യുവജ​നങ്ങൾ ചോദി​ക്കു​ന്നു. . .

ഞാൻ റോക്ക്‌ സംഗീ​ത​ക്ക​ച്ചേ​രി​ക​ളിൽ സംബന്ധി​ക്ക​ണ​മോ?

വളരെ പ്രസി​ദ്ധ​മായ ഒരു ഗായക​സം​ഘം നിങ്ങളു​ടെ പ്രദേ​ശത്തു വരുന്നുണ്ട്‌. ടിക്കറ്റു​കൾ ചൂടപ്പം​പോ​ലെ വിറ്റഴി​യു​ക​യാണ്‌, അതു​കൊണ്ട്‌ നിങ്ങൾ ഇപ്പോൾതന്നെ തീരു​മാ​നി​ച്ചേ പറ്റൂ. നിങ്ങൾ അതിൽ സംബന്ധി​ക്കു​മോ?

അനു​യോ​ജ്യ​മായ ഒരു പശ്ചാത്ത​ല​ത്തി​ലുള്ള ആരോ​ഗ്യാ​വ​ഹ​മായ സംഗീതം നല്ലതു​ത​ന്നെ​യാണ്‌. എന്തൊ​ക്കെ​യാ​ണെ​ങ്കി​ലും, സംഗീതം ആസ്വദി​ക്കാ​നുള്ള പ്രാപ്‌തി​യോ​ടെ​യാ​ണ​ല്ലോ യഹോ​വ​യാം ദൈവം നമ്മെ സൃഷ്ടി​ച്ചി​രി​ക്കു​ന്നത്‌. മാത്രമല്ല പല തരത്തി​ലുള്ള സംഗീതം അവനു സ്വീകാ​ര്യ​മാ​ണു​താ​നും.

സാധാരണ ഇന്നത്തെ യുവജ​ന​ങ്ങ​ളു​ടെ ഇടയിൽ പ്രിയ​ങ്കരം പല രൂപത്തി​ലുള്ള റോക്ക്‌ സംഗീ​ത​മാണ്‌. നേരിട്ട്‌ അവതരി​പ്പി​ച്ചു​കാ​ണു​മ്പോൾ അതു പലരും വളരെ​യ​ധി​കം ആസ്വദി​ക്കു​ന്നു. എന്നിരു​ന്നാ​ലും, ദൈവ​ഭ​യ​മുള്ള യുവജ​ന​ങ്ങളെ സംബന്ധി​ച്ചി​ട​ത്തോ​ളം റോക്ക്‌ സംഗീ​ത​ക്ക​ച്ചേ​രി​ക​ളി​ലെ അനാവ​ശ്യ​മായ അക്രമ​വും അനിയ​ന്ത്രി​ത​മായ പെരു​മാ​റ്റ​വും സംബന്ധിച്ച റിപ്പോർട്ടു​ക​ളും മറ്റും ഗൗരവാ​വ​ഹ​മായ ചോദ്യ​ങ്ങൾ ഉയർത്തി​വി​ടു​ന്നു. വാസ്‌ത​വ​ത്തിൽ, റോക്ക്‌ സംഗീ​ത​ക്ക​ച്ചേ​രി​ക​ളിൽ എന്താണ്‌ അരങ്ങേ​റു​ന്നത്‌? അതി​ലൊ​ന്നിൽ സംബന്ധി​ക്കു​ന്നതു നല്ലതാ​യി​രി​ക്കു​മോ?

