മുഴു ഭൂമി​യും ഒരു സങ്കേത​സ്ഥാ​ന​മാ​യി​ത്തീ​രു​മ്പോൾ

ലോക​ത്തി​ലെ ഏറ്റവും അപകട​കാ​രി​യായ ജീവിയെ കാണാൻ നിങ്ങൾ ആഗ്രഹി​ക്കു​ന്നു​വോ? എങ്കിൽ കണ്ണാടി​യിൽ നോക്കൂ! അതേ, നാം, മനുഷ്യ​വർഗ​മാണ്‌ ഭൂമി​യു​ടെ ഏറ്റവും നികൃഷ്ട വിനാ​ശകർ! നാം ഭയങ്കര​മായ അളവിൽ അന്യോ​ന്യ​വും കൊ​ന്നൊ​ടു​ക്കു​ന്നു.

വന്യജീ​വി​കൾ മൃഗശാ​ല​ക​ളി​ലാ​ണെ​ങ്കിൽപ്പോ​ലും—പ്രത്യേ​കി​ച്ചും അവ അവസാ​നത്തെ അഭയസ്ഥാ​ന​മാ​യി​ത്തീ​രു​മ്പോൾ—ഭൂമി അവയ്‌ക്കു വസിക്ക​ത്ത​ക്ക​വണ്ണം സുരക്ഷി​ത​മാ​ക്കു​ന്ന​തിന്‌, മനുഷ്യ​വർഗത്തെ വിടാതെ പിടി​കൂ​ടി​യി​രി​ക്കുന്ന യുദ്ധത്തെ നിർമാർജനം ചെയ്‌തേ പറ്റൂ. ബെർലിൻ മൃഗശാ​ല​യി​ലെ 12,000 ജന്തുജാ​ല​ങ്ങ​ളിൽ 91 എണ്ണം മാത്രമേ രണ്ടാം ലോക​മ​ഹാ​യു​ദ്ധത്തെ അതിജീ​വി​ച്ചു​ള്ളൂ. മറ്റനേകം മൃഗശാ​ല​ക​ളു​ടെ കാര്യ​ത്തി​ലും വസ്‌തുത ഇതായി​രു​ന്നു. ബാൾക്കൻസിൽ അടുത്ത​കാ​ലത്തു യുദ്ധമു​ണ്ടാ​യ​പ്പോൾ, ധീരരായ മൃഗശാ​ലാ ഉദ്യോ​ഗ​സ്ഥൻമാർ അനേകം ജന്തുജാ​ല​ങ്ങളെ സുരക്ഷി​ത​സ്ഥാ​ന​ത്തേക്ക്‌ ഒഴിപ്പി​ച്ചു; എങ്കിലും മാൻ, കടുവ, പുള്ളി​പ്പു​ലി, പ്യൂമ, കരടി, ചെന്നായ്‌ എന്നിവ​യുൾപ്പെടെ നൂറു​ക​ണ​ക്കി​നു ജന്തുക്കൾ കൊല്ല​പ്പെട്ടു. ദി ഓസ്‌​ട്രേ​ലി​യൻ എന്ന പത്രത്തിൽ ഉദ്ധരി​ക്ക​പ്പെട്ട അധികാ​രി​കൾ പറയു​ന്ന​ത​നു​സ​രിച്ച്‌ അടുത്ത​കാ​ലത്ത്‌ കമെർ റൂഷ്‌ എന്ന പ്രസ്ഥാനം കംബോ​ഡി​യ​യി​ലെ കുറ്റി​ക്കാ​ടു​ക​ളി​ലു​ണ്ടാ​യി​രുന്ന അനേകം അപൂർവ ജന്തുക്കളെ മനഃപൂർവം വകവരു​ത്തി. എന്തിനാ​യി​രു​ന്നു അത്‌? ആ മൃഗങ്ങ​ളു​ടെ തോലും മറ്റുത്‌പ​ന്ന​ങ്ങ​ളും കൊടുത്ത്‌ യുദ്ധ​ക്കോ​പ്പു​കൾ വാങ്ങു​ന്ന​തിന്‌!

