ശിശു​ക്കളെ കൊണ്ടു​പോ​കു​ന്ന​തി​നുള്ള ആഫ്രിക്കൻ, വടക്കേ അമേരി​ക്കൻ രീതികൾ

നൈജീരിയയിലെ ഉണരുക! ലേഖകൻ

ലോക​ത്തു​ട​നീ​ള​മുള്ള ആളുകൾക്ക്‌ കുട്ടി​കളെ കൊണ്ടു​പോ​കു​ന്ന​തി​നു നിരവധി വിധങ്ങ​ളുണ്ട്‌. വടക്കേ അമേരി​ക്ക​യി​ലെ​യും ആഫ്രി​ക്ക​യി​ലെ​യും വിധങ്ങൾ തികച്ചും വൈരു​ദ്ധ്യ​മാർന്ന​വ​യാണ്‌.

വ്യത്യ​സ്‌ത​ങ്ങ​ളാ​യ ഈ വൻകര​ക​ളിൽ സാമ്പത്തിക അവസ്ഥകൾ തീർത്തും വിഭി​ന്ന​മാണ്‌. അതു​കൊണ്ട്‌ കുട്ടി​കളെ കൊണ്ടു​പോ​കുന്ന രീതി​ക​ളി​ലും സാരമായ വ്യത്യാ​സം നാം പ്രതീ​ക്ഷി​ക്കണം. ആദ്യമാ​യി വടക്കേ അമേരി​ക്ക​യി​ലെ ആളുകൾ ഈ പ്രശ്‌നം പൊതു​വേ എങ്ങനെ കൈകാ​ര്യം ചെയ്യു​ന്നു​വെന്നു നോക്കാം.

വടക്കേ അമേരി​ക്കൻ രീതി

ഐക്യ​നാ​ടു​ക​ളി​ലും ലോക​ത്തി​ന്റെ മറ്റു പല ഭാഗങ്ങ​ളി​ലും കുട്ടി​കളെ ഇരുത്തി തള്ളി​ക്കൊ​ണ്ടു​പോ​കാ​നുള്ള നാലു ചക്രങ്ങ​ളുള്ള വണ്ടിക​ളോ (സ്‌​ട്രോ​ള​റു​കൾ) ശിശു​വാ​ഹ​ന​ങ്ങ​ളോ ഉപയോ​ഗി​ക്കു​ന്നത്‌ ഒരു സാധാരണ രീതി​യാണ്‌. അവ ഉപയോ​ഗി​ക്കാൻ എളുപ്പ​മു​ള്ള​തും കൂടുതൽ ഭംഗി​യു​ള്ള​തും കുട്ടിക്കു കൂടുതൽ സുഖ​പ്ര​ദ​വു​മാ​ക്കുക എന്നതാണ്‌ ഈ അടുത്ത വർഷങ്ങ​ളി​ലാ​യി കാണുന്ന പ്രവണത. മിക്കതി​നും മൃദു​വായ കുഷനു​ക​ളും കഴുകാ​വുന്ന ചെറു​മെ​ത്ത​ക​ളും ഉയർന്ന സീറ്റു​ക​ളു​മുണ്ട്‌.

സ്‌​ട്രോ​ള​റു​കൾ കുട്ടി​കൾക്ക്‌ അവരി​ഷ്ട​പ്പെ​ടുന്ന ഒരു വിശ്ര​മ​സ്ഥ​ല​മാ​യി​രി​ക്കും, അവർക്ക്‌ ഒരു വ്യത്യ​സ്‌തത അനുഭ​വ​പ്പെ​ടും, വേദനി​ക്കുന്ന കാലു​കൾക്കു വിശ്ര​മ​വും നൽകും. ഉറക്കക്കാ​ര​നായ ഒരു കുട്ടിക്ക്‌ സ്‌​ട്രോ​ളർ ചക്രങ്ങ​ളുള്ള ഒരു കിടക്ക പോ​ലെ​യാ​യി​രി​ക്കും. നീങ്ങി​ക്കൊ​ണ്ടി​രി​ക്കുന്ന ഒരു സ്‌​ട്രോ​ള​റി​ന്റെ ചലനം ക്ഷീണി​ത​നും ശുണ്‌ഠി​ക്കാ​ര​നു​മായ ഒരു കുട്ടിയെ ആശ്വസി​പ്പി​ക്കു​ക​യും ശാന്തനാ​ക്കു​ക​യും ചെയ്യും.

