ഔഷധങ്ങൾ ബുദ്ധി​പൂർവം ഉപയോ​ഗി​ക്കു​ക

നൈജീരിയയിലെ ഉണരുക! ലേഖകൻ

തനിക്കു തലവേ​ദ​ന​യും വയറു​വേ​ദ​ന​യും ഉള്ളതായി ഒരു സ്‌ത്രീ പറഞ്ഞു. ഡോക്ടർ അവരു​മാ​യി അൽപ്പ​നേരം സംസാ​രി​ച്ചു. എന്നിട്ട്‌ അദ്ദേഹം മലമ്പനി​ക്കുള്ള മൂന്നു ദിവസ​ത്തേ​ക്കു​വേണ്ട കുത്തി​വെ​പ്പും തലവേദന മാറാൻവേണ്ടി പാരസി​റ്റെ​മോ​ളും (അസി​റ്റൈ​മ​നൊ​ഫെൻ) ആമാശയ വ്രണമാ​യി​രി​ക്കാ​വു​ന്നതു സൗഖ്യ​മാ​കാൻ രണ്ടു മരുന്നു​ക​ളും അവരുടെ ഉത്‌ക​ണ്‌ഠ​യ്‌ക്കു ശമനൗ​ഷ​ധ​വും എല്ലാറ്റി​നും​പു​റമേ മൾട്ടി​വി​റ്റാ​മിൻ ഗുളി​ക​ക​ളും കുറി​ച്ചു​കൊ​ടു​ത്തു. പണം വളരെ​യേറെ നൽകേ​ണ്ടി​വന്നു. പക്ഷേ സ്‌ത്രീ തടസ്സ​മൊ​ന്നും പറഞ്ഞില്ല. ഔഷധങ്ങൾ തന്റെ പ്രശ്‌നങ്ങൾ പരിഹ​രി​ക്കു​മെന്ന വിശ്വാ​സ​ത്തിൽ അവർ സന്തോ​ഷ​ത്തോ​ടെ അവിടം വിട്ടു.

ഡോക്ടർമാ​രു​മാ​യുള്ള ഇത്തരം കൂടി​ക്കാ​ഴ്‌ചകൾ പശ്ചിമാ​ഫ്രി​ക്ക​യിൽ അസാധാ​ര​ണമല്ല. പൊതു ആരോഗ്യ കേന്ദ്ര​ങ്ങ​ളി​ലെ ആരോ​ഗ്യ​പ​രി​പാ​ലകർ ഓരോ സന്ദർശ​ന​ത്തി​ലും ഓരോ രോഗി​ക്കും ശരാശരി 3.8 വ്യത്യസ്‌ത ഔഷധങ്ങൾ കുറി​ച്ചു​കൊ​ടു​ക്കു​ന്നു​ണ്ടെന്ന്‌ അവിടത്തെ ഒരു വലിയ രാഷ്‌ട്ര​ത്തിൽ നടത്തിയ ഒരു സർവേ വെളി​പ്പെ​ടു​ത്തി. അനേകരെ സംബന്ധി​ച്ചി​ട​ത്തോ​ളം ധാരാളം ഔഷധങ്ങൾ കുറി​ച്ചു​കൊ​ടു​ക്കു​ന്ന​വ​നാണ്‌ ഒരു നല്ല ഡോക്ടർ.

അവിടത്തെ ആരോ​ഗ്യ​സ്ഥി​തി എപ്രകാ​ര​മാ​യി​രു​ന്നു​വെന്നു പരിചി​ന്തി​ക്കു​മ്പോൾ ഔഷധ​ങ്ങ​ളി​ലുള്ള പശ്ചിമാ​ഫ്രി​ക്ക​ക്കാ​രു​ടെ വിശ്വാ​സം മനസ്സി​ലാ​ക്കാ​വു​ന്ന​താണ്‌. 40-ലേറെ വർഷം മുമ്പു ഗ്രന്ഥകാ​ര​നായ ജോൺ ഗന്തർ മുൻകാ​ല​ങ്ങ​ളെ​ക്കു​റിച്ച്‌ ഇങ്ങനെ എഴുതി: “ഈ സ്ലേവ്‌ കോസ്റ്റ്‌ കറുത്ത​വരെ മാത്രമല്ല . . . കൊന്നത്‌; വെള്ളക്കാ​രെ​യും കൊന്നു. ഐതി​ഹ്യ​ത്തിൽ ‘വെള്ളക്കാ​രന്റെ ശവക്കുഴി’ എന്നറി​യ​പ്പെ​ടുന്ന ആഫ്രി​ക്ക​യു​ടെ ഭാഗം ഇതുതന്നെ. നൂറ്റാ​ണ്ടു​ക​ളോ​ളം ഗിനി തീര​പ്ര​ദേ​ശ​ത്തിൽ കൊടി​കു​ത്തി​വാ​ണി​രുന്ന രാജാവ്‌ കൊതു​കാ​യി​രു​ന്നു. മഞ്ഞപ്പനി, ബ്ലാക്ക്‌വാ​ട്ടർ ഫീവർ, മലമ്പനി എന്നിവ​യാ​യി​രു​ന്നു ഈ രാജാ​വി​ന്റെ തിര​ഞ്ഞെ​ടു​ക്ക​പ്പെ​ട്ട​തും മാരക​വു​മായ ആയുധങ്ങൾ. വെസ്റ്റ്‌ കോസ്റ്റി​ന്റെ മാരക​മായ സ്ഥിതി​വി​ശേഷം വളരെ പണ്ടു നടന്ന ഒരു സംഗതി​യല്ല, പക്ഷേ അതു ജീവത്തായ ഒരോർമ​യാണ്‌. കുറച്ചു​നാൾമു​മ്പു നൈജീ​രി​യ​യി​ലേക്കു നിയമനം ലഭിച്ച ഒരു സ്ഥാനപ​തി​യെ​ക്കു​റി​ച്ചു പ്രസി​ദ്ധ​മായ ഒരു സംഭവ​ച​രി​ത്രം വിവരി​ക്കു​ന്നു. തന്റെ പെൻഷ​നെ​ക്കു​റിച്ച്‌ അദ്ദേഹം അന്വേ​ഷി​ച്ചു. ‘പെൻഷ​നോ?’ കൊ​ളോ​ണി​യൽ ഓഫീ​സി​ലെ അദ്ദേഹ​ത്തി​ന്റെ മേലധി​കാ​രി പ്രതി​വ​ചി​ച്ചു. ‘പ്രിയ സുഹൃത്തേ, നൈജീ​രി​യ​യി​ലേക്കു പോകുന്ന ആരും ജോലി​യിൽനി​ന്നു വിരമി​ക്കു​ന്ന​തു​വരെ ഒരിക്ക​ലും ജീവി​ച്ചി​രി​ക്കാൻ പോകു​ന്നില്ല.’”

