ബൈബി​ളി​ന്റെ വീക്ഷണം

മറിയ “ദൈവ​മാ​താ”വോ?

“അല്ലയോ ദൈവ​മാ​താ​വേ, ഞങ്ങൾ നിന്റെ കരുണ​യിൻ കീഴിൽ അഭയം തേടുന്നു; അദ്വി​തീയ അനുഗൃ​ഹീ​തയേ, കഷ്ടകാ​ലത്തെ ഞങ്ങളുടെ യാചന തള്ളിക്ക​ള​യ​രു​തേ, നിത്യ​നാ​ശ​ത്തിൽനി​ന്നു ഞങ്ങളെ രക്ഷിക്ക​ണമേ.”

യേശു​ക്രി​സ്‌തു​വി​ന്റെ അമ്മയായ മറിയ​യു​ടെ ഭക്തരായ, കോടി​ക്ക​ണ​ക്കിന്‌ ആളുക​ളു​ടെ ചേതോ​വി​കാ​ര​ങ്ങളെ അത്തര​മൊ​രു പ്രാർഥന ക്രോ​ഡീ​ക​രി​ക്കു​ന്നു. അവരെ സംബന്ധി​ച്ചി​ട​ത്തോ​ളം മറിയ, തങ്ങൾക്കു​വേണ്ടി ദൈവ​മു​മ്പാ​കെ മധ്യസ്ഥത വഹിക്കു​ന്ന​തി​നും തങ്ങളുടെ നേർക്കുള്ള അവന്റെ ന്യായ​വി​ധി​കൾ ഏതെങ്കി​ലും വിധേന ലഘൂക​രി​ക്കു​ന്ന​തി​നും കഴിവുള്ള ദയാപു​ര​സ്സ​ര​യായ ഒരു മാതാ​വാണ്‌.

എന്നിരു​ന്നാ​ലും, മറിയ വാസ്‌ത​വ​മാ​യും “ദൈവ​മാ​താ”വാണോ?

മറിയ—ദൈവ​ത്താൽ “അത്യന്തം പ്രീതി ലഭിച്ചവൾ”

മറിയ “അത്യന്തം പ്രീതി​ല​ഭി​ച്ചവൾ”—വാസ്‌ത​വ​ത്തിൽ, ഇന്നേവരെ ജീവി​ച്ചി​രു​ന്നി​ട്ടുള്ള ഏതൊരു സ്‌ത്രീ​യെ​ക്കാ​ളു​മേറെ പ്രീതി ലഭിച്ചവൾ—ആയിരു​ന്നു​വെ​ന്ന​തിൽ യാതൊ​രു സംശയ​വു​മില്ല. (ലൂക്കോസ്‌ 1:28, ദ ജറുസ​ലേം ബൈബിൾ) ഗബ്രി​യേൽ ദൂതൻ അവൾക്കു പ്രത്യ​ക്ഷ​നാ​യി, അവൾ എത്രമാ​ത്രം പദവി ലഭിച്ച​വ​ളാ​യി​രി​ക്കു​മെന്നു വിശദീ​ക​രി​ച്ചു. “ശ്രദ്ധിക്കൂ! നീ ഗർഭം ധരിച്ച്‌ ഒരു പുത്രനെ പ്രസവി​ക്കും, നീ അവന്‌ യേശു എന്നു പേരി​ടണം. അവൻ വലിയ​വ​നാ​യി​രി​ക്കും, കൂടാതെ അത്യു​ന്ന​തന്റെ പുത്രൻ എന്നു വിളി​ക്ക​പ്പെ​ടും” എന്നു ദൂതൻ പറഞ്ഞു. അത്ഭുത​ക​ര​മായ ഈ സംഭവം എങ്ങനെ സാധ്യ​മാ​കു​മാ​യി​രു​ന്നു? ഗബ്രി​യേൽ ഇങ്ങനെ തുടർന്നു: “പരിശു​ദ്ധാ​ത്മാ​വു നിന്റെ​മേൽ വരും, . . . അത്യു​ന്ന​തന്റെ ശക്തി നിന്നിൽ അതിന്റെ നിഴ​ലോ​ടെ ആവസി​ക്കും. അതു​കൊണ്ട്‌, ശിശു പരിശു​ദ്ധ​നാ​യി​രി​ക്കും, കൂടാതെ ദൈവ​പു​ത്രൻ എന്നും വിളി​ക്ക​പ്പെ​ടും.”—ലൂക്കോസ്‌ 1:31, 32, 35, JB.

