അത്യാ​ഗ്ര​ഹ​മി​ല്ലാത്ത ഒരു ലോകം

“മനുഷ്യ ചിന്താ​ഗ​തി​യിൽ ആഗോ​ള​മായ ഒരു വിപ്ലവം നടക്കാതെ മനുഷ്യ​വർഗ​ത്തി​ന്റെ കാര്യങ്ങൾ മെച്ച​പ്പെ​ടാൻ പോകു​ന്നില്ല. നമ്മുടെ ലോകം കുതി​ച്ചു​കൊ​ണ്ടി​രി​ക്കു​ന്നത്‌ ഏതു വിനാ​ശ​ത്തി​ലേ​ക്കാ​ണോ . . . അത്‌ ഒഴിവാ​ക്കാ​നാ​വാ​ത്ത​താ​യി​രി​ക്കും.”—ചെക്ക്‌ റിപ്പബ്ലി​ക്കി​ന്റെ പ്രസി​ഡൻറ്‌ വാറ്റ്‌സ്ലഫ്‌ ഹാഫെൽ.

നിലവി​ലു​ള്ള വ്യവസ്ഥി​തിക്ക്‌ അതിജീ​വി​ക്കാ​നാ​വി​ല്ലെന്നു പലരും മനസ്സി​ലാ​ക്കു​ന്നു. മനുഷ്യ ചിന്താ​ഗ​തി​യി​ലും പ്രവൃ​ത്തി​ക​ളി​ലു​മുള്ള ഒരു ആഗോ​ള​മാ​റ്റ​മാണ്‌ ഏകപരി​ഹാ​ര​മെന്നു വാറ്റ്‌സ്ലഫ്‌ ഹാഫെ​ലി​നെ​പ്പോ​ലെ​യുള്ള ചിലർ കരുതു​ന്നു. ഉദാഹ​ര​ണ​ത്തിന്‌, ഇന്നത്തെ ലോക​സം​ഭ​വങ്ങൾ നിരീ​ക്ഷി​ക്കുന്ന ഒരാൾ പറയു​ന്നത്‌ ഇങ്ങനെ​യാണ്‌: “നിലവി​ലുള്ള പ്രവണ​ത​കൾക്കു മാറ്റം​വ​രു​ത്താൻ തക്കവണ്ണം ലോക​രാ​ഷ്‌ട്രങ്ങൾ അസന്ദി​ഗ്‌ധ​മാ​യി പ്രവർത്തി​ക്കാ​ത്തി​ട​ത്തോ​ളം . . . ഹതാശ​രായ കോടി​ക്ക​ണ​ക്കി​നു പട്ടിണി​പ്പാ​വ​ങ്ങളെ സംബന്ധി​ച്ചി​ട​ത്തോ​ളം ആഹാര​ത്തെ​യും ജീവി​താ​വ​ശ്യ​ങ്ങ​ളെ​യും കുറി​ച്ചുള്ള വീക്ഷണ​ഗതി ഒരിക്ക​ലും മെച്ച​പ്പെ​ടാൻ പോകു​ന്നില്ല.”—ഭക്ഷണദാ​രി​ദ്ര്യം & അധികാ​രം.

