യുവജ​നങ്ങൾ ചോദി​ക്കു​ന്നു . . .

മോശ​മായ കാര്യങ്ങൾ സംഭവി​ക്കാൻ ദൈവം അനുവ​ദി​ക്കു​ന്ന​തെ​ന്തു​കൊണ്ട്‌?

സ്വരാ​ജ്യത്ത—മുമ്പ്‌ യുഗോ​സ്ലാ​വിയ എന്നറി​യ​പ്പെ​ട്ടി​രുന്ന രാജ്യത്ത്‌—യുദ്ധം പൊട്ടി​പ്പു​റ​പ്പെ​ട്ട​പ്പോൾ ലിഡ്യ വെറു​മൊ​രു കൗമാ​ര​പ്രാ​യ​ക്കാ​രി​യാ​യി​രു​ന്നു. “അനേകം ദിനരാ​ത്രങ്ങൾ ഞാൻ വെളി​ച്ച​മി​ല്ലാത്ത ഒരു സങ്കേത​ത്തിൽ ചെലവ​ഴി​ച്ചു,” അവൾ അനുസ്‌മ​രി​ക്കു​ന്നു. “കൊല്ല​പ്പെ​ടു​മെന്ന്‌ അറിയാ​മാ​യി​രു​ന്നെ​ങ്കി​ലും പലപ്പോ​ഴും എനിക്കു പുറ​ത്തേക്ക്‌ ഓടി​പ്പോ​കാൻ തോന്നി​യ​താണ്‌! യുദ്ധത്തി​നു മുമ്പ്‌ ഒന്നിനും കുറവി​ല്ലാ​യി​രു​ന്നു. പക്ഷേ, ഇപ്പോൾ ജീവി​ച്ചി​രി​ക്കു​ക​യെ​ങ്കി​ലും ചെയ്യു​ന്ന​ല്ലോ എന്ന സന്തോ​ഷ​മാണ്‌.”

യുദ്ധം നിമി​ത്ത​മുള്ള സമ്മർദ​ങ്ങ​ളും പിരി​മു​റ​ക്ക​ങ്ങ​ളും ലിഡ്യ​യു​ടെ ആത്മീയ​തയെ പ്രതി​കൂ​ല​മാ​യി ബാധിച്ചു. അവൾ പറയുന്നു: “ആഴ്‌ച​ക​ളോ​ളം ഞങ്ങൾക്കു പ്രസം​ഗ​വേ​ല​യ്‌ക്കോ യോഗ​ങ്ങൾക്കോ പോകാൻ കഴിഞ്ഞില്ല. യഹോവ ഞങ്ങളെ അവഗണി​ക്കു​ക​യാ​ണെന്ന്‌ എനിക്കു ശരിക്കും തോന്നി. ‘എന്തു​കൊ​ണ്ടാണ്‌ അവൻ ഇപ്പോൾ ഞങ്ങളെ സഹായി​ക്കാ​ത്തത്‌?’ ഞാൻ എന്നോ​ടു​തന്നെ ചോദി​ക്കു​മാ​യി​രു​ന്നു.”

യുദ്ധങ്ങൾ, കുറ്റകൃ​ത്യ​ങ്ങൾ, അക്രമങ്ങൾ, രോഗങ്ങൾ, വിപത്തു​കൾ, അത്യാ​ഹി​തങ്ങൾ—ഇങ്ങനെ​യുള്ള മോശ​മായ കാര്യങ്ങൾ ചെറിയ കുട്ടി​കൾക്കു​പോ​ലും സംഭവി​ച്ചേ​ക്കാം. ദുരന്തങ്ങൾ ഒരുവനെ വ്യക്തി​പ​ര​മാ​യി ബാധി​ക്കു​മ്പോൾ നിങ്ങൾ സ്വാഭാ​വി​ക​മാ​യും ചോദി​ച്ചേ​ക്കാം, ‘ഇത്തരം മോശ​മായ കാര്യങ്ങൾ സംഭവി​ക്കാൻ ദൈവം അനുവ​ദി​ക്കു​ന്ന​തെ​ന്തു​കൊ​ണ്ടാണ്‌?’

