മരണത്തി​ന്റെ വക്കോ​ള​മെ​ത്തിയ എന്റെ അനുഭ​വ​ത്തിൽനി​ന്നു ഡോക്ടർമാർ പഠിച്ചു

ഞാൻ ഞങ്ങളുടെ നാലാ​മത്തെ കുട്ടിയെ ഗർഭം ധരിച്ചി​രി​ക്കു​ക​യാ​ണെന്ന്‌ 1991, മേയ്‌ മധ്യത്തിൽ ഞങ്ങൾക്കു മനസ്സി​ലാ​യി. ഞങ്ങളുടെ ഏറ്റവും ഇളയ കുട്ടി​യായ മീഖെ​ലിന്‌ ഒൻപതു വയസ്സാ​യി​രു​ന്നു. ഇരട്ട പെൺകു​ട്ടി​ക​ളായ മാരി​യ​യ്‌ക്കും സാറയ്‌ക്കും 13 വയസ്സും. ഒരു കുഞ്ഞും കൂടെ ഉണ്ടായി​രി​ക്കാൻ ഉദ്ദേശി​ച്ചി​രു​ന്നി​ല്ലെ​ങ്കി​ലും ആ ആശയവു​മാ​യി ഞങ്ങൾ പെട്ടെ​ന്നു​തന്നെ പൊരു​ത്ത​പ്പെട്ടു.

മൂന്നു മാസം ഗർഭമു​ള്ള​പ്പോൾ ഒരു ദിവസം വൈകു​ന്നേരം എനിക്ക്‌ ഒരു വശത്തെ ശ്വാസ​കോ​ശ​ത്തിൽ പെട്ടെ​ന്നൊ​രു വേദന തോന്നി. പിറ്റേന്ന്‌, എനിക്കു നടക്കാനേ കഴിയു​മാ​യി​രു​ന്നില്ല. ന്യു​മോ​ണി​യ​യാ​ണെന്നു പറഞ്ഞ്‌ ഡോക്ടർ എനിക്കു പെൻസി​ലിൻ തന്നു. രണ്ടു ദിവസം കഴിഞ്ഞ​പ്പോൾ എനിക്കു സുഖം തോന്നി തുടങ്ങി. എന്നാൽ ഞാൻ തീർത്തും ക്ഷീണി​ത​യാ​യി​രു​ന്നു. അങ്ങനെ​യി​രി​ക്കു​മ്പോൾ പെട്ടെന്ന്‌ മറ്റേ വശത്തെ ശ്വാസ​കോ​ശ​ത്തി​ലും എനിക്കു വേദന അനുഭ​വ​പ്പെട്ടു. അതേ ചികി​ത്സാ​രീ​തി​തന്നെ ആവർത്തി​ച്ചു.

പിന്നീ​ടു​ള്ള ദിവസ​ങ്ങ​ളി​ലെ​ല്ലാം ശ്വാസം​മു​ട്ടൽ കാരണം എനിക്കു കിടക്കാൻ കഴിഞ്ഞില്ല. ആദ്യത്തെ വേദന​യു​ണ്ടാ​യി ഒരാഴ്‌ച പൂർത്തി​യാ​യി അൽപ്പം കഴിഞ്ഞ​പ്പോൾ എന്റെ ഒരു കാൽ കരിവാ​ളി​ച്ചു നീരു​വ​യ്‌ക്കാൻ തുടങ്ങി. ഇത്തവണ എന്നെ ആശുപ​ത്രി​യി​ലാ​ക്കി. ശ്വാസ​കോ​ശ​ങ്ങ​ളി​ലെ വേദന ന്യു​മോ​ണിയ നിമി​ത്തമല്ല, പിന്നെ​യോ രക്തം കട്ടപി​ടി​ക്കു​ന്ന​തു​കൊ​ണ്ടാ​ണെന്ന്‌ ഡോക്ടർ എന്നെ അറിയി​ച്ചു. എന്റെ നാഭി​യി​ലും ഒരിടത്ത്‌ രക്തം കട്ടപി​ടി​ച്ചി​ട്ടു​ണ്ടെന്ന്‌ അവർ പറഞ്ഞു. സ്വീഡ​നിൽ ഗർഭി​ണി​ക​ളായ സ്‌ത്രീ​ക​ളി​ലെ മരണ കാരണ​ങ്ങ​ളിൽ ഏറ്റവും സാധാ​ര​ണ​മായ ഒന്നാണ്‌ രക്തം കട്ടയാകൽ എന്ന്‌ എനിക്കു മനസ്സി​ലാ​ക്കാൻ കഴിഞ്ഞു. ഏതാനും ദിവസം കഴിഞ്ഞ​പ്പോൾ സ്റ്റോക്ക്‌ഹോ​മി​ലെ കാരോ​ലിൻസ്‌ക ഷൂകൂ​സെറ്റ്‌ ആശുപ​ത്രി​യി​ലേക്ക്‌ എന്നെ മാറ്റി. സങ്കീർണ​മായ ഗർഭധാ​ര​ണ​ങ്ങ​ളു​ള്ള​വർക്കു വേണ്ടി​യുള്ള പ്രത്യേക പ്രസവ ക്ലിനിക്ക്‌ അവി​ടെ​യു​ണ്ടാ​യി​രു​ന്നു.