മൃഗശാ​ല​കൾക്ക്‌ അകത്തും പുറത്തും ജന്തുക്കൾക്കു സുരക്ഷി​ത​ത്വ​മു​ണ്ടാ​യി​രി​ക്ക​ണ​മെ​ങ്കിൽ, ഓസ്‌​ട്രേ​ലി​യ​യി​ലെ ഡാർവി​ന്റെ തെക്കു​പ​ടി​ഞ്ഞാ​റുള്ള ഒറ്റപ്പെട്ട പെറോൺ ദ്വീപു​ക​ളിൽ അരങ്ങേ​റി​യ​തു​പോ​ലുള്ള പരിസ്ഥി​തി​ന​ശീ​ക​രണം എന്ന തിന്മ​യെ​യും കീഴട​ക്കേ​ണ്ട​തുണ്ട്‌. മൂന്നു വർഷത്തി​നു​ള്ളിൽ രണ്ടു തവണ ഈ ദ്വീപു​ക​ളി​ലെ ഞാറപ്പ​ക്ഷി​ക​ളു​ടെ ചേക്കേറൽ സ്ഥലങ്ങൾ തീവെ​ക്ക​പ്പെട്ടു. പറക്കമു​റ്റാത്ത ആയിര​ക്ക​ണ​ക്കി​നു പക്ഷിക്കു​ഞ്ഞു​ങ്ങളെ അതി​ക്രൂ​ര​മായ രീതി​യിൽ വകവരു​ത്താൻ വേണ്ടി​ത്തന്നെ ചെയ്‌ത​താണ്‌ അതെന്നു വ്യക്തം.

എങ്കിലും, ഇക്കഴിഞ്ഞ പതിറ്റാ​ണ്ടു​ക​ളിൽ ജീവി​വർഗ​ങ്ങ​ളു​ടെ ഏറ്റവും വലിയ നാശത്തിന്‌ ഇടയാ​ക്കി​യി​ട്ടു​ള്ളത്‌ ദ്രോ​ഹ​ബു​ദ്ധി​യല്ല; പാർക്കാൻ ഇടത്തി​നും കൃഷി​ചെ​യ്യാൻ നിലത്തി​നും വേണ്ടി നെട്ടോ​ട്ട​മോ​ടുന്ന ജനങ്ങളു​ടെ എണ്ണം വർധി​ക്കു​ന്ന​തി​ന്റെ അനുബ​ന്ധ​ഫ​ല​മാ​ണത്‌. ജന്തുക്ക​ളു​ടെ ആവാസ​ങ്ങ​ളി​ലേ​ക്കുള്ള നിർദ​യ​മായ അതി​ക്ര​മി​ച്ചു​ക​യ​റ്റ​വും അതോ​ടൊ​പ്പ​മുള്ള മലിനീ​ക​ര​ണ​വും നിമിത്തം ലോക മൃഗശാ​ലാ സംരക്ഷണ പദ്ധതി ഇങ്ങനെ മുന്നറി​യി​പ്പു​നൽകു​ന്നു: “ഭൂമി​യു​ടെ മുഴു പ്രകൃതി വ്യവസ്ഥ​യെ​യും സംബന്ധിച്ച 21-ാം നൂറ്റാ​ണ്ടി​ലെ ഭാവി​വീ​ക്ഷണം നിറം​മ​ങ്ങി​യ​താണ്‌. ലോക​ത്തി​ന്റെ എല്ലാ ഭാഗത്തും​തന്നെ സംഭവി​ക്കുന്ന വിനാശം പെട്ടെന്നു നിലയ്‌ക്കു​മെ​ന്ന​തി​ന്റെ യാതൊ​രു സൂചന​യു​മില്ല.”