സംഗീ​തത്തെ പരി​ശോ​ധി​ക്കൽ

നമുക്ക്‌ ആദ്യം​തന്നെ സംഗീ​തത്തെ ഒന്നു പരി​ശോ​ധി​ച്ചു​നോ​ക്കാം. പല തരത്തി​ലുള്ള വികാ​രങ്ങൾ പ്രകടി​പ്പി​ക്കാൻ, അല്ലെങ്കിൽ അവയെ ഉണർത്താൻ, സംഗീ​ത​ത്തി​നു സാധി​ക്കും. ബൈബിൾകാ​ല​ങ്ങ​ളിൽ ദൈവ​ജനം ദൈവ​ത്തോ​ടുള്ള തങ്ങളുടെ സ്‌നേഹം പ്രകടി​പ്പി​ക്കാൻ സംഗീ​തത്തെ ഉപയോ​ഗി​ച്ചി​രു​ന്നു. (സങ്കീർത്തനം 149:3; 150:4) സന്തോഷം, ആഹ്ലാദ​ത്തി​മർപ്പ്‌, ദുഃഖം എന്നിവ പ്രകടി​പ്പി​ക്കാ​നും സംഗീതം ഉപയോ​ഗി​ച്ചി​രു​ന്നു. (ഉല്‌പത്തി 31:27; ന്യായാ​ധി​പ​ന്മാർ 11:34; 1 ശമൂവേൽ 18:6, 7; മത്തായി 9:23, 24) എന്നിരു​ന്നാ​ലും ദുഃഖ​ക​ര​മെന്നേ പറയേണ്ടൂ, ബൈബിൾകാ​ല​ങ്ങ​ളിൽ പോലും സംഗീതം എപ്പോ​ഴും ആരോ​ഗ്യ​പ്ര​ദ​മാ​യി​രു​ന്നില്ല. ഇസ്രാ​യേൽ ജനത സീനായ്‌ പർവത​ത്തി​ങ്കൽ പാളയ​മ​ടി​ച്ച​പ്പോൾ ചില ഇസ്രാ​യേ​ല്യർ പാപം ചെയ്യാൻ പ്രേരി​പ്പി​ക്ക​പ്പെ​ട്ട​തിൽ വന്യവും ഭോഗാ​സക്തി ഉളവാ​ക്കു​ന്ന​തു​മായ സംഗീതം ഒരു പങ്കു വഹിച്ചി​രി​ക്കാം.—പുറപ്പാ​ടു 32:1-6, 17, 18, 25.

അതു​പോ​ലെ റോക്ക്‌ സംഗീ​ത​ത്തി​ല​ധി​ക​വും മോശ​മായ കാര്യ​ങ്ങളെ—ലൈം​ഗിക അധാർമി​കത, മയക്കു​മ​രു​ന്നു​കൾ, മത്സരം, ആത്മവിദ്യ തുടങ്ങിയ കാര്യ​ങ്ങളെ—പ്രോ​ത്സാ​ഹി​പ്പി​ക്കു​ന്നു എന്നതു സത്യമാണ്‌. അതിന്റെ അർഥം സംഗീതം കേൾക്കു​ക​യി​ല്ലെന്നു നിങ്ങൾ പ്രതി​ജ്ഞ​യെ​ടു​ക്ക​ണ​മെന്നല്ല. പിന്നെ​യോ ‘കർത്താ​വി​ന്നു പ്രസാ​ദ​മാ​യതു എന്തെന്നു പരി​ശോ​ധി​ച്ചു​കൊ​ള്ളുക’ എന്നു ബൈബിൾ ക്രിസ്‌ത്യാ​നി​ക​ളോ​ടു പറയുന്നു. (എഫെസ്യർ 5:9) അതു​കൊണ്ട്‌ സംഗീ​ത​ത്തി​ന്റെ കാര്യ​ത്തിൽ, നിങ്ങൾ തിര​ഞ്ഞെ​ടു​പ്പു​മ​നോ​ഭാ​വ​വും വിവേ​ച​ന​യും ഉള്ളവരാ​യി​രി​ക്കണം.a