“‘ഞാൻ കർത്താ​വി​ന്റെ ദാസി,’ മറിയ പറഞ്ഞു, ‘നീ പറഞ്ഞതു​പോ​ലെ എനിക്കു ഭവിക്കട്ടെ.’” (ലൂക്കോസ്‌ 1:38, JB) അങ്ങനെ, മറിയ വിനയാ​ന്വി​ത​യാ​യി ഈ ദിവ്യ മാർഗ​നിർദേശം സ്വീക​രി​ക്കു​ക​യും തക്കസമ​യത്ത്‌ യേശു​വി​നു ജന്മമേ​കു​ക​യും ചെയ്‌തു.

എന്നിരു​ന്നാ​ലും, അതേത്തു​ടർന്നു​വന്ന പല നൂറ്റാ​ണ്ടു​ക​ളി​ലാ​യി മറിയ​യു​ടെ ഭക്തർ അവളെ, “കർത്താ​വി​ന്റെ ദാസി”യെന്ന ഒരു എളിയ സ്ഥാനത്തു​നി​ന്നു സ്വർല്ലോ​ക​ങ്ങ​ളിൽ അസീമ​മായ സ്വാധീ​ന​മുള്ള “അമ്മരാജ്ഞി”യായി ഉയർത്തി. പൊ.യു. (പൊതു​യു​ഗം) 431-ൽ എഫേസൂ​സി​ലെ സുനഹ​ദോ​സിൽവെച്ച്‌ സഭാ​നേ​താ​ക്ക​ന്മാർ, മറിയ “ദൈവ​മാ​താവ്‌” ആണെന്ന്‌ ഔദ്യോ​ഗി​ക​മാ​യി പ്രഖ്യാ​പി​ച്ചു. ഈ പരിവർത്ത​ന​ത്തി​നു തിരി​കൊ​ളു​ത്തി​യ​തെ​ന്താണ്‌? ജോൺ പോൾ II-ാമൻ പാപ്പ ഒരു വസ്‌തുത വിശദീ​ക​രി​ക്കു​ന്നു: “ദൈവ​മാ​താ​വി​നോ​ടുള്ള യഥാർഥ ഭക്തി . . . പുണ്യ ത്രിത്വ​ത്തി​ന്റെ മർമത്തിൽ ആഴത്തിൽ വേരൂ​ന്നി​യ​താണ്‌.”—പ്രത്യാ​ശ​യു​ടെ കവാടം കടക്കൽ (ഇംഗ്ലീഷ്‌).