കാലം മാറി​യി​രി​ക്കു​ന്നു. കൊതു​കു പരത്തുന്ന രോഗ​ങ്ങളെ മാത്രമല്ല മറ്റു പല രോഗ​ങ്ങ​ളെ​യും ചെറു​ക്കാ​നുള്ള ഔഷധങ്ങൾ ഇന്നുണ്ട്‌. പ്രതി​രോധ കുത്തി​വെ​പ്പു​കൾതന്നേ അഞ്ചാം​പനി, വില്ലൻചുമ, റ്റെറ്റനസ്‌, തൊണ്ട​മുള്ള്‌ എന്നീ രോഗങ്ങൾ മൂലമു​ണ്ടാ​കുന്ന മരണനി​രക്ക്‌ അത്ഭുതം ജനിപ്പി​ക്കുന്ന വിധത്തിൽ കുറച്ചി​രി​ക്കു​ന്നു. പ്രതി​രോധ കുത്തി​വെ​പ്പു​കൾകൊ​ണ്ടു വസൂരി​യെ തുടച്ചു നീക്കി​യി​രി​ക്കു​ന്നു. പിള്ളവാ​ത​വും താമസി​യാ​തെ​തന്നെ ഒരു കഴിഞ്ഞ​കാല രോഗ​മാ​യി​ത്തീർന്നേ​ക്കാം.

ഔഷധ​മൂ​ല്യ​ത്തി​ലുള്ള ആഫ്രി​ക്ക​ക്കാ​രു​ടെ ആഴമായ വിശ്വാ​സ​ത്തിൽ അതിശ​യി​ക്കാ​നില്ല. തീർച്ച​യാ​യും ഇത്തരം വിശ്വാ​സം പശ്ചിമാ​ഫ്രി​ക്ക​യിൽ മാത്രം ഒതുങ്ങി​നിൽക്കു​ന്നില്ല. ഐക്യ​നാ​ടു​ക​ളിൽ, വർഷം​തോ​റും ഡോക്ടർമാർ 5,500 കോടി കുറി​പ്പു​കൾ എഴുതു​ന്നു. ഫ്രാൻസിൽ ആളുകൾ വർഷം​തോ​റും ശരാശരി 50 പെട്ടി ഗുളി​കകൾ വാങ്ങുന്നു. ജപ്പാനിൽ സാധാ​ര​ണ​ക്കാ​ര​നായ ഒരു വ്യക്തി ഔഷധ​ങ്ങൾക്കാ​യി പ്രതി​വർഷം 400 ഡോള​റി​ലേറെ (യു.എസ്‌.) ചെലവ​ഴി​ക്കു​ന്നു.

പ്രയോ​ജ​ന​ങ്ങൾക്കെ​തി​രെ അപകടങ്ങൾ

മനുഷ്യ​വർഗത്തെ സഹായി​ക്കാൻ ആധുനിക ഔഷധങ്ങൾ ഒട്ടേറെ കാര്യങ്ങൾ ചെയ്‌തി​ട്ടുണ്ട്‌. ശരിയാ​യി ഉപയോ​ഗി​ച്ചാൽ അവ നല്ല ആരോ​ഗ്യം പ്രദാനം ചെയ്യുന്നു. എന്നാൽ തെറ്റായി ഉപയോ​ഗി​ച്ചാൽ അവയ്‌ക്കു ദോഷം ചെയ്യാൻ, എന്തിന്‌, കൊല്ലാൻ പോലും കഴിയും. ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ വർഷം​തോ​റും ഔഷധ​ങ്ങ​ളോ​ടുള്ള ശരീര​ത്തി​ന്റെ വിപരീത പ്രതി​ക​ര​ണ​ങ്ങ​ളു​ടെ ഫലമായി ഏതാണ്ട്‌ 3,00,000 ആളുകളെ ആശുപ​ത്രി​ക​ളിൽ ആക്കുന്നു, 18,000 പേർ മരണമ​ട​യു​ന്നു.