സംഗീതം സംബന്ധിച്ച തിര​ഞ്ഞെ​ടുപ്പ്‌ നിങ്ങളെ എങ്ങനെ​യാ​ണു ബാധി​ക്കു​ന്നത്‌? അതു നിങ്ങൾക്കു സന്തോ​ഷ​വും ശാന്തി​യും സമാധാ​ന​വും തോന്നാൻ സഹായി​ക്കു​ന്നു​വോ? അതോ അതു നിങ്ങളെ കോപി​ഷ്‌ഠ​നോ മത്സരി​യോ വിഷാ​ദ​മ​ഗ്ന​നോ ആക്കുന്നു​വോ? ഒരുതരം റോക്ക്‌ സംഗീ​ത​മായ ഹെവി മെറ്റലി​ന്റെ ആരാധ​ക​നാ​യി​രുന്ന നാളു​ക​ളെ​ക്കു​റി​ച്ചു ഡെൻമാർക്കി​ലെ ഒരു ക്രിസ്‌ത്യാ​നി ഓർമി​ക്കു​ന്നു. അദ്ദേഹം ഇങ്ങനെ പറയുന്നു: “ജോലി ചെയ്‌തു​കൊ​ണ്ടി​രി​ക്കു​മ്പോൾ ഞാനതു ശ്രദ്ധി​ക്കു​മാ​യി​രു​ന്നു. ഞാനൊ​രു പിശകു വരുത്തി​യാൽ ഒരുതരം ഭ്രാന്തു പിടിച്ച്‌ ഉഗ്രമായ കോപ​ത്തിൽ ഞാൻ പണിതു​കൊ​ണ്ടി​രുന്ന സാധനം വലി​ച്ചെ​റി​യു​മാ​യി​രു​ന്നു!” മറ്റൊരു യുവാവ്‌ സമ്മതിച്ചു പറയു​ന്നത്‌ ഇങ്ങനെ​യാണ്‌: “ലൈം​ഗി​ക​ത​യെ​യും ലൗകിക ജീവി​ത​രീ​തി​യെ​യും പ്രകീർത്തിച്ച വളരെ​യ​ധി​കം റാപ്പ്‌, ഹെവി മെറ്റൽ സംഗീതം ഞാൻ ശ്രവി​ക്കു​ക​യു​ണ്ടാ​യി. സംഗീ​തം​കൊ​ണ്ടു ഞാൻ എന്റെ മനസ്സിനെ നിറച്ചു. അവർ പാടിയ കാര്യ​ങ്ങൾക്കു വേണ്ടി​യുള്ള തൃഷ്‌ണ​യാ​യി​രു​ന്നു ഫലം.” കേവല​മൊ​രു റെക്കോർഡി​ങ്ങിന്‌ അത്തര​മൊ​രു ഫലമു​ണ്ടാ​യി​രി​ക്കാൻ കഴിയു​മെ​ങ്കിൽ, അത്‌ അവതരി​പ്പി​ച്ചു​കാ​ണു​ന്ന​തിൽ എത്രമാ​ത്രം ശക്തിയു​ണ്ടെന്ന്‌ ഒന്നാ​ലോ​ചി​ച്ചു നോക്കൂ!

ഇക്കാര്യ​വും പരിചി​ന്തി​ക്കുക: ആ സംഗീതം എത്ര ഉച്ചത്തി​ലു​ള്ള​താ​യി​രി​ക്കും? ഇക്കാര്യ​ത്തിൽ ആളുകൾക്കു വ്യത്യ​സ്‌ത​മായ അഭിരു​ചി​ക​ളാ​ണു​ള്ളത്‌ എന്നു സമ്മതി​ക്കു​ന്നു. സാമാ​ന്യം ഉച്ചത്തി​ലുള്ള സംഗീതം കേൾക്കു​ന്ന​തി​നെ​തി​രെ ബൈബിൾ വിലക്കു കൽപ്പി​ക്കു​ന്നില്ല. എന്തിന്‌, ശലോ​മോ​ന്റെ ആലയത്തി​ന്റെ സമർപ്പ​ണ​സ​മ​യത്ത്‌ കാഹള​മൂ​ത്തു​കാ​രു​ടെ മാത്രം എണ്ണം 120 ആയിരു​ന്ന​ത്രേ! (2 ദിനവൃ​ത്താ​ന്തം 5:12) അതു മതിപ്പു​ള​വാ​ക്കും​വി​ധം ഉച്ചത്തി​ലു​ള്ള​താ​യി​രു​ന്നി​രി​ക്കണം! എന്നിരു​ന്നാ​ലും, ദൈവ​ത്തി​നു നൽകുന്ന ഉച്ചത്തി​ലുള്ള സ്‌തു​തി​ഘോ​ഷ​വും കർണക​ഠോ​ര​മായ റോക്ക്‌ സംഗീ​ത​വും തമ്മിൽ അജഗജാ​ന്ത​ര​മുണ്ട്‌. അത്യു​ച്ച​ത്തി​ലുള്ള റോക്ക്‌ സംഗീതം ആൾക്കൂ​ട്ട​ത്തിൽ വന്യമായ ഒരു ഉന്മാദം ഉണർത്തി​വി​ടാ​നാണ്‌ ഉപകരി​ക്കു​ന്നത്‌. എന്നാൽ, ബൈബിൾ “മദി​രോ​ത്സവ”ങ്ങളെ അഥവാ “വന്യമായ മേളക”ളെ കുറ്റം​വി​ധി​ക്കു​ന്നു. (ഗലാത്യർ 5:21; ബയിങ്‌ടൺ) നിങ്ങളു​ടെ ശരീര​ത്തോട്‌ ആദരവു​ണ്ടെ​ങ്കിൽ, കേൾവി​ശ​ക്തി​യെ അപകട​പ്പെ​ടു​ത്താ​വുന്ന അത്രയും ഉച്ചത്തി​ലുള്ള ഒരളവിൽ സംഗീതം ശ്രവി​ക്കു​ന്നതു നിങ്ങൾ തള്ളിക്ക​ള​യും.—റോമർ 12:1.