എങ്കിലും, അതിജീ​വ​ന​ത്തി​നാ​യുള്ള നമ്മുടെ പ്രത്യാ​ശകൾ മനുഷ്യ​സ്വ​ഭാ​വ​ത്തി​ലെ ഏതെങ്കി​ലും അടിസ്ഥാന മാറ്റത്തിൽ അർപ്പി​ക്കു​ന്നതു വാസ്‌ത​വി​ക​മാ​യി​രി​ക്കു​മോ? ഗവൺമെൻറു​കൾ, “നിലവി​ലുള്ള പ്രവണ​ത​കൾക്കു മാറ്റം​വ​രു​ത്താൻ തക്കവണ്ണം അസന്ദി​ഗ്‌ധ​മാ​യി പ്രവർത്തി”ക്കുമെന്ന്‌ നമുക്ക്‌ ഉറച്ചു വിശ്വ​സി​ക്കാൻ സാധി​ക്കു​മോ? ചിലർ അങ്ങനെ വിചാ​രി​ക്കു​ന്നു. ‘ദൈവം നമുക്ക്‌ ഇച്ഛാസ്വാ​ത​ന്ത്ര്യം നൽകി​യി​ട്ടുണ്ട്‌, കാര്യ​ങ്ങൾക്കു മാറ്റം വരു​ത്തേ​ണ്ടത്‌ നമ്മുടെ കടമയാണ്‌,’ അവർ പറയുന്നു. എന്നാൽ ചരി​ത്ര​ത്തി​ലെ പരുക്കൻ യാഥാർഥ്യ​ങ്ങൾ, ആവശ്യ​മായ മാറ്റങ്ങൾ വരുത്താ​നുള്ള മനുഷ്യ​ന്റെ അഭിലാ​ഷ​ങ്ങ​ളെ​യും കഴിവു​ക​ളെ​യും സംബന്ധി​ച്ചു ഗൗരവാ​വ​ഹ​മായ ചോദ്യ​ങ്ങൾ ഉയർത്തു​ന്നു. ഈ വീക്ഷണം ശുഭ​പ്ര​തീ​ക്ഷ​യ​റ്റതല്ല, പിന്നെ​യോ അതു യാഥാർഥ്യ​മാണ്‌. മുമ്പു ചികി​ത്സിച്ച രോഗി​ക​ളെ​ല്ലാം മരണമ​ട​ഞ്ഞി​ട്ടുള്ള ഒരു ശസ്‌ത്ര​ക്രി​യാ​വി​ദ​ഗ്‌ധന്റെ കൈയിൽ നിങ്ങൾ സ്വന്തം ജീവൻ അർപ്പി​ക്കു​മോ?

ഒരു വിദ്യാ​ഭ്യാ​സ പ്രശ്‌ന​മോ?

“പ്രശ്‌നം വിദ്യാ​ഭ്യാ​സ​പ​ര​മായ ഒന്നാണ്‌,” മരണത്തി​ലേ​ക്കുള്ള വികസനം—പുനർവി​ചി​ന്തന മൂന്നാം​ലോ​ക​വി​ക​സനം എന്ന തന്റെ പുസ്‌ത​ക​ത്തിൽ ടെഡ്‌ ട്രേനർ പറയുന്നു. അടിസ്ഥാ​ന​പ​ര​മായ മാറ്റം ആവശ്യ​മാ​ണെന്നു കാണാൻ ആളുകൾ അഭ്യസി​പ്പി​ക്ക​പ്പെ​ടാ​ത്തി​ട​ത്തോ​ളം കാലം “വികസ​ന​പ​ര​മായ ഒരു ലോക​ക്ര​മ​ത്തി​ലേ​ക്കുള്ള മാറ്റം കൈവ​രി​ക്കാ​മെന്നു നമുക്ക്‌ ആശിക്കാൻ കഴിയില്ല” എന്ന്‌ അദ്ദേഹം പറയുന്നു. ലോകം അതിജീ​വി​ക്ക​ണ​മെ​ങ്കിൽ മനോ​ഭാ​വ​ങ്ങ​ളി​ലും പ്രവൃ​ത്തി​ക​ളി​ലും മാറ്റം വരു​ത്തേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ ആളുകളെ അഭ്യസി​പ്പി​ക്കേണ്ട ആവശ്യ​മു​ണ്ടെ​ന്നു​ള്ള​തിൽ തെല്ലും സംശയ​മില്ല. വാസ്‌ത​വ​ത്തിൽ, അത്‌ അനിവാ​ര്യ​മാണ്‌. അത്തരത്തി​ലുള്ള ഒരു വിദ്യാ​ഭ്യാ​സ പരിപാ​ടി​യെ​ക്കു​റിച്ച്‌ ബൈബി​ളും പറയുന്നു. “ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി”ക്കും എന്ന്‌ അതു പറയുന്നു. അപ്പോൾ, ഭൂമി​യി​ലെ​ങ്ങും “ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:9.

