യുവജ​നങ്ങൾ ചോദി​ക്കു​ന്നു. . .

ദൈവ​ത്തി​ന്റെ സുഹൃ​ത്താ​യി​രി​ക്കു​ന്നത്‌ എന്നെ സഹായി​ക്കു​മോ?

ഒരു തലമു​റ​യ്‌ക്കു മുമ്പാ​യി​രു​ന്നെ​ങ്കിൽ വിശ്വ​സി​ക്കാൻപോ​ലും പറ്റാത്ത തരത്തി​ലുള്ള സമ്മർദങ്ങൾ അനുഭ​വി​ച്ചാണ്‌ ഇന്നത്തെ ചെറു​പ്പ​ക്കാ​രി​ല​നേ​ക​രും വളരു​ന്നത്‌. 1,60,000 ചെറു​പ്പ​ക്കാ​രെ ഉൾപ്പെ​ടു​ത്തിയ ഒരു ദേശീ​യ​സർവേ​യു​ടെ സംഘാ​ടകർ പറയു​ന്ന​തി​താണ്‌: “സമർഥ​മാ​യി കൈകാ​ര്യം ചെയ്യാൻ സാധി​ക്കു​ക​യി​ല്ലെന്ന്‌ തങ്ങൾക്കു തോന്നുന്ന പ്രശ്‌ന​ഭാ​രങ്ങൾ, ആത്മവി​ശ്വാ​സം കെടു​ത്തുന്ന നിരു​ത്സാ​ഹ​വും ദുഃഖ​വും, പ്രശ്‌ന​ങ്ങ​ളിൽ സഹാനു​ഭൂ​തി കാണി​ക്കാത്ത മാതാ​പി​താ​ക്കൾ എന്നീ ഘടകങ്ങ​ളിൽനി​ന്നാണ്‌ തങ്ങൾക്കു​ണ്ടാ​കുന്ന കുഴപ്പ​ങ്ങ​ളി​ല​ധി​ക​വും ഉടലെ​ടു​ക്കു​ന്ന​തെന്നു കൗമാ​ര​പ്രാ​യ​ക്കാർ ഞങ്ങളോ​ടു പറയുന്നു.” സമാന​മാ​യി, ഒരു ചെറു​പ്പ​ക്കാ​രനു ജീവിതം ചില​പ്പോ​ഴൊ​ക്കെ എത്ര വേദനാ​ക​ര​മാ​യി​രു​ന്നേ​ക്കാ​മെന്നു മറ്റുള്ളവർ മനസ്സി​ലാ​ക്കു​ന്നേ​യി​ല്ലെന്നു നിങ്ങൾക്കു തോന്നാ​നി​ട​യുണ്ട്‌.

വൈകാ​രി​ക പിന്തു​ണ​ക്കാ​യി നിങ്ങൾക്ക്‌ ആശ്രയി​ക്കാൻ കഴിയുന്ന ഒരു സുഹൃത്തു നിങ്ങൾക്കു​ണ്ടാ​യി​രി​ക്കാ​മെ​ന്നതു ശരിതന്നെ, അത്‌ അല്‌പം ആശ്വാസം തരിക​യും ചെയ്‌തേ​ക്കാം. എന്നാൽ നിങ്ങൾ തനിച്ചു നേരി​ടേണ്ട അതിയാ​യി വേദനി​പ്പി​ക്കുന്ന വിഷമ​ഘ​ട്ടങ്ങൾ ഉണ്ടെന്നു​ള്ളതു വാസ്‌ത​വ​മല്ലേ? ചില അവസര​ങ്ങ​ളിൽ നിങ്ങളു​ടെ “ഹൃദയം” മാത്രം “സ്വന്തദുഃ​ഖത്തെ അറിയു​ന്നു” എന്നുള്ളത്‌ എത്ര സത്യമാണ്‌. (സദൃശ​വാ​ക്യ​ങ്ങൾ 14:10) എന്നാൽ നിങ്ങളെ പൂർണ​മാ​യി മനസ്സി​ലാ​ക്കുന്ന ഒരാളുണ്ട്‌, അവൻ തന്റെ സൗഹൃദം വെച്ചു​നീ​ട്ടു​ക​യും ചെയ്യുന്നു. ഏറ്റവും വേദനാ​ക​ര​മായ സന്ദർഭ​ങ്ങ​ളിൽപോ​ലും അദ്ദേഹ​ത്തി​ന്റെ സൗഹൃദം വലിയ സഹായ​മാ​ണെന്ന്‌ അനേകം ചെറു​പ്പ​ക്കാർ കണ്ടെത്തി​യി​രി​ക്കു​ന്നു.

