ലോകത്തെ വീക്ഷിക്കൽ

“നിശബ്ദ കട്ട​ക്കൊല”

പ്രമുഖ വികസന ജീവകാ​രു​ണ്യ സംഘട​ന​യായ ഓക്‌സ്‌ഫാ​മി​ന്റെ വീക്ഷണ​ത്തിൽ ലോക​ത്തി​ലെ ദരി​ദ്ര​രു​ടെ കഷ്ടപ്പാ​ടു​കൾ “നിശബ്ദ കൂട്ട​ക്കൊല”യെന്നു നാമക​രണം ചെയ്യത്ത​ക്ക​വി​ധം അത്ര രൂക്ഷമാ​ണെന്നു ബ്രിട്ടീഷ്‌ വർത്തമാ​ന​പ​ത്ര​മായ ഗാർഡി​യൻ വീക്ക്‌ലി പറയുന്നു. ലോക​ത്തി​ലെ ദരി​ദ്രരെ സഹായി​ക്കു​ന്ന​തി​നുള്ള ഒരു പഞ്ചവത്സര സംഘടിത പ്രവർത്ത​ന​ത്തി​നു തുടക്കം​കു​റി​ക്കുന്ന റിപ്പോർട്ടിൽ ലോക ജനസം​ഖ്യ​യു​ടെ അഞ്ചി​ലൊന്ന്‌ 50 അതിദ​രി​ദ്ര രാഷ്ട്ര​ങ്ങ​ളി​ലാ​യി​ട്ടാ​ണു ജീവി​ക്കു​ന്ന​തെന്ന്‌ ഓക്‌സ്‌ഫാം കണ്ടെത്തി. ലോക​വ​രു​മാ​ന​ത്തി​ന്റെ വെറും 2 ശതമാനം മാത്ര​മാണ്‌ ആ രാഷ്ട്രങ്ങൾ പങ്കുവ​യ്‌ക്കു​ന്നത്‌. രാജ്യ​ങ്ങൾക്കു​ള്ളി​ലുള്ള ധനിക​രു​ടെ​യും ദരി​ദ്ര​രു​ടെ​യും ഇടയിലെ വിടവും വർധി​ച്ചു​കൊ​ണ്ടി​രി​ക്കു​ന്നു. ഉദാഹ​ര​ണ​മാ​യി, മെക്‌സി​ക്കോ രൂക്ഷമായ സാമ്പത്തിക പ്രതി​സ​ന്ധി​യും വിപു​ല​വ്യാ​പ​ക​മായ ദാരി​ദ്ര്യ​വും അനുഭ​വി​ച്ചി​രി​ക്കു​ന്നു. എന്നാൽ അതേ സമയം​തന്നെ കോടീ​ശ്വ​ര​ന്മാ​രു​ടെ എണ്ണത്തിൽ ഏറ്റവും വേഗത​കൂ​ടിയ വളർച്ച​യും കണ്ടിരി​ക്കു​ന്നു. ഓക്‌സ്‌ഫാ​മി​ന്റെ ഒരു വക്താവ്‌ ഇപ്രകാ​രം പ്രസ്‌താ​വി​ക്കു​ന്നു: “ലോക നേതാ​ക്കൾക്കും യു.എൻ.-നും വഴി​തെ​റ്റി​യി​രി​ക്കു​ന്നു​വെന്ന തോന്ന​ലുണ്ട്‌. രണ്ടായി​രാം ആണ്ടുമു​തൽ മുന്നോട്ട്‌ നമുക്ക്‌ ഒരു നവീന സമീപനം ആവശ്യ​മാണ്‌.”

