അത്യാ​ഗ്ര​ഹം​പൂണ്ട ഒരു ലോക​ത്തി​ലെ അതിജീ​വ​നം

“എനി​ക്കെ​ങ്ങനെ അതിജീ​വി​ക്കാ​നാ​വും?” ഹിമാലയ സാനു​ക്ക​ളിൽ പ്രതീ​ക്ഷ​യ്‌ക്കു വകയി​ല്ലാ​തെ വഴി​തെറ്റി നടക്കു​മ്പോൾ ജെയിംസ്‌ സ്‌കോട്ട്‌ ഈ ചോദ്യ​ത്തെ അഭിമു​ഖീ​ക​രി​ക്കു​ക​യു​ണ്ടാ​യി. തണുത്തു മരവിച്ച്‌ അല്ലെങ്കിൽ പട്ടിണി​കി​ടന്ന്‌ മരിക്കു​മെന്ന നിലയി​ലാ​യി​രു​ന്നു അദ്ദേഹം. കരാട്ടേ മത്സരങ്ങ​ളിൽ ആളുകൾ “ക്രമേണ തറപറ്റു​ന്ന​തും ഓരോ പ്രഹര​വും അവരുടെ ആവേശത്തെ ചോർത്തി​ക്ക​ള​യു​ന്ന​തും ഒടുവിൽ . . . ചെറു​ത്തു​നിൽപ്പി​ന്റെ അവസാന കണിക​യും വറ്റിത്തീ​രു​ന്ന​തും” കണ്ടിട്ടു​ള്ള​താ​യി അദ്ദേഹം അനുസ്‌മ​രി​ച്ചു. അദ്ദേഹം പറഞ്ഞു: “എന്റെ ശയനസ​ഞ്ചി​യു​ടെ സിപ്പ്‌ ഇട്ട്‌ തളർന്ന​വ​ശ​നാ​യി അൽപ്പം മഞ്ഞു വാരി​ത്തി​ന്ന​പ്പോൾ എനിക്ക്‌ അനുഭ​വ​പ്പെ​ട്ടത്‌ അങ്ങനെ​യാണ്‌. എന്റെ മനസ്സ്‌ തകർന്നി​രു​ന്നു. ജീവി​ക്കാ​നുള്ള ആഗ്രഹ​മെ​ല്ലാം എന്നെ വിട്ടു​പോ​യി. മുമ്പൊ​രി​ക്ക​ലും ഞാൻ ഇത്രയും പരാജി​ത​നാ​യി​ട്ടില്ല.”—ലോസ്റ്റ്‌ ഇൻ ദ ഹിമാ​ല​യാസ്‌.

ഒരർഥ​ത്തിൽ ഇന്നു പലരും അദ്ദേഹ​ത്തെ​പ്പോ​ലെ​യാണ്‌—അത്യാ​ഗ്രഹം കൊടി​കു​ത്തി വാഴുന്ന ഒരു ലോക​ത്തിൽ അവർ കുരു​ങ്ങി​പ്പോ​യി​രി​ക്കു​ന്നു. ക്രമേണ തറപറ്റി​ക്കൊ​ണ്ടി​രി​ക്കു​ന്ന​താ​യും പരാജ​യ​പ്പെ​ട്ടു​കൊ​ണ്ടി​രി​ക്കു​ന്ന​താ​യും നിങ്ങൾക്കു തോന്നു​ന്നു​ണ്ടാ​യി​രി​ക്കാം. അത്യാ​ഗ്ര​ഹ​ത്തി​ന്റെ നേരി​ട്ടുള്ള ഫലങ്ങളിൽനി​ന്നും പൂർണ​മാ​യി രക്ഷപ്പെ​ടാൻ കഴിയുന്ന ആളുകൾ നന്നേ ചുരു​ങ്ങും. ലോക​ത്തി​ന്റെ ഏതു ഭാഗത്തു നിങ്ങൾ ജീവി​ക്കു​ന്നു എന്നതനു​സ​രിച്ച്‌ നേരി​ടുന്ന പ്രശ്‌നങ്ങൾ ഗണനാ​തീ​ത​മാ​യി മാറി​ക്കൊ​ണ്ടി​രി​ക്കും—സമ്പന്ന രാഷ്‌ട്ര​ങ്ങ​ളി​ലെ ആളുകളെ ബാധി​ക്കു​ന്ന​തിൽനി​ന്നു വളരെ വ്യത്യ​സ്‌ത​മാ​യി​ട്ടാണ്‌ അത്യാ​ഗ്രഹം വികസ്വര രാഷ്‌ട്ര​ങ്ങ​ളി​ലെ ആളുകളെ ബാധി​ക്കു​ന്നത്‌. എങ്കിലും, ബുദ്ധി​മു​ട്ടു​കൾ എന്തുത​ന്നെ​യാ​യി​ക്കൊ​ള്ളട്ടെ, രക്ഷ കൈവ​രു​ന്ന​തു​വരെ ശാരീ​രി​ക​വും വൈകാ​രി​ക​വും ആത്മീയ​വു​മാ​യി ഒരുപ​രി​ധി​വരെ എങ്ങനെ അതിജീ​വി​ക്ക​ണ​മെന്നു നിങ്ങൾക്കു പഠിക്കാ​വു​ന്ന​താണ്‌. എങ്ങനെ? അതിജീ​വന വിദഗ്‌ധ​രു​ടെ അടിസ്ഥാന ഉപദേ​ശങ്ങൾ പിൻപ​റ്റി​ക്കൊണ്ട്‌.