ഔഷധങ്ങൾ ബുദ്ധി​പൂർവം ഉപയോ​ഗി​ക്കാൻ, എപ്പോ​ഴും അപകട​ത്തി​ന്റേ​തായ ഒരു ഘടകമു​ണ്ടെന്നു മനസ്സി​ലാ​ക്കു​ന്നത്‌ പ്രധാ​ന​മാണ്‌. ഏത്‌ ഔഷധ​മാ​യാ​ലും, ആസ്‌പി​രി​നാ​യാൽപോ​ലും പാർശ്വ​ഫ​ലങ്ങൾ ഉളവാ​ക്കാൻ കഴിയും. ഒരേ സമയം നിങ്ങൾ പല ഔഷധങ്ങൾ കഴിക്കു​ക​യാ​ണെ​ങ്കിൽ പാർശ്വ​ഫ​ല​ങ്ങൾക്കുള്ള സാധ്യത കൂടു​ത​ലാണ്‌. ഭക്ഷണപാ​നീ​യ​ങ്ങ​ളും ഔഷധങ്ങൾ നിങ്ങളു​ടെ ശരീര​ത്തിൽ പ്രവർത്തി​ക്കുന്ന വിധത്തെ ബാധി​ക്കു​ന്നു. മാത്രമല്ല, അതിന്റെ ഫലത്തെ വർധി​പ്പി​ക്കാ​നോ നിർവീ​ര്യ​മാ​ക്കാ​നോ അതിനു കഴിയും.

മറ്റ്‌ അപകട​ങ്ങ​ളു​മുണ്ട്‌. പ്രത്യേ​ക​തരം ഔഷധ​ത്തോ​ടു നിങ്ങൾക്ക്‌ അലർജി​യു​ണ്ടാ​യി​രി​ക്കാം. കുറിച്ചു തന്നതു​പോ​ലെ നിങ്ങൾ ഔഷധങ്ങൾ—വേണ്ടു​വോ​ളം കാലം ശരിയായ അളവിൽ—കഴിച്ചി​ല്ലെ​ങ്കിൽ, അവ നിങ്ങളെ സഹായി​ക്കാ​നുള്ള സാധ്യ​ത​യി​ല്ലെന്നു മാത്രമല്ല, നിങ്ങൾക്കു ദോഷം​പോ​ലും ചെയ്‌തേ​ക്കാം. നിങ്ങളു​ടെ ഡോക്ടർ തെറ്റായ അല്ലെങ്കിൽ അനാവ​ശ്യ​മായ ഔഷധം കുറിച്ചു തന്നാലും ഫലം ഇതുതന്നെ. കാലാ​വധി കഴിഞ്ഞ​തോ നിലവാ​രം കുറഞ്ഞ​തോ വ്യാജ​മോ ആയ ഔഷധങ്ങൾ കഴിക്കു​ക​യാ​ണെ​ങ്കി​ലും നിങ്ങൾ ദോഷം വിളി​ച്ചു​വ​രു​ത്തും.

അപകടങ്ങൾ കുറയ്‌ക്കാൻ, നിങ്ങൾ കഴിക്കുന്ന മരുന്നി​നെ​ക്കു​റി​ച്ചു സാധി​ക്കു​ന്നി​ട​ത്തോ​ളം കാര്യങ്ങൾ നിങ്ങൾ അറിഞ്ഞി​രി​ക്കണം. യാഥാർഥ്യ​ങ്ങൾ അറിയു​ക​വഴി നിങ്ങൾക്ക്‌ ഏറെ പ്രയോ​ജനം നേടാൻ കഴിയും.

ആൻറി​ബ​യോ​ട്ടി​ക്കു​കൾ—ഗുണങ്ങ​ളും ദോഷ​ങ്ങ​ളും

50 വർഷം മുമ്പ്‌ ആൻറി​ബ​യോ​ട്ടി​ക്കു​കൾ വികസി​പ്പി​ച്ചെ​ടു​ത്ത​തു​മു​തൽ അവ കോടി​ക്ക​ണ​ക്കിന്‌ ആളുക​ളു​ടെ ജീവൻ രക്ഷിച്ചി​ട്ടുണ്ട്‌. മാരക​രോ​ഗ​ങ്ങ​ളായ കുഷ്‌ഠം, ക്ഷയരോ​ഗം, ന്യൂ​മോ​ണിയ, സ്‌കാർലറ്റ്‌ ഫീവർ, സിഫി​ലിസ്‌ എന്നിവയെ അവ നിയ​ന്ത്ര​ണാ​ധീ​ന​മാ​ക്കി​യി​ട്ടുണ്ട്‌. മറ്റു സാം​ക്ര​മിക രോഗ​ങ്ങളെ സുഖ​പ്പെ​ടു​ത്തു​ന്ന​തി​ലും അവ ഒരു സുപ്ര​ധാന പങ്കു വഹിക്കു​ന്നു.