പരിഗ​ണ​ന​യി​ലെ​ടു​ക്കേണ്ട മറ്റൊരു ഘടകം ഇയ്യോബ്‌ 12:11-ൽ നൽകി​യി​രി​ക്കു​ന്നു. അവിടെ ബൈബിൾ ഇങ്ങനെ ചോദി​ക്കു​ന്നു: “ചെവി വാക്കു​കളെ പരി​ശോ​ധി​ക്കു​ന്നി​ല്ല​യോ? അണ്ണാക്കു ഭക്ഷണം രുചി​നോ​ക്കു​ന്നി​ല്ല​യോ?” അതി​നോ​ടുള്ള ചേർച്ച​യിൽ നിങ്ങൾ ഗാനത്തി​ന്റെ വരികൾ ‘പരി​ശോ​ധി​ച്ചു​നോ​ക്കണം!’ ഒരു ക്രിസ്‌തീയ യുവാവ്‌ ഇപ്രകാ​രം സമ്മതി​ച്ചു​പ​റ​യു​ന്നു: “ഇഷ്ടപ്പെട്ട ചില ഗാനങ്ങ​ളു​ടെ വരികൾ ഞാൻ ശ്രവി​ക്കാൻ തുടങ്ങി. എന്നാൽ അവ ഒരു ക്രിസ്‌ത്യാ​നി​ക്കു കേൾക്കാൻ കൊള്ളു​ന്ന​താ​യി​രു​ന്നില്ല, അതെന്നെ അമ്പരപ്പി​ച്ചു​ക​ളഞ്ഞു. ആ സംഗീതം ഒഴിവാ​ക്കേ​ണ്ടത്‌ ആവശ്യ​മാ​ണെന്നു ഞാൻ കണ്ടെത്തി.” (1 കൊരി​ന്ത്യർ 14:20; എഫെസ്യർ 5:3, 4) സംഗീതം അവതരി​പ്പി​ക്കുന്ന പലരും സംഗീ​ത​ക്ക​ച്ചേ​രി​കളെ ഉപയോ​ഗി​ക്കു​ന്നത്‌ തങ്ങളുടെ ഏറ്റവും പുതിയ റിലീ​സു​കൾക്കു പ്രചാരം കിട്ടാൻ വേണ്ടി​യാ​ണെന്ന മുന്നറി​യി​പ്പു മനസ്സിൽ പിടി​ക്കുക—ഒരുപക്ഷേ അവരു​ടെ​തന്നെ പഴയ, കുറേ​ക്കൂ​ടെ ആരോ​ഗ്യാ​വ​ഹ​മായ സംഗീ​ത​ത്തിൽനി​ന്നു വളരെ​യ​ധി​കം വിഭി​ന്ന​മാ​യി​രി​ക്കാം പുതി​യത്‌.

മാത്രമല്ല, നിങ്ങൾ തിര​ഞ്ഞെ​ടു​ക്കുന്ന സംഗീ​ത​ത്തിൽ പല തരത്തി​ലുള്ള ഹെവി-മെറ്റൽ സംഗീ​ത​ത്തി​ലും പ്രത്യേ​കി​ച്ചും പ്രമു​ഖ​മാ​യി​ട്ടുള്ള ഭൂതസം​ബ​ന്ധ​മായ ധ്വനികൾ ഇല്ലെന്ന്‌ ഉറപ്പു​വ​രു​ത്തണം. ഭൂതസം​ബ​ന്ധ​മായ മുദ്ര​കൾകൊ​ണ്ടും സാത്താന്യ ഉപാധി​കൾകൊ​ണ്ടും തങ്ങളെ​ത്ത​ന്നെ​യും തങ്ങളുടെ ആൽബ​ത്തെ​യും അലങ്കരി​ക്കു​ന്ന​തിൽ കുപ്ര​സി​ദ്ധ​രാണ്‌ ഹെവി-മെറ്റൽ ഗായക​സം​ഘങ്ങൾ. (യാക്കോബ്‌ 3:15) അത്തരത്തി​ലുള്ള ഒരു ഗായക​സം​ഘം നടത്തുന്ന സംഗീ​ത​ക്ക​ച്ചേ​രി​യിൽ സംബന്ധി​ക്കു​ന്നത്‌, “പിശാ​ചി​നോ​ടു എതിർത്തു​നി​ല്‌പിൻ” എന്നു നമ്മോടു കൽപ്പി​ക്കുന്ന ദൈവ​ത്തിന്‌ ഒട്ടും പ്രസാ​ദ​ക​ര​മാ​യി​രി​ക്കില്ല!—യാക്കോബ്‌ 4:7.