ദൈവ​വു​മാ​യുള്ള സൗഹൃദം

ഒരു ചെറു​പ്പ​ക്കാ​രി​യോട്‌, അവൾ യഹോ​വ​യാം ദൈവ​ത്തിന്‌ ഏറ്റവു​മ​ധി​കം നന്ദി കൊടു​ക്കു​ന്നത്‌ എന്തിനു​വേ​ണ്ടി​യാ​ണെന്നു ചോദി​ച്ചു. അവളുടെ മറുപടി: “നമുക്ക്‌ അവനെ അറിയാ​നും അവന്റെ ഉറ്റസു​ഹൃ​ത്തു​ക്ക​ളാ​യി​രി​ക്കാ​നും കഴിയും, അതിന്‌.” അതേ, പ്രപഞ്ച​ത്തി​ലെ ഏറ്റവും മികച്ച സുഹൃ​ദ്‌ബ​ന്ധ​ത്തി​ലേക്കു പ്രവേ​ശി​ക്കുക സാധ്യ​മാണ്‌! “യഹോ​വ​യു​മാ​യുള്ള ഉറ്റബന്ധം അവനെ ഭയപ്പെ​ടു​ന്ന​വർക്കു​ള്ള​താണ്‌” എന്നു സങ്കീർത്ത​ന​ക്കാ​രൻ എഴുതി.—സങ്കീർത്തനം 25:14, NW.

“യഹോ​വ​യു​മാ​യുള്ള ഉറ്റബന്ധം”—എത്ര വില​യേ​റിയ അവസരം! അടുത്ത സുഹൃ​ത്തായ ഒരാ​ളോ​ടുള്ള തുറന്ന സ്വകാ​ര്യ​സം​ഭാ​ഷണം എന്ന ആശയമാണ്‌ മൂല എബ്രായ പദം നൽകു​ന്നത്‌. അതു​കൊണ്ട്‌ സ്‌നേ​ഹ​ത്തിൽ അധിഷ്‌ഠി​ത​മായ ഒരടുത്ത ബന്ധമാ​ണത്‌, പരസ്‌പ​ര​വി​ശ്വാ​സ​ത്തിൽനിന്ന്‌ ഉരുത്തി​രി​യുന്ന സവി​ശേ​ഷ​മായ ഒരു അടുപ്പം. ഒരു വ്യക്തി​യെന്ന നിലയിൽ നിങ്ങൾക്കുള്ള യഥാർഥ വില, നിങ്ങളെ നന്നായി മനസ്സി​ലാ​ക്കുന്ന ആ ഒരുവനു മാത്രമേ കണക്കാ​ക്കാൻ സാധി​ക്കു​ക​യു​ള്ളൂ എന്ന വസ്‌തുത ദൈവ​ത്തി​ന്റെ സ്‌നേ​ഹി​ത​നെന്ന നിലക്കു നിങ്ങൾ അനുഭ​വി​ച്ച​റി​യു​ന്നു. എന്നാൽ ഈ സുഹൃ​ദ്‌ബ​ന്ധ​ത്തി​ന്റെ പ്രയോ​ജ​നങ്ങൾ എന്തെല്ലാ​മാണ്‌?

‘ബാല്യം​മു​തൽ എന്റെ ആശ്രയം’