അതു​കൊണ്ട്‌, മറിയയെ “ദൈവ​മാ​താവ്‌” ആയി അംഗീ​ക​രി​ക്കു​ന്നതു ത്രിത്വ​വി​ശ്വാ​സത്തെ ആശ്രയി​ച്ചി​രി​ക്കു​ന്നു. എന്നാൽ, ത്രിത്വം ഒരു ബൈബിൾ ഉപദേ​ശ​മാ​ണോ?a അപ്പോ​സ്‌ത​ല​നായ പത്രോസ്‌ ബൈബി​ളിൽ എഴുതി​യി​രി​ക്കു​ന്നത്‌ എന്താ​ണെന്നു ദയവു​ചെ​യ്‌തു പരി​ശോ​ധി​ക്കുക. “വ്യാ​ജോ​പ​ദേ​ഷ്ടാ​ക്കൾ . . . അപകട​ക​ര​മായ വേദ​വൈ​രു​ദ്ധ്യ​ങ്ങൾ തന്ത്രപൂർവം പ്രചരി​പ്പി​ക്കും, [കൂടാതെ] തങ്ങളുടെ പൊള്ള​യായ വാദ​പ്ര​തി​വാ​ദ​ങ്ങ​ളാൽ നിങ്ങ​ളെ​യും ചൂഷണം ചെയ്യും” എന്ന്‌ അവൻ മുന്നറി​യി​പ്പു നൽകി. (2 പത്രോസ്‌ 2:1, 3, ദ ന്യൂ ടെസ്റ്റ​മെൻറ്‌ ഇൻ മോഡേൺ ഇംഗ്ലീഷ്‌, ജെ. ബി. ഫിലി​പ്പ്‌സി​നാ​ലു​ള്ളത്‌) അത്തര​മൊ​രു വേദ​വൈ​രു​ദ്ധ്യ​മാ​യി​രു​ന്നു ത്രി​ത്വോ​പ​ദേശം. ഒരിക്കൽ അതു സ്വീകാ​ര്യ​മാ​യ​തോ​ടെ, മറിയ “ദൈവ​മാ​താവ്‌” (ഗ്രീക്ക്‌: തിയോ​റ്റോ​ക്കോസ്‌, “ദൈവത്തെ വഹിച്ചവൾ” എന്നർഥം) ആയിരു​ന്നു​വെന്ന ആശയം തികച്ചും യുക്തി​സ​ഹ​മാ​യി​ത്തീർന്നു. ത്രിത്വ​വാ​ദി​കൾ ന്യായ​വാ​ദം ചെയ്‌ത​പ്ര​കാ​രം, “ത്രിത്വ​ത്തി​ലെ രണ്ടാമത്തെ വ്യക്തി​യായ ദൈവ​മാ​യി​രു​ന്നു ക്രിസ്‌തു എങ്കിൽ, അവനു മനുഷ്യ ജന്മം നൽകിയ അവന്റെ മാതാവ്‌ ദൈവ​മാ​താവ്‌ ആയിരു​ന്നി​രി​ക്കണം” എന്നു കന്യക (ഇംഗ്ലീഷ്‌) എന്ന തന്റെ ഗ്രന്ഥത്തിൽ ജെഫ്രി ആഷ്‌ പ്രസ്‌താ​വി​ക്കു​ന്നു.

പുതിയ കത്തോ​ലി​ക്കാ സഭയുടെ വേദപാ​ഠം പ്രതി​പാ​ദി​ക്കുന്ന പ്രകാരം യേശു “സമസ്‌ത, സമ്പൂർണ ദൈവം” ആയിരു​ന്നു എങ്കിൽ മറിയയെ ന്യായ​മാ​യും “ദൈവ​മാ​താവ്‌” എന്നു വിളി​ക്കാ​വു​ന്ന​താണ്‌. എങ്കിലും, ആ ഉപദേശം ആദ്യമാ​യി നിർദേ​ശി​ക്ക​പ്പെ​ട്ട​പ്പോൾ, ആദ്യകാല ത്രിത്വ​വാ​ദി​ക​ളിൽ അനേക​രും അതു സ്വീക​രി​ക്കു​ന്നതു ബുദ്ധി​മു​ട്ടു​ള്ള​താ​യി കണ്ടെത്തി​യെന്നു പറഞ്ഞേ മതിയാ​വൂ. ത്രിത്വ​വാ​ദി​ക​ളായ പ്രൊ​ട്ട​സ്റ്റ​ന്റു​കാ​രു​ടെ ഇടയിൽ ഇന്നും അതാണു സ്ഥിതി​വി​ശേഷം. “‘സ്വർഗ​ത്തിന്‌ ഉൾക്കൊ​ള്ളാൻ കഴിയാ​ത്ത​വനെ അവളുടെ ഉദരത്തിൽ ഉൾക്കൊ​ണ്ടു​വെ​ന്നത്‌’ ഭക്തി സംബന്ധ​മായ വിരോ​ധാ​ഭാസ”മായി വിളി​ക്ക​പ്പെ​ടു​ന്നു. (കന്യക)—1 രാജാ​ക്ക​ന്മാർ 8:27 താരത​മ്യം ചെയ്യുക.

എന്നാൽ, യേശു​ക്രി​സ്‌തു വാസ്‌ത​വ​ത്തിൽ “സമസ്‌ത, സമ്പൂർണ ദൈവ”മാണോ? അല്ല, അവൻ ഒരിക്ക​ലും അങ്ങനെ​യൊ​രു അവകാ​ശ​വാ​ദം ഉന്നയി​ച്ചി​ട്ടില്ല. മറിച്ച്‌, തന്റെ സ്ഥാനം പിതാ​വി​ന്റെ സ്ഥാനത്തി​നു കീഴി​ലാ​ണെന്ന്‌ അവൻ എല്ലായ്‌പോ​ഴും അംഗീ​ക​രി​ച്ചി​രു​ന്നു.—മത്തായി 26:39; മർക്കൊസ്‌ 13:32; യോഹ​ന്നാൻ 14:28; 1 കൊരി​ന്ത്യർ 15:27, 28 എന്നിവ കാണുക.