ഭൂമി​യു​ടെ ഭാവി സംബന്ധിച്ച വർധി​ച്ചു​വ​രുന്ന ഉത്‌കണ്‌ഠ കണക്കി​ലെ​ടു​ക്കു​മ്പോൾ മുഴു​ഭൂ​മി​യും ഒരു സങ്കേത​സ്ഥാ​ന​മാ​യി​ത്തീ​രുന്ന സമയം വരു​മെ​ന്നത്‌ അങ്ങേയറ്റം വിചി​ത്ര​മാ​യി തോന്നു​മോ? എങ്കിലും, ആ പ്രത്യാ​ശ​യ്‌ക്ക്‌ ഈടുറ്റ അടിസ്ഥാ​ന​മുണ്ട്‌. അത്‌ അടിസ്ഥാ​ന​പ്പെ​ട്ടി​രി​ക്കു​ന്നത്‌, ഒരു ശാസ്‌ത്ര ലേഖകൻ പറയു​ന്ന​ത​നു​സ​രിച്ച്‌ വെറും 50 വർഷം മുമ്പ്‌ ഇന്നത്തെ പരിസ്ഥി​തി വിനാ​ശ​ത്തെ​ക്കു​റിച്ച്‌ യാതൊ​രു തുമ്പു​മി​ല്ലാ​യി​രുന്ന, ഹ്രസ്വ​ദൃ​ഷ്ടി​യുള്ള മനുഷ്യ​രി​ലല്ല. പിന്നെ​യോ ആ സംഗതി മുൻകൂ​ട്ടി​ക്ക​ണ്ട​വ​നായ യഹോ​വ​യാം ദൈവ​ത്തി​ലാണ്‌. മനുഷ്യ​വർഗം നമ്മുടെ കാലത്ത്‌ “ഭൂമിയെ നശിപ്പി​ക്കുന്ന” പ്രവർത്ത​ന​ത്തിൽ ഏർപ്പെ​ടു​മെന്ന്‌ ആയിര​ത്തി​ത്തൊ​ള്ളാ​യി​ര​ത്തി​ല​ധി​കം വർഷം മുമ്പ്‌ അവൻ മുൻകൂ​ട്ടി​പ്പ​റഞ്ഞു. (വെളി​പ്പാ​ടു 11:18) ഭൂമി​യിൽ കുറച്ചാ​ളു​കൾ മാത്ര​മു​ണ്ടാ​യി​രു​ന്ന​പ്പോൾ പ്രവചി​ക്ക​പ്പെട്ട ആ പ്രവചനം അന്നു ജീവി​ച്ചി​രുന്ന പലർക്കും വിചി​ത്ര​മാ​യി തോന്നി​യി​രി​ക്കും, എന്നാൽ അത്‌ എത്ര കൃത്യ​മാ​യി നിവൃ​ത്തി​യേ​റി​യി​രി​ക്കു​ന്നു!