മിക്ക യുവജ​ന​ങ്ങൾക്കും, ഒരു പുറം​മോ​ടി​യ​ല്ലാ​തെ ആത്‌മ​വി​ശ്വാ​സ​മില്ല. “ഞാൻ എന്റെ അഭി​പ്രാ​യങ്ങൾ പറയു​മ്പോൾ ആരെങ്കി​ലും അവരു​ടേ​തു​മാ​യി കടന്നു​വന്ന്‌ എന്റേതി​നു പൂർണ​മാ​യി മാറ്റം വരുത്തു​ന്നു” എന്നു 13-കാരി ജൂഡി വിലപി​ക്കു​ന്നു. “എന്റെ അഭി​പ്രാ​യ​ങ്ങ​ളെ​പ്പറ്റി എനിക്കു തന്നെ അത്ര ഉറപ്പില്ല” എന്നവൾ പറഞ്ഞു. എന്നാൽ, നമ്മുടെ സ്വർഗീ​യ​സു​ഹൃത്ത്‌ തന്റെ എഴുത​പ്പെട്ട വചനമായ ബൈബി​ളിൽ, വിജയ​ക​ര​മായ ജീവിതം നയിക്കു​ന്ന​തി​നുള്ള വിശിഷ്ട മാർഗ​നിർദേശം പ്രദാനം ചെയ്യുന്നു. വാസ്‌ത​വ​ത്തിൽ, സദൃശ​വാ​ക്യ​ങ്ങൾ എന്ന ബൈബിൾപു​സ്‌ത​ക​ത്തി​ലുള്ള ഉപദേ​ശങ്ങൾ “ബാലന്നു പരിജ്ഞാ​ന​വും വകതി​രി​വും” നൽകി അവന്റെ വഴികൾ നേരെ​യാ​ക്കാൻ അവനെ പ്രാപ്‌ത​നാ​ക്കാൻ വേണ്ടി തയ്യാറാ​ക്കി​യി​ട്ടു​ള്ള​വ​യാണ്‌. (സദൃശ​വാ​ക്യ​ങ്ങൾ 1:1-4; 3:1-6) അതിനു നിങ്ങൾക്ക്‌ ആത്മവി​ശ്വാ​സം തരാൻ കഴിയും! ജീവി​ക്കേണ്ട ഏറ്റവും മെച്ചമായ വിധം നിങ്ങൾക്ക്‌ അറിയാൻ കഴിയും.

ബൈബി​ളും ഈ മാസിക പോ​ലെ​യുള്ള ബൈബിൾപഠന സഹായി​ക​ളും സുഹൃ​ത്തു​ക്കളെ എങ്ങനെ തിര​ഞ്ഞെ​ടു​ക്കണം എന്നതു​മു​തൽ മാതാ​പി​താ​ക്ക​ളോ​ടു കാണി​ക്കേണ്ട ശരിയായ മനോ​ഭാ​വം​വ​രെ​യുള്ള ജീവി​ത​ത്തി​ന്റെ എല്ലാ വശങ്ങ​ളെ​പ്പ​റ്റി​യും സൂക്ഷ്‌മ​മായ ഉപദേ​ശങ്ങൾ നൽകുന്നു. (സദൃശ​വാ​ക്യ​ങ്ങൾ 1:8, 9; 13:20) ഈ നിർദേ​ശങ്ങൾ അനുസ​രി​ക്കു​ന്ന​വർക്ക്‌ അങ്ങനെ “മരണത്തി​ന്റെ കെണി​കളെ ഒഴിഞ്ഞു​പോ​കാ”ൻ കഴിയും. (സദൃശ​വാ​ക്യ​ങ്ങൾ 14:27) ഉദാഹ​ര​ണ​ത്തിന്‌, മേയ്‌ എന്ന പെൺകു​ട്ടി തന്റെ സഹോ​ദരി ബൈബിൾ തത്ത്വങ്ങളെ ധിക്കരി​ക്കു​ന്നതു നിരീ​ക്ഷി​ച്ചു. ആ സഹോ​ദ​രിക്ക്‌ അവളുടെ വഷളായ ജീവി​ത​രീ​തി മൂലം ദാരു​ണ​മായ ഒരു വിധത്തിൽ അകാല​മ​രണം സംഭവി​ച്ചു. അത്തരം അധാർമി​ക​തയെ ചെറു​ത്തു​നിൽക്കാൻ തനിക്കു സാധി​ച്ച​തെ​ങ്ങ​നെ​യെന്നു മേയ്‌ വിവരി​ച്ചു: “യഹോ​വ​യു​ടെ ധാർമി​ക​നി​യ​മ​ങ്ങ​ളെ​പ്പറ്റി നന്നായി ധ്യാനി​ക്കാൻ എനിക്കു കഴിയും, അതെനി​ക്കു ശക്തിപ​ക​രു​ന്നു. ഈ തത്ത്വങ്ങൾ യഹോവ എത്ര യാഥാർഥ്യ​മാ​ണെ​ന്നും അവന്റെ വഴികൾ ഏറ്റവും മികച്ച​വ​യാ​ണെ​ന്നും മനസ്സി​ലാ​ക്കാൻ എന്നെ സഹായി​ക്കു​ന്നു.”