‘ചിന്താ​പ്രാ​പ്‌തി​യു​ള്ള​വർക്കു യോഗ്യ​മാം വിധം ആരാധി​ക്കു​വിൻ’

എന്നിരു​ന്നാ​ലും, ആരാധ​ന​യു​ടെ കാര്യ​ത്തിൽ തങ്ങളുടെ ന്യായ​യു​ക്ത​മായ ചിന്താ​ശക്തി ഉപയോ​ഗി​ക്കാൻ ക്രിസ്‌ത്യാ​നി​കളെ ബൈബിൾ പ്രോ​ത്സാ​ഹി​പ്പി​ക്കു​ന്നു. മർമമാ​യി കപട​വേ​ഷ​മ​ണിഞ്ഞ ഒന്നിൽ അന്ധമായ വിശ്വാ​സം പ്രകട​മാ​ക്കാൻ നമ്മോട്‌ ആവശ്യ​പ്പെ​ടു​ന്നില്ല. മറിച്ച്‌, നാം ‘ചിന്താ​പ്രാ​പ്‌തി​യു​ള്ള​വർക്കു യോഗ്യ​മാം വിധം ആരാധിക്ക’ണമെന്നു പൗലോസ്‌ അപ്പോ​സ്‌തലൻ പറയുന്നു.—റോമർ 12:1, JB.

“അതേപ്പറ്റി ചിന്തി​ക്കാൻ ഞങ്ങളെ ഒരിക്ക​ലും പ്രോ​ത്സാ​ഹി​പ്പി​ച്ചി​രു​ന്നില്ല,” കത്തോ​ലി​ക്ക​യാ​യി വളർത്ത​പ്പെട്ട ആൻ പറയുന്നു. “ഞങ്ങൾ ഒരിക്ക​ലും അതേപ്പറ്റി ചോദ്യം ചെയ്‌തില്ല. യേശു ദൈവ​മാ​ണെ​ന്നും തന്മൂലം മറിയ ‘ദൈവ​മാ​താവ്‌’ ആണെന്നും ഞങ്ങൾ വെറു​തെ​യങ്ങു വിശ്വ​സി​ച്ചു​വെ​ന്നത്‌ ഏറ്റവും വിചി​ത്രം​തന്നെ!” “ദിവ്യ ഏകത്വ”ത്തിലെ ഓരോ അംഗങ്ങ​ളും “സമസ്‌ത, സമ്പൂർണ ദൈവം” ആണെന്നു കത്തോ​ലി​ക്കാ സഭയുടെ വേദപാ​ഠം പറയു​ന്നു​വെ​ന്നത്‌ ഓർമി​ക്കുക. മൂന്നു വ്യത്യസ്‌ത ദൈവ​ങ്ങ​ളി​ല്ലെന്ന്‌ അതു പ്രസ്‌താ​വി​ക്കു​ന്നു. അപ്പോൾ, മറിയ​യു​ടെ ഗർഭാ​ശ​യ​ത്തി​ലെ ജീവ​കോ​ശങ്ങൾ വിഭജി​ക്കു​ക​യും പുനർവി​ഭ​ജി​ക്കു​ക​യും ചെയ്യവേ, അവളുടെ ഗർഭധാ​ര​ണ​ത്തി​ന്റെ ആദ്യമാ​സം ഒരിഞ്ചി​ന്റെ നാലി​ലൊ​ന്നിൽ കുറഞ്ഞ വലിപ്പ​ത്തിൽ, പുഷ്ടി​പ്പെ​ടാത്ത കണ്ണുക​ളും ചെവി​ക​ളും സഹിതം വളർന്നു​വന്ന ഒരു ഭ്രൂണ​മാ​യി “സമസ്‌ത, സമ്പൂർണ ദൈവം” അവളുടെ ഉദരത്തിൽ ഉൾക്കൊ​ണ്ടു​വെന്നു നാം വിശ്വ​സി​ക്ക​ണ​മോ?