പണ്ടുകാ​ല​ത്തെ, ദൈവ​ത്തി​ന്റെ ആളുകൾ അത്തരം ചോദ്യ​ങ്ങൾ ചോദി​ച്ചു. ഉദാഹ​ര​ണ​ത്തിന്‌, പ്രവാ​ച​ക​നായ ഹബക്കൂക്‌ ദൈവ​ജ​ന​ത്തി​ന്റെ ഇടയിൽ നിലവി​ലി​രുന്ന ഹീനമായ കാര്യങ്ങൾ കണ്ടപ്പോൾ വിലപി​ച്ചു: “യഹോവേ, എത്ര​ത്തോ​ളം ഞാൻ അയ്യം വിളി​ക്ക​യും നീ കേൾക്കാ​തി​രി​ക്ക​യും ചെയ്യും? സാഹസം​നി​മി​ത്തം ഞാൻ എത്ര​ത്തോ​ളം നിന്നോ​ടു നിലവി​ളി​ക്ക​യും നീ രക്ഷിക്കാ​തി​രി​ക്ക​യും ചെയ്യും? നീ എന്നെ നീതി​കേടു കാണു​മാ​റാ​ക്കു​ന്ന​തും പീഡനം വെറുതെ നോക്കു​ന്ന​തും എന്തിനു?” (ഹബക്കൂക്‌ 1:2, 3) ഇന്നു ചില ക്രിസ്‌തീയ യുവജ​ന​ങ്ങ​ളും ഇത്തരം വൈകാ​രിക ക്ലേശം അനുഭ​വി​ക്കു​ന്നു.

തന്റെ പിതാ​വി​ന്റെ അവിചാ​രി​ത​മായ മരണത്തി​നു​ശേഷം ഒരു യുവ ക്രിസ്‌ത്യാ​നി​ക്കു​ണ്ടായ തോന്നൽ പരിചി​ന്തി​ക്കുക. അവൾ പറയുന്നു: “എനിക്കു ഭ്രാന്തു പിടി​ച്ച​തു​പോ​ലെ​യാ​യി, ജന്നലി​ലൂ​ടെ പുറ​ത്തേക്കു നോക്കി ഞാൻ അലറി​വി​ളി​ച്ചു, യഹോ​വ​യോട്‌ ആക്രോ​ശി​ച്ചു. . . . എല്ലാറ്റി​നും ഞാൻ അവനെ കുറ്റ​പ്പെ​ടു​ത്തി. ഇതു സംഭവി​ക്കാൻ പാടു​ള്ള​താ​യി​രു​ന്നോ? ഡാഡി വളരെ നല്ല ഒരു പിതാ​വും സ്‌നേ​ഹ​നി​ധി​യായ ഒരു ഭർത്താ​വു​മാ​യി​രു​ന്നു. ഇപ്പോൾ ഇങ്ങനെ സംഭവി​ച്ചി​രി​ക്കു​ന്നു—യഹോവ ഞങ്ങളെ​ക്കു​റി​ച്ചു കരുതു​ന്നി​ല്ലേ?” ഇത്തര​മൊ​രു സാഹച​ര്യ​ത്തിൽ ചില ആശയക്കു​ഴ​പ്പങ്ങൾ തോന്നു​ന്നത്‌, വ്രണി​ത​രാ​കു​ന്നത്‌ അല്ലെങ്കിൽ ദേഷ്യം തോന്നു​ന്നത്‌ സ്വാഭാ​വി​കം മാത്ര​മാണ്‌. ദുഷ്ടത നിലനിൽക്കാൻ അനുവ​ദി​ക്ക​പ്പെ​ട്ട​തിൽ വിശ്വസ്‌ത പ്രവാ​ച​ക​നായ ഹബക്കൂ​ക്കി​നും മുഷിവു തോന്നി​യെന്ന്‌ ഓർക്കുക. എങ്കിലും, ഒരു വ്യക്തി പാരു​ഷ്യ​ത്തി​ന്റേ​തായ തോന്ന​ലു​കളെ ഊട്ടി​വ​ളർത്തു​ന്നു​വെ​ങ്കിൽ അത്‌ അപകട​മാണ്‌. അവൻ ‘യഹോ​വ​യോ​ടു​തന്നെ മുഷി’ഞ്ഞേക്കാം.—സദൃശ​വാ​ക്യ​ങ്ങൾ 19:3.

