സ്‌ഫടി​കം—അതിന്റെ ആദ്യ നിർമാ​താ​ക്കൾ ദീർഘ​നാൾ മുമ്പേ ഉണ്ടായി​രു​ന്നു

സമു​ദ്രോ​പ​രി​ത​ല​ത്തിൽ പൊന്തി​ക്കി​ട​ക്കുന്ന സൂക്ഷ്‌മ ഏകകോശ ജീവി​ക​ളായ ഡയറ്റങ്ങൾ സമു​ദ്ര​ത്തി​ലെ പ്ലവ (plankton) ജീവി​ക​ളു​ടെ പത്തിലാ​റു ഭാഗം വരുന്നു. “പ്ലവം” എന്ന പദത്തിന്റെ അർഥം “അലഞ്ഞു​തി​രി​യാൻ നിർമി​ക്ക​പ്പെ​ട്ടത്‌” എന്നാണ്‌. “യാതൊ​ന്നി​നും കഴിവി​ല്ലാ​ത്ത​വി​ധം തീരെ ചെറു​തും ദുർബല വുമായ” പ്ലവങ്ങൾ “ജലപ്ര​വാ​ഹ​ങ്ങ​ളു​ടെ ശക്തിയാൽ ഒഴുകു​ന്ന​താ​യി” പറയ​പ്പെ​ടു​ന്നു.

അവ ചെറു​താ​യി​രി​ക്കാം, എന്നാൽ ഒട്ടും ദുർബ​ലമല്ല. ശക്തിയായ കാറ്റടിച്ച്‌ ആഴിയു​ടെ ആഴങ്ങളിൽനി​ന്നു പോഷ​ക​വ​സ്‌തു​ക്കൾ പതഞ്ഞു​പൊ​ന്തു​മ്പോൾ ഡയറ്റങ്ങൾ എന്നറി​യ​പ്പെ​ടുന്ന ഈ ഏകകോശ കടൽപ്പോ​ച്ച​കൾക്ക്‌ (algae) തീറ്റി​ഭ്രാന്ത്‌ ആരംഭി​ക്കു​ന്നു. രണ്ടു ദിവസം​കൊണ്ട്‌ അവയുടെ എണ്ണം ഇരട്ടി​ക്കു​ന്നു. എണ്ണം ഇരട്ടി​ക്കു​മ്പോൾ അവ ഉത്‌പാ​ദി​പ്പി​ക്കുന്ന സ്‌ഫടി​ക​ത്തി​ന്റെ അളവും ഇരട്ടി​ക്കു​ന്നു. ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? (ഇംഗ്ലീഷ്‌) എന്ന പുസ്‌തകം അത്‌ ഇങ്ങനെ വിശദ​മാ​ക്കു​ന്നു:

“ഏകകോശ ജീവി​ക​ളായ ഡയറ്റങ്ങൾ കടൽവെ​ള്ള​ത്തിൽനി​ന്നു സിലി​ക്ക​ണും ഓക്‌സി​ജ​നും സ്വീക​രി​ച്ചു സ്‌ഫടി​കം നിർമി​ക്കു​ന്നു. അതുപ​യോ​ഗിച്ച്‌ അവ ഹരിതകം വെക്കു​ന്ന​തി​നുള്ള ചെറിയ ‘ഗുളി​ക​ച്ചെ​പ്പു​കൾ’ ഉണ്ടാക്കു​ന്നു. അവയുടെ പ്രാധാ​ന്യ​ത്തെ​യും ഭംഗി​യെ​യും​കു​റിച്ച്‌ ഒരു ശാസ്‌ത്രജ്ഞൻ ഇപ്രകാ​രം പ്രകീർത്തി​ച്ചു: ‘രത്‌ന​ച്ചെ​പ്പു​ക​ളിൽ അടെച്ചു​വ​ച്ചി​രി​ക്കുന്ന ഈ പച്ചിലകൾ മുഴു സമു​ദ്ര​ജീ​വി​കൾക്കും ആവശ്യ​മായ ആഹാര ത്തിന്റെ പത്തി​ലൊ​മ്പതു ഭാഗവും പ്രദാനം ചെയ്യുന്ന പുൽമേ​ടു​ക​ളാണ്‌.’ ഡയറ്റങ്ങ​ളു​ടെ ഭക്ഷണമൂ​ല്യ​ത്തി​ന്റെ വലി​യൊ​രു ഭാഗം അവ ഉത്‌പാ​ദി​പ്പി​ക്കുന്ന എണ്ണയി​ലാണ്‌. ജലോ​പ​രി​ത​ല​ത്തി​ന​ടു​ത്തു മുങ്ങി​പ്പോ​കാ​തെ അങ്ങോ​ട്ടു​മി​ങ്ങോ​ട്ടും ചലിക്കു​ന്ന​തി​നും എണ്ണ അവയെ സഹായി​ക്കു​ന്നു. അങ്ങനെ ചെയ്യു​മ്പോൾ അവയിലെ ഹരിത​ക​ത്തിന്‌ വെയിൽ കായാ​നും കഴിയു​ന്നു.