സിഗര​റ്റു​ക​ളെ​ക്കാൾ അപകട​ക​രം

ദരി​ദ്ര​മ​നു​ഷ്യ​ന്റെ സിഗര​റ്റെ​ന്നും അറിയ​പ്പെ​ടുന്ന ബീഡി​യെ​ക്കു​റി​ച്ചുള്ള ഇന്ത്യയി​ലെ ഒരു പാർലി​മെ​ന്ററി കമ്മിറ്റി​യു​ടെ നിഗമനം അതാണ്‌. 40 ലക്ഷത്തി​ല​ധി​കം വരുന്ന പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും ചേർന്നു പുകയി​ല​പ്പൊ​ടി ബീഡി​യി​ല​യിൽ പൊതി​ഞ്ഞു ചെറിയ ചുരു​ളു​ക​ളാ​ക്കു​ക​യും അതിനെ നൂലു​കൊ​ണ്ടു​കെ​ട്ടു​ക​യും ചെയ്‌തു​കൊ​ണ്ടു പ്രതി​ദി​നം 30 കോടി​യി​ല​ധി​കം ബീഡികൾ നിർമി​ക്കു​ന്ന​താ​യി കണക്കാ​ക്ക​പ്പെ​ട്ടി​രി​ക്കു​ന്നു. ദ ടൈംസ്‌ ഓഫ്‌ ഇന്ത്യ പറയു​ന്ന​ത​നു​സ​രിച്ച്‌, കാൻസർ വരുത്തു​വാൻ സിഗര​റ്റി​നെ അപേക്ഷി​ച്ചു രണ്ടര മടങ്ങു കൂടുതൽ പ്രാപ്‌തി​യുള്ള ബീഡി സിലി​ക്കോ​സി​സി​നും ക്ഷയരോ​ഗ​ത്തി​നും ഇടയാ​ക്കു​ന്ന​താ​യി അടുത്ത​കാ​ലത്തെ റിപ്പോർട്ടു കാണി​ക്കു​ന്നു. കൂടാതെ, നിലവാ​ര​മുള്ള ഇന്ത്യൻ സിഗരറ്റ്‌ 36 ശതമാനം ടാറും 1.9 ശതമാനം നിക്കോ​ട്ടി​നും ഉൾക്കൊ​ള്ളു​മ്പോൾ ബീഡി​യിൽ 47 ശതമാനം ടാറും 3.7 ശതമാനം നിക്കോ​ട്ടി​നു​മുണ്ട്‌. പുകവ​ലി​ക്കാർക്കു മാത്രമല്ല അപകട സാധ്യ​ത​യു​ള്ളത്‌. ശരിയായ വായു സഞ്ചാര​മി​ല്ലാത്ത കുടി​ലു​ക​ളിൽ പുകയി​ല​പ്പൊ​ടി ശ്വസി​ച്ചു​കൊ​ണ്ടു ബീഡി നിർമാ​താ​ക്ക​ളായ ലക്ഷക്കണ​ക്കി​നാ​ളു​കൾ അനാ​രോ​ഗ്യ​ക​ര​മായ അവസ്ഥക​ളിൽ നീണ്ട മണിക്കൂ​റു​കൾ ജോലി ചെയ്യുന്നു. വിശേ​ഷി​ച്ചും കഷ്ടപ്പെ​ടു​ന്നത്‌ ഇതേ ജോലി ചെയ്യുന്ന കുട്ടി​ക​ളാണ്‌.