രക്തം നേർപ്പി​ക്കുന്ന മരുന്നായ ഹെപ്പാ​രിൻ ഉപയോ​ഗിച്ച്‌ എന്നെ ചികി​ത്സി​ക്കാൻ ഡോക്ടർമാർ തീരു​മാ​നി​ച്ചു. ഹെപ്പാ​രിൻ സ്വീക​രി​ക്കു​ന്ന​തു​കൊ​ണ്ടുള്ള രക്തസ്രാവ അപകടം ശ്വാസ​കോ​ശ​ങ്ങ​ളിൽ മറ്റൊ​രി​ട​ത്തു​കൂ​ടെ രക്തം കട്ടപി​ടി​ക്കു​ന്ന​തി​ലെ അപകടത്തെ അപേക്ഷിച്ച്‌ നിസ്സാ​ര​മാ​ണെന്ന്‌ അവർ എനിക്ക്‌ ഉറപ്പു​നൽകി. രണ്ടാഴ്‌ച കഴിഞ്ഞ​പ്പോൾ വീട്ടി​ലേക്കു മടങ്ങി​പ്പോ​ക​ത്ത​ക്ക​വണ്ണം ഞാൻ സുഖം പ്രാപി​ച്ചു. എന്റെയു​ള്ളിൽ വളരുന്ന കുരുന്നു ജീവനു​മാ​യി ജീവ​നോ​ടി​രി​ക്കു​ന്ന​തിൽ എനിക്ക്‌ ഊഷ്‌മ​ള​വും അതിര​റ്റ​തു​മായ ആഹ്ലാദം തോന്നി.

പ്രസവ​ത്തി​നുള്ള സമയം

പ്രസവം നേര​ത്തെ​യാ​ക്കാൻ തീരു​മാ​നി​ച്ചു. എന്നാൽ അതു തുടങ്ങു​ന്ന​തി​നാ​യി പടികൾ സ്വീക​രി​ക്കാൻ കഴിയും മുമ്പ്‌ എനിക്ക്‌ അടിവ​യ​റ്റിൽ ഭയങ്കര വേദന അനുഭ​വ​പ്പെട്ടു. അതു​കൊണ്ട്‌ പെട്ടെന്ന്‌ എന്നെ ആശുപ​ത്രി​യി​ലെ​ത്തി​ച്ചു. എങ്കിലും ഡോക്ടർമാർക്ക്‌ യാതൊ​രു കുഴപ്പ​വും കണ്ടുപി​ടി​ക്കാൻ കഴിഞ്ഞില്ല.

പിറ്റേ ദിവസം വൈകു​ന്നേ​ര​മാ​യ​പ്പോൾ എന്റെ അടിവ​യറ്‌ വല്ലാതെ വീർത്തു. വേദന​യ്‌ക്കു കുറവു​ണ്ടാ​യി​രു​ന്നു​മില്ല. അർധരാ​ത്രിക്ക്‌, ഒരു ഡോക്ടർ എന്നെ പരി​ശോ​ധി​ക്കു​ക​യും എനിക്കു പ്രസവ​വേദന തുടങ്ങി​യെന്നു കണ്ടെത്തു​ക​യും ചെയ്‌തു. പിറ്റേന്നു രാവിലെ എന്റെ അടിവയർ പിന്നെ​യും വീർത്തു, വേദന അസഹനീ​യ​മാ​യി​രു​ന്നു. ഡോക്ട​റു​ടെ മുഖത്ത്‌ വിഷമം പ്രകട​മാ​യി​രു​ന്നു. കുട്ടി​യു​ടെ അനക്കങ്ങൾ അവസാ​ന​മാ​യി ശ്രദ്ധി​ച്ച​തെ​പ്പോ​ഴാ​യി​രു​ന്നു​വെന്ന്‌ എന്നോടു ചോദി​ക്കു​ക​യും ചെയ്‌തു. ദീർഘ​നേ​ര​മാ​യി അനക്കമി​ല്ലാ​തി​രുന്ന കാര്യം അപ്പോ​ഴാ​ണു ഞാൻ പെട്ടെന്നു മനസ്സി​ലാ​ക്കി​യത്‌.