“‘വൃത്തം, സമചതു​രം, പരിച​യു​ടെ ആകൃതി, ത്രി​കോ​ണം, അണ്ഡാകൃ​തി, ദീർഘ​ച​തു​രം എന്നിങ്ങനെ’ അവയുടെ മനോ​ജ്ഞ​മായ സ്‌ഫടിക ചെപ്പു​ക​ളു​ടെ ‘ആകൃതി വൈവി​ധ്യം അമ്പരപ്പി​ക്കു​ന്ന​താണ്‌. ഇവ എല്ലായ്‌പോ​ഴും ജ്യാമി​തീയ കൊത്തു​പ​ണി​കൾകൊണ്ട്‌ സുന്ദര​മാ​യി അലങ്കരി​ച്ചി​രി​ക്കും. ഇവ തനി സ്‌ഫടി​ക​ത്തിൽ ചെയ്‌ത സങ്കീർണ​മായ അലങ്കാ​ര​പ്പ​ണി​യാണ്‌. ഈ അടയാ​ള​ങ്ങൾക്കി​ട​യിൽ മനുഷ്യ​ന്റെ ഒരു തലമുടി ചേർത്തു​വ​യ്‌ക്ക​ണ​മെ​ങ്കിൽ അതിനെ നാനൂറു പ്രാവ​ശ്യം നീളത്തിൽ കീറേ​ണ്ടി​വ​രും, അത്രമാ​ത്രം സൂക്ഷ്‌മ വൈദ​ഗ്‌ധ്യ​ത്തോ​ടെ​യാണ്‌ അലങ്കാ​ര​പ്പണി തീർത്തി​രി​ക്കു​ന്നത്‌’ എന്ന്‌ അതേ ശാസ്‌ത്രജ്ഞൻ തന്നെ നമ്മോടു പറയുന്നു.”—പേജുകൾ 143-4.a

സമു​ദ്ര​ത്തി​ലെ പ്ലവങ്ങളിൽ ഉൾപ്പെ​ടുന്ന തഴച്ചു​വ​ള​രുന്ന മറ്റൊരു കൂട്ടം കൊച്ചു കലാസൃ​ഷ്ടി​ക​ളാണ്‌ റേഡി​യോ​ലേ​റി​യ​നു​കൾ. 20-ഓ അതില​ധി​ക​മോ എണ്ണത്തിന്‌ ഒരു മൊട്ടു​സൂ​ചി​യു​ടെ മൊട്ടിൽ ഒന്നൊന്നു തൊടാ​തെ ഇരിക്കാൻ കഴിയ​ത്ത​ക്ക​വണ്ണം അത്രമാ​ത്രം ചെറിയ പ്രോ​ട്ടോ​സോ​വ​നു​ക​ളാണ്‌ ഇവ. സമു​ദ്ര​ത്തി​ലെ സിലി​ക്ക​ണും ഓക്‌സി​ജ​നും ഉപയോ​ഗിച്ച്‌ ഇവയ്‌ക്കും സ്‌ഫടി​കം നിർമി​ക്കാൻ കഴിയും. ഈ സൃഷ്ടികൾ രചിക്കുന്ന സങ്കീർണ​മായ സൗന്ദര്യ​വും വിസ്‌മ​യ​ക​ര​മായ ഡി​സൈ​നു​ക​ളും വർണനാ​തീ​ത​മാണ്‌, എന്തെന്നാൽ അവ ഡയറ്റങ്ങ​ളെ​പ്പോ​ലും കടത്തി​വെ​ട്ടു​ന്നു. റഷ്യൻ പാവക​ളു​ടേ​തു​പോ​ലെ മൂന്നു പന്തുകൾ ഒന്നിച്ചു ചേർത്തുള്ള റേഡി​യോ​ലേ​റി​യ​നു​ക​ളി​ലൊ​ന്നി​ന്റെ, ഇതോ​ടൊ​പ്പം കൊടു​ത്തി​രി​ക്കുന്ന, ചിത്രം സൂക്ഷ്‌മ​മാ​യി നിരീ​ക്ഷി​ക്കുക. അതിന്റെ സ്‌ഫടിക ചട്ടക്കൂ​ടി​ലുള്ള ദ്വാര​ങ്ങ​ളി​ലൂ​ടെ നീണ്ടു​നിൽക്കുന്ന പ്രോ​ട്ടോ​പ്ലാ​സം​കൊ​ണ്ടുള്ള മുള്ളുകൾ ഉപയോ​ഗിച്ച്‌ അവ ഇരയെ പിടി​ക്കു​ക​യും ദഹിപ്പി​ക്കു​ക​യും ചെയ്യുന്നു. ഒരു ശാസ്‌ത്രജ്ഞൻ ഇങ്ങനെ അഭി​പ്രാ​യ​പ്പെ​ടു​ന്നു: “ഈ അതിസ​മർഥ​നായ ശിൽപ്പിക്ക്‌ ലോല​മായ ഒരു താഴി​ക​ക്കു​ടം മതിയാ​വില്ല; ഒന്നി​ന്റെ​യു​ള്ളിൽ മറ്റൊ​ന്നാ​യി വച്ചിരി​ക്കുന്ന, ലെയ്‌സ്‌ സമാന കൊത്തു​പ​ണി​യുള്ള മൂന്നു സ്‌ഫടിക താഴി​ക​ക്കു​ടങ്ങൾ തന്നെ വേണം.”