അവരുടെ ഉപദേ​ശ​ങ്ങ​ളിൽ രണ്ട്‌ ആശയങ്ങൾ മുന്തി​നിൽക്കു​ന്നു. പ്രയാ​സ​ക​ര​മായ സാഹച​ര്യ​ത്തെ കൂടുതൽ വഷളാ​ക്കാ​തി​രി​ക്കു​ന്ന​താണ്‌ ഒന്നാമ​ത്തേത്‌. “അനാവശ്യ അപകടങ്ങൾ ഒഴിവാ​ക്കു​ന്ന​തി​ലും . . . ഒഴിവാ​ക്കാ​നാ​വാത്ത അപകട​ങ്ങ​ളിൽനി​ന്നു​ണ്ടാ​കുന്ന കേടു​പാ​ടു​കൾ കുറയ്‌ക്കു​ന്ന​തി​ലു​മാ​യി​രി​ക്കണം നിങ്ങളു​ടെ കഴിവ്‌,” ദി അർബൻ സർ​വൈവൽ ഹാൻഡ്‌ബുക്ക്‌ പറയുന്നു. ഒരുപക്ഷേ ഏറ്റവും പ്രധാ​ന​മാ​യത്‌—മനോ​ഭാ​വ​ത്തോ​ടു ബന്ധപ്പെ​ട്ട​താണ്‌. “അതിജീ​വനം, ശാരീ​രി​ക​മായ സഹനവും അറിവും​പോ​ലെ​ത​ന്നെ​യുള്ള ഒരു മാനസി​ക​ഭാ​വ​മാണ്‌,” ദി എസ്‌എ​എസ്‌ സർ​വൈവൽ ഹാൻഡ്‌ബുക്ക്‌ പറയുന്നു.

സാഹച​ര്യ​ങ്ങ​ളിൻകീ​ഴിൽ നിങ്ങളാൽ കഴിയു​ന്നതു ചെയ്യുക

“ഐക്യ​നാ​ടു​ക​ളിൽ ഓരോ 22 മിനി​റ്റി​ലും ആരെങ്കി​ലും വധിക്ക​പ്പെ​ടു​ന്നു, ഓരോ 47 സെക്കൻറി​ലും ആരെങ്കി​ലും കൊള്ള​യ​ടി​ക്ക​പ്പെ​ടു​ന്നു, ഓരോ 28 സെക്കൻഡി​ലും ഗുരു​ത​ര​മാ​യി ആക്രമി​ക്ക​പ്പെ​ടു​ന്നു,” ജീവ​നോ​ടെ​യി​രി​ക്കൽ—നിങ്ങളു​ടെ കുറ്റകൃ​ത്യ​നി​വാ​രണ വഴികാ​ട്ടി (ഇംഗ്ലീഷ്‌) എന്ന പുസ്‌തകം റിപ്പോർട്ടു ചെയ്യുന്നു. അത്തരം അവസ്ഥക​ളിൽ നിങ്ങൾക്ക്‌ എന്തു ചെയ്യാൻ കഴിയും? കുറഞ്ഞ​പക്ഷം, അക്രമി​യു​ടെ ലക്ഷ്യമാ​യി​ത്തീ​രു​ന്നത്‌ അല്ലെങ്കിൽ എളുപ്പ​ത്തിൽ ഇരയാ​യി​ത്തീ​രു​ന്നത്‌ ഒഴിവാ​ക്കാൻ നിങ്ങൾക്കു ശ്രമി​ക്കാ​വു​ന്ന​താണ്‌. ജാഗ്ര​ത​യും വിവേ​ക​വു​മു​ള്ള​വ​നാ​യി​രി​ക്കുക. അപകടം കുറയ്‌ക്കു​ന്ന​തിന്‌ നിങ്ങളാ​ലാ​കു​ന്നതു ചെയ്യുക.a