ടഫ്‌റ്റ്‌സ്‌ യൂണി​വേ​ഴ്‌സി​റ്റി മെഡിക്കൽ സ്‌കൂ​ളി​ലെ വൈദ്യ​ശാ​സ്‌ത്ര പ്രൊ​ഫ​സ​റായ ഡോ. സ്റ്റുവാർട്ട്‌ ലീവി പറഞ്ഞു: “[ആൻറി​ബ​യോ​ട്ടി​ക്കു​കൾ] വൈദ്യ​ശാ​സ്‌ത്ര​ത്തിൽ സമൂല​പ​രി​വർത്തനം വരുത്തി​യി​രി​ക്കു​ന്നു. വൈദ്യ​ശാ​സ്‌ത്ര​ത്തി​ന്റെ ചരി​ത്രത്തെ ഏറ്റവു​മ​ധി​കം മാറ്റി​മ​റി​ച്ചി​രി​ക്കുന്ന ഏക ഘടകം അവയാണ്‌.” വൈദ്യ​ശാ​സ്‌ത്ര​രം​ഗത്തെ മറ്റൊരു വിദഗ്‌ധൻ പറയുന്നു: “ആധുനിക വൈദ്യ​ശാ​സ്‌ത്രം പണിയ​പ്പെ​ട്ടി​രി​ക്കുന്ന മൂലക്ക​ല്ലാണ്‌ അവ.”

എങ്കിലും, നിങ്ങളു​ടെ ഡോക്ട​റു​ടെ​യ​ടു​ക്കൽ ഓടി​ച്ചെന്നു മരുന്ന്‌ ആവശ്യ​പ്പെ​ടു​ന്ന​തി​നു​മുമ്പ്‌ ദൂഷ്യ​വ​ശ​ത്തെ​ക്കു​റി​ച്ചു ചിന്തി​ക്കുക. അനുചി​ത​മായ രീതി​യിൽ ഉപയോ​ഗി​ക്കു​ന്ന​പക്ഷം ആൻറി​ബ​യോ​ട്ടി​ക്കു​കൾ ഗുണ​ത്തെ​ക്കാ​ളേറെ ദോഷം ചെയ്യും. ആൻറി​ബ​യോ​ട്ടി​ക്കു​കൾ, ശരീര​ത്തി​ലെ ബാക്ടീ​രി​യയെ ആക്രമി​ക്കു​ക​യും നശിപ്പി​ക്കു​ക​യും ചെയ്‌തു​കൊ​ണ്ടു പ്രവർത്തി​ക്കു​ന്ന​താണ്‌ ഇതിനു കാരണം. പക്ഷേ, എപ്പോ​ഴും ദോഷ​ക​ര​മായ എല്ലാ ബാക്ടീ​രി​യ​യെ​യും അവ നശിപ്പി​ക്കു​ന്നില്ല; ചില പ്രത്യേ​ക​തരം ബാക്ടീ​രി​യകൾ ആക്രമ​ണത്തെ ചെറു​ത്തു​നിൽക്കു​ന്നു. പ്രതി​രോധ ശക്തിയാർജിച്ച ഈ ബാക്ടീ​രി​യകൾ അതിജീ​വി​ക്കു​ന്നെന്നു മാത്രമല്ല, ഒരാളിൽനി​ന്നു മറ്റൊ​രാ​ളി​ലേക്കു പകരു​ക​യും ചെയ്യുന്നു.

ഉദാഹ​ര​ണ​ത്തിന്‌, രോഗ​ബാധ ചികി​ത്സി​ച്ചു മാറ്റു​ന്ന​തി​നു പെനി​സി​ലിൻ ഒരുകാ​ലത്തു വളരെ​യേറെ ഫലപ്ര​ദ​മാ​യി​രു​ന്നു. ഇപ്പോൾ, പ്രതി​രോധ ശക്തിയാർജി​ക്കുന്ന ബാക്ടീ​രി​യകൾ വർധി​ക്കു​ന്ന​തു​മൂ​ലം ഔഷധ കമ്പനികൾ വിവിധ തരത്തി​ലുള്ള നൂറു​ക​ണ​ക്കി​നു പെനി​സി​ലിൻ വിപണി​യി​ലി​റ​ക്കു​ന്നു.

പ്രശ്‌ന​ങ്ങൾ ഒഴിവാ​ക്കാൻ നിങ്ങൾക്ക്‌ എന്തു ചെയ്യാൻ കഴിയും? നിങ്ങൾക്കു തീർച്ച​യാ​യും ആൻറി​ബ​യോ​ട്ടി​ക്കു​കൾ ആവശ്യ​മാ​ണെ​ങ്കിൽ, അവ യോഗ്യത നേടിയ ഒരു ഡോക്ടർ കുറിച്ചു തന്നതാ​ണെ​ന്നും അധികൃത ഉറവിൽ നിന്നു ലഭിച്ച​താ​ണെ​ന്നും ഉറപ്പു​വ​രു​ത്തുക. ആൻറി​ബ​യോ​ട്ടി​ക്കു​കൾ വേഗത്തിൽ കുറിച്ചു നൽകാൻ ഡോക്ട​റു​ടെ​മേൽ നിർബന്ധം ചെലു​ത്ത​രുത്‌—കുറിച്ചു തന്നതു നിങ്ങളു​ടെ അസുഖ​ത്തി​നു​ള്ള​തു​ത​ന്നെ​യാ​ണോ എന്ന്‌ ഉറപ്പു​വ​രു​ത്താൻ ചില ലബോ​റ​ട്ടറി പരി​ശോ​ധ​ന​കൾക്കു നിങ്ങളെ വിധേ​യ​മാ​ക്കാൻ ഡോക്ടർ ആഗ്രഹി​ച്ചേ​ക്കാം.