സ്‌ഫടി​കം​കൊ​ണ്ടുള്ള ചട്ടക്കൂ​ടു​കൾ ഉണ്ടാക്കുന്ന സ്‌പഞ്ചു​ക​ളു​മുണ്ട്‌—ഏറ്റവും വിസ്‌മ​യ​ക​ര​മായ ഒന്ന്‌ വീനസി​ന്റെ പൂക്കൂ​ട​യാണ്‌. 19-ാം നൂറ്റാ​ണ്ടി​ന്റെ തുടക്ക​ത്തിൽ ഈ സ്‌പഞ്ചു​കളെ ആദ്യമാ​യി യൂറോ​പ്പി​ലേക്കു കൊണ്ടു​വ​ന്ന​പ്പോൾ ജന്തുശാ​സ്‌ത്ര ശേഖര​ങ്ങ​ളി​ലെ ചെല​വേ​റിയ നിധി​ക​ളാ​യി അവയെ സൂക്ഷി​ക്ക​ത്ത​ക്ക​വണ്ണം അത്രമാ​ത്രം കണ്ണഞ്ചി​പ്പി​ക്കു​ന്ന​താ​യി​രു​ന്നു അവയുടെ ഡിസൈൻ—അവ വിരള​മ​ല്ലെ​ന്നും “ഫിലി​പ്പീൻസി​ലെ സെയ്‌ബു​വി​ന്റെ സമീപ​പ്ര​ദേ​ശത്തെ കടൽത്ത​ട്ടി​ലും ജപ്പാൻ കടൽത്തീ​ര​ങ്ങ​ളി​ലു​ട​നീ​ളം 200-300 മീ. [700-1,000 അടി] ആഴത്തി​ലും” ഇവയുടെ “ഒരു പരവതാ​നി രൂപം​കൊ​ണ്ടി​ട്ടു​ണ്ടെ”ന്നും കണ്ടുപി​ടി​ക്കു​ന്ന​തു​വരെ അവ ഇപ്രകാ​രം സൂക്ഷി​ക്ക​പ്പെട്ടു.

അതുക​ണ്ടിട്ട്‌ വളരെ​യ​ധി​കം മതിപ്പും അമ്പരപ്പും തോന്നിയ ഒരു ശാസ്‌ത്രജ്ഞൻ ഇപ്രകാ​രം പറഞ്ഞു: “[വീനസി​ന്റെ പൂക്കൂട] എന്നറി​യ​പ്പെ​ടു​ന്ന​തു​പോ​ലുള്ള, സിലിക്കാ മുകു​ള​ങ്ങൾകൊ​ണ്ടു നിർമി​ത​മായ സങ്കീർണ​മായ സ്‌പഞ്ച്‌ ചട്ടക്കൂ​ടു​കൾ നമ്മുടെ സങ്കൽപ്പ​ത്തെ​പ്പോ​ലും വെല്ലു​ന്ന​താണ്‌. ഭാഗി​ക​മാ​യി സ്വത​ന്ത്ര​മായ ഈ സൂക്ഷ്‌മ കോശ​ങ്ങൾക്കു കൂട്ടായി പ്രവർത്തിച്ച്‌ ദശലക്ഷ​ക്ക​ണ​ക്കി​നു സ്‌ഫടിക ചീളുകൾ ഉത്‌പാ​ദി​പ്പി​ക്കാ​നും സങ്കീർണ​വും മനോ​ജ്ഞ​വു​മായ വല രൂപീ​ക​രി​ക്കാ​നും എങ്ങനെ കഴിയും? നമുക്ക​റി​യില്ല.”

