പെൺ മുഷ്‌ക​ര​സം​ഘങ്ങൾ—ഭീതി​ജ​ന​ക​മായ ഒരു പ്രവണത

“നിർദ​യ​രും പൊട്ടി​ത്തെ​റി​ക്കു​ന്ന​വ​രും മൃഗീ​യ​രും,” കാനഡ​യി​ലെ ഹൈസ്‌കൂ​ളു​ക​ളിൽ വേരുകൾ ഉറപ്പി​ച്ചി​രി​ക്കുന്ന പെൺകു​ട്ടി​ക​ളു​ടെ സംഘങ്ങളെ വർണി​ക്കാൻ ഗ്ലോബ്‌ ആൻഡ്‌ മെയിൽ ഉപയോ​ഗിച്ച വാക്കു​ക​ളാ​ണിവ. ആൺ സംഘങ്ങ​ളു​ടെ ഭാഗമാ​യി​രി​ക്കു​ന്നതു മടുത്തു​ക​ഴിഞ്ഞ പെൺകു​ട്ടി​കൾ തങ്ങളുടെ സ്വാത​ന്ത്ര്യ​ത്തി​നു​വേണ്ടി സ്വരമു​യർത്തു​ന്നതു വർധി​ച്ചു​വ​രു​ന്നു. യുവമു​ഷ്‌ക​ര​സം​ഘ​ങ്ങൾക്കാ​യുള്ള ഒരു ടൊ​റൊ​ന്റോ പൊലീസ്‌ കുറ്റാ​ന്വേ​ഷകൻ, പെൺകു​ട്ടി​കൾ “അക്രമാ​സ​ക്ത​മായ രീതി​യി​ലാ​ണു പ്രതി​ഷേ​ധി​ക്കു​ന്നത്‌” എന്നു പറഞ്ഞു. അവർക്ക്‌, “ആയുധ​ങ്ങ​ളും ‘സർവ’ ശക്തിയും പ്രയോ​ഗി​ക്കാ”നുള്ള ഒരു ആഗ്രഹ​മു​ണ്ടെ​ന്നും “തങ്ങളുടെ പുരുഷ പകർപ്പു​കളെ അപേക്ഷിച്ച്‌ അവർ മിക്ക​പ്പോ​ഴും കൂടുതൽ നിർദ​യ​രും അക്രമ​വാ​സ​ന​യു​ള്ള​വരു”മാണെ​ന്നും ഡോ. ഫ്രെഡ്‌ മാത്യൂസ്‌ ഗ്ലോബിൽ പറഞ്ഞു. കാരണം? ഒരു പൊലീസ്‌ കോൺസ്റ്റ​ബിൾ പറയു​ന്ന​ത​നു​സ​രിച്ച്‌, തങ്ങൾ “പിടി​ക്ക​പ്പെ​ട്ടാ​ലും കുറച്ചു​കാ​ല​ത്തേ​ക്കുള്ള ജയിൽശി​ക്ഷയേ ലഭിക്കു​ക​യു​ള്ളൂ” എന്ന അറിവ്‌ അധർമി​ക​ളായ യുവജ​ന​ങ്ങൾക്കി​ട​യിൽ പ്രചരി​ച്ചി​രി​ക്കു​ന്നു. “11 വയസ്സു മാത്രം പ്രായ​മുള്ള പെൺകു​ട്ടി​കൾ ചെറിയ കുറ്റകൃ​ത്യ​ങ്ങ​ളി​ലും ഹൈസ്‌കൂ​ളു​ക​ളി​ലുള്ള മയക്കു​മ​രുന്ന്‌, ആയുധ, കച്ചവട​ങ്ങ​ളി​ലും ഏർപ്പെ​ടുന്ന”തായി ഒരു പൊലീസ്‌ വക്താവ്‌ ഗ്ലോബി​നോ​ടു പറഞ്ഞു.