നിയ​ന്ത്ര​ണാ​തീ​തം

സംഗീ​ത​ക്ക​ച്ചേ​രി​യിൽതന്നെ എന്തു സംഭവി​ച്ചേ​ക്കാം? താരത​മ്യേന നിരു​പ​ദ്ര​വ​ക​ര​മായ ഗാനങ്ങൾ പാടു​ന്നു​വെന്നു തങ്ങൾ വിചാ​രിച്ച ഒരു ഗായക​സം​ഘ​ത്തി​ന്റെ പരിപാ​ടി​യിൽ സംബന്ധി​ക്കാൻ കൗമാ​ര​പ്രാ​യ​ക്കാ​രി​യായ സ്റ്റേയ്‌സി​യും കൂട്ടരും പോയി. എന്നാൽ കച്ചേരി പകുതി​യാ​യ​പ്പോൾ ഗായക​സം​ഘ​ത്തി​ന്റെ മുഖ്യ ഗായകൻ ഒരു ആത്മവി​ദ്യാ​ച​ടങ്ങു നടത്തു​ക​യും ആത്മലോ​ക​വു​മാ​യി ബന്ധപ്പെ​ടാൻ ശ്രമി​ക്കു​ന്ന​തിൽ ചേരാൻ സദസ്യരെ ക്ഷണിക്കു​ക​യും ചെയ്‌തു! അതു കേവലം ഒരു വിദ്യ മാത്ര​മാ​യി​രു​ന്നോ? ഒരുപക്ഷേ ആയിരു​ന്നി​രി​ക്കാം. എല്ലാത്ത​ര​ത്തി​ലുള്ള ആത്മവി​ദ്യ​യെ​യും ബൈബിൾ കുറ്റം​വി​ധി​ക്കു​ന്ന​തു​കൊണ്ട്‌ സ്റ്റേയ്‌സി​യും കൂട്ടരും അവി​ടെ​നിന്ന്‌ ഇറങ്ങി​പ്പോ​രാൻ നിർബ​ന്ധി​ത​രാ​യി.—ലേവ്യ​പു​സ്‌തകം 19:31; ആവർത്ത​ന​പു​സ്‌തകം 18:10-13; വെളി​പ്പാ​ടു 22:15.

മറ്റു യുവാ​ക്കൾക്കും സമാന​മാ​യി ഞെട്ടി​ക്കുന്ന അനുഭ​വങ്ങൾ ഉണ്ടായി​ട്ടുണ്ട്‌. കാരണം, റോക്ക്‌ സംഗീ​ത​ക്ക​ച്ചേ​രി​ക​ളിൽ പ്രത്യ​ക്ഷ​മായ ആത്മവിദ്യ താരത​മ്യേന അപൂർവ​മാ​ണെ​ങ്കി​ലും, നിയ​ന്ത്ര​ണാ​തീ​ത​മായ പെരു​മാ​റ്റം സാധാ​ര​ണ​മാണ്‌. ഒരു സംഗീ​ത​ക്ക​ച്ചേ​രി​യിൽ ഗായക​സം​ഘം, 60 പേർക്കു പരി​ക്കേൽക്കു​ന്ന​തി​ലും 2,00,000 ഡോള​റി​ന്റെ നാശനഷ്ടം ഉണ്ടാകു​ന്ന​തി​ലും കലാശിച്ച ഒരു ലഹളയ്‌ക്കു കളമൊ​രു​ക്കി! ഇനിയും മറ്റൊരു സംഗീ​ത​ക്ക​ച്ചേ​രി​യിൽ മൂന്നു യുവാക്കൾ ഞെരി​ഞ്ഞ​മർന്നു കൊല്ല​പ്പെട്ടു. മിക്ക റോക്ക്‌ സംഗീ​ത​ക്ക​ച്ചേ​രി​ക​ളും ലഹളയി​ലോ അപകട​ങ്ങ​ളി​ലോ മരണങ്ങ​ളി​ലോ കലാശി​ക്കു​ന്നില്ല എന്നതു സത്യം​തന്നെ. എന്നാൽ ജാഗ്രത പുലർത്തേണ്ട സ്‌പഷ്ട​മായ ആവശ്യ​മുണ്ട്‌. സദൃശ​വാ​ക്യ​ങ്ങൾ 22:3 ഇപ്രകാ​രം പറയുന്നു: “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു; അല്‌പ​ബു​ദ്ധി​ക​ളോ നേരെ ചെന്നു ചേത​പ്പെ​ടു​ന്നു.”