സ്‌പഞ്ചി​നും അതറി​യില്ല. കാരണം അതിനു തലച്ചോ​റില്ല. അപ്രകാ​രം ചെയ്യാൻ പ്രോ​ഗ്രാം ചെയ്യ​പ്പെ​ട്ടി​രി​ക്കു​ന്ന​തി​നാ​ലാണ്‌ അതങ്ങനെ ചെയ്യു​ന്നത്‌. ആരാണു പ്രോ​ഗ്രാം ചെയ്‌തത്‌? മനുഷ്യ​നല്ല. അവൻ അവി​ടെ​യി​ല്ലാ​യി​രു​ന്നു.

സ്‌ഫടി​ക​ത്തി​ന്റെ ചരി​ത്ര​ത്തിൽ മനുഷ്യ​ന്റെ സ്ഥാനം

എന്നാൽ ഈ രംഗ​ത്തേക്ക്‌ ഇപ്പോൾ മനുഷ്യൻ കടന്നു​വ​ന്നി​രി​ക്കു​ന്നു. സ്‌ഫടി​ക​ത്തി​ന്റെ നിർമാ​ണ​ത്തി​ലും ഉപയോ​ഗ​ത്തി​ലും അവൻ പ്രത്യ​ക്ഷ​ത്തിൽ മുഖ്യ​സ്ഥാ​നം കയ്യടക്കി​യി​രി​ക്കു​ന്നു. സ്‌ഫടി​കം എല്ലായി​ട​ത്തു​മുണ്ട്‌; അതു നമുക്കു ചുറ്റു​മുണ്ട്‌. നിങ്ങളു​ടെ ജനലു​ക​ളി​ലും കണ്ണടക​ളി​ലും കമ്പ്യൂട്ടർ സ്‌ക്രീ​നി​ലും തീൻമേ​ശ​യി​ലെ ഉപകര​ണ​ങ്ങ​ളി​ലും ആയിര​ക്ക​ണ​ക്കി​നു മറ്റുത്‌പ​ന്ന​ങ്ങ​ളി​ലും അതു കാണാം.

സ്‌ഫടി​ക​ത്തി​ന്റെ വൈവി​ധ്യ​വും ഭംഗി​യും അതിന്റെ ജനസമ്മതി നിലനിർത്താൻ സഹായ​ക​മാ​യി​രി​ക്കു​ന്നു. അത്‌ എളുപ്പ​ത്തിൽ പൊട്ടു​മെ​ങ്കി​ലും അതിന്‌ മറ്റുവി​ധ​ങ്ങ​ളിൽ ബലമുണ്ട്‌. അതിൽ ഭക്ഷണപ​ദാർഥങ്ങൾ ശേഖരി​ച്ചു​വ​യ്‌ക്കാൻ ആളുകൾ ഇപ്പോ​ഴും ഇഷ്ടപ്പെ​ടു​ന്നു. ഉദാഹ​ര​ണ​ത്തിന്‌, ലോഹ​ങ്ങ​ളെ​പ്പോ​ലെ അതു ഭക്ഷണത്തിന്‌ അരുചി വരുത്തു​ന്നില്ല. ചില സ്‌ഫടിക പാത്രങ്ങൾ പാചക​ത്തിന്‌ ഉപയോ​ഗി​ക്കാ​വു​ന്ന​താണ്‌. നിങ്ങളു​ടെ പ്രിയ​പ്പെട്ട റെസ്റ്ററൻറ്‌ പ്ലാസ്റ്റിക്‌ കപ്പുക​ളിൽ മുന്തിരി വീഞ്ഞു നൽകു​ന്നത്‌ നിങ്ങൾക്കു സങ്കൽപ്പി​ക്കാൻ കഴിയില്ല.