വിദ്വേ​ഷ​ത്തി​ന്റെ​യും പാരു​ഷ്യ​ത്തി​ന്റെ​യും തോന്ന​ലു​കൾക്ക്‌ അടി​പ്പെ​ടു​ന്നതു നിങ്ങൾക്ക്‌ എങ്ങനെ ഒഴിവാ​ക്കാം? ആദ്യമാ​യി, ദുഷ്ടത എവി​ടെ​നി​ന്നു വരുന്നു​വെന്നു നിങ്ങൾ മനസ്സി​ലാ​ക്കണം.

മോശ​മായ കാര്യങ്ങൾ ദൈവ​ത്തിൽനി​ന്നു വരുന്നില്ല

നാം ഇതു​പോ​ലെ യാതന അനുഭ​വി​ക്കാൻ ദൈവം ഉദ്ദേശി​ച്ചി​രു​ന്നി​ല്ലെന്ന ബൈബിൾ വ്യക്തമാ​ക്കു​ന്നു. ആദിമ ദമ്പതി​കളെ അവൻ വേദന​യിൽനി​ന്നും കഷ്ടപ്പാ​ടിൽനി​ന്നും വിമു​ക്ത​മായ ഒരു പറുദീ​സാ​ഭ​വ​ന​ത്തി​ലാ​ക്കി. (ഉല്‌പത്തി 1:28) കാര്യങ്ങൾ തെറ്റി​പ്പോ​യത്‌ എങ്ങനെ​യെന്നു നിങ്ങൾക്ക നന്നായി​ട്ട​റി​യാ​മെ​ന്ന​തിൽ സംശയ​മില്ല: പിശാ​ചെ​ന്നും സാത്താ​നെ​ന്നും പേരുവന്ന ഒരു അദൃശ്യ ആത്മജീവി ദൈവ​ത്തോട്‌ അനുസ​ര​ണ​ക്കേടു കാട്ടാൻ ആദാമി​നെ​യും ഹവ്വാ​യെ​യും പ്രേരി​പ്പി​ച്ചു. (ഉല്‌പത്തി 3-ാം അധ്യായം; വെളി​പ്പാ​ടു 12:9) ഇങ്ങനെ ചെയ്യു​ക​വഴി ആദാം തന്റെ സന്താന​ങ്ങ​ളെ​യെ​ല്ലാം പാപത്തി​ലേ​ക്കും വിനാ​ശ​ക​ര​മായ അതിന്റെ ഫലങ്ങളി​ലേ​ക്കും തള്ളിയി​ട്ടു.—റോമർ 5:12.

വ്യക്തമാ​യും, മനുഷ്യ​വർഗ​ത്തി​ന്റെ​മേൽ ദുഷ്ടത വരുത്തി​വെ​ച്ചതു ദൈവമല്ല, മനുഷ്യൻ തന്നെയാണ്‌. (ആവർത്ത​ന​പു​സ്‌തകം 32:5; സഭാ​പ്ര​സം​ഗി 7:29) തീർച്ച​യാ​യും, ആളുകൾ ഇന്ന്‌ അനുഭ​വി​ക്കുന്ന മോശ​മായ കാര്യങ്ങൾ എല്ലാം—രോഗം, മരണം, യുദ്ധങ്ങൾ, അനീതി​കൾ എന്നിവ—ആദാമി​ന്റെ മനപ്പൂർവ അനുസ​ര​ണ​ക്കേ​ടിൽനിന്ന്‌ ഉളവാ​യ​താണ്‌. എന്നുമാ​ത്രമല്ല, “കാലവും മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങളു”മെന്നു ബൈബിൾ വിളി​ക്കുന്ന കാര്യ​ങ്ങൾക്കു നമ്മളെ​ല്ലാ​വ​രും വിധേ​യ​രാണ്‌. (സഭാ​പ്ര​സം​ഗി 9:11, NW) ദുഷ്ടന്മാർക്കും നീതി​മാ​ന്മാർക്കും ആകസ്‌മി​ക​മായ അത്യാ​ഹി​ത​ങ്ങ​ളും ദുരന്ത​ങ്ങ​ളും സംഭവി​ക്കു​ന്നു.