വിരോ​ധാ​ഭാ​സ​മെന്നു പറയട്ടെ, ശാസ്‌ത്ര​ത്തി​നും സാങ്കേ​തി​ക​വി​ദ്യ​യ്‌ക്കും ഏതാണ്ട്‌ അത്ഭുതങ്ങൾ തന്നെ പ്രവർത്തി​ക്കാൻ കഴിയു​ന്ന​താ​യി കാണ​പ്പെ​ടുന്ന ഒരു സമയത്താണ്‌ ഈ നശീക​രണം സംഭവി​ക്കു​ന്നത്‌: മൈ​ക്രോ​ട്രാൻസ്‌മി​റ്റ​റു​ക​ളും ഉപഗ്ര​ഹ​ങ്ങ​ളും വംശനാ​ശ​ഭീ​ഷണി നേരി​ടുന്ന വർഗങ്ങളെ അടുത്തു നിരീ​ക്ഷി​ക്കു​ന്നു, മഴക്കാ​ടി​നു​ണ്ടാ​കുന്ന നാശം ബാഹ്യാ​കാ​ശ​ത്തു​നിന്ന്‌ ചതുരശ്ര മീറ്ററിൽ അളക്ക​പ്പെ​ടു​ന്നു, വായു മലിനീ​ക​ര​ണത്തെ വളരെ സൂക്ഷ്‌മ​മായ തോതിൽപോ​ലും അളക്കാൻ കഴിയു​ന്നു. എന്നിട്ടും, അപൂർവ​മായ ചില കേസു​ക​ളൊ​ഴി​ച്ചാൽ, ഡേറ്റാ​യു​ടെ ഈ വൻ ശേഖര​ത്തി​ന​നു​സൃ​ത​മാ​യി പ്രവർത്തി​ക്കാൻ മനുഷ്യൻ അപ്രാ​പ്‌ത​നാ​യി കാണ​പ്പെ​ടു​ന്നു. ഒരുപക്ഷേ മനുഷ്യൻ നിയ​ന്ത്ര​ണം​വി​ട്ടോ​ടുന്ന ഒരു തീവണ്ടി​യി​ലെ ഡ്രൈ​വറെ പോ​ലെ​യാ​യി​രി​ക്കാം. അദ്ദേഹ​ത്തിന്‌ അതിസ​ങ്കീർണ​മായ ഇലക്‌​ട്രോ​ണിക്‌ ഉപകര​ണങ്ങൾ നിറഞ്ഞ ഒരു കൺസോ​ളും സംഭവി​ക്കുന്ന കാര്യ​ങ്ങ​ളെ​ല്ലാം തന്നെ അറിയി​ക്കുന്ന മോണി​റ്റ​റു​ക​ളും ഉണ്ട്‌, പക്ഷേ തീവണ്ടി നിർത്താൻ കഴിയു​ന്നില്ല!

ശ്രമങ്ങൾ വിഫല​മാ​കു​ന്ന​തെ​ന്തു​കൊണ്ട്‌?

തനിക്കു സ്ഥാനക്ക​യറ്റം നൽകു​ന്ന​തി​നു​പ​കരം ഏതാനും മാസങ്ങൾക്കകം തന്നെ ജോലി​യിൽനി​ന്നു പിരി​ച്ചു​വി​ടു​മെന്ന്‌ ഉടമസ്ഥൻ മറ്റൊ​രാ​ളോ​ടു പറയു​ന്ന​താ​യി വലി​യൊ​രു ഫാക്ടറി​യി​ലെ ദുരഭി​മാ​നി​യും തത്ത്വദീ​ക്ഷ​യി​ല്ലാ​ത്ത​വ​നു​മായ ഒരു മാനേജർ കേൾക്കു​ന്നു​വെന്നു സങ്കൽപ്പി​ക്കുക. കോപ​വും വൈരാ​ഗ്യ​വും നിറഞ്ഞ അയാൾ, ഒച്ചപ്പാ​ടും ബഹളവും ഉണ്ടാക്കു​ന്ന​തിന്‌ അനേകം ജോലി​ക്കാ​രെ കൂട്ടു​ന്ന​തി​നാ​യി നുണയും കൈക്കൂ​ലി​യും എല്ലാത്തരം നിഗൂഢ തന്ത്രങ്ങ​ളും ഉപയോ​ഗി​ക്കു​ന്നു. അവർ കാരണം യന്ത്രങ്ങൾക്കു കേടു​വ​രു​ക​യും ഉത്‌പാ​ദനം മന്ദഗതി​യി​ലാ​കു​ക​യും ഉത്‌പ​ന്നങ്ങൾ കേടു​പാ​ടു​ള്ള​വ​യാ​യി​ത്തീ​രു​ക​യും ചെയ്യുന്നു—എങ്കിലും കുറ്റം ഒഴിവാ​ക്കു​ന്ന​തി​നാ​യി അവർ കൗശല​പൂർവം പ്രവർത്തി​ക്കു​ന്നു. അതേസ​മയം, യഥാർഥ​ത്തിൽ എന്താണു സംഭവി​ക്കു​ന്ന​തെന്ന്‌ അറിയാത്ത സത്യസ​ന്ധ​രായ ജോലി​ക്കാർ കേടു​പാ​ടു​കൾ പോക്കാൻ ശ്രമി​ക്കു​ന്നു; എന്നാൽ അവർ എത്രയ​ധി​കം ശ്രമി​ക്കു​ന്നു​വോ കാര്യങ്ങൾ അത്രയ​ധി​കം വഷളാ​യി​ത്തീ​രു​ന്നു.