അതു​കൊണ്ട്‌ ഒരു സംഗീ​ത​ക്ക​ച്ചേ​രി​ക്കു പോകു​ന്ന​തി​നെ​ക്കു​റി​ച്ചു നിങ്ങൾ ചിന്തി​ക്കു​ക​യാ​ണെ​ങ്കിൽ വസ്‌തു​തകൾ ശേഖരി​ക്കുക. അനിയ​ന്ത്രി​ത​മായ പെരു​മാ​റ്റം ഇളക്കി​വി​ടു​ന്നു എന്ന പേര്‌ ആ ഗായക​സം​ഘ​ത്തി​നു​ണ്ടോ? ഏതു തരത്തി​ലുള്ള സദസ്സിനെ ആയിരി​ക്കും ഗായക​സം​ഘം ആകർഷി​ക്കുക? (1 കൊരി​ന്ത്യർ 15:33) മദ്യത്തി​ന്റെ​യും മയക്കു​മ​രു​ന്നി​ന്റെ​യും ഉപയോ​ഗം എത്ര​ത്തോ​ള​മുണ്ട്‌? കച്ചേരി നടക്കുന്ന ഹാൾതന്നെ എങ്ങനെ​യു​ള്ള​താണ്‌? മുമ്പ്‌ അവിടെ സുരക്ഷി​തത്വ സംബന്ധ​മായ പ്രശ്‌നങ്ങൾ ഉണ്ടായി​ട്ടു​ണ്ടോ? ഇരിപ്പിട ക്രമീ​ക​ര​ണങ്ങൾ എങ്ങനെ​യു​ള്ള​താ​യി​രി​ക്കും? ആർക്കും എവി​ടെ​യും ഇരിക്കാ​മെ​ന്നു​ള്ള​പ്പോൾ ആർക്കെ​ങ്കി​ലും പരിക്കു പറ്റാനുള്ള സാധ്യത വളരെ കൂടു​ത​ലാണ്‌.

റോക്ക്‌ സംഗീ​ത​ക്ക​ച്ചേ​രി​ക​ളിൽ മയക്കു​മ​രു​ന്നി​ന്റെ​യും മദ്യത്തി​ന്റെ​യും ദുരു​പ​യോ​ഗം വ്യാപ​ക​മാണ്‌. ഒരു പരമ്പരാ​ഗത റോക്ക്‌ ഗായക​സം​ഘം നടത്തിയ സംഗീ​ത​ക്ക​ച്ചേ​രി​യിൽ ചെറു​പ്പ​കാ​ലത്തു സംബന്ധിച്ച, ഇപ്പോൾ അതിലുള്ള താത്‌പ​ര്യം നഷ്ടപ്പെ​ട്ടു​പോയ, ഒരു ക്രിസ്‌ത്യാ​നി ഇങ്ങനെ പറഞ്ഞു: “ആളുകൾ വരുന്നതു സംഗീതം ശ്രവി​ക്കാ​നല്ല. കുടിച്ചു മത്തരാ​കാ​നാണ്‌ അവർ വരുന്നത്‌.” അത്‌ തന്റെ അവസാ​നത്തെ റോക്ക്‌ സംഗീ​ത​ക്ക​ച്ചേ​രി​യാ​യി​രി​ക്കു​മെന്ന്‌ അദ്ദേഹം ഉറച്ചു. ഒരു കൗമാ​ര​പ്രാ​യ​ക്കാ​രി സമാന​മാ​യി ഇങ്ങനെ റിപ്പോർട്ടു ചെയ്യുന്നു: “ഒരു ‘അഭിവർധക’ ഗായക​സം​ഘം നടത്തിയ കച്ചേരി​ക്കു പോയതു ഞാനോർക്കു​ന്നു. ഓ, അതു ഭയങ്കര​മാ​യി​രു​ന്നു! ആളുകൾ മാരി​ജ്വാ​ന വലിക്കു​ന്നു​ണ്ടാ​യി​രു​ന്നു. ഭാഷയോ ഭയങ്കര​മാ​യി​രു​ന്നു, വസ്‌ത്രം ധരിച്ചി​രുന്ന രീതി നോക്കി​യാൽ പലരും സാത്താന്റെ ആരാധ​ക​രെ​പ്പോ​ലെ തോന്നി​ച്ചു.” മയക്കു​മ​രു​ന്നും മദ്യവും ശക്തമായി വിലക്കി​യി​രി​ക്കു​ന്നി​ട​ത്തു​പോ​ലും, സദസ്സി​ലുള്ള പലരും പൂസാ​യ​ശേഷം വരുക അസാധാ​ര​ണമല്ല. സാധ്യ​ത​യ​നു​സ​രിച്ച്‌ അത്തര​മൊ​രു കാര്യ​ത്തിൽ സംബന്ധി​ക്കു​ന്നത്‌, “ഭക്തി​കേ​ടും പ്രപഞ്ച​മോ​ഹ​ങ്ങ​ളും വർജ്ജി​ച്ചി​ട്ടു ഈ ലോക​ത്തിൽ സുബോ​ധ​ത്തോ”ടെ ജീവി​ക്കാ​നുള്ള ബൈബി​ളി​ന്റെ കൽപ്പന​യ്‌ക്കു ചേർച്ച​യിൽ ആയിരി​ക്കു​മോ?—തീത്തൊസ്‌ 2:13.