ദൈവം ദുഷ്ടത അനുവ​ദി​ച്ചി​രി​ക്കു​ന്നത്‌

ദുഷ്ടത​യു​ടെ ഉറവിടം ദൈവ​മ​ല്ലെന്ന്‌ അറിയു​ന്നത്‌ ആശ്വാ​സ​ദാ​യ​ക​മാ​ണെ​ങ്കി​ലും നിങ്ങൾ ചിന്തി​ച്ചേ​ക്കാം, ‘ദുഷ്ടത തുടരാൻ അവൻ അനുവ​ദി​ക്കു​ന്നത്‌ എന്തു​കൊ​ണ്ടാണ്‌?’ ഏദെനിൽ ഉന്നയി​ക്ക​പ്പെട്ട വാദവി​ഷ​യ​ത്തോട്‌ ഇതു വീണ്ടും ബന്ധപ്പെ​ട്ടി​രി​ക്കു​ന്നു. അനുസ​ര​ണ​ക്കേടു കാട്ടി​യാൽ അവൻ മരിക്കു​മെന്നു ദൈവം ആദാമി​നോ​ടു പറഞ്ഞി​രു​ന്നു. (ഉല്‌പത്തി 2:17) എന്നാൽ, വിലക്ക​പ്പെട്ട വൃക്ഷത്തിൽനി​ന്നു ഭക്ഷിക്കു​ക​യാ​ണെ​ങ്കിൽ മരിക്കു​ക​യി​ല്ലെന്ന്‌ പിശാച്‌ ഹവ്വാ​യോ​ടു പറഞ്ഞു! (ഉല്‌പത്തി 3:1-5) ഫലത്തിൽ, സാത്താൻ ദൈവത്തെ നുണയൻ എന്നു വിളിച്ചു. ഇതിനു​പു​റമേ, എന്തെല്ലാം ചെയ്യണ​മെന്നു ദൈവം പറയേ​ണ്ട​തി​ല്ലാ​തെ മനുഷ്യൻ തന്നെത്താൻ തീരു​മാ​നങ്ങൾ എടുക്കു​ക​യാ​ണെ​ങ്കിൽ അവനു കൂടുതൽ പ്രയോ​ജ​ന​ങ്ങ​ളു​ണ്ടാ​കു​മെ​ന്നും സാത്താൻ സൂചി​പ്പി​ച്ചു!

ഈ ആരോ​പ​ണങ്ങൾ അവഗണി​ക്കാൻ ദൈവ​ത്തി​നാ​കു​മാ​യി​രു​ന്നില്ല. ഒരു സഹപാഠി അധ്യാ​പ​കന്റെ അധികാ​രത്തെ വെല്ലു​വി​ളി​ക്കു​ന്നതു നിങ്ങൾ എപ്പോ​ഴെ​ങ്കി​ലും കണ്ടിട്ടു​ണ്ടോ? അധ്യാ​പകൻ അവനെ ശിക്ഷി​ക്കാ​തെ വിട്ടാൽ മറ്റു കുട്ടി​ക​ളും വികൃതി കാട്ടാൻ തുടങ്ങും. അതു​പോ​ലെ​തന്നെ, യഹോവ സാത്താന്റെ വെല്ലു​വി​ളി നേരി​ട്ടി​ല്ലെ​ങ്കിൽ സാർവ​ത്രിക കുഴപ്പം പൊട്ടി​പ്പു​റ​പ്പെ​ടു​മാ​യി​രു​ന്നു. സാത്താന്റെ വഴിയി​ലൂ​ടെ കാര്യങ്ങൾ ചെയ്യാൻ മനുഷ്യ​നെ അനുവ​ദി​ച്ചു​കൊ​ണ്ടാ​ണു യഹോവ അങ്ങനെ ചെയ്‌തത്‌. സാത്താൻ വാഗ്‌ദാ​നം ചെയ്‌ത ദൈവ​സ​മാ​ന​മായ സ്വാത​ന്ത്ര്യം മനുഷ്യൻ ആസ്വദി​ക്കു​ന്നു​ണ്ടോ? ഇല്ല. സാത്താന്റെ ഭരണം വേദന​യും ദുരി​ത​വും കൈവ​രു​ത്തി​യി​രി​ക്കു​ന്നു. അങ്ങനെ അവൻ ദുഷ്ടനായ ഒരു നുണയ​നാ​ണെന്നു തെളി​ഞ്ഞി​രി​ക്കു​ന്നു!