വേണ്ടു​വോ​ളം കാലം ശരിയായ അളവിൽ നിങ്ങൾ മരുന്നു കഴിക്കു​ന്ന​തും പ്രധാ​ന​മാണ്‌. കഴിച്ചു തീരു​ന്ന​തി​നു മുമ്പു സുഖമാ​യെന്നു തോന്നു​ന്നെ​ങ്കിൽപോ​ലും ഒരു തവണ കുറിച്ചു തന്ന ആൻറി​ബ​യോ​ട്ടിക്ക്‌ മുഴു​വ​നും നിങ്ങൾ കഴി​ക്കേ​ണ്ട​താണ്‌.

കുത്തി​വെപ്പ്‌ ഗുളി​ക​ക​ളെ​ക്കാൾ ഗുണമു​ള്ള​തോ?

“എനിക്ക്‌ ഒരു കുത്തി​വെപ്പു വേണം!” വികസ്വര രാജ്യ​ങ്ങ​ളി​ലെ പല ചികി​ത്സ​ക​രും കേൾക്കുന്ന വാക്കു​ക​ളാ​ണിവ. മരുന്നു നേരിട്ടു രക്തത്തി​ലേക്കു കുത്തി​വെ​ക്കു​ന്നു​വെ​ന്നും ഗുളി​ക​ക​ളെ​ക്കാൾ വീര്യ​മു​ള്ള​താ​ണെ​ന്നും ഉള്ള വിശ്വാ​സത്തെ അടിസ്ഥാ​ന​പ്പെ​ടു​ത്തി​യു​ള്ള​താണ്‌ ഈ അഭ്യർഥന. ചില രാജ്യ​ങ്ങ​ളിൽ ചന്തസ്ഥലത്തു ലൈസൻസി​ല്ലാത്ത കുത്തി​വെപ്പു ഡോക്ടർമാ​രെ കാണു​ന്നതു സാധാ​ര​ണ​മാണ്‌.

ഗുളി​ക​കൾക്കി​ല്ലാത്ത തരം അപകടങ്ങൾ കുത്തി​വെ​പ്പു​ക​ളി​ലുണ്ട്‌. കുത്തി​വെ​പ്പി​നു​പ​യോ​ഗി​ക്കുന്ന സൂചി ശുചി​യാ​യ​ത​ല്ലെ​ങ്കിൽ രോഗി​ക്കു കരൾ വീക്കവും ഹെപ്പ​റ്റൈ​റ്റി​സും റ്റെറ്റന​സും എന്തിന്‌ എയ്‌ഡ്‌സ്‌ പോലും പിടി​പെ​ടാ​നുള്ള സാധ്യ​ത​യുണ്ട്‌. രോഗാ​ണു​ന​ശീ​ക​രണം വരുത്താത്ത സൂചി വേദന​യേ​റിയ പരുവും ഉളവാ​ക്കി​യേ​ക്കാം. യോഗ്യത നേടാത്ത ഒരു വ്യക്തി​യാ​ണു കുത്തി​വെ​ക്കു​ന്ന​തെ​ങ്കിൽ അപകടങ്ങൾ വർധി​ക്കു​ന്നു.

നിങ്ങൾക്കു വാസ്‌ത​വ​ത്തിൽ കുത്തി​വെപ്പ്‌ ആവശ്യ​മാ​ണെ​ങ്കിൽ വൈദ്യ​ശാ​സ്‌ത്ര​പ​ര​മാ​യി യോഗ്യത നേടി​യി​ട്ടുള്ള ഒരു വ്യക്തി​യാ​ണു കുത്തി​വെ​ക്കു​ന്ന​തെന്ന്‌ ഉറപ്പു​വ​രു​ത്തുക. നിങ്ങളു​ടെ സംരക്ഷ​ണ​ത്തി​നാ​യി സൂചി​യും സിറി​ഞ്ചും അണുന​ശീ​ക​രണം വരുത്തി​യ​താ​ണെന്ന്‌ എപ്പോ​ഴും ഉറപ്പു​വ​രു​ത്തുക.