ചുറ്റു​പാ​ടി​ന്റെ സ്വാധീ​നം

എന്നിരു​ന്നാ​ലും, അനാവ​ശ്യ​മായ അക്രമ​ത്തിൽ നിങ്ങൾ ചേരാ​ത്തി​ട​ത്തോ​ളം​കാ​ലം നിങ്ങൾക്കു ചുറ്റു​മു​ള്ളവർ എങ്ങനെ പെരു​മാ​റു​ന്നു എന്നതു സംബന്ധി​ച്ചു നിങ്ങൾ ഉത്‌ക​ണ്‌ഠ​പ്പെ​ടേ​ണ്ട​തില്ല എന്ന്‌ ഒരുപക്ഷേ നിങ്ങൾ വിചാ​രി​ക്കു​ന്നു​ണ്ടാ​വും. എന്നാൽ, നിങ്ങളു​ടെ ചുറ്റു​പാ​ടു​കൾ നിങ്ങളെ തീർച്ച​യാ​യും ബാധി​ക്കും. “അനുസ​ര​ണ​ക്കേ​ടി​ന്റെ പുത്ര​ന്മാ​രിൽ ഇപ്പോൾ വ്യാപ​രി​ക്കുന്ന ആത്മാവി​ന്റെ, വായു​വി​ന്റെ അധികാര”ത്തെക്കു​റിച്ച്‌ എഫേസ്യർ 2:2-ൽ [NW] ബൈബിൾ പറയുന്നു. ഈ ലോക​ത്തിന്‌ ‘ആത്മാവ്‌’ അഥവാ സ്വാധീ​നം ചെലു​ത്തു​ന്ന​തരം മനോ​ഭാ​വം ഉള്ളതായി ശ്രദ്ധി​ക്കുക. വായു വ്യാപ​ക​മാ​യി​രി​ക്കു​ന്ന​തു​പോ​ലെ​തന്നെ അത്‌ എല്ലായി​ട​ത്തു​മുണ്ട്‌. നിങ്ങൾ നിങ്ങ​ളെ​ത്തന്നെ ഏൽപ്പി​ച്ചു​കൊ​ടു​ക്കു​ന്നു​വെ​ങ്കിൽ, ഈ ആത്മാവിന്‌ അഥവാ മനോ​ഭാ​വ​ത്തിന്‌, ‘അധികാ​രം’ അതായത്‌ നിങ്ങളു​ടെ ചിന്തക​ളെ​യും വികാ​ര​ങ്ങ​ളെ​യും പെരു​മാ​റ്റ​ത്തെ​യും മാറ്റി​മ​റി​ക്കാ​നുള്ള ശക്തി, ഉണ്ടെന്നു ശ്രദ്ധി​ക്കുക! വളരെ സ്വാധീ​ന​ശ​ക്തി​യുള്ള ഈ വായു ശ്വസി​ച്ചിട്ട്‌ അതിനാൽ ബാധി​ക്ക​പ്പെ​ടാ​തി​രി​ക്കാൻ നിങ്ങൾക്കാ​വില്ല.