സാക്ഷര​ത​യ്‌ക്ക്‌ അമ്മമാ​രു​ടെ​മേ​ലുള്ള ഫലം

വികസ്വ​ര​രാ​ജ്യ​ങ്ങ​ളി​ലെ കുട്ടി​കൾക്ക്‌ അവരുടെ അമ്മമാർ സാക്ഷര​രാ​ണെ​ങ്കിൽ അതിജീ​വ​ന​ത്തി​നുള്ള മെച്ചമായ സാധ്യ​ത​യു​ണ്ടെന്നു വളരെ​ക്കാ​ല​മാ​യി പൊതു​ജ​നാ​രോ​ഗ്യ വിദഗ്‌ധർ വിശ്വ​സി​ക്കു​ന്നു. എന്നാൽ അവർക്കൊ​രി​ക്ക​ലും വായനയെ ഒരു നിർണാ​യക ഘടകമെന്ന നിലയിൽ വേർതി​രി​ച്ചു നിർത്തു​വാൻ കഴിഞ്ഞി​ട്ടില്ല. “സ്‌ത്രീ​കളെ വിദ്യ അഭ്യസി​പ്പി​ക്കു​ന്ന​തിന്‌ അവരുടെ കുട്ടി​ക​ളു​ടെ ആരോ​ഗ്യ​ത്തി​ന്മേൽ ഒരു നേരി​ട്ടുള്ള ഫലമു​ണ്ടെന്ന്‌ ആദ്യമാ​യി പ്രകട​മാ​ക്കി​യതു” നിക്കരാ​ഗ്വ​യിൽ നടത്തപ്പെട്ട ഒരു പഠനമാ​ണെന്ന്‌ ന്യൂ സയൻറിസ്റ്റ്‌ മാസിക പറയുന്നു. 1979 മുതൽ 1985 വരെയുള്ള കാലയ​ള​വിൽ നടത്തപ്പെട്ട നിക്കരാ​ഗ്വ​യു​ടെ വമ്പിച്ച സാക്ഷരതാ പരിപാ​ടി​യിൽ പങ്കെടുത്ത പ്രായ​പൂർത്തി​യായ നിരക്ഷര സ്‌ത്രീ​ക​ളെ​ക്കു​റി​ച്ചു പ്രസ്‌തുത പഠനം സൂക്ഷ്‌മ​മായ അവലോ​കനം നടത്തി. 1970-കളുടെ അവസാനം നിരക്ഷര അമ്മമാർക്കു​ണ്ടായ കുഞ്ഞു​ങ്ങ​ളു​ടെ മരണനി​രക്ക്‌ 1,000 ജീവനുള്ള ജനനങ്ങൾക്ക്‌ ഏകദേശം 110 മരണങ്ങൾ എന്ന തോതി​ലാ​യി​രു​ന്നു. 1985 ആയതോ​ടെ പ്രസ്‌തുത പരിപാ​ടി​യിൽ വായി​ക്കു​വാൻ പഠിച്ച അമ്മമാർക്കു​ണ്ടായ കുട്ടി​ക​ളു​ടെ മരണനി​രക്ക്‌ ആയിര​ത്തിന്‌ 84 ആയി കുറഞ്ഞു. അവരുടെ കുട്ടികൾ മെച്ചമാ​യി പോഷി​പ്പി​ക്ക​പ്പെ​ട്ട​വ​രാ​യി​രു​ന്നു. സാക്ഷര അമ്മമാ​രു​ടെ കുട്ടികൾ വളരെ​യ​ധി​കം നന്നായി​രി​ക്കു​ന്നത്‌ എന്തു​കൊ​ണ്ടാ​ണെന്നു വിദഗ്‌ധ​ന്മാർക്ക്‌ ഇപ്പോ​ഴും നിശ്ചയ​മില്ല.