എളുപ്പ​ത്തിൽ കബളി​പ്പി​ക്ക​പ്പെ​ടാ​വു​ന്ന​വ​നാ​യി​രു​ന്നു​കൊണ്ട്‌ നിങ്ങളു​ടെ അവസ്ഥയെ വഷളാ​ക്ക​രുത്‌. തങ്ങൾ തട്ടിപ്പി​നി​ര​യാ​യി​ട്ടു​ണ്ടെന്ന്‌—എളുപ്പ​ത്തിൽ കുടു​ക്കാ​വുന്ന ഇരകൾക്കാ​യി വലവീ​ശുന്ന തത്ത്വദീ​ക്ഷ​യി​ല്ലാത്ത ആളുക​ളാൽ വഞ്ചിക്ക​പ്പെട്ട്‌ ആയിര​ക്ക​ണ​ക്കി​നു ഡോളർ നഷ്ടമാ​യി​ട്ടു​ണ്ടെന്ന്‌—18 ശതമാനം അമേരി​ക്ക​ക്കാർ സമ്മതി​ച്ച​താ​യി ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു. മിക്ക​പ്പോ​ഴും തട്ടിപ്പി​നി​ര​യാ​കു​ന്നതു വൃദ്ധജ​ന​ങ്ങ​ളാണ്‌. 68 വയസ്സായ ഒരു വിധവ​യു​ടെ പക്കൽനിന്ന്‌ 40,000 ഡോള​റാ​ണു മോഷ്ടി​ക്ക​പ്പെ​ട്ടത്‌. അവരുടെ ഈ അനുഭവം പിൻവ​രുന്ന തലക്കെ​ട്ടോ​ടെ അച്ചടി​ക്ക​പ്പെട്ടു: “തല നരച്ച​തെ​ങ്കിൽ തട്ടിപ്പു​കാർക്കു ചാകര [ഗ്രീൻബേ​ക്‌സ്‌ അല്ലെങ്കിൽ ഡോളർ എന്നർഥം].”

എങ്കിലും, നിങ്ങൾ ചൂഷണം ചെയ്യ​പ്പെ​ടാൻ കാത്തു​നിൽക്കുന്ന നിഷ്‌ക​ള​ങ്ക​നും നിസ്സഹാ​യ​നു​മായ മറ്റൊരു ഇരയാ​യി​ത്തീ​രേ​ണ്ട​തില്ല. ജീവ​നോ​ടെ​യി​രി​ക്കൽ ഇപ്രകാ​ര​മുള്ള മുന്നറി​യി​പ്പു നൽകുന്നു: “ആട്ടിൻതോ​ല​ണിഞ്ഞ ചെന്നാ​യ്‌ക്കളെ സൂക്ഷി​ക്കുക.” 70 വയസ്സുള്ള ഒരു മുത്തശ്ശി ഈ ബുദ്ധ്യു​പ​ദേശം സ്വീക​രി​ച്ചു. പ്രതി​മാ​സം വെറും 10 ഡോളർവീ​തം നൽകി​യാൽ ചികിത്സാ ചെലവി​നുള്ള ഇൻഷ്വ​റൻസ്‌ ലഭിക്കു​മെന്ന വാഗ്‌ദാ​നം അവർക്കു ലഭിച്ചു. “മുത്തശ്ശി ആകെ ചെയ്യേ​ണ്ടി​യി​രു​ന്നത്‌ വിൽപ്പ​ന​ക്കാ​രന്‌ 2,500 ഡോളർ മുൻകൂ​റാ​യി നൽകുക മാത്ര​മാ​യി​രു​ന്നു,” റിപ്പോർട്ടു പറയുന്നു. അവർ അതു ചെയ്‌തില്ല. ഇൻഷ്വ​റൻസ്‌ കമ്പനി​യി​ലേക്കു ഫോൺചെ​യ്‌തു ചോദി​ച്ച​പ്പോൾ ആ മനുഷ്യൻ ഒരു തട്ടിപ്പു​കാ​ര​നാ​ണെന്ന്‌ അവർക്കു വിവരം ലഭിച്ചു. “വിൽപ്പ​ന​ക്കാ​രനു രണ്ടാം തവണയും കപ്പി​ലേക്കു ചായ ഒഴിച്ചു​കൊ​ടു​ക്കവെ പൊലീസ്‌ എത്തി അയാളെ പിടി​ച്ചു​കൊ​ണ്ടു​പോ​യി.”