മിക്ക സന്ദർഭ​ങ്ങ​ളി​ലും റോക്ക്‌ സംഗീ​ത​ക്ക​ച്ചേ​രി​കൾ വലിയ അളവിൽ ലോക​ത്തി​ന്റെ ആത്മാവി​ലേക്കു നയിക്കുന്ന വാതാ​യ​ന​ങ്ങ​ളാണ്‌. സാധാ​ര​ണ​മാ​യി നിലനി​ന്നു​കാ​ണാ​റുള്ള റൗഡി​ത്ത​ര​ത്തി​ന്റെ ചുറ്റു​പാ​ടു​ക​ളി​ലേക്ക്‌—അല്ലെങ്കിൽ പരിപാ​ടി​കൾ അവതരി​പ്പി​ക്കു​ന്ന​വർക്ക്‌ ആരാധ​നാ​പ​ര​മായ ആദരവ്‌ കൊടു​ക്കു​ന്ന​തി​നു തുല്യ​മാ​യി ആർപ്പു​വി​ളി​ക്കു​ന്ന​തി​ലേ​ക്കും കൈ വീശു​ന്ന​തി​ലേ​ക്കും—വശീക​രി​ക്ക​പ്പെ​ടുക എളുപ്പ​മാണ്‌. അമിത​മായ അത്തരം ഭക്ത്യാ​ദ​രവ്‌ ദൈവ​ത്തിന്‌ ഉചിത​മാ​യി കൊടു​ക്കേണ്ട ഭക്ത്യാ​ദ​ര​വി​നെ ഇല്ലാതാ​ക്കു​ന്നു. അതു തിരു​വെ​ഴു​ത്തു​ക​ളിൽ വ്യക്തമാ​യും കുറ്റം​വി​ധി​ക്ക​പ്പെ​ട്ടി​രി​ക്കുന്ന ഒന്നായ വിഗ്ര​ഹാ​രാ​ധ​ന​യ്‌ക്കു തുല്യ​മാണ്‌. (1 കൊരി​ന്ത്യർ 10:14; 1 യോഹ​ന്നാൻ 5:21) അത്തര​മൊ​ന്നിൽ ഉൾപ്പെ​ടാൻ നിങ്ങൾ മുതി​രു​മോ?

മിക്ക റോക്ക്‌ സംഗീ​ത​ക്ക​ച്ചേ​രി​ക​ളി​ലും സംബന്ധി​ക്കു​ന്ന​തിൽനി​ന്നു കിട്ടുന്ന എന്തെങ്കി​ലും പ്രയോ​ജ​ന​ങ്ങളെ മൂടി​ക്ക​ള​യുന്ന അപകടങ്ങൾ നിറഞ്ഞ​വ​യാണ്‌ അത്തരം പരിപാ​ടി​ക​ളെന്നു പറയു​ന്നതു തർക്കമറ്റ സംഗതി​യാണ്‌. ഏതെങ്കി​ലും ഒരു പ്രത്യേക കച്ചേരി​യിൽ സംബന്ധി​ക്കാൻ അനുവ​ദി​ക്ക​ണോ വേണ്ടയോ എന്നു പറയു​ന്ന​തി​നുള്ള അന്തിമ അവകാശം തീർച്ച​യാ​യും നിങ്ങളു​ടെ മാതാ​പി​താ​ക്കൾക്കാ​ണു​ള്ളത്‌. എന്നാൽ, അത്തര​മൊ​രു തീരു​മാ​ന​മെ​ടു​ക്കാ​നുള്ള സ്വാത​ന്ത്ര്യം നിങ്ങൾക്കു​ണ്ടെ​ങ്കിൽ ജ്ഞാനപൂർവം തിര​ഞ്ഞെ​ടു​ക്കുക. റോക്ക്‌ സംഗീ​ത​ക്ക​ച്ചേ​രി​ക​ളിൽ സംബന്ധി​ക്കു​ന്ന​തി​ന്റെ ആപത്തുകൾ വിളി​ച്ചു​വ​രു​ത്താ​തെ​തന്നെ ആരോ​ഗ്യാ​വ​ഹ​മായ വിധങ്ങ​ളിൽ സന്തോഷം അനുഭ​വി​ക്കു​ന്ന​തി​നുള്ള ധാരാളം മാർഗ​ങ്ങ​ളുണ്ട്‌.

[അടിക്കു​റിപ്പ്‌]

[18-ാം പേജിലെ ചിത്രം]

മദ്യം, മയക്കു​മ​രു​ന്നു​കൾ, അനിയ​ന്ത്രി​ത​മായ പെരു​മാ​റ്റം തുടങ്ങി​യവ റോക്ക്‌ സംഗീ​ത​ക്ക​ച്ചേ​രി​ക​ളിൽ സാധാ​ര​ണ​മാണ്‌