ഇയ്യോബ്‌ സ്‌ഫടി​ക​ത്തി​ന്റെ മൂല്യത്തെ സ്വർണ​ത്തി​ന്റേ​തി​നോ​ടു​പ​മി​ച്ചു. (ഇയ്യോബ്‌ 28:17) അദ്ദേഹ​ത്തി​ന്റെ നാളിൽ അത്‌ ഇപ്പോ​ഴ​ത്തെ​പ്പോ​ലെ സാധാ​ര​ണ​മ​ല്ലാ​യി​രു​ന്നു. എന്നാൽ സാധ്യ​ത​യ​നു​സ​രിച്ച്‌ അത്‌ അക്കാല​ത്തു​തന്നെ ആയിര​ത്തി​ല​ധി​കം വർഷമാ​യി ഉപയോ​ഗ​ത്തി​ലു​ണ്ടാ​യി​രു​ന്നു.

സ്‌ഫടിക നിർമാണ കല ഒടുവിൽ ഈജി​പ്‌തി​ലു​മെത്തി. ഈജി​പ്‌തു​കാർ ഉൾമൂ​ശ​യിൽ വാർക്കൽ (core–forming) എന്നു പറയുന്ന ഒരു രീതി അവലം​ബി​ച്ചു. ആകൃതി​വ​രു​ത്തിയ ഉൾമൂശ കളിമ​ണ്ണും ചാണക​വും ഉപയോ​ഗി​ച്ചു നിർമി​ച്ച​താണ്‌. ഉരുക്കിയ സ്‌ഫടി​കം അതിനു ചുറ്റും ഒഴിക്കു​ന്നു. എന്നിട്ട്‌ ഒരു മിനു​സ​മുള്ള പ്രതല​ത്തിൽ ഇട്ട്‌ ഉരുട്ടു​മ്പോൾ അതിന്‌ ആകൃതി വരും. അതിനു​ശേഷം വിവിധ ഡി​സൈ​നു​കൾ ഉണ്ടാക്കു​ന്ന​തി​നു​വേണ്ടി വർണപ്പ​കി​ട്ടുള്ള സ്‌ഫടിക നാരുകൾ ഉപരി​ത​ല​ത്തിൽ പാകുന്നു. സ്‌ഫടി​കം തണുത്തു കഴിയു​മ്പോൾ കളിമൺ ഉൾമൂശ ഒരു കൂർത്ത ഉപകരണം ഉപയോ​ഗി​ച്ചു പുറ​ത്തെ​ടു​ക്കു​ന്നു. പ്രാചീന രീതി വെച്ചു​നോ​ക്കു​മ്പോൾ അതിശ​യ​ക​ര​മാം​വി​ധം ആകർഷ​ക​മായ ചില സ്‌ഫടിക വസ്‌തു​ക്കൾ ഉത്‌പാ​ദി​പ്പി​ക്ക​പ്പെട്ടു.

സ്‌ഫടിക സ്‌ഫു​ടനം (glassblowing) എന്നു പറയുന്ന ഒരു പുതിയ രീതി സ്‌ഫടിക ഉത്‌പാ​ദ​ന​ത്തിൽ വിപ്ലവം സൃഷ്ടി​ച്ചത്‌ വളരെ​നാൾ കഴിഞ്ഞാ​യി​രു​ന്നു. ഈ കല കിഴക്കൻ മെഡി​റ്റ​റേ​നി​യൻ തീരത്തു​വച്ചു കണ്ടുപി​ടി​ച്ചി​രി​ക്കാ​നാ​ണു സാധ്യത. കരം​കൊ​ണ്ടു സ്‌ഫടി​കം നിർമി​ക്കാ​നുള്ള പ്രഥമ മാർഗം ഇന്നും അതുതന്നെ. ഒരു പൊള്ള​യായ കുഴലി​ലൂ​ടെ ഊതി​ക്കൊണ്ട്‌, സ്‌ഫടിക സ്‌ഫു​ട​ന​ത്തിൽ പരിചയ സമ്പന്നനായ വ്യക്തിക്ക്‌ ആ കുഴലി​ന്റെ അറ്റത്തുള്ള ഉരുകിയ സ്‌ഫടിക “ശേഖര”ത്തിൽനി​ന്നു സങ്കീർണ​വും പ്രതി​സാ​മ്യ​ത​യു​ള്ള​തു​മായ ആകൃതി​കൾ വേഗത്തിൽ നിർമി​ക്കാൻ കഴിയും. വ്യത്യസ്‌ത ആകൃതി​കൾ വേണ​മെ​ങ്കിൽ അയാൾക്ക്‌ ഉരുകിയ സ്‌ഫടി​കത്തെ ഒരു മൂശയി​ലേക്ക്‌ ഊതി​വീർപ്പി​ക്കാ​വു​ന്ന​താണ്‌. യേശു ഭൂമി​യി​ലാ​യി​രുന്ന സമയത്ത്‌ സ്‌ഫടിക സ്‌ഫു​ടനം അതിന്റെ ശൈശ​വാ​വ​സ്ഥ​യി​ലാ​യി​രു​ന്നു.