മറിയ​യു​ടെ കുട്ടി “പുത്ര​നാം ദൈവം” എന്നല്ല “അത്യു​ന്ന​തന്റെ പുത്രൻ,” “ദൈവ​പു​ത്രൻ” എന്നിങ്ങനെ വിളി​ക്ക​പ്പെ​ടും എന്നു ഗബ്രി​യേൽ ദൂതൻ അവളോ​ടു പറഞ്ഞു​വെ​ന്നതു മനസ്സിൽപി​ടി​ക്കുക. വാസ്‌ത​വ​ത്തിൽ, യേശു സർവശ​ക്ത​നായ ദൈവ​മാ​യി​രു​ന്നെ​ങ്കിൽ ഇന്നു ത്രിത്വ​വാ​ദി​കൾ ഉപയോ​ഗി​ക്കുന്ന, “പുത്ര​നാം ദൈവം” എന്ന പദപ്ര​യോ​ഗം ഗബ്രി​യേൽ ദൂതൻ എന്തു​കൊ​ണ്ടാണ്‌ ഉപയോ​ഗി​ക്കാ​ഞ്ഞത്‌? ആ ഉപദേശം ബൈബി​ളിൽ കണ്ടെത്താ​ത്ത​തി​നാ​ലാ​ണു ഗബ്രി​യേൽ അത്‌ ഉപയോ​ഗി​ക്കാ​ഞ്ഞത്‌.

ദൈവ​ത്തി​ന്റെ വേലകൾ സംബന്ധി​ച്ചുള്ള നമ്മുടെ ഗ്രാഹ്യം തീർച്ച​യാ​യും പരിമി​ത​മാണ്‌. എന്നാൽ, സർവശ​ക്ത​നായ, സകല ജീവ​ന്റെ​യും സ്രഷ്ടാ​വായ ദൈവ​ത്തിന്‌ തന്റെ പ്രിയ പുത്ര​നായ യേശു​ക്രി​സ്‌തു​വി​ന്റെ ജീവനെ മറിയ​യു​ടെ ഗർഭാ​ശ​യ​ത്തി​ലേക്ക്‌ അത്ഭുത​ക​ര​മാ​യി മാറ്റാ​നും മറിയ, യേശു​വി​ന്റെ—ദൈവ​പു​ത്രന്റെ—അമ്മയാ​കു​ന്ന​തു​വരെ തന്റെ പ്രവർത്ത​ന​നി​ര​ത​മായ ശക്തി, അഥവാ പരിശു​ദ്ധാ​ത്മാ​വു മുഖാ​ന്തരം അതിന്റെ വളർച്ചയെ സംരക്ഷി​ക്കാ​നും ശക്തിയു​ണ്ടാ​യി​രു​ന്നു​വെന്നു വിശ്വ​സി​ക്കാൻ തിരു​വെ​ഴു​ത്തു​ക​ളെ​ക്കു​റി​ച്ചുള്ള കൃത്യ​മായ ഗ്രാഹ്യം നമ്മെ സഹായി​ക്കു​ന്നു.

അതേ, ക്രിസ്‌തു​വാ​യി​ത്തീർന്ന​വന്റെ അമ്മയെന്ന നിലയിൽ മറിയ അത്യന്തം അനുഗൃ​ഹീ​ത​യാ​യി​രു​ന്നു. ബൈബി​ളി​ലെ വ്യക്തമായ പഠിപ്പി​ക്ക​ലു​കൾ—മറിയ​യു​ടെ​ത​ന്നെ​യും താഴ്‌മ സംബന്ധിച്ച വിവരണം ഉൾപ്പെടെ—മറിയ​യ്‌ക്ക്‌ “ദൈവ​മാ​താവ്‌” എന്ന സ്ഥാന​പ്പേരു നൽകു​ന്ന​തി​നെ നിരാ​ക​രി​ക്കു​ന്നു​വെന്ന്‌ അംഗീ​ക​രി​ക്കു​ന്നതു യാതൊ​രു വിധത്തി​ലും അവളോ​ടുള്ള അനാദ​രവല്ല.

[അടിക്കു​റിപ്പ്‌]

[26-ാം പേജിലെ ചിത്ര​ത്തിന്‌ കടപ്പാട്‌]

Museo del Prado, Madrid