എന്നെ ഉടൻ തന്നെ പ്രസവ​മു​റി​യിൽ കയറ്റി. ജോലി​ക്കാ​രു​ടെ സംസാരം എനിക്ക്‌ അകലെ​നി​ന്നു കേൾക്കാ​മാ​യി​രു​ന്നു. “അവർ രക്തപ്പകർച്ച നടത്താൻ വിസമ്മ​തി​ക്കു​ന്നു,” ആരോ പറഞ്ഞു. അപ്പോൾ ഒരു നഴ്‌സ്‌ എന്റെ നേരെ കുനിഞ്ഞു നിന്നിട്ട്‌ ഉച്ചത്തിൽ പറഞ്ഞു: “നിങ്ങളു​ടെ കുഞ്ഞ്‌ മരിച്ചു​പോ​യെന്നു നിങ്ങൾക്ക്‌ അറിയാ​മ​ല്ലോ, അല്ലേ?” ആരോ എന്റെ ഹൃദയ​ത്തിൽ ഒരു കഠാര കുത്തി​യി​റ​ക്കി​യ​തു​പോ​ലെ​യാണ്‌ എനിക്ക്‌ അനുഭ​വ​പ്പെ​ട്ടത്‌.—സദൃശ​വാ​ക്യ​ങ്ങൾ 12:18.

രക്തം സ്വീക​രി​ക്കു​ക​യി​ല്ലെന്ന ദൃഢമായ തീരു​മാ​നം

എന്റെ അവസ്ഥ അങ്ങേയറ്റം ഗുരു​ത​ര​മാ​ണെന്ന്‌ ഡോക്ടർ പെട്ടെന്ന്‌ എന്നോടു വന്നു പറഞ്ഞു. രക്തപ്പകർച്ച സ്വീക​രി​ക്കു​ക​യില്ല എന്ന എന്റെ തീരു​മാ​ന​ത്തോട്‌ ഞാൻ അപ്പോ​ഴും പറ്റിനിൽക്കാൻ ആഗ്രഹി​ക്കു​ന്നു​വോ​യെന്ന്‌ അദ്ദേഹം ചോദി​ച്ചു. ഉവ്വ്‌ എന്നു ഞാൻ തറപ്പിച്ചു പറഞ്ഞു. അതു കഴിഞ്ഞു നടന്ന കാര്യങ്ങൾ അധിക​മൊ​ന്നും ഞാൻ ഓർമി​ക്കു​ന്നില്ല. എന്നിരു​ന്നാ​ലും, രക്തം വർജ്ജി​ക്കാൻ ക്രിസ്‌ത്യാ​നി​ക​ളോട്‌ കൽപ്പി​ച്ചി​രി​ക്കു​ന്നു​വെ​ന്നും ദൈവ​നി​യമം അനുസ​രി​ക്കാൻ ഞാൻ ആഗ്രഹി​ക്കു​ന്നു​വെ​ന്നു​മുള്ള സംഗതി എന്റെ ഡോക്ട​റോ​ടു ഞാൻ വളരെ വ്യക്തമാ​യി​പ്പ​റ​ഞ്ഞി​രു​ന്നു.—പ്രവൃ​ത്തി​കൾ 15:28, 29; 21:25.