സ്‌ഫടിക സ്‌ഫു​ട​ന​മെന്ന നൂതന​വി​ദ്യ​യും അതോ​ടൊ​പ്പം ശക്തിമ​ത്തായ റോമാ സാമ്രാ​ജ്യ​ത്തി​ന്റെ പിന്തു​ണ​യും സ്‌ഫടിക ഉത്‌പ​ന്നങ്ങൾ സാധാരണ ജനങ്ങൾക്കു കൂടുതൽ ലഭ്യമാ​ക്കി​ത്തീർത്തു. സ്‌ഫടി​കം​കൊ​ണ്ടുള്ള വസ്‌തു​ക്കൾ മേലാൽ കുലീ​ന​രു​ടെ​യും ധനിക​രു​ടെ​യും കുത്തക​യാ​യി​രു​ന്നില്ല. റോമൻ സ്വാധീ​നം വർധി​ച്ച​തോ​ടെ സ്‌ഫടിക നിർമാണ കല അനേകം രാജ്യ​ങ്ങ​ളി​ലേക്കു വ്യാപി​ച്ചു.

15-ാം നൂറ്റാ​ണ്ടാ​യ​പ്പോ​ഴേ​ക്കും യൂറോ​പ്പിൽ സ്‌ഫടിക വസ്‌തു​ക്കൾ മുഖ്യ​മാ​യി ഉത്‌പാ​ദി​പ്പി​ച്ചി​രു​ന്നത്‌ അതിന്റെ ഒരു പ്രധാന വ്യാപാര കേന്ദ്ര​മാ​യി​രുന്ന വെനീസ്‌ ആയിരു​ന്നു. വെനീ​സി​ലെ സ്‌ഫടിക വ്യവസാ​യം മുരാ​നോ കേന്ദ്രീ​ക​രി​ച്ചാ​യി​രു​ന്നു. വെനീ​സി​ലെ സ്‌ഫടിക നിർമാ​താ​ക്കൾ വളരെ​യ​ധി​കം വിലമ​തി​ക്ക​പ്പെ​ട്ടി​രു​ന്നു. പക്ഷേ അവരുടെ അമൂല്യ​മായ വ്യാപാര രഹസ്യങ്ങൾ മറ്റുള്ള​വർക്കു പിടി​കി​ട്ടാ​തി​രി​ക്കാൻ അവർ മുരാ​നോ ദ്വീപു വിട്ടു​പോ​കു​ന്നതു നിരോ​ധി​ച്ചി​രു​ന്നു.

വെനീ​സി​ലെ മനോ​ഹ​ര​മായ സ്‌ഫടിക ഉപകര​ണങ്ങൾ സ്‌ഫടി​ക​ത്തി​ന്റെ ജനപ്രീ​തി വർധി​പ്പി​ക്കു​ന്ന​തി​നു വളരെ​യ​ധി​കം സഹായി​ച്ചു. എന്നാൽ സ്‌ഫടിക നിർമാ​ണം തീർച്ച​യാ​യും എളുപ്പ​മുള്ള ഒരു ജോലി​യ​ല്ലാ​യി​രു​ന്നു. സ്‌ഫടി​ക​ത്തി​ന്റെ ഒരു ഹ്രസ്വ ചരിത്രം (ഇംഗ്ലീഷ്‌) എന്ന പുസ്‌തകം, സ്‌ഫടിക നിർമാ​ണം എങ്ങനെ​യാ​യി​രു​ന്നു​വെന്നു വിവരി​ക്കുന്ന 1713-ലെ ഒരു പ്രസി​ദ്ധീ​ക​ര​ണത്തെ പരാമർശി​ക്കു​ന്നു. “ആ പുരു​ഷൻമാർ മരം​കോ​ച്ചുന്ന ശൈത്യ​കാ​ലത്ത്‌ ചുട്ടു പഴുത്ത ചൂളകൾക്കു സമീപം മണിക്കൂ​റു​ക​ളോ​ളം അർധന​ഗ്ന​രാ​യി നിൽക്കു​ന്നു . . . അവരുടെ ത്വക്കിൽ ചുളി​വു​കൾ വീഴുന്നു, കാരണം അവരുടെ രൂപം​തന്നെ . . . അമിത​മായ ചൂടി​നാൽ പൊള്ളി നശിക്കു​ന്നു.” പിൻവന്ന വർഷങ്ങ​ളിൽ സ്‌ഫടി​കം മുറി​ക്കു​ന്നവർ കറങ്ങി​ക്കൊ​ണ്ടി​രി​ക്കുന്ന ഒരു ചക്രവും രാകാ​നുള്ള പൊടി​യും ഉപയോ​ഗി​ച്ചു സ്‌ഫടി​കം മിനു​സ​പ്പെ​ടു​ത്തി.