എന്നാൽ, എത്രതന്നെ വിദ്യാ​ഭ്യാ​സ​ത്തി​നും—ദൈവ​ത്തി​ന്റെ വിദ്യാ​ഭ്യാ​സ പരിപാ​ടി​പോ​ലും—ഭൂമിക്കു വളരെ​യ​ധി​കം കേടു​പാ​ടു​ണ്ടാ​ക്കു​ക​യും വ്യാപ​ക​മായ നാശമു​ണ്ടാ​ക്കു​ക​യും ചെയ്യു​ന്ന​വ​രിൽനി​ന്നു ഭൂമിയെ പൂർണ​മാ​യി വിമു​ക്ത​മാ​ക്കാ​നാ​കില്ല. മാറ്റം വരുത്താൻ ആഗ്രഹി​ക്കുന്ന, ദൈവിക നിലവാ​ര​ങ്ങ​ളോ​ടു പറ്റിനിൽക്കാൻ ആഗ്രഹി​ക്കുന്ന ആളുക​ളിൽ മാത്രമേ വിദ്യാ​ഭ്യാ​സം മാറ്റങ്ങൾ സൃഷ്ടി​ക്കു​ക​യു​ള്ളൂ. യേശു​ക്രി​സ്‌തു പറയു​ന്ന​ത​നു​സ​രിച്ച്‌ അവർ ഒരു ന്യൂന​പ​ക്ഷ​മാണ്‌. (മത്തായി 7:13, 14) അതു​കൊണ്ട്‌, പെട്ടെ​ന്നൊ​രു ദിവസം മനുഷ്യ​വർഗ​മെ​ല്ലാം പ്രശ്‌ന​ത്തി​ന്റെ ഗൗരവ​ത്തെ​ക്കു​റി​ച്ചു ബോധ​വാ​ന്മാ​രാ​യി തങ്ങളുടെ വഴികൾക്കു മാറ്റം​വ​രു​ത്തു​മെന്ന ഒരു സാങ്കൽപ്പിക പ്രത്യാ​ശ​യി​ന്മേൽ ബൈബിൾ മാറ്റ​ത്തെ​ക്കു​റി​ച്ചുള്ള അതിന്റെ വാഗ്‌ദാ​നം അടിസ്ഥാ​ന​പ്പെ​ടു​ത്തു​ന്നില്ല. അത്യാ​ഗ്ര​ഹി​ക​ളായ ആളുക​ളിൽനി​ന്നു ലോകത്തെ വിമു​ക്ത​മാ​ക്കാൻ ദൈവം നേരിട്ടു നടപടി​യെ​ടു​ക്കു​മെന്ന്‌ അതു പറയുന്നു.

ദൈവിക ഇടപെടൽ

നേരി​ട്ടുള്ള ദൈവിക ഇടപെ​ട​ലി​നെ​ക്കു​റി​ച്ചുള്ള ഈ ആശയം ഒരു സ്വപ്‌നം അല്ലെങ്കിൽ മിഥ്യ​യാ​യി പലരും കണക്കാ​ക്കു​ന്നു. “പതി​നെ​ട്ടാം നൂറ്റാ​ണ്ടി​ലെ ബൗദ്ധിക മുന്നേ​റ്റങ്ങൾ, ദൈവം ഇടപെട്ടു മനുഷ്യ​കാ​ര്യാ​ദി​കൾ നേരെ​യാ​ക്കു​മെന്ന ആശ്വാ​സ​പ്ര​ദ​മായ ആശയം ത്യജി​ക്കാൻ നമ്മു​ടെ​മേൽ നിർബന്ധം ചെലുത്തി,” ലോക​വി​ശപ്പ്‌: പന്ത്രണ്ട്‌ കെട്ടു​ക​ഥകൾ പറയുന്നു. ‘മനുഷ്യ​കാ​ര്യാ​ദി​കൾ നേരെ​യാ​ക്കാൻ പോകുന്ന ഒരു ദൈവ’ത്തിലുള്ള വിശ്വാ​സം നഷ്ടപ്പെ​ട്ട​വ​രു​ടെ ബുദ്ധി​സാ​മർഥ്യ​ത്തോ​ടെ​യുള്ള വാദമു​ഖ​ങ്ങ​ളി​ലും തത്ത്വജ്ഞാ​ന​ങ്ങ​ളി​ലും നാം വിശ്വാ​സം അർപ്പി​ക്ക​ണ​മോ? അവരുടെ പരിഹാ​ര​മാർഗങ്ങൾ ഒരു മരീചി​ക​യല്ലേ?

ദൈവ​ത്തി​ന്റെ പക്കൽനി​ന്നുള്ള ഇടപെ​ട​ലി​ലേക്കു വിരൽചൂ​ണ്ടുന്ന ബൈബി​ളി​ലെ പിഴവു​പ​റ്റാത്ത പ്രവച​ന​ങ്ങ​ളിൽ വിശ്വാ​സ​മർപ്പി​ക്കു​ന്ന​താ​യി​രി​ക്കും ഏറെ ബുദ്ധി. ദൈവ​ത്തി​ന്റെ വാഗ്‌ദാ​നങ്ങൾ വിശ്വ​സി​ക്കു​ന്നത്‌ “ആശ്വാ​സ​പ്ര​ദ​മായ വെറും ആശയ”മല്ല—അതിജീ​വ​ന​ത്തി​നുള്ള വാസ്‌ത​വി​ക​മായ പ്രത്യാശ അതു മാത്ര​മാണ്‌!