അതിനി​ട​യ്‌ക്ക്‌ അവർ മറ്റൊരു ഡോക്ടറെ വിളിച്ചു. അവർ ശസ്‌ത്ര​ക്രി​യാ വിദഗ്‌ധ​യായ ബാർബ്രൊ ലാർസൊൻ ആയിരു​ന്നു. അവർ പെട്ടെന്ന്‌ എത്തി​ച്ചേ​രു​ക​യും ഉടൻതന്നെ ശസ്‌ത്ര​ക്രിയ നടത്തു​ക​യും ചെയ്‌തു. എന്റെ അടിവയർ തുറന്ന​പ്പോൾ, ആന്തരിക രക്തവാർച്ച മൂലം എനിക്ക്‌ മൂന്നു ലിറ്റർ രക്തം നഷ്ടപ്പെ​ട്ടി​രി​ക്കു​ന്ന​താ​യി അവർ കണ്ടെത്തി. എന്നാൽ രക്തപ്പകർച്ച സംബന്ധിച്ച എന്റെ തീരു​മാ​നത്തെ ഡോ. ലാർസൊൻ ആദരിച്ചു.

ഏതാനും നിമി​ഷ​ങ്ങൾക്കു​ള്ളിൽ ഞാൻ മരിക്കു​മെന്ന്‌ അതിനു​ശേഷം മറ്റൊരു ഡോക്ടർ പറഞ്ഞു. “അവർക്കി​പ്പോൾ ജീവനു​ണ്ടോ​യെ​ന്നു​തന്നെ എനിക്ക​റി​യില്ല,” അദ്ദേഹം അങ്ങനെ പറഞ്ഞതാ​യാണ്‌ റിപ്പോർട്ട്‌. ഡോക്ടർമാർക്ക്‌ രക്തസ്രാ​വ​ത്തി​ന്റെ ഉറവിടം കണ്ടെത്താൻ കഴിഞ്ഞി​ല്ലെന്നു പിന്നീടു മനസ്സി​ലാ​യി. അതു​കൊണ്ട്‌ അവർ എന്റെ അടിവ​യ​റ്റിൽ ഒരു കംപ്രസ്‌ (ശരീര​ഭാ​ഗത്ത്‌ അമർത്തി​വച്ച്‌ രക്തസ്രാ​വം നിർത്തു​ന്ന​തി​നു​പ​യോ​ഗി​ക്കുന്ന ഉപാധി) വെച്ചു. ഞാൻ അതിജീ​വി​ക്കു​മെ​ന്നു​ള്ള​തിന്‌ ഡോക്ടർമാ​രും നേഴ്‌സു​മാ​രും ഒരു പ്രതീ​ക്ഷ​യും നൽകി​യില്ല.

എന്റെ കുട്ടികൾ ആശുപ​ത്രി​യിൽവന്ന്‌ എന്റെ സ്ഥിതി മനസ്സി​ലാ​ക്കി​യ​പ്പോൾ, അർമ​ഗെ​ദോൻ പെട്ടെന്നു തന്നെ വരു​മെ​ന്നും അതിനു​ശേഷം പുനരു​ത്ഥാ​ന​ത്തിൽ അവർക്ക്‌ എന്നെ തിരി​ച്ചു​കി​ട്ടു​മെ​ന്നും അവരി​ലൊ​രാൾ പറഞ്ഞു. പുനരു​ത്ഥാ​നം എത്ര അത്ഭുത​ക​ര​വും നീതി​പൂർവ​ക​വു​മായ ക്രമീ​ക​ര​ണ​മാണ്‌!—യോഹ​ന്നാൻ 5:28, 29; 11:17-44; പ്രവൃ​ത്തി​കൾ 24:15; വെളി​പ്പാ​ടു 21:3, 4.