സ്വയം രക്ഷിക്കാൻ നിങ്ങൾക്കു ചെയ്യാ​വുന്ന സംഗതി ബൈബി​ളിൽ നൽകി​യി​രി​ക്കുന്ന ബുദ്ധ്യു​പ​ദേ​ശ​ത്തിൽ അടങ്ങി​യി​രി​ക്കു​ന്നു. “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.” (സദൃശ​വാ​ക്യ​ങ്ങൾ 14:15; 27:12) പഴഞ്ചനും പ്രാ​യോ​ഗി​ക​മ​ല്ലാ​ത്ത​തും ആണെന്നു പറഞ്ഞ്‌ പലരും ബൈബി​ളി​നെ തള്ളിക്ക​ള​യു​ന്നു. എന്നാൽ, അതിലെ പ്രാ​യോ​ഗിക ബുദ്ധ്യു​പ​ദേശം നിങ്ങളെ അതിജീ​വി​ക്കാൻ സഹായി​ക്കും. ജ്ഞാനി​യായ ശലോ​മോൻ രാജാവ്‌ ഇങ്ങനെ എഴുതി: “[ബൈബി​ളിൽ കണ്ടെത്തു​ന്ന​തു​പോ​ലെ​യുള്ള] ജ്ഞാനം ഒരു ശരണം, ദ്രവ്യ​വും ഒരു ശരണം; ജ്ഞാനമോ ജ്ഞാനി​യു​ടെ ജീവനെ പാലി​ക്കു​ന്നു.”—സഭാ​പ്ര​സം​ഗി 7:12.

ഉണരുക!യുടെ പല വായന​ക്കാ​രും ഇതു സത്യമാ​ണെന്നു കണ്ടിട്ടുണ്ട്‌. ഉദാഹ​ര​ണ​ത്തിന്‌, ബലാൽസം​ഗം ചെയ്യ​പ്പെ​ടു​മെ​ന്നോ ആക്രമി​ക്ക​പ്പെ​ടു​മെ​ന്നോ ഉള്ള ഭീഷണി​യി​ലാ​കു​മ്പോൾ, ആവർത്ത​ന​പു​സ്‌തകം 22:23, 24-ൽ പ്രതി​പാ​ദി​ച്ചി​രി​ക്കു​ന്ന​തി​നു ചേർച്ച​യിൽ, ഉറക്കെ നിലവി​ളി​ക്കു​ക​വഴി ഒരു പരിധി​വരെ ചിലർക്കു സംരക്ഷണം ലഭിച്ചി​ട്ടുണ്ട്‌. മറ്റുചി​ല​രാ​കട്ടെ, ‘ജഡത്തി​ലെ​യും ആത്മാവി​ലെ​യും സകല കന്മഷവും നീക്കാ​നുള്ള’ ബൈബി​ളി​ന്റെ ബുദ്ധ്യു​പ​ദേശം ചെവി​ക്കൊ​ണ്ടി​രി​ക്കു​ന്നു. (2 കൊരി​ന്ത്യർ 7:1) അങ്ങനെ, ജനങ്ങളു​ടെ ആരോ​ഗ്യ​ത്തെ ചൂഷണം ചെയ്‌തു സമ്പന്നരാ​കുന്ന, പുകയില, മയക്കു​മ​രുന്ന്‌ വിൽപ്പ​ന​ക്കാ​രിൽനി​ന്നു അവർ തങ്ങളെ​തന്നെ സംരക്ഷി​ച്ചി​രി​ക്കു​ന്നു. പല വായന​ക്കാ​രും, പണം പിടു​ങ്ങുന്ന ടിവി പ്രസം​ഗ​ക​രു​ടെ​യും അധികാ​ര​മോ​ഹി​ക​ളായ രാഷ്‌ട്രീ​യ​ക്കാ​രു​ടെ​യും കെണി​കളെ ഒഴിവാ​ക്കു​ക​യും ചെയ്‌തി​ട്ടുണ്ട്‌. (7-ാം പേജി​ലുള്ള ചതുരം കാണുക.) ബൈബിൾ വായി​ക്കുക. എത്രമാ​ത്രം പ്രാ​യോ​ഗി​ക​മായ ബുദ്ധ്യു​പ​ദേ​ശ​മാണ്‌ അതു നൽകു​ന്ന​തെന്നു കാണു​മ്പോൾ നിങ്ങൾ അത്ഭുത​പ്പെ​ട്ടേ​ക്കാം.