താറു​മാ​റാ​ക്ക​പ്പെട്ട വിശ്വാ​സം

കുട്ടി​കൾക്കു നേരെ​യുള്ള വിപു​ല​വ്യാ​പ​ക​മായ ദുഷ്‌പെ​രു​മാ​റ്റം സംബന്ധിച്ച കുറ്റാ​രോ​പ​ണ​ങ്ങ​ളാൽ കാനഡ​യു​ടെ ഉത്തര പശ്ചിമ പ്രദേ​ശ​ങ്ങ​ളി​ലെ ഹുഡ്‌സൺ ഉൾക്കട​ലി​ങ്കൽ ഉള്ള ചെസ്റ്റർ ഫീൽഡ്‌ ഇൻലറ്റ്‌ എന്ന ചെറു​പ​ട്ടണം കിടിലം കൊണ്ടു. ഗവണ്മെൻറ്‌ പുറത്തി​റ​ക്കിയ ഒരു സ്വതന്ത്ര റിപ്പോർട്ട്‌, സർ ജോസഫ്‌ ബെർനി​യൻ ഫെഡറൽ ഡേ സ്‌കൂ​ളി​ലും കത്തോ​ലി​ക്കാ സഭ നടത്തുന്ന സമീപസ്ഥ താമസ​സ്ഥ​ല​ത്തു​മാ​യി 1950-കളിലും 1960-കളിലു​മാ​യി ഏതാണ്ടു 17-ലധികം വർഷം സ്വദേ​ശി​ക​ളായ ഇൻന്യൂട്ട്‌ കുട്ടികൾ ലൈം​ഗി​ക​വും ശാരീ​രി​ക​വു​മായ ദുഷ്‌പെ​രു​മാ​റ്റ​ത്തി​നു വിധേ​യ​രായ സംഭവങ്ങൾ കണ്ടെത്തി​യ​താ​യി മക്ലിയൻസ മാഗസിൻ പറയുന്നു. ദുഷ്‌പെ​രു​മാ​റ്റം സംബന്ധിച്ച 236 ആരോ​പ​ണ​ങ്ങ​ളെ​ക്കു​റിച്ച്‌ 21 മാസം കൊണ്ട്‌ അന്വേ​ഷണം പൂർത്തി​യാ​ക്കിയ പൊലീസ്‌ കുറ്റപ​ത്രം തയ്യാറാ​ക്കേ​ണ്ട​തി​ല്ലെന്നു തീരു​മാ​നി​ച്ചു. എന്തു​കൊ​ണ്ടെ​ന്നാൽ, കാലവി​ളം​ബം നിമിത്തം ചില കേസു​കൾക്കു നിയമ സാധുത നഷ്ടപ്പെ​ട്ടി​രു​ന്നു. മറ്റു ചിലവ​യിൽ ആരോപണ വിധേ​യ​രായ കുറ്റവാ​ളി​കൾ വൃദ്ധരോ മരിച്ചു​പോ​യ​വ​രോ ആയിരു​ന്നു. ഇനിയും ചില കേസു​ക​ളിൽ പൂർവ വിദ്യാർഥി​കൾക്കു കുറ്റക്കാ​രാ​യ​വരെ അസന്ദി​ഗ്‌ധ​മാ​യി തിരി​ച്ച​റി​യാൻ കഴിഞ്ഞില്ല. “സമയം കടന്നു​പോ​യത്‌ ആരോപണ വിധേ​യ​രാ​യ​വരെ ശിക്ഷി​ക്കു​ന്നതു നിശ്ചയ​മാ​യും വിഷമ​ക​ര​മാ​ക്കി​ത്തീർത്തു​വെ​ങ്കി​ലും അതു ബലിയാ​ടു​ക​ളാ​യ​വ​രു​ടെ വേദന തുടച്ചു​നീ​ക്കി​യില്ല” എന്നു മക്ലിയൻസ കുറി​ക്കൊ​ണ്ടു.