ഈ ലോക​ത്തി​ന്റെ കുടി​ല​നായ “മാനേജർ” മനുഷ്യ​വർഗ​ത്തി​നും ഭൂമി​ക്കു​മെ​തി​രെ സമാന​മാ​യി പദ്ധതി​യി​ണ​ക്കി​യി​രി​ക്കു​ക​യാണ്‌. എന്നാൽ ഇക്കാര്യ​ത്തിൽ നാം “അവന്റെ തന്ത്രങ്ങളെ അറിയാ​ത്തവ”രായി​രി​ക്കേ​ണ്ട​തില്ല. എന്തു​കൊ​ണ്ടെ​ന്നാൽ ബൈബിൾ അവന്റെ മുഖം​മൂ​ടി എടുത്തു മാറ്റി രോഷാ​കു​ല​നായ ഒരു ആത്മജീ​വി​യെ—പിശാ​ചായ സാത്താനെ—നമുക്കു വെളി​പ്പെ​ടു​ത്തി തരുന്നു. ഒരു ദൂതനാ​യി​രുന്ന അവൻ നിലമ​റന്നു നിഗളി​ക്കു​ക​യും ആരാധി​ക്ക​പ്പെ​ടാൻ കൊതി​ക്കു​ക​യും ചെയ്‌ത​വ​നാണ്‌. (2 കൊരി​ന്ത്യർ 2:11; 4:4) ദൈവം അവനെ തന്റെ സ്വർഗീയ കുടും​ബ​ത്തിൽനിന്ന്‌ പുറത്താ​ക്കു​ക​യും നാശത്തി​നാ​യി വിധി​ക്കു​ക​യും ചെയ്‌തു.—ഉല്‌പത്തി 3:15; റോമർ 16:20.

കുടി​ല​നാ​യ ഫാക്ടറി മാനേ​ജരെ പോലെ, ഈ ‘ഭോഷ്‌കി​ന്റെ അപ്പനും’ തന്റെ കോപം തീർക്കു​ന്ന​തിന്‌ ഗൂഢരീ​തി​ക​ളു​ടെ ഒരു ആയുധ​ശേ​ഖരം ഉപയോ​ഗി​ക്കു​ന്നു. അവൻ യഹോ​വ​യാം ദൈവത്തെ വെറു​ക്കു​ക​യും അവന്റെ സൃഷ്ടിയെ നശിപ്പി​ക്കാൻ ആഗ്രഹി​ക്കു​ക​യും ചെയ്യുന്നു. (യോഹ​ന്നാൻ 8:44) സാത്താന്റെ ഏറ്റവും ശക്തമായ ഉപകര​ണങ്ങൾ വ്യാജ​പ്ര​ച​രണം, അത്യാർത്തി, ഭൗതി​ക​ത്വ​ചി​ന്താ​ഗതി, ദ്രോ​ഹ​പ​ര​മായ മതപഠി​പ്പി​ക്ക​ലു​കൾ എന്നിവ​യാണ്‌. ഇവയു​പ​യോ​ഗിച്ച്‌ അവൻ “ഭൂതലത്തെ മുഴുവൻ തെററി​ച്ചു​ക​ളയു”കയും ഭൂമി​യു​ടെ സൂക്ഷി​പ്പു​കാ​രാ​യി​രി​ക്കാൻ ഉദ്ദേശി​ക്ക​പ്പെട്ട മനുഷ്യ​രെ അതിന്റെ ഏറ്റവും നിർദ​യ​രായ വിനാ​ശ​ക​രാ​ക്കി, ഫലത്തിൽ “യഹോ​വ​യ്‌ക്കെ​തി​രെ നായാട്ടു വീരനായ” പുരാതന നി​മ്രോ​ദി​ന്റെ ശിഷ്യ​ന്മാ​രാ​ക്കി, മാറ്റു​ക​യും ചെയ്‌തി​രി​ക്കു​ന്നു.—വെളി​പ്പാ​ടു 12:9, 12; ഉല്‌പത്തി 1:28; 10:9, NW.