അത്യാ​ഗ്രഹം പിടി​കൂ​ടു​ന്നത്‌ ഒഴിവാ​ക്കു​ക

തീർച്ച​യാ​യും, അത്യാ​ഗ്ര​ഹം​കൊ​ണ്ടു മറ്റൊരു അപകട​മുണ്ട്‌—നിങ്ങൾതന്നെ ഒരു അത്യാ​ഗ്ര​ഹി​യാ​യി​ത്തീർന്നേ​ക്കാം. മൃഗങ്ങ​ളിൽനി​ന്നു നിങ്ങളെ വേർതി​രി​ച്ചു​കാ​ണി​ക്കുന്ന വിശി​ഷ്ട​മായ ധാർമിക ഗുണങ്ങൾ ഇത്‌ ഇല്ലാ​തെ​യാ​ക്കി​യേ​ക്കാം. ബിസി​ന​സു​കാർ അത്യാർത്തി​യോ​ടെ സകലതും വാരി​ക്കൂ​ട്ടിയ ഒരു വാണി​ജ്യ​രം​ഗ​ത്തെ​ക്കു​റി​ച്ചു വിവരി​ക്കുന്ന സന്ദർഭ​ത്തിൽ ഒരു നിരീ​ക്ഷകൻ ഇപ്രകാ​രം പറഞ്ഞതാ​യി ഉദ്ധരി​ക്ക​പ്പെട്ടു: “പന്നികൾ ശരിക്കും വെട്ടി​വി​ഴു​ങ്ങു​ക​യാ​യി​രു​ന്നു. അത്യാ​ഗ്ര​ഹ​ത്തി​ന്റെ അളവ്‌ . . . എല്ലാ പരിധി​ക​ളെ​യും ലംഘിച്ചു.” ബിസി​നസ്‌ അവസര​വാ​ദി​ക​ളെ​ക്കാ​ളു​പരി അത്‌ പന്നികൾക്ക്‌ അപമാ​ന​മാ​യി​രു​ന്നു! വാസ്‌ത​വ​ത്തിൽ യേശു​ക്രി​സ്‌തു നൽകിയ നല്ല ബുദ്ധ്യു​പ​ദേശം അവർ അവഗണി​ച്ച​തു​പോ​ലെ കാണ​പ്പെട്ടു: “സകല​ദ്ര​വ്യാ​ഗ്ര​ഹ​വും സൂക്ഷിച്ചു ഒഴിഞ്ഞു​കൊൾവിൻ.”—ലൂക്കൊസ്‌ 12:15.

അത്യാ​ഗ്ര​ഹം നിങ്ങളെ പിടി​കൂ​ടി​യാൽ അതു നിങ്ങൾക്ക്‌ എത്രമാ​ത്രം ദോഷം ചെയ്യു​മെന്ന്‌ യേശു​വിന്‌ അറിയാ​മാ​യി​രു​ന്ന​തു​കൊ​ണ്ടാണ്‌ അവൻ ആ ബുദ്ധ്യു​പ​ദേശം നൽകി​യത്‌. ഭൗതിക വസ്‌തു​ക്ക​ളോ​ടുള്ള ആസക്തി—കൂടാതെ, അധികാ​ര​ത്തോ​ടോ ലൈം​ഗി​ക​ത​യോ​ടോ ഉള്ള ആസക്തി—ആളുക​ളോ​ടോ ആത്മീയ മൂല്യ​ങ്ങ​ളോ​ടോ കരുതൽ കാണി​ക്കാ​നുള്ള നിങ്ങളു​ടെ സമയവും ചായ്‌വും കവർന്നെ​ടു​ത്തു​കൊണ്ട്‌ നിങ്ങളു​ടെ ജീവി​ത​ത്തിൽ സർവസം​ഹാ​രി​യായ ഒരു വികാ​ര​മാ​യി മാറും. “പണം, മതത്തിന്റെ സവി​ശേ​ഷ​തകൾ കൈ​ക്കൊ​ണ്ടി​രി​ക്കു​ന്നു,” അന്തോണി സാംസൺ ദ മിഡാസ്‌ ടച്ച്‌ എന്ന തന്റെ പുസ്‌ത​ക​ത്തിൽ പറയുന്നു. അതെങ്ങനെ? പണം ഒരു ദൈവ​മാ​യി മാറുന്നു. അത്യാ​ഗ്ര​ഹ​ത്തി​ന്റെ​യും ലാഭത്തി​ന്റെ​യും ബലിപീ​ഠ​ത്തിൽ മറ്റെല്ലാം ഹോമി​ക്ക​പ്പെ​ടു​ന്നു. ലാഭം—ഈ അന്തസ്സത്ത​യാ​ണു മർമ​പ്ര​ധാ​ന​മായ സംഗതി. ലാഭം എത്രയ​ധി​ക​മാ​ണോ അത്രയും നന്ന്‌. എങ്കിലും, ഭൗതിക വസ്‌തു​ക്കൾക്കാ​യി നിങ്ങൾ എത്രതന്നെ സമയം നീക്കി​വെ​ച്ചാ​ലും ശരി, വാസ്‌ത​വ​ത്തിൽ അവയ്‌ക്കു​വേ​ണ്ടി​യുള്ള അത്യാ​ഗ്ര​ഹത്തെ ഒരിക്ക​ലും പൂർണ​മാ​യി തൃപ്‌തി​പ്പെ​ടു​ത്താൻ പറ്റുക​യില്ല. സഭാ​പ്ര​സം​ഗി 5:10 ഇപ്രകാ​രം പറയുന്നു: “ദ്രവ്യ​പ്രി​യന്നു ദ്രവ്യം കിട്ടീ​ട്ടും ഐശ്വ​ര്യ​പ്രി​യന്നു ആദായം കിട്ടീ​ട്ടും തൃപ്‌തി​വ​രു​ന്നില്ല.” സമാന​മാ​യി, അധികാ​രം, സ്വത്തുക്കൾ അല്ലെങ്കിൽ ലൈം​ഗി​കത എന്നിവ​യോ​ടു ‘പ്രിയ​മുള്ള’ ഒരുവന്‌ അവ എത്ര​ത്തോ​ളം ലഭിച്ചാ​ലും ഒരിക്ക​ലും തൃപ്‌തി വരില്ല.