ദുഷ്ടത എന്നേക്കും തുടരാൻ ദൈവം അനുവ​ദി​ക്കു​മോ? ഇല്ല. സാത്താൻ ഉന്നയി​ച്ചി​രി​ക്കുന്ന വാദവി​ഷ​യ​ങ്ങൾക്കു തീർപ്പു​കൽപ്പി​ക്കു​ന്ന​തിന്‌ ദൈവം ദുഷ്ടത​ക്കെ​ല്ലാം താമസി​യാ​തെ അറുതി​വ​രു​ത്തും. (സങ്കീർത്തനം 37:10) പക്ഷേ, അതിനി​ട​യിൽ നമ്മൾ സന്ദർഭ​ത്തി​നൊ​ത്ത​വണ്ണം എങ്ങനെ കരുത​ലോ​ടെ പെരു​മാ​റും?

നിങ്ങൾ ഉൾപ്പെ​ട്ടി​രി​ക്കുന്ന ഒരു വാദവി​ഷ​യം

ദൈവ​വും സാത്താ​നും തമ്മിലുള്ള ഈ വാദവി​ഷ​യ​ത്തിൽ നിങ്ങൾ ഉൾപ്പെ​ട്ടി​രി​ക്കു​ന്നു​വെന്ന്‌ ആദ്യം​തന്നെ മനസ്സി​ലാ​ക്കുക! എങ്ങനെ? ഇയ്യോബ്‌ എന്ന നീതി​മാ​നായ മനുഷ്യ​ന്റെ പേർ ശീർഷ​ക​മാ​യി എഴുത​പ്പെ​ട്ടി​രി​ക്കുന്ന ബൈബിൾ പുസ്‌ത​ക​ത്തെ​ക്കു​റി​ച്ചു പരിചി​ന്തി​ക്കുക. വിശ്വസ്‌ത ആരാധ​ക​നുള്ള ഉദാഹ​ര​ണ​മെന്ന നിലയിൽ ദൈവം ഇയ്യോ​ബി​നെ ചൂണ്ടി​ക്കാ​ട്ടി​യ​പ്പോൾ സാത്താൻ ഈ വിധത്തിൽ പ്രതി​ക​രി​ച്ചു: “ഒരു പ്രയോ​ജ​ന​വും ലഭിക്കാ​തെ ഇയ്യോബ്‌ നിന്നെ ആരാധി​ക്കു​മോ?” (ഇയ്യോബ്‌ 1:9, ടുഡേ​യ്‌സ്‌ ഇംഗ്ലീഷ്‌ വേർഷൻ) തീർച്ച​യാ​യും, സമ്മർദം ചെലു​ത്താൻ തന്നെ അനുവ​ദി​ച്ചാൽ ദൈവത്തെ സേവി​ക്കു​ന്ന​തിൽനിന്ന്‌ ഏതു മനുഷ്യ​നെ​യും തനിക്കു പിന്തി​രി​പ്പി​ക്കാൻ കഴിയു​മെന്നു സാത്താൻ വാദിച്ചു!—ഇയ്യോബ്‌ 2:4, 5.

അതു​കൊണ്ട്‌, ദൈവ​ഭ​ക്ത​രായ എല്ലാ ആളുക​ളെ​യും സാത്താൻ ദുഷി​ച്ചി​രി​ക്കു​ന്നു. അവൻ നിങ്ങളെ ദുഷി​ച്ചി​രി​ക്കു​ന്നു. എന്നാൽ, സദൃശ​വാ​ക്യ​ങ്ങൾ 27:11 ഇപ്രകാ​രം പറയുന്നു: “മകനേ, എന്നെ നിന്ദി​ക്കു​ന്ന​വ​നോ​ടു ഞാൻ ഉത്തരം പറയേ​ണ്ട​തി​ന്നു നീ ജ്ഞാനി​യാ​യി എന്റെ ഹൃദയത്തെ സന്തോ​ഷി​പ്പിക്ക.” അതേ, വേദനാ​ജ​ന​ക​മായ ബുദ്ധി​മു​ട്ടു​ക​ളു​ണ്ടെ​ങ്കി​ലും നിങ്ങൾ ദൈവത്തെ സേവി​ക്കു​മ്പോൾ സാത്താൻ ഒരു നുണയ​നാ​ണെന്നു തെളി​യി​ക്കാൻ നിങ്ങൾ വാസ്‌ത​വ​ത്തിൽ സഹായി​ക്കു​ക​യാ​ണു ചെയ്യു​ന്നത്‌!