ജീവൻ തുലാ​സിൽ

എന്റെ രക്തത്തിലെ ഹീമോ​ഗ്ലോ​ബിൻ ഡെസി​ലി​റ്റ​റിന്‌ 4 ഗ്രാമാ​യി കുറഞ്ഞി​രു​ന്നു. എന്നാൽ രക്തസ്രാ​വം നിലച്ച​താ​യി കാണ​പ്പെട്ടു. 1991, നവംബർ 22-ലെ ഉണരുക! (ഇംഗ്ലീഷ്‌) മാസി​ക​യു​ടെ ഒരു പ്രതി ഞാൻ എന്റെ രോഗ​വി​വര രേഖയിൽ നേര​ത്തെ​തന്നെ വെച്ചി​ട്ടു​ണ്ടാ​യി​രു​ന്നു. ഡോ. ലാർസൊൻ അതു കണ്ടെത്തു​ക​യും “രക്തപ്പകർച്ച കൂടാതെ രക്തസ്രാ​വത്തെ പ്രതി​രോ​ധി​ക്കു​ക​യും നിയ​ന്ത്രി​ക്കു​ക​യും ചെയ്യൽ” എന്ന തലക്കെട്ടു ശ്രദ്ധി​ക്കു​ക​യും ചെയ്‌തു. എന്റെ ജീവൻ രക്ഷിക്കു​ന്ന​തിന്‌ ഉപയോ​ഗി​ക്കാൻ പറ്റിയ വല്ലതും ഉണ്ടോ​യെ​ന്ന​റി​യാൻ അവർ അത്‌ ആകാം​ക്ഷ​യോ​ടെ അരിച്ചു​പെ​റു​ക്കി പരി​ശോ​ധി​ച്ചു. അവരുടെ കണ്ണുകൾ “എരി​ത്രോ​പോ​യെ​റ്റിൻ” എന്ന വാക്കിൽ ഉടക്കി​നി​ന്നു. ചുവന്ന രക്താണു​ക്കൾ ഉത്‌പാ​ദി​പ്പി​ക്കു​ന്ന​തിന്‌ ശരീരത്തെ ഉത്തേജി​പ്പി​ക്കുന്ന ഒരു ഔഷധ​മാണ്‌ അത്‌. അവർ അത്‌ എനിക്കു തന്നു. എന്നാൽ ഈ മരുന്നി​ന്റെ ഫലം ലഭിക്കാൻ സമയ​മെ​ടു​ക്കും. അതു​കൊണ്ട്‌, എരി​ത്രോ​പോ​യെ​റ്റിൻ വേണ്ടത്ര വേഗത​യിൽ പ്രവർത്തി​ക്കു​മോ എന്നതാ​യി​രു​ന്നു പ്രശ്‌നം.

പിറ്റേന്ന്‌ ഹീമോ​ഗ്ലോ​ബി​ന്റെ അളവ്‌ 2.9 ആയി കുറഞ്ഞു. ഞാൻ ഉണർന്ന​പ്പോൾ എന്റെ മുഴു കുടും​ബ​വും കിടക്ക​യ്‌ക്ക​രു​കിൽ ഉണ്ടായി​രു​ന്നു, എന്താണു സംഭവി​ച്ച​തെന്ന്‌ ഞാൻ അതിശ​യി​ച്ചു. കൃത്രിമ ശ്വസന​സ​ഹാ​യി കാരണം എനിക്കു സംസാ​രി​ക്കാൻ കഴിഞ്ഞില്ല. ദുഃഖം​കാ​രണം എനിക്ക്‌ ഏതാണ്ട്‌ ഭ്രാന്തു​പി​ടി​ച്ച​താ​യി തോന്നി. എന്നാൽ എനിക്കു കരയാൻപോ​ലും കഴിഞ്ഞില്ല. അതിജീ​വി​ക്ക​ണ​മെ​ങ്കിൽ ശക്തി സംഭരി​ക്കേ​ണ്ട​തു​ണ്ടെന്ന്‌ എല്ലാവ​രും എന്നോടു പറഞ്ഞു.

അടിവ​യ​റ്റിൽനിന്ന്‌ എടുക്കാൻ വിട്ടു​പോ​യി​രുന്ന കംപ്രസ്‌ മൂലമു​ണ്ടായ വീക്കം നിമിത്തം പിറ്റേന്ന്‌ എനിക്കു പനിയു​ണ്ടാ​യി​രു​ന്നു. ഹീമോ​ഗ്ലോ​ബി​ന്റെ അളവ്‌ 2.7 ആയി താഴ്‌ന്നു. ആ അവസ്ഥയിൽ ഒരു വ്യക്തിയെ ബോധം​കെ​ടു​ത്തു​ന്നത്‌ വളരെ അപകട​ക​ര​മാ​ണെ​ങ്കി​ലും കംപ്രസ്‌ നീക്കം ചെയ്യു​ന്ന​തി​നാ​യി അപകട​സാ​ധ്യത ഗണ്യമാ​ക്കാ​തെ വീണ്ടും ശസ്‌ത്ര​ക്രിയ നടത്താൻ തങ്ങൾ നിർബ​ന്ധി​ത​രാ​ണെന്ന്‌ ഡോ. ലാർസൊൻ വിശദീ​ക​രി​ച്ചു.