രക്ഷയ്‌ക്കാ​യുള്ള പ്രത്യാശ ഒരിക്ക​ലും കൈവി​ട​രുത്‌

അതിജീ​വ​ന​ത്തി​നുള്ള ഒരു മുഖ്യ സംഗതി, പ്രതീ​ക്ഷാ​നിർഭ​ര​വും ആശാവ​ഹ​വു​മായ ഒരു വീക്ഷണ​ഗതി നിലനിർനിർത്തുക എന്നതാണ്‌. ചില​പ്പോൾ, നിങ്ങൾക്ക്‌ അത്യാ​ഗ്ര​ഹി​ക​ളു​ടെ സ്വാധീ​ന​ത്തിൽനി​ന്നു രക്ഷപ്പെ​ടാൻ ഒന്നും ചെയ്യാൻ സാധി​ക്കാ​തെ വരും. ഉദാഹ​ര​ണ​ത്തിന്‌, പട്ടിണി​പ്പാ​വ​ങ്ങൾക്കു തങ്ങളുടെ ദുരവ​സ്ഥ​യിൽനി​ന്നു രക്ഷപ്പെ​ടാൻ മിക്ക​പ്പോ​ഴും ഒന്നും ചെയ്യാൻ സാധി​ക്കു​ക​യില്ല. എങ്കിലും പരാജ​യ​പ്പെ​ട​രുത്‌; കീഴട​ങ്ങ​രുത്‌. പ്രതി​കൂ​ല​മായ അല്ലെങ്കിൽ അപകട​ക​ര​മായ സാഹച​ര്യ​ത്തി​നു വിധേ​യ​രാ​കു​മ്പോൾ “പരാജയം സമ്മതി​ക്കാ​നും സ്വാനു​താ​പ​ത്തി​ന്റെ നെരി​പ്പോ​ടിൽ എരിഞ്ഞ​മ​രാ​നും എളുപ്പ​മാണ്‌,” ദി എസ്‌എ​എസ്‌ സർ​വൈവൽ ഹാൻഡ്‌ബുക്ക്‌ പറയുന്നു. നിഷേ​ധാ​ത്മക ചിന്തകൾക്കും വികാ​ര​ങ്ങൾക്കും കീഴ്‌പെ​ട​രുത്‌. നിങ്ങളു​ടെ സഹനശക്തി എത്രയ​ധി​ക​മാ​ണെന്നു കാണു​മ്പോൾ നിങ്ങൾ വിസ്‌മയം കൊ​ണ്ടേ​ക്കാം. “ഏറ്റവും പ്രതി​കൂ​ല​മായ സാഹച​ര്യ​ങ്ങ​ളിൽപ്പോ​ലും അതിജീ​വി​ക്കാൻ സാധി​ക്കു​മെന്നു സ്‌ത്രീ​പു​രു​ഷ​ന്മാർ കാണി​ച്ചി​ട്ടുണ്ട്‌,” അതേ ഹാൻഡ്‌ബുക്ക്‌ പറയുന്നു. അവർ അത്‌ ചെയ്‌തി​രി​ക്കു​ന്നത്‌ എങ്ങനെ​യാണ്‌? അവർ അതിജീ​വി​ച്ച​തി​നുള്ള “കാരണം, അപ്രകാ​രം ചെയ്യാ​നുള്ള അവരുടെ ദൃഢനി​ശ്ച​യ​മാണ്‌,” അതു പറയുന്നു. അത്യാ​ഗ്ര​ഹം​പൂണ്ട ഈ വ്യവസ്ഥി​തി​യോ​ടു തോൽവി സമ്മതി​ക്കാ​തി​രി​ക്കാൻ ദൃഢനി​ശ്ച​യ​മെ​ടു​ക്കുക.