സ്‌​ട്രോ​ള​റു​കൾക്ക്‌ മാതാ​പി​താ​ക്ക​ളു​ടെ ജീവി​ത​വും കൂടുതൽ ആയാസ​ര​ഹി​ത​മാ​ക്കാൻ കഴിയും. ഒരു മാതാ​വി​ന്റെ അഭി​പ്രാ​യം ഇതാണ്‌: “കുട്ടിയെ എല്ലായി​ട​ത്തും എടുത്തു​കൊ​ണ്ടു പോകു​ന്ന​തി​നെ​ക്കാൾ എളുപ്പ​മാ​ണത്‌.” ഒരു കുട്ടി ചെറു​താ​യി​രി​ക്കു​മ്പോൾ അതിനെ എടുത്തു​കൊ​ണ്ടു നടക്കാൻ എളുപ്പ​മാ​യി​രി​ക്കാം. പക്ഷേ അവർക്കു രണ്ടോ മൂന്നോ ഇരട്ടി തൂക്കം കൂടി​ക്ക​ഴി​യു​മ്പോൾ കഥമാ​റും. മാത്ര​വു​മല്ല, മാതാ​പി​താ​ക്കൾ, അവർക്കു നിയ​ന്ത്രി​ക്കാ​വുന്ന സ്‌​ട്രോ​ള​റിൽ കുഞ്ഞുങ്ങൾ സുരക്ഷി​ത​രാ​ണെ​ന്ന​റി​യു​ന്ന​തിൽ സന്തോ​ഷി​ക്കു​ന്നു.

ഐക്യ​നാ​ടു​ക​ളിൽ സ്‌​ട്രോ​ള​റു​കൾ സുരക്ഷി​ത​മാ​ക്കാൻ ശ്രദ്ധി​ക്കു​ന്നു. വേഗത്തിൽ മറിഞ്ഞു​പോ​കാ​തി​രി​ക്കാൻ അടിഭാ​ഗം വിസ്‌താ​രം കൂടി​യ​തും ഗുരു​ത്വ​കേ​ന്ദ്രം തറയോ​ടു ചേർന്നു​ള്ള​തു​മാ​യി​ട്ടാണ്‌ അവയു​ണ്ടാ​ക്കു​ന്നത്‌. ബ്രേക്കു​കൾ ഉറപ്പു​ള്ള​തും സ്‌​ട്രോ​ള​റി​ലി​രി​ക്കുന്ന കുട്ടിക്കു വേർപെ​ടു​ത്താൻ സാധി​ക്കാത്ത സ്ഥാനത്തും ആയിരി​ക്കണം. അപ്രതീ​ക്ഷി​ത​മാ​യി സ്‌​ട്രോ​ളർ മടങ്ങി​പ്പോ​കാ​തി​രി​ക്കാൻ കൊളു​ത്തു​കൾ പിടി​പ്പി​ച്ചി​ട്ടുണ്ട്‌. കുട്ടി​യു​ടെ വിരലു​കൾ ഞെങ്ങി​പ്പോ​കാൻ സാധ്യ​ത​യുള്ള സ്ഥലങ്ങ​ളൊ​ന്നും ഇല്ലാതി​രി​ക്കാൻ ശ്രദ്ധി​ക്കു​ന്നു. സീറ്റ്‌ബൽറ്റു​കൾ കൂടുതൽ സുരക്ഷി​ത​ത്വം നൽകുന്നു.