ശസ്‌ത്ര​ക്രി​യ​യ്‌ക്കു മുമ്പ്‌ അകത്തു വന്ന്‌ എന്നെ കാണാൻ കുട്ടി​കളെ അനുവ​ദി​ച്ചു. എല്ലാവ​രും വിചാ​രി​ച്ചത്‌ അതു വിട​ചൊ​ല്ലൽ ആണെന്നാണ്‌. മെഡിക്കൽ ഉദ്യോ​ഗ​സ്ഥ​രിൽ പലരും കരയു​ക​യാ​യി​രു​ന്നു. ഞാൻ രക്ഷപ്പെ​ടു​മെന്ന വിശ്വാ​സം അവർക്കി​ല്ലാ​യി​രു​ന്നു. ഞങ്ങളുടെ കുട്ടികൾ വളരെ ധൈര്യ​മു​ള്ള​വ​രാ​യി​രു​ന്നു. അത്‌ എന്നെ ശാന്തയും ഉറപ്പു​ള്ള​വ​ളും ആക്കിത്തീർത്തു.

ബോധം​കെ​ടു​ത്താ​നാ​യി ഉപയോ​ഗിച്ച ഔഷധം കുറവാ​യി​രു​ന്ന​തി​നാൽ ജോലി​ക്കാർ അന്യോ​ന്യം പറയുന്ന കാര്യങ്ങൾ ചില സമയത്ത്‌ എനിക്കു കേൾക്കാൻ കഴിഞ്ഞു. അതി​നോ​ടകം തന്നെ എന്റെ കഥ കഴിഞ്ഞ​തു​പോ​ലെ​യാ​യി​രു​ന്നു ചിലരു​ടെ സംസാരം. ശസ്‌ത്ര​ക്രി​യ​യു​ടെ സമയത്തു കേട്ടതി​നെ​ക്കു​റിച്ച്‌ ഞാൻ പിന്നീടു വിവരി​ച്ച​പ്പോൾ ഒരു നേഴ്‌സ്‌ എന്നോടു ക്ഷമപറഞ്ഞു. എന്നാൽ ഞാൻ മരിക്കു​മെന്നു തനിക്ക്‌ ഉറപ്പാ​യി​രു​ന്നെ​ന്നും ഞാൻ എങ്ങനെ​യാണ്‌ അതിജീ​വി​ച്ച​തെന്ന്‌ ഇപ്പോ​ഴും തനിക്ക്‌ അറിയാൻ പാടി​ല്ലെ​ന്നും അവർ പറഞ്ഞു.

പിറ്റേ ദിവസം എനിക്ക്‌ അൽപ്പം സുഖം തോന്നി. എന്റെ ഹീമോ​ഗ്ലോ​ബി​ന്റെ അളവ്‌ 2.9 ആയിരു​ന്നു, ഹെമാ​റ്റോ​ക്രി​റ്റി​ന്റെ അളവ്‌ 9-ഉം. എന്റെ ക്രിസ്‌തീയ സഹോ​ദരീ സഹോ​ദ​രൻമാർ സന്ദർശ​നങ്ങൾ നടത്തു​ക​യും എന്റെ കുടും​ബാം​ഗ​ങ്ങൾക്കു​വേണ്ടി ഭക്ഷണവും കാപ്പി​യും കൊണ്ടു​വന്നു തരുക​യും ചെയ്‌തു. അവരുടെ സ്‌നേ​ഹ​ത്തി​നും വാത്സല്യ​ത്തി​നും ഞങ്ങൾ നന്ദിയു​ള്ള​വ​രാ​യി​രു​ന്നു. വൈകു​ന്നേ​ര​മാ​യ​പ്പോൾ എന്റെ അവസ്ഥ നിർണാ​യ​ക​മാ​യി​രു​ന്നെ​ങ്കി​ലും സ്ഥിരമായ നിലയി​ലാ​യി​രു​ന്നു. എന്നെ മറ്റൊരു വാർഡി​ലേക്കു മാറ്റി.