കുടും​ബ​ജീ​വി​തം അധഃപ​തി​ക്കു​ന്നു

ഈ നാളു​ക​ളിൽ കുടും​ബ​ജീ​വി​തം മുന്നോ​ട്ടു പോകു​ന്നത്‌ എങ്ങനെ​യാണ്‌? ഐക്യ​രാ​ഷ്ട്ര​ങ്ങ​ളു​ടെ പൊതു​വി​വര വിഭാഗം പറയു​ന്ന​ത​നു​സ​രിച്ച്‌, ലോക​വ്യാ​പ​ക​മാ​യി പിതാ​ക്ക​ന്മാർ ഒരു ദിവസം തങ്ങളുടെ കുട്ടി​ക​ളു​മാ​യി തനിച്ചു ചെലവ​ഴി​ക്കുന്ന ശരാശരി സമയം ഒരു മണിക്കൂ​റിൽ താഴെ​യാണ്‌. ഹോ​ങ്കോ​ങ്ങിൽ ശരാശരി ആറു മിനി​റ്റാണ്‌. മാതാ​വോ പിതാ​വോ മാത്ര​മുള്ള കുടും​ബ​ങ്ങ​ളു​ടെ എണ്ണം വർധി​ച്ചു​കൊ​ണ്ടി​രി​ക്കു​ന്നു. ഉദാഹ​ര​ണ​മാ​യി, യു​ണൈ​റ്റഡ്‌ കിങ്‌ഡ​ത്തിൽ 1990-ൽ നടന്ന ജനനങ്ങ​ളിൽ പകുതി​യും അവിവാ​ഹിത സ്‌ത്രീ​കൾക്കാ​യി​രു​ന്നു. കുടും​ബ​ത്തി​ലെ അക്രമ​വും വർധി​ച്ചു​വ​രു​ന്നു. ഐക്യ​നാ​ടു​ക​ളി​ലും പശ്ചിമ യൂറോ​പ്പി​ലും വസിക്കുന്ന കുട്ടി​ക​ളിൽ നാലു ശതമാനം ഓരോ വർഷവും ഭവനത്തി​നു​ള്ളിൽനി​ന്നുള്ള ഗുരു​ത​ര​മായ അക്രമ​ത്തി​നു വിധേ​യ​രാ​കു​ന്ന​താ​യി കണക്കാ​ക്ക​പ്പെ​ടു​ന്നു. പ്രായ​മാ​യ​വർക്കും പ്രശ്‌ന​ങ്ങ​ളുണ്ട്‌. യുഎൻ റിപ്പോർട്ട്‌ ഇപ്രകാ​രം പ്രസ്‌താ​വി​ക്കു​ന്നു: “‘വികസിത’മെന്നു വിളി​ക്ക​പ്പെ​ടുന്ന യൂറോ​പ്യൻ യൂണി​യ​നിൽ (EU) ഉള്ള രാജ്യ​ങ്ങ​ളിൽ പോലും പ്രായ​മാ​യ​വ​രിൽ അഞ്ചി​ലൊ​ന്നു മിക്ക​പ്പോ​ഴും കുടും​ബാം​ഗ​ങ്ങ​ളു​ടെ​യും അടുത്ത ബന്ധുക്ക​ളു​ടെ​യും പിന്തു​ണ​യി​ല്ലാ​തെ നഗര​ചേ​രി​ക​ളിൽ ഒറ്റപ്പെട്ടു താരത​മ്യേന ദാരി​ദ്ര്യ​ത്തിൽ ജീവി​ക്കു​ന്നു.”