വ്യാജ ഔഷധങ്ങൾ

ആഗോള ഔഷധ വ്യവസാ​യം ഒരു വൻ ബിസി​ന​സാണ്‌. ലോകാ​രോ​ഗ്യ സംഘടന (ഡബ്ലിയു​എച്ച്‌ഒ) പറയു​ന്ന​ത​നു​സ​രിച്ച്‌ വർഷം​തോ​റും ഏതാണ്ട്‌ 17,000 കോടി ഡോളർ (യു.എസ്‌.) ഇതു വാരി​ക്കൂ​ട്ടു​ന്നു. ഈ അവസരത്തെ മുത​ലെ​ടു​ക്കാ​നാ​യി മനസ്സാ​ക്ഷി​ക്കു​ത്തി​ല്ലാത്ത ആളുകൾ വ്യാജ ഔഷധങ്ങൾ നിർമി​ച്ചി​രി​ക്കു​ന്നു. വ്യാജ ഔഷധ​ങ്ങളെ കണ്ടാൽ യഥാർഥ ഔഷധ​ങ്ങ​ളെ​പ്പോ​ലെ​തന്നെ തോന്നും—അവയുടെ ലേബലു​ക​ളും പൊതി​ഞ്ഞി​രി​ക്കുന്ന കവറു​ക​ളും അങ്ങനെ​തന്നെ—എന്നാൽ അവ പ്രയോ​ജ​ന​ശൂ​ന്യ​മാണ്‌.

വ്യാജ ഔഷധങ്ങൾ എല്ലായി​ട​ത്തു​മു​ണ്ടെ​ന്നു​വ​രി​കി​ലും വികസ്വര രാജ്യ​ങ്ങ​ളിൽ അവ സർവസാ​ധാ​ര​ണ​മാണ്‌. അവ ദുരന്ത​പൂർണ​മായ ഭവിഷ്യ​ത്തു​കൾ ഉളവാ​ക്കു​ന്നു. വ്യാവ​സാ​യിക ലായകം അടങ്ങിയ വേദന​സം​ഹാ​രി സിറപ്പ്‌ കഴിച്ച​തി​നു​ശേ​ഷ​മു​ണ്ടായ വൃക്ക സ്‌തം​ഭനം മൂലം 109 കുട്ടി​ക​ളാണ്‌ നൈജീ​രി​യ​യിൽ മരിച്ചത്‌. മെക്‌സി​ക്കോ​യി​ലാ​കട്ടെ പൊള്ള​ലിന്‌ ഇരയാ​യവർ, അറക്ക​പ്പൊ​ടി​യും കാപ്പി​പ്പൊ​ടി​യും അഴുക്കും അടങ്ങിയ ഔഷധ​ങ്ങ​ളിൽനിന്ന്‌ അതിയായ വേദന​യു​ള​വാ​ക്കുന്ന ത്വഗ്‌രോ​ഗങ്ങൾ മൂലം ക്ലേശമ​നു​ഭ​വി​ച്ചു. ബർമയിൽ, മലമ്പനി​യെ ചെറു​ക്കാൻ കഴിയാത്ത വ്യാജ ഔഷധം കഴിച്ച​തി​ന്റെ ഫലമായി നിരവധി ഗ്രാമീ​ണർ മരിച്ചി​രി​ക്കാ​നി​ട​യുണ്ട്‌. “ഏറ്റവും അപകട​ത്തി​ലാ​യി​രി​ക്കു​ന്നത്‌, വീണ്ടും ദരി​ദ്ര​രാണ്‌. പേരു​കേട്ട ഒരു കമ്പനി നിർമി​ക്കുന്ന ഫലപ്ര​ദ​മായ ഔഷധം പോലെ തോന്നി​ക്കുന്ന ഒന്നു വാങ്ങു​മ്പോൾ അത്‌ ഒരു നല്ല ആദായ​മാ​ണെന്ന്‌ അവർ കരുതു​ന്നു,” ഡബ്ലിയു​എച്ച്‌ഒ പറയുന്നു.

വ്യാജ ഔഷധ​ങ്ങ​ളിൽനി​ന്നു നിങ്ങൾക്കെ​ങ്ങനെ സ്വയം സംരക്ഷി​ക്കാ​നാ​കും? നിങ്ങൾ വാങ്ങി​ക്കുന്ന ഔഷധം ഒരു ആശുപ​ത്രി​യി​ലെ ഔഷധക്കട പോലെ സത്‌കീർത്തി​യുള്ള ഒരിട​ത്തു​നി​ന്നാ​ണെന്ന്‌ ഉറപ്പു​വ​രു​ത്തുക. തെരുവു വിൽപ്പ​ന​ക്കാ​രു​ടെ പക്കൽനി​ന്നു വാങ്ങരുത്‌. നൈജീ​രി​യ​യി​ലെ ബെനിൻ നഗരത്തി​ലുള്ള ഒരു മരുന്നു​ക​ട​ക്കാ​രൻ മുന്നറി​യി​പ്പു നൽകുന്നു: “തെരുവു വിൽപ്പ​ന​ക്കാ​രെ സംബന്ധി​ച്ചി​ട​ത്തോ​ളം ഔഷധങ്ങൾ വിൽക്കു​ന്നത്‌ ഒരു ബിസി​നസ്‌ മാത്ര​മാണ്‌. മധുര​പ​ല​ഹാ​ര​ങ്ങ​ളോ ബിസ്‌ക്ക​റ്റു​ക​ളോ പോ​ലെ​യാണ്‌ അവർ ഔഷധങ്ങൾ വിതരണം ചെയ്യു​ന്നത്‌. അവർ വിൽക്കുന്ന ഔഷധങ്ങൾ മിക്ക​പ്പോ​ഴും കാലാ​വധി തീർന്ന​തും വ്യാജ​വു​മാണ്‌. തങ്ങൾ വിൽക്കുന്ന ഔഷധ​ങ്ങ​ളെ​ക്കു​റിച്ച്‌ അവർക്കു യാതൊ​ന്നും അറിയില്ല.”