നേരത്തേ പ്രതി​പാ​ദിച്ച ജെയിംസ്‌ സ്‌കോട്ട്‌, തന്റെ ശവക്കു​ഴി​യാ​യി​ത്തീർന്നേ​ക്കു​മാ​യി​രുന്ന ഹിമാ​ല​യ​ത്തിൽനിന്ന്‌ ഒടുവിൽ രക്ഷിക്ക​പ്പെട്ടു. അതിജീ​വ​ന​ത്തി​നുള്ള പോരാ​ട്ടം ചുരു​ങ്ങി​യത്‌ ഒരു സംഗതി​യെ​ങ്കി​ലും തന്നെ പഠിപ്പി​ച്ചു​വെന്ന്‌ അദ്ദേഹം പറഞ്ഞു. എന്തായി​രു​ന്നു അത്‌? “നേരി​ടാൻ കഴിയാ​ത്ത​വി​ധം അത്ര കഠിന​മായ ഒരു വെല്ലു​വി​ളി​യും ജീവി​ത​ത്തിൽ ഇല്ല,” അദ്ദേഹം പറഞ്ഞു. ജെയിംസ്‌ സ്‌കോ​ട്ടി​നു രക്ഷപ്പെ​ടാൻ കഴിഞ്ഞ​തിൽ വിസ്‌മ​യം​പൂണ്ട, അനുഭ​വ​സ​മ്പ​ന്ന​നായ ഒരു പർവതാ​രോ​ഹ​ക​നായ ടിം മകാർട്‌നീ​യും ഒരു സംഗതി മനസ്സി​ലാ​ക്കി. അദ്ദേഹം പറഞ്ഞു: “പ്രത്യാ​ശ​യു​ടെ ഒരു കണിക​യെ​ങ്കി​ലും ഉള്ളേട​ത്തോ​ളം നിങ്ങൾ തോൽവി സമ്മതി​ക്ക​രുത്‌.” അതു​കൊണ്ട്‌, കാര്യങ്ങൾ എത്രതന്നെ ആശയറ്റ​തു​പോ​ലെ കാണ​പ്പെ​ട്ടാ​ലും പ്രത്യാശ നഷ്ടപ്പെ​ടു​ത്തി​യാൽ നിങ്ങൾ കാര്യങ്ങൾ ഒന്നുകൂ​ടെ വഷളാ​ക്കു​ക​യാ​യി​രി​ക്കും ചെയ്യു​ന്നത്‌. രക്ഷയ്‌ക്കാ​യുള്ള പ്രത്യാശ ഒരിക്ക​ലും കൈവി​ട​രുത്‌.

എന്നാൽ, അത്യാ​ഗ്ര​ഹം​പൂണ്ട ഒരു ലോക​ത്തു​നി​ന്നു രക്ഷിക്ക​പ്പെ​ടാ​നുള്ള വാസ്‌ത​വി​ക​മായ എന്തെങ്കി​ലും സാധ്യത, “പ്രത്യാ​ശ​യു​ടെ ഒരു കണിക” ഉണ്ടോ? ഈ ഗ്രഹത്തെ നശിപ്പി​ക്കു​ക​യും ശതകോ​ടി​ക്ക​ണ​ക്കിന്‌ ആളുക​ളു​ടെ ജീവി​തത്തെ കാർന്നു​തി​ന്നു​കൊ​ണ്ടി​രി​ക്കു​ക​യും​ചെ​യ്യുന്ന അത്യാ​ഗ്ര​ഹി​ക​ളിൽനി​ന്നു നമു​ക്കെ​പ്പോ​ഴെ​ങ്കി​ലും മോചനം ലഭിക്കു​മോ? വാസ്‌ത​വ​ത്തിൽ, രക്ഷയ്‌ക്കുള്ള ഒരു ഉറപ്പായ പ്രത്യാ​ശ​യുണ്ട്‌. പിൻവ​രുന്ന ലേഖന​ത്തിൽ ബൈബി​ളി​ന്റെ ഉത്തരം പരിചി​ന്തി​ക്കുക.