സ്‌​ട്രോ​ള​റു​കൾക്ക്‌ ഏതാണ്ട്‌ 20 ഡോളർമു​തൽ അതിന്റെ എട്ടോ പത്തോ ഇരട്ടി​വരെ വിലവ​രാം. കൂടുതൽ സാധനങ്ങൾ കൊണ്ടു​പോ​കാൻ സാധി​ക്കുന്ന ഒരു വലിയ സഞ്ചി, മൃദു​വായ ഉൾഭാഗം, കാലാ​വ​സ്ഥയെ ചെറു​ത്തു​നിൽക്കുന്ന ഉപരി​ഭാ​ഗം പല ദിശക​ളി​ലേക്കു തിരി​ക്കാ​വുന്ന ചക്രങ്ങൾ, വേഗത്തിൽ മടക്കാ​വുന്ന ഭാരം കുറഞ്ഞ ഉടൽ എന്നിവ​യാണ്‌ അത്യാ​ഡം​ബ​ര​പൂർവം തയ്യാറാ​ക്കി​യി​രി​ക്കുന്ന 300 ഡോളർ വിലവ​രുന്ന ഒരു സ്‌​ട്രോ​ള​റി​ന്റെ സവി​ശേ​ഷ​തകൾ. മന്ദമായി ഓടാൻ പോകു​മ്പോൾ (ജോഗിംഗ്‌) അമ്മക്കോ അച്ഛനോ കുഞ്ഞിനെ ഇരുത്തി ഉരുട്ടി​ക്കൊ​ണ്ടു പോകാൻ വേണ്ടി പ്രത്യേ​കം തയ്യാറാ​ക്ക​പ്പെ​ട്ടി​രി​ക്കുന്ന “ജോഗ​റു​ടെ സ്‌​ട്രോ​ളർ” വിൽക്കു​ന്നത്‌ ഏകദേശം 380 ഡോളർ വിലയ്‌ക്കാണ്‌.

ആഫ്രിക്കൻ രീത

ആഫ്രി​ക്ക​യി​ലും, ഏഷ്യയി​ലെ പല രാജ്യ​ങ്ങ​ളി​ലും മിക്ക അമ്മമാ​രും തങ്ങളുടെ അമ്മമാ​രും മുത്തശ്ശി​മാ​രും ചെയ്‌തി​രു​ന്ന​തു​പോ​ലെ​തന്നെ കുട്ടി​കളെ തങ്ങളുടെ പുറ​ത്തേ​റ്റി​യാ​ണു കൊണ്ടു​പോ​കു​ന്നത്‌. “ബേബി ബാക്കിങ്‌”—മിക്ക ആഫ്രി​ക്ക​ക്കാ​രും അതിനെ അങ്ങനെ​യാ​ണു വിളി​ക്കു​ന്നത്‌—ഏറ്റവും ചെലവു കുറഞ്ഞ​തും സൗകര്യ​പ്ര​ദ​വു​മായ രീതി​യാണ്‌. റാപ്പർ എന്നു വിളി​ക്ക​പ്പെ​ടുന്ന ചതുരാ​കൃ​തി​യിൽ കട്ടിയുള്ള ഒരു തുണി​ക്ക​ഷ​ണ​മാണ്‌ ആകെ ആവശ്യ​മുള്ള ഉപകരണം. ലളിത​വും സുരക്ഷി​ത​വു​മായ ഒരു രീതി​യിൽ അമ്മ തന്റെ ശരീരം വളച്ച്‌ കുട്ടിയെ പുറ​ത്തെ​ടു​ത്തു​വ​ച്ചിട്ട്‌ തുണി​കൊണ്ട്‌ ഇരുവ​രെ​യും ചുറ്റി​യ​ശേഷം തുണി കെട്ടി​വ​യ്‌ക്കു​ന്നു.