സാർവ​ദേ​ശീയ വിവാഹ നടത്തി​പ്പി​ന്റെ അപകടങ്ങൾ

പൂർവ യൂറോ​പ്പിൽനി​ന്നു പശ്ചിമ യൂറോ​പ്പി​ലേക്കു യാത്ര ചെയ്യു​ന്ന​തി​നു ലഭിച്ച സ്വാത​ന്ത്ര്യ​ത്തോ​ടൊ​പ്പം ഒരു അരുചി​ക​ര​മായ ഉപോ​ത്‌പ​ന്ന​വും കൂടി എത്തിയി​രി​ക്കു​ന്നു, സാർവ​ദേ​ശീയ വിവാഹ നടത്തിപ്പ്‌. 1991 മുതൽ കണക്കാ​ക്ക​പ്പെട്ട പ്രകാരം 15,000 സ്‌ത്രീ​കൾ പൂർവ​യൂ​റോ​പ്പിൽനി​ന്നു പശ്ചിമ​യൂ​റോ​പ്പി​ലേക്കു തപാൽ മാർഗം വിളി​ക്ക​പ്പെട്ട മണവാ​ട്ടി​ക​ളെന്ന നിലയിൽ പോയി​രി​ക്കു​ന്നു. അനേകം സ്‌ത്രീ​കൾ ദാരി​ദ്ര്യ​ത്തിൽ ജീവി​ക്കു​ക​യും ഒരു മെച്ചപ്പെട്ട ജീവിതം സ്വപ്‌നം കാണു​ക​യും ചെയ്യുന്നു. അതു​കൊണ്ട്‌ അവർ ഒരു വിവാഹ നടത്തിപ്പ്‌ ഏജൻസി​യു​ടെ പരസ്യ​ത്തി​നു മറുപ​ടി​നൽകു​ന്നു. ഒരു സ്‌ത്രീ ഒരു വിദേ​ശ​നാ​ട്ടിൽ തനിച്ചാ​ക്ക​പ്പെ​ടു​ക​യും നിഷ്‌ഠൂ​ര​നായ ഒരു ഭർത്താ​വി​ന്റെ അധികാ​ര​ത്തി​നു കീഴ്‌പെട്ടു ജീവി​ക്കേ​ണ്ടി​വ​രി​ക​യും ചെയ്യു​മ്പോൾ ഒട്ടുമി​ക്ക​പ്പോ​ഴും ആ സ്വപ്‌നം ഒരു പേക്കി​നാ​വാ​യി മാറുന്നു. ജർമനി​യി​ലുള്ള ഭർത്താ​വി​നാൽ വളരെ ക്രൂര​മാ​യി മർദി​ക്ക​പ്പെട്ട പോള​ണ്ടു​കാ​രി​യായ ഒരു വധു വനത്തി​ലേക്ക്‌ ഒളി​ച്ചോ​ടി. മരം​കോ​ച്ചുന്ന തണുപ്പിൽ രണ്ടു ദിവസം അവിടെ കഴിഞ്ഞു​കൂ​ടു​ക​യും ചെയ്‌തു. ശീതാ​ധി​ക്യ​ത്താ​ലു​ണ്ടായ തരിപ്പു നിമിത്തം അവളുടെ ഇടതു കാൽപാ​ദ​വും വലതു കാലും ഛേദി​ച്ചു​ക​ള​യേ​ണ്ടി​വന്നു. ഇംഗ്ലീഷ്‌ വർത്തമാ​ന​പ്പ​ത്ര​മായ ഗാർഡി​യൻ വീക്ക്‌ലി ഇപ്രകാ​രം കുറി​ക്കൊ​ള്ളു​ന്നു: “വിവാഹ നടത്തിപ്പ്‌ ഏജൻസി​ക​ളിൽ മിക്കവ​യും വ്യഭി​ചാര സംഘങ്ങ​ളെ​പ്പോ​ലെ തന്നെ തികച്ചും കുടി​ല​മാണ്‌. അവർ സ്‌ത്രീ​കളെ വിദേ​ശ​ത്തേക്കു പ്രലോ​ഭി​പ്പി​ച്ചു​കൊ​ണ്ടു​പോ​വു​ക​യും പിന്നെ ബലം പ്രയോ​ഗിച്ച്‌ അവരെ വ്യഭി​ചാ​ര​ശാ​ല​ക​ളിൽ ആക്കുക​യും ചെയ്യുന്നു. ചെറു​ത്തു​നിൽക്കു​ന്നവർ പതിവാ​യി കൊല്ല​പ്പെ​ടു​ന്നു.”

യാത്ര​യി​ലെ രോഗം

നിങ്ങൾക്കു യാത്ര​യി​ലെ രോഗം ഉണ്ടാകാ​റു​ണ്ടോ? അങ്ങനെ​യാ​ണെ​ങ്കിൽ നിങ്ങൾ തനിച്ചല്ല. 10-ൽ 9-പേരും വ്യത്യസ്‌ത നിലക​ളിൽ യാത്രാ​രോ​ഗ​ത്തി​നു ചായ്‌വു​ള്ള​വ​രാ​ണെന്ന്‌ ഇന്റർനാ​ഷണൽ ഹെറാൾഡ്‌ ട്രിബ്യൂൺ റിപ്പോർട്ടു ചെയ്യുന്നു. നായ്‌ക്ക​ളും പ്രത്യേ​കി​ച്ചു നായ്‌ക്കു​ട്ടി​ക​ളും ബാധി​ക്ക​പ്പെ​ടു​ന്നു. ക്ഷുബ്ധ സമു​ദ്ര​ത്തി​ലൂ​ടെ ബോട്ടിൽ കൊണ്ടു​പോ​കുന്ന മത്സ്യങ്ങൾക്കു​പോ​ലും സമുദ്ര രോഗം പിടി​പെ​ട്ടേ​ക്കാം! എന്താണു പരിഹാ​രം? മിക്കവാ​റും എല്ലാ മരുന്നു​ക​ട​ക​ളിൽനി​ന്നും വാങ്ങു​വാൻ കഴിയുന്ന ചില മരുന്നു​ക​ളി​ലാണ്‌ അനേക​രും ആശ്രയി​ക്കു​ന്നത്‌. സഹായ​ക​ര​മാ​യി​രു​ന്നേ​ക്കാ​വുന്ന മറ്റുചില നിർദേ​ശ​ങ്ങ​ളി​താ: സഞ്ചരി​ച്ചു​കൊ​ണ്ടി​രി​ക്കുന്ന വാഹന​ത്തിൽവെച്ചു വായി​ക്ക​രുത്‌. ഏറ്റവും കുറച്ചു കുലു​ക്ക​മ​നു​ഭ​വ​പ്പെ​ടുന്ന സ്ഥലത്തി​രി​ക്കുക. ഉദാഹ​ര​ണ​ത്തിന്‌, കാറിന്റെ മുൻസീ​റ്റിൽ അല്ലെങ്കിൽ ഒരു വിമാ​ന​ത്തി​ന്റെ ചിറകി​ന​ടുത്ത്‌. ചക്രവാ​ളം​പോ​ലെ വളരെ ദൂരത്തി​ലുള്ള വസ്‌തു​ക്ക​ളിൽ ശ്രദ്ധ കേന്ദ്രീ​ക​രി​ക്കുക. അങ്ങനെ ചെയ്യാൻ നിങ്ങൾ ആഗ്രഹി​ക്കു​ന്നി​ല്ലെ​ങ്കിൽ കണ്ണടച്ചി​രി​ക്കുക.