ഒരു മനശ്ശാ​സ്‌ത്ര​ജ്ഞ​നും ഇത്തരം അക്രമ​ങ്ങ​ളെ​ക്കു​റിച്ച്‌ ആധികാ​രി​ക​മാ​യി പറയാൻ കഴിവു​ള്ള​യാ​ളു​മായ ഡോ. മാത്യൂസ്‌ പത്തു വർഷത്തി​ലേറെ പെൺ സംഘങ്ങ​ളി​ലെ അംഗങ്ങ​ളു​മാ​യി അഭിമു​ഖം നടത്തി. “മോശ​മാ​യ​തും ക്രമം​കെ​ട്ട​തു​മായ കുടും​ബങ്ങൾ കാരണ​മാണ്‌ അവർ വിദ്വേ​ഷി​ക​ളും മത്സരി​ക​ളു​മാ​യ​തെന്ന്‌” കണ്ടെത്തി. ഇത്തരം യുവതി​കളെ സംഘങ്ങ​ളി​ലേക്ക്‌ ആകർഷി​ക്കു​ന്നത്‌ എന്താണ്‌? “ഒരു സമുദാ​യ​ത്തിൽ ഉൾപ്പെ​ട്ടി​രി​ക്കു​ന്ന​തി​ന്റെ സുരക്ഷി​ത​ത്വ​ബോ​ധം” സംഘങ്ങൾ നൽകു​ന്ന​താ​യി ഒരു മുൻ അംഗം പറയുന്നു. എങ്കിലും വർത്തമാ​ന​പ​ത്രം നടത്തിയ ഒരു അഭിമു​ഖ​ത്തിൽ, സംഘത്തിൽനി​ന്നു രക്ഷപ്പെ​ടാൻ രണ്ടു പ്രാവ​ശ്യം ആത്മഹത്യ​യ്‌ക്കു ശ്രമി​ച്ച​താ​യി അവൾ സമ്മതിച്ചു. കൂടാതെ അവൾ ഇങ്ങനെ​യും കൂട്ടി​ച്ചേർത്തു: “നഗരത്തി​ന്റെ പ്രാന്ത​പ്ര​ദേ​ശ​ങ്ങ​ളി​ലെ യാദൃ​ച്ഛിക മരണങ്ങൾ, ആത്മഹത്യ​കൾ എന്നൊക്കെ വിളി​ക്ക​പ്പെ​ടു​ന്നവ സംഘങ്ങൾ നടത്തുന്ന ഹത്യക​ള​ല്ലാ​തെ മറ്റൊ​ന്നു​മല്ല. ഒരു സംഘത്തി​ലാ​യി​രി​ക്കു​മ്പോൾ മറ്റു സംഘങ്ങ​ളു​ടെ ആക്രമ​ണ​ങ്ങ​ളിൽനി​ന്നു നിങ്ങൾ പരസ്‌പരം സംരക്ഷി​ക്കു​ന്നു. ആക്രമണം സംഘാം​ഗ​ങ്ങ​ളിൽനി​ന്നാ​കു​മ്പോൾ അതു സാധി​ക്കു​ക​യി​ല്ലെ​ന്ന​താ​ണു പ്രശ്‌നം.”

ഉത്‌ക​ണ്‌ഠാ​കു​ല​യായ ഒരു ഹൈസ്‌കൂൾ അധ്യാ​പിക പറഞ്ഞു: “ഞങ്ങൾ കൈകാ​ര്യം ചെയ്യുന്ന അക്രമ​കാ​രി​ക​ളായ പെൺകു​ട്ടി​ക​ളു​ടെ കാര്യ​മൊ​ന്നും മുൻകൂ​ട്ടി​പ്പ​റ​യുക സാധ്യമല്ല. അവർക്കു ദേഷ്യം വന്നാൽ എങ്ങനെ തിരി​ച്ച​ടി​ക്കു​മെന്നു നിങ്ങൾക്ക്‌ അറിയാൻ കഴിയില്ല. നിങ്ങൾ ഒരു അധ്യാ​പ​ക​നാ​ണെ​ങ്കിൽ അതു തീർത്തും ഭയാന​കം​തന്നെ.” യുവജ​നങ്ങൾ ഉൾപ്പെടെ ആളുകൾ “അജി​തേ​ന്ദ്രി​യ​ന്മാ​രും ഉഗ്രന്മാ​രു”മായി​രി​ക്കു​മെ​ന്ന​തു​കൊണ്ട്‌, കാലം ‘ഇടപെ​ടാൻ പ്രയാ​സ​മുള്ള’തായി​രി​ക്കു​മെന്ന്‌ ‘അന്ത്യനാ​ളുക’ളെക്കു​റി​ച്ചു ബൈബിൾ മുൻകൂ​ട്ടി​പ്പ​റ​യു​ക​യു​ണ്ടാ​യി.—2 തിമൊ​ഥെ​യൊസ്‌ 3:1-5.