ഇങ്ങനെ കെട്ടുന്ന സമയത്തു കുട്ടികൾ എപ്പോ​ഴെ​ങ്കി​ലും താഴെ വീഴു​മോ? അത്‌ ഒരിക്ക​ലും സംഭവി​ക്കു​ക​യി​ല്ലെ​ന്നു​തന്നെ പറയാം. ഒരു ശിശു​വി​നെ പുറത്തു കെട്ടി​വ​യ്‌ക്കുന്ന സമയത്ത്‌ ഒരു കൈ​കൊണ്ട്‌ കെട്ടു ഭദ്രമാ​ക്കു​മ്പോൾ മറു​കൈ​കൊണ്ട്‌ അമ്മ കുഞ്ഞിനെ താങ്ങുന്നു. അല്‌പം മുതിർന്ന കുട്ടി​ക​ളെ​പ്പറ്റി ഒരു നൈജീ​രി​യൻ വനിത​യായ ബ്ലെസിങ്‌ ഇങ്ങനെ പറഞ്ഞു: “കുട്ടികൾ എതിർപ്പു​കാ​ട്ടാ​റില്ല; അവർ മുറുകെ പിടി​ച്ചി​രി​ക്കും. തങ്ങളുടെ അമ്മയുടെ പുറത്തി​രി​ക്കാൻ അവർ ഇഷ്ടപ്പെ​ടു​ന്നു. ചില​പ്പോ​ഴൊ​ക്കെ അവി​ടെ​യി​രി​ക്കാൻവേണ്ടി അവർ കരയാ​റുണ്ട്‌. അഥവാ പിടഞ്ഞാൽതന്നെ റാപ്പർ ശരിയാ​യി കെട്ടി​ത്തീ​രു​ന്ന​തു​വരെ അമ്മക്ക്‌ അതിന്റെ ഒരു കൈയോ അല്ലെങ്കിൽ ഇരു​കൈ​ക​ളു​മോ തന്റെ കക്ഷത്തിൽ അമർത്തി പിടി​ക്കാൻ കഴിയും.”

തീരെ ചെറിയ കുഞ്ഞു​ങ്ങ​ളു​ടെ കഴുത്തു​താ​ങ്ങു​ന്ന​തിന്‌ അമ്മമാർ മറ്റൊരു ചെറി​യ​ക​ഷണം തുണി​കൂ​ടി ഉപയോ​ഗി​ക്കു​ന്നു. മുഖ്യ റാപ്പർ കെട്ടു​ന്ന​തു​പോ​ലെ തന്നെയാണ്‌ ഇതും കെട്ടു​ന്നത്‌. ചെറിയ കുട്ടി​ക​ളു​ടെ​യും ഉറങ്ങുന്ന കുട്ടി​ക​ളു​ടെ​യും കൂടുതൽ സുരക്ഷി​ത​ത്വ​ത്തി​നു​വേണ്ടി അവരുടെ കൈകൾ റാപ്പർകൊ​ണ്ടു പൊതി​യു​ന്നു. അല്‌പം മുതിർന്ന കുട്ടി​കൾക്ക്‌ അവരുടെ കൈകൾ സ്വത​ന്ത്ര​മാ​യി കിടക്കു​ന്ന​താ​ണി​ഷ്ടം.

ആഫ്രിക്കൻ അമ്മമാർ തങ്ങളുടെ കുട്ടി​കളെ എത്രകാ​ല​ത്തേക്കു പുറത്തു വഹിച്ചു​കൊ​ണ്ടു നടക്കും? മുൻകാ​ല​ങ്ങ​ളിൽ നൈജീ​രി​യ​യി​ലെ യൊരൂ​ബാ പോലുള്ള ചില പ്രത്യേ​ക​വർഗ​ക്കാർ മൂന്നു വയസ്സു​വരെ കുട്ടി​കളെ ഇങ്ങനെ കൊണ്ടു​ന​ട​ക്കു​മാ​യി​രു​ന്നു. എന്നാൽ ഇക്കാലത്ത്‌ ഏതാണ്ടു രണ്ടുവ​യ​സ്സാ​കു​ന്ന​തു​വരെ കുട്ടിക്ക്‌ അമ്മയുടെ പുറത്തി​രു​ന്നു സ്വത​ന്ത്ര​മാ​യി യാത്ര​ചെ​യ്യാം. അതിനു​മുമ്പ്‌ അതിന്റെ സ്ഥാനം തട്ടി​യെ​ടു​ക്കാൻ അമ്മ മറ്റൊരു കുഞ്ഞിനു ജന്മം നൽകി​യി​ല്ലെ​ങ്കിൽ.