ഒരു സുഹൃ​ത്താ​യി യഹോവ ഉണ്ടായി​രി​ക്കുക എന്നതിൽ അവന്റെ നിലവാ​രങ്ങൾ കേവലം പഠിക്കുക എന്നതി​നെ​ക്കാ​ള​ധി​കം ഉൾപ്പെ​ടു​ന്നുണ്ട്‌. നിങ്ങളു​ടെ ജീവി​ത​ത്തിൽ അവൻ കാണി​ക്കുന്ന വ്യക്തി​പ​ര​മായ താത്‌പ​ര്യം നിങ്ങൾക്ക്‌ അനുഭ​വി​ച്ച​റി​യാൻ കഴിയും. ബാല്യം​മു​തൽ യഹോ​വ​യാൽ പഠിപ്പി​ക്ക​പ്പെട്ട ദാവീ​ദു​രാ​ജാ​വി​നെ​പ്പറ്റി ബൈബിൾ പറയുന്നു. ദാവീദ്‌ ദൈവ​ത്തി​ന്റെ ഒരു സ്‌നേ​ഹി​ത​നാ​യി​ത്തീർന്നു. അവൻ ജീവി​ത​ത്തിൽ “അനവധി കഷ്ടങ്ങൾ” അനുഭ​വി​ച്ചെ​ങ്കി​ലും തന്റെ ജീവി​ത​ത്തിൽ യഹോവ പ്രവർത്തി​ക്കു​ന്നത്‌ അവൻ വ്യക്തമാ​യി കണ്ടു. ദൈവം തനിക്കു​വേണ്ടി ചെയ്‌ത “അത്ഭുത​പ്ര​വൃ​ത്തി​കളെ”യും തന്റെ ജീവി​ത​ത്തിൽ പ്രയോ​ഗിച്ച അവന്റെ “ഭുജത്തെ”യും അഥവാ ശക്തി​യെ​യും കുറിച്ചു ദാവീദ്‌ പറയുന്നു. സ്വന്തമായ അത്തരം അനുഭ​വ​ങ്ങ​ളു​ടെ വെളി​ച്ച​ത്തിൽ ദാവീദ്‌ എഴുതു​ന്നു: “യഹോ​വ​യായ കർത്താവേ, നീ എന്റെ പ്രത്യാ​ശ​യാ​കു​ന്നു; ബാല്യം​മു​തൽ നീ എന്റെ ആശ്രയം തന്നേ.” (ചെരി​ച്ചെ​ഴു​ത്തു ഞങ്ങളു​ടേത്‌.) (സങ്കീർത്തനം 71:5, 17, 18, 20) നിങ്ങളു​ടെ ജീവി​ത​ത്തിൽ യഹോ​വ​യു​ടെ അനു​ഗ്ര​ഹങ്ങൾ തിരി​ച്ച​റി​യു​മ്പോൾ നിങ്ങൾക്കും ഇതേ ആത്മവി​ശ്വാ​സം ഉണ്ടായി​രി​ക്കാൻ കഴിയും. വെല്ലു​വി​ളി​കൾക്കി​ട​യി​ലും യഹോ​വ​യു​ടെ മാർഗ​നിർദേ​ശങ്ങൾ അനുസ​രി​ക്കാൻ നിങ്ങൾ കഠിന​ശ്രമം ചെയ്യു​മ്പോൾ ദൈവ​ത്തോട്‌ ഒരമൂ​ല്യ​ബന്ധം സ്ഥാപിച്ച്‌ അവനോ​ടൊ​പ്പം നടക്കു​ക​യാ​യി​രി​ക്കും നിങ്ങൾ ചെയ്യുക.—ഉല്‌പത്തി 6:9 താരത​മ്യം ചെയ്യുക.

