്ചു ശക്തമായ വാദ​പ്ര​തി​വാ​ദങ്ങൾ നടക്കാ​റുണ്ട്‌. ഉൾപ്പെ​ടുന്ന മാതാ​വി​ന്റെ അല്ലെങ്കിൽ പിതാ​വി​ന്റെ ആരോ​ഗ്യം, ജീവി​ത​സാ​ഹ​ച​ര്യ​ങ്ങൾ, കുട്ടി​യോ​ടുള്ള വൈകാ​രിക അടുപ്പം എന്നിവ​യുൾപ്പടെ നിരവധി ഘടകങ്ങൾ പരിഗ​ണി​ക്ക​പ്പെ​ടു​ന്നു.

എന്നാൽ മതത്തിന്റെ കാര്യ​മോ? ഒരു മാതാ​വി​ന്റെ​യോ പിതാ​വി​ന്റെ​യോ വിശ്വാ​സം മാത്രം കണക്കി​ലെ​ടുത്ത്‌ അവർ അയോ​ഗ്യ​രെന്നു തീർത്തു​പ​റ​യാൻ കഴിയു​മോ? ഈ ചോദ്യം സംരക്ഷ​ണാ​വ​കാ​ശം സംബന്ധി​ച്ചു നോർവേ​യിൽ നടന്ന, ഒരു യഹോ​വ​യു​ടെ സാക്ഷി ഉൾപ്പെട്ട, നിയമ​യു​ദ്ധ​ത്തി​ന്റെ കേന്ദ്ര​വി​ഷ​യ​മാ​യി​ത്തീർന്നു. നോർവേ സുപ്രീം​കോ​ട​തി​യിൽ ഈ പ്രശ്‌നം പരിഹ​രി​ക്ക​പ്പെ​ടാൻ രണ്ടുവർഷ​ത്തി​ല​ധി​കം സമയ​മെ​ടു​ത്തെന്നു മാത്രമല്ല, മൂന്നു വിചാ​ര​ണ​ക​ളും നടന്നു.

1988-ലായി​രു​ന്നു അതിന്റെ തുടക്കം. 1989 മാർച്ചു​മാ​സ​ത്തോ​ടെ മാതാ​പി​താ​ക്കൾ പൂർണ​മാ​യി വേർപി​രി​ഞ്ഞി​രു​ന്നു. അവരുടെ മകളുടെ സംരക്ഷണം മാതാവു തുടർന്നു. പെൺകു​ട്ടി​യു​ടെ പൂർണ​സം​ര​ക്ഷ​ണ​ച്ചു​മതല തനിക്കു വിട്ടു​കി​ട്ട​ണ​മെ​ന്ന​വ​കാ​ശ​പ്പെ​ട്ടു​കൊ​ണ്ടു പിതാവു കോട​തി​യെ സമീപി​ച്ചു. വേണ്ടരീ​തി​യിൽ, ആരോ​ഗ്യ​ക​ര​മായ വിധത്തിൽ കുട്ടിയെ വളർത്തി​ക്കൊ​ണ്ടു​വ​രാ​നുള്ള പ്രാപ്‌തി മാതാ​വി​നി​ല്ലെ​ന്നും, അതു​കൊ​ണ്ടു സന്ദർശ​നാ​വ​കാ​ശം മാത്രമേ അവർക്കു കൊടു​ക്കാ​വൂ എന്നും അയാൾ തീർത്തു​പ​റഞ്ഞു. അയാളു​ടെ അവകാ​ശ​വാ​ദ​ത്തി​നുള്ള അടിസ്ഥാ​നം? അത്‌ അവർ യഹോ​വ​യു​ടെ സാക്ഷി​ക​ളോ​ടൊ​ത്തു സഹവസി​ക്കു​ന്നു​ണ്ടാ​യി​രു​ന്നു എന്നതാ​യി​രു​ന്നു.

യഹോ​വ​യു​ടെ സാക്ഷി​കളെ എതിർക്കു​ന്ന​വ​രിൽനിന്ന്‌ “വിദഗ്‌ധ” സാക്ഷ്യങ്ങൾ അഭ്യർഥി​ച്ചു​കൊ​ണ്ടു പിതാവ്‌ യഹോ​വ​യു​ടെ സാക്ഷി​ക​ളു​ടെ ഉപദേ​ശ​ങ്ങ​ളും ജീവി​ത​രീ​തി​യും ഉത്തരവാ​ദി​ത്വ​പൂർവം മക്കളെ വളർത്തി​ക്കൊ​ണ്ടു​വ​രു​ന്ന​തി​നാ​വ​ശ്യ​മായ മനോ​ഭാ​വ​ങ്ങൾക്കും മൂല്യ​ങ്ങൾക്കും വിരു​ദ്ധ​മാ​ണെന്നു കോട​തി​യെ ബോധ്യ​പ്പെ​ടു​ത്താൻവേണ്ടി തന്നെ തുനി​ഞ്ഞി​റങ്ങി. ഒന്നി​നെ​തി​രെ രണ്ടു ജഡ്‌ജി​മാ​രു​ടെ അനുകൂ​ലാ​ഭി​പ്രാ​യ​ത്തി​ന്റെ അടിസ്ഥാ​ന​ത്തിൽ അമ്മയുടെ പരിച​രണം ലഭിക്കു​ന്ന​തിന്‌ കുട്ടി അമ്മയോ​ടൊ​പ്പം കഴിയ​ണ​മെന്നു ജില്ലാ​ക്കോ​ടതി വിധിച്ചു. കോടതി പിതാ​വി​നു സന്ദർശ​നാ​വ​കാ​ശം അനുവ​ദി​ച്ചു​കൊ​ടു​ത്തു. പിതാവ്‌ ഹൈ​ക്കോ​ട​തി​യിൽ അപ്പീൽ കൊടു​ത്തു. പിന്നെ​യും ഒന്നി​നെ​തി​രെ രണ്ടു വോട്ടു​കൾക്കു കോടതി കുട്ടിക്ക്‌ അമ്മയുടെ ദൈനം​ദി​ന​പ​രി​ച​രണം ആവശ്യ​മാ​ണെന്ന വസ്‌തു​തയെ ഉയർത്തി​പ്പി​ടി​ച്ചു. എന്നാലും ഇത്തവണ പിതാ​വി​നു കൂടുതൽ സന്ദർശ​നാ​വ​കാ​ശങ്ങൾ അനുവ​ദി​ച്ചു​കൊ​ടു​ത്തു. എന്നാൽ പിന്നീട്‌, മാതാ​വി​ന​നു​കൂ​ല​മാ​യി വിധി പ്രഖ്യാ​പിച്ച ജഡ്‌ജി​മാ​രെ​പ്പോ​ലും കുട്ടി​യു​ടെ ഭാവി സംബന്ധിച്ച സംശയങ്ങൾ അലട്ടു​ന്ന​താ​യി​ത്തോ​ന്നി. അതിന്റെ പിൻബ​ല​ത്തിൽ പിതാവ്‌ നോർവേ​യി​ലെ സുപ്രീം​കോ​ട​തി​യിൽ അപ്പീൽ കൊടു​ത്തു.

യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങളെ താറടി​ച്ചു​കാ​ണി​ക്കാൻ ആ പിതാവ്‌ ഒരിക്കൽ കൂടി ശ്രമം​തു​ടങ്ങി. തന്റെ മകൾ അത്തര​മൊ​രു സ്വാധീ​ന​ത്തിൻ കീഴിൽ വളരു​ന്നത്‌ അവൾക്കു ഹാനി​ക​ര​മാ​യി​രി​ക്കു​മെന്ന്‌ അയാൾ അവകാ​ശ​പ്പെട്ടു.

എന്നാൽ സുപ്രീം​കോ​ടതി ഒരു വ്യത്യ​സ്‌ത​വീ​ക്ഷ​ണ​മാ​ണു സ്വീക​രി​ച്ചത്‌. 1994 ആഗസ്റ്റ്‌ 26-ാം തീയതി കൈ​ക്കൊണ്ട ഒരു തീരു​മാ​ന​ത്തി​ന്റെ പിൻബ​ല​ത്തിൽ പ്രഥമ​ജ​ഡ്‌ജി ഇങ്ങനെ വിധി പ്രഖ്യാ​പി​ച്ചു: “മാതാ​വിന്‌ യഹോ​വ​യു​ടെ സാക്ഷി​ക​ളു​ടെ കൂടെ​യുള്ള അംഗത്വം കുട്ടി​യു​ടെ ദൈനം​ദിന പരിച​രണം അവർക്കു വിട്ടു​കൊ​ടു​ക്കു​ന്ന​തിന്‌ ഒരു തടസ്സമല്ല.” “കുട്ടിക്കു കുഴപ്പ​മൊ​ന്നു​മി​ല്ലെ​ന്നും അവൾ സന്തോ​ഷ​വ​തി​യാ​ണെ​ന്നും ഞാൻ കാണുന്നു. അവളുടെ മാതാ​വി​നും പിതാ​വി​നും ജീവി​തത്തെ സംബന്ധി​ച്ചു തികച്ചും വ്യത്യസ്‌ത വീക്ഷണ​ങ്ങ​ളാ​യ​തു​കൊ​ണ്ടു​ണ്ടാ​കുന്ന പ്രശ്‌ന​ങ്ങളെ അവൾ മെച്ചമാ​യി കൈകാ​ര്യം ചെയ്യു​ന്ന​താ​യി തോന്നു​ന്നു” എന്നുകൂ​ടി അദ്ദേഹം പറഞ്ഞു. മറ്റു നാലു ജഡ്‌ജി​മാ​രും ഐകക​ണ്‌ഠ്യേന അദ്ദേഹ​ത്തി​ന്റെ നിഗമ​നത്തെ പിന്താങ്ങി.

യഹോ​വ​യു​ടെ സാക്ഷി​കൾക്കെ​തി​രെ കൊണ്ടു​വന്ന വ്യാജാ​രോ​പ​ണ​ങ്ങ​ളു​ടെ ആന്തരോ​ദ്ദേ​ശ്യം സുപ്രീം​കോ​ടതി ജഡ്‌ജി​മാർ മനസ്സി​ലാ​ക്കി എന്നതിനെ നോർവേ​യി​ലെ സത്യസ്‌നേ​ഹി​കൾ വളരെ​യ​ധി​കം വിലമ​തി​ക്കു​ന്നു. ഈ തീരു​മാ​ന​മെ​ടു​ത്ത​തു​വഴി ദൈവത്തെ ആരാധി​ക്കാൻ ഓരോ വ്യക്തി​ക്കു​മുള്ള സ്വാത​ന്ത്ര്യ​വും തങ്ങളുടെ കുട്ടി​കളെ ബൈബിൾ തത്ത്വങ്ങ​ളാൽ പരി​പോ​ഷി​പ്പി​ക്ക​പ്പെട്ട സ്‌നേ​ഹ​നിർഭ​ര​മായ ഒരു വിധത്തിൽ വളർത്തി​ക്കൊ​ണ്ടു​വ​രാ​നുള്ള സ്വാത​ന്ത്ര്യ​വും കോടതി ഉറപ്പാക്കി.a

[അടിക്കു​റിപ്പ്‌]