മോശ​മാ​യ കാര്യങ്ങൾ നേരി​ടു​മ്പോൾ ഉൾപ്പെ​ട്ടി​രി​ക്കുന്ന വാദവി​ഷ​യ​ങ്ങ​ളെ​ക്കു​റി​ച്ചു ചിന്തി​ക്കു​ന്ന​തൊ​ന്നും എളുപ്പ​മ​ല്ലെന്നു സമ്മതി​ക്കു​ന്നു. അമ്മ മരിക്കു​മ്പോൾ വെറും പത്തു വയസ്സു​ണ്ടാ​യി​രുന്ന ഡൈയാൻ പറയുന്നു: “എന്റെ ജീവി​ത​ത്തി​ലു​ണ്ടാ​യി​ട്ടുള്ള പരി​ശോ​ധ​നകൾ നിമിത്തം ഞാൻ തഴമ്പിച്ച ഹൃദയ​മു​ള്ള​വ​ളും പരുഷ​സ്വ​ഭാ​വ​മു​ള്ള​വ​ളും ആയി​പ്പോ​കു​മോ എന്നു ഞാൻ ഭയന്നു.” എന്നാൽ, ദൈവം ദുഷ്ടത അനുവ​ദി​ച്ചി​രി​ക്കു​ന്ന​തി​ന്റെ കാരണത്തെ സംബന്ധിച്ച അറിവ്‌, തന്റെ പ്രശ്‌ന​ങ്ങ​ളെ​ക്കു​റിച്ച്‌ ഉചിത​മായ ഒരു വീക്ഷണ​മു​ണ്ടാ​യി​രി​ക്കാൻ അവളെ സഹായി​ച്ചി​രി​ക്കു​ന്നു. അവൾ ഇപ്പോൾ പറയു​ന്നത്‌ ഇങ്ങനെ​യാണ്‌: “കൈകാ​ര്യം ചെയ്യാൻ പ്രയാ​സ​ക​ര​മായ കാര്യങ്ങൾ എന്റെ ജീവി​ത​ത്തി​ലു​ണ്ടെ​ങ്കി​ലും യഹോ​വ​യു​ടെ കരങ്ങൾ എപ്പോ​ഴും എന്റെ കൂടെ​യു​ണ്ടാ​യി​രു​ന്നി​ട്ടുണ്ട്‌.”

സുപ്ര​ധാ​ന​മാ​യ ഒരു യാഥാർഥ്യം ഡൈയാൻ നമ്മെ ഓർമി​പ്പി​ക്കു​ന്നു: ഈ സമ്മർദങ്ങൾ നാം തന്നെത്താൻ തരണം ചെയ്യാൻ ദൈവം പ്രതീ​ക്ഷി​ക്കു​ന്നില്ല. സങ്കീർത്തനം 55:22 നമുക്ക്‌ ഈ ഉറപ്പു നൽകുന്നു: “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.” ഇളം​പ്രാ​യ​ക്കാ​രി​യായ കോ​ട്ടോ​യോ ഇതു സത്യമാ​ണെന്നു കണ്ടെത്തി. 1995-ൽ, ജപ്പാനി​ലെ കോ​ബെ​യി​ലു​ണ്ടായ ഭൂകമ്പ​ത്തിൽ മാതാ​പി​താ​ക്കൾ മരണമ​ട​ഞ്ഞ​പ്പോൾ അവളുടെ അവസ്ഥ പരിതാ​പ​ക​ര​മാ​യി. തന്നെയും തന്റെ കൂടപ്പി​റ​പ്പു​ക​ളെ​യും സംബന്ധിച്ച്‌ അവൾ ഇപ്രകാ​രം പറയുന്നു: “യഹോ​വ​യിൽ ആശ്രയി​ക്കാൻ അമ്മ ഞങ്ങളെ പഠിപ്പി​ച്ചി​രി​ക്കു​ന്ന​തു​കൊ​ണ്ടു ഞങ്ങൾക്കു സഹിച്ചു​നിൽക്കാൻ സാധി​ക്കും.”