ഫ്രാൻസിൽ വായു മലിനീ​ക​രണം വഷളാ​കു​ന്നു

തടുക്കു​വാ​നുള്ള കൂട്ടായ ശ്രമം ഉണ്ടായി​രു​ന്നി​ട്ടും വായു മലിനീ​ക​രണം കൂടുതൽ വഷളായി തീരു​ക​യും പാരീ​സി​ലും മറ്റു ഫ്രഞ്ചു നഗരങ്ങ​ളി​ലും വസിക്കുന്ന ലക്ഷക്കണ​ക്കിന്‌ ആളുക​ളു​ടെ ആരോ​ഗ്യ​ത്തി​നു ഭീഷണി ഉയർത്തു​ക​യും ചെയ്യുന്നു. കഴിഞ്ഞ കാലത്തു പ്രാഥ​മിക കാരണം ഘനവ്യ​വ​സാ​യ​ങ്ങ​ളാ​യി​രു​ന്നു. എന്നാൽ ഇന്ന്‌ 80 ശതമാനം വായു മലിനീ​ക​ര​ണ​ത്തി​ന്റെ​യും നിദാനം മോ​ട്ടോർ വാഹന​ങ്ങ​ളാണ്‌. 1 കോടി 20 ലക്ഷത്തിൽനി​ന്നും 2 കോടി 40 ലക്ഷത്തി​ലേക്കു കുതി​ച്ചു​യർന്നു​കൊണ്ട്‌ 1970 മുതൽ ഫ്രാൻസി​ലെ വാഹന​ങ്ങ​ളു​ടെ എണ്ണം ഇരട്ടി​യാ​യി​രി​ക്കു​ന്നു. പാരീസ്‌ പ്രവി​ശ്യ​യിൽ മാത്രം 32 ലക്ഷം വാഹന​ങ്ങ​ളുണ്ട്‌. പാരീസ്‌ പ്രവി​ശ്യ​യി​ലെ വിഷവാ​തക കേന്ദ്രീ​ക​ര​ണ​ത്തി​ന്റെ ഓരോ വർധന​വി​ലും തത്തുല്യ​മായ വർധനവു മരണത്തി​ന്റെ​യും ശ്വസന സംബന്ധ​മായ രോഗ​ങ്ങ​ളു​ടെ ഫലമാ​യുള്ള ആശുപ​ത്രി​യിൽ പ്രവേ​ശി​പ്പി​ക്ക​ലി​ന്റെ​യും എണ്ണത്തി​ലു​ണ്ടെന്ന്‌ അടുത്ത​കാ​ലത്തെ ഒരു ഗവണ്മെൻറു പഠനം കാണി​ച്ച​താ​യി പാരീസ്‌ വർത്തമാന പത്രമായ ലാ മൊണ്ട പറയുന്നു. കാര്യ​മാ​യൊ​രു പ്രത്യക്ഷ നടപടി​യും ഇതുവരെ എടുത്തി​ട്ടില്ല. ഫലപ്ര​ദ​മായ ഏതൊരു കടുത്ത നടപടി​യും മോ​ട്ടോർവാ​ഹ​നങ്ങൾ ഓടി​ക്കുന്ന തങ്ങളുടെ വോട്ടർമാ​രെ അസംതൃ​പ്‌ത​രാ​ക്കു​മെ​ന്നാ​ണു രാഷ്ട്രീ​യ​ക്കാ​രു​ടെ ഭയം.