അമ്മയുടെ പുറത്തു സുഖ​പ്ര​ദ​മാ​യി കെട്ടി​വ​യ്‌ക്ക​പ്പെ​ട്ട​നി​ല​യിൽ കുഞ്ഞു​ങ്ങൾക്ക്‌ അമ്മ പോകു​ന്നി​ട​ത്തെ​ല്ലാം പോകാം—നടകൾ കയറി​യി​റ​ങ്ങാം, നിരപ്പ​ല്ലാത്ത പ്രദേ​ശ​ങ്ങ​ളിൽകൂ​ടി പോകാം, വാഹന​ങ്ങ​ളി​ലും അല്ലാ​തെ​യും സഞ്ചരി​ക്കാം. ചെലവി​ല്ലാത്ത ഒരു ശിശു​വാ​ഹ​ന​രീ​തി എന്നതി​ല​പ്പു​റം ബേബി ബാക്കിങ്‌ മുഖേന ആശ്വസി​പ്പി​ക്കൽ പോ​ലെ​യുള്ള വൈകാ​രിക ആവശ്യ​ങ്ങ​ളും സാധി​ക്കു​ന്നു. കരയുന്ന ഒരു കുട്ടിയെ അമ്മയുടെ പുറ​ത്തേ​ക്കെ​ടു​ത്തു വയ്‌ക്കു​ന്നു; കുട്ടി ഉറങ്ങാൻ തുടങ്ങു​ന്നു, അമ്മ തന്റെ ജോലി തുടരു​ന്നു.

മിക്ക കുട്ടി​ക​ളും ഉറക്കം തടസ്സ​പ്പെ​ടു​ന്നത്‌ ഇഷ്ടപ്പെ​ടാ​ത്ത​തു​കൊണ്ട്‌ ഉറങ്ങുന്ന ഒരു കുട്ടിയെ അമ്മയുടെ പുറത്തു​നി​ന്നു മാറ്റി കിടക്ക​യി​ലേക്കു കിടത്തു​ന്നതു വളരെ മെല്ലെ​യാ​യി​രി​ക്കണം. അതിനു​വേണ്ടി അമ്മ ചരിഞ്ഞു കിടന്ന്‌ മെല്ലെ റാപ്പർ അഴിക്കു​ന്നു. അപ്പോൾ അതുപ​യോ​ഗി​ക്കു​ന്നത്‌ ഒരു പുതപ്പാ​യി​ട്ടാണ്‌. അമ്മയുടെ പുറത്തി​ന്റെ സുരക്ഷി​ത​ത്വം കുട്ടിക്കു തോന്നാൻവേണ്ടി കുട്ടി​യു​ടെ മുമ്പിൽ തലയണ തടയായി വയ്‌ക്കും.