ദാരി​ദ്ര്യ​പ്ര​ശ്‌നം

ഒരു വ്യക്തിക്കു ലഭിക്കുന്ന വൈദ്യ​ചി​കിത്സ അയാളു​ടെ പക്കൽ എത്ര​ത്തോ​ളം പണമു​ണ്ടെ​ന്ന​തി​നെ ആശ്രയി​ച്ചി​രി​ക്കു​ന്നു. പണവും സമയവും ലാഭി​ക്കാ​നാ​യി വികസ്വര രാജ്യ​ങ്ങ​ളി​ലെ ആളുകൾ ഡോക്ടർമാ​രെ മറിക​ടന്ന്‌, നിയമാ​നു​സൃ​ത​മാ​യി കുറി​പ്പു​വേണ്ട ഔഷധങ്ങൾ വാങ്ങാൻ നേരെ ഔഷധ​ശാ​ല​ക​ളി​ലേക്കു പോകു​ന്നു. തങ്ങൾ മുമ്പ്‌ ആ ഔഷധം ഉപയോ​ഗി​ച്ചു​ട്ടു​ള്ള​തു​കൊ​ണ്ടോ സുഹൃ​ത്തു​ക്കൾ ശുപാർശ ചെയ്‌തി​രി​ക്കു​ന്ന​തു​കൊ​ണ്ടോ തങ്ങളുടെ അസുഖ​ത്തി​നു​വേ​ണ്ടത്‌ എന്തെന്ന്‌ അവർക്ക്‌ അറിയാം. എന്നാൽ അവർ വാങ്ങാൻ ആഗ്രഹി​ക്കു​ന്നത്‌ അവർക്ക്‌ ആവശ്യ​മു​ള്ള​താ​യി​രി​ക്ക​ണ​മെ​ന്നില്ല.

മറ്റു വിധങ്ങ​ളി​ലും പണം ലാഭി​ക്കാൻ ആളുകൾ ശ്രമി​ക്കു​ന്നു. ലബോ​റ​ട്ടറി പരി​ശോ​ധ​ന​യ്‌ക്കു വിധേ​യ​മാ​ക്കി​യ​ശേഷം ഡോക്ടർ ഒരു പ്രത്യേക മരുന്നു കുറി​ച്ചു​കൊ​ടു​ത്തു​വെ​ന്നി​രി​ക്കട്ടെ. കുറി​പ്പും​കൊണ്ട്‌ ഔഷധ​ശാ​ല​യി​ലേക്കു ചെന്ന​പ്പോൾ വില കൂടു​ത​ലാ​ണെന്നു രോഗി കണ്ടെത്തു​ന്നു. അങ്ങനെ, ആവശ്യ​മായ പണത്തി​നാ​യി ശ്രമി​ക്കു​ന്ന​തി​നു​പ​കരം ആളുകൾ പലപ്പോ​ഴും വിലകു​റഞ്ഞ ഔഷധ​ങ്ങ​ളോ കുറി​ച്ചു​കൊ​ടു​ത്തി​രി​ക്കു​ന്ന​തിൽ ചില മരുന്നു​കൾ മാത്ര​മോ വാങ്ങുന്നു.

നിങ്ങൾക്കു യഥാർഥ​ത്തിൽ ഔഷധം ആവശ്യ​മോ?

നിങ്ങൾക്കു യഥാർഥ​ത്തിൽ മരുന്ന്‌ ആവശ്യ​മാ​ണെ​ങ്കിൽ നിങ്ങൾ കഴിക്കുന്ന മരുന്ന്‌ ഏതാ​ണെന്നു കണ്ടുപി​ടി​ക്കുക. കുറി​ച്ചു​ത​ന്നി​രി​ക്കുന്ന മരുന്നി​നെ​ക്കു​റി​ച്ചു ഡോക്ട​റോ​ടോ മരു​ന്നെ​ടു​ത്തു​ത​രുന്ന ആളോ​ടോ ചോദി​ക്കു​ന്ന​തിൽ ജാള്യം തോ​ന്നേ​ണ്ട​തില്ല. നിങ്ങൾക്ക്‌ അതറി​യാൻ അവകാ​ശ​മുണ്ട്‌. എന്തൊ​ക്കെ​യാ​യാ​ലും, യാതന അനുഭ​വി​ച്ചേ​ക്കാ​വു​ന്നതു നിങ്ങളു​ടെ ശരീര​മാ​ണ​ല്ലോ.