[അടിക്കു​റിപ്പ്‌]

[7-ാം പേജിലെ ചതുരം]

ബൈബിളിന്റെ സമയോ​ചിത ബുദ്ധ്യു​പ​ദേ​ശം

സദൃശ​വാ​ക്യ​ങ്ങൾ 20:23 “രണ്ടുതരം തൂക്കം യഹോ​വെക്കു വെറുപ്പു; കള്ളത്തു​ലാ​സും കൊള്ള​രു​തു.”

യിരെ​മ്യാ​വു 5:26, 28 “എന്റെ ജനത്തിന്റെ ഇടയിൽ ദുഷ്ടന്മാ​രെ കാണുന്നു; അവർ വേടന്മാ​രെ​പ്പോ​ലെ പതിയി​രി​ക്കു​ന്നു; അവർ കുടു​ക്കു​വെച്ചു മനുഷ്യ​രെ പിടി​ക്കു​ന്നു. അവർ പുഷ്ടി​വെച്ചു മിന്നുന്നു; ദുഷ്‌കാ​ര്യ​ങ്ങ​ളിൽ അവർ കവിഞ്ഞി​രി​ക്കു​ന്നു; അവർ അനാഥ​ന്മാർക്കു ഗുണം വരത്തക്ക​വണ്ണം അവരുടെ വ്യവഹാ​രം നടത്തു​ന്നില്ല; ദരി​ദ്ര​ന്മാർക്കു ന്യായ​പാ​ലനം ചെയ്യു​ന്നു​മില്ല.”

എഫെസ്യർ 4:17-19 “ആകയാൽ ഞാൻ കർത്താ​വിൽ സാക്ഷീ​ക​രി​ച്ചു പറയു​ന്നതു എന്തെന്നാൽ: ജാതികൾ തങ്ങളുടെ വ്യർത്ഥ​ബു​ദ്ധി അനുസ​രി​ച്ചു നടക്കു​ന്ന​തു​പോ​ലെ നിങ്ങൾ ഇനി നടക്കരു​തു. അവർ അന്ധബു​ദ്ധി​ക​ളാ​യി അജ്ഞാനം നിമിത്തം, ഹൃദയ​കാ​ഠി​ന്യം​നി​മി​ത്തം തന്നേ, ദൈവ​ത്തി​ന്റെ ജീവനിൽനി​ന്നു അകന്നു മനം തഴമ്പി​ച്ചു​പോ​യവർ ആകയാൽ അത്യാ​ഗ്ര​ഹ​ത്തോ​ടെ സകല അശുദ്ധി​യും പ്രവർത്തി​പ്പാൻ ദുഷ്‌കാ​മ​ത്തി​ന്നു തങ്ങളെ​ത്തന്നേ ഏല്‌പി​ച്ചി​രി​ക്കു​ന്നു.”

കൊ​ലൊ​സ്സ്യർ 3:5 “ആകയാൽ ദുർന്ന​ടപ്പു, അശുദ്ധി, അതിരാ​ഗം, ദുർമ്മോ​ഹം, വിഗ്ര​ഹാ​രാ​ധ​ന​യായ അത്യാ​ഗ്രഹം ഇങ്ങനെ ഭൂമി​യി​ലുള്ള നിങ്ങളു​ടെ അവയവ​ങ്ങളെ മരിപ്പി​പ്പിൻ.”

2 തിമൊ​ഥെ​യൊസ്‌ 3:1-5 “അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും ദൂഷക​ന്മാ​രും അമ്മയപ്പ​ന്മാ​രെ അനുസ​രി​ക്കാ​ത്ത​വ​രും നന്ദി​കെ​ട്ട​വ​രും അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും ഏഷണി​ക്കാ​രും അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്ന​വ​രു​മാ​യി​രി​ക്കും. അങ്ങനെ​യു​ള്ള​വരെ വിട്ടൊ​ഴി​യുക.”

2 പത്രൊസ്‌ 2:3 “അവർ ദ്രവ്യാ​ഗ്ര​ഹ​ത്താൽ കൌശ​ല​വാ​ക്കു പറഞ്ഞു നിങ്ങളെ വാണിഭം ആക്കും. അവർക്കു പൂർവ്വ​കാ​ലം​മു​തൽ ന്യായ​വി​ധി താമസി​യാ​തെ വരുന്നു; അവരുടെ നാശം ഉറങ്ങു​ന്ന​തു​മില്ല.”