ബേബി ബാക്കി​ങി​നു മറ്റു പ്രയോ​ജ​ന​ങ്ങ​ളും ഉണ്ട്‌. തന്റെ കുട്ടി​യു​ടെ ആവശ്യങ്ങൾ എപ്പോ​ഴും അറിയാൻ അത്‌ അമ്മയെ സഹായി​ക്കു​ന്നു. കുട്ടി ആലസ്യ​ത്തി​ലാ​യി​രി​ക്കു​ക​യോ അസ്വസ്ഥ​നാ​യി​രി​ക്കു​ക​യോ, കുട്ടിക്കു പനിയു​ണ്ടാ​യി​രി​ക്കു​ക​യോ മൂത്ര​മൊ​ഴി​ക്കു​ക​യോ ചെയ്‌താൽ അമ്മക്ക്‌ ഉടനെ​തന്നെ അതു മനസ്സി​ലാ​കും. ബേബി ബാക്കി​ങിന്‌ ദീർഘ​കാ​ലാ​ടി​സ്ഥാ​ന​ത്തി​ലുള്ള പ്രയോ​ജ​ന​ങ്ങ​ളു​മുണ്ട്‌. വളർച്ച​യും വികാ​സ​വും (ഇംഗ്ലീഷ്‌) എന്ന പുസ്‌തകം പറയു​ന്നതു ശ്രദ്ധിക്കൂ: “കുഞ്ഞിന്റെ ശൈശ​വ​ത്തിൽ അമ്മയും കുഞ്ഞും തമ്മിലുള്ള ഉറ്റ ശാരീ​രിക അടുപ്പം അവർക്കി​ട​യിൽ സുദൃ​ഢ​വും സ്‌നേ​ഹ​മ​സൃ​ണ​വു​മായ ഒരു ബന്ധം സൃഷ്ടി​ക്കു​ന്നു. ഇത്‌ പിൽക്കാ​ല​വർഷ​ങ്ങ​ളിൽ വ്യക്തി​ബ​ന്ധ​ങ്ങൾക്കുള്ള അടിത്ത​റ​പാ​കു​ന്നു. അമ്മയോ​ടു കൂടുതൽ ചേർന്നി​രി​ക്കുന്ന ഒരു കുഞ്ഞിന്‌ ഗർഭാ​ശ​യ​ത്തി​ലാ​യി​രു​ന്ന​പ്പോ​ഴെ​ന്ന​പോ​ലെ​തന്നെ അമ്മയുടെ ഹൃദയ​മി​ടി​പ്പി​ന്റെ താളം അനായാ​സം തിരി​ച്ച​റി​യാൻ കഴിയും എന്നതാണ്‌ ഈ ബന്ധത്തിലെ ഒരടി​സ്ഥാ​ന​ഘ​ടകം എന്നു കരുത​പ്പെ​ടു​ന്നു.”

ബേബി ബാക്കിങ്‌ മൂലം ലഭിക്കുന്ന അടുത്ത സമ്പർക്കം ശിശുക്കൾ ഇഷ്ടപ്പെ​ടു​ന്നു. ആഫ്രി​ക്ക​യിൽ, അമ്മമാ​രു​ടെ പുറത്ത്‌ കൃതാർഥ​രാ​യി​രി​ക്കുന്ന കുഞ്ഞുങ്ങൾ ഒരു സാധാരണ കാഴ്‌ച​യാണ്‌. ചിലർ സ്വസ്ഥമാ​യി മയങ്ങുന്നു. മറ്റു ചിലർ അമ്മയുടെ മുടി​യി​ലോ ചെവി​ക​ളി​ലോ മാലയി​ലോ പിടിച്ചു കളിച്ചു​കൊ​ണ്ടി​രി​ക്കു​ന്നു. ഇനിയും വേറേ ചിലർ സംതൃ​പ്‌തി​നി​റഞ്ഞ സ്വരങ്ങൾ കേൾപ്പി​ച്ചു​കൊണ്ട്‌ അമ്മ തന്റെ കാലടി​ക​ളു​ടെ താളത്തി​നൊ​പ്പി​ച്ചു മൂളുന്ന ഗാനത്തിൽ പങ്കു​ചേ​രു​ന്നു.

അതേ, ശിശു​ക്കളെ കൊണ്ടു​പോ​കു​ന്ന​തി​നുള്ള ആഫ്രി​ക്കൻരീ​തി പൊതു​വേ വടക്കേ അമേരി​ക്കൻരീ​തി​യിൽനി​ന്നു വളരെ വ്യത്യ​സ്‌ത​മാണ്‌. എന്നാൽ ഓരോ​ന്നും അതാതി​ന്റെ സംസ്‌കാ​ര​ത്തി​നു ചേർന്ന​തും അതാതി​ന്റെ ഉദ്ദേശ്യം പൂർത്തീ​ക​രി​ക്കു​ന്ന​തു​മാണ്‌.