ശരിയായ മാർഗ​ത്തിൽ പോകാൻ ദൈവം നമ്മെ സഹായി​ക്കു​ന്നു

ജീവി​ത​ത്തി​ലെ അനേകം പ്രലോ​ഭ​ന​ങ്ങൾക്കും പ്രശ്‌ന​ങ്ങൾക്കും ഇടയ്‌ക്കു ദൈവ​ത്തി​ന്റെ മാർഗ​നിർദേ​ശങ്ങൾ അനുസ​രി​ക്കു​ന്നത്‌ എളുപ്പമല്ല. ഒരു യുവതി​യാ​യി​രി​ക്കെ, മയക്കു​മ​രു​ന്നാ​സ​ക്ത​യും വേശ്യ​യു​മാ​യി​രുന്ന പെഗ്ഗി​യു​ടെ കാര്യ​ത്തിൽ ഇതു വിശേ​ഷി​ച്ചും സത്യമാ​യി​രു​ന്നു. ബൈബിൾ പഠിച്ച​തു​വഴി ആസക്തിയെ തരണം​ചെ​യ്യാ​നും സദാചാ​ര​പ​ര​മായ മാറ്റങ്ങൾ വരുത്താ​നും അവൾക്കു കഴിഞ്ഞു. അങ്ങനെ അവൾ ദൈവ​വു​മാ​യി ഒരു സൗഹൃദം വളർത്തി. എന്നാൽ, മയക്കു​മ​രു​ന്നിൽകൂ​ടി മോചനം നേടാൻ അവളെ പ്രേരി​പ്പിച്ച അതേ സമ്മർദങ്ങൾ തന്നെ അവൾക്കു വീണ്ടും അഭിമു​ഖീ​ക​രി​ക്കേ​ണ്ട​താ​യി വന്നു. എങ്ങനെ ചെറു​ത്തു​നി​ന്നു എന്ന ചോദ്യ​ത്തിന്‌ അവളുടെ മറുപടി ഇതായി​രു​ന്നു: “അത്‌ യഹോ​വ​യു​ടെ ആത്മാവി​ന്റെ സഹായ​ത്താ​ലാ​ണെന്നു മാത്രമേ എനിക്കു പറയാ​നാ​വൂ.”

ദൈവം തന്റെ സുഹൃ​ത്തു​ക്കൾക്കു തന്റെ പരിശു​ദ്ധാ​ത്മാവ്‌ അഥവാ പ്രവർത്ത​ന​നി​ര​ത​മായ ശക്തി കൊടു​ക്കു​ന്നു​വെ​ന്നും അവന്റെ നിലവാ​ര​ങ്ങൾക്കൊ​ത്തു ജീവി​ക്കാൻ അവരെ സഹായി​ക്കാൻ അതിനു കഴിയു​മെ​ന്നും പെഗ്ഗി​ക്ക​റി​യാ​മാ​യി​രു​ന്നു. (പ്രവൃ​ത്തി​കൾ 5:32; 1 കൊരി​ന്ത്യർ 6:9-11) “ആ പഴയ വികാ​രങ്ങൾ തിരി​കെ​വ​രുന്ന ചിലയ​വ​സ​രങ്ങൾ ഇപ്പോ​ഴു​മുണ്ട്‌, പ്രത്യേ​കി​ച്ചും തനിച്ചാ​യി​രി​ക്കു​മ്പോൾ,” പെഗ്ഗി സമ്മതി​ക്കു​ന്നു. “എന്നാൽ അപ്പോൾതന്നെ ഞാൻ പ്രാർഥി​ച്ചു​തു​ട​ങ്ങും. ജീവി​ത​ത്തിൽ ഞാൻ നേടി​യി​ട്ടുള്ള എന്തി​നെ​ക്കാ​ളും എന്നെ ഉത്സാഹ​ഭ​രി​ത​യാ​ക്കു​ന്നത്‌ ഈ പ്രശ്‌നങ്ങൾ തരണം ചെയ്യാ​നുള്ള പ്രാപ്‌തി​യാണ്‌.” ഒരു സുഹൃ​ത്തെന്ന നിലയിൽ ദൈവ​ത്തിന്‌ “നാം ചോദി​ക്കു​ന്ന​തി​ലും നിനക്കു​ന്ന​തി​ലും അത്യന്തം പരമായി ചെയ്‌വാൻ നമ്മിൽ വ്യാപ​രി​ക്കുന്ന ശക്തിയാൽ” നമ്മെ സഹായി​ക്കാൻ കഴിയും എന്നത്‌ എത്ര പ്രോ​ത്സാ​ഹ​ജ​ന​ക​മാണ്‌.—എഫേസ്യർ 3:20.

ദീർഘക്ഷമ, സൗമ്യത, ആത്മനി​യ​ന്ത്രണം എന്നിവ​പോ​ലുള്ള ഗുണങ്ങൾ വികസി​പ്പി​ക്കാൻ ദൈവ​ത്തി​ന്റെ ആത്മാവു നമ്മെ സഹായി​ക്കു​ന്നു. (ഗലാത്യർ 5:22, 23) കൂടാതെ, പ്രാ​യോ​ഗി​ക​സ​ഹാ​യം നൽകു​ന്ന​തി​നു​വേണ്ടി യഹോ​വ​യു​ടെ സാക്ഷി​ക​ളു​ടെ സഭകളിൽ പരിശു​ദ്ധാ​ത്മാ​വി​നാൽ നിയോ​ഗി​ക്ക​പ്പെ​ടുന്ന മൂപ്പന്മാ​രെ അഥവാ ഇടയന്മാ​രെ ദൈവം നൽകി​യി​ട്ടുണ്ട്‌. പെഗ്ഗി ഇങ്ങനെ കൂട്ടി​ച്ചേർക്കു​ന്നു: “എനിക്കു സഭയിൽനിന്ന്‌, പ്രത്യേ​കി​ച്ചു മൂപ്പന്മാ​രിൽനിന്ന്‌ വളരെ​യ​ധി​കം പിന്തുണ ലഭിച്ചി​ട്ടുണ്ട്‌. അതൊരു വലിയ സഹായ​മാ​യി​രു​ന്നു.”