‘ഭൂമിയെ നശിപ്പി​ക്കു​ന്ന​വരെ നശിപ്പി​ക്കൽ’

കൃത്യ​മാ​യി പറഞ്ഞാൽ, ദൈവം വാഗ്‌ദാ​നം ചെയ്യു​ന്ന​തെ​ന്താണ്‌? പരിസ്ഥി​തി​യെ മലിന​മാ​ക്കു​ക​യും നശിപ്പി​ക്കു​ക​യും ചെയ്യു​ന്ന​വ​രിൽനി​ന്നു ഭൂമിയെ വിമു​ക്ത​മാ​ക്കു​മെന്ന്‌ അവൻ വാഗ്‌ദാ​നം ചെയ്യു​ന്നു​വെ​ന്ന​താണ്‌ ഒരു സംഗതി. ‘ഭൂമിയെ നശിപ്പി​ക്കു​ന്ന​വരെ നശിപ്പി​പ്പാൻ’ അവന്‌ ഒരു ‘കാലം’ ഉണ്ടെന്ന്‌ വെളി​പ്പാ​ടു 11:18 പ്രഖ്യാ​പി​ക്കു​ന്നു. അത്‌ എന്ത്‌ അർഥമാ​ക്കും? ദരി​ദ്ര​രും ദുർബ​ല​രു​മാ​യ​വരെ ഇപ്പോൾ അടിച്ച​മർത്തുന്ന ഏവരു​ടെ​യും അന്ത്യത്തെ അത്‌ അർഥമാ​ക്കു​ന്നു. ദൈവം ‘ജനത്തിൽ എളിയ​വർക്കു ന്യായം പാലി​ച്ചു​കൊ​ടു​ക്കും, ദരി​ദ്ര​ജ​നത്തെ രക്ഷിക്കും, പീഡി​പ്പി​ക്കു​ന്ന​വനെ തകർത്തു​ക​ള​യും.’ അവൻ അത്യാ​ഗ്ര​ഹി​കളെ തുടച്ചു​മാ​റ്റും. നിഷ്‌ക​ള​ങ്ക​രായ ഇരകൾ ഐശ്വ​ര്യം പ്രാപി​ക്കാൻ അവൻ ഇടയാ​ക്കും. ‘അവൻ നിലവി​ളി​ക്കുന്ന ദരി​ദ്രനെ വിടു​വി​ക്കും. അവരുടെ പ്രാണനെ അവൻ പീഡയിൽനി​ന്നും സാഹസ​ത്തിൽനി​ന്നും വീണ്ടെ​ടു​ക്കും.’—സങ്കീർത്തനം 72:4, 12-14.

എന്തൊരു മാറ്റമാ​യി​രി​ക്കും അതു കൈവ​രു​ത്തുക! അപ്പോ​സ്‌ത​ല​നായ പത്രൊസ്‌ പറയു​ന്ന​ത​നു​സ​രിച്ച്‌ ‘പുതിയ ആകാശ​വും പുതിയ ഭൂമി​യും’ ഉണ്ടാക​ത്ത​ക്ക​വി​ധം ഈ മാറ്റം അത്രയ്‌ക്കു വിപു​ല​വ്യാ​പ​ക​മാ​യി​രി​ക്കും. (2 പത്രൊസ്‌ 3:13) ഈ ‘പുതിയ ഭൂമി​യിൽ’ എല്ലാവ​രും ഭൂവി​ള​യു​ടെ മതിയായ പങ്ക്‌ അനുഭ​വി​ക്കും. (മീഖാ 4:4) ഇപ്പോൾപോ​ലും എല്ലാവർക്കും​വേണ്ട ആഹാരം ലഭ്യമാണ്‌. അസമമായ വിതര​ണ​മാ​ണു പ്രശ്‌നം. “ഭൂഗോ​ള​ത്തി​ലെ കൃഷി​ചെ​യ്യാൻ സാധി​ക്കുന്ന പ്രദേ​ശത്ത്‌, 38-48 ശതകോ​ടി ആളുകൾക്ക്‌ ആവശ്യ​മായ വസ്‌തു​ക്കൾ ഉത്‌പാ​ദി​പ്പി​ക്കാൻ കഴിയു​മെന്നു കണക്കാ​ക്ക​പ്പെ​ട്ടി​രി​ക്കു​ന്നു,” ഭക്ഷണദാ​രി​ദ്ര്യം & അധികാ​രം എന്ന തന്റെ പുസ്‌ത​ക​ത്തിൽ ആൻ ബുച്ചനാൻ പറയുന്നു.