ഒരു ഭൗമിക സങ്കേത​സ്ഥാ​നം സംബന്ധിച്ച വാസ്‌ത​വി​ക​മായ ഒരേ​യൊ​രു പ്രത്യാശ

എന്നിരു​ന്നാ​ലും, നാശത്തി​നി​ട​യാ​ക്കുന്ന മാനു​ഷി​ക​വും അമാനു​ഷി​ക​വു​മായ ശക്തിക​ളു​ടെ​മേ​ലുള്ള വിജയം സാധ്യ​മാണ്‌. സകല ജീവജാ​ല​ങ്ങ​ളു​ടെ​യും സർവശ​ക്ത​നായ സ്രഷ്ടാ​വിന്‌ നമ്മെ ഈ ഭയങ്കര പ്രതി​സ​ന്ധി​യിൽനി​ന്നു രക്ഷപ്പെ​ടു​ത്താൻ കഴിയും. തന്റെ സ്വർഗീയ ഗവൺമെന്റു മുഖാ​ന്തരം താനതു ചെയ്യു​മെന്ന്‌ അവൻ വാഗ്‌ദാ​നം ചെയ്‌തി​ട്ടുണ്ട്‌. ഭൂമിയെ നശിപ്പി​ച്ചു​കൊ​ണ്ടി​രി​ക്കുന്ന ആ വിനാ​ശ​കരെ നശിപ്പി​ക്കു​മെന്ന്‌ അവൻ വാക്കു തരുന്നു. “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ,” എന്നു പറയു​മ്പോൾ നാമതി​നു​വേ​ണ്ടി​യാണ്‌ പ്രാർഥി​ക്കു​ന്നത്‌.—മത്തായി 6:9, 10; വെളി​പ്പാ​ടു 11:18.

രാജ്യ​ത്തി​ന്റെ വരവ്‌ ദൈ​വേഷ്ടം ഭൂമി​യിൽ നടപ്പാ​ക്ക​പ്പെ​ടു​ന്ന​തു​മാ​യി ബന്ധപ്പെ​ട്ടി​രി​ക്കു​ന്നതു നിങ്ങൾ ശ്രദ്ധി​ച്ചോ? ദൈവ​രാ​ജ്യം ഭൂമിയെ ഭരിക്കുന്ന ദൈവ​ത്തി​ന്റെ ഗവൺമെ​ന്റാ​യ​തു​കൊ​ണ്ടാണ്‌ ഇത്‌. ഒരു രാജ്യ​മാ​യ​തു​കൊണ്ട്‌ അതിന്‌ ഒരു രാജാ​വുണ്ട്‌—“രാജാ​ധി​രാ​ജാ​വും കർത്താ​ധി​കർത്താ​വും” ആയ യേശു​ക്രി​സ്‌തു. (വെളി​പ്പാ​ടു 19:16) അതിനു പ്രജക​ളു​മുണ്ട്‌. വാസ്‌ത​വ​ത്തിൽ, യേശു ഇങ്ങനെ പറഞ്ഞു: “സൌമ്യ​ത​യു​ള്ളവർ ഭാഗ്യ​വാ​ന്മാർ; അവർ ഭൂമിയെ അവകാ​ശ​മാ​ക്കും.” (മത്തായി 5:5) അതേ, ഈ സൗമ്യ​ത​യു​ള്ളവർ അതിന്റെ ഭൗമിക പ്രജക​ളാണ്‌. ദൈവ​രാ​ജ്യ​ത്തി​ന്റെ സഹായ​ത്തോ​ടെ അവർ തങ്ങളുടെ അവകാ​ശത്തെ സ്‌നേ​ഹ​പൂർവം പരിപാ​ലി​ക്കും. അതിനെ ജീവസ്സുറ്റ, തഴച്ചു​വ​ള​രുന്ന ഒരു പറുദീ​സ​യാ​ക്കി​മാ​റ്റി​ക്കൊ​ണ്ടു​തന്നെ. രസകര​മെന്നു പറയട്ടെ, പദ്ധതി ഇങ്ങനെ പറയുന്നു: “മുഴു മനുഷ്യ​വർഗ​ത്തി​നും പ്രകൃ​തി​യു​മാ​യി ഒരു നൂതന യോജി​പ്പിൽ ജീവി​ക്കാൻ സാധി​ക്കു​ന്നെ​ങ്കിൽ മാത്രമേ മനുഷ്യ​രു​ടെ​യും പ്രകൃ​തി​യു​ടെ​യും ഭാവി ഭദ്രമാ​യി​രി​ക്കു​ക​യു​ള്ളൂ.”