“എന്റെ ഹൃദയ​ത്തി​ന്റെ പാറ”

“സ്‌നേ​ഹി​തൻ എല്ലാകാ​ല​ത്തും സ്‌നേ​ഹി​ക്കു​ന്നു; അനർത്ഥ​കാ​ലത്തു അവൻ സഹോ​ദ​ര​നാ​യ്‌തീ​രു​ന്നു” എന്നു സദൃശ​വാ​ക്യ​ങ്ങൾ 17:17 പറയുന്നു. “അനർത്ഥ​കാ​ലത്ത്‌” ആണ്‌ വിശേ​ഷാൽ ഒരു സ്‌നേ​ഹി​തന്റെ ആവശ്യ​മു​ള്ളത്‌. സങ്കീർത്ത​ന​ക്കാ​ര​നായ ആസാഫ്‌ കഠിന​മായ വികാ​ര​സം​ക്ഷോ​ഭം അനുഭ​വി​ച്ചു​വെ​ങ്കി​ലും അവൻ ഒരു സുഹൃ​ത്തെ​ന്ന​പോ​ലെ ദൈവ​ത്തി​ന്റെ അടു​ത്തേക്കു ചെന്നു. മനോ​വേ​ദ​ന​യാൽ അവന്റെ “ഹൃദയം വ്യസനി​ച്ചി​രു​ന്നു” എങ്കിലും അവൻ പറഞ്ഞു: ‘ദൈവം എന്റെ ഹൃദയ​ത്തി​ന്റെ പാറയാ​കു​ന്നു.’ (സങ്കീർത്തനം 73:21, 26, 28) ആസാഫി​ന്റെ വികാ​ര​മെ​ന്തെന്നു നന്നായി മനസ്സി​ലാ​ക്കിയ യഹോവ അവനു വൈകാ​രി​ക​പി​ന്തുണ നൽകി. ആസാഫിന്‌ പ്രത്യാ​ശ​യും ധൈര്യ​വും നഷ്ടപ്പെ​ടാ​തി​രി​ക്ക​ത്ത​ക്ക​വി​ധം യഹോവ അവന്റെ മേൽ സ്ഥിര​പ്പെ​ടു​ത്തുന്ന ഒരു സ്വാധീ​ന​മാ​യി​രു​ന്നു.