പിൽക്കാല നവീക​ര​ണ​ങ്ങൾ

സ്‌ഫടി​ക​ത്തി​ന്റെ ചരി​ത്ര​ത്തിൽ ഇംഗ്ലണ്ടി​നെ പ്രത്യേ​കം പരാമർശി​ക്കു​ന്നുണ്ട്‌. ഇംഗ്ലണ്ടു​കാ​ര​നായ ഒരു സ്‌ഫടിക നിർമാ​താവ്‌ ലെഡ്‌ സ്‌ഫടി​ക​ത്തി​ന്റെ ഫോർമുല 1676-ൽ മെച്ച​പ്പെ​ടു​ത്തി​യെ​ടു​ത്തു. ലെഡ്‌ ഓക്‌​സൈഡ്‌ ചേർക്കു​മ്പോൾ ബലമു​ള്ള​തും വ്യക്തവും വെട്ടി​ത്തി​ള​ങ്ങു​ന്ന​തു​മായ ഭാരമുള്ള ഒരുതരം സ്‌ഫടി​കം ഉത്‌പാ​ദി​പ്പി​ക്ക​പ്പെ​ടു​ന്നു.

വിക്ടോ​റി​യൻ യുഗത്തിൽ ബ്രിട്ടീഷ്‌ സാമ്രാ​ജ്യം ഔന്നത്യ​ത്തി​ന്റെ കൊടു​മു​ടി​യി​ലാ​യി​രു​ന്നു. ഈ സമയത്ത്‌ ബ്രിട്ടൻ ഒരു മുഖ്യ സ്‌ഫടിക ഉത്‌പാ​ദ​ക​യും കൂടി​യാ​യി​രു​ന്നു. 1851-ൽ ക്രിസ്റ്റൽ പാലസിൽ നടന്ന മഹത്തായ പ്രദർശനം പ്രത്യേ​കം ശ്രദ്ധേ​യ​മാ​യി​രു​ന്നു. ലോക​ത്തി​ലെ ആദ്യത്തെ പ്രദർശ​ന​മേ​ള​യാ​യി​രു​ന്നു അത്‌. ഏതാണ്ട്‌ 90 രാജ്യ​ങ്ങ​ളിൽനി​ന്നു വ്യാവ​സാ​യിക കലയു​ടെ​യും കരകൗ​ശ​ല​വി​ദ്യ​യു​ടെ​യും പ്രദർശ​കരെ അത്‌ ആകർഷി​ച്ചു. പ്രദർശ​ന​ങ്ങ​ളി​ലെ പ്രമുഖ സവി​ശേഷത സ്‌ഫടി​ക​മാ​യി​രു​ന്നു​വെ​ങ്കി​ലും ക്രിസ്റ്റൽ പാലസും അതിന്റെ മധ്യത്തി​ലെ 8.2 മീറ്റർ ഉയരമുള്ള സ്‌ഫടിക ജലധാ​ര​യു​മാ​യി​രു​ന്നു ശ്രദ്ധ പിടി​ച്ചെ​ടു​ത്തത്‌. ഈ ബൃഹത്തായ ഘടനയ്‌ക്ക്‌ 400 ടണ്ണോളം സ്‌ഫടിക ഷീറ്റുകൾ ഉപയോ​ഗി​ച്ചു. സ്‌ഫു​ടനം ചെയ്‌ത 3,00,000 സ്‌ഫടിക ഫലകങ്ങൾ അതിലുണ്ട്‌.