ഇന്നത്തെ “മുഴു മനുഷ്യ​വർഗ​ത്തി​നും” പ്രകൃ​തി​യു​മാ​യി അത്തര​മൊ​രു “നൂതന യോജി​പ്പി”ൽ ഒരിക്ക​ലും ജീവി​ക്കാൻ കഴിയു​ക​യി​ല്ലെന്ന്‌ ചരി​ത്ര​വും അപൂർണ മനുഷ്യ പ്രകൃ​തി​യും സൂചി​പ്പി​ക്കു​ന്നു. എന്തു​കൊ​ണ്ടെ​ന്നാൽ അവർ യഹോ​വയെ പുറന്ത​ള്ളി​യി​രി​ക്കു​ന്നു. വാസ്‌ത​വ​ത്തിൽ, ദൈവം ഈ ലോകത്തെ ഇത്ര ദീർഘ​കാ​ലം തുടരാൻ അനുവ​ദി​ച്ച​തി​ന്റെ ഒരു കാരണം മനുഷ്യ​ന്റെ സ്വയം ഭരണത്തി​ന്റെ വ്യർഥത തെളി​യി​ക്കാ​നാ​യി​രു​ന്നു. എന്നാൽ ക്രിസ്‌തു​വി​ന്റെ ഭരണത്തി​നാ​യി കാംക്ഷി​ക്കു​ന്നവർ ഉടൻതന്നെ സമാധാന സമൃദ്ധി ആസ്വദി​ക്കും. യെശയ്യാ​വു 11:9 ഇതിനെ സ്ഥിരീ​ക​രി​ക്കു​ക​യും ഇക്കൂട്ടർക്കു മാത്രം പ്രകൃ​തി​യു​മാ​യി ഒരു “നൂതന യോജി​പ്പിൽ” ജീവി​ക്കാൻ കഴിയു​ന്ന​തി​ന്റെ കാരണം ചൂണ്ടി​ക്കാ​ട്ടു​ക​യും ചെയ്യുന്നു: “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.” (ചെരി​ച്ചെ​ഴു​ത്തു ഞങ്ങളു​ടേത്‌.) അതേ, ദൈവിക വിദ്യാ​ഭ്യാ​സ​മാണ്‌ താക്കോൽ. പ്രകൃ​തി​യു​ടെ ഹേതു​ഭൂ​ത​ന​ല്ലാ​തെ മറ്റാർക്കും അത്തരം ജ്ഞാനം ഉണ്ടായി​രി​ക്കു​ക​യി​ല്ലെ​ന്നു​ള്ളതു ന്യായ​യു​ക്ത​മല്ലേ?