ആരംഭ​ത്തിൽ പ്രതി​പാ​ദി​ച്ചി​രുന്ന ആ കൊച്ചു പെൺകു​ട്ടി ലിഡ്യ​യു​ടെ കാര്യ​മോ? യഹോവ അവളെ ഉപേക്ഷി​ച്ചി​ട്ടേ​യി​ല്ലെന്നു ക്രമേണ അവൾക്കു മനസ്സി​ലാ​യി. അവൾ ഇപ്പോൾ പറയു​ന്നത്‌ ഇങ്ങനെ​യാണ്‌: “എപ്പോ​ഴും യഹോവ ഞങ്ങളോ​ടൊ​പ്പ​മു​ണ്ടാ​യി​രു​ന്നു. അവൻ ഞങ്ങളെ വഴിന​ട​ത്തു​ക​യും ഞങ്ങളുടെ കാലടി​കളെ നയിക്കു​ക​യും ചെയ്‌തു.”

യഹോവ—കരുത​ലുള്ള സ്‌നേ​ഹ​വാ​നായ ഒരു ദൈവം

മോശ​മായ കാര്യങ്ങൾ സംഭവി​ക്കു​മ്പോൾ ദൈവ​ത്തിൽനി​ന്നുള്ള സഹായം നിങ്ങൾക്കും അനുഭ​വി​ച്ച​റി​യാൻ സാധി​ക്കും. എന്തു​കൊണ്ട്‌? കാരണം, അവൻ നിങ്ങൾക്കാ​യി കരുതു​ന്നു! നല്ലയാ​ളു​കൾക്കും മോശ​മായ കാര്യങ്ങൾ സംഭവി​ക്കാൻ അവൻ അനുവ​ദി​ക്കു​ന്നെ​ങ്കി​ലും സ്‌നേ​ഹ​പു​ര​സ്സ​ര​മായ ആശ്വാ​സ​വും അവൻ പ്രദാനം ചെയ്യുന്നു. (2 കൊരി​ന്ത്യർ 1:3, 4) അവൻ ഇതു ചെയ്യുന്ന ഒരു വിധം ക്രിസ്‌തീയ സഭയി​ലൂ​ടെ​യാണ്‌. വിഷമ​സ​ന്ധി​കൾ നേരി​ടു​മ്പോൾ നിങ്ങളെ ശക്തി​പ്പെ​ടു​ത്താൻ കഴിവുള്ള ‘സഹോ​ദ​ര​നെ​ക്കാ​ളും പററുള്ള സ്‌നേ​ഹി​ത​ന്മാ​രെ’ നിങ്ങൾക്ക്‌ അവിടെ കണ്ടെത്താൻ കഴിയു​ന്നു. (സദൃശ​വാ​ക്യ​ങ്ങൾ 18:24) കോ​ട്ടോ​യോ അനുസ്‌മ​രി​ക്കു​ന്നു: “ഭൂകമ്പം ഉണ്ടായ​തി​ന്റെ പിറ്റേ​ന്നു​മു​തൽ സഹോ​ദ​രങ്ങൾ ഒരുമി​ച്ചു​കൂ​ടി​യി​രുന്ന സ്ഥലത്തേക്കു ഞങ്ങൾ പോയി. പ്രോ​ത്സാ​ഹ​ന​വും ആവശ്യ​മായ വസ്‌തു​ക്ക​ളും ഞങ്ങൾക്കു ലഭിച്ചു. അതെനിക്ക്‌ സുരക്ഷി​ത​ത്വ​ബോ​ധം നൽകി. യഹോ​വ​യും സഹോ​ദ​ര​ങ്ങ​ളും നമുക്ക്‌ ഉള്ളട​ത്തോ​ളം കാലം എന്തും സഹിക്കാൻ കഴിയു​മെന്നു ഞാൻ കരുതു​ന്നു.”