അടുത്ത​താ​യി സ്‌ഫടിക നിർമാ​ണ​ത്തിൽ പ്രമുഖ മാറ്റം സംഭവി​ച്ചത്‌ ഐക്യ​നാ​ടു​ക​ളി​ലാ​യി​രു​ന്നു. 1820-കളിൽ ഒരു യാന്ത്രിക സമ്മർദന യന്ത്രം മെച്ച​പ്പെ​ടു​ത്തി​യെ​ടു​ത്ത​താ​യി​രു​ന്നു ഈ മാറ്റം. സ്‌ഫടി​ക​ത്തി​ന്റെ ഒരു ഹ്രസ്വ ചരിത്രം എന്ന പുസ്‌തകം ഇതു സംബന്ധിച്ച്‌ ഇങ്ങനെ അഭി​പ്രാ​യ​പ്പെ​ടു​ന്നു: “സ്‌ഫടിക സ്‌ഫു​ടനം ചെയ്യു​ന്ന​തിൽ പരിശീ​ലനം സിദ്ധിച്ച മൂന്നോ നാലോ പേർ ഉണ്ടാക്കു​ന്ന​തി​ന്റെ നാലി​രട്ടി സ്‌ഫടി​കം, ഒരു സമ്മർദന യന്ത്രത്തിൽ വലിയ പ്രവൃത്തി പരിച​യ​മൊ​ന്നു​മി​ല്ലാത്ത രണ്ടു പേർക്ക്‌ ഉണ്ടാക്കാൻ കഴിയും.”

20-ാം നൂറ്റാ​ണ്ടി​ന്റെ ആദ്യകാ​ലത്ത്‌ ഐക്യ​നാ​ടു​ക​ളിൽ സ്വയം പ്രവർത്തി​ക്കുന്ന ഒരു കുപ്പി സ്‌ഫുടന യന്ത്രം മെച്ച​പ്പെ​ടു​ത്തി​യെ​ടു​ത്തു. 1926-ൽ പെൻസിൽവേ​നി​യ​യി​ലെ ഒരു പ്ലാൻറ്‌, ഒരു മിനി​റ്റിൽ 2,000 വൈദ്യു​ത ബൾബുകൾ ഉത്‌പാ​ദി​പ്പി​ക്കു​ന്ന​തി​നാ​യി സ്വയം പ്രവർത്തി​ക്കുന്ന ഒരു ഉപകരണം ഉപയോ​ഗി​ക്കു​ക​യു​ണ്ടാ​യി.

സ്‌ഫടി​ക​ത്തി​ന്റെ കലാപ​ര​മായ ഉപയോ​ഗ​ങ്ങൾക്കുള്ള സാധ്യത അനേകം കലാകാ​രൻമാ​രെ​യും രൂപകൽപ്പ​ക​രെ​യും ആകർഷി​ച്ചി​രി​ക്കു​ന്നു. ഇത്‌ സ്‌ഫടിക ഉത്‌പ​ന്ന​ങ്ങ​ളി​ലെ നൂതന ഡി​സൈ​നു​കൾക്കും സ്‌ഫടി​കം​കൊ​ണ്ടു കൂടുതൽ കലാസൃ​ഷ്ടി​കൾ നടത്തു​ന്ന​തി​നും ഇടയാ​ക്കി​യി​രി​ക്കു​ന്നു.

തീർച്ച​യാ​യും സ്‌ഫടി​കം ഒരു അത്ഭുത​മാണ്‌. അതിന്റെ എല്ലാവിധ ഗാർഹിക ഉപയോ​ഗ​ങ്ങ​ളെ​യും കൂടാ​തെ​യുള്ള അനേകം മറ്റുപ​യോ​ഗങ്ങൾ പരിഗ​ണി​ക്കുക—ഹബിൾ ബഹിരാ​കാശ ദൂരദർശി​നി​യിൽ, ക്യാമറ ലെൻസു​ക​ളിൽ, ഫൈബർ ഒപ്‌റ്റിക്‌ വാർത്താ​വി​നി​മയ സംവി​ധാ​ന​ങ്ങ​ളിൽ, പിന്നെ രസതന്ത്ര പരീക്ഷ​ണ​ശാ​ല​യിൽ. അത്‌ എളുപ്പം പൊട്ടു​ന്ന​താ​യി​രി​ക്കാം, എന്നാൽ ബഹുമു​ഖോ​പ​യോ​ഗ​ങ്ങ​ളു​ള്ള​തും മനോ​ഹ​ര​വു​മാണ്‌.

[അടിക്കു​റിപ്പ്‌]

[25-ാം പേജിലെ ചിത്ര​ത്തിന്‌ കടപ്പാട്‌]

Top and Bottom: The Corning Museum of Glass

[26-ാം പേജിലെ ചിത്ര​ത്തിന്‌ കടപ്പാട്‌]

The Corning Museum of Glass