ഈ ഗ്രഹം അതിജീ​വി​ക്കും. അതിന്റെ സ്രഷ്ടാവ്‌ ‘വ്യർഥ​മാ​യി​ട്ടല്ല അതിനെ സൃഷ്ടി​ച്ചത്‌. [എന്നാൽ] പാർപ്പി​ന്ന​ത്രേ അതിനെ നിർമ്മി​ച്ചത്‌.’ (യെശയ്യാ​വു 45:18) അത്യാ​ഗ്ര​ഹി​ക​ളായ ആളുകൾക്കെ​തി​രെ​യുള്ള ദൈവിക നടപടി, ഹ്രസ്വ​മായ കാലയ​ള​വി​ലുള്ള “വലിയ കഷ്ടം” ആയിരി​ക്കും. (മത്തായി 24:21) അതിനു​ശേഷം, ആ കഷ്ടത്തിന്റെ അതിജീ​വകർ, ഒട്ടും അത്യാ​ഗ്ര​ഹ​മി​ല്ലാത്ത ആളുക​ളാൽ നിവസി​ത​മായ ഒരു പറുദീ​സാ​ഭൂ​മി​യിൽ ജീവിതം ആസ്വദി​ക്കും. (സങ്കീർത്തനം 37:10, 11; 104:5) അത്‌ ബൈബിൾ ഇപ്രകാ​രം വാഗ്‌ദാ​നം ചെയ്യു​ന്ന​തു​പോ​ലെ​യാ​യി​രി​ക്കും: ‘യഹോ​വ​യായ കർത്താവു സകലമു​ഖ​ങ്ങ​ളിൽനി​ന്നു കണ്ണുനീർ തുടെ​ച്ചു​ക​ള​യും.’—യെശയ്യാ​വു 25:8.

ഭൂമിയെ അത്യാ​ഗ്ര​ഹ​വി​മു​ക്ത​മാ​ക്കുന്ന ദൈവിക നടപടി​യിൽനി​ന്നു പ്രയോ​ജനം അനുഭ​വി​ക്കുന്ന സന്തുഷ്ട​രായ ആളുക​ളിൽ ഒരാളാ​യി​രി​ക്കാൻ നിങ്ങൾക്കു കഴിയും. നിങ്ങൾക്കു യഥാർഥ​ത്തിൽ ദൈ​വേഷ്ടം ചെയ്യണ​മെ​ന്നു​ണ്ടെ​ങ്കിൽ, അത്യാ​ഗ്ര​ഹം​പൂണ്ട ഒരു ഭൂമി​യിൽ ഇപ്പോൾ കഴിഞ്ഞു​കൂ​ടാൻ നിങ്ങളെ സഹായി​ക്കു​ന്ന​തി​നു പ്രദാനം ചെയ്‌തി​രി​ക്കുന്ന എല്ലാ സഹായ​വും പ്രയോ​ജ​ന​പ്പെ​ടു​ത്തുക. “വലിയ കഷ്ടത്തെ” അതിജീ​വി​ക്കു​ന്ന​തി​നു നടപടി​യെ​ടു​ക്കുക. നിങ്ങൾ അറിയേണ്ട കാര്യങ്ങൾ പഠിക്കു​ന്ന​തി​നു നിങ്ങളെ സഹായി​ക്കാൻ യഹോ​വ​യു​ടെ സാക്ഷികൾ ഒരുക്ക​മാണ്‌. വൈമ​ന​സ്യം കൂടാതെ സ്ഥലത്തെ രാജ്യ​ഹാ​ളിൽ അവരു​മാ​യി സമ്പർക്കം പുലർത്തു​ക​യോ 5-ാം പേജിൽ നൽകി​യി​രി​ക്കുന്ന ഏറ്റവും അടുത്ത വിലാ​സ​ത്തി​ലേക്ക്‌ എഴുതു​ക​യോ ചെയ്യുക.