ഔഷധങ്ങൾ ശരിയാ​യി ഉപയോ​ഗി​ക്കു​ന്നി​ല്ലെ​ങ്കിൽ നിങ്ങൾ സുഖം പ്രാപി​ക്കാ​തെ വന്നേക്കാം. എത്രമാ​ത്രം, എപ്പോൾ, എത്രനാ​ള​ത്തേക്ക്‌, കഴിക്ക​ണ​മെ​ന്നതു നിങ്ങൾ അറിഞ്ഞി​രി​ക്കണം. മാത്രമല്ല, അതു കഴിക്കു​മ്പോൾ ഏതെല്ലാം ഭക്ഷണപാ​നീ​യ​ങ്ങ​ളും മറ്റ്‌ ഔഷധ​ങ്ങ​ളും അല്ലെങ്കിൽ പ്രവർത്ത​ന​ങ്ങ​ളും ഒഴിവാ​ക്കേ​ണ്ട​തു​ണ്ടെ​ന്നും നിങ്ങൾ അറിഞ്ഞി​രി​ക്കണം. കൂടാതെ, സാധ്യ​ത​യുള്ള പാർശ്വ​ഫ​ല​ങ്ങ​ളെ​ക്കു​റി​ച്ചും അവ ഉളവാ​യാൽ എന്തു ചെയ്യണ​മെ​ന്ന​തി​നെ​ക്കു​റി​ച്ചും നിങ്ങൾ ബോധ​വാ​നാ​യി​രി​ക്കണം.

വൈദ്യ​ശാ​സ്‌ത്ര​പ​ര​മായ എല്ലാ പ്രശ്‌ന​ങ്ങൾക്കും ഔഷധങ്ങൾ ഉത്തരം നൽകു​ക​യി​ല്ലെ​ന്നു​ള്ള​തും മനസ്സിൽ പിടി​ക്കുക. നിങ്ങൾക്ക്‌ ഔഷധ​ങ്ങളേ ആവശ്യ​മി​ല്ലാ​യി​രി​ക്കാം. ഒരു ഡബ്ലിയു​എച്ച്‌ഒ പ്രസി​ദ്ധീ​ക​ര​ണ​മായ വേൾഡ്‌ ഹെൽത്ത്‌ മാഗസിൻ പറയുന്നു: “ആവശ്യ​മു​ള്ള​പ്പോൾ മാത്രം മരുന്നു കഴിക്കുക. ഒരു വ്യക്തിയെ സുഖ​പ്പെ​ടു​ത്താൻ വിശ്ര​മ​വും നല്ല ഭക്ഷണവും ധാരാളം പാനീ​യ​വും മാത്രം മതിയാ​കും.”

[12-ാം പേജിലെ ചതുരം/ചിത്രം]

“ആയിരം അസുഖ​ത്തിന്‌ ആയിരം ചികി​ത്സാ​മു​റകൾ വേണം,” ഏതാണ്ട്‌ 2,000 വർഷം മുമ്പ്‌ ഒരു റോമൻ കവി എഴുതി. ഇന്നായി​രു​ന്നെ​ങ്കിൽ, ‘ആയിരം അസുഖ​ങ്ങൾക്ക്‌ ആയിരം ഗുളി​കകൾ വേണം’ എന്ന്‌ ആ കവി എഴുതു​മാ​യി​രു​ന്നു! തീർച്ച​യാ​യും യഥാർഥ​മോ സാങ്കൽപ്പി​ക​മോ ആയ എല്ലാ അസുഖ​ത്തി​നും ഓരോ ഗുളി​ക​യു​ള്ള​താ​യി തോന്നു​ന്നു. ലോക ബാങ്ക്‌ പറയു​ന്ന​ത​നു​സ​രിച്ച്‌, ലോക​വ്യാ​പ​ക​മാ​യി 5,000 ഉത്തേജിത വസ്‌തു​ക്ക​ളിൽനി​ന്നു നിർമിച്ച ഏതാണ്ട്‌ 1,00,000 ഔഷധ​ങ്ങ​ളുണ്ട്‌.

[13-ാം പേജിലെ ചതുരം/ചിത്രം]

ഔഷധങ്ങളുടെ ബോധ​പൂർവ​മായ ഉപയോ​ഗം

1. കാലാ​വധി തീർന്ന ഔഷധങ്ങൾ ഉപയോ​ഗി​ക്കാ​തി​രി​ക്കുക.

2. സത്‌കീർത്തി​യുള്ള ഒരിട​ത്തു​നി​ന്നു വാങ്ങുക. തെരുവു വിൽപ്പ​ന​ക്കാ​രു​ടെ പക്കൽനി​ന്നു വാങ്ങാ​തി​രി​ക്കുക.

3. നിർദേ​ശങ്ങൾ മനസ്സി​ലാ​യെ​ന്നും പിൻപ​റ്റു​ന്നു​വെ​ന്നും ഉറപ്പു​വ​രു​ത്തുക.

4. മറ്റൊ​രാൾക്കു കുറി​ച്ചു​കൊ​ടുത്ത ഔഷധങ്ങൾ ഉപയോ​ഗി​ക്കാ​തി​രി​ക്കുക.

5. കുത്തി​വെ​പ്പി​നാ​യി നിർബന്ധം പിടി​ക്ക​രുത്‌. വായി​ലൂ​ടെ കഴിക്കുന്ന മരുന്നു​ക​ളും ഒരു​പോ​ലെ പ്രയോ​ജനം ചെയ്യും.

6. മരുന്നു​കൾ തണുപ്പുള്ള, കുട്ടി​കൾക്കു കൈ​യെ​ത്താത്ത ഇടങ്ങളിൽ വെക്കുക.