ഡോക്ടർമാർ പഠിക്കു​ന്നു

മെഡിക്കൽ ഉദ്യോ​ഗ​സ്ഥ​രിൽ പലരും എന്നെക്കു​റിച്ച്‌ ജിജ്ഞാ​സ​യു​ള്ള​വ​രാ​യി​രു​ന്നു. അവരിൽ മിക്കവ​രും വളരെ ദയാമ​ന​സ്‌ക​രു​മാ​യി​രു​ന്നു. ഒരു നേഴ്‌സ്‌ ഇപ്രകാ​രം പറഞ്ഞു: “നിങ്ങളു​ടെ ദൈവ​മാ​യി​രി​ക്കണം നിങ്ങളെ രക്ഷിച്ചത്‌.” മറ്റൊരു വാർഡിൽനി​ന്നുള്ള ഒരു ഡോക്ടർ വന്ന്‌ ഇങ്ങനെ അഭി​പ്രാ​യ​പ്പെട്ടു: “ഹീമോ​ഗ്ലോ​ബി​ന്റെ അളവ്‌ അത്രമാ​ത്രം കുറഞ്ഞ ഒരാൾ എങ്ങനെ​യാ​ണി​രി​ക്കു​ന്ന​തെന്ന്‌ എനിക്കു കണ്ടേ തീരൂ. നിങ്ങൾക്ക്‌ ഇത്രയും ഉണർവോ​ടെ​യി​രി​ക്കാൻ കഴിയു​ന്ന​തെ​ങ്ങ​നെ​യാ​ണെന്ന്‌ എനിക്കു മനസ്സി​ലാ​കു​ന്നേ​യില്ല.”

പിറ്റേന്ന്‌ തന്റെ ഒഴിവു ദിവസ​മാ​യി​രു​ന്നി​ട്ടും എന്റെ ഡോക്ടർ എന്നെ കാണാ​നാ​യി വന്നു. സംഭവിച്ച സംഗതി​കൾ നിമിത്തം തനിക്കു വിനയം തോന്നി​യെന്ന്‌ അവർ എന്നോടു പറഞ്ഞു. ഞാൻ പരിപൂർണ​മാ​യി സുഖം​പ്രാ​പി​ച്ചാൽ, രക്തപ്പകർച്ചാ ചികി​ത്സ​യ​ല്ലാ​തെ​യുള്ള മാർഗങ്ങൾ ഉപയോ​ഗിച്ച്‌ രോഗി​കളെ ചികി​ത്സി​ക്കു​ന്ന​തി​നെ​ക്കു​റിച്ച്‌ തങ്ങൾ പുതിയ ഗവേഷണം തുടങ്ങാൻ പോകു​ക​യാ​ണെന്ന്‌ അവർ പറഞ്ഞു.

എന്റെ സുഖം​പ്രാ​പി​ക്കൽ നാടകീ​യ​മാ​യി​രു​ന്നു. എന്റെ ദാരു​ണ​മായ പ്രസവം കഴിഞ്ഞ്‌ രണ്ടര ആഴ്‌ച കഴിഞ്ഞ​പ്പോൾ ഹീമോ​ഗ്ലോ​ബി​ന്റെ അളവ്‌ 8-ൽ അൽപ്പം അധിക​മാ​യി വർധിച്ചു. അതു​കൊണ്ട്‌ എന്നെ ആശുപ​ത്രി​യിൽനി​ന്നു ഡിസ്‌ചാർജ്‌ ചെയ്‌തു. മൂന്നു ദിവസം കഴിഞ്ഞ​പ്പോൾ ഞങ്ങൾക്ക്‌ യഹോ​വ​യു​ടെ സാക്ഷി​ക​ളു​ടെ വാർഷിക സർക്കീട്ട്‌ സമ്മേള​ന​മു​ണ്ടാ​യി​രു​ന്നു. ഞാൻ അതിൽ പങ്കെടു​ത്തു. ഞങ്ങളുടെ അഗ്നിപ​രീ​ക്ഷ​യു​ടെ സമയത്ത്‌ വളരെ​യ​ധി​കം പിന്തുണ നൽകിയ ഞങ്ങളുടെ ക്രിസ്‌തീയ സഹോ​ദരീ സഹോ​ദൻമാ​രെ വീണ്ടും കാണു​ന്നത്‌ എത്ര പ്രോ​ത്സാ​ഹ​ജ​ന​ക​മാ​യി​രു​ന്നു.—സദൃശ​വാ​ക്യ​ങ്ങൾ 17:17.