കുട്ടി​ക​ളി​ലെ സംസാര വൈക​ല​ങ്ങൾ

സ്‌കൂൾ പ്രായ​ത്തി​നു മുമ്പുള്ള കുട്ടി​ക​ളിൽ നാലിൽ ഒരാൾക്കു വീതം സംസാ​ര​വൈ​ക​ല്യ​മു​ണ്ടെന്നു ജർമനി​യി​ലെ മെയിൻസി​ലുള്ള ആശയവി​നി​മയ വൈക​ല്യ​ങ്ങൾക്കു​വേ​ണ്ടി​യുള്ള യൂണി​വേ​ഴ്‌സി​റ്റി ക്ലിനി​ക്കി​ലെ ഗവേഷകർ കണ്ടെത്തി​യി​രി​ക്കു​ന്നു. “എനിക്ക്‌ അക്കങ്ങളെ വിശ്വ​സി​ക്കാൻ കഴിഞ്ഞി​ല്ലെന്നു” ക്ലിനിക്ക്‌ ഡയറക്ട​റായ പ്രൊ​ഫസർ മാൻഫ്രറ്റ്‌ ഹിനി​മാൻ സമ്മതിച്ചു പറഞ്ഞു. വൈദ്യ​ശാ​സ്‌ത്ര രംഗത്തുള്ള ഉദ്യോ​ഗ​സ്ഥ​ന്മാർ മൂന്നും നാലും വയസ്സുള്ള കുട്ടി​കളെ പരി​ശോ​ധി​ക്കു​ക​യും 18 മുതൽ 34 വരെ ശതമാ​ന​ത്തി​നു സംസാര വൈക​ല്യ​ങ്ങൾ ഉണ്ടായി​രു​ന്നു​വെന്നു കണ്ടെത്തു​ക​യും ചെയ്‌തു. 1982-ൽ ഈ സംഖ്യ കേവലം നാലു ശതമാനം മാത്ര​മാ​യി​രു​ന്നു. എന്തു​കൊ​ണ്ടാണ്‌ ഈ വർധനവ്‌? “കുടും​ബങ്ങൾ വളരെ​യേറെ സമയം ടെലി​വി​ഷൻ വീക്ഷി​ക്കു​ക​യും വളരെ കുറച്ചു സമയം സംസാ​രി​ക്കു​ക​യും ചെയ്യു​ന്നു​വെന്നു” ജർമൻ വർത്തമാന പത്രമായ ഡെർ ഷ്‌റ്റീ​ഗർവാൾട്ട്‌ ബോട്ടേ റിപ്പോർട്ടു ചെയ്യുന്നു. മിക്ക കുടും​ബ​ങ്ങ​ളി​ലും മാതാ​പി​താ​ക്ക​ളു​ടെ സ്ഥാനം വീഡി​യോ​യും ടിവി-യും കമ്പ്യൂട്ടർ കളിക​ളും ഏറ്റെടു​ക്കു​ന്ന​താ​യി കാണുന്നു. ഒട്ടും​തന്നെ സംസാ​രി​ക്കാ​തി​രുന്ന ചില കുട്ടികൾ കമ്പ്യൂട്ടർ കളിക​ളിൽ ഏർപ്പെ​ട്ട​പ്പോൾ അവരെ​ല്ലാം “മിന്നൽ വേഗത”യിലാ​യി​രു​ന്നു​വെന്നു ഗവേഷകർ നിരീ​ക്ഷി​ച്ചു.