യഹോ​വ​യ്‌ക്കു നിങ്ങളെ വ്യക്തി​പ​ര​മാ​യി അറിയാ​വു​ന്ന​തു​കൊണ്ട്‌ മോശ​മായ കാര്യങ്ങൾ സംഭവി​ക്കു​മ്പോൾ നിങ്ങളു​ടെ ആവശ്യ​ങ്ങൾക്കാ​യി കരുതാ​നും അവനു കഴിയും. ഇപ്രകാ​രം പറഞ്ഞു​കൊണ്ട്‌ തന്റെ പിതാ​വി​ന്റെ നഷ്ടത്തെ തരണം ചെയ്‌ത വിധ​ത്തെ​ക്കു​റിച്ച്‌ ഡാന്യൽ വ്യക്തമാ​ക്കു​ന്നു: “യഹോവ നിങ്ങൾക്കു പിതാ​വാ​യി​ത്തീ​രു​ന്നു. കൂടാതെ, അനുക​ര​ണീ​യ​രായ ആത്മീയ പുരു​ഷ​ന്മാ​രെ അവന്റെ സ്ഥാപനം പ്രദാനം ചെയ്യുന്നു. സ്വാഭാ​വി​ക​മാ​യും ഞാൻ എന്റെ ഡാഡി​യു​മാ​യി ചർച്ച ചെയ്യു​മാ​യി​രുന്ന ചോദ്യ​ങ്ങൾക്കുള്ള ഉത്തരങ്ങൾ യഹോവ എപ്പോ​ഴും പ്രദാനം ചെയ്‌തി​ട്ടുണ്ട്‌.” തന്റെ അമ്മയുടെ മരണ​ശേഷം ഡൈയാ​നും ഇത്തരത്തിൽ യഹോ​വ​യു​ടെ സ്‌നേ​ഹ​പു​ര​സ്സ​ര​മായ കരുതൽ അനുഭ​വി​ച്ച​റി​ഞ്ഞി​ട്ടുണ്ട്‌. അവൾ പറയുന്നു: “പ്രോ​ത്സാ​ഹ​ന​വും മാർഗ​നിർദേ​ശ​വും ബുദ്ധ്യു​പ​ദേ​ശ​വും പ്രദാനം ചെയ്‌ത, മുതിർന്ന പക്വത​യുള്ള വ്യക്തി​ക​ളി​ലൂ​ടെ അവൻ എന്നെ വഴിന​ട​ത്തു​ക​യും ഏതു നിരു​ത്സാ​ഹ​ത്തെ​യും തരണം ചെയ്യാൻ സഹായി​ക്കു​ക​യും ചെയ്‌തി​ട്ടുണ്ട്‌.”

തീർച്ച​യാ​യും, മോശ​മായ കാര്യങ്ങൾ അനുഭ​വ​പ്പെ​ടു​ന്നത്‌ ഒരിക്ക​ലും സുഖ​പ്ര​ദമല്ല. പക്ഷേ, ഇത്തരം കാര്യങ്ങൾ ദൈവം അനുവ​ദി​ക്കു​ന്ന​തി​നുള്ള കാരണങ്ങൾ അറിയു​ന്ന​തിൽനിന്ന്‌ ആശ്വാസം കൈ​ക്കൊ​ള്ളുക. ദൈവം താമസി​യാ​തെ പ്രശ്‌നം പരിഹ​രി​ക്കു​മെന്നു നിരന്തരം സ്വയം ഓർമ​പ്പെ​ടു​ത്തുക. എന്തിന്‌, നമ്മൾ അനുഭ​വി​ച്ചി​ട്ടുള്ള മോശ​മായ കാര്യ​ങ്ങ​ളു​ടെ എല്ലാ കണിക​യും ഒടുവിൽ തുടച്ചു​നീ​ക്ക​പ്പെ​ടും! (യെശയ്യാ​വു 65:17; 1 യോഹ​ന്നാൻ 3:8) പ്രശ്‌നങ്ങൾ തരണം ചെയ്യാൻ ദൈവം ചെയ്യുന്ന എല്ലാ ക്രമീ​ക​ര​ണ​ങ്ങ​ളിൽനി​ന്നും പ്രയോ​ജനം അനുഭ​വി​ക്കു​മ്പോൾതന്നെ സാത്താൻ ഒരു നുണയ​നാ​ണെന്നു തെളി​യി​ക്കാൻ തക്കവണ്ണം നിങ്ങളു​ടെ ഭാഗം നിങ്ങൾക്കു ചെയ്യാ​നാ​കും. തക്കസമ​യത്ത്‌, ‘ദൈവം നിങ്ങളു​ടെ കണ്ണിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും.’—വെളി​പ്പാ​ടു 21:3, 4.

[19-ാം പേജിലെ ചിത്രങ്ങൾ]

താമസിയാതെ യഹോവ മോശ​മായ കാര്യ​ങ്ങൾക്കെ​ല്ലാം അറുതി വരുത്തും