ഡോ. ലാർസൊൻ എന്നോടു വാഗ്‌ദാ​നം ചെയ്‌ത​തു​പോ​ലെ​തന്നെ, എനിക്കു സംഭവി​ച്ച​തി​നെ​ക്കു​റി​ച്ചുള്ള ഒരു റിപ്പോർട്ട്‌ സ്വീഡ​നി​ലെ ലകാർറ്റി​നിൻഞ്ചെൻ എന്ന മെഡിക്കൽ ജേർണ​ലിൽ “രക്തപ്പകർച്ചക്കു പകരം എരി​ത്രോ​പൊ​യ​റ്റിൻ” എന്ന തലക്കെ​ട്ടിൽ പിന്നീടു പ്രസി​ദ്ധീ​ക​രി​ക്കു​ക​യു​ണ്ടാ​യി. അത്‌ ഇങ്ങനെ പറഞ്ഞു: “യഹോ​വ​യു​ടെ സാക്ഷി​യായ 35 വയസ്സുള്ള ഒരു സ്‌ത്രീക്ക്‌ പ്രസവ​ത്തോ​ട​നു​ബ​ന്ധിച്ച്‌ തീവ്ര​വും വലിയ​തോ​തി​ലു​ള്ള​തു​മായ രക്തസ്രാ​വം ഉണ്ടായി. അവർ രക്തപ്പകർച്ച നിരസി​ക്കു​ക​യും എരി​ത്രോ​പോ​യ​റ്റിൻ ചികിത്സ സ്വീക​രി​ക്കു​ക​യും ചെയ്‌തു. ശസ്‌ത്ര​ക്രിയ കഴിഞ്ഞുള്ള ഒൻപതു ദിവസം ഉയർന്ന അളവിൽ എരി​ത്രോ​പോ​യ​റ്റിൻ ഉപയോ​ഗിച്ച്‌ ചികിത്സ നടത്തി​ക്ക​ഴി​ഞ്ഞ​പ്പോൾ ഡെസി​ലി​റ്റ​റിന്‌ 2.9 ഗ്രാമാ​യി​രുന്ന ഹീമോ​ഗ്ലോ​ബി​ന്റെ അളവ്‌ പാർശ്വ​ഫ​ല​ങ്ങ​ളൊ​ന്നും കൂടാതെ, 8.2 ഗ്രാമാ​യി വർധിച്ചു.”

ലേഖനം ഇപ്രകാ​രം ഉപസം​ഹ​രി​ച്ചു: “തുടക്ക​ത്തിൽ രോഗി വളരെ ക്ഷീണി​ത​യാ​യി​രു​ന്നു. എന്നാൽ അവർ അതിശ​യ​ക​ര​മായ വേഗത​യിൽ സുഖം പ്രാപി​ച്ചു. മാത്രമല്ല, ശസ്‌ത്ര​ക്രി​യാ​നന്തര നടപടി​കൾ മുഴു​വ​നും യാതൊ​രു കുഴപ്പ​ങ്ങ​ളു​മി​ല്ലാ​തെ നടന്നു. രണ്ടാഴ്‌ച കഴിഞ്ഞ​പ്പോൾ രോഗി​യെ ആശുപ​ത്രി​യിൽനി​ന്നും ഡിസ്‌ചാർജ്‌ ചെയ്യാൻ കഴിഞ്ഞു.”

ഈ അനുഭവം ഞങ്ങൾക്ക്‌ കഠിന​മായ ഒരു ആഘാത​മാ​യി​രു​ന്നെ​ങ്കി​ലും അതിന്റെ ഫലമായി ചില ഡോക്ടർമാർ രക്തപ്പകർച്ച​യ്‌ക്കു പകരമുള്ള മാർഗ​ങ്ങ​ളെ​ക്കു​റി​ച്ചു കൂടുതൽ കാര്യങ്ങൾ മനസ്സി​ലാ​ക്കി​യി​രി​ക്കാ​മെ​ന്ന​തിൽ ഞങ്ങൾ സന്തുഷ്ട​രാണ്‌. വിജയ​ക​ര​മെന്നു തെളിഞ്ഞ ചികി​ത്സാ​രീ​തി​കൾ പരീക്ഷി​ച്ചു നോക്കാൻ അവർ സജ്ജരാ​യി​രി​ക്കു​മെന്നു പ്രത്യാ​ശി​ക്കാം.—ആൻ യിപ്‌സ്യോ​റ്റിസ്‌ പറഞ്ഞ​പ്ര​കാ​രം.

[26-ാം പേജിലെ ചിത്രം]

സഹായമനസ്ഥിതിയുള്ള എന്റെ സർജ​നോ​ടൊ​പ്പം