യഹോ​വ​യെ അവഗണി​ക്കു​ന്ന​തിൽ തുടരു​ന്ന​വരെ സംബന്ധി​ച്ചെന്ത്‌? “എന്നാൽ ദുഷ്ടന്മാർ ദേശത്തു​നി​ന്നു ഛേദി​ക്ക​പ്പെ​ടും” എന്ന്‌ സദൃശ​വാ​ക്യ​ങ്ങൾ 2:22 പറയുന്നു. അതേ, അവരുടെ അക്രമാ​സ​ക്തി​യോ നിസം​ഗ​ത​യോ നിമിത്തം, സത്വരം സമീപി​ച്ചു​വ​രുന്ന “മഹോ​പ​ദ്രവ”ത്തിൽ അവർക്കു ജീവൻ നഷ്ടമാ​കും. തന്റെ സൃഷ്ടിയെ സ്വാർഥ​ത​യോ​ടെ ചൂഷണം​ചെ​യ്യു​ക​യും നശിപ്പി​ക്കു​ക​യും ചെയ്യു​ന്ന​തിൽ തുടരുന്ന എല്ലാവ​രു​ടെ​യും കാര്യ​ത്തിൽ നീതി നടപ്പാ​ക്കു​ന്ന​തി​നുള്ള ദൈവ​ത്തി​ന്റെ ഉപാധി​യാണ്‌ അത്‌.—വെളി​പ്പാ​ടു 7:14, NW; 11:18.

ഭൂമി​യു​ടെ പുനര​ധി​വാസ പരിപാ​ടി​യിൽ പങ്കെടു​ക്കാൻ നിങ്ങൾ ആഗ്രഹി​ക്കു​ന്നു​ണ്ടോ? ഉണ്ടെങ്കിൽ ബൈബി​ളി​ന്റെ പഠനത്തി​ലൂ​ടെ, ദൈവം നിങ്ങളിൽനിന്ന്‌ എന്ത്‌ ആവശ്യ​പ്പെ​ടു​ന്നു​വെന്നു ദയവായി മനസ്സി​ലാ​ക്കുക. നിങ്ങളു​ടെ ചിന്താ​ഗ​തി​യെ സ്രഷ്ടാ​വി​ന്റേ​തി​നോട്‌ അനുരൂ​പ​പ്പെ​ടു​ത്താ​നുള്ള കഴിവ്‌ അതിനു മാത്രമേ ഉള്ളൂ. (2 തിമൊ​ഥെ​യൊസ്‌ 3:16; എബ്രായർ 4:12) കൂടാതെ, പഠിക്കു​ന്നത്‌ ബാധക​മാ​ക്കു​ക​വഴി, നിങ്ങൾ ഇപ്പോൾ ഒരു മെച്ചപ്പെട്ട പൗരൻ ആയിത്തീ​രു​മെന്നു മാത്രമല്ല യഹോവ തന്റെ ആസന്നമായ “പുതിയ ഭൂമി”യുടെ ചുമതല ഭരമേൽപ്പി​ക്കുന്ന തരം വ്യക്തി​യാണ്‌ നിങ്ങ​ളെന്നു തെളി​യി​ക്കുക കൂടി​യാ​യി​രി​ക്കും ചെയ്യുക.—2 പത്രൊസ്‌ 3:13.

നിങ്ങളാ​ഗ്ര​ഹി​ക്കുന്ന പക്ഷം, സൗജന്യ ഭവന ബൈബി​ള​ധ്യ​യ​ന​ത്താ​ലോ ഈ വിഷയ​ങ്ങ​ളെ​ക്കു​റി​ച്ചു വിവരി​ക്കുന്ന കൂടുതൽ സാഹി​ത്യ​ങ്ങൾ അയച്ചു​ത​ന്നു​കൊ​ണ്ടോ നിങ്ങളെ സഹായി​ക്കാൻ ഈ മാസി​ക​യു​ടെ പ്രസാ​ധ​ക​രോ നിങ്ങളു​ടെ ഏറ്റവും അടുത്തുള്ള യഹോ​വ​യു​ടെ സാക്ഷി​ക​ളു​ടെ സഭയോ സന്തോ​ഷ​മു​ള്ള​വ​രാ​യി​രി​ക്കും.