അതു​പോ​ലെ നമ്മുടെ സ്വർഗീ​യ​സ്‌നേ​ഹി​തന്‌ പ്രതി​കൂ​ല​സാ​ഹ​ച​ര്യ​ങ്ങ​ളിൽ പാറ​പോ​ലുള്ള ഒരു അടിസ്ഥാ​ന​മാ​യി​രി​ക്കാൻ കഴിയും. ഒരു കൗമാ​ര​പ്രാ​യ​ക്കാ​രി ഇതു സ്വന്തം അനുഭ​വ​ത്തി​ലൂ​ടെ മനസ്സി​ലാ​ക്കി. ബോണിക്ക്‌ 13 വയസ്സു​ണ്ടാ​യി​രു​ന്ന​പ്പോൾ നാട്ടിൻപു​റത്തെ അവളുടെ കൊച്ചു​വി​ദ്യാ​ല​യ​ത്തി​ലെ പെൺകു​ട്ടി​കൾ അവളെ​പ്പറ്റി ഹീനവും അപകീർത്തി​ക​ര​വു​മായ ഒരു കിംവ​ദന്തി പറഞ്ഞു​പ​ര​ത്തി​ത്തു​ടങ്ങി. എല്ലാവ​രും ആ നുണ വിശ്വ​സി​ച്ചെന്നു ബോണി​ക്കു തോന്നി. അവളുടെ സഹപാ​ഠി​കൾ അനേക​രും ഒരു തണുപ്പൻ മട്ടിലാണ്‌ അവളോ​ടു പെരു​മാ​റി​യത്‌; അവർ അവളെ ചീത്ത​പ്പേ​രു​കൾ വിളി​ക്കു​ക​പോ​ലും ചെയ്‌തു. “അനേകം രാത്രി​ക​ളിൽ ഞാൻ വീട്ടിൽ വന്നു കരയു​മാ​യി​രു​ന്നു. എനിക്കു ഹൃദയ​ത്തിൽ അത്രയ​ധി​കം മുറി​വേ​റ്റി​രു​ന്ന​തു​കൊ​ണ്ടു സ്വയമങ്ങു മരിച്ചാ​ലോ എന്നു​പോ​ലും തോന്നി​പ്പോ​യി,” ബോണി പറഞ്ഞു. അവൾ സഹായ​ത്തി​നാ​യി ചില സുഹൃ​ത്തു​ക്ക​ളി​ലേക്കു തിരിഞ്ഞു. “ഞാൻ ആളുക​ളോ​ടു സംസാ​രി​ക്കാൻ ശ്രമി​ച്ചെ​ങ്കി​ലും അവർക്കു മനസ്സി​ലാ​കു​ന്ന​താ​യി തോന്നി​യില്ല. എന്റെ പ്രശ്‌ന​ത്തിൽ കഴമ്പൊ​ന്നു​മി​ല്ലെന്ന്‌ അവർ കരുതി. ചില​പ്പോ​ഴൊ​ക്കെ എനിക്കു വല്ലാത്ത ഏകാന്തത അനുഭ​വ​പ്പെട്ടു.” ഇത്തരം കുഴപ്പ​ങ്ങൾക്കു നടുവി​ലും പ്രത്യാശ നഷ്ടപ്പെ​ടാ​തെ അവളെ നിലനിർത്തി​യത്‌ എന്തായി​രു​ന്നു? അവൾ തുടരു​ന്നു: “യഹോ​വ​ക്കു​വേണ്ടി മാത്ര​മാ​ണു ഞാൻ ആത്മഹത്യ ചെയ്യാ​തി​രു​ന്നത്‌. ഞാൻ അവനെ അത്രയ​ധി​കം സ്‌നേ​ഹി​ക്കു​ന്നു. അവൻ എന്റെ ഉത്തമ സുഹൃ​ത്താണ്‌.” വൈകാ​രി​ക​മാ​യി തകർത്തു​ക​ള​യുന്ന ആ അനുഭ​വ​ത്തിൽ സഹിച്ചു​നിൽക്കാൻ അവളെ സഹായി​ച്ചത്‌ ദൈവ​വു​മാ​യുള്ള സൗഹൃ​ദ​മാ​യി​രു​ന്നു​വെന്ന്‌ ഇപ്പോൾ അവൾക്ക​റി​യാം.

മറ്റുള്ളവർ നാം പ്രതീ​ക്ഷി​ച്ചേ​ക്കാ​വുന്ന സഹാനു​ഭൂ​തി കാണി​ക്കാ​ത്ത​പ്പോൾ, നമ്മുടെ സാഹച​ര്യ​ങ്ങൾ യഹോവ മനസ്സി​ലാ​ക്കു​ന്നു​വെ​ന്നും യഥാർഥ​ത്തിൽ സംഭവി​ച്ച​തെ​ന്താ​ണെന്ന്‌ അവനറി​യാ​മെ​ന്നും തിരി​ച്ച​റി​യു​ന്നത്‌ ഒരു വലിയ ആശ്വാസം തന്നെയാണ്‌. മാത്രമല്ല, മറ്റുള്ളവർ നമ്മോടു ദയാര​ഹി​ത​മാ​യി പെരു​മാ​റു​ക​യോ നമ്മെ ദ്രോ​ഹി​ക്കുക പോലു​മോ ചെയ്യു​മ്പോൾ നമ്മുടെ സുഹൃത്ത്‌ “മനസ്സലി​വുള്ള പിതാവ്‌” ആണെന്ന​റി​യു​ന്നത്‌ ഒരു വലിയ സഹായ​മാണ്‌. ചില​പ്പോ​ഴൊ​ക്കെ നമ്മു​ടെ​തന്നെ ഹൃദയം നമ്മെ കുറ്റ​പ്പെ​ടു​ത്തി​യേ​ക്കാം, എന്നാൽ “ദൈവം നമ്മുടെ ഹൃദയ​ത്തെ​ക്കാൾ വലിയ​വ​നും എല്ലാം അറിയു​ന്ന​വനു”മാണ്‌. (2 കൊരി​ന്ത്യർ 1:3, 4; 1 യോഹ​ന്നാൻ 3:20) ഒരു പ്രശ്‌ന​ത്തെ​പ്പറ്റി യഹോ​വ​ക്കുള്ള അതേ വീക്ഷണ​മു​ണ്ടാ​യി​രി​ക്കു​ന്നത്‌ തീർച്ച​യാ​യും ആശ്വാ​സ​ദാ​യ​ക​മാ​യി​രി​ക്കും. ഉദാഹ​ര​ണ​ത്തിന്‌ 13 വയസ്സുള്ള ഒരാൺകു​ട്ടി മൂന്നു പുരു​ഷ​ന്മാ​രു​ടെ ക്രൂര​മായ ലൈം​ഗി​ക​ദ്രോ​ഹ​ത്തി​നു വിധേ​യ​നാ​യി. “അതിനു​ശേഷം, എനിക്കു നേരി​ട്ട​തിൽ എനിക്കു ലജ്ജ തോന്നു​ക​യും ഞാൻ സ്വയം കുറ്റ​പ്പെ​ടു​ത്തു​ക​യും ചെയ്‌തു” എന്നവൻ സമ്മതിച്ചു പറഞ്ഞു. “ഞാൻ വളരെ​യ​ധി​കം വിഷണ്ണ​നാ​യി.” പിന്നീ​ടവൻ ബലാത്സം​ഗം എന്ന വിഷയ​ത്തെ​പ്പറ്റി വാച്ച്‌ ടവർ സൊ​സൈ​റ്റി​യു​ടെ ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളിൽ ഗവേഷണം ചെയ്യാൻ തുടങ്ങി. “ഈ വിവരം വായി​ച്ച​പ്പോൾ ഞാൻ നിയ​ന്ത്രണം വിട്ടു കരഞ്ഞു​പോ​യി. എന്റെ ചുമലിൽനി​ന്നു കനത്ത ഒരു ഭാരം ഇറക്കി​വെ​ച്ച​തു​പോ​ലെ എനിക്കു തോന്നി. ഞാൻ ഒരു ബലിയാ​ടാ​യി​രു​ന്നു. യഹോ​വ​യി​ലും കുടും​ബ​ത്തി​ലും സുഹൃ​ത്തു​ക്ക​ളി​ലും ആശ്രയി​ച്ചു​കൊണ്ട്‌ ഈ പ്രക്ഷു​ബ്ധ​കാ​ലത്ത്‌ ആ പ്രശ്‌നം പരിഹ​രി​ക്കാൻ എനിക്കു കഴിഞ്ഞു.” ബൈബി​ള​ധി​ഷ്‌ഠി​ത​മായ ആ വാക്കുകൾ എന്തൊരു സഹായ​മാ​ണു നൽകി​യത്‌!

ദൈവ​വു​മാ​യു​ള്ള സുഹൃ​ദ്‌ബ​ന്ധ​ത്തി​നു പലവി​ധ​ങ്ങ​ളിൽ സഹായി​ക്കാൻ കഴിയും! അതുമൂ​ലം നമുക്ക്‌ ജീവി​ത​ത്തിൽ യഥാർഥ ആത്മവി​ശ്വാ​സം ഉണ്ടായി​രി​ക്കും, ദൈവ​വ​ച​ന​ത്തി​ന്റെ മാർഗ​ത്തിൽ ചരിക്കാ​നുള്ള ആന്തരി​ക​ശക്തി വികസി​പ്പി​ക്കാ​നാ​കും, പ്രതി​കൂ​ല​സാ​ഹ​ച​ര്യ​ങ്ങ​ളിൽ പാറയ്‌ക്കു സമാന​മായ പിന്തുണ ലഭിക്കു​ക​യും ചെയ്യും. പക്ഷേ അത്തര​മൊ​രു സൗഹൃദം എങ്ങനെ വളർത്തി​യെ​ടു​ക്കാം? ഈ പരമ്പര​യി​ലെ ഒരു ഭാവി​ലേ​ഖനം അതു വിശദീ​ക​രി​ക്കും.

[13-ാം പേജിലെ ചിത്രം]

ദൈവത്തിനു ‘നിങ്ങളു​ടെ ഹൃദയ​ത്തി​ന്റെ പാറ’യാകാൻ കഴിയും